ஓهل تلعبين مع ☼أولادك☼ تعالى احكيلناஓ

[أم عائشة المصرية 242]

رد على السريع جدا

لأنى خايفة أنى أنسى أرد..

 

بصراحة حبيبتى أنا استغربت جدااااا...

بنتك عمرها سنتين ونصف ولم لتعبى معها إلا كل فترة طويلة!!!!

والله يا أختى اللعب مع الأطفال ممتع جداااااااااا

ودوما لما ألعب مع بناتى أقول لنفسى بعدما أشعر بالراحة النفسية: سبحان الله إن كانت هذه فرحتى فكيف بفرحتهم..

 

تعالى أخيتي نتفق: خصصى لابنتك كل يوم 10 دقائق تجلسى انتى وهى بس....للعب فقط...لا تأكيها ولا تشربيها ولا أى حاجة فقط غير اللعب..

وما شاء الله الموضوع مليان ألعاب..

ده كفاية إنك تسمعى ضحكتها بل قرقرتها..

وربنا يشرح صدرك للأمر

بانتظار النتيجة

أو التطبيق

وأريد شعورك وشعورها..

[محبة لربها، ادعوا لي بالثبات 72]

السلام عليكم بارك الله فيك اختى ام عائشة موضوع لذيذ وشيق

 

 

 

العب مع بناتى استغماية الىالان سلمى 10 ولجين 7 وابنى عبدالرحمن 3

 

ايضا العب لعبة كنت العبها زمان مع اولاد الجيران وهى امنا الغولة :unsure: :mrgreen: :mrgreen:

 

وبيرلة بيرلة بيرليلة عايزين مين

 

ولعبة المنديل مع بناتى وبنات الجيران لما يجوا يلعبوا معاهم

 

ده غير اتوبيس كوملية التى تعتمد على الحروف

 

ولعبة الشقلبة على الارض :unsure:

 

وكمان اشعلقهم على العقلة

 

وممكن نمثل تمثليات زى سندريلا

 

انا اشعر كثيرا ان هذا الجيل لم يتمتع باللعب مثلنا فنحن كنا نخرج ونلعب مع اولاد الجيران على سطوح منزلنا او على السلم اما الان اصبح خطر ان ينزل الاطفال ويلعبون واصبحوا محبسون فى المنزل لايتمتعون بالهواء النقى والانطلاق اراهم مقيدون امام افلام الكارتون والعاب الجميز الالكترونية على النت و البلى استيشن

 

فعلا يا دانه انا ياما لعبت على السلم وفى السطوح كانت ايام جميلة اوى

 

بالنسبه بقى للعبى مع اولادى...........عمرى ما لعبت معاهم

 

ياترى اقدر دلوقتى وايه نوع اللعب اللى ينفع العبه معاهم

 

عمرهم على فكرة 13 ونصف و15 ونصف ذكور :mrgreen:

[محبة لربها، ادعوا لي بالثبات 72]

نسيت اقولك موضوع هايل بارك الله فيكِ ام عائشه

 

يارب تقوليلى العب معاهم ؟؟لسه فيه وقت ولا فات الميعاد؟؟؟؟؟؟؟؟ :unsure:

[فيروزة 11]

السلام عليكم ورحمة الله وبركاته،،

بارك الله فيكِ أختي الحبيبة "أم عائشة المصرية"

ما شاء الله موضوع قيم وشيق :)

ابني عمره 8 شهور والعب معه (زغزغة) كما قالت الحبيبة أم جويرية

كمان العب لعبة تعجبه كثيرة وهي (تقليده) اقلده في همهمته وأحيانا اقلده في بكائه وصراخه فينظر إلي ويضحك كثيييييييييييييييييييييييرا :)

[ساجدة للرحمن 2050]

بسم الله الرحمن الرحيم

ساجدة للرحمن

وعليكم السلام ورحمة الله وبركاته

أهلا بكِ سجودة نورتى الموضوع وأسعدنى تواجدك.

جميل اللعب مع الأطفال..وخصوصا البنات لعبهم رقيق أوى.

ربنا يبارك لك فى أولادك.

يا ريت حبيبتى لو تيسر لك تذكرى أعمار أطفالك واللعب اللى بتلعبيها معهم علشان الأخوات اللى مش عارفين يتعلموا ولكِ الأجر بإذن الله.

معذرة حبيبتي لم أرى ردك إلا الآن ....

