**اخطااااائك واختراعاااااتك اول زوااااجك ,,, تعالى احكيلنا يمكن نفيد بعض**

[صاحبه القلب الطيب 12]

 

 

اخواتى الحبيبات

 

 

وحشتتونى قلت اعود بموضوع جديد دمه خفيف مفيد

 

ياترا ايه الموضوع ؟؟؟

 

الموضوع بسيط

 

كلنا اول ما تزوجنا فى اول ايام وشهور الزواج ما كان عندنا الخبره الكافيه فى الزواج ولا اعمال البيت من طبخ ..تنظيف .. غسيل .. كوى .. ترتيب ..معامله زوج

-

وطبعا لما بنعد مع نفسنا بنفتكر اختراعتنا ومواقفنا المذهله ونضحك كتييير

 

باختصار كل اخت تدخل تفتكر موقف عملته اول زواجها ولم تنساه ولا زوجها حتى (من باب ادخال المرح على قلوب الجميع ,,, ولعل اخت تستفيد من خطأ اخت تعرفه فلا تكرره )

 

 

بالنسبه لى راح ابدأ

 

اول شهور زواجى كانت عندى مشكله مع الغسيل لان انا دايما فى بيت اهلى كنت انشر الغسيل فقط :rolleyes: ولا اقوم ابداا بغسله وكل يوم اقول بكره راح اتعلم لحد ماجه بكره وتزوجت وتعلمت فى بيتى ..المهم زوجى له جاكيت يحبه جداا وقيم جداا جداا وقالى اغسليه وانا يومها وبكل بساطه وضعت كلور فى الغساله عشان الملابس البيضاء وبعدها وضعت الجاكيت اللى كان لونه بنى ثم تحول الى الله لايوريكم ههههه (طبعا نسيت انى حاطه كلور )وزعلت اوى اوى اوى وطبعا عرف زوجى وزعل جداا وكانت مشكله لكن عدت ولقيته من كام يوم جاى وفى ايده جاكيت يقولى فاكره الجاكيت ده قلت له جديد :icon_eek: ؟؟قالى لا ده اللى انتى بوظيته صبغته واصبح لونه اسود هههه (احراج :tongue: الصراحه )ياااا لسه فاكر :unsure:

لكن كلنا بنتعلم ومش بسهوله :closedeyes:

 

ممكن نستغل الموضوع ده اننا نستفيد ونفيد بعض كمان يعنى اوعى اى واحده شطوره تستخدم الكلور على الملون زى كده

 

 

ها ما رأيكم ,,,,,,,,,,,, انتظر مواقفكم اللى اكيد كتيييييييير ؟؟؟

 

الموضوع مش مقتصر على المتزوجات يعنى اللى تعرف اخت ولها حكايه هى عارفها تدخل تقول لينا ... مش هيخسر :tongue: :icon_eek: :tongue:

 

 

[محبة لربها، ادعوا لي بالثبات 72]

السلام عليكــم ورحمـة الله وبركاتــة ،،

 

 

هههههههه

ايه حكايتك يا جى جى فى المواضيع النادلرة ههههه

 

موضوع جميل اوى

 

هاقولكوا على تجاربى

 

يمكن تبان جديده للبعض ويمكن تكون قديمة

 

اولا اعطينى رابط موضوعك فى استفتاء الكوى اللى كان له افضال علىّ فاكراه؟

[محبة النبي عليه الصلاة والسلام 6]

السلام عليكم ورحمة الله وبركاته،،

انا لسة يادوبك سنة ونصف لكن مواقفي مازالت

بس في أول الزواج كنت بغسل ملابس وملايات خفيفة في الغسالة

غسلتهم علي90 درجة :mrgreen: :mrgreen: :mrgreen: :mrgreen: :mrgreen:

[صاحبه القلب الطيب 12]

السلام عليكــم ورحمـة الله وبركاتــة ،،

 

 

هههههههه

ايه حكايتك يا جى جى فى المواضيع النادلرة ههههه

 

موضوع جميل اوى

 

هاقولكوا على تجاربى

 

يمكن تبان جديده للبعض ويمكن تكون قديمة

 

اولا اعطينى رابط موضوعك فى استفتاء الكوى اللى كان له افضال علىّ فاكراه؟

 

محبه هلا وغلا دايما مشرفانى ومنورانى كده

 

لا انا هاحسد نفسى هههه

 

وبعدين ولا نادره ولا حاجه انا بشغل الجمجمه وخلاص ههههه

 

وكده كل مره تشوقينى وتقوليلى هاجى تانى طيب انا مستنياكى بمواقفك عشان تشجعى الاخوات

 

وبعدين انتى عايزه الرابط رشوه ماشى ياستى انا قدمت السبت اهوه ومنتظره الاحد هههههه

 

زوجك وكووى ملابسه مهمه ثقيله على بعض النساء

 

على فكره عندى لكى مفاجأه ربما تسعدك ستعرفيها قريبا

 

انتظر مواقفك والا .........! :tongue:

[صاحبه القلب الطيب 12]

