بنات ،، تيجوا نحط شــعــرنــا على شـعـر بعض ،،،؟؟؟

[أمة أرحم الراحميين 0]

السلام عليكــم ورحمـة الله وبركاتــة ،،

 

موضوع جميل يا شوشو

 

تستاهلى هدية

 

بس ازاى بتتوضى مع السشوار

[ام مريم ويحيى 136]

دره

شكرا ليكى على نصايحك الحلوه

 

وانا هدور على حمام الكريم هنا فى السعوديه ويارب الاقيه

[رحيل القمر 1]

مرسى على المعلومات الجميله

عندى كذا سؤال بس مكسوفه احطهم لحسن تقولو عليا رخمة وغلسة بس عشان انا بحبكم كلكم

هحطهم

كام مرة اغسل شعرى فى الشهر؟

اصل حد يقولى كل يومين واللى يقول مرتين فى الشهر نفسي تفدونى

شامبو كلير ضد القشره بيفيد فى التساقط ؟ولا لا؟شعر كان غزير بشكل رهيب ودلوقتى بيوقع بالهبل بس انا راضيه لان الرضا حلو

بصى ياسندسة انا فى السعوديه ذيك والسيروم موجود فى الصيدلية وكمان متوفر بانواع كتيره جدا وكمان حمام الكريم انواع رهيبة

واناشعرى كان خشن مش قوى بس مش ناعم وحمام الكريم خلاه ناااعم

كل اللى يشوف شعرى يقول الشعر الخشن فين؟

وشكر ربنا على نعمة الشعر لاننا لوشكرنا ربنا هيزدنا (ولآن شكرتم الازيدنكم ) جربى الشكر احسن علاج

احبكم فى الله تقبلو مرورى التقيل هههه

[oum ismail 0]

شكرا غدو على اهتمامك وردك

 

معلش بتقل عليكو اصل الصيف داخل وشعرى بينشف فى الحر

 

وفرصة الموضوع اتفتح

 

مفيش تعب ولا حاجة

 

أسألى براحتك مفيش مشاكل خالص

 

السلام عليكم ليه مابتستعملي زيت الحبة السوداء أحسن شيء للشعرنصيحة ليك أختي .

[oum ismail 0]

 

عايزة وصفة ماتخليش الشعر يقع

 

اكلة معينة

 

زيت معين

السلام عليكم ليه مابتستعملي زيت الحبة السوداء أحسن شيء للشعرنصيحة ليك أختي .

[oum ismail 0]

السلام عليكم ليه مابتستعملي زيت الحبة السوداء أحسن شيء للشعرنصيحة ليك أختي .

[ـ أم جنـان ـ 3]

بارك الله فيك أختي على الموضوع

 

أريد أن أسأل الأخوات اللاتي يستعملن السشوار

ماذا عن ماء الوضوء؟

[**نحو غدٍ أفضل** 15]

انا عن نفسى محبش الزحمة والحاجات الكتير

 

وانتى كمان باذن الله هتخرجى معاه هتشوفى حاجه تعجبك كده يعنى

 

او حاجة تانية ,,,,,,, باذن الله يحص حمل ولبسك اكيد هيختلف فحاولى تجيبى طقمين تلاته بالكتير او بنطلون جينز وعليه كام بادى مختلفين

 

ولو انتى من القاهرة فى فى شارع الشواربى جلاليب مقابله جميييله واسعارها حلوة مش غاليه

 

وجبتى الشنط والشوز ولا لسه

 

أنا الحمدلله كدا خلاص خلصت اللبس مش هشترى تانى

 

لسة الجزم و الشنط مجبتش حاجة كان فى محل تركى جميل أوى نسيت أسمه ناوية أشترى منه إن شاء الله

 

جزاك الله خيراً يا أم الأشبال

 

ايمى ربنا يتمم لك على خير يا قمر

 

وزى ما فالت ام الاشبال خالى بالك من مقاسات اللبس لان بصراحه اول ما اتجوزت كنت جايبه اللبس يادوب على قدى وبعد الجواز مع انه لسه لم يرزقنى الله بأطفال الا انى تخنت شويه وفى لبس مش عارفه البسه خصوصا البرمودات اللى كنت جايباه يادوب

