بوتجازك يونيفرسال؟.. تعالى علمينى أسوّى الحلويات إزاى

[حنين مسلمة 34]

بســم الله الـرحمــن الرحيــم

 

بقالى سنة ونصف متزوجة ولسه مش عارفة أظبط الفرن عشان أسوّى فيه الحلويات ..

 

بوتجازى يونيفرسال عرض 90 وفيه خاصية أنى أغلق باب الفرن والفرن والشواية شغالين سوا..

 

مشكلتى فى تسوية الحلويات أما المعجنات والفطائر فممتازة الحمد لله

 

بالنسبة للكيك ... ممكن تفضل ساعة فى الفرن !!! عشان تستوى عند درجة حرارة 200 ولو زودت الحرارة عن كده ممكن الصينية تتحرق وتكون الكيكة من الوسط لسه مستوتش ونية .... ولما أتركها ساعة فى الفرن وشها بينشف!!

 

وبرده الكنافة فضلت فى الفرن 50 دقيقة تقريبا وكانت من الوسط لسه بيضاء ونية شوية بس نشفت برده وبقت بتقرمش زيادة عن لازم وصعبة المضغ!!!

 

ممكن تعلمونى أعمل إيه ؟؟

[(سجى الليل) 65]

:)

 

نفس نوع بتوجازي

 

لكن أنا تركته وسافرت من سنين :)

 

لو تنتظريني لما أرجع إن قدر المولى بقولك بإذن الله ^^

[حنين مسلمة 34]

:(

[**حنين للجنة** 16]

كان نفسى اساعدك

بس انا ماعنديش يونيفرسال اولا

وثانيا والاهم انى من يوم ما اتجوزت عمرى ما استخدمت فرن البوتاجاز

 

بصى انا هاحاول اقولك حاجة ويارب تفيدك

لو الفرن ممكن تشغلى من فوق لوحدة ومن تحت لوحدة

بقى حطى الكيك فى الرف اللى فى النص وشغلى من تحت وماتفتحيش عليها اول نص ساعة

ولو حسيتى انها بدأت تستوى وتتحمر من الجوانب ممكن تشغلى من فوق شوة لحد ما الوش يتحمر

وان شاء الله تكون استوت

[صاحبه القلب الطيب 12]

السلام عليكــم ورحمـة الله وبركاتــة ،،

 

حبيبتى ام عبد الملك

 

 

رأيت العنوان فى الشريط ومعه اسمه فقلت يامحاسن الصدف لانى والله احبك فيه

 

غاليتى انا بوتاجازى يونيفرسال نفس بوتاجازك تمام

 

وبعمل الحلويات فيه وبتطلع راااااائعه والحمد لله

 

بصى ياستى بالنسبه للكيك او الكنافه هى قاعده واحده

 

اولا مش تضعى الصينيه ابدا على رف الصاج اللى تحت ابدااا لانها هتتحرق

انتى هتاخدى الرف الشبك اللى هو فضى ده فى النص وتحطى عليه الصينيه وتشغلى الفرن على 180 لمده نص ساعه فى الاول بانسبه للكيك طبعا ومتفتحيش الفرن ومتشغليش الشوايه

 

وبعد النص ساعه تفتحى وتختبرى السوا بالسكنيه ان استوت شغلى الشوايه اقل من دقيقه تلاقى الوش احمر وطلعه جميله

 

وبالنسبه للكنافه نفس النظام بس ممكن درجه الرن على 200 وتعد اكتر من نص ساعه طبعا عامه انا لما احس انها استوت بطلعها واقلبها فى صينيه تانيه عشان الوش يصبح تحت ويتحمر وتطلع حمرا وتحفففففففه

 

حاجه كمان زياده اتعلمتها فى البوتاجاز ده لان نظامه مختلف شويه

كنت بسوى المحشى على القايم الحديد اللى فوق العين ومش بيستوى وبيطلع نى فشلته خالص وبقيت بحط الحله على العين مباشره فبيستوى جداا ويطلع جميل

 

واى استسفار انا فى الخدمه !!

 

[صاحبه القلب الطيب 12]

ام محمد حسان

 

وثانيا والاهم انى من يوم ما اتجوزت عمرى ما استخدمت فرن البوتاجاز

 

اكيد حبيبتى عندك فرن غاز .صح !!

 

وحشانى جداا

[**حنين للجنة** 16]

اكيد حبيبتى عندك فرن غاز .صح !!

