اذهبي الى المحتوى
ثبت بفضلك قلبى

فرحى قرب وعايزة فرح اسلامى ...ساعدووونى

المشاركات التي تم ترشيحها

السلام عليكم ورحمة الله وبركاته

 

اخواتى الفضلياااات...وحشتوووونى انا باقلى كتير مدخلتش ...كان معرفتى بيكم أول التزامى (أجمل أيام عمرى ) بس مكنتش انتقبت ولا تزوجت انا بفضل الله لبست تاج العفاف بعد ماكنت مسجله فى موضوع المشتاقات لتاج العفاف .....الحمد لله

واتكتب كتابى من كام شهر الحمد لله على أخ ملتزم احسبه كذلك ولا ازكى احد

 

المشكله يا بنات ان فرحى قرب فى شهر 7 بإذن الله وعايزين نعمل فرح اسلامى لاول مره فى عيلتى اللى مفيهاش حد منتقب وكانت قصة الفصل وقت الخطوبه والاناشيد الاسلاميه دى جديده عليهم وتعبووونى ...بس ربنا يسر الامر ومشى الحال ...

 

بس نفسى اوريهم جمال الافراح الاسلاميه....

 

ممكن تساعدونى تدونى افكار واماكن قاعات منفصله او قاعتين تحت بعض مثلا للرجال والنساء وارقام تليفونات الرفق الاسلاميه ...

اهلى عايزين فرح ولو بالضوابط خلاص اتفرضت لانى لبست النقاب بس عايزين نساء العيله يحتفلوا بيا والرجال تكرم برضه ....عايزة اماكن فرق واسعارها والاماكن اهم

انا من القاهره

انتظر مساعدتكم قريبااااا جدا لانى فى عجل على تحديد الموعد لانه هيعتمد عليه حاجات تانيه كتييير فى الاسره

 

بحبكم فى الله وكلكم معزومين بإذن الله

اسأل الله لبنات المسلمين جميعا ازواج صالحات

 

اه على فكره مش ينفع فى المسجد لانه العقد كان هناك ومنفصل وبدون اى احتفال اصلا

والخطوبه كانت منفصله فى البيت فى شقتين

شارك هذه المشاركه


رابط المشاركه
شارك

السلام عليكم ورحمة الله وبركاته

الف مليون مبروك حبيبتى

ان شاء الله الاخوات تفيدك

وان شاء الله جمال فرحك يشجع بنات كتير انهم يعملوا افراح اسلاميه

ويحسوا اد ايه انتى مبسوطه باذن الله

ربنا يسعدك ويجمع بينك وبين زوجك فى الخير دائما

شارك هذه المشاركه


رابط المشاركه
شارك

بســم الله الـرحمــن الرحيــم

 

الف مبروك حبيبتى

 

ربنا يتمملك على خير

ويبارك لكما

 

اللهم ااااااااااااااامين

 

الاماكن دى موجوده ومتوفر ه باذن الله

 

بس اتا مش من القاهرة نفسهااااا

 

فان شاء الله حد من القاهره يفيدك

 

حبيت اقولك الف مبروك

 

اختى كمان هاتتزوج فى شهر7

ربنا يسعدكم

 

شارك هذه المشاركه


رابط المشاركه
شارك

تاسلام عليكم ورحمة الله وبركاته

 

ألف مبارك عليك النقاب والزواج يا حبيبة

وأتم الله عليك فرحك بالبناء

وجزاك خيرا على تمسكك بالحق رغم ظروف عائلتك ، وهي ظروف أغلب العائلات والله المستعان

 

أما بالنسبة لأسامي فرق وقاعات

فأنا أعرف البعض، ويسعدني إفادتك يا حبيبة

 

ولكن أستأذن أولا من المشرفات إن كان يمكن إعطاء هواتف وعنواينهم

وإن لا، فسوف أتركهم لك مع المشرفات ليعطوها لكِ يا حبيبة

 

فانا أعرف قاعات في الهرم مثلا، وأيضا في مدينة نصر، وصر الجديدة فلك الحرية في إختيار النسب لكِ

 

أسعدك الله في الدارين، وأتم عليك فرحتك على خير

شارك هذه المشاركه


رابط المشاركه
شارك

السلام عليكن أخواتى

اخواتى "بنوته مسلمه مصريه" و "الساعيه لطريق الحق"

