ضرب ضرب ضرب والنهايه كانت كده

[يسرا عبد الرحمن 718]

حبيبتى فى الله درصاف

انا لا اعرف اى شىء عن المشاكل التى من اجلها كانت والدتك تعاملك انتى واخواتك هذه المعامله السيئه

ولكن اعتقد انه كانت فى مشاكل كبيره وهى ايضا اعتقد انها من النوع العصبى جدا لان اللى عندها اطفال هادئين لا يجب ان تعاملهم بهذه الطريقه الا ان كانت فى ضغوط كبيره

لكن كما قلنا ان نفصل مشاكلنا عن اولادنا ونخرج همومنا فى اشياء اخرى ليس فيها ايذاء للاخرين وخاصة الاطفال

 

فقد كان لى والدة صديقتى عندما تكون غاضبه من شىء وشىء كبير تخيلى كانت بتعمل ايه

كانت تشيل سجاجيد البيت كلها وتفضل تنفض فيهم وتنظف كل الشقه وتجيب عاليها واطيها وتنقل هذا فى مكان هذا وهكذا حتى تهدا

 

وايضا الايذاء لاطفالنا بالدعاء واطلاق بعض الالفاظ عليهم اكبر خطا لسببين

اولهم ان رسولنا الكريم نهانا ان ندعوا على اولادنا لان ربما دعائنا يوافق ساعة اجابه

والثانى ان الشتائم لاطفلنا بتؤثرعلى شخصيتهم بنسبه كبيره لقد سمعت قصه فى اذاعه الراديوا ان ام واب عندما ولدت ابنتهم كانوا يقولوا لها يا دكتوره مع انها رضيعه الا سبحان الله كبرت البنت وفعلا اصبحت دكتوره لانه ارادت الا تخذل والديها وتصبح فعلا دكتوره كما اطلقوا عليها سبحان الله لكل فعل رد فعل

 

وجزاكى الله خيرا للرد على سؤالى وربنا يبارك لكى فى بنوتك وان شاء الله تكون هادئه مثلك ولا تحتاجى الى ان تعاقبيها باذن الله

انا سعيده جدا والله يا درصاف بمشاركتك مره اخرى ربنا يبارك فيكى يارب

[يسرا عبد الرحمن 718]

وعليكم السلام ورحمة الله وبركاته اختى فى الله ام ميمونه

اولا ربنا يبارك لكى فى ابنائك

ثانيا موضوع ضربك لابنك العصبى ده خطا اسمحيلى اتكلم معاكى بصراحه اولا انت بدات العقاب بالضرب مع ان فى وسائل اخرى ممكن تعمليها وتكون افضل بدل الضرب وبعدين العصبيه دى شىء ملازم للطفل لغاية ما يكبر فتخيلى انه وصل لسن العشرين مثلا واتعصب عليكى اومع اخواته بردو حتتضربيه بعد ما اصبح راجل طبعا لاءه اكثر شىء ممكن تعمليه فى الحاله دى انك تقطعى معاه الكلام حتى يعتذر

 

لكن ابنك الصغير لما بيعتذر دلوقتى بيعتذر مش علشان عارف انه غلطان لاءه بيعتذر علشان خايف يتضرب او محرج من انه بتضرب امام اخواته مثلا لكن لو تركتيه فى غرفه لوحده عقابا له حيفكر اكيد فى غلطه وحيعتذر من نفسه

 

وليست حبيبتى فى الله الهيبه للام والاب بتكون بالضرب

جربى انك ووالده تمنعوا الكلام مع احدهم عندما يخطا شوفى بنفسك ردة الفعل

ولو تسمحى عايزه اعرف دليل من الكتاب والسنه على ضرب الطفل ضرب غير مبرح

 

وطبعا لازم بيكون هناك خطوط حمراء يجب ان يضعها الاب والام لكن ليس بالضرب لانكما تريدون الهيبه وليس الخوف منكم

 

الضرب ممكن يجعل ابنك اللى فى سن المراهقه يخاف يتحدث مع والدته فى امر ما ويفصح بما فى قلبه خوفا من الضرب وتتسع الفجوه بينهم بقلة الحديث مع بعض وبسبب الضرب ويصبح هو فى موال وانتم فى موال اخر

