بنات ،، تيجوا نحط شــعــرنــا على شـعـر بعض ،،،؟؟؟

[امة الله ش 9]

السلام عليكــم ورحمـة الله وبركاتــة ،،

 

 

 

إزيكم يابنات وياستات

 

وأنا فى الساحة هنا جاتلى فكرة مجنونة شوية

 

وهى إننا نحط شعرنا على شعر بعض

 

إيه رأيكم ؟؟

 

صدقونى فى الآخر هيطلع شعر تحفة

 

ماتخفوش أوى كده يالى شعركم ناعم مش هناخدوه منكم

 

إحنا بس هنحط خبراتنا وتجاربنا مع شعرنا على بعض

 

خلينا كلنا نستفاد وندردش عن أحوال شعورنا :mrgreen:

 

يعنى اللى استخدمت وصفة حلوة أو مش حلوة تقولنا عليها

 

مثلا الاستشوار ومشاكله وفوايده

 

المكواة أنواعها وأضرارها

 

اللى عندها نوع مكواه أو استشوار كويس عايزة تنصحنا بيه مثلا

 

عروسة مثلا بتجهز أدوات شعرها تيجى معانا

 

كده يعنى

 

إيه رأيكم ؟؟

 

بدأت أنا وبعض الأخوات فى النقاش حول الإستشوار

 

هــــــنــــــا

 

لكن لقيت الموضوع أصبح جميل والأخوات عندهم خبرات جميلة

 

وحبيت الموضوع أوى

 

فقلت نتناقش هنا أفضل ليكون الموضوع عاما

 

وليس للإستشوار فقط

 

أنتظركن

تم تعديل 3 مارس, 2010 بواسطة **فدوى**

[**حنين للجنة** 16]

جزاكِ الله خيرا يا غالية

ان شاء الله نفيد ونستفيد

 

عندى سؤال عايزة اشترى مكواة سيراميك اجبها نوع اية؟؟؟ وهل ليها اضرار واضرارها اية؟؟؟

 

انا عندى سشوار فيليبس وما شاء الله حلو اووووووووووى وسهل جدا فى الاستخدام

[دانة الاسلام 38]

 

عايزة وصفة ماتخليش الشعر يقع

 

اكلة معينة

 

زيت معين

[**نحو غدٍ أفضل** 15]

ما شاء الله مستنية وصفاتكم موضوع جميل

 

مشكلتى فعلاً شعرى الحمدلله ناعم بس فيه كسرة زى شعر المصريين

 

مش رادى يتفرد خالص

 

علفكرة يا بنات زيت الزيتون متهيألى مبيعملش حاجة مش الشعر جربته كذا مرة و مفيش فايدة

 

نصيحة أوعوا تحطوا ثوم فى شعركم قريت وصفة قبل كدا فيها ثوم جربتها

 

أولاً ولا عملت حاجة فى شعرى

 

ثانياً بجد كنت هموت من القرف غسلت شعرى ميت مرة و رحته كانت يع ..........

 

طبعاً شكلى كدا لما أتجوز مش هقدر استغنى عن السشوار

 

أنا عندى باناسونيك إللى بأيد و معاه فرشة و كام حاجة كدا

 

بس لسة مستعملتوش شايلاه فى الجهاز عقبال عندكم ههههههه

 

إيه رأيكم فيه ؟

[امة الله ش 9]

السلام عليكــم ورحمـة الله وبركاتــة ،،

 

أم محمد حسان أهلا بيكى ياقمراية

 

بالنسبة للمكواة أنا عندى نوع إسمه بيبى ليس baby less

 

هى جميلة جدا هجيبلكم صورتها إن شاء الله

 

هى بحوالى 220 جنية مصرى

 

فى نفس النوع بس ب 500 بيقولوا عنها إنها أحلى وبتنعم الشعر أكتر

 

بس ديه برضوا حلوة مقضية الغرض معايا بتنعم الشعر خالص

 

وبالنسبة لاضرارها

 

هى أكيد مش زى المكواة العادية اللى بالنار لأ أضرارها أقل

 

بس برضوا ما تستخدمهاش كتير

 

يعنى مثلا مرة فى الشهر كده

 

وأنا بستخدمها بعد السشوار بس هى كمان بتعمل الشعر مبلول

 

بس عشان الشعر ما يجهدش استشورى الأول .

