اذهبي الى المحتوى
ام عمر ومريم

تجمع للحوامل ياريت كل واحدة حامل تدخل وتشاركنا

المشاركات التي تم ترشيحها

السلام عليكم ورحمة الله وبركاته

كيفكن يا بنات عاملين ايه وحشتوووووووونى اوى

ربنا يبارك فى اولادكوا اللهم امين ويتم حملكن على خير يااااارب

معلش حبيباتى انا مقصرة معاكوا بس غصب عنى عمر هو اللى مخلينى مش عارفه اعمل ايه ومخلى نفسيتى سيئه جدااااا

من اسبوع تعبان ومبيكولش خااااااااالص وعايش على اللبن والحلويات بس ومش عارفه اعمل ايه واللى زاد انه امبارح تعب منى اوى وهبط منى وسخن جدا ونفسيته وحشه اوى ومش عارفه اعمله ايه مع اننا مش مقصرين معاه خالص كل حاجه بنجيبها ليه ومدلعينه خاااااالص ومش عارفه اعمل ايه والله تعبت اوى وكل مابشوفه كده بتعب نفسيا اكتر لدرجه انى قولت لازم اوديه للدكتور يشوف ايه اللى فيه وبقاله يومين مبييروحش المدرسه وبقى اشقى من الاول خاااالص وبقى عنيف خالص لدرجه انه بيمسك العرايس يفضل يضرب فيها مش عارفه ليه كده ربنا يهديه يارب بالله عليكوا ادعوله يا بنات ان ربنا يهديه لانى ان تعبااااااااااانه اوى من الموضوع ده معلش انا دوشتكم معايا بس قولت افضفض معاكوا لانى متغربه ومش لاقيه حد اكلمه خالص

وسلامى لكل البنات معلش اعذرونى انى مش قادرة ارد على البنات

فى امان الله

تم تعديل بواسطة ام عمر ومريم

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

كيفكن يا حلوات أخبار الرشاقة معاكم إيه؟

 

حبيبتى أم عمر ومريم

 

شفا الله لكى عمر وعافاه وسلمه من أى شر

هو عنده كام سنة حبيبتى ؟

ممكن يكون فى مشكلة معينة معاه فى المدرسة حاولى تبحثى عن كل الأسباب التى جعلته كذلك

وإن كان صغير جدا فربما تكون غيرته من أخيه حاولى بقدر الإمكان حبيبتى ألا تبعدى عنه مهما كان وإجعلى أبوه يتقرب منه أكثر ربما لو اعتمد على والده أكثر ينسى مشكلة الغيرة هذه ودايما يخرجه ويعرف منه إيه إللى مضايقه

ربنا يشفيه حبيبتى ويهديه ويشرح صدره

 

أم يوسف

برده بتحرضى البنات عليا

مش معنى إنى حبستك حاجة وحشة لا سمح الله

دا أنا بموت فيكى وبحبك أوى علشان كدة قلت أحبسك علشان ما ألجأ لعقاب تانى يؤلمك هههه

 

سدومة

أيوة كدة الخوف حلو

حبيبتى ممكن فى هذه الشهور يعنى مشى حوالى عشر دقائق أو ربع ساعة بالكتير بلاش نصف ساعة دلوقتى

على العموم لا تقلقى كله خير ربنا يتم حملك على خير حبيبتى

 

زهورة

أسأل الله أن يتم حملك على خير ويقر عينك برؤية وليدك سليما معافى

ربنا معاكى حبيبتى وعليكى بالراحة

 

 

أم رقية

أسأل الله أن يرزقكى الذرية الصالحة وسائر زوجات المسلمين عاجلا غير آجل

منورة يا غالية

 

أم معاذ ومريم

أنتى فى أى شهر حبيبتى ؟

معلش أصل نسيت ربنا يتم حملك على خير

 

جهاااااااااد

حمدا لله على سلامتك حبيبتى

خلاص إنتى معافاة من دفع الغرامة حبيبتى

أسأل الله أن ييسر لكى وأن يتم حملك على خير

 