دا غير ان الضرب حتى لو قرصتى على اذنه بيضعف من شخصية ابنك فى المستقبل

اتناقشى معاه واعرفى وجهة نظره فى اللى فعله ويرى انه صحيح وانت ايضا عرفيه وجهة نظرك فيما رايته فيه من خطا وفى الاخر حتخرجوا باجابه وسطيه

اوقات بنفهم اولادنا خطا وهما كذلك لذلك يجب النقاش وان لم يستجب لكلامك اتركيه يجرب بنفسه وصدقينى حيندم ويعترف بخطاه باى شكل من الاشكال ليس شرط ان يصارحك بخطاه لكن ممكن يعترف بالبعد عن ذلك الفعل مره اخرى

 

اسال الله ان يهدى لكى اولادك ويجعلهم من عباده الصالحين وبارين بوالديهم اللهم امين

[يسرا عبد الرحمن 718]

ما شاء الله عليكى حبيبتى فى الله ام زينه وميسانفعلا هو ده الكلام

سبحان الله انا كمان بتعامل مع اولادى بنفس الطريقه

لكن وجدت فى الاغلب ان الاثنين لما باحضنهم واقبلهم بيهدؤا جدا وبيعدلوا عن تصرفاتهم

 

وسبحان الله كما ذكرتى اشعر ان على الاغلب سبب ما يفعلوه من لعب زائد وصراخ هو الغيره وشعورهم انك لا تحبيهم

ابنى وبنتى طوال النهار يسالونى سؤال واحد متفقيين عليه هما الاثنين

ماما انتى بتحبينى ومع والدهم نفس الشىء

فمن الواضح انك يجب ان تجددى كل يوم مع اطفالك الحب تقبليهم وتحضنيهم وتقولى له انا بحبك علشان يتطمئنوا من داخلهم

 

واستفدت ايضا من تجربتك لما ضربتى بنوتك ان ممكن الضرب يجعل الطفل ينفصل نفسيا عن حب احد والديه ويخاف منه اكيد كانت تجربه صعبه عليكى واعتقد انك لم تنسيها

واقول للامهات ان اى شىء يخربوه اطفالنا ممكن يتعوض لكن اطفالنا فلن نعوضهم اذا لا قدر الله ضربناهم ضرب عنيف ممكن يؤدى الى خسارتهم

 

فقد قرات حادثه لازلت عندما اتذكرها ابكى

وهو ان والدين اشتروا انتريه جديد وكان عندهم طفل يبلغ من العمر 3 سنوات ومن سوء حظ الولد انه مسك قلم وكتب على الانتريه الجديد بيه طبعا عندما راى والده الانتريه الجديد خرب انهار على طفله ومسك ايده وكتفه بالحبل وربط ايده فى مقبض الباب

وطبعا ذلك الطفل المسكين نام وهو واقف مربوط فى الباب والام المهمله لم تكلف خاطرها تعدى عليه و تشوفه عامل ايه وكانت النتيجه ان ايد الطفل ازرقت وعملت غرغرينه فى ايديه الاثنين بسبب شدة ايده فى الباب وعندما افاقت من العسل وجدت ابنها نائم ويده بهذا الشكل المحزن اخذته الى المستشفى وكانت النتيجه قطع ايد الولد والاثنين

وبعد ذلك يحكى الاب وهو يبكى ان ابنه قال له بابا رجعلى ايدى وانا مش حعمل كده تانى حسبى الله ونعم الوكيل وهذا الموضوع جاء فى برنامج تلفزيونى ايضا

ومن يتعظ بسبب الانتريه كان جزاء الولد قطع يده ومش حيقدروا يرجعوها ويعالجوا الم الطفل نفسيا وجسمانيا

 

ربنا يبارك لكى اختى فى بناتك ويهديهم لكى ويعينك عليهم

وجزاكى الله الف خير على مشاركتك الجميله وطرحك الرائع

[ساره أم حمزه 1041]

ما شاء الله افكار جميله جزاك الله خيرا يسرا ( :

وجزاكم الله خيرا كلكم متابعه معاكم وبتعلم منكم

[يسرا عبد الرحمن 718]

وانتى من اهل الجزاء يا ساره

ويارب اكون فعلا افادتك

وخليكى متابعه معانا الاسباب المؤديه لضرب اولادنا وكيفية علاجها ان شاء الله

[بنت ام عبد 151]

السلام عليكم ورحمة الله وبركاته،،

موضوع رائع حبيبتي يسرا ومتابعة معكن لكن معذرة تاْخرت في كتابة رد الي الان ولكن بالفعل استفدت كثيراً من الحلول .