السلام عليكم ورحمة الله وبركاته،،

انا لسة يادوبك سنة ونصف لكن مواقفي مازالت

بس في أول الزواج كنت بغسل ملابس وملايات خفيفة في الغسالة

غسلتهم علي90 درجة :blush: :tongue: :mrgreen: :mrgreen: :icon_eek:

 

حبيبتى محبه النبى طيب ما احنا زمايل انا كمان بقالى حوالى سنتين وماشيه فى التالته اللهم بارك

 

وبالطبع المواقف لا تنتهى انتى هتقوليلى ؟؟؟ بس مع الوقت بتخف لانك كل يوم بتاخدى خبره عن اللى قبله

 

 

بص انا غسالتى مش بدرجات حراره فمش فهمتك اوى هى برامج وكل برنامج له نظام

 

بس فهمت انها درجه حراره عاليه وعملت فى الهدوم :icon_eek: :icon_eek: هههههههه

 

مقولتيش وايه اللى حصل بعدها ؟؟؟

 

اسعدنى تواجدك

[يسرا عبد الرحمن 718]

موضوع لذيذ وخفيف

بصى يا ستى من ناحية التنظيف انا اصلا قبل ما اتزوج وانا لهلوبه زى ما بيقولوا

شاطره فى كل حاجه ما عدا امرين

الغسيل كنت بنشره بس

الطبخ ما كنت ادخل المطبخ علشان اعمل اى اكله

 

نيجى بقى بعد الزواج

اتعلمت الطبخ من حماتى والحمد لله اول مره اطبخ فيها كانت اكلة فاصولياء وبالرغم من انى مش بحبها لكن عملتها راااااااااائعه لدرجة ان زوجى ما كان مصدق انى ما كنت اعرف اطبخ قبل الزواج

والحمد لله الى الان اكلى رااااااااائع وله مذاق خاص

 

نيجى بعد كده للغسيل اخخخخخخخخخخ

كانت الحوادث فيه كثير والحمد لله

مره اتذكر انى وضعت ملائه كنت اشتريتها فى جهازى قبل الزواج مش عارفه اوصفلك جمالها ووضعتها فى الغساله مع ملابس لزوجى بيضاء جديده طبعا وعملت برنامج الغساله على الساخن 60 درجه وقدر الله وما شاء فعل والمهم ان كان المسحوق للملابس البيضاء

وعينك ما تشوف الا النور بافتح الغساله وجدت ملابس زوجى البيضاء اصبحت صفرااااااااء

والملائه بعد ما كانت لونها بوستاج اصبحت مثل لون ملابس زوجى البيضاء بعد ما بقت صفراء

ومش عايزه اقولك مدى سعادة زوجى بى وبملابسه الجديده بعد ان اصبح لونها اصفر :closedeyes:

وكانت اول واخر مره اخلط ملابس بيضاء مع الوان وانى اعمل الالوان على برنامج الساخن واقل درجه بعملها له الان هو 30 درجه

والله المستعان

[(محبة القرآن الكريم) 137]

السلام عليكم ورحمة الله وبركاته،،

 

ايه الجمال ده هههههههههه حاسه اني هستفيد من الموضوع ده كثييييير هههههه

دانتي خلاص

صاحبة الموضوع النادر

غيرت اسمك خلاص ههههههههه

 

في انتظار باقي الاخوات وباقي النوادر ههههه

[***أم محمد*** 8]

عن نفسي حدث و لا حرج .....لكن التجربة بتعلم

المهم اول ايام الزواج غسلت ملابس زوجي من غير ماافتشها واطلع الكلينكس منها المهم اصبحت مع الكلينكس الدايب منظرها تحفة

لكن المشكلة مش هون

المشكلة انو من ضمن الكلينكس الموجود في الجيب كان في جواز زوجي ههههههه....صار شكله مالوش علاقة بالجوازات نهائي

و يومها صار منظري قدام زوجي لا احسد عليه نهائيا .........

[*أم رقية* 473]

يا موضوعاتك يا أم حبيبة

 

وليه اول الزواج مهى لغاية دلوقتى شغالة :tongue:

 

لى عودة بأذن الله

تم تعديل 24 يناير, 2011 بواسطة *أم رقية*

[محبة النبي عليه الصلاة والسلام 6]

السلام عليكم ورحمة الله وبركاته،،

يافضايحنا قدام الناس

انا مثلك يا يسرا

غست الملون علي المغلي .........عشان ينضف :tongue: :grin:

[صاحبه القلب الطيب 12]

موضوع لذيذ وخفيف

بصى يا ستى من ناحية التنظيف انا اصلا قبل ما اتزوج وانا لهلوبه زى ما بيقولوا

شاطره فى كل حاجه ما عدا امرين

الغسيل كنت بنشره بس

الطبخ ما كنت ادخل المطبخ علشان اعمل اى اكله

 

باين عليكى فعلا يايسرا انك شطوره اللهم بارك

نيجى بقى بعد الزواج

اتعلمت الطبخ من حماتى والحمد لله اول مره اطبخ فيها كانت اكلة فاصولياء وبالرغم من انى مش بحبها لكن عملتها راااااااااائعه لدرجة ان زوجى ما كان مصدق انى ما كنت اعرف اطبخ قبل الزواج