أم أسامة

أنا الحمد لله بخير حبيبتى أخبارك أنتى ؟ هل ذهبتى للطبيبة؟

يارب تكون نفسيتك بخير وكل أمورك بخير

 

صفة الصفوة

يا سلااام دا أنا أتشرف بيكى يا غالية

خلاص أنا عندى يوسف عنده سنتين ونصف ينفع ؟

إحجزيلى البنوتة بتاعتك وكمان بنوتة بنت أم عبد

أصل ناوية أجوزة أربعة مرة واحدة علشان أطمن عليه ههههه

 

البنات الغائبات وأولهم بنت أم عبد وأنونة وحنونة وباقى الحلوات حسابكن عسييير

 

ومعلش على التقصير يا بنات أصلى مش عارفة ما لى كدة

عندى دوخة ونفى غمة عليا

مش عارفة شكلى حامل ولا إييييييييييييييييه

شارك هذه المشاركه


رابط المشاركه
شارك

جزاكم الله خيرا يا امهااات

 

وربنا يتقبل يااااااااااااب

 

 

 

 

ام عمر ومريم

وحشتيييييينى اووووووووووى

اخبارك ايه

 

الف سلامة على عمر شافاه الله وعافاااه يااااارب

شارك هذه المشاركه


رابط المشاركه
شارك

عن جد انك عطوفة زيادة عن اللازم ياشرقت وحنونة كتير ياشيخة ما توزعيلنا حاجة من حنانك الزايد بتاعك :icon15: :icon15: 4 مرة وحده اخ منك ومن شغبك اعمل فيكي ايه

ياهلا بام عبد وعن بنتك طمنينا اخر مرة سمعت انها كويسة يارب دوم

ام _رقية نورتينا وفكرتينا باخت عزيزة علينا نفس الاسم الله يخليها ونسمع عنها اخبار طيبة

وحكيلنا عنك انتي حامل ياغالية ؟

شارك هذه المشاركه


رابط المشاركه
شارك

السلام عليكم ورحمة الله وبركاته

 

كيف حالكن يا أخوات

 

ليس هناك أخبار عن ام رقية والله إشتقت لها كثيرا ياترى ماهي أخبارها عسى أن تكون بخير هي وصغيرها

 

أختي الحبيبة جهاد عودا حميدا ياغالية ربنا مايحرمنا منك ولا من كلامك الجميل كيف حالك أختي الحبيبة

 

أم معاذ الغالية ماهي أخبارك طمنينا عليك

 

زهرة الإيلام الغالية ربنا يتمملك الحمل ويرزقك طفل سليم ومعافى

 

لي عودة بعد قليل إن شاء الله

شارك هذه المشاركه


رابط المشاركه
شارك

كيف الحال ياحلوات ؟

أنا شايفة ناس بتتوحم عالفول وحاجات كده

الحقوا واتوحموا علشان بعد كده هتتوحموا عالنوم

ربنا يقومكم كلكم بالسلامة يارب

شارك هذه المشاركه


رابط المشاركه
شارك

صفة الصفوة

ما شاء الله ربنا يباركلك فيهم يارب والله عندك حق ربنا يعينا على تربية اولادنا

زهرة الاسلام

كيف حالك ياقمر

كالسحاب

ربنا ييسرلك امورك وابقى قوليلنا الدكتورة قالتلك ايه

توكلت

انتى ما بتحرميش ولسة بتتكلمى فى السياسة

ام عمر ومريم

ربنا يهديلك عمر يارب ويباركلك فيهم ويحفظهم من كل سوء

اشرقت

اخبارك ايه يا غالية انا فى الشهر التانى

ام رقية

اهلا بيكى يا قمر كيف الحال

بنت ام عبد

كيف حالك حبيبتى وحال النونة ان شاء الله بخير

ام اسامة

كيف حالك حبيبتى طمنينا عنك انتى فى الشهر الكام

سجودى

كيف حالك حبيبتى والله عندك حق فعلا الوحم الجاى ع النوم ربنا يعينا جميعا

شارك هذه المشاركه


رابط المشاركه
شارك
السلام عليكم ورحمة الله وبركاته

كيفكن يا بنات عاملين ايه وحشتوووووووونى اوى

ربنا يبارك فى اولادكوا اللهم امين ويتم حملكن على خير يااااارب

معلش حبيباتى انا مقصرة معاكوا بس غصب عنى عمر هو اللى مخلينى مش عارفه اعمل ايه ومخلى نفسيتى سيئه جدااااا

