مدمج :ممكن مساعدة ونصيحة يا امهات

[**حنين للجنة** 16]

السلام عليكــم ورحمـة الله وبركاتــة ،،

 

ابنى عمرة 3سنن إلا شهرين ما شاء الله لا قوة الا بالله مشكلتة انه لسة بيلبس البامبرز وماكنش بيرضى يقعد ابداااااااااااا على التواليت وكان بيشنج نفسة وبيصرخ بشكل رهيب

من ثلاث ايام بالظبط قولتله تيجى تعمل بيبى فى التواليت واديلك ستيكر حصان واحطهولك على ايدك واجبلك شيبسى (هو بحب الحصان جداااااااااااا وبيحب فكرة لزق الاستيكر على الايد من الحضانة وطبعا بيحب الشيبسى جدااااا ) المهم فضل رافض فى الاول قولت لباباة تعالى انت اقعد قدامة كدا بهدومك واديلك استيكر ونشوف هاحصل اية فعلا عمل كدا محمد اتبسط جدااااا وبعدها زرجن شوية بس رضى يقعد الحمد لله وده بفضل الله انجاز عظييييييييييييييييييم وفعلا جبتلة اللى وعدتة بيه يومها بقى كان عايز يدخل كل شوية علشان اجبلة ستيكر واحطهولوا على ايدة وكنت بدخلة تانى يوم كنت بفضل اتحال عليه مرة رضى و10لا (محمد بطبعتة ملول وبيزهق بسرعة) وخلاص موضوع الاستيكر بقى قديم بالنسبالة مع انى مرة اجبلة اسد ومرة فيل ومرة صقر كدا يعنى بغيرله ممكن مرة استيكر ومرة كراسة تلوين بس بيخدها يتفرج عليها ويقطعها على طول والاستيكر كمان كدا يحطة على ايدة يتفرج عليه وبعدين يقطعة او يقولى ماما ارمى فى الباسكت

المشكلة ان البيبى (البول) اعزكن الله ممكن يرضى ويعمله فى التواليت وممكن ندخل اقعدة كتييييييييييير وفى الاخر مايعملش اما التانى بقى لا يمكن يعملة ابدااااااااااا لازم فى البامبرز لدرجة انه من كتر ماهو مشدود كان بأله يومين ماعملش ومحمد بطبعتة بطنة سايبة ومابيجلوش امساك غير نادرا انا عارفة انه كان ماسك نفسه مع انى قولتلة لو عملت فى التواليت هاجبلك بازل جديدة وهو نفسه فيها وبيفضل يعيط علشان اديهالوا بس بردوا النهاردة لقتة بدأ يعمل قولتلة استنى نعمل فى التواليت مارضيش ابدااااااااااااا وزعلت منه شوية

 

انا مشكلتى انى مستعجله وعايزة كل حاجة بسرعة وموش عارفة اتصرف واعمل اية

 

ممكن تنصحونى اكمل معاة ازاى وازاى اخليه يرضى يدخل مع اننا بندخل نفضل نلعب ونلون ونرسم ونقول اناشيد وبنعمل كل حاجة حتى الكورة بنلعبها جوة

 

الحاجة التانية ازاى اخليه مايقطعش كل حاجة اجبهالوا (دى حاجة مهمة بس الاهم موضوع التواليت)

 

جزاكن الله خيرا اسفة طولت بس فعلا مشكلة ونفسى ابدا واكمل صح علشان يرضى يكمل ومايزهقش

 

ملحوظة هو لسة طبعا لابس البامبرز اصل الجو برد وصعب اقلعة دلوقتى بس نفسى يتعود ويقولى انه عايز وعلى الصيف اقلعهولوا ان شاء الله

[{ الــهـــا م } 81]

وعليكم السلام ورحمة الله وبركاته،،

 

بارك الله فيكِ

 

هنا مهارات تعليم الحمام

 

https://akhawat.islamway.net/forum/index.ph...&hl=ساعدوني

 

وكذلك توجد عدة موضوعات تفيدك في فهرس المساعدات موضوع مثبت

 

https://akhawat.islamway.net/forum/index.php?showtopic=243422

[محبة لربها، ادعوا لي بالثبات 72]

حبيبتى ده ردى وتجربتى فى موضوع يشبهه

 

اولا هنيئا لك اختى بالجهاد فى سبيل الله ورفعة الدرجات

 

جعل الله مجهودك فى ميزان حسناتك اللهم آمين

 

كل النصايح التى اوردتها حبيبتاى بنت ام عبد ويسرا جميلة وحقيقية ان شاء الله

 

انا اتعلمت للاسف فى طفلى الاول ولم انتبه او ادربه الا متأخرة

 

__ كنت كسوله واحب الركون للراحة__فكانت النتيجة انه اصبح يتبول ليلا

 

يوميا الى ان يئست ولم يشفى الا بعد البلوغ!!!