 

لى عودة للباقى بإذن الله

[امة الله ش 9]

بالنسبة للسشوار فيلبس فبيقولوا عليه حلو أوى صحيح أم محمد ؟؟

 

هوه كام وات وصناعة إيه ؟؟

 

ياريت لو عندك صورته تحطيهالنا

 

دانة الإسلام بصراحة مشكلة سقوط الشعر ده مش عارفة أحلها خالص :biggrin:

 

ورحت كشفت قبل كده الدكتورة كتبتلى شوية فيتامينات كده واسبراى للشعر وحاجات كده

 

بس مفيش حاجة جابت معايا نتيجة

 

بس ممكن يكون لإنى ما واظبتش على الفيتامينات

[امة الله ش 9]

نحو غد أفضل ،،

 

بالنسبة لكسرة الشعر أنا مش خبيرة يعنى ولا دكتورة

 

بس بجد سمعت كتير جدا من دكاترة زى دكتورة دينا الجارم اللى فى قناة الخليجية :

 

إن اللى شعرها خشن مثلا مش هينفع يتحول ويكون ناعم ده مستحيل

 

بس ممكن بس يكون رطب وطرى ونحافظ على عدم تساقطه والقشرة وكده

 

يعنى مثلا شعرك فيه كسرة فمش هينفع تتفرد ولو فى أشياء تفرده بتكون مضره جدا للشعر بيكون فيها كيماويات

 

وبعدين ديه الكسرة اللى فى شعر المصريين ديه جميلة يابنتى

[امة الله ش 9]

على فكرة نحو غدا أفضل ،،

 

شوفى كده الإستشوار اللى فى الموضوع ده https://akhawat.islamway.net/forum/index.ph...240442&st=0

 

هوه ده بتاعك ؟؟

 

ولى تجربة مع الثوم بس هقولها فى الرد الجاى إن شاء الله

[سجدة55 18]

ماشاء الله الموضوع رائع خصوصا ان شعري باز خالص بس انا عندي اسباب غصب عني تخلي شعري مش صحي

 

منها القلق الكتير و العصبية و الانيميا الله المستعان يعني ما فيش امل بس باسوشره و بيبقى حلو الحمد الله

 

مع اني و انا لحد 12 سنة كان شعري ناعم زي الحرير و بقصة دايما و فارداه لكن كثر القص و ابتديت العب فيه بوزته خالص

 

الحمد الله بس دلوقتي باعوضه في شعر بنتي

[ام مريم ويحيى 136]

اخواتى الحبيبات

 

موضوع طبعا ممتاز

 

الحقيقه يا اخواتى الحبيبات انا لسه جايبه استشوار جديد يعنى من اسبوع تقريبا

 

المهم يا حبيباتى انا ما عنديش اى خبره فى استعمال الاستشوار واول مره استعمله

 

اول مره استعملته ما حطتش عليه ولا زيت ولا كريم وطبعا بعد الاستشوار نشف خاااااااالص

 

وبعدين نصحتنى حبيبتى رحيل القمر وقالت لازم احط عليه زيت شعر قبل الاستشوار

 

بس الحقيقه انا برده مش راضيه عن النتيجه مع العلم ان شعرى ناااعم الحمد لله بس خفيف

 

ياريت يا حبيباتى اللى عندهم خبره فى الاستشوار يفيدونى ويمكن انا اللى مش عارفه استعمل الاستشوار ؟؟؟؟

 