من اسبوع تعبان ومبيكولش خااااااااالص وعايش على اللبن والحلويات بس ومش عارفه اعمل ايه واللى زاد انه امبارح تعب منى اوى وهبط منى وسخن جدا ونفسيته وحشه اوى ومش عارفه اعمله ايه مع اننا مش مقصرين معاه خالص كل حاجه بنجيبها ليه ومدلعينه خاااااالص ومش عارفه اعمل ايه والله تعبت اوى وكل مابشوفه كده بتعب نفسيا اكتر لدرجه انى قولت لازم اوديه للدكتور يشوف ايه اللى فيه وبقاله يومين مبييروحش المدرسه وبقى اشقى من الاول خاااالص وبقى عنيف خالص لدرجه انه بيمسك العرايس يفضل يضرب فيها مش عارفه ليه كده ربنا يهديه يارب بالله عليكوا ادعوله يا بنات ان ربنا يهديه لانى ان تعبااااااااااانه اوى من الموضوع ده معلش انا دوشتكم معايا بس قولت افضفض معاكوا لانى متغربه ومش لاقيه حد اكلمه خالص

وسلامى لكل البنات معلش اعذرونى انى مش قادرة ارد على البنات

فى امان الله

 

معلش يا أم عمر

تحمليه شوية والمرحلة اللي انتي فيها صعبة جدا خصوصا في الغربة

الواحد مر بأيام لا أعتقد أنها ستنسى

أحيانا بحس إن ليهم حق إنهم يغيروا لما بشوف تعلقي بالنونو الجديد

وفعلا كل حاجة اتقسمت بينهم الوقت والحب وكل شئ

وموضوع الأكل هو بيعبر عن غضبه

أنا جيه وقت على عمر مش بياكل أي شئ لدرجة اني خفت عليه

حتى العصير كان بيسكبه على الأرض والحلويات اللي بيحبها مش بياكلها ويبهدل بيها الدنيا

حاولي تحتويه وتخصصي وقت له وقربيه من زوجك كثير

ومتحاوليش توصليله احساس انه صعبان عليكي

تعاملي معاه أن ده الواقع ولازم يتقبله ومره بالحنية ومرة باللا مباللاة

بس أهم شئ لا تتعاملي معاه بقسوة أبدا

شارك هذه المشاركه


رابط المشاركه
شارك

السلام عليكــم ورحمـة الله وبركاتــة

جزاكن الله كل خير حبيباتى على دعواتكن وربنا يبارك فيكوا اللهم امين ويبارك فى اولادكوا يااارب

انا بالفعل ذهبت به امس للدكتور وقال لى هذة حاله نفسيه لان دلع بباة ليه هو اللى عمل الغيرة دى وبالتالى قال لازم نعدل بين الاتنين ونحاول نفقترب منه اكثر واعطانى له مضاد حيوى لانه وجد عنده التهاب اللوز واعطاه فيتامين وفاتح شهيه وخافض حرارة وقال لى انه عندة انيميا لان وجد تحت عينه سواد وقال لازم ياكل لحوم وخضار والله المستعان

اختى اشرقت جزاكى الله حبيبتى كل خير انا بحاول معاه والله انا وبباة وكمان بباة بيحاول معاه وبيحاول يخرج بيه بس انتى عارفه ظروف العمل هنا صعبه جدا وعمر عنده اربع سنوات والحمد لله على كل حال وفعلا ايضا لديه مشكله فى المدريسه ان احد زمايله خربشه فى وشعه وعورة وجاي بيعيط وقالى الدكتورة وضعتلى مرهم وده مع الغيرة زوده اكتر بس الحمد لله بحتاول ان اخفف عنه وربنا يهديهم يارب

ويقومك بالسلامه ويبارك فى اولادك اللهم اميييييييييين

 