 

لذا انتبهت فى الثانى وعلمته مبكرا وشجعته واخوه كان يشجعه

 

وةبفضل الله ثم الدعاء كان نظيفا فى فراشه

 

شفاك الله وعافاك حبيبتى وجعله عفوًا وتكفيرا عن السيئات

 

[**حنين للجنة** 16]

جزاكن الله خيرا على المرور

 

كنت اتمنى ان ارى نصائحكن وتجاربكن

[**حنين للجنة** 16]

؟؟؟؟؟!!!!!!!!!!!!!!!

[محبة لربها، ادعوا لي بالثبات 72]

جى جى ....

 

الخلاصة

انك تفضلى تعوديه وتعوديه لحد ما يتعلم

 

وابدئى فى الثانى عشان ينشطك شوية عشان كمان تبقى هدة واحده صدقينى

 

وهتضطرى تقعّدى الاتنين على البوتى صدقينى

 

والف باء الحمام انك ما تاكسليش

[أم عائشة المصرية 242]

وعليكم السلام ورحمة الله وبركاته،،

ربنا يعينك عليه

بس رأيي إنك تأخرتى جدااااا....!

والحل المعروف واللى بيزعلنا نحن الأمهات هو إنك تقلعيه البامبرز

شاء أم أبى...

صدقيني طالما هو كبير كده يبقى حيقرف من نفسه وحيحاول يتحكم فى نفسه سواء بول أو براز..

وحاولى متيئسيش لأن اليأس حيخليكي تلبسيهوله تانى..وتلغى اللى انتى بدأتيه معه من أول وجديد.

 

عارفة..أنا كنت مع بنتى الثانية أؤجل أؤجل كسلا منى لأنى عارفة إنى داخله على شيء مش بحبه وهو الحوسة بتاعة تدريب الحمام..

وفى مرة قلت بجد وعدت نفسى مش حشترى بامبرز تانى..إلا لو اضطريت أشترى للخروج حشترى سايب

لأنى دايما كنت بشترى العبوة الكبيرة..لكن وقتها شلت العبوة دى فى الدولاب فوق..وقلت لازم حعودها إن شاء الله وخصوصا إنى لو انتظرت موضوع الشتاء ده يبقى مش حخلص..والوقت بيجرى وهى بتكبر..

واشتريت ملابس داخليه كتير علشان أغيرلها ومش يبقى لى حجة إن الهدوم بتغيب فى النشفان..

والحمد لله بعدها بقيت أنا من نفسى بقرف ألبسهولها..

وطبعا انتى عارفة النظام بقى

تعزمى كل شوية ولو عملها على نفسه خاصميه...حيعملها مرة واتنين وعشرة وبعدها حيآخد باله وخصوصا إنه اللهم بارك كبر وفهم..

 

حاولى واستخيري وإن شاء الله ربنا يعينك:)

[**حنين للجنة** 16]

جى جى ....

 

الخلاصة

انك تفضلى تعوديه وتعوديه لحد ما يتعلم

 

وابدئى فى الثانى عشان ينشطك شوية عشان كمان تبقى هدة واحده صدقينى

 

وهتضطرى تقعّدى الاتنين على البوتى صدقينى

 

والف باء الحمام انك ما تاكسليش

 

 

جزاكِ الله خيرا حبيبتى

 

بس تانى مين؟؟؟

 

انا ماعنديش غير محمد ربى يباركلى فيه ويحفظهولى

[**حنين للجنة** 16]

وعليكم السلام ورحمة الله وبركاته،،

ربنا يعينك عليه

بس رأيي إنك تأخرتى جدااااا....!

والحل المعروف واللى بيزعلنا نحن الأمهات هو إنك تقلعيه البامبرز

شاء أم أبى...

صدقيني طالما هو كبير كده يبقى حيقرف من نفسه وحيحاول يتحكم فى نفسه سواء بول أو براز..