ولي عودة باذن الله لاشارك معكن في الاقتراحات

[يسرا عبد الرحمن 718]

وعليكم السلام ورحمة الله وبركاته اختى بنت ام عبد

جزاكى الله خيرا على تقييمك للموضوع

وانا فى انتظار مشاركتك لا تحرمينا منها

[~ أم البطلين ~ 26]

وانا ايضا ما زلت متابعه ..

 

وساجرب بما تقولو ,, بس بحس ان معاذ بجدد بيجننى جدا ببقي عاوزة انده لكم واقولكم تعالو شوفو بيعمل في ايه . لا يكل ولا يمل من ضرب اخوه . ويرمى بالعاب ثقيله على وجهه وراسه يعنى بجد بيؤذيه جدا .. والولد طبعا الصغير بينهار من العياااط.. ساعتها بقي بتجنن ساعة اضربه على حسب وساعات اعدى ..وصررريخه بقي لا يتحمل والله .. يعنى ابوه بالكاد لايضربه, اليوم ضربه من كثر صريخه على اى حاجه واتفه سبب ..

بحس ان عقاب كرسي العقاب او انه يروح فى اوضه لوحده مش هيفهمه-سنتين وشهرين- لانه بيجى ورايا وهو بيصررخ بررده .. اليوم كان عمال يضرب اخوه واحنا بالمطبخ فطلعته بره وقفلت عليناالباب . انهار خالص واترعب ففتحت الباب .

 

بجد .. أسأل الله ان يهديهم ويرزقنى الصواب في تربيتهم .. كم كنت اتمنى ان اكون مثاليه فى تربيتى لاولادى وان لا اضرب !!

[يسرا عبد الرحمن 718]

اختى ام معاذ

كل تصرفات ابنك دى غيره من اخوه وسنه صغير جدا على انك تتركيه خارج الغرفه لان مش حيفهم ان ده عقاب ممكن يفهم انك مش بتحبيه

 

وكل صريخه ده تقليد لاخوه لما بيبكى ويصرخ هو بيعمل كده للفت النظر له علشان تهتموا بيه مثل ما بتهتمى باخوه

 

والسن ده لا يصلح معاه العقاب لكن استعملى معاه الحنيه

يعنى لما تلاقيه بيصرخ لا تعطى له الفرصه يصرخ كتير اول ما تجديه بيصرخ خذيه فى حضنك وقبليه وقولى له انا بحببك ومش بحب اللى يبكى وفهميه انك بتزعلى من اخوه لما يبكى علشان ما يقلدهوش

 

جربى حبيبتى فى الله معاه الاسلوب الناعم وان شاء الله ربنا حيهديه

وكل يوم قبل ما يبكى ويصرخ خذيه دائما فى حضنك وراعى حبيبتى انه كان وحيد ومدلل لوحده وفجاه وجد له اخ يشاركه فى كل حاجه حتى حبكم

 

والله انا كنت عندما ارضع ابنتى قبل النوم كنت اضع يدى الاخرى على ابنى واطبطب عليه حتى ينام فى نفس الوقت وحتجدى اغلب الامهات مروا بنفس المرحله اللى عندك واعاننا الله عليها

بس اهم حاجه خلى عينك عليهم دائما لا تتركيهم لوحدهم ابدا وخباى اى العاب او اشياء ثقيله ممكن ابنك ياذى بيها اخوه

واعملى شغل البيت او اى شىء ورائك وابنك الرضيع نائم حتى لا يستفرد بيه اخوه ويضربه ومعلش هو مش فاهم حاجه هو بيعبر عن غيرته او اعتراضه على وجود شخص اخر معاه بهذه الطريقه وهى الضرب

