0000لما تكوني زعلانة من زوجك بتعملي إيه00000

[شيماء حسانين 0]

السلام عليكم أخواتي حبيت أقول لكم تجربتي

 

عسى أن أفيدكم أو تفيدوني 000لما بكون زعلانة من زوجي الصراحة بخاصمه

 

لمدة كام يوم وبجانب هذا أهتم بنفسي أكثر من المعتاد عسى أن يصالحني لكن

 

للأسف بيصعب علي وبحس إنه مسكين وغلبان من غيري فبضطر أصالحه0 :icon17: 0

 

وأتمنى أن تكون هذه سبب دخولي الجنة لقول الرسول صلى الله عليه وسلم

 

ألا أخبركم بنسائكم في الجنة ؟قلنا بلى يا رسول الله قال :ولود ودود إذا غضبت

 

أو أسيء إليها أو غضب زوجها قالت : هذه يدي في يدك لا أكتحل بغمض حتى ترضى)00!!!وأضعها دائما نصب عيني كي تسير مركبة الحياة

 

وبفضل الله زوجي دائما يحبها في ويجعلني ذات فضل عليه

 

وإنتوا لما بتكونوا زعلانين بتعملوا إيه ؟؟؟؟شاركوني بأرائكم كي نفيد ونستفيد

 

موضوع بسيط لكن مهم جدااااااوجزاكم الله خيراً

 

تم تعديل 22 مايو, 2010 بواسطة شيماء حسانين

[أحزنتنى ذنوبى 2]

طبعا انا لما بكون زعلانة بطق هههههه

ودة لسبب بسيط أوي ان انا عصبية وبقعد ازعق على الفاضي والمليان وهو يفضل هادي وانا مبقدرش امسك اعصابي

المصيبة بعد دة كلة باروح اصالحة والحمد لله عمري ما افتكر ان احنا اتخاصمنا اكتر من يوم دة ان لم تخوني ذاكرتي طبعا هههه

المهم بدأت اتقل في المدة الأخيرة وبدأهو يحاول يصالحني لما يكون غلطان والموضوع دة مجاش الا في الأخر بس بعد ما طلعت روحي لأني عودتة من يوم زواجي انا اللي اصالحة حتى لو غلطان (بس بصراحة دي بتبقى ليها وزنها بعدين ))هههههه

موضوعك شائك يا شوشو وهيقلب المواجع ههههههههههههههههههه بضحك معاكي بارك الله فيكي موضوع لذيذ

تم تعديل 22 مايو, 2010 بواسطة أحزنتنى ذنوبى

[ساجدة للرحمن 2050]

السلام عليكم ورحمة الله وبركاته،،

بارك الله فيك يا غالية

موضوع لطيف وفي انتظار الأخوات

[ام مريم و رغد 0]

السلام عليكم ورحمة الله وبركاته،،

سبحان الله سبقتيني كنت عايزه اطرح الموضوع ده بس خفت لايقولو منقول برضه و يقفلوه

 

جزاكي الله خيرا على الطرح و راجعه تاني بردي على الموضوع

[شيماء حسانين 0]

حبيبتي فوءة وحشتييييييني أوي وعندك حق أنا كمان عودته على كدة يالله ربنا يعينا عليهم

ويدخلنا الجنة

وسجودة كمان ياربي لك الحمد منورة والله مشرفتي الغالية0

وأنا كمان يا أم مريم كنت خايفة يقولوا منقول أو مكرر بس قلت زي ما تيجي

مستنياكي يا غالية

[ritaj 21 34]

السلام عليكم ورحمة الله وبركاته،،

انا معاه قرابة 10اشهر حقيقة ادا اخطات انا يغضب مني ويعاتبني فاقوم انا بدور العصفورة المسكينة ههههههههه

فيحن علي ويراضيني وعندما هو يخطا لا اصرخ او اعصب اقول له بحزن انك غلطان في حقي لايحب كلمة ظلمتني رغم انها الصحيحة فاجده يحاول اسعادي وارضائي زوجي لا يحب نوع النساء العصبيات نوعا ما حتي تعليقاتي يجب ان تكون بلطف

[#ام سلمى# 1]

السلام عليكم ورحمة الله وبركاته،،

تسلمى يا قلبى على الموضوع الحلو دا

فى اول زواجى لو كنت انا الغلطانة اروح اصالحو

لو هو الغلطان اتزين واحاول الفت انتباهو علشان هو يجى يصالحنى ^_*

انما لحد ما سمعت الحديث اللى ذكرتية وهو من نسائكم فى الجنة

فالحمد لله لله الفضل والمنة

فى اى مشكلة حتى لو هو الغلطان اروح اقولو انا اسفة يقولى ليه اقولو انك زعلتنى يقعد يضحك