عشان كده حطى فى بالك ان ان شاء الله ربنا يرزقك بأطفال وتتخنى شويتين

ربنا يبارك لك يا قمر ويتمم لك بالف خير

 

الله يبارك فيكى يا سندسة

 

الحمدلله عملت حسابى

[امة الله ش 9]

بالذات الاستشوار والكريم بديل الزيت

 

وحمام الكريم

بصراحه انا مش جيباه من مصر مش عارفه موجود هنا ولا لأ هسألك

 

اه ياريت تسألى على اسمه لو موجود هجيبه مع إسبيشيال إن شاء الله

 

وهسأل عن كريم بديل الزيت ده عشان السشوار

 

السلام عليكــم ورحمـة الله وبركاتــة ،،

 

موضوع جميل يا شوشو

 

تستاهلى هدية

 

بس ازاى بتتوضى مع السشوار

 

ده ليه ياقمر :oops:

 

ربنا يخليكى يارب جوزيتى خيرا

 

بالنسبة للوضوء يا إيمى ويا أم جنان

 

همل إيه أكيد بتوضى مفيش حل لده :smile:

 

بس مش بغسل شعرى يعنى :mrgreen:

 

مسح خفيف بس

 

طبعا بيبوظ السشوار شوية بس مفيش حل

[الساعيه لرضاء الله 0]

بســم الله الـرحمــن الرحيــم

بصراحة موضوع جميل :mrgreen:

جزاكِ الله خيرا حبيبتي أمه الله ش

عندي سؤال غريب شوية :tongue:

هو لازم الواحدة لما تتجوز تستخدم الاستشوار يعني :oops:

أصلي أنا حاتجوز في 7إن شاء الله

وبصراحة مش بعرف أعمل أي حاجه...خيبه خالــــــــــــــص :smile:

أكيد استفدت منكم كتير

ربنا يخليكم ليا يــــــــــــــــــــــــــارب

[ام مريم ويحيى 136]

بصى ياسندسة انا فى السعوديه ذيك والسيروم موجود فى الصيدلية وكمان متوفر بانواع كتيره جدا وكمان حمام الكريم انواع رهيبة

واناشعرى كان خشن مش قوى بس مش ناعم وحمام الكريم خلاه ناااعم

 

شكرا ليكى يا رحيل ربنا يخليكى يا احلى قمر ان شاء الله هبقى انزل اجيبه

 

انتى فين فى السعوديه ؟؟؟؟

 

اه كمان بالنسبه لحمام الكريم انواع ايه اللى ممكن الاقيها بسهوله وتكون انواعها كويسه ؟؟؟؟

 

شكرا لكل اخواتى الحلوات بجد استفدت منكم كتيييييييييير

[ام مريم ويحيى 136]

هو لازم الواحدة لما تتجوز تستخدم الاستشوار يعني

أصلي أنا حاتجوز في 7إن شاء الله

 

ربنا يتمم لك بالف خير يا قمر

 

لا اعتقد ان مش لازم الواحده لما تتجوز تستخدم الاستشوار بس ده بيكون على سبيل التزين للزوج وكمان على سبيل التغيير

 

انا متجوزه من سنتين وشويه واول مره استخدم الاستشوار الايام دى يعنى التغيير كويس

[رحيل القمر 1]

ازيك يا سندوسة وكل الاخوات

 

 

بصى ياسسوسو انتى اول مرة هتستخدمى حمام الكريم ولا ايه ؟ الانواع فى واحد اسمه دريم اسكاى والتانى وودس رائعين جدا بس انا بجبهم من المدينة المنورة متوفر انا معرفش انتى فين؟ الاكن موجود فى المولات اكيد واستعماله موجود على الورقة وممكن وهو على شعرك تعملى استشوار من فوق من غير مايلمس الشعر تصوبلى الهوا السخن بينعم قوى وكمان بيفرد لو عملتى طقية اتمنى اكون افدتيك

تم تعديل 6 مارس, 2010 بواسطة **فدوى**

[رحيل القمر 1]

تغسليه يا سوسو بعد السشوار لازم اصلى نسيت اقول الخطوة دى .على فكرة ممكن مع كل انواع حمامات الكريم تعملى موضوع السشوار ده جميل جدا النتيجة بتبقى افضل ؟ نفسى اسال هو ايه حمام البخار وازاى بيتعمل؟