 

وحشانى جداا

عندى فرن كهرباء هو اللى بستعملة على طوووووول الحمد لله ربنا يباركلى فيه

 

البوتاجاز بتاعى اليكتروستار هو حلو ما شاء الله بس عمرى ما استخدمت الفرن بتاعة

 

انتى كمان وحشانى يا حبيبتى

 

بوسيلى حبيبة 1000بوسة

[حنين مسلمة 34]

حبيبتى سجى الليل ... راح أنتظر عودتك بس لا تنسي *_^

 

حبيبتى أم محمد حسان ... جزاكِ الله خيرا على النصيحة ... أنا كمان عندى فرن كهرباء بس بعمل فيه الكفتة والفراخ وصوانى البطاطس بس مجربتش الحلويات والمعجنات فيه ... ممكن أجربه إن شاء الله وهو فعلا جميل وعملى ...

 

حبيبتى صاحبة القلب الطيب ... أحبكِ الذى أحببتنى فيه وأنا أحبكِ فى الله ... ^_^

الحمد لله لقيت شطورة تعلمنى :) ... بصى أنا بحط الصينية على الرف الشبكة الفضي زى ما بتقولى وكمان فيه رفين صاج أنا حاطة واحد بس فى الفرن ومخرجة التانى مش بستخدمه ...

بالنسبة للكيك ... بعملها زى ما بتقولى بس من النص بتفضل نية لفترة طويلة يمكن عشان بتكون مرتفعة قوى من منتصف الصينية؟؟؟ أنا بحط باكو بيكنج باودر كامل إنتى بتحطى باورد أد إيه ؟؟؟ المهم بعمل زى ما بتقولى بس بتاخد فترة طويلة قوى فعلا بتوصل لساعة ده طبيعى ؟؟؟ أصلى كنت بعملها فى بيت أمى بتاخ 25 دقيقة وبتكون هايلة ... أما الكنافة هجرب طريقتك المرة الجاية بإذن الله ....

 

أما المحشى فبعمله كويس قوى الحمد لله ... بحطه على العين مباشرة بدون قوائم .... وبهدّى النار قوى عليه وبسيبه براحته بيكون جنان ... مع أنى أول مرة أعمل محشى كان بعد زواجى ...(متقوليش لحد ) ... بس لما عملته فى بيت الزوجية عجب زوجى جدااااااا وقاللى أحلى من المحشى اللى بياكله عند أهله :) الحمد لله ربنا سترها معايا :blink:

 

على فكرة هتزهقى استفسارات ...

 

أمى بوتجازها يونيفرسال برده بس قديم طبعا بقاله أكثر من 15 سنة المهم كنت بعمل كل حاجة وبتكون مظبوطة جيت بعد الزواج احتست ولما أسأل أمى بتكون مستنكرة أنى بسأل فى الحاجات اللى أنا عارفاها ومش مصدقة أن فرنى بيعمل معايا كده :blink:

[(سجى الليل) 65]

:)

 

منكم نستفيد إلى ان أعود لبوتجازي حبيبي

 

بس حبيت أقول لك حاجة ام عبد الملك

 

اللي يجعل الكيك مش متوي من النصف هو ان تكون درجة حرارة الفرن عالية

 

لأني جلست سنة ونصف أعمل كده وكنت أظن العيب في الفرن

 

اهم حاجة ضبط الحرارة للفرن ما تزيد عن 180 وبإذن الله تطلع جميلة :)

[حنين مسلمة 34]

ملحوظة مهمة برده ... بإذن الله آخد بالى وأتأكد من درجة الحرارة ...

 

جوزيتِ خيرا سجى الليل الحبيبة

[صاحبه القلب الطيب 12]

السلام عليكم ورحمة الله وبركاته،،

 

الحمد لله لقيت شطورة تعلمنى :) ...

 

ولا شطوره ولا حاجه انا زيك لسه بتعلم ياحبيبتى

 

بصى أنا بحط الصينية على الرف الشبكة الفضي زى ما بتقولى وكمان فيه رفين صاج أنا حاطة واحد بس فى الفرن ومخرجة التانى مش بستخدمه ...

 

انا عامله كده فعلا شايله الرف الصاج التانى وحاطه الرف الفضى فى النص

بالنسبة للكيك ... بعملها زى ما بتقولى بس من النص بتفضل نية لفترة طويلة يمكن عشان بتكون مرتفعة قوى من منتصف الصينية؟؟؟ أنا بحط باكو بيكنج باودر كامل إنتى بتحطى باورد أد إيه ؟؟؟ المهم بعمل زى ما بتقولى بس بتاخد فترة طويلة قوى فعلا بتوصل لساعة ده طبيعى ؟؟؟ أصلى كنت بعملها فى بيت أمى بتاخ 25 دقيقة وبتكون هايلة ...