وساعات عيونو تدمع ويضمنى ويقولى اهى دى اكبر حاجة بتحسسنى انى غلطان

انك انتى اللى بتحسنى اليا وتصالحينى رغم انى مزعلك

والحمد لله عمرو ما بات زعلان منى الا ليلة واحده اسئل الله ان يغفرها لى

اللهم كما رضيت زوجى فيك فحببة فى واجعلنى قرة عينى

اللهم ارزقنى حبك وحب من احبك حب عمل يقربنى لحبك اللهم امين

اسفة على الاطالة:)

[أم حذيفة السامرائية 0]

أما أنا أضل طول اليوم أبكي لأنه لا يكلمني مع انه هو ليغطل علي

 

وفي النهاية أذهب أصالحه

[حفصة أحمد 40]

هههههه

انا مش متزوجه لكن باذن الله ناويه اتقى الله فيه واذا حدث خلاف اجلس قليلا حتى تهدئ الامور

لكن لن اتخاصم معه بل ساتكلم ولكن ليس كالمعتاد ثم اعاتبه بهدوء واذا اخطاءت هعتذر خليها عليا :biggrin:

 

فكرتك حلوه

[ام محمود2 0]

السلام عليكم أخواتي حبيت أقول لكم تجربتي

 

عسى أن أفيدكم أو تفيدوني 000لما بكون زعلانة من زوجي الصراحة بخاصمه

 

لمدة كام يوم وبجانب هذا أهتم بنفسي أكثر من المعتاد عسى أن يصالحني لكن

 

للأسف بيصعب علي وبحس إنه مسكين وغلبان من غيري فبضطر أصالحه0 :biggrin: 0

 

وأتمنى أن تكون هذه سبب دخولي الجنة لقول الرسول صلى الله عليه وسلم

 

ألا أخبركم بنسائكم في الجنة ؟قلنا بلى يا رسول الله قال :ولود ودود إذا غضبت

 

أو أسيء إليها أو غضب زوجها قالت : هذه يدي في يدك لا أكتحل بغمض حتى ترضى)00!!!وأضعها دائما نصب عيني كي تسير مركبة الحياة

 

وبفضل الله زوجي دائما يحبها في ويجعلني ذات فضل عليه

 

وإنتوا لما بتكونوا زعلانين بتعملوا إيه ؟؟؟؟شاركوني بأرائكم كي نفيد ونستفيد

 

موضوع بسيط لكن مهم جدااااااوجزاكم الله خيراً

 

[شيماء حسانين 0]

العصفورة ريتاج جزاكي الله خير على مرورك الجميل

وأحلى حاجة ما شاء الله إنه بيراضيكي في كل الأحوال

ربنا يبارك لك فيه

سلومة الكونانية منورة الصفحة والله ربنا يهدينا جميعاً

ويجعلنا زوجات مطيعات حتى الممات

وأنا بفضل الله زوجي لم ينام غضبان علي أبدا ولما بخاصمه ونتصالح يقولي أنا كنت بقول لربنا

سامحها يارب أنا مش غضبان عليها 00عشان كده بخاصمه وأنا مطمنة

بس برجع أصالحه بسرررررعة

[شيماء حسانين 0]

أم حذيفة المخلصة ربنا يسعدك ويبعد عنكم شياطين الإنس والجن

وبطريقتك دي هيبطل يزعلك تاني عشان تحرمي تبكي

 

حفصة الجميلة أدعوا لك بزوج صالح تقي نقي

يصالحك على طوووول

:biggrin:

[شيماء حسانين 0]

أم محمود جزاكي الله خيراً على مرورك وأنتظر تجربتك

[معترفة بذنوبها 0]

بســم الله الـرحمــن الرحيــم

حين تحدث مشكلة بينى وبين زوجى أراه متجهما صامتا والحمد لله لايهننى أو يتفوه بألفاظ جارحة منذ زواجنا ولكن يقتصر غضبه على الصمت أحاول أثناء ذلك ألا أعيرذلك اهتماما وابدو عادية جدا يعنى نأكل سويا ونشاهد التلفاز سويا كما أهتم بزينتى أمامه وقد أحاول تجاذب أطراف الحديث معه فأرى أن ذلك يؤتى ثماره وبعد ذلك يتكلم ويعود لطبيعته ويمر الموضوع وكأن شيئا لم يحدث وأثناء ذلك أحاول ألا أترك الشيطان يؤثر على تفكيرى وأردد الآية الكريمة (وليعفوا وليصفحوا ألا تحبون أن يغفر الله لكم والله غفور رحيم) النور الآية 22

