كيف يتوب شاب زاني؟؟ تكفووون دخلوا

[النجم الثاقب 0]

بســـــم الله الرحمــــــــن الرحيـــــــــــم

 

شخباركم أخواتي الغاليات :wub:

 

أقول أنا عندي سؤال من شاب ماأعرفه بس أخته بتسألني!!

 

ومحتاجين إجابة سليمة ومضمونه من أي شيخ ثقة

 

لأن السالفة صارت بتتفاقم وبتزيد البلاوي :sad:

 

 

السالفــــــــــــــــــة

 

 

في شاب سافر لبلاد برى يمكن أوروبا أو أمريكا

وزنى -أعوذ بالله- بوحده أجنبية

 

والبنت حملت منه وهو واثق من الحمل إنه منه

 

وحاول فيها تجهض الجنين بس هي رفضت

 

وبعدين قرر يتركها ويرجع لبلاده لعل وعسى تحس بالوحده

وتطيّح الطفل

خصوصا إن المفروض هي ماتفرق معاها

 

ولما رجع الشاب بعد كذا شهر

وجد إن البنت صارت حامل بالشهر السابع

 

وترجاها كثير تنزل الطفل بس هي مصره على رأيها

وبكى عندها وخبرها إن أهله ممكن يتبروا منه أو يشتكوا عليه بسسبب هالسالفة

ولا يمكن إنهم يتفاهمون معاه

 

وأخيرا البنت وافقت تنزل الطفل

 

بس المفاجأة لما راحوا للمستشفى رفض الأطباء إنهم يطيحوا الطفل وهددوهم

 

......

 

والحين الطفل إنولد وصار عمره 3 سنين

ومازال طبعا مع أمه

 

والشاب بلشان بالموضوع خصوصا إنه خاطب على بنت عمه

وأهله وأهل خطيبته يطلبوا منه يعرس

بس هو يأجل ويرفض

وهم مستغربين حدهم من سالفته

خصوصا إن وضعه الإجتماعي تغير

وصاير مايطلع ووجه أسود وتعباااااااان

ويقول إن همومه كبيره

 

وصاير يشرب خمر عشان ينسى

أستغفر الله يزيد ذنبوبه وبلاويه!!

 

عموما هو الحين يريد حل

 

قال أبي أتوب وأحج

بس مازال الطفل في ذمته

 

يريد يعرف هل المفروض عليه يصرف على الولد

ويرسل له مبلغ شهري؟

أو يتزوج أمه ويطلقها؟

 

وبنت عمه كيف السواة معها؟

 

وشنو يسوي عشان يرتاح ضميره؟؟!!!

 

أنا في حياتي ماتوقعت ممكن أسمع سالفه شاب

بهالطريقة

 

بس أخته حملتني أمانه إني أساعدها وأشوف إيش الحل الشرعي

 

 

 

تكفووووووون يابنات ساعدوني ماأعرف شنو أسوي؟؟!!! :blink:

 

ودمتم بكل خير وأمان يارب

[* سمر * 2]

السلام عليكــم ورحمـة الله وبركاتــة

 

أختي الفاضلة ادخلي على هذا الرابط عساه يفيد

 

http://www.islam-qa.com/ar/cat/2019

 

 

http://www.google.com.eg/search?q=%D9%83%D...amp;aql=&oq=

[النجم الثاقب 0]

شكرا عيوني الحين راح أشوفه