قولى شعورك من غير ما تتكسفى

[*ميمونة* 104]

ما كنش في رؤية شرعية

 

العقد علطول

لأنه كان يعرفني قبل ما ألبس النقاب

 

طبعا قعدت أعيط قبل ما ادخل ويتحايلوا عليا ادخل وأنا مش راضية

 

ولما دخلت عيني كانت في فستاني مش ف السجادة

 

وما نطقتش ولا كلمة

وكان ف إيدي استك كدا لقيته ع الكرسي هريته تقطيع

 

بعدها خطيبي بيقولي كنت بضحك عليكي من جوا

 

وكنت قاعدة بحرك رجلي بعصبية

 

وكل اللي قلته ان شاء الله

يعني كل ما يقولي حاجة أقوله ان شاء الله

 

بس كان يوم جميل بصراحة

[~أملي بالله كبير~ 63]

ياحبيباتي مكسوفين أوي قبل الزواج وبعد الزواج إيه ...............

 

 

أنتو عارفين بعد الزواج إيه لا كسوف ولا خجل ولا حتى هدوء يمكن شد بالشعر وصراخ ومشاكل

 

 

اما ردودكن جميلة جمل الله حياتكن اكثر وجمع كل مع زوجه المودة والرحمة والسعادة

 

 

ده موضوعك عسل والأخوات وردودهن الأجمل

 

 

بارك الله فيكن جميعا واضحك الله سنكن

[يسرا عبد الرحمن 718]

ايه الموضوع الجميل دا؟؟؟؟؟

بس انا بقي مكانش فيه رؤيا ول اي حاجه

لانه ببساطه ابن عمي

انا صحيح فضلت شهوووور بعد الخطوبه مش عارفه شكله بس الحمد لله كنت حافظه رجله اعرفها من بين مليوووووون رجل

هي اللي كنت بعرف اشوفها

ههههههههههههههه

هههههههههههههههههههههههههه

اضحك الله سنك يا نقوبه

بجد فطستينى من الضحك

فكرتينى بى قبل زواجى كنت طبعا بمشى فى الشارع عينى فى الارض علشان غض البصر

فمن كثرة ما عينى فى الارض حفظت موديلات الاحذية الرجالى والحريمى

فكانت بتعجبنى موديلا احذية رجالى وكنت اقول فى ذهنى عندما اتزوج ساجعل زوجى يشترى مثلها

ومش عايزه اقولك بقى اول ما تزوجت فكنت اقول زوجى عن موديل عجبنى فيقول لى باستعجاب انت ايه اللى عرفك بالموديلات دى اقول له من كثرة غض البصر على طول ببص فى الارض

لكن اييييييييه كان بيتجنن منى عقدته من الاحذية الرجالى ههههههه

[قطر الحياة 0]

السلام عليكــم ورحمـة الله وبركاتــة ،،

وعليكم السلام ورحمة الله وبركاته

وحشتوني جدا جدا جدا ......... بقالي كتير اوي ما دخلتش كنت مشغولة اوييييييي .... بس الحمد لله خلاص فضيتلكم بقى هههههههههههههههه

توحشتك الجنه يا غاليه وعودا حميدا انرتى المنتدى من جديد

 

بالنسبة لشعور كل واحدة منكم دي حاجة جميلة أوي أوي ، وأنا فعلا حسيت الشعور ده مرة واحدة في حياتي ،،، بغض النظر ان الموضوع ماكملش ........

بس في حاجة محيراني : وأرجو فعلا إني ألاقي الإجابة عدكم والله المستعان من قبل ومن بعد ،،، هل لازم يكون في الشعور ده قصدي بكده الفرح والسعادة والتمني ان الموضوع يتم على خير ،،،،،، ولا ممكن يكون مش موجود ......

انا حصل لى كده فى الاول انى كنت خائفه جدااا ومش حاسه بفرحه لكن بعد كده خلاص بدات استوعب الموضوع انه فعلا حقيقى وانى حدخل على حياة جديده ومسؤليه انا طرف فيها

وبعدها الفرحه بدات تتسلل بداخلى مع شعور بسيط من الخوف

لكن ولله الحمد تم الزواج ورزقنى الله بزوج صالح احسبه على خير لو كنت تمنيت ما كنت ساتمنى افضل منه

بصراحة حاسة شوية وهيجيلي أو جالي خلاص اكتئاب ..... شاب متقدم لي ... وزي مابنقول كده يتمنى لي الرضا بس أنا أرضى ،،،،، بس كل المشكلة في الشعور اللي بتقولوا عليه ده أنا مش حاسّاه خاااااااااااااااااااااااالص ،،،، هو سعيد ومبسوط جدا جدا جدا ،،،، وأنا العكس تماما ،، بس اللي مخلي الموضوع ماشي إلى الآن اني بقول هو عنده ما شاء الله أخلاق ودين ومن عائلة طيبة يبقى الطبيعي إني أوافق ،،، وفي نفس الوقت من الطبيعي اني أكون مبسوطة وسعيدة ........ ؟؟؟؟؟؟!!!! وبالتأكيد عملت أكتر من مرة استخارة ومش عارفة أعمل ايه ،،، أنا مش سعيدة يبقى أوقف الموضوع ولا أخلاقه وتدينه يخليني أكمل ........ ؟؟؟؟

