اعمل ايه مع جارتى؟؟؟؟؟؟؟؟

[ياقوته 0]

السلام عليكم ورحمة الله وبركاته

 

أخواتى حبيت اخد رايكم فى موضوع وان شاء الله واثقه انكم هتقفو جنبى

 

انا علاقتى بجيرانى محدوده جدا وده لاسباب

 

ومنهم جاره عندها كثير كثير من المخالفات الشرعيه يعنى هى عندها اربع بنات وهى وبناتها متبرجات جدااااااااااااا ومش بيصلو ودايما مشغلين اغانى ومخالفات كتير بصراحه

 

حتى لما شافتنى اول مره فاستغربت انى لابسه النقاب وقالت لى ليه يا بنتى عامله فى نفسك كده !!!!!!!!!!!! دا انتى لسه صغيره

 

وكمان لما عرفت انى بروح تحفيظ قران قالت لى ليه !!!!!!!!!! اه يا يانى اعمل ايه بس

 

من كم يوم يمنى بنتى عمرها 8 شهور تعبت اوى واحتاجت تاخد حقن فرحت للست دى بقيت اروح لها مره الصبج ومره بالليل

 

والنهارده الصبح لقيت الست دى بتسالنى انتم عندكم كمبيوتر قلت لها اه قالت لى ونت ؟؟؟؟؟؟؟ قلت لها اه

 

قالت لى طيب خلاص متجيش وانا هجى اعطى ليمنى الحقنه عشان اقعد ع النت اصل كان عندى نت وشلناه

 

وهبقى اجيلك بقه طالما عندك نت عشان اقعد عليه

 

قولولى اعمل ايه يا بنات

 

انا مش عايزه الست دى تاخد على بيتى خااااااااااااااااااالص ولا تيجى عندى اصلا

 

اعمل ايه خايفه اوى وانا زوجى مسافر ومحبش اعرض نفسى لامور زى دى وكمان معرفش حدودها ايه ع النت لانهم منفتحين اوى ومعندهم حرام ولا كده

 

قولولى بسرعه الله يكرمكم لانها المفروض انها تيجى بالليل

تم تعديل 8 فبراير, 2010 بواسطة ياقوته

[ريحانه عبد الرحمن 102]

بصى لو والدتك موجوده أو والدة زوجكى ممكن تروحيلها النهارده و عرفى الست إن إنتى مش موجوده ولو فى صيدليه أو مستشفى قريبه ودى بنتك ربنا يحفظهالك تأخذ الحقن فيها وعرفى الست إن إنتى بتوديها لدكتور وخلاص على كده

وعرفيها وقوليلها زوجى ميعرفش إنك هتيجى وإنك مينفعش تعملى حاجه وزوجك ميعرفش

 

بصى ده بصراحه رأيى لكن متدخليهاش عندك علطول كده

 

ممكن تكون جواها كويسه وكل حاجه لكن لو مش كويسه هتعملى إيه

 

مش مشكله لوزعلت حتى لو قلتى لها لأ لكن الأهم إنك تحافظى على نفسك وعلى بيتك

ولو تعبتى دلوقتى شويه ووديتى بنتك تاخد الحقنه فى أى حته هترتاحى بعدين

 

 

لعلنى افدتكى وان شاء الله ربنا يرشدك

 

طمنينى عملتى ايه

[~ أم العبادلة ~ 1903]

بسيطة جدا

 

افصلي سلك النت ولا تشغليه أبدا إلا وقت استعمالك ولما تيجي قوليلها النت مفصول وافضلي على كده لغاية ما هي تفهم لوحدها

[ياقوته 0]

حبيبتى ريحانه ....جزاك الله خيرا لكن بصاحه انا مكسوفه اقوله كده واصدها بشكل مباشر كده وخلى بالك صعب انى اكون رحت عندها وامنعها من الدخول عندى بدون سبب ( من وجهة نظرها يعنى )

وفعلا انا خايفة اوى ادخلها عندى

 

أمة الرحمن ........ حبيبتى انا فعلا فكرت فى الحل ده بس خايفة انى كده اكون بكذب عليها لكن يعلم ربى انى بدفع عنى ضرر انا متاكده منه

 

وكمان المشكله انها سالتنى انتى موصله النت منين فقلت لها

 

قمت قالت لى اعوذ بالله منهم ........ قلت ليه بس دول ناس محترمين جدا وذوق خالص وانا بصراحه مشفتش منهم حاجه وحشه

 

قالت لى النت بيفصل ........ قلت لها لا خالص دا ممتاز

 

شفتو بقه الى انا عملته فى نفسى مكنتش اعرف الى فيها

 

................................................................................

....

 

انا بفكر استغل فرصة ان الجو هوا وكده وافصل النت واقولها انهم فصوله عشان الهوا جامد والكهرباء مش مضمونه فخافين ع الجهاز الى عندهم

 

او ابعت اقولها اننا خلاص مش هناخد باقى الحقن واننا رايحين عند مامتى

 

برده كذب وانا خايفه اكذب خايفه من ربنا

 

مش عارفه انا خايفه اوى وحاسه ان ده خطر بيهددنى

 

وكمان عايشه لوحدى خالص ومامتى فى بلد تانيه

[~ أم العبادلة ~ 1903]

يا حبيبة اقتراحي لم يكن فيه كذب

أنت ستقولي أن النت مفصول وسيكون فعلا مفصول وستكون نيتك أنك أنت من فصلتيه في حين ستفهمه هي أن الناس هم اللي فصلوه

 

وبالتالي لا أعلم أين الكذب هنا

[أختكم آيات 1]

السلام عليكم ورحمة الله وبركاته،،

انارأىى برضو انك ماتدخليها شانتى ما تضمنيهاش انتى روحى عند والدتك وادى بنتك الحقنه فى اى صيدلية وممكن انتى تتعلمى ضرب الحقن ده سهل انا اتعلمت من جوزى وجوزى اتعلم من اخوه دى سهله مش مشكله لو اتعلمتيها وما تحتاجيش حد

وممكن بعد كده تحاولى تنصحيها بكتيبات شرايط يمكن تهتدى هى وبناتها ويبقى فى ميزان حسناتك

[ام مصعب ان شاء الله 0]

السلام عليكــم ورحمـة الله وبركاتــة ،،ياقوته صح كلام الاخوات مدخلهاش وتجنبيها عشان متجبيش لنفسك مشاكل ربنا معاكى وابقى طمنينا

[ام رميساء و جنى 16]

عملتي ايه يا ياقوتة طمنينا