يلا يا حبيباتى عاوزه نصايحكم الحلووووووه

[رحيل القمر 1]

ازيك يا سوسو

انا وراكى وراكى اسالك جربتى الزيت قبل السشوار ولا ايه الموضوع

عشان يطلع حرير قسمى اربع تربع وكل ربع 2 او 3 وبعدين وهو ناشف جيبى كوباية فيها ماء +زيت

بلى بلماء وبعدين ادهنى واستشورى القسم الواحد كذا مرة يعنى عيدى عليه مرات ومرات

وبعدين انتقلى للجزء الثانى لغاية اما تخلصى الربع وبعدين عيدى على الربع مرة كمان وهاكذا فى كل الارباع

 

نسيت اسالك استشوارك بفرشه والا لا؟

لو بفرشه هيبقى سهل عليكى جربي وقولى لى

اختك رحيل القمر

[ام الاشبال 3]

السلام عليكــم ورحمـة الله وبركاتــة ،،

 

موضوع جد راااااائع واكيد هنستفيد بيه كلنا

 

 

جزاك الله خيرا يا شوشو اثابك الله ونفع بك

[**نحو غدٍ أفضل** 15]

نحو غد أفضل ،،

 

بالنسبة لكسرة الشعر أنا مش خبيرة يعنى ولا دكتورة

 

بس بجد سمعت كتير جدا من دكاترة زى دكتورة دينا الجارم اللى فى قناة الخليجية :

 

إن اللى شعرها خشن مثلا مش هينفع يتحول ويكون ناعم ده مستحيل

 

بس ممكن بس يكون رطب وطرى ونحافظ على عدم تساقطه والقشرة وكده

 

يعنى مثلا شعرك فيه كسرة فمش هينفع تتفرد ولو فى أشياء تفرده بتكون مضره جدا للشعر بيكون فيها كيماويات

 

وبعدين ديه الكسرة اللى فى شعر المصريين ديه جميلة يابنتى

 

يعنى مفيش أمل يتفرد :closedeyes:

 

أنا بعد ما بغسل شعرى بحط عليه كريم و بلفه طاقية لما بينشف بيتفرد

 

بس أنا كل شوية هلفه و كمان بياخد وقت طويل كنت عايزة طريقة أسرع

 

جزاك الله خيراً يا شيماء

 

على فكرة نحو غدا أفضل ،،

 

شوفى كده الإستشوار اللى فى الموضوع ده https://akhawat.islamway.net/forum/index.ph...240442&st=0

 

هوه ده بتاعك ؟؟

 

ولى تجربة مع الثوم بس هقولها فى الرد الجاى إن شاء الله

 

 

أيوه هو دا السشوار بتاعى بالظبط و تايلاندى بردو

 

ثووووووووووووووم تانى متفكرنيش

 

ربنا يخليكى يا قمر على الرد

 

جزاك الله خيراً

[امة الله ش 9]

السلام عليكــم ورحمـة الله وبركاتــة ،،

 

أهلا بيكم يا أخوات بجد منورين الموضوع

 

ويالا عايزين إجابات منكم إنتم كمان

 

الــــــــــــــــــــــــــــثـــــــــــــــــــــــــــــوم

 

أنا خايفة لحسن نحو غدا أفضل تضربنى :mrgreen:

 

بس هقول التجربة

 

بجد هى عندها حق من حيث إنه مقرف جدا وصعب وريحته مش بتروح حتى لو غسلتى شعرك 100 مرة

 

لكن والله العظيم لو استعملتى طريقته صح مفيش أى حاجة فى اللى جربته جاب نتيجه زى الثوم

 

روووووووووووووووووووووعة

 

بغض النظر عن ريحته

 

بيطول الشعر بطريقة فظيعة جدا فى 6 أسابيع بس

 

هى عبارة عن دورة لمدة 6 شهور بس تستحملى الريحة شوية وبعدين خلاص مش هتستخدميه تانى

 

