مدمج :ممكن مساعدة ونصيحة يا امهات

[**حنين للجنة** 16]

جزاكن الله خير الجزاء يا غاليات على الرد

 

تجربة ام محمد وسجودى لله فقط تجربة رائعة وان شاء الله اكون استفدت منها وابدأ انفذها

 

حبيبتى محبة انا ماقدرش ازعل منك ولا من اى اخت لانى بجد بحبكم فى الله

 

ان شاء الله هارجع وارد عليكوا واحدة واحدة بس من امبارح ضغطى عاااااااالى الحمد لله وعندى صداع هايخلى دماغى تنفجر الله المستعان

 

افوق بس كدا وهارجعلكم ان شاء الله

[محبة لربها، ادعوا لي بالثبات 72]

سلامتك يا جى جى

 

الف سلامة

 

لا بأس طهور ان شاء الله

 

اشربى كركديه وما تنسيش تسألى د نسرينا

 

ولا تزعجى نفسك وزتردى واحده واحده ولا حاجة

 

كلهن اخواتك ومش هيزعلوا منك

[***أم محمد*** 8]

سلامتك يا ام محمد حسان

اكيد انا الي وجعتلك راسك بكلامي الكتييييييييييي

او انه محمد متعبك

ههههههههه

الف سلامة عليكي

[محبة النبي عليه الصلاة والسلام 6]

ام محمد.... حميلة تجربتك تشبه تجربتى ..مع مزيد من المعاناة

 

طبعا لازم تستغنى ام محمذ عن الحفاض كخطوة اولى فى طريق النجاح ..ومن ثم شيل السجاد ايضاا

 

ام حبيبة وام بلال ربنا معاكوا فعلا اااا

 

بصى نيجى لاهمية التعويد من سن شهرين بيكون عجينة طرية معاكى تقدرى تشكليه بسهولة

 

حتى يتعود لانه لما بيكبر شوية بيشضض جسمه..يعنى بينشفه ويجمّده واستحالة تقدرى تطوى جسمه حتى يجلس تلك الجلسة المعلروفة بالحمام!!

 

 

هاتسمعى كلام دكاترة ويقولوا ضهره ومش عارفة ايه !!طنشى

 

هو هيسقط فى القصريه وعليك تسنديه بس مش تغيبيه

 

 

مرة ف مرة هيعرف ويبقى عنده ارتباط شرطى..يعنى لما يعمل فيها مرة هتقوميه

 

يعنى ارتبط بالقصرية بشرط انه يعمل فيها

 

بمجرد يعنى ما يعمل فيها هاتقوميه وهنا ارتبطت الفكرة فى ذهنه ةواوعى تقولى مش فاهم بالعكسس!! هو بيخزّن

 

كلام جميييييييييييييييييييييل وقيم

جزيتي خيرا

[شذى الهمة 331]

ألف سلامة يا أم محمد وشفاكي الله وعافاكي

الصراحة أنا شايفة ان فكرة تدريب الولد من سن شهرين دي صعبه وممكن تبقى تضييع للوقت

غير انه سهل يحصل انتكاسة في أي عارض مرض

متقوليليش إني أقعد بخالد دلوقتي واعلمه

أنا شايفة إن سن من ست شهور لتسع شهور سن ممتاز جدا

أنا بدأت أعود فيه عمر وكانت استجابته رائعة واستجاب من تاني يوم

كنت بفطره عليها واجيبله لعب لغاية ما يعمل وكان يفرح إني بصفق له

بس للأسف جاله دور اسهال شديد أعتقد إنه برد مني فبقى يخاف من البوتي

ويصرخ لما اقعده عليها والشتا دخل ومن دور لدور لتسنين وبعدها معرفتش أقعده تاني إلا على السنة ونصف

[محبة لربها، ادعوا لي بالثبات 72]

يا نهار ابيض !!!