الصغير له ألعاب مختلفة عن أخواته سواء بالرسم أعطي له الألوان واشخبط معاه ...وكتير أقول له أرسم أخوك فلان وطبعا بيرسم حاجات مش مفهومة بس أنا باشجعه وأقول له جمييييييييييلة جدا ...وشطور ويلا نرسم كمان

ممكن ألعب معاه الأستغماية ..يعني أعمل نفسي مش شايفاه وأدور عليه وهو بيكون مبسوط جدا

على العموم ألعاب الأطفال الصغيرة بتكون كثيرة جدا

 

أم بالنسبة للكبار فأعمارهم 12 و10 و8 سنوات ...وبصراحة من فترة قرأت كتاب عن تنمية المهارات وإزاي إن المهارات ممكن ننميها عن طريق اللعب

...والبعض كانت موجودة في الكتاب وأحببتها ..والأولاد كمان حبوها جدا والبعض الأخر من عندي

 

أول لعبة ( بنت ولد وجماد وحيوان ونبات ...) ..طبعا بتنمى المفردات اللغوية عن الطفل ( أصبحت واضحة جدا عند أبنتي الصغيرة ) وتنمي أيضا سرعة البديهة لأنها تحتاج لسرعة في التفكير لأن أول شخص ينهي جميع الكلمات يكون هو الفائز

 

وأيضا لعبة إننا نختار منهم واحد يقوم بتقليد شخصية من الأهل ...يعني مثلا يختار فرد من أفراد الأسرة في عقله ولا يخبرنا بإسمه ويقوم بتقليده وعلينا نحن أن نخمن من هو هذا الشخص...طبعا الأمر يكون شيقا جدا وترتفع الأصوات بالضحك لأنه يقلدهم من وجهة نظره .

 

لعبة أخرى ..ألعبها ونحن نعمل ونرتب البيت ( باسليهم عشان مش يحسوا بالتعب في الشغل ) إن أنا أختار أي شيء يخطر على بالي وويحاولوا هم بسؤالي بعض الأسئلة ليتعرفوا على هذا الشيء

يعني مثلا اضع في عقلي أنها الثلاجة ...ويبدوأ في السؤال هل هي جماد أوحيوان ؟؟؟ فأقول جماد ...مثلا يسألون ما لونها ..أقول أبيض ... يسألون هل هي موجودة في الشقة أم خارجها ؟؟ أقول موجودة في الشقة ...وهكذايستمروا في الأسئلة حتى يجمعوا معلومات عن هذا الشيء ويقوم كل منهم بتخمين هذا الشيء ...,طبعا الفائز هو الذي يكون عليه الدور

 

أيضا أننا نذكر أي كلمة من القرءان ....والفائز هو الذي يذكر آيه تكون هذه الكلمة موجودة فيها

يعني مثلا ...أختار أن كلمة تسنيم

والفائز هو الذي يأتي بالآية التي ذكرت فيها كلمة تسنيم ( ومزاجه من تسنيم ) وهكذا

 

أمممم ....طبعا هناك ألعاب كثيرة ويمكن للأم أن تجعل من كل شيء لعبة .....ولكن هذا ما يحضرني الآن ....

اتمنى أن تفيدكن

وجزاك الله خيرا

[أم عائشة المصرية 242]

حبيبتى سجودة

ألعابك مع ولادك جميلة اللهم بارك..

بانتظار بقية الأخوات يعلقوا ويذكروا ألعابهم

وبانتظار أم رقية ترد علينا..وتقول بدأت ولا لا لسه؟

[أم يوسف حبيبي 0]

عاوزة اقولك يا أم عائش ان حياتي كلها لعب لدرجة اني حسيت اني عيلة انتي عارفة سن ى9شهور ماشاء الله جميل جدا احب اوي اشوفه وهومسخسخ من الضحك ربنا يبارك فيه هو وكل اولاد المسلمين

[أم عائشة المصرية 242]

نورتى الساحة من جديد حبيبتى ام يوسف

اشتقت لك ولمشاركاتك

طيب طالما ما شاء الله بتلعبي مع ابنك كتير كده قوليلنا بعض الألعاب دى وخصوصا إن ابنك سنه صغير والأمهات زى ما انتى شايفة سألوا على اللعب بتاعة السن ده وأنا نسيت تماما ..!

[أم يوسف حبيبي 0]

بما اني أم لولد فالعاب الاولاد عنيفة شوية يعني ارميه في الهوا بس خلي بالك احسن يقع طبعا الزغزغة لها نصيب الاسد من العابنا وبيحب اوي يسمع كلمة بخ يعني اخضه ومخترعة ليه اغنية خاصة بدون موسيقى طبعا بيفرح اوي لما يسمعها هو ده اللي انا فاكراه دلوقتي وربنا يبارك فيه هو وكل اولاد المسلمين

لي عوده ان شاء الله

[أم عائشة المصرية 242]

بوركتِ أم يوسف وبارك الله لكِ فى يوسف.