اصبرى حبيبتى هى فتره صعبه وباذن الله حتعدى بس اهم حاجه استخدمى هذه الفتره بالحكمه لتكونى انت الرابحه فى النهايه بحب اولادك لكى

 

واى استفسار انا تحت امرك يا حبيبه المهم نحل مشكلة الضرب ونبعد عنها بقدر الامكان

[ساره أم حمزه 1041]

وانتى من اهل الجزاء يا ساره

ويارب اكون فعلا افادتك

وخليكى متابعه معانا الاسباب المؤديه لضرب اولادنا وكيفية علاجها ان شاء الله

اللهم امين وطبعا الافكار اللى قلتيلى عليها عجبانى وجميله وبفكر فيها ( :

ماشى إن شاء الله انا متبعاكم

[هناء جودة 0]

بارك الله لكم فى اولادكم يارب واسعدكم بهم فى الدنيا والاخرة يارب العالمين ويارب تشوفوهم فى اعلى المراكز ويبارك الله فيهم وفى عمرهم يارب ....الموضوع جميل جدا بسى انا من شدة حبى لالاطفال مش بتخيل انهم ينضربو وخصوصا لو نميت عندهم احترام النفس والترفع بها عن كل ما يؤذيها ....انا بتكلم كدة ومش عارفه لو كنت عندى اولاد كان هيبقى ايه الوضع؟؟انا عارفه انهم بيخرجو المرء عن شعوره ....بسى ارجع واقول ربنا يهديهم لكم يارب ويقويكم على تربيتهم واسعادهم يارب ....وربنا يرزقنى بالخلف الصالح وهبقى اقولكم من الواقع بقى....اسعدكم الله جميعا.

[يسرا عبد الرحمن 718]

جزاكى الله خيرا يا ساره على متابعتك

وانا سعيده بان عجبتك الفكره

وسعيده ايضا بمشاركتك

[يسرا عبد الرحمن 718]

مش معقوله هنوءه حبيبتى نورة موضوعى

والله يا هناء احبك حقا فى الله

 

وللاسف يا هناء فعلا فى اطفال بيضربوا من امهاتهم وابائهم وانا رايتها والله بنفسى وممكن يكونوا بيضربوا اولادهم على اقل الاسباب

 

وبصى يا هناء الاطفال فعلا مستفزين وممكن يعلو الضغط وينزلوه لكن مش حنقول غير انهم اطفال ولو فاهمين حاجه مش حيعملوا اللى بيعملوه

لكن لا يمنع ايضا ان الام يكون عندها صبر وحكمه فى تعاملها مع طفلها وليس الضرب هو الحل لكن للاسف بعض الامهات بيستسهلوه فى التربيه بدلا من الحديث معهم

وبتياس الام من اول مره فهمت طفلها ان هذا الشىء خطا ولما يخطا مره ثانيه تقول انا تعبت من الكلام وتضربه

 

اما انت يا هنؤه عندما يكرمك المولى باطفال انا عارفه اللى حتعمليه حتبسى نفسك فى البيت علشان الباشا ولو شفتك على المنتدى يبقى كويس هههههههههههههه

 

ربنا يكرمك يا هناء بالذريه الصالحه يا رب ويعوضك الله بصبرك خيرا ان شاء الله ويعطيكى طفل لا فى فى ادبه ولا اخلاقه وبارا بوالديه

 

نورتيييييييييييييييييييييي الموضوع يا هناء

[زهرة التلج 1]

انا بنت عمري16 يعني صغيره بس ممكن اعلق ؟؟؟؟؟

اوووووك اتخيلت انه انسمحلي ههههههههههههههه

على فكره انا بضرب اخوي الصغير اللى عمرو6 سنوات لانه بجنني وهو بصرخ مع انه كتييييييير مسكين وطيب وخوي 11سنه بضربه برده وبزعله كتيييييير وكل شوي انقوم نبعد الكبير عن الصغييييير والكبير يقعد يصرخ ويقول انتوا بتضربوني عشانه وكل مااجي احكي معه برده تضربوني مع اانه هو بكون قاتله مش بس ضاربه

ممكن نعرف شو نعمل معهم ؟؟؟؟؟ لاني انا فعلا بخاف اتحاسب على ضربي الهم خصوصا الكبير اللى ازا وقع بين ايديا بمووووت

[زهرة التلج 1]

انا بدي احكي شغله.......