 

ام عمر.... عن تجرررربة..!! لقد بح صوتى

[ام الاشبال 3]

السلام عليكــم ورحمـة الله وبركاتــة ،،

طبعا مفيش كلام يتقال بعد كلام حكيمة المنتدى سموكتى

بس لو ممكن أقول رأيى

اولا مفيش طفل زى التانى

والبنت تختلف عن الولد

البنت بتاخد وقت عن الولد_على ماسمع انا مش جربت :blink:

ثانيا حكاية تعويد الاطفال وهم مازالو شهور دى صعبة شوية

يعنى الموضوع لو عاوزاه يجيب نتيجه من بعد سنة ونصف

يعنى اول صيف يجى عليكى بعد هذا العمر ابدأى تعويد الطفل على الحمام البراز_أعزكم الله_ وده بعد الاكل واول مايصحى من النوم

وانا عن نفسى كنت بشترى لهم الاندر وير مقاس على قدوووو خااالص عشان عارفه انه مش هيلحق نفسه واكيد لو حتى اولها هينزل فى ملابسه الداخليه

ومفيش مشاكل خاااااااااالص

ماهو لازم هنتعب

مش زرار لما عاوزينهم يوقفوا هندوس عليه

وطبعا متنسوش موضوع الهدايا والتصفيق وبنعمل فرح فى بيتنا وبيت الجيران لو عمل البيبى بى فى البوتى

[~أملي بالله كبير~ 63]

دا الموضوع بيجنني على قد مهو بيغلب وبيقهر بيخلي الواحد مش طبيعي

على كل لما يصير عمر الولد سنة ابقي قرفيه من ريحته وكيف يعملها على نفسه

وبعدين بصير يخبرك انه عملها وخلص بده غيارلانه بدأ يحس على نفسه

بدك تبقي على مراقبته وتعرفي كيف بيعمل وبعدين لما تشوفيه بتصيري لوحدك تعرفي انه عم بيعمل براز

وهوه بيلعب بيوقف فجأة وبصير وشه احمر هذا يدل على انه بيعملها على الثقيل(البراز) اعزكن الله

وبعدها بيكون فهم الحكاية ولما يفهم عليكي_ بلشي معه على طول شيلي البمبرز وعلى طول الحمام

كل ربع او نصف ساعة

طبعا مع التشجيع والتصفيق وتلهيه تماما ما يشوفش حاله وهوه بيعملها لانه يصاب بصدمة من المنظر وبيخاف وما بعود يعملها في النونو

اهم شي تتاكدي انه بلش يفهم عليكي بدون ضرب او صريخ لاتعملي مثلي بالضرب والصراخ

الله يهدينا ويهدي اولادنا الى الحق والصواب

اتمنى ان اكون قد وفقت لافادتكي ونصحكي بالطريقة الصحيحة

وكل واحد بيختلف عن الثاني حتى ان كانوا ولاد او بناات

والله المستعان وعليكي بالدعاء والاصرار والتحمل والقرب من رب العباد والعزيمة

[***أم محمد*** 8]

ام محمد شو الاخبار

[**حنين للجنة** 16]

نفس مشكلتى ام محمد

 

موضوع افكر فيه واتمنا ان اتدرب عليه ولكنى مأجله للصيف لان الجو برد (كسل برضو )

 

حبيبه سنه و3 شهور ...ياترا انا اتأخرت ؟؟؟

 

وابدأ ازاى

 

ياريت شرح تفصيلى او تجربه كامله لاى اخت

 

 

نورتى الموضوع يا غالية

 

ان شاء الله اول ما يبدأ الصيف ابدأى عوديها اعتقد دة انسب وقت

 

ربنا يوفقك ويعينك ويعنى وكل اللى فى الموضوع دة

 

وحشانى اووووى ونفسى اتطمن عليكِ يا غالية ان شاء الله تكونى انتى وبنتك وكل اهلك بخير

[**حنين للجنة** 16]

السلام عليكم ورحمة الله

 

أنا معاكم يا بنات لكني انتظر الصيف أيضا لأبدأ

بنتي عمرها 10 شهور وبالصيف ستكون قد تعدت السنة

حاولت ان ابدأ معها لكنها لا تفهم لما أجلستها على البوتي أعجبها ولما قلت لها اعملي أححح بدأت تراقبني وتضحك هههه

 

هدى الله لك ابنك يا أم محمد بالراحة وسيتعلم باذن الله فقط الصبررر

 

أم حبيبة كيفك وكيف الكتكوتة الصغنونة بوسيها لي

 

 

ان شاء الله تبدأى مع ابنتك فى الصيف وتكون بدأت تفهمك

 

جزاكِ الله خيرا يا غالية وبارك لكِ فى ابنتك

[**حنين للجنة** 16]

انا قصدى تفكرى تانى عشان تتنشطى

 

نفسى تسمعوا كلام اللى قبلكوا نفسىىىىىىىىى

 

بنديكوا عصارات خبراتنا فى ملعقة وبترفضوا ليييييييييييييه

 