 

بصى بتفضل من النص نيه ازاى ؟؟؟ اكيد انها تعد ساعه ده مش طبيعى

 

بصى انتى بتحطى باكو بيكنيج بودر كامل على صينيه اد ايه ؟؟؟؟ ممكن كده على 2 ونص كوب دقيق لكن لو اقل طبعا تقللى البيكينج بودر

وملحوظه مهمه لازم الخليط عندك مايعديش نص الصينيه(الارتفاع ) لانها لسه هتنفش فى الفرن طبعا

 

انا عندى بتاخد 25 دقيقه فعلا ولو 5 دقايق كمان بتحمر من الوش وطبعا على 180 بدون تشغيل الشوايه

 

بصى لو عمليتها وطلعت نيه برضو يبقا فى حاجه فى فرنك مش شغاله ..اطلبى الصيانه

 

أما الكنافة هجرب طريقتك المرة الجاية بإذن الله ....

 

انتظر النتيجه

أما المحشى فبعمله كويس قوى الحمد لله ... بحطه على العين مباشرة بدون قوائم .... وبهدّى النار قوى عليه وبسيبه براحته بيكون جنان ... مع أنى أول مرة أعمل محشى كان بعد زواجى ...(متقوليش لحد ) ... بس لما عملته فى بيت الزوجية عجب زوجى جدااااااا وقاللى أحلى من المحشى اللى بياكله عند أهله :) الحمد لله ربنا سترها معايا

 

الحمد لله انا اول مرتين عملته يطلع نى والسبب القايم فشلته والنتيجه فعلا طلعت كويسه

 

 

على فكرة هتزهقى استفسارات ...

 

ولا يهمك اسألى وانا اجيب

 

انتظر تجاربك

[حنين مسلمة 34]

عذرا على تأخر الرد حبيبتى صاحبة القلب الطيب

 

بيتهيألى الفرن سليم لأن المعجنات والفطاير بتتظبط معايا الحمد لله

 

بصراحة أنا شكيت فى الكيكة بتاعتى ممكن تقوليلى مقاديرك ومقاس الصينية اللى بتعملي فيها أو طول قطرها

 

معلش هتعبك معايا

[محبة لربها، ادعوا لي بالثبات 72]

السلام عليكــم ورحمـة الله وبركاتــة ،، يا ام عبد الملك

 

 

بصى ام عبد الملك حبيبتى

 

انا كمان كنت زى سجى الليل افتكر ان بوتاجازى اللى مش بيسوِّى

 

اهم حاجة تسخنى الفرن بالجامد اولا

 

ثم تدخلى الصينية

بعد اول ربع ساعة او 10 دقائق

 

هدى الفرن خالص زى ما بتهدى على الرز عشان تستوى من النص وما تنحرقش من الوشش

تم تعديل 18 يناير, 2011 بواسطة محبة لربها، ادعوا لي بالثبات

[ثروة 259]

وعليكم السلام ورحمة الله وبركاته،،

أم عبد الملك الحبيبة

هل وصلتك رسالة مني ؟

لم أجدها في متتبع الرسائل

[حنين مسلمة 34]

السلام عليكــم ورحمـة الله وبركاتــة ،، يا ام عبد الملك

 

 

بصى ام عبد الملك حبيبتى

 

انا كمان كنت زى سجى الليل افتكر ان بوتاجازى اللى مش بيسوِّى

 

اهم حاجة تسخنى الفرن بالجامد اولا

 

ثم تدخلى الصينية

بعد اول ربع ساعة او 10 دقائق

 

هدى الفرن خالص زى ما بتهدى على الرز عشان تستوى من النص وما تنحرقش من الوشش

جزاك الله خيرا أختى الحبيبة

أنا حاسة إن الغلط فيا أنا :wacko:

وأنا فعلا بسخن الفرن وبهديه بعد كده لما أدخل الصينية... بس معرفش شاكة فى نفس :tongue:

وعليكم السلام ورحمة الله وبركاته،،

أم عبد الملك الحبيبة

هل وصلتك رسالة مني ؟

لم أجدها في متتبع الرسائل

وعليكم السلام ورحمة الله وبركاته

هلا بأختى الحبيبة ... بصراحة لم يصلنى شيء ربما لأن بريدى ممتلىء

مع أنى أستلمك رسائل من بعض المشرفات ولكن البعض يقول فرغى بريدك!!