حبيبتى توكلت على خالقى تسلمى يارب انتى كيفك حبيبتى عامله ايه فى الحمل بقيتى فى الكام دلوقتى

ربنا يكملك على خير وتقومى بالف سلامه

 

ام رقيه عامله ايه حبيبتى وحشاااااااانى اوى فينك حبيبه قلبى ربنا يرزقكى اللهم امين الذريه الصالحه عاجلا وليس اجلا يااارب

 

ام عمر ايه اخبارك واخبار عمر وخالد ايه وخالد عامل ايه دلوقتى وربنا يعينك حبيبتى انا حاسه بيكى لان اللى عنكد عندى وسبحان الله انا فعلا متقربه لياسين اكتر لدرجه ان مريم قالتلى انتى بتحبى ياسين اكتنر منهم وقلتلها لا انا بس عشان هو صغير فلازم اعمل معاه كده

وربنايهيهم على بعض يارب ويحببهم فى بعض اللهم اميييييييييييين

انا بحاول اراضيهم والله باى شكل وانفذ جميع كمطالبهم عشان الغيرة بس الدكتور قالى ان الدلع هو اللى بيجيب الغيرىة للاسف يعنى لو مكناش مدلعين عمر كان عمر بقت الغيرة عندة مفيش بس الحمد لله على كل حال ربنا يهدبيهم يارب

 

ام معاذ ربنا يبارك فيكى ويقومك بالسلامه يارب وجزاكى الله كل خير حبيبتى على دعواتك ،،

شارك هذه المشاركه


رابط المشاركه
شارك

كيف حال باقى البنات والامهات عاملين ايه ام عبد عامله ايه وازى بنوتك ايه اخبارها

ام رقيه مفيش اخبار عنها يابنات امال ام محمد فييييييين مشباينه ليه

وكمان سومه اختفت ليه اوعى تكونى عملتيها

ام الاشبال عاملاه ايه وازى الاشبال والشبل الصغير عامل ايه معاكى ربنا يحفظهملك ياااارب

باقى البنات الحوامل اين انتن اميمه وانين السحر وسدومه وام اسامه وام محمد اللى اختفت تماما عاملين ايه ربنا يكملكوا على خير ياااارب

شارك هذه المشاركه


رابط المشاركه
شارك

السلام عليكن و رحمة و الله و بركاته،

 

حيّا الله الحبيبات جميعاً ،، اسأل الله أن تكنّ بخير حال منهُ سُبحانه : )

سلامي لكنّ واحدة واحدة حاضرات و غائبات دون إستثناء ^_^

 

بارك الله في كلّ أُخت حبيبة سألت و دعت : )

 

بارك الله فيكِ غاليتي " بنت ام عبد " و بقلبكِ الطيّب : )

 

سدومة ..

المشي لا يضرّ يا غالية ، خاصّة أنكِ لم تتعبي أثناء المشي أمّا شدّ العضل فهو بسبب نقص الكالسيوم و الله أعلم .

أنا يحدّث معي شدّ عضل أثناء نومي في الليل و لله الحمد مع أني أتناول أقراص الكالسيوم يومياً بفضل الله .

 

أم أسامة الجزائرية ..

أنرّت يا حبيبة : )

سعيدة بتواصلكِ الدائم اللهم بـارك ^_^

 

علّ غياب بقيّة الأخوات خيراً :oops:

تسجيل حضور سريع ..

 

في أمان الرّحمن : )

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

 

أشرقت

جزاكِ الله خيرا علشان أعفتيني من الغرامة :blush: إن شاء الله هرشحك في الاتنخابات القادمة :tongue:

توكلت

جزاكي الله خيرا على سؤالك حبيبتي :icon16:

 

ام عمر ومريم

ربنا يهديلك عمر يارب ويشفيه ويصلح حاله

 

ام رقية

كيف حالها الآن يا أخوات؟.؟؟ أتمنى أن يطمئننا عليها أحد

 