انه اخوي الكبير اللى عمرو11 ممكن يمد ايدو على ماما ويضربها لانه اجى بعد4بنات وكتير دلعوا خصوصا بابا ماكان يرضى يزعله خالص

يعني ممكن يزعلني انا بس اخوي لا

شو الحل

[يسرا عبد الرحمن 718]

ممكن طبعا حبيبتى زهرة الثلج تعلقى وتتكلى

الموضوع بيحل الضرب من جميع النواحى ليس فقط الامهات بيخصهم هذا الشان بمفردهم

 

وطبعا كلامك مهم

بالنسبه لاخوكى اللى عمره 6 سنوات

انتى قلتى انه طيب ومادام طيب ده ممكن تهذبى اخلاقه بالسياسه اتكلمى معاه على اخطائه وحدثيه عن الله والجنه والنار والثواب والعقاب

علميه اذا اخطا اخوه فيه يقول له الله يسامحك وان الله حياخذ من حسنات اخوه ويعطيها له لانه لم يبادله الافعال السيئه

واحكى له قصص الصحابه والانبياء شديه الى الناحيه الدينيه فانت الان بمثابة امه حتى لو كانت والدتك على قيد الحياه

 

اما اخوكى اللى عنده 11 سنه طبعا عايز يتعاد تربيته من جديد

للاسف والدتك ووالدك اخطاوا

اولا تحدثى مع والدتك على انفراد وفى وقت اخوكى ووالدك غير موجودين وعرفيها ان يجب ان يعدلوا بينكم جميعا لا فرق بين ولد وبنت فكلم ابنائهم وان الله سيحاسبهم على ذلك

ثانيا فهميها كونه يضرب والدته فهذا يجعل الله يغضب عليه ولا نتهاون لانه صغير لان الصغير بيكبر وبتكبر افعاله ومثلما ضربها وهو صغير وضعيف فماذا سيفعل بها وهو كبير وقوى البنيان وان من يعوق والديه يناله عقاب من الله فى الدنيا والاخره فكيف سيكون حالها عندما ترى ابنها يعذب فى الدنيا والاخره

وان حبها لابنها ليس بالدلع بل بتهذيبه وجعله ولد صالح وينفع الاسلام لكن ليس طبعا تهذيبه بالضرب

وان تعاقبه على اخطاءه بحرمانه من اى شىء يحبه ان لم يعتذر عن اخطائه

وان تعلمه كيف يحترم اخواته الاكبر منه سنا

 

واذا لم تنصت والدتك الى كلامك

ابدئى انت واخواتك تعاقبوه عقاب نفسى وليس جسدى اتفقوا مع بعض اذا اخطا فى احدكم ان تمنعوا جميعا الكلام معاه حتى يشعر انكم فعلا كرهتم افعاله لدرجة انكم لا تطيقوا الحديث معه ولا تتحدثوا معه حتى يعتذر للذى اخطا فى حقه وان يعدكم بان لا يكرر اخطائه

لانه عندما يراكم جميعا متفقين على خصامه يتاكد فعلا من انه اخطا وان الاخوه بالتعاون فى السراء والضراء مع بعض وليس بان تخطئوا فى حق بعض

 

صدقينى امنعوا الكلام معاه جميعا وهذا يجعله يهذب من اخلاق نفسه علشان ترجعوا تتكلموا معاه وتحبوه

وياااااااااااااا رب اكون افادتك وحذارى والضرب لانه حيعتقد انكم بتغيروا منه ومش بتحبوه

 

وانا سعيده جدا بمشاركتك يا اختى الصغيره

[زهرة نسرين 246]