انا زعلانه مفيش حد رد على اسالتى هعيط بجد وازعل واء واء

بجد انصحونى كام مره اغسل شعرى فى الشهر؟

تقبلو تحياتى اختكم فى الله تحبكم

[**نحو غدٍ أفضل** 15]

مرسى على المعلومات الجميله

عندى كذا سؤال بس مكسوفه احطهم لحسن تقولو عليا رخمة وغلسة بس عشان انا بحبكم كلكم

هحطهم

كام مرة اغسل شعرى فى الشهر؟

اصل حد يقولى كل يومين واللى يقول مرتين فى الشهر نفسي تفدونى

 

أنا شخصياً لما بحس إن شعرى بدأ يبقى مش نضيف بغسله يعنى تقريباً كل يومين

 

إنما مرتين فى الشهر قليل أوى على الأقل مرتين فى الأسبوع

 

 

شامبو كلير ضد القشره بيفيد فى التساقط ؟ولا لا؟شعر كان غزير بشكل رهيب ودلوقتى بيوقع بالهبل بس انا راضيه لان الرضا حلو

بصراحة متهيألى مفيش أى شامبو بيقلل تساقط الشعر

 

لأن تساقط الشعر بيبقى ناتج عن سوء التغذية و الحالة النفسية

 

فلازم تهتمى بصحتك و تاكلى أكل صحى على طول و مع الوقت شعرك هيتظبط

 

بصى ياسندسة انا فى السعوديه ذيك والسيروم موجود فى الصيدلية وكمان متوفر بانواع كتيره جدا وكمان حمام الكريم انواع رهيبة

واناشعرى كان خشن مش قوى بس مش ناعم وحمام الكريم خلاه ناااعم

كل اللى يشوف شعرى يقول الشعر الخشن فين؟

وشكر ربنا على نعمة الشعر لاننا لوشكرنا ربنا هيزدنا (ولآن شكرتم الازيدنكم ) جربى الشكر احسن علاج

احبكم فى الله تقبلو مرورى التقيل هههه

 

الحمدلله و الشكر لله

 

يارب أكون أفدتك

[**نحو غدٍ أفضل** 15]

بســم الله الـرحمــن الرحيــم

بصراحة موضوع جميل :blush:

جزاكِ الله خيرا حبيبتي أمه الله ش

عندي سؤال غريب شوية :tongue:

هو لازم الواحدة لما تتجوز تستخدم الاستشوار يعني :mrgreen:

أصلي أنا حاتجوز في 7إن شاء الله

وبصراحة مش بعرف أعمل أي حاجه...خيبه خالــــــــــــــص :wacko:

أكيد استفدت منكم كتير

ربنا يخليكم ليا يــــــــــــــــــــــــــارب

 

مبروك يا جميل ربنا يتمم لك بخير

 

أنا كمان هتجوز فى شهر 7

 

عادى كلنا خيبة ما إحنا مفيش حد نعمله حاجة و دا الصح مش عيب

 

المرأة لازم تتزين لجوزها بس

 

أنا متهيألى السشوار ضرورى فى الجهاز عشان وقت الزنقه

 

و بعدين متهيألى أول الجواز إهتمام الواحدة بنفسها بيبقى زايد شوية فالسشوار بينفع

 

ربنا يبارك لك

[فدوى المسلمي 531]

السلام عليكم ورحمة الله وبركاته،،

حبيباتي سندسة ورحيل القمر

يمنع تبادل المعلومات الشخصية يا حلوات

وياريت الكلام ما يحيد عن الموضوع الاصلي

بارك الله فيكن

[الساعيه لطريق الحق 0]

بســم الله الـرحمــن الرحيــم

 

جزاكن الله على المعلومات الجميله

 

استفدنا منكن كثيراااااااااااا

 

أحبكن فى الله

[الساعيه لرضاء الله 0]

بســم الله الـرحمــن الرحيــم

بارك الله فيكِ حبيبتي سندسة

ربنا يبارك فيكي ياااااااااااارب....نستخدمه وأمرنا لله 8-)

ضرر لا بد منه :wub:

 

الله يبارك فيكي حبيبتي"نحو غدِ أفضل"

ألف مليون مبروك ليكي يا قمر وربنا يتمملك بخير يااااااااااارب

وربنا يقوينا علي الترتيبات القادمة إن شاء الله :tongue:

أكيد الزوجه لابد أن تتزين

لكن بيني وبينك أنا معلوماتي صفر في الحاجات دي

أهو الواحد بيتعلم من الأخوات الجميلات عسى أن ينتفع بشيء

إن شاء الله أجيبه في الجهاز

جزاكِ الله خيرا علي ردك يا أجمل عروسة إن شاء الله :-

[المغربية 1 3]

السلام عليكم ورحمة الله وبركاته

اول مرة ادخل للموضوع.