عاملين زى ولادى فى المذذاكرة والتحصيل بيرفضوا نصائح مركزة وسهلة من دون تجريب او تعب

 

انا كمان كنت كده

 

 

نفسى ازعق واقول

 

علمى ابنك من سن شهريييييييييييييييييييييييين الحمام وما تخافيييييييييييييش وما تسمعيييييييييييييش كلام الدكتور فى هذا الشأأأأأأأأأأأأان

 

 

واللى فاكرة انه فات الوقت .....ما تخافييييييش هو فات ايوة .....زلكن ما تيأسيش من فضضضضضضضلك من تعليمه

 

مصيره يوم هايتوقف

 

وسلاحك فى الاول والآخر الدعاءءءءءءءءءءء

 

 

وما تكسلييييييييييييييييييش

كل شوية قعععععععععععععععععديييييييييه

 

انتوا تعبتونى اوىىىىىىىى

 

انا من زمان وبنبه فى كل استفسار وموضوع خاص بهذا الشأن

 

وانتوا ودن من طين والتانية ......زعجييين

 

يا حلواااات مش عاوزاكوا تتعبوا تعبى ولا تخيبوا خيبتى

 

اتعلمت بعد خراب مالطة مش عاوزاكوا زيىىىىىىىىىىىى خايفة عليكوا

 

يا رب تكونوا فهمتوا واتعلمتوا

 

من فضلك

 

((والكلام لكل ام))

 

سيبى كل اللى ف ايدك سيبى النت وسيبى التلفاز

 

وسيبى الاكل

 

وسيبى شغل البيت

 

وقعدى طفلك

 

وفى الآخر هايتعلم

 

ده اللى قصرت لغابية ما ابنها او بنتها فاتهم قطر الحمام النظيف((مثل ابنى قديما))

 

اما فى البداية فلو عودتى طفلك من سن شهرين ولا هاتقلقى ابدا

 

بس عاوزة صحصحة وهمة ونشاط

 

بمعنى ما تناميش وتسيبيه فى سريره من دون تقعيده

 

او تسيبيه نايم وتجرى على المطبخ تطبخى قبل زوجك ما ييجى ويعمل فى الحفاض مش مشكلةةةةة

 

او تنامى للظهر وتتركيه نائم وانت جنبه

 

 

مع احترامى الشديد لرايك يا سمسمة

 

إلا انى شايفة ان شهرن دة مستحيييييييييييييييييل

 

كأنى بدن فى ملطة زى ما بيقولوا

 

الطفل اصلا موش هاسيكون عارف يقعد والوحدة هاتقعدة ولا ترضع ولا تنيم وهو هايكون مصحيها طول الليل

 

دة لو افترضنا ان دة اول طفل هايكون صعب جداااااااااااا اومال لو كان التانى ولا التالت الواحدة تسيب بيتها وزوجها وولادها التانين علشان خاطر تتفرغ لدة ولكل طلباتة؟؟؟؟؟؟؟؟

 

من وجهة نظرى صعب اووووووووى او مستحيل بالمعنى الادق

[**حنين للجنة** 16]

نفس كلام امي لكني اكسل يا محبة

 

ابني عنده 7شهور تقول لي امي اني متأخرة :(

 

 

ربنا يوفقك يا غالية ويسرلك امرك ويباركلك فى ابنك

 

مرورك اسعدنى

[**حنين للجنة** 16]

السلام عليكم ورحمة الله وبركاته

مش عارفة ليه يا أم محمد حاسة اننا أقارب وولادنا فيهم جينات شبه بعض

أنا أكثر واحدة هفيدك في الموضوع ده لأني مريت بالتجربة دي بضمير جدا

أنا بدأت أعود عمر عالحمام وهو عنده سنة ونصف واستمرت المحاولات لمدة سنة كاملة

والله مش ببالغ على العند بتاعه وعدم استجابته لدرجة إنه بيمسك نفسه في البول ممكن ليوم كامل ويبقى مش عارف يمشي من كثر الألم وكنت بنهار وبموت ومش ملاحقة على الغيارات لأني قلعته البامبرز وطبعا السجاد كللللللله بقينا منقدرش نصلي عليه خايفين ليكون نقط عليه

وبالنسبة للبراز كان بيمسك نفسه لدرجة ان جاتله بواسير شديدة وكان بيعمل بالصراخ والدم