وحاولى متيئسيش لأن اليأس حيخليكي تلبسيهوله تانى..وتلغى اللى انتى بدأتيه معه من أول وجديد.

 

عارفة..أنا كنت مع بنتى الثانية أؤجل أؤجل كسلا منى لأنى عارفة إنى داخله على شيء مش بحبه وهو الحوسة بتاعة تدريب الحمام..

وفى مرة قلت بجد وعدت نفسى مش حشترى بامبرز تانى..إلا لو اضطريت أشترى للخروج حشترى سايب

لأنى دايما كنت بشترى العبوة الكبيرة..لكن وقتها شلت العبوة دى فى الدولاب فوق..وقلت لازم حعودها إن شاء الله وخصوصا إنى لو انتظرت موضوع الشتاء ده يبقى مش حخلص..والوقت بيجرى وهى بتكبر..

واشتريت ملابس داخليه كتير علشان أغيرلها ومش يبقى لى حجة إن الهدوم بتغيب فى النشفان..

والحمد لله بعدها بقيت أنا من نفسى بقرف ألبسهولها..

وطبعا انتى عارفة النظام بقى

تعزمى كل شوية ولو عملها على نفسه خاصميه...حيعملها مرة واتنين وعشرة وبعدها حيآخد باله وخصوصا إنه اللهم بارك كبر وفهم..

 

حاولى واستخيري وإن شاء الله ربنا يعينك:)

 

جزاكِ الله خير الجزاء حبيبتى ام عائشة

انا اتاخرت اوووووووووووووووى بس حقيقى كان فى ظروف هيا السبب فى التاخير دة الحمد لله على كل حال

انا فعلا فكرت فى موضوع تقلعة البامبرز لما قولتيللى بس بصراحة خايفة من البرد عليه وخايفة يبهدل الفرش والسجاد عمالة افكر ابدأ دلوقتى ولا استنى مع بداية الصيف علشان اولا مايبردش ثانيا اكون شلت السجاد

 

اعتقد انى كنت قرأت انك بتستخدمى حاجة لبناتك ربنا يحفظهوملك علشان يحسوا بالبلل لكن ما يبلوش الدنيا صح كدا ؟؟؟ ولو ايوة ممكن تفكرينى كانت اية؟؟؟؟

 

بشكرك من كل قلبى على ردك ومساعدتك

ربنا يحفظلك بنوتاتك ويجعلهم ذرية صالحة

[صاحبه القلب الطيب 12]

نفس مشكلتى ام محمد

 

موضوع افكر فيه واتمنا ان اتدرب عليه ولكنى مأجله للصيف لان الجو برد (كسل برضو )

 

حبيبه سنه و3 شهور ...ياترا انا اتأخرت ؟؟؟

 

وابدأ ازاى

 

ياريت شرح تفصيلى او تجربه كامله لاى اخت

[* أم بلال * 2]

السلام عليكم ورحمة الله

 

أنا معاكم يا بنات لكني انتظر الصيف أيضا لأبدأ

بنتي عمرها 10 شهور وبالصيف ستكون قد تعدت السنة

حاولت ان ابدأ معها لكنها لا تفهم لما أجلستها على البوتي أعجبها ولما قلت لها اعملي أححح بدأت تراقبني وتضحك هههه

 

هدى الله لك ابنك يا أم محمد بالراحة وسيتعلم باذن الله فقط الصبررر

 

أم حبيبة كيفك وكيف الكتكوتة الصغنونة بوسيها لي

[محبة لربها، ادعوا لي بالثبات 72]

انا قصدى تفكرى تانى عشان تتنشطى

 

نفسى تسمعوا كلام اللى قبلكوا نفسىىىىىىىىى

 

بنديكوا عصارات خبراتنا فى ملعقة وبترفضوا ليييييييييييييه

 

عاملين زى ولادى فى المذذاكرة والتحصيل بيرفضوا نصائح مركزة وسهلة من دون تجريب او تعب

 

انا كمان كنت كده

 

 

نفسى ازعق واقول

 

علمى ابنك من سن شهريييييييييييييييييييييييين الحمام وما تخافيييييييييييييش وما تسمعيييييييييييييش كلام الدكتور فى هذا الشأأأأأأأأأأأأان

 

 

واللى فاكرة انه فات الوقت .....ما تخافييييييش هو فات ايوة .....زلكن ما تيأسيش من فضضضضضضضلك من تعليمه