[محبة لربها، ادعوا لي بالثبات 72]

ما شاء الله عليكِ يا شيماء بتطرحى الحل من كلام نبينا االلهم صلى وسلم وبارك عليه وعلى اله وصحبه

 

بتعلمى اخواتك يعملوا ايه ويتقوا الله فى ازواجهن ازاى ودا فى موضوع اشبه بالدردشه **ذكيه** :icon15: :icon17: بارك الله فيك وما شاء الله عليكِ احببتك فى الله

[وأشرقت السماء 1565]

موضوع جميل يا شوشو

أنا وربنا يسامحنى كنت الأول لما يزعلنى كنت بزعل جدا لأنى مش متعودة منه على كدة وهو يذهب للنوم وينام عادى خالص وأنا أفضل طول الليل أتمشى فى الشقة ولا أنام أبدا وفى الآخر أروح أصحيه وعادى خالص ألاقيه يطبطب عليا وينام تانى ولا كأنه عمل حاجه

يعنى كدة كدة بروح أصالحه

[شيماء حسانين 0]

جزاكي الله خير معترفة بذنوبها وأسعدكي الله في الدنيا والآخرة وبارك الله في عقلك

:icon15:

هي دي الستات العاقلة

 

محبة لربها منورانا وطبعا منكم نستفيد وأنتي الأذكى

المهم متهربيش من الموضوع وقولي لنا تجربتك إيه :tongue: عشان نتعلم

وعلى فكرة أنا أيضا بحبك في الله من زمان بارك الله فيكي

 

أشرقت السماء دة كان حالي في الأول أتاري الرجالة كدة أذكياء والله

وإحنا بطيبة قلبنا بنصالحهم جزاكي الله خير على مرورك الجميل

[ام زينة و ميسان 13]

السلام عليكــم ورحمـة الله وبركاتــة ،،جزاك الله خيراً على هذا الموضوع الرررررررررررررررررائع كنت في بداية زواجي أثور على الصغيره قبل الكبيره وكنت عصبيه جداً ؟؟؟؟ أظلم حبيبي معي كثيراً سامحني الله أما هو فيعفو عني لأنه يحبني كثير من المشاكل أفتعلتها و أنا علىيكــم ورحمـة الله وبركاتــة ،، جهل مني بوجوب طاعته و إرضائه و لكن بعد إلتزامي تغير حالي معه و حاله معي فبعد أن كان الخصام يطول بيننا بالأيام و ندخل الأهل في مشاكلنا و بالتالي تصبح فضائح لا مشاكل بدأت اتغير و أهدأ و اتبع طريقة الوضوء و الصلاه حتى اهدإ تماماً و في البدايه دربتني هذه الطريقه على كظم الغيظ فهو ايضاً كان قد تعود إهانتي من كثرة ما لاقاه مني ثم مره على مره أصبح يأتي بجانبي في صلاتي ليصلي بي لأنه كان يشفق علي من طول القيام فأعتبر هذا بمثابة مصالحه و نجلس سوياً و نتحدث في الامر او لا نعيره أهتمام حسب حجمه ...........زأصبحبا متفاهمين أكثر من الاول بكثير و أصبحت لا أريد مضايقته و هو لا يريد م ضايقتي أحببته أكثر بكثير عندما ألتفت لحنانه و أدركته و تمتعت به و أدركت أني لا أستطيع العيش بدونه فلنت له و لا أريد حتى ان يعبس و انا ولاهي أسفه عن تلك الاوقات التي ضيعتها هباءً غير متمعه برضاء زوجي علي و تقديم اي شخص أخر عنه

[شيماء حسانين 0]

كلامك جميل وأسلوبك حلو في التعبير يا أم ميسان أدع الله أن يديم عليكي السعادة والإلتزام

وما توصلتي إليه مؤخرا هو عين العقل

بارك الله فيكي ورضا عنك

[أحزنتنى ذنوبى 2]

ماشاء الله ياشوشو

اتضح ان فية ستات كتير عاقلين ماشاء الله

ذكرتني اختنا الحبيبة أم زينة وميسان بموضوع مهم جدا وهو تدخل الأهل في حل المشكلات الزوجية