بانتظارك^__^

[@hasby alah@ 2]

السلام عليكــم ورحمـة الله وبركاتــة ،،

بارك الله بجميع الاخوات سبحان الله كنت ابحث عن هذا الموضوع لاني بالصدفة وجدت لعبة ممتعة لاولادي ولا اصف لكم كم كانت فرحنهم بي لوجودي بغرفتهم قبل النوم واللعب معهم لم ادرك تاثير اللعب الا حديثا حتى انهم يكونوا اقرب ما بيكونوا للام اللعبة كانت ورق وقلم وكل منا يرسم فاكهة او خضار والاخريين يحزروون ما هي وهذة اللعبة اذا اولادك معتاديين الحديث بالعربي تستطيعيين ان تخبريهم الاسم بالانجليزي والعكس ...............حبوا اللعبة جدا وقررنا من البارحة ان نعمل اجتماع اسبوعي كل جمعة مثلا للعب والاب ايضا وتخيلي الفرحة وخاصة اذا وزعتي هدايا للفائزيين وقررنا توزيع (تكت)عبارة عن ورق صغير مقوى بلون معيين يحتفظ بة كل لاعب لحيين الفسحة خارج البييت ويستطيع كل منهم استعمالها كشراء شئ معيين او نوع حلوى او ايس كريم حسب عدد تقررة الام مثلا الايس كريم يحتاج ل 20 تكت وهكذا ,,,,,,,,,,,,,,,

[أم عائشة المصرية 242]

وعليكم السلام ورحمة الله وبركاته،،

جزاك الله خيرا أخيتي حسبى الله

وأكيد طبعا الأولاد بيكونوا فى قمة الفرح عندما يجدون الأم والأب أو حتى أحدهما يتنازل ويلعب معهم ويضحك و_يقرقر_ كمان معهم..

وسبحان الله نحن أنفسنا نشعر بطاقة جديدة للمارسة حياتنا بعد قضاء هذا الوقت الممتع مع أولادنا..

ربنا ما يحرمنا ولا يحرم كل مريد لهذا الخير..

[نوران مدثر 0]

ولو نسيت وقلت لها يا عائشة تقولى يا ماما أنا مش عائشة أنا ميس! :icon15: :biggrin:

 

بارك الله لك فيها وجعلها مثل عائشة

 

موضوع طيب اختاه جزاك الله خيرا

بالنسبة لى فانا العب مع ولدى احمد عام واربع اشهر تقريبا طوال اليوم

اجرى ورائه واختبأ لعب بالكرة امج فى وجهه بعض الماء اكلمه عن طريق الدمية وهكذا

 

اللهم ارزق كل زوجة مسلمة بالذرية الصالحة التى تقر بها عينها

[أم عبد الوارث 24]

السلام عليكم ورحمة الله وبركاته،،

 

:)

 

رديت أول مرة على الموضوع لماا كنت حامل و أرد الآن لأسرد تجربتي مع اللعب مع ابني

 

ابني مازال صغير عمره 3 أشهر و نصف و أحب اللعب معه

 

جل اللعب حديث و ضحك و انشاد و ( أغغغغغغغغغ) و هو يحب الامر كثيراا و يبتسم و يجيبني و اذا سكت لبرهة او نظرت الى مكان آخر يصدر أصوات لجذب انتباهي نحوه

 

و كما قلتي يا ام عائشة نستمتع باللعب مع اطفالنا كثيرا سبحان الله

[أم عائشة المصرية 242]

ولو نسيت وقلت لها يا عائشة تقولى يا ماما أنا مش عائشة أنا ميس! :oops: :rolleyes:

 

بارك الله لك فيها وجعلها مثل عائشة

 

موضوع طيب اختاه جزاك الله خيرا

بالنسبة لى فانا العب مع ولدى احمد عام واربع اشهر تقريبا طوال اليوم

اجرى ورائه واختبأ لعب بالكرة امج فى وجهه بعض الماء اكلمه عن طريق الدمية وهكذا

 

اللهم ارزق كل زوجة مسلمة بالذرية الصالحة التى تقر بها عينها

 

ما شاء الله...جميلة أوى لما الطفل يلاقى دميته بتكلمه...(وعلى فكرة بيصدقوا ساعات...^___^)

السلام عليكم ورحمة الله وبركاته،،

 

:)

 

رديت أول مرة على الموضوع لماا كنت حامل و أرد الآن لأسرد تجربتي مع اللعب مع ابني

 