 

مصيره يوم هايتوقف

 

وسلاحك فى الاول والآخر الدعاءءءءءءءءءءء

 

 

وما تكسلييييييييييييييييييش

كل شوية قعععععععععععععععععديييييييييه

 

انتوا تعبتونى اوىىىىىىىى

 

انا من زمان وبنبه فى كل استفسار وموضوع خاص بهذا الشأن

 

وانتوا ودن من طين والتانية ......زعجييين

 

يا حلواااات مش عاوزاكوا تتعبوا تعبى ولا تخيبوا خيبتى

 

اتعلمت بعد خراب مالطة مش عاوزاكوا زيىىىىىىىىىىىى خايفة عليكوا

 

يا رب تكونوا فهمتوا واتعلمتوا

[محبة لربها، ادعوا لي بالثبات 72]

من فضلك

 

((والكلام لكل ام))

 

سيبى كل اللى ف ايدك سيبى النت وسيبى التلفاز

 

وسيبى الاكل

 

وسيبى شغل البيت

 

وقعدى طفلك

 

وفى الآخر هايتعلم

 

ده اللى قصرت لغابية ما ابنها او بنتها فاتهم قطر الحمام النظيف((مثل ابنى قديما))

 

اما فى البداية فلو عودتى طفلك من سن شهرين ولا هاتقلقى ابدا

 

بس عاوزة صحصحة وهمة ونشاط

 

بمعنى ما تناميش وتسيبيه فى سريره من دون تقعيده

 

او تسيبيه نايم وتجرى على المطبخ تطبخى قبل زوجك ما ييجى ويعمل فى الحفاض مش مشكلةةةةة

 

او تنامى للظهر وتتركيه نائم وانت جنبه

تم تعديل 24 يناير, 2011 بواسطة محبة لربها، ادعوا لي بالثبات

[أم عبد الوارث 24]

نفس كلام امي لكني اكسل يا محبة

 

ابني عنده 7شهور تقول لي امي اني متأخرة :(

[شذى الهمة 331]

السلام عليكم ورحمة الله وبركاته

مش عارفة ليه يا أم محمد حاسة اننا أقارب وولادنا فيهم جينات شبه بعض

أنا أكثر واحدة هفيدك في الموضوع ده لأني مريت بالتجربة دي بضمير جدا

أنا بدأت أعود عمر عالحمام وهو عنده سنة ونصف واستمرت المحاولات لمدة سنة كاملة

والله مش ببالغ على العند بتاعه وعدم استجابته لدرجة إنه بيمسك نفسه في البول ممكن ليوم كامل ويبقى مش عارف يمشي من كثر الألم وكنت بنهار وبموت ومش ملاحقة على الغيارات لأني قلعته البامبرز وطبعا السجاد كللللللله بقينا منقدرش نصلي عليه خايفين ليكون نقط عليه

وبالنسبة للبراز كان بيمسك نفسه لدرجة ان جاتله بواسير شديدة وكان بيعمل بالصراخ والدم

كل ده من العند

ووكنت حامل وبموت من الجري وراه والغيارات واديته هدنة أسبوعين بتوع الولادة سيبته لابس البامبرز وبقى مستغرب إني مش بزعقله وكأنه كان مبسوط بلعبة القط والفار اللي طول النهار فيه

وبعد 15 يوم من الولادة وكان تم سنتين ونصف قلتله يانا يالبامبرز وأخذتها تحدي

وجبت علبة شيكولاته من نوع بيحبهاكان فيها ييجي خمسين قطعة وحطتها فوق التلاجة

ومبقتش أديله إلا لما يقعد وكان يروح يجيب البوتي ويقولي عايز شيكولاته ويقعد وياخد الشيكولاته ويقوم

قلت مش مهم بس يقعد وخلصت العلبة وجبت واحدة تانية بس خليتها لوعمل فعلا

والصراحة بدأت أنهار وايأس ومبقاش في دماغي غير مراقبته طول النهار وخايفة عليه من كتر ما بيمسك نفسه

المهم تدخل باباه وبقىت لما أقعده على البوتي أناديله ويخلي الشيكولاته معاه ولوقام ياكلها هو ( باباه اللي ياكلها )