بتدقى كام ثومه كده كويس وتحطى على النار مجموعة متساوية من زيت السمسم والزيتون والخروع

 

هى مجموعة زيوت كده بتكون جاهزة من عند العطار

 

وتحطي مقدار على قد حمام زيت على النار ثوانى يدفى بس

 

وبعدين تضيفى عصارة الثوم اللى دقتيه

 

العصارة بس ممكن تحصلى على العصارة بواسطة المصفاة بإنك تحطى الثوم فيها وتضغطى بإيدك جامد هينزل العصارة

 

وبعدين تحطى الزيت بالثوم على مفارق شعرك وتغطيه لمدة 8 ساعات

 

يعنى أحسن تنامى بيه

 

مرة فى الإسبوع

 

والإسبوع اللى بعديه تعملى نفس الموضوع لكن شرط فى نفس اليوم

 

لمدة 6 أسابيع وبعدها شوفى النتيجة

 

هتلاقى طول فى الشعر وكل شعرك اللى كان متقصف هيطول ويطلع الشعر المتساقط

 

بيقولوا لو استمرتى كذا دورة شعرك مش هيقع

 

بس بصراحة مقدرتش أستحمل غير دورة واحدة بس

 

بس نصيحة

 

اللى متجوزة متعملش الموضوع ده لإن جوزها هيطفش أو ......

 

أنا عملتى مع أهلى واستحملوا

[**نحو غدٍ أفضل** 15]

جزاك الله خيراً يا شيماء

 

بس أنا الحمدلله مش عايزة أطول شعرى عايزة أقصه

 

بالمناسبة أنا إن شاء الله هتجوز فى أول شهر 7

 

فكنت عايزة أقص شعرى قصه يكون شكلها حلو

 

فكرت فى الديجراديه

 

عندك أفكار قصات حلوة

 

و كمان عايزة أستشيرك أقصه امتى بالظبط فى أول 6 ولا نص سته

 

و جزاك الله خيراً

تم تعديل 3 مارس, 2010 بواسطة **نحو غدٍ أفضل**

[رحيل القمر 1]

حبايبى كلكم منورين قوى

الف الفين مبروك

وبالنسبة للتوم مرسي ياامة الله ويا غد متزعليش فيه حمام كريم بالتوم نفس النتيجة وريحتة معطره

وقصى شعرك قبلها باسبوع عشان مايطولش وشكلها يخرب

ولما تروحى الكوافير هتديكى ابلوم صور لقصات وانتى اختارى

سلام وتحيه لكم جميعا

اختكم رحوله

[**حنين للجنة** 16]

انا اسفة استشوارى طلع براون موش فيليبس انا اتلخبطت فيليبس اللى عند ماما

هو 1000وات وحقيقى ما شاء الله رااائع

 

معلش سؤال حبيبتى شيماء هو المكواة السيراميك لازم اعمل قبلها سشوار يعنى ماينفعش اعملها على طول؟؟

 

ايمان انا عندى نفس مشكلتك شعرى ما شاء الله ناعم بس بردوا فى الكسرة دى بتخنق منها موووووووووت وحاولت كتير معاها بس مافيش فايدة يارب نلاقى حل مع بعض

 

بالنسبة لموضوع الثوم دة مستحيل استعملة اولا بكرهوة ثانيا موش عايزة اطفش زوجى

 

دى صورة استشوارى

هو ممكن يستخدم بالبخار بس مابعرفش ازاى فايريت لو حد يعرف يفدنى

[**حنين للجنة** 16]

حبيبتى ايمان ما شاء الله لا قوة الا بالله ربنا يتمملك على خير ويسعدك

بالنسبة للدجرادية شكلى بيكون حلو اوى بية انا شعرى ولا طووويل ولا قصير وبيكون جميل اوى فى الشعر

ان شاء الله تبقى احلى عروسة

[ام مريم ويحيى 136]

