كب من لديها طفل تأتى هنا للضرورة

[توتى سمسم 8]

السلام عليكــم ورحمـة الله وبركاتــة ،،

كيف الحال أخواتى عاملين ايه

ياريت كل اللى عنده طفل يفيدنا بخبرتة ويقولنا نعمل ايه فى المشاكل الصحية لاولادنا

انا اول واحدة هتشارك اهو هنا

ياسين شهرين مجننى ومسهرنى ومطلع عينى دايما عنده مخص مش عارفة ليه

لو فى عصير معين ابدأ اديهوله ياريت تقولولى

فى ناس بتقولى اديله نونو للمغص الصيدلى قالى نونو لا خدى سايمثيكون جبتى بس برضوا دايما مغص وانتفاخ

الدكتور قالى هيفضل لغايه 3 او 4 شهور بس عايزة حاجه تقلله لحسن مش بناااااااااااام

[توتى سمسم 8]

مغص معلشوا العتب على النظر مش بنام ومش بركز خالص

[سجدة55 18]

السلام عليكم ورحمة الله وبركاته،،

 

ازيك يا توتي هو لحق ياسين يطلع عينك هههههههههههه ربنا يحميهولك و يباركلك فيه يا رب

 

بصي في بيبي درينك عند الصيدليه ده مجموعه اعشاب بتهدئ المغص شوية و في كمان الماء الغريب او اكوافيرا ده حلو برده بس لو زاد عليه المغص اوي في نقط اسمها سبازموتال للرضع بتحطي على معلقه من الماءالغريب 3 نقط

و كمان ممكن تدي الاعشاب المهدئة اللي هي الكراوية و النعناع

انا طلع عينيا مع اولادي و فضلوا كده لحد 6 اشهر لحدما ابتدو يستقروا و كمان حاولي لو بترضعي طبيعي ما اكليش حاجات تعملك انت غازات او انتفاخ و السايمثكون كمان حلو بس انامش باحبه افضل الاعشاب الطبيعيه

ا شاء الله اكون افدتك اصلي كنت كل يوم انزل ببنتي الاولى عند الدكتور و بعدين اتعودت بقى :wacko:

[فدوى المسلمي 531]

السلام عليكم ورحمة الله وبركاته،،

بصي يا توتي

البيبي درينك اعشاب بتتعمل زي الشاي وتتشرب بالببرونة وهي جميلة

لكن من الآخر كده زي ما بيقولوا عايزة دواء فعال ورائع

ماتجيبش أي دوا مصري

جيبي ماء غريب

الانجليييييزي made in england

 

ودي صورته

 

 

أنا عندي توأم وكانوا مجننيني واستخدمت جمييييع انواع أدوية المغص والانتفاخات

مافيش زيه فعلا والله ومن يوم ما جبته ارتحت وبقيت بانصح بيه كل ام

 

ربنا يباركلك في ياسين ويجعله من الصالحين البارين

[توتى سمسم 8]

ربنا يخليكم يا حبيباتى اه شوفتى يا سجدة طلع عينى خالص والله مش بينام كويس

انا عندى بيبى درينك وبصراحة مكنتش بدها كنت بحسبها مكمل غذائى لو لبنى قليل بس خلاااااااااااص اكيد هديهوله هديهوله طبعا من اليوم

حبيبتى جهاد وكفى ماشاء الله ربنا يباركلك فيهم ويقويكى عليهم ده واحد ومطلع عنينا

قولولى ازاى اصلح عنوان الموضوع

بدل كب (كل)

[توتى سمسم 8]

قولولى يا اخوات السرة بتدخل أمتى يعينى كل ميعيط الاقيها طلعت لقدام اوى ولو مش بيعيط بتهدى لكن برضوا طالعه برة

قالولى حطى حزام للسرة من الصيدلية حطيتة بس بيتحرك من مكانة كل شوية ارجعه على السرة بس لما بشيلة بترجع زى مكانت

هى هتدخل أمتى ؟

[فدوى المسلمي 531]

اطلبي من مشرفة القسم تغيرلك الاسم يا قمر

تم تعديل 27 يونيو, 2010 بواسطة جهاد و كفى

[شذى الهمة 331]

ربنا يباركلك في ياسين يارب ويقر به عينك

بصي ياحبيبتي

أهم خطوة هي تنظيم الرضاعة يعني كل ساعتين

مهما حصل ومهما عيط

ومهما ومهما :unsure:

بس بشرط

أن تكون مدة الوجبة ثلث ساعة كاملة عشر دقائق من كل صدر

يعني مش تضحكي عليه ويرضع خمس دقائق وبعدين تسيبيه جعان لمدة ساعتين

لا انتي فرغي نفسك ولا تردي على تليفون ولا أي شئ

وابدأي رضاعته من الصدر الأول وبعدين خليه يتجشأ واصبري عليه

ممكن ياخد خمس دقائق وممكن في ثانية

وممكن لو اتجشأ مرة يبقى عايز مرة كمان

وبعدين بدلي صدرك واعطيه الصدر الثاني وافعلي نفس الشئ

وأهم نقطة بقى أن أثناء الرضاعة تقرأي قرآن من السور الصغيرة والرقية وآية الكرسي

هتلاقيه اتعلق بصوتك في القرآن ولما تبطلي هيبصلك عايزك تكملي

السن دي جميلة في التعلق بالصوت والقرآن بيهديه جدا خصوصا لو كنتي بتقرأيه بخشوع

وبتربتي على رأسه وصدره

 

طيب لو عيط جامد بين الرضعتين وعايز يرضع

هاتي سكاتة طبية وعليها لحسة عسل أبيض

لا تخافي هيقولولك السكاتة ومش عارفة إيه

متخافيش السكاته الطبية لا يحبها الأطفال وبيتركوها لوحدهم من غير فطام

أما السكاتة العادية فهي دي المشكلة بيتعلقوا بيها لأنها مريحة

والعسل أيضا لو مش مغشوش مش هيعمل انتفاخ خالص

 

تاني حاجة

الأعشاب

لازم على الأقل رضعتين في اليوم أعشاب

بيبي درينك أو بيبي كالم

أنا كنت بحب بيبي كالم خصوصا بالليل لأنها كانت بتخليه ينام طول الليل ويرضع على الفجر كده ويكمل نوم

بس استعدي لأنها بتكتر كمية البول والبامبرز بيسرب مش هيلاحق :biggrin:

 

ثالث حاجة

كل يوم لازم تعطيله أكوافيرا أو ماء غريب زي ما الأخوات قالولك

والأدوية دي لازم بانتظام

ما ينفعش وقت اللزوم لما يجيله مغص ولا هتعمل حاجة

 

سبازموتال تديهوله لما يكون مغص شديد يعني مش مبطل صراخ تديله ثلاث نقط بس لا تخليه يتعود عليها

 

وبالنسبة للسرة

ماتخافيش

ولا تجيبي حزام سرة ولا شئ

هي هتدخل لوحدها هي بتخرج من كتر العياط

ماتخليهوش يعيط كتير بس

 

ده اللي في دماغي دلوقتي

يارب أكون أفدتك

دعواتك

[شذى الهمة 331]

حاجة تانية

لا تنسي تبدأي تشربيه مية

لأن الحر بدأ وممكن يكون عطشان

مادمتي هتنظمي الرضاعة

[سجدة55 18]

جزاك الله خيرا سجودي معلومات مهمة جدا و قيمة نفع الله بك بنت خالتي لسه والده و هاقولها عليها لان بنتها يادوب ترضع 5 دقايق و ما ترضاش تاني و ترجع كمان شوية جعانه

 

طيب اللي بترضع طبيعي ينفع تشرب مية من امتى ؟

[توتى سمسم 8]

الله عليكم اخواتى بارك الله فيكم

سجدة 55 حبيبتى الدكتور قالى من 40 يوم وواحد تانى قالى من 3 يوم شرب المياه والله اعلم ياسين كان كده فى الاول لكن الدكتور قالى صحية باى طريقه ورضعيه علشان يشبع وينام شوية وتعرفى تنامى فلازم ترضع من 20 الى 30 دقيقه كل ساعتين الى 3 ساعات لو فضل الطفل نايم صاحية ياكل

سجودى لله فقط معلومات قيمة جداااااااا حبيبتى جزاكى الله خيرا انا فعلا باخذه الدواء عند اللزوم علشان كده مش بيأثر

[توتى سمسم 8]

اه صح الاعشاب فعلا بدات اديها له بقى بيعمل حمام كتير كويس طمنتينى كنت بفكر اروح لدكتور لما لقتها زادت

[شذى الهمة 331]

سجدة 55

ربي يبارك فيكي حبيبتي

بالنسبة لشرب المية في الرضاعة الطبيعي غالبا مش بتحتاج في الشهر الأول

بس لأن اللبن بيكون خفيف جدا وبيروي العطش

ممكن تديها على الأربعين

الصراحة الصيف حر جدا والمية مهمة

 

توتي سمسم

جزاكم الله خيرا ربنا يبارك في ابنك يارب

ودعواتك أولد بالسلامة

[محبة لربها، ادعوا لي بالثبات 72]