والصراحة جيه عند النقطة دي وانهارت مقاومته خصوصا انه منعه من الفسح وركوب السيارة

وفي مرة من التعب عيطت وقلت يارب انته عالم بيا وفي اليوم ده جاب البوتي لوحده وراح عمل فيها علشان يرضي باباه

ووبقى كل نص ساعة يجيبها علشان ياخد شيكولاته

طبعا كل ده في البول بس

ولسه للأسف لم انته من مرحلة البراز لكن مشكلته إنه خايف من الألم بسبب الإمساك

وجبتله ملين وماشية عليه

بس أنا مش مهم سرعة النتيجة قد مانا عندي أمل ان فيه استجابة منه

ومقاومته ليا بدأت تنهار

على فكرة كل اللي حواليا كانوا بينصحوني اني ءأجل بعد الشتا لما تخلص بس انا مرضيتش خالص

وكان جرحي مفتوح وحالتي حالة بس لازم تبقى إرادتك أقوى من إرادته

واوعي تضربيه علشان ده بيوتره جامد

بس لازم تبقي أقوى منه وعليكي بالدعاء

[محبة لربها، ادعوا لي بالثبات 72]

نفس كلام امي لكني اكسل يا محبة

 

ابني عنده 7شهور تقول لي امي اني متأخرة :(

 

كل يوم حبيبتى قعديه

 

وان شاء الله ربنا مش هايضيع تعبك

 

المهم تبدئى بدرىىىى

 

وكافئيه كما قالت ام عمر

[محبة النبي عليه الصلاة والسلام 6]

السلام عليكم ورحمة الله وبركاته،،

والله موضوع جاي في وقته وانا محتاجاه جدا

خصصا انهاردة لسه بنتخانق علي الكادلس ههههه

حاسة انك بتصرخي يامحبة..........كأني سمعاكي

طيب انا أبدأ مع بنتي ازاي؟5 شهور

[محبة لربها، ادعوا لي بالثبات 72]

قعديها يا ام خديجة على القصرية فى السرير وحوطيها ببطاطين وأمِّنى تحتها ب مشمع وكوفرتة قديمة والذى منه

 

كل يوم اول ما تصحى

 

وبعد الاكل

 

وبالليل

 

قبل ما ننام نعمل حمام

 

هههههه

 

انا مش عاوزة اقول لك انا تعبت اد ايه من عدم تعويد الكبير الحماتم من بدرى

 

لدرجة انه ما انصلح الا بعد البلوغ تخيلى؟؟؟((والحمد لله انه اتصلح))

 

بسبب انشغالى عنه كتير بأشياء اخرى ليس من بينها تلك العادة

 

اعملى بنتك شغلتك وبس

 

طبعا ابوها قبل منها ههههههه

 

 

بصى ابنى كان بييجى ((وانا أأسف انى اصرح بهذا)) :mrgreen:

 

فى باس المدرسة ورائحته تزكم الانوف!!

 

 

بول وبراز عافاكن الله!!

بسبب انى ما عودته من بدرى :mrgreen:

 

ياما وديته لاطباء ومنهم من كان يكتب علاجا غالى الثمن شهريا 300 ج ولمدة عام ويزيد ..وبرضه زى ما هو

 

طبعا كنت باضبط المنبه واصحى واصحيه معايا فى غرفة اخرى بعيدة عن ابيه _طبعا فترة جفاء ما اقولكوش_ طبعا فاهمين ومشاكل بقى وخناقات الحمد لله

 

واستمريت كتير ما فيش فايده

 

وجبت جهاز غالى برضه عشان مع اول احساس بقطرة بول قبل نزولها يصفر بصفارة منفرة وةرخمة وبااااااااااااااااارضه ما فيش تحسن

 

بطلت كل حاجة واهتميت به وزودت حنانى

 

وصلحت مع ربنا

 

لقيته خف بس بعد عذاب ولله الحمد

 

الخلاصة عودى ابنك مبكرا تتفادى كوووووول حاجة وحشة

 

وجزاك الله خيراااااا محبة النبى انك سمعت صراااخى

 

حاسة بى حبيبتى ..شكرااااااا

 

 

 

[محبة النبي عليه الصلاة والسلام 6]

ولا هي ولا أبوها ولا حتي نفسي

هي طبعا لسة مش بتعرف تجلس لوحدها....بس مفيش مانع من المحاولة

وبعدين...عرفتي منين اني ام خديجة الفيوم؟ :blink: :mrgreen: ]

تم تعديل 24 يناير, 2011 بواسطة محبة النبي عليه الصلاة والسلام

[أم عائشة المصرية 242]

بصي يا حبيبتى أنا كنت أضع قطعة قماشة قطن لتمتص البول وتحجز البراز أعزكن الله عن توسيخ الأرض...