انا للاسف ما عندي اي نصيحة للشعر ابدا

وانا لا اهتم بشعري ابدا

لكن الحمد لله شعري ناعم وجميل والحمد لله

وسبحان الله كلما اتسخ يزيد جمالا ونعوومة

لا تضحكوا عليا يا بنات

ههههههههههههه

[امة الله ش 9]

السلام عليكــم ورحمـة الله وبركاتــة ،،

 

إزيكم يابناتيت :biggrin:

 

عاملين إيه من غيرى ؟؟ :mrgreen:

 

إسمعوا كلام ميس فدوى ومش تتكلموا فى شئ غير الشعور يابنات :tongue:

 

معلش مكنتش عارفة أدخل كتير النهاردة وإمبارح

 

أنا هنا أهوه أى خدمة

[**نحو غدٍ أفضل** 15]

السلام عليكم ورحمة الله وبركاته

اول مرة ادخل للموضوع.

انا للاسف ما عندي اي نصيحة للشعر ابدا

وانا لا اهتم بشعري ابدا

لكن الحمد لله شعري ناعم وجميل والحمد لله

وسبحان الله كلما اتسخ يزيد جمالا ونعوومة

لا تضحكوا عليا يا بنات

ههههههههههههه

 

ما شاء الله ربنا يبارك لك فى شعرك يا عيوشة

 

ههههههههههههههههه و الله ضحكتينى أوى

[امة الله ش 9]

السلام عليكــم ورحمـة الله وبركاتــة ،،

 

جبتلكم أخبار جديدة يابنات

 

بصوا أولا بالنسبة لكريم بانتين بديل الزيت أنا بحثت عنه كتير الأول قبل أما أشتريه

 

ولقيت إن فى نقد عليه كتير

 

بس عرفت غن هوه بالظبط نفس معنى زيت السيروم بس مع الفرق طبعا

 

السيروم له فوائد كتير وبرضوا فى ناس شعرهم جيه على بانتين

 

بس طبعا لو هتجربى يبقى تجربى المضمون السيروم يعنى وهوه بيستخدم قبل الاستشوار .

 

ده أولا

 

ثانيا بالنسبة للفرد

 

بحثت كتير جدا على معلومات عنه

 

طبعا زى ما قلتلكم ما انصحكوش خاااااااااااااااااالص

 

بس لقيت موقع بيتكلم عن الفرد بالكراتين لو تسمعوه عنه

 

وهوه عبارة عن منتج لفرد الشعر وهو من نفس تركيبة الشعر الطبيعى

 

ويستخدم كعلاج أيضا لـــــكـــــــــــــــــــن ،،

 

غالى جدا جدا وكمان مغشوش

 

يعنى الخبير اللى كان بيتكلم عنه بيقول إنه بحوالى من 2500 إلى 5000 جنية :blush:

 

تخيلوا

 

لكن هوه فعلا بيفرد الشعر

 

أما الكيراتين اللى بيستخدم فى الكوافيرات بيكون ثمنه 1500 جنيه أو أقل ده مضر جدا جدا جدا

 

لإنه كله كيماويات .

 

يعنى دلوقتى أنا هشترى إن شاء الله كريم سبشيال الإيطالى لإن تقريبا كله بيشكر فيه جدا

 

وبرضوا هجرب كريم كيمو كول

 

حد بقه يقولنا على شامبو كويس حتى لو غالى شوية بس يكون حلو

 

وبعدين هوه إنتم روحتم فين ؟؟

تم تعديل 8 مارس, 2010 بواسطة امة الله ش

[امة الله ش 9]

ده الكلام عن الكيراتين والفرق بينه وبين اللى موجود عند الكوافيرات

 

untitled.bmp

[امة الله ش 9]