يا يسرى يا حبيبتي

فتحت موضوعا في الصميم اعلم انه يؤرق الكثير من الاخوات

فلماذا لا نجعل هذا الموضوع مجالا للتطبيقات و تبادل الخبرات

كل ام تعاني من سوء معاملة ابناءها ترد و تحكي

و نحاول جميعا تبادل النصائح و الافكار و هي تطبق و تبعث بنتائج تغييرها

ان شاء الله تكون الفكرة مهضومة و تكون وصلت

ما رايك؟

و جعلها الله في ميزان حسناتك

[يسرا عبد الرحمن 718]

والله يا نسرين انا كان فى نيتى ان اكتب ذلك

بالفعل الاخوات بيحكوابكل صراحه عن مشاكلهم مع اولادهم

 

لكنى اردت كما قلتى ان كل ام تجرب طريقه عكس الضرب فى معاملتها مع اولادها واتت معها بافضل النتائج تحكى لنا تجربتها

وايضا كل ام تحكى عن مشكلتها مع اطفالها ونتبادل النصائح

لبعض لنهون على بعض ونرحم اولادنا من الضرب اللى مش حياتى باى فائدة

 

انا معجبه جدا بفكرتك وان شاء الله مع بعض نجد الحلول وبالفعل نطبقها واذا لم تاتى الفكره بنتيجه لا داعى للاحراج ونبحث معا عن وسيله اخرى من وسائل التهذيب

واسال الله ان يجعله لنا جميعا فى ميزان حسناتنا

[يسرا عبد الرحمن 718]

اخواتى الامهات

اليوم اتحدث معكم عن سبب اخر من الاسباب التى تجعلنا نضرب اطفالنا ومعالجتها عن تجربتى الشخصيه

 

هو ان طفلك مش بينام على طول بالليل واقصد الطفل غير الرضيع لان الرضيع ده حاله خاصه فنومه متقطع

انا اقصد الاطفال من سن السنتين

وطبعا الام بتغضب لانه لايريد النوم وهى تريد ان ينام بمنتهى السرعه علشان يا اما تنام هى كمان بعد مجهود شاق فى البيت او تستريح قليلا وتهيا نفسها لزوجها قبل عودته من العمل متاخرا من الليل

 

عايزه تعرفى الحل وعن تجربتى الشخصيه

اجعليه لا ينام اثناء النهار واخرى شويه وقت النوم بالليل

حتجديه نام اول ما يبدا يقول بسم الله ولن يكمل معكى الاذكار

لكن اهم شىء انه يكون اكل كويس قبل نومه لان ربما يمنعه من نومه على طول الجوع ولكن لا تضغطى عليه فى الاكل لانه ممكن يكون شبعان او ياكل غصب عنه خوفا منكى ولا يعرف ان ينام ليلا بسبب ضغط الاكل فى معدته والاام المغص بسبب امتلاء المعده وزياده فوق طاقتها

وستجديه فى باقى الايام هو اللى بيتعود على الا ينام اثناء النهار ويطلب منك ان تاخذيه الى فراشه لينام بالليل

جربى اختى فى الله وحتخلصى من هم المحاولات لينام بالليل وترحميه من ضربه علشان ينام

 

ارجوا اكون افادتكم ولى عوده اخرى معكم باذن الله

[ام زينة و ميسان 13]

ما شاء الله أخت يسرى على ما تبذليه من جهد لإنقاذ الأمهات من أخطائهن الغير متعمده بالطبع مع أطفالهن

سعدت جدا أن أفدتك في موضوعك و أريد أن أؤيد ردك السابق بأن الأطفال إذا لم يناموا نهارا ممكن أن يناموا بكل سهوله من الثامنة و فعلا عندما جربت هذه الطريقة التي دلتني عليها أمي يالا أنيمهم في وسط النهار و أتحمل حتى الثامنة ثم اجلسهم على سرايرهم ليستمعوا لتلاوتي ما هي إلا 10 دقائق لأجدهن نائمات

هناك طرق أخرى جربتها لأن كما سبق أن ذكرت ميسان حفظها الله كانت هايبر أكتف فعلا وكانت هذه الطريقة وصفة ذكرها الدكتور عادل عبد العال ألا وهي الموز بالعسل الأبيض لمدة أسبوع على غيار الريق وهي سهلة و فعالة جدا من اول يوم