 

ادعى ربنا يعافيكي..ويصبرك على المحاولة دى معاه وربنا ييسرلك يا رب ويهديهولك

[***أم محمد*** 8]

ام محمد انا راح احكيلك تجريبتي باختصار و من مدة قصيرة بس

اول شي لما كان محمد ابني صغير كنت اقول لنفسي معقول حمودي راح يصير يعمل في الحمام ؟

وكل مرة اقول لنفسي الشهر الجاي راح ابدا و يجي الشهر و ااجل في الاخر وقفت وقفة جامدة لما شفت ابني بيكبر و لازم يشيل البامبرز و كان هدا الكلام على عمر سنتين و حوالي 8 شهور

قررت اني ابدأ معه و حطيت الموضوع في راسي رسمي

اول شي اشتريتله نونو و هي القصرية وصرت انا العب بيها عشان تلفت نظره و يحبها

و علمته على اسمها

تاني خطوة قلعته البامبرز و صار يمشي في البيت ببنطلون بس و طبعا شلت السجاد المفروش كله

وكنت كل نص ساعة اقعده على النونو .ومش دايما كان بيعملها .......بس كان لما يعملها اشيله و ابوسه و و اعمله حفلة

فهم ساعتها انه النونو للبيبي .....صرت اطول الفترة بين كل مرة و التانية .....صار يفلت على الارض وكنت اتدايق و اقوله بشويش ليش ياماما هيك و اغير ملامح وجهي فيخاف

مع العلم اني كنت احط البامبرز بس في الليل و لما نخرج بس

في البت كان يقعد من غير و لاشي

وظليتني كل ساعة او ساعتين احطه على النونو من غير مايقول لاني كنت حاسة انه لسه مش فاهم .....ومرات تصدف انه يعملها في النونو و في الغالب كان يعملها على الارض

برضه ما يئستش و تنحت اكتر من الاول.....وصرت اتعامل معه بمبدأ الثواب و العقاب لما تصدف و يعمل في النونو افرح و افرحه و ابسطه اقوله شطووووووور ياماما يشوفني فرحانة يقعد يضحك و ينبسط و يصير يتوددلي بس لما بيعملها على الارض

بصراحة كنت بصرخ عليه و استعمل اسلوب التخويف (بعلي صوتي عليه و احيانا اضربه ضرب خفيف على رجله )اخد الموضوع حوالي 3 اوز4 شهور و انا في محاولات مستمرة لغاية ماصار يحكيلي ككة احضرله النونو على طول و يعملها و ادخله الحمام عشان يشطف و اعمله حفلة في الحمام فصار يحب موضوع الحمام عشان الزيطة الي بعملهالو جوا

لغاية ماانتضم في حكاية النونو وصار يجيبها لنفسو و يعملها

الان صار لازم اعوده في الليل

الحكية الان صارت اسهل...... شلت البامبرز في الليل

قبل ما ينام اوديه على النونو سواء عاجبه و لا مش عاجبه ...اذا عاجبه افرحله و اذا مش عاجبه اتنحله ههههه

وكل ساعتين اصحيه و اوديه على النونو وكان طبعا يتدايق بس الموضوع لازم ينتهي و الحمد لله موضوع الليل اخد معي حوالي اسبوع وصرت مااصحيه الا لما هو يقولي نونو ...طبعا كنت بلاقي احيانا تسرب على الفراش و كنت بنبه و بخوفه ....صار يمسك نفسه و مرات يصحى في الليل يروح ياخدج النونو و يعملها و يصحيني لما يخلص و يقولي نونو ......و عدت هذه الفترة بسلام وهذا ما يمنع انه مرات بيخترق القوانين لما بحس انها غصب عنه بفوتله

 

الان اجت مرحلة انه اعوده يطلع من غير بامبرز

 

كنت متعودة عند الجروج البسه بامبرز

مرة ابوه قالي لبسيه عشان نجرج .....خرجنا و رجعنا اول ما وصلنا البيت قالي نونو .....ساعتها انتبهت انه انا ناسية البسه بامبرز و كان ماسك نفسه عالاخر و ماصدق لقى النونو ...سبحان الله نسياني اني البسه البامبرز خلاني اتشجع اني ابدأ في خطوة الخروج من غير بامبرز