كل ده من العند

ووكنت حامل وبموت من الجري وراه والغيارات واديته هدنة أسبوعين بتوع الولادة سيبته لابس البامبرز وبقى مستغرب إني مش بزعقله وكأنه كان مبسوط بلعبة القط والفار اللي طول النهار فيه

وبعد 15 يوم من الولادة وكان تم سنتين ونصف قلتله يانا يالبامبرز وأخذتها تحدي

وجبت علبة شيكولاته من نوع بيحبهاكان فيها ييجي خمسين قطعة وحطتها فوق التلاجة

ومبقتش أديله إلا لما يقعد وكان يروح يجيب البوتي ويقولي عايز شيكولاته ويقعد وياخد الشيكولاته ويقوم

قلت مش مهم بس يقعد وخلصت العلبة وجبت واحدة تانية بس خليتها لوعمل فعلا

والصراحة بدأت أنهار وايأس ومبقاش في دماغي غير مراقبته طول النهار وخايفة عليه من كتر ما بيمسك نفسه

المهم تدخل باباه وبقىت لما أقعده على البوتي أناديله ويخلي الشيكولاته معاه ولوقام ياكلها هو ( باباه اللي ياكلها )

والصراحة جيه عند النقطة دي وانهارت مقاومته خصوصا انه منعه من الفسح وركوب السيارة

وفي مرة من التعب عيطت وقلت يارب انته عالم بيا وفي اليوم ده جاب البوتي لوحده وراح عمل فيها علشان يرضي باباه

ووبقى كل نص ساعة يجيبها علشان ياخد شيكولاته

طبعا كل ده في البول بس

ولسه للأسف لم انته من مرحلة البراز لكن مشكلته إنه خايف من الألم بسبب الإمساك

وجبتله ملين وماشية عليه

بس أنا مش مهم سرعة النتيجة قد مانا عندي أمل ان فيه استجابة منه

ومقاومته ليا بدأت تنهار

على فكرة كل اللي حواليا كانوا بينصحوني اني ءأجل بعد الشتا لما تخلص بس انا مرضيتش خالص

وكان جرحي مفتوح وحالتي حالة بس لازم تبقى إرادتك أقوى من إرادته

واوعي تضربيه علشان ده بيوتره جامد

بس لازم تبقي أقوى منه وعليكي بالدعاء

 

 

سبحان الله بحس فعلا ان ابنى وابنك قريبين جدااااااا من بعض

 

ربنا يهديهم ويصلح حالهم ويعنا على حسن تربيتهم

 

بصراحة تجربتك على قد ما هى صعبة على قد ما هى ما شاء الله ناجحة فى انك قدرتى تتغلبى نسبيا على عندة وفعلا انا كنت بعد ما قراتها بدأت انفذ منها يعنى لو محمد مارضيش يقعد امنعة من اللى هو عايزة او ممكن ادى لباباة وماديلوش او اخلى الشوكولاتة معايا واقولة دى بابا هايكلها لو انتى ماعملتش يعنى اقتبست منك كل شئ تقريبا وبدأت انفذه كان احيانا يجيب نتجة واحيانا يفضل يصرخ ويصوت انا مشكلتى انى لسة ملبساة البامبرز ان شاء الله لما الجو يبدأ يظبط هاشيلة فورااااااااا

 

جزاكِ الله خر الجزاء على خبرتك ومساعدتك اللى فعلا ساعدتنى واتمنى انى اتطمن عليكِ يا حبيبتى لانك مختفية بألك فترة

[**حنين للجنة** 16]

السلام عليكم ورحمة الله وبركاته،،

والله موضوع جاي في وقته وانا محتاجاه جدا

خصصا انهاردة لسه بنتخانق علي الكادلس ههههه

حاسة انك بتصرخي يامحبة..........كأني سمعاكي

طيب انا أبدأ مع بنتي ازاي؟5 شهور

 

ربنا معاكى يا ام خديجة الموضوع فعلا صعب جداااااااااااااا

 

ربنا ييسرلك كل امورك

 

ولو فعلا نجحتى فى موضوع انك تعرفى تقعديها من السن دة ياريت تبقى تيجى تفيدينا بتجربتك

[**حنين للجنة** 16]

قعديها يا ام خديجة على القصرية فى السرير وحوطيها ببطاطين وأمِّنى تحتها ب مشمع وكوفرتة قديمة والذى منه

 

كل يوم اول ما تصحى

 

وبعد الاكل

 

وبالليل

 

قبل ما ننام نعمل حمام

 

هههههه

 

انا مش عاوزة اقول لك انا تعبت اد ايه من عدم تعويد الكبير الحماتم من بدرى

 

لدرجة انه ما انصلح الا بعد البلوغ تخيلى؟؟؟((والحمد لله انه اتصلح))

 

بسبب انشغالى عنه كتير بأشياء اخرى ليس من بينها تلك العادة

 

اعملى بنتك شغلتك وبس

 

طبعا ابوها قبل منها ههههههه

 

 

بصى ابنى كان بييجى ((وانا أأسف انى اصرح بهذا)) :cry:

 

فى باس المدرسة ورائحته تزكم الانوف!!