بنت ام عبد

كيف حالك الآن ؟؟ وزينب كيف حالها أتمنى أن تكونو بخير حال

هو انتي في الرياض ولا في مكة؟؟؟

اصل انا في الخُبر ومعنديش اي جارات مصريات وبدور على حد ساكن جنبي حتى لو في الرياض مش مشكلة :mrgreen:

 

ام اسامة

جزاكِ الله خيرا حبيبتي ربنا يبارك فيكِ ويرزقك ب(أسامة) ويباركلك في بنوتتك اللهم آمين

 

سجودى لله

كيف حال ابنك؟؟؟ اتمنى ان يكون احسن الآن

زهرة الاسلام وفاطمة الزهراء وكالسحاب وأنين السحر وأم معاذ ومريم

ربنا يطمئننا عليكن جميعا ويتمم حملنا وحملكن على خير وييسر لنا ولادة طبيعية سهلة يسيرة ويرزقنا أطفال معافينتقر بهم أعيينا و ينصر بهم الدين اللهم آمين

 

ان شاء الله ميعادي مع الطبيبة يوم الخميس أكون بدأت الشهر السابع باذن الله

ادعولي ان وضع المشيمة يكون اتحسن لأن الدكتورة بقالها شهرين بتقولي المشيمة منخفضة عن مكانها الطبيعي

 

الحمد لله انا بفضل الله مش خايفة ,,,, يمكن دراستي للطب هي السبب

زوجي هو اللي خايف وعاوزني انزل اولد في مصر ,,, واضح ان المهندسين قلبهم ضعيف شوية مش زي الدكاترة هههههههه

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

حيا الله الحبيبات جميعا

 

اشروقة اكرمك الباري يا حبيبة

اسال الله ان تكوني بخير و عافية

سؤال لك و للاخوات .. انا بدات اشعر و كاني حامل في الشهر الثالث !!!!!!!!

عندي لوعة و غثيان لكن بفضل الله لا يوجد قيء .. و بدأ يعاودني الصداع مرة اخرى ؟؟ ..

و اشعر ان معدتي ليست طبيعية و كأن ما اتناوله لا يهضم لا ادري كيف اصف الشعور

هل طبيعي انه في الشهر السابع اشعر باعراض الشهر الثالث ؟؟؟؟

 

انون الغالية

كيف احوالك يا حبيبة .. طمنيني عنك و عن النونو

 

انا الشد العضلي من الشهر السادس و هو عندي و لله الحمد في الليل و النهار !

لكن بعد المشي بفترة الشد كان متواصل و مؤلم جدا لدرجة انه يشلني عن الحركة حتى يذهب وحده

و الطبيبة اخبرتني انه نقص مغنيسيوم و ليس كالسيوم و الله اعلم

 

سجودي لله

كيف حل ابنك يا غالية أسأل الله يعافيه و يقر عينك بشفائه

 

هل من اخبر عن الغالية ام رقية ؟

 

ام اسامة و توكلت على خالقي .. جهاد و ام عمر و مريم بنت ام عبد و ام الاشبال و ام ماذ و مريم و جميييع الحبيبات الحاضرات و الغائبات

اسال الله ان تكن بخير و عافية و طمئنونا عنكن دائما

تم تعديل بواسطة ღ سديـــم ღ

شارك هذه المشاركه


رابط المشاركه
شارك

كيف حال كل الاخوات البطاطيخ ان شاء الله بخير

كويس يا ام عمر انك روحتى للدكتور ان شاء الله الامور تتحسن معاه

سديم ان شاء الله خير ممكن لان النونو فى السابع بيبتدى ينزل لتحت شوية فضاغط على معدتك ان شاء الله خير وحاولى تستشيرى طبيبتك

جهاد ان شاء الله خير وتتحسن وضع المشيمة

شارك هذه المشاركه


رابط المشاركه
شارك

حبيبتى انين ربنا يعينك ع الشد العضلى

انا كان بيحصل معايا فى حمل معاذ علشان كنت باخذ ادوية بتقلل للضغط

ربنا معاكم كلكم ويقومكم بالسلامة

شارك هذه المشاركه


رابط المشاركه
شارك

سديم اول مرة اشوفك بالتجمع حياكي الله

بالنسبة لوضعك اصابني بحملي الاول ببنتي خديجة عادي ياغالية ربنا يهون عليكي وعلى جميع الاخوات