اختى الحبيبه رحيل القمر

بصى انا بعد ما غسلت شعرى حطيت عليه زيت الشعر وبعدين عملت له استشوار طبعا طلع احسن من الاول بس برده انا مش راضيه عن النتيجه

بالنسبه لنوع الاستشوار طبعا زى ما قلت لك ان زوجى حب يعملى مفاجأه فنزل طبعا واشترى لى وبما انه مالوش فى الحاجات دى ولا فى انواع الاستشوارات

فعمل ايه الباشمهندس اشترى استشوار عادى من غير فرشه نوعه ايطالى وبعدين اشترى واحد تانى بفرشه صينى وكان فاكر الاستشوار التانى ده مجموعة فرش

ما يعرفش ان ده كمان استشوار ههههههههههههههه

طبعا انا استعملت الاستشوار التانى اللى هو بفرشه ولما قلت له مش كنت تقولى انك هتشترى الاستشوار عشان اكون معاك واختار اللى انا عاوزاه

زعل وقال يعنى انا الحق عليا انى حبيت اعملك مفاجأه

معلش حكيت لكم حكايه ما لهاش لازمه بس يلا ادينا بنرغى رغايه انا صح ههههههههههههههه

انا هعمل زى ما قلتى لى يا رحيل وهجرب المايه اللى عليها الزيت واقولك على النتيجه

فى انتظار نصايحكم يا احلى اخوات

[**نحو غدٍ أفضل** 15]

حبايبى كلكم منورين قوى

الف الفين مبروك

وبالنسبة للتوم مرسي ياامة الله ويا غد متزعليش فيه حمام كريم بالتوم نفس النتيجة وريحتة معطره

وقصى شعرك قبلها باسبوع عشان مايطولش وشكلها يخرب

ولما تروحى الكوافير هتديكى ابلوم صور لقصات وانتى اختارى

سلام وتحيه لكم جميعا

اختكم رحوله

 

الله يبارك فيكى يا قمر

 

إن شاء الله هعمل بنصيحتك

 

 

 

انا اسفة استشوارى طلع براون موش فيليبس انا اتلخبطت فيليبس اللى عند ماما

هو 1000وات وحقيقى ما شاء الله رااائع

 

معلش سؤال حبيبتى شيماء هو المكواة السيراميك لازم اعمل قبلها سشوار يعنى ماينفعش اعملها على طول؟؟

 

ايمان انا عندى نفس مشكلتك شعرى ما شاء الله ناعم بس بردوا فى الكسرة دى بتخنق منها موووووووووت وحاولت كتير معاها بس مافيش فايدة يارب نلاقى حل مع بعض

 

شكل الحل الوحيد هو السشوار و أمرنا لله

 

 

بالنسبة لموضوع الثوم دة مستحيل استعملة اولا بكرهوة ثانيا موش عايزة اطفش زوجى

 

 

ممكن بدل الثوم نستخدم زى ما قالت رحيل القمر حمام كريم بالثوم إن شاء الله يبقى أفضل

 

 

دى صورة استشوارى

هو ممكن يستخدم بالبخار بس مابعرفش ازاى فايريت لو حد يعرف يفدنى

 

بصراحة معرفش إن شاء الله الأخوات يفيدونا

 

حبيبتى ايمان ما شاء الله لا قوة الا بالله ربنا يتمملك على خير ويسعدك

بالنسبة للدجرادية شكلى بيكون حلو اوى بية انا شعرى ولا طووويل ولا قصير وبيكون جميل اوى فى الشعر

ان شاء الله تبقى احلى عروسة

 

الله يخليكى يا جيجى

 

أنا كمان شعرى لا طويل و لا قصير لما بيطول بيبقى خفيف أوى و شكله وحش

 

أنا عجبانى الدجراديه و هى فعلاً بيبقى شكلها حلو إن شاء الله هعملها

 

الله يبارك فيكى حبيبتى

[امة الله ش 9]