وده كمان كلام للدكتورة هبة درويش فى تقرير يؤكد أن حتى الكيراتين اللى بالأسعار المرتفعة ديه بيكون مغشوش وده التقرير :

 

مادة الكيراتين أصبحت اليوم حديث النساء فى صالونات تصفيف الشعر والنوادى والتجمعات النسائية، حتى على المنتديات الإلكترونية تتبادل البنات نتائج التجربة. فهى اليوم أحدث صيحة لفرد الشعر فى مصر. موضة بدأت تنتشر فى الأوساط الراقية لاسيما أن سعر الخدمة قد يبدأ من 1000 جنيه ويصل إلى أكثر من 350 جنيها حسب طبيعة الشعر وطوله ونعومته ويدخل فى ذلك مدى شهرة صالون الحلاقة. وصفة سحرية أتت إلينا من البرازيل حيث الجو الاستوائى الحار والرطب. لذا فمادة الكيراتين «الطبيعية فى الأساس» تستخدم كطبقة تغطى الشعر وتساعده على الصمود إزاء تلك العوامل الجوية المؤثرة، لكن المنتج قد تم تطويره واستخدامه كوسيلة لفرد الشعر وإعطائه شكلا طبيعيا وبراقا، أفضل من وصفات الفرد التقليدية المعروفة «بالبرماننت». ما هى إذن هذه الخلطة السحرية التى تلين الشعر وتصنع المعجزات!

 

مادة الكيراتين كما تؤكد الدكتورة هبة درويش، أستاذة الكيمياء الحيوية بكلية الصيدلة جامعة القاهرة، تعتبر من عائلة البروتينات الليفية. وهى مادة صلبة وعديمة الذوبان موجودة لدى الزواحف والطيور والبرمائيات والثدييات وتدخل بشكل أساسى فى تكوين الشعر والصوف والمخالب والجلد ومينا الأسنان ولا يضاهيها فى الصلابة بين المواد الحيوية سوى الكيتين. والكيراتين فى حد ذاته لا يشكل مشكلة على الإطلاق فهو مكون طبيعى موجود فى الجسم إلا أن المشكلة تكمن لدى بعض الشركات المنتجة التى تضيف إليه مادة الفورمالدهايد، وهى أحد مشتقات مادة الفورمالين التى تستخدم عادة فى التحنيط. وقد حذرت دراسة منشورة فى مجلة Allure magazine الأمريكية والمنشورة على الموقع الإلكترونى www.hubpages.com من خطورة استخدام الفورمالين بتركيز عال. وصرحت المجلة بأن الحد المسموح لاستخدامه فى مستحضرات التجميل والمصرح به من قبل إدارة التغذية والعقاقير الأمريكية لا يتجاوز 0،2 %. وكشفت المجلة أن النسبة الموجودة فى معظم منتجات الكيراتين المستخدم لفرد الشعر تتجاوز الـ2% أى أكثر من 10 مرات من التركيز المسموح به، طبقا للمعايير التى وضعتها Cosmetic ingredient review expert panel هذه المجموعة تضم كوكبة من العلماء والأطباء الأمريكيين الذين يعكفون على سلامة صناعة مواد التجميل. وجود مادة الفورمالدهايد الذى يستخدم لفرد الشعر قد يشكل خطورة على الجهاز التنفسى خاصة، وقد يتسبب فى الإصابة بسرطانات الجيوب الأنفية والجهاز التنفسى، حسب دراسات الوكالة الدولية لأبحاث السرطان التابعة لمنظمة الصحة العالمية. هذا فى حين أصدرت رابطة مصففى الشعر بالبرازيل بيانا منشورا على شبكة الإنترنت يحذر من استخدام مادة الكيراتين الممزوجة بالفورمالين لفرد الشعر.

 

أما فى مصر وعدد من البلاد العربية فغياب الرقابة الدقيقة على المنتجات يزيد الأمر سوءا إذ قد يصل تركيز الفورمالين لأكثر من 10 % خصوصا إذا أراد المصفف أن يزيد من قدرة المسحوق على الفرد. ويعتبر فرد الشعر بهذه الطريقة بيزنس يحقق ربحية عالية جدا حيث يتراوح سعر الزجاجة بين 100 و500 دولار وهى تكفى لحوالى 8 زبائن أى أن هامش الربح يزيد على 500%.