الله يبارك فيكن ويرزقكن فرحا لايغادر بيوتكن ويعطيكن سعاده تنتهى بالجنه ياااارب

والله أدخلتم على قلبى السرور بمشاركاتكن وحسيت انى ليا أخوات بيحبونى بجد. يارب التقى بكن فى الجنه.ادعولى ربنا ييسر لى هذا الامر بلا مشاكل للم

شارك هذه المشاركه


رابط المشاركه
شارك

حبيبتى أم جويريه

اعذرينى انى بناديكى بالاسم ده لام الاسم ده من أول ما قابلت فى المنتدى هو والحاجه ام حسن ربنا يجزيكن خيرا

وربنا يجزيكى خير على مساعدتى وأرجو تفاعل المشرفات ضرووورى سريعا لانى أريد هذا انا بانزل اليومين دول عشان الموضوع ده وكمان معنديش نت اليومين دول بادخل من التليفون.بحبكم جميعا فى الله

شارك هذه المشاركه


رابط المشاركه
شارك

 

وعليكم السلام ورحمة الله وبركاته،،

أولاً : حياكِ الله بيننا ثانية ونسأل الله أن يثبتكِ على طاعته إنه ولى ذلك والقادر عليه

ومباااارك نسأل الله أن يسعدكِ وأن يجعلكِ قرة عين لزوجكِ ويجعله قرة عين لكِ

وأن يعينكِ الله على حسن تبعله

 

وإليكِ هذا

 

[[حـملة فرحــي اسلامي له شكل تانـى]]

 

شارك هذه المشاركه


رابط المشاركه
شارك

السلام عليكم ورحمة الله وبركاتة

 

ربنا يباركلك اختى يارب ويجمع بينكم فى خير.

 

انا كمان فى نفس المشكله بس انا لم اعقد فكنت بدور على مسجد يكون فى قاعة بحيث يكون الرجال فى صحن المسجد

والنساء فى القاعة ولكن بدون تكاليف زائده .

 

ولكن فى حيرة من ذلك الامر لانى لا اعلم اين اضع الوليمة بالنسبة للرجال

 

فاانا محتاجة مساعدتكم جداااااااااااااااااااااااااااااااااااا ,لانى للاسف لو ملقتش القاعه دى هيعملوه مختلط وانامش عايزة ابدا

حياتى بمعصية الله ياريت تفيدونى باماكن وارقام تليفونات وانا ان شاء الله هتواصل معاهم

 

ربنا يكرمكم ويباركلكم يارب .

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

اختي في الله

اولا بارك الله لكما و بارك عليكما و جمع بينكما في خير

ثانياً :

في مدينة نصر نادي شركة مدينة نصرللاسكان و التعميرفي شارع مصطفى النحاس قريب من مدرسة المنهل لو تعرفيها(ت:26703213-0122118723-0101717991-0122113723 به قاعات و ايضا يمكن عمل الحفل الخاص بالرجال على حمام السباحة و هم يرحبون بالافراح الاسلامية و اسعارهم معقولة

ايضا دار البنك الاهلي بأرض الجولف قالو عنها انها راءعة والخدمة فيها مميزة

ارجو ان اكون افدتك

و ربنا يتمم بخير

 

تم تعديل بواسطة راجيةعفو ربي

شارك هذه المشاركه


رابط المشاركه
شارك

جزاكى الله خيرا اختى

 

بس فى حد يعرف قاعات فى الهرم او المهندسين وياريت لو حد يقول على مستوى الاسعار بتكون فى حدود قد ايه

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

مبارك لك أختي الحبيبة يسر الله أمروك ووفقك لما يحبه ويرضاه

 

وباذن الله سيكون عرسا اسلاميا وسيبارك لك فيه ربي جل وعلى

شارك هذه المشاركه


رابط المشاركه
شارك

حبيبااااتى . . أخواتى فى الله

أشكر كل من هنانى واتمنى السعاده والتوفيق للجميع

اعذرونى انى مش عارفه اكتب رد لكل اخت لوحدها لانى باكتب من الموبايل

أختى . . راجيه عفو ربى اشكرك بجد طبعا افدتينى وهاتصل دلوقتى اشوف الاوضاع بإذن الله