صرت عن الخروج ققعده على النونو عشان يعملها احيانا يعملها و احيانا لاء....و يخلينا في نص الطريق بالسيارة و يقولي نونو يضطرلا ابوه يركن السيارة و يعملها في مكان متداري

هادي المرحلة كانت سهلة لانه كان اتعود انه يمسك نفسه

و الحمد لله الان اتعود على الحمام عادي ...صحيح بعد عناء و صبرحوالي 5 او 6 شهور لكني مايءست و الحمد لله الان عادي

 

وعقبالك بس انتي قرري و اوقفي وقفة جامدة معه و اعتمدي مبدأ الحزم في المعاملة و الثواب و العقاب.....لما يعمل كويس حسسيه بالفرحة و لما يغلط حسسيه بالغضب و خوفيه بالصوت و التأنيب الجامد

ان شاء الله تكوني فهمتيني او اني اكون قدرت اوصلك الفكرة

واحكيلنا شو بصير معك جديد

[صاحبه القلب الطيب 12]

من سن شهرين ياخبر ابيض

 

لى عوده

 

فعلا يامحبه كأننك ماسكه عاصيه وهتضربينا ههههههههههه

 

ربنا يخليلنا حرصك ده ياحبيبتى

 

بس فعلا الموضوع صعب انا بنتى اصلا مش بتريح نفسها ومبتعدش دقيقتين على بعض يعنى مثلا الماشيه جبتها مستحيل تعد فيها واتركنت

وعارفه ان نفس الامر مع البوتى لكن لازم احااااااااااول

[* أم بلال * 2]

السلام عليكم ورحمة الله وبركاته

 

الموضوع صار أحلى بالتجارب الجميلة

يا محبة سامعاكي وصوتك جايب آخر الشارع

انا لما قلتي لي اقعدها في الموضوع اللي رحتو مش ولابد فاكراه ؟ والله عملت بنصيحتك لكن كانت مابتعرفش تقعد لسا ولما قعدتها ضلت قاعدة نص ساعة وبتبكي وما عملتش حاجة

وقعدتها بعديها كذى مرة لكن الموضوع صعب لانها لا تفهم كلامي والجو برررد وكانو ركبها بيبردو جدا فقلت أأجل الموضوع للصيف لكن ليس كسلا بالعكس

وانا ضروري أبدأ بالصيف وسآخذ إجازة من العمل مخصوص لهذا الأمر باذن الله

 

دعواتكم

[محبة لربها، ادعوا لي بالثبات 72]

ام محمد.... حميلة تجربتك تشبه تجربتى ..مع مزيد من المعاناة

 

طبعا لازم تستغنى ام محمذ عن الحفاض كخطوة اولى فى طريق النجاح ..ومن ثم شيل السجاد ايضاا

 

ام حبيبة وام بلال ربنا معاكوا فعلا اااا

 

بصى نيجى لاهمية التعويد من سن شهرين بيكون عجينة طرية معاكى تقدرى تشكليه بسهولة

 

حتى يتعود لانه لما بيكبر شوية بيشضض جسمه..يعنى بينشفه ويجمّده واستحالة تقدرى تطوى جسمه حتى يجلس تلك الجلسة المعلروفة بالحمام!!

 

 

هاتسمعى كلام دكاترة ويقولوا ضهره ومش عارفة ايه !!طنشى

 

هو هيسقط فى القصريه وعليك تسنديه بس مش تغيبيه

 

 

مرة ف مرة هيعرف ويبقى عنده ارتباط شرطى..يعنى لما يعمل فيها مرة هتقوميه

 

يعنى ارتبط بالقصرية بشرط انه يعمل فيها

 

بمجرد يعنى ما يعمل فيها هاتقوميه وهنا ارتبطت الفكرة فى ذهنه ةواوعى تقولى مش فاهم بالعكسس!! هو بيخزّن

[محبة لربها، ادعوا لي بالثبات 72]

حبيبتى ام خديجة وحشتينى معلش نسيت ارد عليك

 

انت فينك يا جى جى زعلت ولا ايه

 

معلش اسفة اصلى باتخنق من الكتابة كتير وبابقى عاوزة اخلص

 

وكنت متعجلة مش فاضية انمق الكلاااام اعذرينى