وآسفة الوقت ضيق لتفريغ الرسائل لأنها عزيزة عليّ ولا أريد حذفها

بإذن الله أجد حلا

[ثروة 259]

هل وصلتك الآن ؟

[حنين مسلمة 34]

آسفة حبيبتى لم تصلنى

أحاول حاليا حذف بعض الرسائل لتفريغ البريد

ولكن لن أستطيع تفريغه إلا اليوم ليلا كأقل تقدير

 

عذرا سامحينى

[ثروة 259]

آسفة حبيبتى لم تصلنى

أحاول حاليا حذف بعض الرسائل لتفريغ البريد

ولكن لن أستطيع تفريغه إلا اليوم ليلا كأقل تقدير

 

عذرا سامحينى

 

لا عليك حبيبتي خيرًا إن شاء الله : )

[صاحبه القلب الطيب 12]

السلام عليكــم ورحمـة الله وبركاتــة ،،

 

اتأخرت عليكى شويه معلشى

بصراحة أنا شكيت فى الكيكة بتاعتى ممكن تقوليلى مقاديرك ومقاس الصينية اللى بتعملي فيها أو طول قطرها

 

معلش هتعبك معايا

 

اولا حبيبتى لا تعب ولا حاجه

 

عامه بالنسبه للصينيه عارفه انتى نظان ال3 صوانى اللى فى بعض (صغيره -وسط - كبيره )دوول اللى عندى ولا اعرف قطرهم بصراحه

 

بس انا بعمل فى الكبيره عاده الاتى

والصغيره تكون نص تلك المقادير

 

 

المقادير

 

2ونص كوب دقيق

4 بيضات

كيس بيكينج بودر

2 زبادى او كوب لبن

فانيليا

كوب سمن (1\2 سمن =1\2 زيت )

كوب ونص سكر (حسب الرغبه بس مش اقل من كوب )

 

لو بالكاكاو استبدلى 1\2 الدقيق ب3 ملاعق كاكاو

 

والطريقه اكيد عارفاها

 

تنخلى الدقيق وعليه البيكنيج منخول (اهم خطوه )

 

انا بضع فى الخلاط البيض الاول وبعدين الفانليا ثم الزبادى وبعدها السكر وبعدها السمن "ممكن السمن خارج الخلاط "

 

واضع تلك المقادير السائله على الدقيق والبيكينج واقلب فى اتجاه واحد فقط عشان فقاعات الهوا

 

واكون مسخنه الفرن على 180 لمده 10 دقايق واصبها فى الصينيه بحيث لا يتعدا منتصف الصينيه وادخلها الفرن على الرف الاوسط وبعد حوالى 25 دقيقه طبعا الريحه بتكون طلعت بفتح واختبرها بالسكين وممكن بعدها اشعل الشوايه دقيقتين تحمر بس

 

واطلعها والف هنا

 

اى خدمه او استسفار تفضلى ؟؟؟

 

 

[حنين مسلمة 34]

جزاكِ الله خيرا صاحبة القلب الطيب وفعلا ... قلبك طيب قوى :)

 

بإذن الله أجربها بس كمان يومين كده وأقولك على النتيجة

 

أطعمكِ الله من ثمار الجنة :)

[صاحبه القلب الطيب 12]

جزاكِ الله خيرا صاحبة القلب الطيب وفعلا ... قلبك طيب قوى :)

 

 

احرجيتنى صراحه :icon15: :unsure: بس ده حقك عليا بجد طالما اقدر افيدك اذن فهو واجب على

 

بإذن الله أجربها بس كمان يومين كده وأقولك على النتيجة

 

انتظر النتيجه واكيد راح تطلع تمام وتفرحى زوجك وتفرحينى

 

أطعمكِ الله من ثمار الجنة :)

 

اللهم امين واياكى ورزقكى الله بالذريه الصالحه المعافاه ياغاليه

[حنين مسلمة 34]

السلام عليكم ورحمة الله وبركاته،،

 

حبيبتي صحوبة ... أبشرك عملت الكيكة وكانت جميلة ومظبوطة تمام :)

 

واستوت علطول الحمد لله ...

 

مقاديرك ممتازة .. نسيت أصورها لك

 

جزاك الله خيرا

[صاحبه القلب الطيب 12]

اللهم بارك

 

بجد ياغاليه فرحتينى جداااااااااااا جدااا وكنت ابحث عن موضوعك

بس انتى رجعتى لاسمك القديم تانى

 

بالهنا والشفا

 

انتظر قطعه مصوره

 

وفعلا فرحت جداا انها اتظبطت معاكى اللهم لك الحمد