ماشاء الله الموضوع رائع خصوصا ان شعري باز خالص بس انا عندي اسباب غصب عني تخلي شعري مش صحي

 

منها القلق الكتير و العصبية و الانيميا الله المستعان يعني ما فيش امل بس باسوشره و بيبقى حلو الحمد الله

 

مع اني و انا لحد 12 سنة كان شعري ناعم زي الحرير و بقصة دايما و فارداه لكن كثر القص و ابتديت العب فيه بوزته خالص

 

الحمد الله بس دلوقتي باعوضه في شعر بنتي

معلش سجودة

 

فعلا الأنيميا بتقصر على الشعر جدا

 

بس هى فعلا حبوب الفيتامينات ديه بتحسنوه لو اتواظب عليها ؟؟

 

ده اللى أنا مش عرفاه ياريت لو حد جرب يقول النتيجة

 

اخواتى الحبيبات

 

موضوع طبعا ممتاز

 

الحقيقه يا اخواتى الحبيبات انا لسه جايبه استشوار جديد يعنى من اسبوع تقريبا

 

المهم يا حبيباتى انا ما عنديش اى خبره فى استعمال الاستشوار واول مره استعمله

 

اول مره استعملته ما حطتش عليه ولا زيت ولا كريم وطبعا بعد الاستشوار نشف خاااااااالص

 

وبعدين نصحتنى حبيبتى رحيل القمر وقالت لازم احط عليه زيت شعر قبل الاستشوار

 

بس الحقيقه انا برده مش راضيه عن النتيجه مع العلم ان شعرى ناااعم الحمد لله بس خفيف

 

ياريت يا حبيباتى اللى عندهم خبره فى الاستشوار يفيدونى ويمكن انا اللى مش عارفه استعمل الاستشوار ؟؟؟؟

 

يلا يا حبيباتى عاوزه نصايحكم الحلووووووه

 

بصى سندسة

 

نشفان الشعر ده عامل أساسى فيه نوع الاستشوار

 

بجانب دهن الشعر زيت طبعا أو كريم قبل الإستشوار زى ما قالتلك رحيل

 

اللى بالفرشاة مش بينشف زى النوع العادى

 

وأنا هقولك خطوات الاستشوار عشان تحصلى على أفضل نتائج1 - اعملى حمام كريم لشعرك قبل الغسيل .

 

2 - اغسليه كويس جدا .

 

3 - حاولى تخليه شوية سايب عشان ينشف كويس يعنى متخليش السشوار ينشفه وهوه مبلول جدا

 

لإن كده هتضرى شعرك أكتر نشفيه الأول بفوطة وبعدين سبيه شوية مثلا نصف ساعة .

 

4 - إدهنى شعرك زيت أو كريم وأحسن حاجة زيت السيروم تحفة .

 

5 - قسمى شعر نصفين الأول وبعدين كل نصف قسميه ثلاثة أفسام مثلا .

 

6 - ابدأى بالسشوار لكن قسمى كمان كل خصلة لخصلات أقل سماكة وعيدى أكثر من مرة مع شد الشعر جدا .

 

7 - كل لما تنتقلى لخصلة أخرى بعد استشوارها عيدى عليها هى واللى استشورتيه قبل كده عشان الهيشان يروح :wub: .

 

8 - ولما تخلصى شعرك كله قسميه 4 أرباع بس وعيدى على كل ربع مرة كمان سريعا .

 

9 - خلاص خلصنا :closedeyes: دلوقتى إدهنيه تانى من الزيت اللى دهنتيه فى الأول .

 

10 - ولو عايزة أطرافه ملولوه لميه كله بتوكة من ورا ولفيه على 3 بكرات .

 

وأى خدمة ياباشا .