بارك الله بام اسامة مع انها خلفت هيه وام عمر ومريم ولكنهما على تواصل معنا دائما ربنا يباركلنا فيكما ويحفظكما لاولادكم

اسعدكما ربي دنيا واخرة

 

اما الباقي انا عتبانة اوي عليهم نادر ما يظهروا ويطمنونا عليهم

الله يكون معهن ويرجعوا يطمنونا عليهم هم بيعرفوا نفسهم

 

خفف الله عنكي ياجهاد ويسر اموركي على خير

انين نورتينا ياغالية ليكي غياب طويل ونادر الظهور هون الله عليكي

اما اخبار التانين ايه

اميمه وسندس وكالسحاب وحنين مسلمة وام محمد وفاطمة الزهراء والمغربية 1 وام يوسف اختفوا فين ربنا يكون معاكم وتطمنونا عليكم

وسلامي للجميع ان كنت نسيت احد

شارك هذه المشاركه


رابط المشاركه
شارك

ام البراء حياكي الله معنا واتمنى ان تكوني حامل وييسر الله لكي هذا الحمل على خير ويسعدك فيه

اما ما قلتي انااسفة ليس لدي اي فكرة عنه

يارب يكون حملك حقيقي ومفيهوش اي خطر لا عليكي ولا على الجنين

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

 

تسجيل حضور سرييييييييييع :rolleyes: وبإذن الله أرجع كما أرجوا منكن قراءة هذا الموضوع أتمنى أن تستفيدوا منه

 

 

 

icon12.gifمعلومات يجب أن تعرفها كل أم عن علاقتها مع مولودها الجديد

شارك هذه المشاركه


رابط المشاركه
شارك

السلام عليكم

حبيبتى ام البراء لاتقلقى حبيبتى انا كنت زيك كده فى حملى لياسين متقلقيش خاااااااالص وظهر بعد فترة من الحمل والحمد لله لان حصل الحمل عندى متاخر

لاتقلقى حبيبتى لان اهم حاجه الحاله النفسيه واحب اطمنك كمان طالما فيه اعراض للحمل يبقى متقلقيش كده الحمل ماشى كويس وربنا يفرح قلبك يااااااااااااارب ويرزقك الذريه الصالحه اللهم امييييييييييييييييين

شارك هذه المشاركه


رابط المشاركه
شارك

ام البراء حياكي الله معنا واتمنى ان تكوني حامل وييسر الله لكي هذا الحمل على خير ويسعدك فيه

اما ما قلتي انااسفة ليس لدي اي فكرة عنه

يارب يكون حملك حقيقي ومفيهوش اي خطر لا عليكي ولا على الجنين

 

جزاكِ الله خيرا يا اختى ياطيبة القلب ، شكرا لردك واهتمامك

 

ربنا يبارك فيكِ ويجبر بخاطرك زى ما جابرتى بخاطرى :oops:

 

واسال الله ان يتقبل دعائك الطيب

شارك هذه المشاركه


رابط المشاركه
شارك

ام عمر ومريم

 

انا بخيييييير الحمد لله على كل حااال

 

اللهم آمييييين ياااااارب

 

 

 

يا امهات

عندى سؤاال يا ريت تجاوبونى

 

هو ممكن يكون فى حمل مع وجود اسهال _ اعزكم الله _ ؟؟؟؟؟؟

 

 

ادعووووووووولى

شارك هذه المشاركه


رابط المشاركه
شارك

بسمة حبيبتى والله ما عرفتك فى الاول

معلش يا قمر فى جميع الحالات ارضى بقضاء الله

بس فيه فى كلامك امل ان فى اول تحليل ما كنتيش حامل بالفعل وانك حامل مع التحليل التانى

يبقى بكدة عمر الجنين يتحسب متاخر شوية

عموما استغفرى كتير وان شاء الله ربنا هيكرمك

شارك هذه المشاركه


رابط المشاركه
شارك
زوار
هذا الموضوع مغلق.

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×