و أيضا أداوم على الينسون لكن في فترة الظهيرة ليس بعد ذلك حتى لا تبل الصغيرة نفسها حين تنام ليلا فهو مدر للبول

و الحل الأخير و الأمثل هنا هو القرآن ففي سن الثانية و النصف كنت آتي بالمحفظه للمنزل و بدأت تحفظ ميسان و هكذا بدأت تهدأ و تستعيد ثقتها بنفسها و إعجاب الناس لها و حلينا مشكلتها و عندما أكملت الثالثة ذهبت إلى الدار و عندما بلغت زينة الثالثة أرسلتها مع أختها للإستماع و الحمد لله يفرق كثير معهم فهو مفتاحهم الآن في أي مكان

أرجو أن أكون قد أفدت الأخوات و أضفت

جوزيت خيرا أخت يسرا

[يسرا عبد الرحمن 718]

وانت من اهل الجزاء يا حبيبه ام زينه

والله كلامك كله فائده لحل امر النوم والمشاكل اللتى تحدث اثناء النوم

واعتقد ان هذا كله بيرجع الى قلة الخبره عند الامهات وخاصة مع الطفل الاول

 

ووصفه جيده التى وصفها الطبيب للطفل النشيط وفعلا ان اليانسون من المهدئات للاعصاب

حتى تجدى اغلب الامهات تعطى ابنها الرضيع قبل النوم يانسون ليهدىء وينام

 

وبالنسبه للدار سبحان الله كنت اتحدث اليوم مع زوجى ان اتصل بدار قريب من بيتى لاعرف مواعيده علشان خاطر ابنى عبد الرحمن

انا كنت بحفظه فى البيت لكن وجدت ان الافضل ان يذهب الى دار علشان يتشجع باصدقاؤه فى الدار وتكون عنده همه اكثر فى الحفظ

وهذا غير انه كما قلتى حيهدا من طبعه ولعبه الزائد لان طبيعى ان القران بيهذب النفس

 

انا سعيده حقا يا ام زينه على اهتمامك وهمتك فى حل مشكلة الضرب وحقا افدت واضفتى بالنسبه لى وان شاء الله يستفيد الامهات

ربنا يبارك لكى فى بناتك ويصلح لكى الحال يا رب

[~ أم البطلين ~ 26]

طبــــــــــــــعا الحمــــدلله .. استفدنا

 