بصراحة انا عمري ما قلت لحد من اهلي على أي مشكلة بيني وبين زوجي ودة كان من اهم اسباب ان عمر ما خلافتنا كبرت

الا مرة واحدة بس وهو اللي كان السبب في معرفتهم بالمشكلة

ولله الحمد والمنة ان متزوجة من زمان واخواتي بيجننوا مني وبيقولولي انتي عارفة عننا كل حاجة واحنا مش عارفين عنك حاجة هههههههه دة طبعا مش لؤم لكن انا اختهم الكبيرة وهما بيحبوا يستشيروني في امورهم كلها وان مبحبش احكي عن حياتي الزوجية وبحب اشكي همي لربي ودة اللي اتعلمتة من الغربة

نصيحتي لكل أخت حديثة الزواج او حتى قديمة فية ابعدي أهلك عن مشاكلك لأن بعد كدة المشكلة بتتحل وبترجعي لزوجك ويرجع الود بينكم ويظل الحقد والكرة بين أهلك أولا وزوجك ثانيا لأنهم مبيقدروش ينسوا اساءة زوجك ليكي

تعرفي ياشوشو والله كتير ان ببقى مش حابة ازعل زوجي لكن من كتر الضغط والعصبية اللي الولاد بيسببوهالي بالاقي اني بقيت اتعصب بسرعة

يالله ربنا يسامحني ويصبر زوجي عليا هههههه

تم تعديل 24 مايو, 2010 بواسطة أحزنتنى ذنوبى

[شيماء حسانين 0]

فوءة الجميلة مشاركاتك دائما مفيدة وتزيد الموضوع جمالاًُ بارك الله فيكي

وممكن أزيد أنك لو عاوزة تستشيري أحد في المشكلة إستشيريه

ولكن إطلبي منه عدم التدخل والبوح بالسر

ملأ الله قلوب وبيوت المسلمين سعادة وهناء

[ام مريم و رغد 0]

السلام عليكم ورحمة الله وبركاته،،

معلش اتاخرت عليكي في الرد اصلنا كنا زعلانين و بصالحه :biggrin:

 

بصي انا زوجي لما بيزعل بيديني الوش الخشب و انا وهوه كنا متفقين من اول زواجنا اننا ماننمش و احنا زعلانين من بعض ابدا بس طبعا اختك الي بتجري تصالحه عملا ب ( و خيرهما من يبدا بالسلام ) علشان اكون خيرهما و كمان علشان مبقدرش على زعله حتى لو هوه الي غلطان لان الراجل كبيره عنده اوي انه يقول اسف

 

بصالحه ازاي اني بتشيك و اتزوق و الزقله و افضل اغلس عليه و اقوله هانتصالح يعني هانتصالح (لزقه بقى) :icon15: و يفضل هوه تقلان شويه و يمسك نفسه من الضحك و يحاول يستمر في الزعل علشان ادلعه زياده (طمع بقى قال يعني مابدلعهوش في العادي ده البكري بتاعي )

 

بس اهم حاجه ماننامش الاو احنا متصالحين و بيكون هوه مبسوط و شايلهالي اني بصالحه

[شيماء حسانين 0]

مرحب بيكي أم مريومة باين موضوعي وشه وحش عليكي :ههههههه

:المهم إنك صالحتيه وعملتي بأصلك

وأحلى حاجة إن الرجالة بتحب الدلع عشان كدة إحنا بنقدر عليهم وبناخد إللي إحنا عاوزينه ههههه

ربنا يصلح ما بينك وبين زوجك ويسعدك

[أحزنتنى ذنوبى 2]

تصدقي يا شوشو اتضح لي لما قريت الردود ان باين كدة والله اعلم ان كل الستات غلابة أوي وكلنا اللي بنصالح ازواجنا وهم الله يعنا اللي بيفتروا علينا

هههههههههههههههههههههههههههههههههههه والله احنا مساكين مش كدة :biggrin: :dry:بس نعمل اية في اللي اسمة اية :wub: :wub: :wub: :wub: :wub: :wub: :wub:

[شيماء حسانين 0]

فعلاًَ يا فوءة إحنا غلابة عشلن بنخاف على البيت ومش عاوزين مشاكل

وعندنا عاطفة جياشة أكثر من الرجال

وإللي إسمه إيه ده هو إللي هيدخلنا الجنة إن شاء الله

بس ياريت الرجالة تقدره :rolleyes:

تم تعديل 25 مايو, 2010 بواسطة شيماء حسانين