اختى سبحان الله وبحمده ربنا ييسرلك العقد وموضوع صحن المسجد ده احسن حاجه لوضعك طالما عيلتك عايزه حاجه مختلطه مهما حاولتى فى قاعه محدش هيلتزم بالقواعد والتصوير والكلام ده وحاولى تكونى حكيمه اليوم ده عشان تتفادى اى شىء يعكنن عليكى يومك وربنا ييسرلك الامر يارب

بصى انا عملته فى صحن المسجد فى المقطم اسمه مستوره وجبنا شيخ قال كلمه طيبه ومكان تواجد النساء بيطل على الرجال من مشربيه عشان تشوفى العقد ونص الكلام وبلا أى مقابل الاستضافه بس الوليمه طبعا عمرها ماهتكون فى مسجد لان ياحبيبتى صحن المساجد بيبقى مجانا هتدوخى زى مادخت تلاقى مسجد كبير يرضى يعملك فى الصحن ولو بأى مقابل لان كله عمل قاعات خلاص والقاعات مش منفصله فى مسجه برصه اسمه بلال ممكن يفصلك جوا القاعه وسعر القاعه حوالى 300 جنيه تأجير والعقد غالبا مفيهوش وليمه ده بيبقى شوكولاته وعصير ومطويات مثلا للناس الوليمه فى العرس وربنا يوفقك يارب ولو حاجه ممكن اساعدك فيها فى المرحله دى قوليلى وبإذن الله مش هتأخر عنك لانى لفيت على الموضوع ده ومش عايزاكى تتعبى وحاسه بالضغط اللى انتى فيه.

شارك هذه المشاركه


رابط المشاركه
شارك

ربنا يباركلك ويعزك يارب يا ثبت بفضلك قلبى

 

هى الفكرة ان ان شاء الله سيكون العقد مع البناء عشان كدا بدور على مكان يجمع ما بين الاتنين انى اقدر اعمل وليمة ويكون منفصل

 

عشان ميضطروش انهم يعملوه مختلط

 

ربنا يكرمك على المسجد بس مفيش حاجه ناحية الهرم والمهندسين وتتحمل حوالى 300 شخص

 

وياريت تنقليلى تجربتك يبقى ربنا يكرمك

شارك هذه المشاركه


رابط المشاركه
شارك

السلام عليكم ورحمة الله وبركاته؛

 

أخواتي الحبيبات

بما أن بعض الأخوات أضافوا معلومات ولم يعلف أحد من المشرفات على ذلك فسوف أضيف ما لدي من معلومات

 

هناك أخت لي عملت في قرية السليمانية

وكان فرح اللهم بارك روعة

فهي أجرت فيلة، وكان النساء في الداخل والرجال بالخارج، فكان فرح راقي وليس بمه مخالفات ولله الحمد

 

وهناك أيضا أخت عملت في فندق تريمف في مصر الجديدة وكان قاعاتان منفصلتان، وعلى فكرة، هي بحثت كثيرا على فندق ليس به منكرات وكان هو ذلك الفندق والحمد لله

 

أما بالنسبة للأخت التي تريد بالهرم

هناك قاعة في الطلبية

عبارة عن قاعتان منفصلتان فوق بعض

اسمها قاعت الفردوس

واعتقد أن سعرها معقول

 

وهناك أيضا قاعة في آخر الهرم تقريبا إسمها قصر الأهرام

أيضا قاعتان منفصلتان

 

أما بالنسبة للفرق فأنا أعرف فرقتان

واحدة منهم أصدقائي شخصيا الفرقة اسمها ريتاج

 

وان أردتم أي استفسار انا بالخدمة

شارك هذه المشاركه


رابط المشاركه
شارك

السلام عليكن أخوااااتى

وحشتونى أوى أوى بجد

والله يبارك بكل من هنانى بالزفاف ودعواتى لين بكل مايتمنونه وبه خير لهم

اختى الحبيبه "راجيه عفو ربى" انا سألت فى اللى بعتيهم وشفت القاعات بالفعل واللى عايز يعرف

نادى شركه النصر طلع حلو وممكن يتعمل حاجه معقوله فى حدود 8 الاف او 9

والتانى يعنى حدود 12 للف واضح ان الخدمه عندهم كويسه اوىبس نظام القاعات مريحنيش كمان احنا كنا بنقول احنا اولى بالفلوس دى فى حاجات تانيه فبنحاول نقلل التكاليف على اد مانقدر ولسه مستقرناش على حاجه.

