العلاقة بين الولد والبنت في المدرسة

[وماالصبر إلا بالله 0]

السلام عليكــم ورحمـة الله وبركاتــة ،،

اخواتي الحبيبات وحشتوني جداا

انا محتاجة ارائكم في المشكلة دي اللي انا بواجها بما اني مدرسة في مدرسة لغات مختلطة

الاولاد والبنات بيكونوا مع بعض في نفس الفصل وده بطبيعة ان المدرسة اللغات التجريبي بتفرض انها تكون مختلطة وده طبعا خطأ بس انا نفسي اكون ناصحة ليهم بشكل غير تقليدي وغير نافر

فالمراهقين في سن الاعدادي والثانوي لا يحتاجون لمن يهاجمهم

فكثير من المشاكل تعرض عليا ان فلان بيحب فلانه وان فلانه بتحبه وبجد بتجنن اعد اتكلم معاهم انتم لسه صغيرين علي كده وبكرة هتحسوا ان مشاعركم دي مزيفة ولكن بفاجأ برد انهم عارفين انك هتقولي كده وان محدش بيحس بيهم وانتم هتقولوا صغيرين لكن احنا مش صغيرين وبما اني المدرسة الصغيرة في المدرسة فكثير من الاولاد والبنات بيعرضوا عليا مشكلات حبهم وبجد نفسي ارد رد يفيدهم وفي نفس الوقت مش اخليهم يهربوا من الكلام معي علشان اكيد مش بيتكلموا مع اهلهم وانهم حتي يلاقوا النصيحة بدل مايلاقوا كل اللي حوليهم كده

المشكلة بجد خطيرة جدااا وصعب التعامل معها ابنائنا بيعيشوا قصص حب وهم في المرحلة الابتدائية والاعدادية والثانوي واكيد الجامعة ولكن كيف نستطيع ترويض هذا منذ صغرهم ومنذ بداية فترة المراهقة في المرحلة الاعدادية

ارجو التواصل معي ومحاولة الوصول الي حل نستطيع به ان نساعد ابنائنا

[{ الــهـــا م } 81]

وعليكم السلام ورحمة الله وبركاته،،

 

بارك الله فيكِ

 

وما الصبر إلا بالله

 

تريدين علاج ماذا غاليتي ؟!!

 

فترة المراهقة تكون الفتاة والفتى في مرحلة احاسيس ومشاعر

 

مع احاسيس بالظلم من الآخرين لعدم تفهمهم ......

 

في هذه الفترة يتم وضع النار بجانب البنزين ونقول نريد ان نعالج

 

الوضع نفسه خاطيء فلابد ان تكون النتيجة خاطئة !!

 

الفتى او الفتاة يريد كل منهما ان يثبت له ان كبر الفتاة اصبحت آنسه والفتى اصبح رجلاً

 

ووسائل الاعلام تزين لهم طريقة التعبير عن المشاعر بالحب بيين الجنسين

 

فيقوموا بالتطبيق العملي من نظرات ورسائل وتنزهات وغيرها خاصة ان لم يوجد

 

الوازع الديني لديهم ...

 

فهو ابتلاء لا يستطيع الجميع الخلاص منه لانه مفروض !!

 

اذاً لابد على كلٍ من الوالدين المسؤلين عن تربية ابنائهم

 

تعريفهم بالحلال والحرام وكيفية التعامل مع العالم الخارجي المحيط بهم

 

ونسأل الله ان يصلح احوال ابنائنا وبناتنا وابناء وبنات المسلمين

[محبة لربها، ادعوا لي بالثبات 72]

سبحان الله انا اولادى فى مدرسه مختلطه والذى يحدث ان البنات يطلبن ودهما والتحقيقات والتحريات اثبتت ذلك

 

والمشكله انى لا اقدر على تحويلهم ونقلهم من مدرستهم فى الوقت الحالى_ ولكنه تتقصير منا والله المستعان_

 

ارى حبيبتى انك لو تكلمت فى الحلال والحرام ربما نقلوك لمدرسة اخرى ولكنه البيت ثم البيت ثم البيت اعرف بيوتا مسلمة لا يقال فيها للابناء حرام او هذا حلال او هذا لا يصح او حتى كلمة عيب استغفر الله الذى لا اله الا هو الحى القيوم واتوب اليه واسال الله لبيوت المسلمين وبيوت بنى ادم الصلاح والهدى والايمان والتقى والعفاف والغنى والثبات على الحق