وانا جـــار التنفيذ للهدوء وانى اقابله بالحنان والمسايسه وانى افهمه وكده .. بدات من امبارح بالليل .. طبعا الموضوع شاق على ما يقتنع بكلامى ويتخلى عن فكرته التى يصحبها الصرييييخ .. بانهج على ما اقنعه .. وربنا يارب يهديه ويوفقنى ووالده لتربيته واخوه ..

~~~~

وبالنسبه لموضوع النوم .. جيتى عالجرح .. هو فعلا لما مش بينام فى نص اليوم بينام بدري .. بس احنا اصلا مش بنام بدرى اوى يعنى على 12 بنبقي عاوزين ننام .. يجى هو من 8الى 10 ممكن ينام ويصحى بقي قبل الفجر او الفجر وميرداش ينام تانى .. ويدوخنا بقي ... يعنى كل يوم بظرفه .. مفيش نوووووووم محدده خااالص زى الناس .

معاذ اصلا بينام وهو واقف يعنى لما خلااااص يخلص كل طاقته

الله المستعاااااان

[زهرة نسرين 246]

و الله يا ام معاذ و كانك تتكلمي عن حالتي لما كنت اربي زهرة لا تنام حتى تستنزف كل طاقتها

و احيانا تكون نعسانة جدا و لا تريد النوم فتبدا بالصراخ و البكاء لاتفه الاسباب

و لكن مع مرور الوقت تحسنت نوعا ما

الان عمرها 3 سنوات و 3 شهور و قليلا ما لا تريد النوم

و لكن لن انسى ابدا ما كانت عليه من قبل

و حقا لما تنام في اليوم كثيرا تسهر باليل

هناك الكثير من الامهات من تعطي اطفالها مشروبا للنوم و لكني الحمد لله صبرت و لم اعطها شيئا

عند وقت النوم احكيلها اي قصة و احيانا اجعلها هي من تحكيلي حتى تتعب

و احاول جعلها تتكلم حتى تنعس

حتى بعد العشاء كنت اخليها تساعدني في حمل بعض الاطباق و الملاعق و المناديل و اكلمها في الوقت لي اكون ننظف المطبخ

هي في الحقيقة فرصة لي لاكلمها و احدثها لاني في اغلب ايام الاسبوع اعمل نهارا و لا يتبقى لي الا المساء و اليل لاقضي الوقت مع اولادي

و الحمد لله فاتت تلك المرحلة على خير

لكن اعود لاقول ان الضرب اخر و اقسى الحلول

يكفينا ان نفكر ان اطفالنا لا يتعمدون اخطاءهم لنتجنب ضربهم فهم عادة يفعلون ما يرونه صائبا بالنسبة اليهم

اعاننا الله على تربية ابناءنا على ما يحبه و يرضاه

و كلما كنت في موقف اغضبك فيه معاذ و تعصبت استغفري الله و تعوذي من الشيطان

في انتظار ردود الاخوات

[زهرة نسرين 246]

نسيت اقلك حاجة يا ام معاذ

كانت زهرة لا يحلو لها النوم الا في فراشي بيني و بين ابيها و لما تنام عميقا اخذها لفراشها و ما هي الا دقائق و تعود و تصعد للفراش و هكذا عدة مرات في الليلة و كنت صباحا انهض صباحا و اذهب الى عملي و كلي نشاط و كانني نمت الليل على فراش من ريش

المهم ما اردت قوله اننا دائما نرى انفسنا اننا اكثر الناس معاناة و لكن لو نظرنا حولنا و راينا احوال بعض الناس اكثر تضررا منا لنسينا همنا و استصغرناه

اعلمي ان حالة معاذ عادية جدا تستلزم منك صبرا

فهل هناك ام لم تعان مع ابناءها ؟مستحيل مهما كانت درجة سهولة تربيتهم

استعيني بالله و نحن هنا لتشجيعك و دعمك

[يسرا عبد الرحمن 718]

يا حبيبه يا ام معاذ

طبيعى ابنك الرضيع يكون نومه متقطع وينام وقتما يشاء ولن يتغير ويبدا يستقر فى النوم غير بعد الفطام

 

لكن طبعا ابنك الكبير لا تظلميه وتجعلى مثلا نومه متاخر لان اخوه الرضيع مش عايز ينام

عندما كانت ابنتى لينه بترضع لما كانت بتكون نامت اثناء النهار كنت اخذها مع اخوها الى الفراش وارضعها حتى يعتقد انها حتنام مثله وبعد ما عينه تروح فى النوم اخذها خارج الغرفه واوارب الباب عليه لا اغلقه حتى لا يخاف اذا استيقظ فجاه ولم يجد احد بالغرفه

 

واستنى الهانم لغاية ما تكون عايزه تنام ومن نعم الله عليا فى هذا الوقت ان زوجى كان بيرجع متاخر من الشغل وبعد كده بنام انا وهو وهى فى وقت واحد

 

انت ممكن تعملى حاجه حلوه مع ابنك الرضيع

مادام هو كده كده بينام فاجعلى نومه فى وقت العصراو بين العصر والمغرب علشان لما تيجوا تناموا بالليل ينام معاكم وصحصحيه من بدرى علشا لو قام من النوم متاخر مش حينام وقت العصر خالص وحينام مثل ما قلتى من الساعة 8 الى 10وبكده مش حينام معاكم طبعا

 

ومثلما قالت اختنا نسرين اننا كلنا مرت علينا هذه الفتره لكن والله مع الدعاء بتمر بسلام

وما شاء الله نسرين وفت وكفت فى الرد عليكى ربنا يبارك فيها

 

وعرفينا بالتطورات فى امر نوم ابنك الرضيع واحنا كلنا معاكى نهون عليكى ونفكر معا بصوت عالى فى الحلول