 

اختى ام جويريه انا عايزه مننك معلومات واضخه او تقدرى تبعتيلى ايميلك مع المشرفه يبقى جزاك الله خيرا عاوزه ارقام تليفون الفرق ولو تعرفى برضه الفلل الايجار من حد من الأخوات

شارك هذه المشاركه


رابط المشاركه
شارك

معذره أخواتى ردودى متقطعه عشان التليفون مش بيجيب الشاشه كامله.

فيايريت حد يبلغنى ببقية المعلومات عشان اقدر اقارن ونلحق نشوف

سبحان الله وبحمده " ربنا ييسر لك الأمر يارب

بالنسبه لتجربتى انا هاقولك منها نصايح لان مينفعش طبعا اسردها تفصيلى على المنتدى

اهم حاجه اليوم ده تبردى أعصاااابك جدا على اللى ممكن تسمعيه على شروطك فى الحفل وشكله .اولا كونى لطيفه جدا مع الناس عشان يتقبلوا الوضع بسهوله وابتسامتك مع النساء هتفرق كتير وتوقعى اغلظ تهكم ومتقلقيش منه وحسى ان ربنا معاكى وجنبك ومتخافيش

طبعا الناس مش معتاده على الاناشيد فهتلاقى حد مش يتفاعل وكده وطبعا ناهيك عن الضحكات عن هذا الموضوع اصرى بلباقه على اللى يرضى ربنا ومتقلقيش

نهى على عريسك ينبه على اهله مفيش تصوير ومحدش يطلع الموبايلات لانك مش هتقدرى تعملى كنتروووووول ولو انتى حابه صور مش هتتعلق وعايزاها على موبايلك لأى سبب خلى كاميراا واحده بس من أهلك اللى شغاله ونبهى على أهلك برضه عدم التصوير لان لو حد طلع الناحيه التانيه هيتشجعوا وانتى ممكن تحرجى اصحابك او اهلك على حد تعبيرهم انه احراج ولكنمتقدريش للناس الغرب

بصى ممكن لو مفيش هيصه وكده وانا لا انصحك يعنى بان النساء متنشدلكيش وتفرحى لو ممكن تبقى الحنه فى البيت براحتك مع النساء وفيها الوليمه للرجال فى اى مسجد قريب وتانى يوم اشهار فى قاعه كبيره تبع مسجد اوتلبسى فستانك وكل حاجه وتخرجى انتى والعريس بعدها مثلا

او انك تعملى كتب الكتاب عباره عن مطويه او كتاب مع الشوكولاته والعصير وبعدين تروحوا مثلا مكان زى مطعم يكون مستواه معقول مش عالى اوى وتكونوا متفقين على وجبات ثابته ممكن تقفل معاكى حدود الاربع الاف واسمك عزمتى الناس فى مكان برضه بس انا باشفق على زوجك الصراحه ربنا يعينه وييسر لك الامر .

شارك هذه المشاركه


رابط المشاركه
شارك

حبيبتي

 

أين أنتِ؟

هل هناك جديد في الموضوع؟

أريد مساعتدك بالنسبة للفرق

لكن موضوع الفلل لا استطيع اففادة لأن الأخت التي تزوجت سافرت الى الخارج

 

أنتظر ردك

شارك هذه المشاركه


رابط المشاركه
شارك

وعليكم السلام ورحمة الله وبركاته،،

بارك الله بكِ اختي الكريمة وجمع بينكِ وبين زوجكِ بالخير

ما شاء الله الاخوات كفوا ووفوا بالنصائح

اسال الله ان يكون فرحكِ اسلامي ومميز

وبارك الله بالحبيبة حفيدة الصحابة على الرابط فيه من الافادة ما هو رائع

اختى ام جويريه انا عايزه مننك معلومات واضخه او تقدرى تبعتيلى ايميلك مع المشرفه يبقى جزاك الله خيرا

اعتذر يا حبيبة يمنع تبادل الايميلات لاي سبب من الاسباب وارجو ان نبقى في محور الموضوع