ابني مازال صغير عمره 3 أشهر و نصف و أحب اللعب معه

 

جل اللعب حديث و ضحك و انشاد و ( أغغغغغغغغغ) و هو يحب الامر كثيراا و يبتسم و يجيبني و اذا سكت لبرهة او نظرت الى مكان آخر يصدر أصوات لجذب انتباهي نحوه

 

و كما قلتي يا ام عائشة نستمتع باللعب مع اطفالنا كثيرا سبحان الله

وعليكم السلام ورحمة الله وبركاته

أهلا وسهلا بمامة النونو الجديدة....ربنا يباركلك فيه

أنا فاكرة فعلا لعبة أغغغغغغغغ دى كانت ممتعة جدا مع بنتى..ولو سكت هى تقول...يعني تحسى إنه بدأ يحصل تواصل بينكم..

 

ربنا يحفظ كل أطفالنا ويحميهم ويعطى كل من يريد ذرية صالحة..

[* أم بلال * 2]

السلام عليكم ورحمة الله وبركاته،،

 

حبيت أرفع هذا الموضوع الجميل والمفيد

أكثر حاجة ضحكتني لعبة أمنا الغولة بتاعة دانة :sad:

 

اما عن تجربتي بنتي عمرها الآن 10 شهور ونصف وبدأت ألعب معها من أول ما بدأت تتحرك ببطني

لا أمزح ولا أتخيل والله حقيقة وهي ممتعة للحوامل جربوها هههه

كنت استلقي على السرير وأسند ظهري بمخدة كأني متكأة وأبدأ بالمسح على بطني بهدوء تتجاوب معي وتبدأ بالحركة كنت أكلمها وأدق على بطني برفق أقول لها أمك هنا هيا قومي يا كسلانة والله كانت تركل بنفس المكان الذي اضع فيه يدي كنت ادق وانتظر قليلا فتجيبني بركلة أو اثنين وطبعا كنت انشد لها كثيييييرا واستمتعت بذلك

 

لعبت معها الزغزغة و أغغغغغغووووو وبعمر 3 أشهر كنت أحضر طرحة أضعها على رأسي لتخفي وجهي وأقول أين أمي ؟؟ أين أمي ؟؟ ثم أسحب الطرحة وأظهر وجهي وأقول عِوْ فتضحك وشيئا فشيئا صارت هي تسحب الطرحة من على وجهي وتضحك ثم صارت تغطي وجهها بالطرحة وأسحبها آنا قائلة عِوْ ^___^

 

هذا غير اللعب بالكرات والدمى والألعاب التي تصدر أصوات وابنتي تحب ان احضر لها كيسا مليئا بالأشياء لتفرغه تستمتع بذلك كثيرا

لعبة أخرى صرت العبها معها مؤخرا وهي الطائرة أنام على ظهري وأحملها برجلي عاليا واٌقول توووت الطائرة في السماء تووووت ثم أحاول زغزغتها في السماء بأصابع رجلي تفرح كثييييييييرا بها

 

أسأل الله ان يحفظ أبناءنا وأبناء المسلمين كافة

جزاك الله خيرا على الموضوع الجميل أم عائشة الحبيبة

[محبة النبي عليه الصلاة والسلام 6]

السلام عليكم ورحمة الله وبركاته،،

ماشاء الله اللهم بارك فيهم جميعا

انا ابنتي 5شهور عندما اضعها علي بطنها علي شيء مرتفع وأظهر لها انا فجاة من تحتها تضحك جدا مع لاكلمة (بخ)طبعا أو نونوة القطة.وطبعا اطلب من أباها ان يحضر لها العاب (لكن في الحقيق أشعر أني انا التي سألعب بها)

[أم عائشة المصرية 242]

أم بلال

جزاك الله خيرا على رفع الموضوع يا حبيبة

بارك الله لكِ فى ابنتك :)

وخلى بالك لأحسن تقع منك

 

محبة النبي صلى الله عليه وسلم

رزقنى الله وإياكِ الحب الصادق يا رب

بارك الله لكِ فى ابنتك

ونصيحة : احرصى على ان يشارك زوجك من الآن فى تربية ابنته والتمتع معها باللعب معها.. :)

[( أم رحمة ) 0]

السلام عليكــم ورحمـة الله وبركاتــة ،،

 

جزاكِ الله خيرا يا أم عائشة على هذا الموضوع الجميل

 

اما عن تجربتي بنتي عمرها الآن 10 شهور ونصف وبدأت ألعب معها من أول ما بدأت تتحرك ببطني