 

 

بول وبراز عافاكن الله!!

بسبب انى ما عودته من بدرى :sad:

 

ياما وديته لاطباء ومنهم من كان يكتب علاجا غالى الثمن شهريا 300 ج ولمدة عام ويزيد ..وبرضه زى ما هو

 

طبعا كنت باضبط المنبه واصحى واصحيه معايا فى غرفة اخرى بعيدة عن ابيه _طبعا فترة جفاء ما اقولكوش_ طبعا فاهمين ومشاكل بقى وخناقات الحمد لله

 

واستمريت كتير ما فيش فايده

 

وجبت جهاز غالى برضه عشان مع اول احساس بقطرة بول قبل نزولها يصفر بصفارة منفرة وةرخمة وبااااااااااااااااارضه ما فيش تحسن

 

بطلت كل حاجة واهتميت به وزودت حنانى

 

وصلحت مع ربنا

 

لقيته خف بس بعد عذاب ولله الحمد

 

الخلاصة عودى ابنك مبكرا تتفادى كوووووول حاجة وحشة

 

وجزاك الله خيراااااا محبة النبى انك سمعت صراااخى

 

حاسة بى حبيبتى ..شكرااااااا

 

 

 

 

 

 

تجربتك صعبة اووى يا سمسمة ربنا يجعلها فى ميزان حسناتك ويعافينا كلنا من المرور بتجربة مثلها

 

جزاكِ الله خير الجزاء على ردك ومساعدتك للاخوات ربنا يجعله فى ميزان حسناتك يا حبيبتى

[**حنين للجنة** 16]

بصي يا حبيبتى أنا كنت أضع قطعة قماشة قطن لتمتص البول وتحجز البراز أعزكن الله عن توسيخ الأرض...

 

ادعى ربنا يعافيكي..ويصبرك على المحاولة دى معاه وربنا ييسرلك يا رب ويهديهولك

 

 

جزاكِ الله خيرا يا غالية

 

ربنا يعافينى ويصبرنى واقدر انهى الموضوع دة فى اسرع وقت واقل خسائر ويهديلى محمد

[**حنين للجنة** 16]

ام محمد انا راح احكيلك تجريبتي باختصار و من مدة قصيرة بس

اول شي لما كان محمد ابني صغير كنت اقول لنفسي معقول حمودي راح يصير يعمل في الحمام ؟

وكل مرة اقول لنفسي الشهر الجاي راح ابدا و يجي الشهر و ااجل في الاخر وقفت وقفة جامدة لما شفت ابني بيكبر و لازم يشيل البامبرز و كان هدا الكلام على عمر سنتين و حوالي 8 شهور

قررت اني ابدأ معه و حطيت الموضوع في راسي رسمي

اول شي اشتريتله نونو و هي القصرية وصرت انا العب بيها عشان تلفت نظره و يحبها

و علمته على اسمها

تاني خطوة قلعته البامبرز و صار يمشي في البيت ببنطلون بس و طبعا شلت السجاد المفروش كله

وكنت كل نص ساعة اقعده على النونو .ومش دايما كان بيعملها .......بس كان لما يعملها اشيله و ابوسه و و اعمله حفلة

فهم ساعتها انه النونو للبيبي .....صرت اطول الفترة بين كل مرة و التانية .....صار يفلت على الارض وكنت اتدايق و اقوله بشويش ليش ياماما هيك و اغير ملامح وجهي فيخاف

مع العلم اني كنت احط البامبرز بس في الليل و لما نخرج بس

في البت كان يقعد من غير و لاشي

وظليتني كل ساعة او ساعتين احطه على النونو من غير مايقول لاني كنت حاسة انه لسه مش فاهم .....ومرات تصدف انه يعملها في النونو و في الغالب كان يعملها على الارض