شارك هذه المشاركه


رابط المشاركه
شارك

حبيبتي أسأل الله أن ييسر لكِ زواجكِ

ويجعل حياتكِ مليئة بالسعادة وطاعة الله ... اللهم آمين

أريد أن أنبه عليكِ حبيبتي أن أكثر الفرق الإسلامية اليوم بها مخالفات شرعية من D.J ورقص وأشياء مخالفة تماماً للشريعة فتنبهي قبل أن تتصلي بالفرقة أن تتفقي مع الأخت على كل شيء بحيث لا يكون أناشيد فيها موسيقى أو ما شابه

وبانتظار الحبيبة أم جويرية لتكتب لكِ أرقام الفرقة التي تعرفها حتى تتصلي بهم وتتفقي معهم بإذن الله على نظام فرحك إن شاء الله

أسأل الله أن يتم عليكِ فرحتكِ ... ويرزق بنات المسلمين أزواجاً صالحين ... اللهم آمين

شارك هذه المشاركه


رابط المشاركه
شارك

جزاكِ الله خيرا أم حمزة على التنبيه

 

الفرقة التي اعرفها أحسبهن على خير ولا مخالفات شريعية بفضل الله

فهن ملتحقات بالمعهد :)

ولكن لا ضير من التاكيد عندما تتصل بهن

 

بارك الله فيكِ

شارك هذه المشاركه


رابط المشاركه
شارك

السلام عليكم ورحمة الله وبركاته،،

ان شاء الله زفاف مبارك وعقبال كل البنات

بارك الله لكما وبارك عليكما وجمع بينكم فى خير

شارك هذه المشاركه


رابط المشاركه
شارك

السلام عليكن أخواتى

وحشتوووونى أوى

اعذرونى مكنتش عارفه أدخل لان لسه معنديش نت .بس بجد وحشتونى

أختى أم جويريه جزاك الله خيرا على مساعدتك وأشكر مشرفتنا الجميله راماس على المرور الطيب وبالنسبه للميل مفيش مشكله انا بس مكنتش حابه تكتب ارقام تليفون على العام فلو عادى يبقى ممكن ولو مش عادى استأذن ام جويريه انها تعطيها للمشرفه المعلومات يعنى.

أمة الله أم حمزه اشكرك على مرورك العطر وشكرا على التنبيه والله انا فعلا بابقى قلقانه لما كنت اسأل فى قاعه ويقولى عندى نظام اسلامى لان واحه قبل كده قال لزوجى الاسلامى ليه ميت وضع سبحان الله بس الحمد لله الموضوع ده انتشر بفضل الله وبقا ممكن تطلبى اسلامى ويجهزوا بكده

بالنسبه لأخر اخبارى

سألت فى اماكن كتير بتعمل اسلامى بس مشفتش حاجه مناسبه عجبنى قاعات نادى المعلمين جميييييله وسعرها مناسب ممكن الفرح يقفل معاكى فى حدود 6 الاف بس بعد ما عجبتنى لقيت خدماته مقلقه لانه فى اجباريات يعنى مثلا احنا اللى نجيب الفاصل لانه مش هيدينا قاعتين فى شهر 7 واحده ونفصل يعنى الصوت عند الرجال كمان السيرفيس والبوفيه رجال فقط وتصوير الفيديو رجال برضه طب اعمل ايه بلاش تصوير اصلا لو مفيش تصوير من عندى ومفيش سيكيوريتى بنات مش هاعرف اعمل كنترول خاااالص وانا منتقبة

 

شكلها كده هترسى على الاهلى ومضطرين ندفع تمن الخدمات لانه الوحيد اللى قال كل اللى عند النساء نساء من نطافه وسرفيس ودى جى وتصوير والسى دى بيبقى للعروسه فى ايديها فى اخر الحفل وبيوفر امان من عدم دخول اى رجل

ومتقلقيش يا اختى ام حمزه هاخد معايا سى دى لأناشيد بدون موسيقى تحسبا لاى حركه مش متوقعه من الدى جى ولو حد يعرف روابط لمواقع تحميل اناشيد افراح ياريت تضعوها. وبرضه نبهونى لو فى اى مخالفات ممكن تحصل

وربنا يباركلى فيكم وميحرمنيش منكم ويجمعنا فى الجنه يااااارب

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×