اولا ارقى نفسك حبيبتى اشعر انك محسودة فالكثيرات يتمنين ما عندك من زوج صالح وبيحبك ويتمنى لكى الرضى كما تقولين

وثانيا لا تتحدثى عنه او عن اخلاقه وحبه لكى امام احد

وثالثا والاهم الايكفى ان يكون شريك حياتك رجل ذو خلق ودين ومن اسرة طيبه

طبعا اكملى اختى واستمرى فى الاستخارة فكنت اصليها كل يوم الى ان تم العقد

صدعتكم بس بجد ربنا يجعلكم سبب لحل الموضوع بعد ربنا سبحانه وتعالى ..

ولا صداع ولا شىء افرحى يا غاليه ولا تجعلى شىء يعكر عليكى اجمل ايامك اسعدك ربى فى الدارين وجعله زوجا صالحا لكى فى الدنيا والاخرة

ولا تنسوا ...........من فرج عن مؤمن كربة فرج الله عنه كربة من كرب يوم القيامة ........

 

جزاكم الله خيرا أختي يسرا ........... أتمنى أن يفرج الله كربي ..... ويرزقني به إن كان هو الزوج الصالح الذي دعوت الله به .... أحبكم في الله

[ام البــــــــــــراء 9]

السلام عليكم

 

ماشاء الله موضوع جميل وظريف

 

 

والمواقف ماشء الله مضحكه اضحك الله سنكم اجمعين

 

انا اشعر بتوتر كلما تذكرت اليوم ده

 

 

يومها انا كان عندى امتحان معمل كليه علوم وكنت راجعه الساعه 7 لانه بيكون طويل

 

وكان هيجى الساعه 9 بعد صلاه العشا

 

 

وكنت قبلها مطبقه ومنمتش

 

 

المهم اخدت دش عشان عينى بس تفتح بس ما فيش فايده كنت ميته يا امى

 

المهم جه هوه واخوه ووالدته

 

ودخل معاهم والدى واعمامى فقط مافيش اى حد من الستات

 

انا عمرى ما شفته فى حياتى مع ان بيته مش بعيد عن بيتى خالص شارعين بس

 

من غير رغى كتير قعد مع اهلى وبعدين قالوا لى هتدخلى

 

وهتشسلى الصينيه دى وعليها حوالى 20 كوبيه عصير

 

 

انا كنت اصلا خلصانه مش قادره اخد النفس

 

انا قصيره فلبسونى سابوه عالى شويه ع غير عادتى

شيلت الصينيه وكانت هتقع من ايدى

 

 

ناديت على اخويا قلت له شيل وانا ورراك ع طول

 

دخل وانا فى ديله وقعدت جنب مامتى ع طول

 

العرق ما قولكمش ميه من كل ناحيه

 

 

وشى طماطمه حمره

 

وشى كله فى رجل عمى لانه كان قاعد جنبى

 

وعماله اخبطه عشان اطلع وهوه يهز لا قعدت عشر دقايق كده

 

وفى الاخر استسلم ليه وطلعنى بره

 

نص ساعه بعد ما كنت هنام

 

لاقيته بينادى عليه

 

اتاريه جابه لوحده فى الصاله

 

 

هوه يوقلى يا ست الكل وانا اهرى فى ايدى واضرب عمىلا

 

 

يكلم وانا اصر ميه لحد ما حسيت انى اخدت دش على هدومى

 

وما عرفتش شكله ايه خالص

 

لحد ما جه المره الثانيه عرفت شكله

 

وراح نقطنى بفلوس انه موافق

 

بعدها تمت الخطوبه وسافر

 

سافر ورجع من السفر بعد اسبوع كنا متزوجين

 

الحمد لله زوجا صالحا ورزقنا الله ثلاث اولاد

 

الحمد لله على نعمه الزواج

 

بعد الزواج قالىان عينيه كانت معمصه يوم الخطوبه

 

قلت له اصلى ما كنتش عايزه اصلا يقولى انتى كنتى تطولى

 

 

ونعمل ناقر ونقير

 

صدعتكم خخخخخخخخ

[حيرة قلب 0]

هههههههههههههههههههههههههههه خخخخخخخخخخخخخخخخخ ههههههههههههههههاي كل انوااع الضحك ههههه

 

بجد انا ضحكت عليكم ياربي لا تعرضني لهالموااقف هههه

 

بس انا عندي سؤال ... البنت لما تدخل على الخاطب كم دقيقة تقعد هههههه

 

لما تصير لي موااقف زي كذاا ان شاء الله اجيي هنا و اقولكم ... :icon15: :wink:

 

تم تعديل 29 يوليو, 2011 بواسطة حيرة قلب