 

السلام عليكــم ورحمـة الله وبركاتــة ،،

 

موضوع جد راااااائع واكيد هنستفيد بيه كلنا

 

 

جزاك الله خيرا يا شوشو اثابك الله ونفع بك

 

طبعا رائع مش انا اللى عملاه ولا إيه :lol:

 

جزاك الله خيرا يالولو

[امة الله ش 9]

يعنى مفيش أمل يتفرد

 

أنا بعد ما بغسل شعرى بحط عليه كريم و بلفه طاقية لما بينشف بيتفرد

 

بس أنا كل شوية هلفه و كمان بياخد وقت طويل كنت عايزة طريقة أسرع

 

جزاك الله خيراً يا شيماء

 

أيوه سيبكوم بقة من كل ده بجد أحلى حاجة الطقية

 

خاصة للى شعرهم زيك

 

الطريقة الأسرع بقة هى السشوار

 

يعنى ممكن تعملى اسبوع طقية واسبوع سشوار هنعمل إيه بس :closedeyes:

 

جزاك الله خيراً يا شيماء

 

بس أنا الحمدلله مش عايزة أطول شعرى عايزة أقصه

 

بالمناسبة أنا إن شاء الله هتجوز فى أول شهر 7

 

فكنت عايزة أقص شعرى قصه يكون شكلها حلو

 

فكرت فى الديجراديه

 

عندك أفكار قصات حلوة

 

و كمان عايزة أستشيرك أقصه امتى بالظبط فى أول 6 ولا نص سته

 

و جزاك الله خيراً

 

ماشاء الله ياقمر اللهم بارك

 

اللهم بارك لكما وبارك عليكما واجمع بينكما فى خير .

 

مادام إنت شعرك خفيف يبقى الديجراديه جميل

 

بس يعنى أنا لو مكانك هقصه قبل الفرح بأيام بسيطة جدا

 

عشان فى الحنة والفرح يكون شكلك مختلف

 

قصدى شكلك أمام النساء طبعا

 

ومش عارفة إنتى عاقدة ولا لسه

 

بس لو عاقدة وزوجك شاف شعرك يبقى برضوا أحسن تغيرى من إستيله قبل الفرح على طول عشان تكون مفاجأة

 

ولا إيه رأيك ؟

[بنوته مسلمه مصريه 458]

السلام عليكم ورحمة الله وبركاته

جزاك الله خيرا أمة الله

أنا بقى مشكلة شعرى أنه خفيف

وكل الشامبوهات اللى عرفاها كلها مقاطعه

مش عارفه استخدم نوع شامبو كويس لشعرى

ياريت لو حد يعرف نوع كويس وموجود فى مصر يقولى

[امة الله ش 9]

معلش سؤال حبيبتى شيماء هو المكواة السيراميك لازم اعمل قبلها سشوار يعنى ماينفعش اعملها على طول؟؟

 

بصى أنا المكواة اللى عندى رغم إن هى ممكن تستعمل على الشعر المبلول والناشف

 

يعنى ممكن استغنى عن الاستشوار

 

بس أنا مش بفضل كده

 

جربتوه كان حلو برضوا

 

بس بحس إن كده بجهد شعرى جامد جدا

 

برضوا مهما كان حرارة المكواة مرتفعة كتير عن السشوار

 

ولو خليت المجهود كله على المكواة شعرى هيبوظ زيادة وهوه مش ناقص :closedeyes:

 

وبعدين أفضل النتائج لما تعملى سشوار الأول بيكون زى الكوافيرة بالضبط

 

 

 

زعل وقال يعنى انا الحق عليا انى حبيت اعملك مفاجأه

 

كده ياسندسة سديتى نفس الراجل ياشيخة الله يسامحك

 

هومه كده الستات

 

الراجل يعمل ويعمل ويعمل

 

والآخر الست تقوله ما رأيت منك خيرا قط :wub:

 

مش كتر خيره ياشيخة

[امة الله ش 9]

 

أم محمد حسان استشوارك جميل اللهم بارك

 

استعماه قريب كتير من بتاعى .

 

بالنسبة للمكواة اللى عندى ده شكلها