برضه ما يئستش و تنحت اكتر من الاول.....وصرت اتعامل معه بمبدأ الثواب و العقاب لما تصدف و يعمل في النونو افرح و افرحه و ابسطه اقوله شطووووووور ياماما يشوفني فرحانة يقعد يضحك و ينبسط و يصير يتوددلي بس لما بيعملها على الارض

بصراحة كنت بصرخ عليه و استعمل اسلوب التخويف (بعلي صوتي عليه و احيانا اضربه ضرب خفيف على رجله )اخد الموضوع حوالي 3 اوز4 شهور و انا في محاولات مستمرة لغاية ماصار يحكيلي ككة احضرله النونو على طول و يعملها و ادخله الحمام عشان يشطف و اعمله حفلة في الحمام فصار يحب موضوع الحمام عشان الزيطة الي بعملهالو جوا

لغاية ماانتضم في حكاية النونو وصار يجيبها لنفسو و يعملها

الان صار لازم اعوده في الليل

الحكية الان صارت اسهل...... شلت البامبرز في الليل

قبل ما ينام اوديه على النونو سواء عاجبه و لا مش عاجبه ...اذا عاجبه افرحله و اذا مش عاجبه اتنحله ههههه

وكل ساعتين اصحيه و اوديه على النونو وكان طبعا يتدايق بس الموضوع لازم ينتهي و الحمد لله موضوع الليل اخد معي حوالي اسبوع وصرت مااصحيه الا لما هو يقولي نونو ...طبعا كنت بلاقي احيانا تسرب على الفراش و كنت بنبه و بخوفه ....صار يمسك نفسه و مرات يصحى في الليل يروح ياخدج النونو و يعملها و يصحيني لما يخلص و يقولي نونو ......و عدت هذه الفترة بسلام وهذا ما يمنع انه مرات بيخترق القوانين لما بحس انها غصب عنه بفوتله

 

الان اجت مرحلة انه اعوده يطلع من غير بامبرز

 

كنت متعودة عند الجروج البسه بامبرز

مرة ابوه قالي لبسيه عشان نجرج .....خرجنا و رجعنا اول ما وصلنا البيت قالي نونو .....ساعتها انتبهت انه انا ناسية البسه بامبرز و كان ماسك نفسه عالاخر و ماصدق لقى النونو ...سبحان الله نسياني اني البسه البامبرز خلاني اتشجع اني ابدأ في خطوة الخروج من غير بامبرز

صرت عن الخروج ققعده على النونو عشان يعملها احيانا يعملها و احيانا لاء....و يخلينا في نص الطريق بالسيارة و يقولي نونو يضطرلا ابوه يركن السيارة و يعملها في مكان متداري

هادي المرحلة كانت سهلة لانه كان اتعود انه يمسك نفسه

و الحمد لله الان اتعود على الحمام عادي ...صحيح بعد عناء و صبرحوالي 5 او 6 شهور لكني مايءست و الحمد لله الان عادي

 

وعقبالك بس انتي قرري و اوقفي وقفة جامدة معه و اعتمدي مبدأ الحزم في المعاملة و الثواب و العقاب.....لما يعمل كويس حسسيه بالفرحة و لما يغلط حسسيه بالغضب و خوفيه بالصوت و التأنيب الجامد

ان شاء الله تكوني فهمتيني او اني اكون قدرت اوصلك الفكرة

واحكيلنا شو بصير معك جديد

 

 

تجربتك رائعة بصراحة

 

انا بس مشكلتى انى لسة ماشلتش البامبرز لان الجو برد بس ان شاء الله الجو اول ما يظبط هاشيلة

 

جزاكِ الله خير الجزاء فعلا استفدت من تجربتك وتجربة سجودى لله فقط وخصوصا فى موضوع الثواب والعقاب

 

واللى استفدتة منك موضوع الفرح اللى بعملهولة بعد ما يعمل فى التواليت اقول اتنطنط واهيص واعملة فرح بجد ولما باباة يجى افضل احكيلة على الانجازات العظيمة للاستاذ محمد

 

ربنا يثبتى وييسرلى لانى احيانا بنفعل جدااااااااااااااا خصوصا انه اوقات كتيرة جدا مابيرضاش يدخل خاااااااااااااالص

[**حنين للجنة** 16]

السلام عليكم ورحمة الله وبركاته

 