ما شاء الله معلوماتك هايله يا ام عمر انت وجهاد وكفى اتعلمت منكوا ..وانا اللى داخلة اعلمكوا وبقول امهات صغيرة لسه مش عافين حاجه ههههه

 

 

ربنا يقومك بالسلامة يا ام عمر ويهدى عمر

 

وربنا يحفظهملك يا فدوى

 

ويهديلك ولادك يا بوسي

 

ويهدى ياسين يا توتى وتشوفيه عريس صالح وبار بامه

[~~أم أسيل~~ 26]

السلام عليكم ورحمة الله وبركاته،،

 

زي ما قالوا الاخوات ماء غريب مهم جداااااااااااااااااااااااااااا انا باديه لاسيل على طول

وكمان بابي درينك حاولي تحلي لان اسيل كانت بترفض تاخده لحد ما بدأت احليه بدأت تاخده وبيهدي البطن وبيخلي ميجيش امساك

اما السكاته لحد دلوقتي مش عارفه اديها لاسيل بتصوت مجرد ما تشوفها بس :( نفسي في حل ليها

بصي الدكتور بتاعي قالي لو البابي نايم متصحهوش لان بيكبر بالنوم ولو جعان هيقوم لوحده يعيط الصبح لوحده من ساعتين ل 3 هايصحي يرضع

بليل الساعه 12 رضعيه وبعدين ماء غريبة معلقة شاي صغيرة هينام اافجر وانتي نامي بقى وخلال اليوم ادي مرتين بابي درينك ويبقى تمام كده اوووووووووووووي :)

[ذات.النطاقين 0]

السلام عليكم ورحمة الله وبركاته،،

بسم الله الرحمن الرحيم

الف مبروك اختي ام ياسين,الهم اجعله من الصالحين

انا بنت الان في الشهر الرابع وانا ايضا واجهت هذا المشكل في الاسابيع الاولى بعد الولادة كتب لي الطبيب شراب ضد الانتفاخ لان سبب المغص هو الغازات الكثيرة في البطن ويكون عندى الاولاد بشدة اكثر من عند البنات ويختفي المغص بعد ثلاثة اشهر

ولكن الحمد لله انا لم استعمل هذه الوصفة المكتوبة الا قليلا بل استعملت الاعشاب بما انني لم استطع ارضاع الصغيرة استعملت الحليب الصناعي كنت دائما احضره بشراب(البسباس.fenouil.fenchel)(مغربي,الماني,فرنسي) سامحيني لانني لا اعرفه بالعربي

كذالك بين الفينة و الاخرى كنت اطبخ حبات الكمون كشراب وكذلك اللويزة verveine(مغربي,فرنسي) و حاولي وضع الغير على بطنه من ناحيه يساعده ذلك الضغط على البطن و الحرارة على اخراج الغازات و من ناحية اخرى يساعده هذا الوضع على تقوية العضلات العلوية للضهر مما يساعده على التمكن من رفع راسه و التحكم فيه هناك كذلك مساج للاطفال ضد المغص اصله هندي وللاسف انا عندي بالالماني ولا اعرف كيف افيدكن به

بالنسبة لشراب البسباس استعمليه دائما حتى يبلغ الطفل سنتين فهو يهدئ الاعصاب و يساعد على النوم

بالنسبة لاي شراب او اكل تجنبي ان يكون حلو المذاق عدا الخضروات و الفواكه لانه اذا تعرف على الحلو اولا سيرفض بعد ذالك انواع الطعام الاخرى قدمي له الاكل و الشرب قبل الشهر السابع دون ملح و سكر حتى يتعرف على الاكل ولا يرفضه بعد ذالك

هذا نتاج تجربتي خلال اربع شهور و نصائح الطبيب و القابلة

ارجوا ان يفيدك

[ذات.النطاقين 0]

السلام عليكــم ورحمـة الله وبركاتــة ،،

بســم الله الـرحمــن الرحيــم

الف مبروك اختي ام ياسين,الهم اجعله من الصالحين

انا بنت الان في الشهر الرابع وانا ايضا واجهت هذا المشكل في الاسابيع الاولى بعد الولادة كتب لي الطبيب شراب ضد الانتفاخ لان سبب المغص هو الغازات الكثيرة في البطن ويكون عندى الاولاد بشدة اكثر من عند البنات ويختفي المغص بعد ثلاثة اشهر