لا أمزح ولا أتخيل والله حقيقة وهي ممتعة للحوامل جربوها هههه

كنت استلقي على السرير وأسند ظهري بمخدة كأني متكأة وأبدأ بالمسح على بطني بهدوء تتجاوب معي وتبدأ بالحركة كنت أكلمها وأدق على بطني برفق أقول لها أمك هنا هيا قومي يا كسلانة والله كانت تركل بنفس المكان الذي اضع فيه يدي كنت ادق وانتظر قليلا فتجيبني بركلة أو اثنين وطبعا كنت انشد لها كثيييييرا واستمتعت بذلك

 

جميلة هذه الفكرة يا أم بلال

خاصة اني في اول حمل لي ومش عارفة ازاي الاعب النونة وهي لسا جوه هههههههه

خصوصا اني ببقى سعيدة لما احس بلعبها بس مش عارفة اتجاوب معاها :mrgreen:

 

ربنا يرزقنا وكل زوجات المسلمين بالذرية الصالحة ,,,آمين

 

جزاكم الله خيرا

[ريحانة زوجي 63]

السلام عليكــم ورحمـة الله وبركاتــة ،،

أنا بنتي عمرها 11شهر

بلعب معاها البيضة وهي كمان بتمسك إيدي أكنها بتقولهالي وهي اللي تضحك

وبلعب معاها كمان إستغمايا بس واحنا قاعدين مكانا تحط إديها علي وشها ولازم أقول فين مريم

ودلوقتي بحاول أعلمها بستك نو

[مُقصرة دومًا 1261]

 

السلام عليكــم ورحمـة الله وبركاتــة ،،

 

أنا مش متزوجة بس أنا مُدرسة أحب جدًا ألعب مع الطلاب أنا أدرس للمرحلة الابتدائية

 

أوعدهم لما أخلص شرح الدرس وكله يبقى تمام نلعب مع بعض طبعًا طول الدرس بيكونوا ساكتين ومفيش شقاوة علشان نلخص بسرعة ونلعب :wub:

 

ممكن نلعب (شمس وقمر ) أو بأمر (القائد ) ونلعب مسابقة بين البنات والأولاد عن طريق أسئلة عن الدرس نجمع بين اللعب والدراسة

 

أحلى لعبة يحبوها المسابقة طبعًا بيجننوني :mrgreen:

 

بس بكون فرحانة قوي علشان هم فرحانين وساعات بعقبهم لما يقصروا في شيء وأقول لهم مفيش لعب

 

طبعًا بزعلوا جدًا بس لازم الثواب والعقاب

 

[أم عائشة المصرية 242]

مقصرة دوما...جميلة يا حبيبتى أن يكون المرح ممزوج مع التعليم

وأن تكون المعلمة حريصة على أولادها (نعم هم أولادها) وعلى أن تدخل السرور على قلوبهم وعلى إمتاعهم بالحصة بل وانتظارها أيضا..

بارك الله فيكِ ولكِ وجعلك خير المعلمات :)

[وأشرقت السماء 1565]

 

السلام عليكــم ورحمـة الله وبركاتــة ،،

 

 

موضوع جميل ولذيذ

جزاكى الله خيرا أم عائش الحبيبة

 

بصراحة والحمد لله أنا دائمة اللعب مع أولادى مع إنى فى النهاية بصل لدرجة الخنقة

يعنى نلعب كتير ولما أتعب وأزهق وأقولهم خلاص مستحيل يسكتوا عايزين يلعبوا باستمرار

فبصراحة دلوقتى بتهرب منهم وأتركهم يلعبوا مع بعض ولما زوجى يرجع من الشغل يفضلوا يلعبوا معاه لحد يا عينى ما يصعب عليا لأنهم متعبين جدا

بنلعب لعبة الإختباء وألعاب كتيرة تانية لكن مش عارفة بيسموها إيه

 

على فكرة يا مقصرة عايزة أرسل بنتى عندك المدرسة لأنك ما شاء الله معلمة زى العسل

ربنا يبارك فيكى ويجازيك خيرا

تم تعديل 28 فبراير, 2011 بواسطة وأشرقت السماء

[موده واخاء 417]

انا يوم اجازة زوجى بنلعب استغماية كللنا وللاسف عمران بيفضح اللى يستخبى هههابوهم بيسد فمه وبصراحة مش كل اجازة بالظبط بس بتكون جميلة

 

موضوع جميل بتفكرونى بيها الاجازة اللى جايه لانى مابعرفش العب لوحى

 

تسلمو ع الموضوع

[أم عائشة المصرية 242]

للرفع