الموضوع صار أحلى بالتجارب الجميلة

يا محبة سامعاكي وصوتك جايب آخر الشارع

انا لما قلتي لي اقعدها في الموضوع اللي رحتو مش ولابد فاكراه ؟ والله عملت بنصيحتك لكن كانت مابتعرفش تقعد لسا ولما قعدتها ضلت قاعدة نص ساعة وبتبكي وما عملتش حاجة

وقعدتها بعديها كذى مرة لكن الموضوع صعب لانها لا تفهم كلامي والجو برررد وكانو ركبها بيبردو جدا فقلت أأجل الموضوع للصيف لكن ليس كسلا بالعكس

وانا ضروري أبدأ بالصيف وسآخذ إجازة من العمل مخصوص لهذا الأمر باذن الله

 

دعواتكم

 

ربنا ييسرلك امرك يا غالية ويهديهالك

[**حنين للجنة** 16]

ام محمد.... حميلة تجربتك تشبه تجربتى ..مع مزيد من المعاناة

 

طبعا لازم تستغنى ام محمذ عن الحفاض كخطوة اولى فى طريق النجاح ..ومن ثم شيل السجاد ايضاا

 

ام حبيبة وام بلال ربنا معاكوا فعلا اااا

 

بصى نيجى لاهمية التعويد من سن شهرين بيكون عجينة طرية معاكى تقدرى تشكليه بسهولة

 

حتى يتعود لانه لما بيكبر شوية بيشضض جسمه..يعنى بينشفه ويجمّده واستحالة تقدرى تطوى جسمه حتى يجلس تلك الجلسة المعلروفة بالحمام!!

 

 

هاتسمعى كلام دكاترة ويقولوا ضهره ومش عارفة ايه !!طنشى

 

هو هيسقط فى القصريه وعليك تسنديه بس مش تغيبيه

 

 

مرة ف مرة هيعرف ويبقى عنده ارتباط شرطى..يعنى لما يعمل فيها مرة هتقوميه

 

يعنى ارتبط بالقصرية بشرط انه يعمل فيها

 

بمجرد يعنى ما يعمل فيها هاتقوميه وهنا ارتبطت الفكرة فى ذهنه ةواوعى تقولى مش فاهم بالعكسس!! هو بيخزّن

 

 

كلام جميييييييل لكن صعب التنفيذ وفعلا اعتقد انه غلط على ظهر الطفل فعلا

[**حنين للجنة** 16]

سلامتك يا جى جى

 

الف سلامة

 

لا بأس طهور ان شاء الله

 

اشربى كركديه وما تنسيش تسألى د نسرينا

 

ولا تزعجى نفسك وزتردى واحده واحده ولا حاجة

 

كلهن اخواتك ومش هيزعلوا منك

 

جزاكِ الله خيرا حبيبتى

 

سلامتك يا ام محمد حسان

اكيد انا الي وجعتلك راسك بكلامي الكتييييييييييي

او انه محمد متعبك

ههههههههه

الف سلامة عليكي

 

دة انتى سكرة ربنا ما يحرمنى منكوا ولا من صحبتكوا الغالية

 

ألف سلامة يا أم محمد وشفاكي الله وعافاكي

الصراحة أنا شايفة ان فكرة تدريب الولد من سن شهرين دي صعبه وممكن تبقى تضييع للوقت

غير انه سهل يحصل انتكاسة في أي عارض مرض

متقوليليش إني أقعد بخالد دلوقتي واعلمه

أنا شايفة إن سن من ست شهور لتسع شهور سن ممتاز جدا

أنا بدأت أعود فيه عمر وكانت استجابته رائعة واستجاب من تاني يوم

كنت بفطره عليها واجيبله لعب لغاية ما يعمل وكان يفرح إني بصفق له

بس للأسف جاله دور اسهال شديد أعتقد إنه برد مني فبقى يخاف من البوتي

ويصرخ لما اقعده عليها والشتا دخل ومن دور لدور لتسنين وبعدها معرفتش أقعده تاني إلا على السنة ونصف

جزاكِ الله خيرا يا غالية

نفس رأى بس بصراحة سن 6 ل9 شهور دة انا بردوا حساة صعب بس اعتقد الطفل ممكن يكون بدأ يعرف يقعد هايكون اسهل من سن شهرين

[**حنين للجنة** 16]

السلام عليكــم ورحمـة الله وبركاتــة ،،

طبعا مفيش كلام يتقال بعد كلام حكيمة المنتدى سموكتى

بس لو ممكن أقول رأيى

اولا مفيش طفل زى التانى

والبنت تختلف عن الولد

البنت بتاخد وقت عن الولد_على ماسمع انا مش جربت :cry:

ثانيا حكاية تعويد الاطفال وهم مازالو شهور دى صعبة شوية

يعنى الموضوع لو عاوزاه يجيب نتيجه من بعد سنة ونصف

يعنى اول صيف يجى عليكى بعد هذا العمر ابدأى تعويد الطفل على الحمام البراز_أعزكم الله_ وده بعد الاكل واول مايصحى من النوم

وانا عن نفسى كنت بشترى لهم الاندر وير مقاس على قدوووو خااالص عشان عارفه انه مش هيلحق نفسه واكيد لو حتى اولها هينزل فى ملابسه الداخليه

ومفيش مشاكل خاااااااااالص

ماهو لازم هنتعب

مش زرار لما عاوزينهم يوقفوا هندوس عليه

وطبعا متنسوش موضوع الهدايا والتصفيق وبنعمل فرح فى بيتنا وبيت الجيران لو عمل البيبى بى فى البوتى

 

 

اهلا اهلا اهلا بأم الاشبال الغالية

 

وحشانى اووووووووووووووووووووووووووى

 

ندخل فى موضوعنا اللى اعرفة ان البنت اسهل من الولد بكتيييييييييير والله اعلم والسن اللى انتى قولتى عليه انا كمان شايفة انه مناسب تقريبا

 

جزاكِ الله خيرا على النصيحة والتجربة يا غالية

 

مرورك اسعدنى

[**حنين للجنة** 16]

دا الموضوع بيجنني على قد مهو بيغلب وبيقهر بيخلي الواحد مش طبيعي

على كل لما يصير عمر الولد سنة ابقي قرفيه من ريحته وكيف يعملها على نفسه

وبعدين بصير يخبرك انه عملها وخلص بده غيارلانه بدأ يحس على نفسه

بدك تبقي على مراقبته وتعرفي كيف بيعمل وبعدين لما تشوفيه بتصيري لوحدك تعرفي انه عم بيعمل براز

وهوه بيلعب بيوقف فجأة وبصير وشه احمر هذا يدل على انه بيعملها على الثقيل(البراز) اعزكن الله

وبعدها بيكون فهم الحكاية ولما يفهم عليكي_ بلشي معه على طول شيلي البمبرز وعلى طول الحمام

كل ربع او نصف ساعة

طبعا مع التشجيع والتصفيق وتلهيه تماما ما يشوفش حاله وهوه بيعملها لانه يصاب بصدمة من المنظر وبيخاف وما بعود يعملها في النونو

اهم شي تتاكدي انه بلش يفهم عليكي بدون ضرب او صريخ لاتعملي مثلي بالضرب والصراخ

الله يهدينا ويهدي اولادنا الى الحق والصواب

اتمنى ان اكون قد وفقت لافادتكي ونصحكي بالطريقة الصحيحة

وكل واحد بيختلف عن الثاني حتى ان كانوا ولاد او بناات

والله المستعان وعليكي بالدعاء والاصرار والتحمل والقرب من رب العباد والعزيمة

 

جزاكِ الله خيرا يا حبيبتى

 

فعلا اهم حاجة الصبر وهدوووووووووووووء الاعصاب

 

الله المستعان

[**حنين للجنة** 16]

ام محمد شو الاخبار

 

 

الحمد لله بخير

 

دعواتك لانة مازال بيعاند كتييييييييييييييييييييييييييييييييير فى الدخول وزى ما قولت قبل كدا مشكلتى انه لسة لابس البامبرز

 

بس ان شاء الله ربنا يصبرنى ويهديهولى

 

جزاكِ الله خيرا على الاهتمام حبيبتى

[***أم محمد*** 8]

اسمعيني يا ام محمد شيليلو البامبرز حتى لو الدنيا برد

ماهو حيكون لابس اند وير و بنطلون مش حيكون قالع زلط

لو بدك البرد لما ينتهي بكون ابنك اتعلم انو يعند اكتر

توكلي على الله و ابدئي معاه و لبسيه بنطلون للبيت و شيلي سجاد و ابدئي

انا حاسة انو انتي مكسلة او خايفة من التجربة

صدقيني وجع ساعة و لا كل ساعة

اسمعي الكلام و ابدئي معه ..واتبعي اسلوب الثواب و العقاب و الزيطة و الزمبليطة

ماشي انا حتابع موضوعك لغاية ماتقولي انك بديتي