ولكن الحمد لله انا لم استعمل هذه الوصفة المكتوبة الا قليلا بل استعملت الاعشاب بما انني لم استطع ارضاع الصغيرة استعملت الحليب الصناعي كنت دائما احضره بشراب(البسباس.fenouil.fenchel)(مغربي,الماني,فرنسي) سامحيني لانني لا اعرفه بالعربي

كذالك بين الفينة و الاخرى كنت اطبخ حبات الكمون كشراب وكذلك اللويزة verveine(مغربي,فرنسي) و حاولي وضع الغير على بطنه من ناحيه يساعده ذلك الضغط على البطن و الحرارة على اخراج الغازات و من ناحية اخرى يساعده هذا الوضع على تقوية العضلات العلوية للضهر مما يساعده على التمكن من رفع راسه و التحكم فيه هناك كذلك مساج للاطفال ضد المغص اصله هندي وللاسف انا عندي بالالماني ولا اعرف كيف افيدكن به

بالنسبة لشراب البسباس استعمليه دائما حتى يبلغ الطفل سنتين فهو يهدئ الاعصاب و يساعد على النوم

بالنسبة لاي شراب او اكل تجنبي ان يكون حلو المذاق عدا الخضروات و الفواكه لانه اذا تعرف على الحلو اولا سيرفض بعد ذالك انواع الطعام الاخرى قدمي له الاكل و الشرب قبل الشهر السابع دون ملح و سكر حتى يتعرف على الاكل ولا يرفضه بعد ذالك

هذا نتاج تجربتي خلال اربع شهور و نصائح الطبيب و القابلة

ارجوا ان يفيدك

[كنوز الدنيا 0]

جزاكم الله خيرا

جميع الامهات ربنا يعينكو

بجد معلومات جميله

ان شاء الله ابقى اعمل بيها

لما ابقى اولد

وبارك الله فيكم جميعا

[ام رحمة السلفية 12]

السلام عليكــم ورحمـة الله وبركاتــة ،،

 

جزاكنّ الله خير معلومات مفيده

كتير استفدت منها

جعلها الله فى ميزان حسناتكنّ

[سهى المصرية 0]

جزاكى الله خيرا اختى (( توتى سمسم )) على فتح هذا الموضوع المهم

 

معلومات مفيده وقيمه جزاكن الله خيرا جميعا

[فدوى المسلمي 531]

ربنا يباركلك في ياسين يارب ويقر به عينك

بصي ياحبيبتي

أهم خطوة هي تنظيم الرضاعة يعني كل ساعتين

مهما حصل ومهما عيط

ومهما ومهما :icon17:

بس بشرط

أن تكون مدة الوجبة ثلث ساعة كاملة عشر دقائق من كل صدر

 

أختلف معك يا قمر في هذه النقطة

وأنا ضد تنظيم وقت الرضاعة تماما

وأعتقد الأفضل الرضاعة وقت الحاجة وققت طلب الرضاعة

يمكن يكون كلامي صح أو غلط لكن من تجربتي واللي حصل معايا

أنا كنت بارضع ولدين في نفس الوقت والحمد لله ربنا قدرني أكملهم فترة الرضاعة الطبيعية العامين بفضل من الله

الرضاعة الطبيعية بتحتاج مجهود من الطفل لأن المص بيكون أصعب بكتير من المص في الببرونة

وقدرة كل طفل بتختلف عن الأخر

كان واحد فيهم بيمص بشدة وبالتالي بياخد وقت أقل في الرضاعة

أما الأخر كان مسكين خالص بيمص خفيف جدا وبالتالي أقل من أخوه وبالتالي بياخد فترة أطول فكان لابد أديله فترته حتى يشبع

يعني الأفضل من وجهة نظري الرضاعة وقت ما الطفل يحتاج

وعدم الغصب عليه في وقت مش محتاج

أعطيله كفايته حتى يترك الرضاعة بنفسه لأن هو أدرى ان كان شبع ولا لأ

[شذى الهمة 331]

ما شاء الله حبيبتي جهاد

وبارك الله لك في توأمك

لكن التوائم تحتاج عناية خاصة لأن غالبا بيكون واحد أضعف من الآخر

فيحتاج رعاية غير الطفل الواحد

وطبعا أنا معك في المرونة في التعامل مع أي نصيحة

فالطفل لو استجاب لذلك فخير وإن لم يستجب ولضعفه لم يستطع إكمال الرضاعة لمدة ثلث ساعة أكيد حرام عليا لو تركته ساعتين بدون رضاعة

يعني أنا اشترطت مع تنظيم الرضاعة إعطاء الطفل كفايته في الوقت

وبعدين بين الرضعات لو جاع بديله عسل نحل أو أعشاب