[وماالصبر إلا بالله 0]

شكرا علي ردودكم بس فعلا ده ابتلاء القيم والاخلاق اتغير

انا مش من زمان اوي بس جايز علشان كنت في مدرسة بنات بس

بس والله مابقت دلوقتي تفرق بنات بس ولا مختلطة وفعلا وسائل الاعلام لها اثر كبير وطبعا الاسرة

بس الاسرة مبقاش في رقابة زي الاول واولادهم بيبقوا 3/4 الوقت خارج البيت علشان مدرسة او درس او تمرين في نادي وكلها حاجات مباحة لكن بقا فيها اختلاط كتير

ازاي نقدر نصلح ده ونساعد الشباب الصغيرين دول قبل الضياع بجد وضياع قيمنااا

[محبة لربها، ادعوا لي بالثبات 72]

رايي هو الدعوة لالصحيحه للاسلام وتعاليمه

 

يعنى نعمل توعيه دينية اولا للبيوت اباء وامهات وابناء ايضا عشان اولى الامور يساعدونا فى مرادنا اللهم اهد ابناءنا وشبابنا واعلامنا الذي يبث ليل نهار الحب المحرم ثم الحب المحرم ثم هو ايضا الحب المحرم

 

فالتبس على ابنائنا كما التبس علينا من قبل ولكننا افقنا قبل ان لا افاقه نسال الله العفو والعافيه

 

ملحوظه يجب ان نراقب ابناءنا بمعنى الكلمة اتصالاتهم رسائلهم مشاكلهم اصدقاؤهم ونزهاتهم وان نعلمهم ونغرس فيهم الحلال والحرام

[أم عائشة المصرية 242]

وعليكم السلام ورحمة الله وبركاته،،

أعتقد أنه كما قالت إلهام:

الوضع نفسه خاطيء فلابد ان تكون النتيجة خاطئة !!

طيب ما الحل إن كانوا هؤلاء الأبناء ليسوا أبنائنا وأنه ليس بأيدينا فصلهم عن بعض..؟

أقول كما قالت الأخوات..

حاولى أخيتي أن تزرعى فيهم الوازع الديني والحرام والحلال..

أثناء الحصة وطبعا زودى الجرعة لما ييجوا يشتكون لك..

 

وأحيانا _وخاصة فى السن الحرج ده_ مع قلة الوازع الديني تجديهم ممكن يخافوا من ضياع مصلحة تخصهم أكتر من خوفهم على ضياع دينهم..

يعني ممكن لو قلتيلهم إن المشاعر اللى عندهم دى حتأثر عليهم بعد الزواج ومش حيكونوا بعد الزواج مع أزواجهم مستريحين وحيفضلوا يقارنوا دايما بينهم وبين الحبيب الأول حتى لو كانت العلاقة انتهت..!

ساعتها ممكن يخافوا..!

لكن مثلا لو قلتى إن الصحوبية حرام مش حتلاقى حد يلتفت لكِ..

بالضبط زى ما تقولى للبنات النمص حرام لا يلتفتوا لكن لو قلتى له خطر طبي شنيع على هذه المنطقة..تجديهم ينتهوا خوفا على صحتهم وليس على دينهم..

فافعلى ما ترينه مناسبا معهم وأسأل الله لنا ولكِ التوفيق..

وحاولى أيضا تفهميهم أن الشيطان يلقى فى قلب الإنسان خاطرة..

يعني مثلا يقول للولد..انظر هذه الفتاة شكلها جميل جدا..لو استجاب الولد لهذه الخاطرة فإنه بذلك قد سمح للشيطان بأن يدخل قلبه ويخرب فيه فيوسوس له الشيطان بأن ينظر إليها ثانية ويتأمل فى رقتها مثلا..وخطوة خطوة يقع فى حبها والهيام فيها !!

سبحان الله وكانت البداية ماذا؟؟ خاطرة لم يوقف نفسه عندها ويمنع نفسه منها..

فحذريهم حبيبتى وعلميهم معنى غض البصر وكم هو كالسور للقلب..

أعانك الله وسدد خطاكِ..

وعذرا على الإطالة..