والحمد لله الى الان اكلى رااااااااائع وله مذاق خاص

تسلم ايدكى ياجميله والفاصوليا الخضر مش كده ديه جميله وواضح ان نفسك حلو فعلا .... ربنا يبارك فى حماتك بس مفيش مره حصل معكى مشكله بالمطبخ ..مش معقول ..عايزه حكايتك ؟؟؟

نيجى بعد كده للغسيل اخخخخخخخخخخ

كانت الحوادث فيه كثير والحمد لله

مره اتذكر انى وضعت ملائه كنت اشتريتها فى جهازى قبل الزواج مش عارفه اوصفلك جمالها ووضعتها فى الغساله مع ملابس لزوجى بيضاء جديده طبعا وعملت برنامج الغساله على الساخن 60 درجه وقدر الله وما شاء فعل والمهم ان كان المسحوق للملابس البيضاء

وعينك ما تشوف الا النور بافتح الغساله وجدت ملابس زوجى البيضاء اصبحت صفرااااااااء

والملائه بعد ما كانت لونها بوستاج اصبحت مثل لون ملابس زوجى البيضاء بعد ما بقت صفراء

ومش عايزه اقولك مدى سعادة زوجى بى وبملابسه الجديده بعد ان اصبح لونها اصفر :mrgreen:

وكانت اول واخر مره اخلط ملابس بيضاء مع الوان وانى اعمل الالوان على برنامج الساخن واقل درجه بعملها له الان هو 30 درجه

والله المستعان

ههههههههه واضح ان كلنا الغسيل عامل معنا عمايله هههههه ولا يهمك حصلت معايا برضو بس كانت الهدوم لبنى

 

وديه ملحوظه للبنوتات ان اوعى تضعى ملابس ملونه مع الملابس البيضاء "تحذير "

شكلنا راح نعمل دوره للغسيل ههههه

 

بارك الله فيكى يايسرا سعدت بمرورك وكلامك جدااا

وانتظر باقى مواقفك

[صاحبه القلب الطيب 12]

السلام عليكم ورحمة الله وبركاته،،

 

ايه الجمال ده هههههههههه حاسه اني هستفيد من الموضوع ده كثييييير هههههه

 

الحمد لله ياسلمى وده هدفى طبعا الاستفاده للبنوتات عشان لما يصيروا زوجات يتفادوا اخطأنا

 

دانتي خلاص

صاحبة الموضوع النادر

غيرت اسمك خلاص ههههههههه

 

هههههه هافكر تصدقى حلو :mrgreen:

 

في انتظار باقي الاخوات وباقي النوادر ههههه

وانا معكى بانتظارهم والا :mrgreen:

 

اسعدتنى طلتك

 

بس ما عندك موقف لحد تعرفيه ... نشطى الذاكره ؟؟

[صاحبه القلب الطيب 12]

عن نفسي حدث و لا حرج .....لكن التجربة بتعلم

بالطبع التجربه والخبره بيعلموا كتييييييييير ولازم نغلط عشان نتعلم بس منستحلهاش ونعد نغلط

اهلا يامحمد نورتى الصفحه ,, وحشتنى طلتك جدااا

المهم اول ايام الزواج غسلت ملابس زوجي من غير ماافتشها واطلع الكلينكس منها المهم اصبحت مع الكلينكس الدايب منظرها تحفة

لكن المشكلة مش هون

المشكلة انو من ضمن الكلينكس الموجود في الجيب كان في جواز زوجي ههههههه....صار شكله مالوش علاقة بالجوازات نهائي

و يومها صار منظري قدام زوجي لا احسد عليه نهائيا ........

هههههههه فعلا موقف رااائع وصار معى صديقتى بس كانت ورقه مهمه لقيتها 600 حته ههههه وكان يوم حكت لى عليه

 

وده درس جديد للبنوتات لازم تفتشى كل الملابس قبل ما تغسليها "تحذير "

شكلها ياام محمد هتكون دوره فى الغسيل

 

عايزين موقفين كده بأه فى المطبخ !! ولا مفيش

شكلك شاطره من يومك .

[صاحبه القلب الطيب 12]

يا موضوعاتك يا أم حبيبة

 

وليه اول الزواج مهى لغاية دلوقتى شغالة :mrgreen:

 

لى عودة بأذن الله

 

ليه بس كده ياام رقيه

 

متضعيش برسيتجنا ادام البنات ويعرفوا اللى فيها :mrgreen:

 

متصدقوش يابنات ده احنا ستات شاطرين جدااا وده كان اول يومين وخلاص ههههههه :mrgreen: :mrgreen:

 

بس عامه شكل المواقف كتير انتظرك واوعى تهربى ياام رقيه

انتى عارفه انا هاجبيك منين :mrgreen: :tongue:

 

احبك فى الله ياقمرايه

وربنا يقومك بالسلامه

 

مستنياكى انتى ومحبه ؟؟؟ لما اشوف :mrgreen:

[صاحبه القلب الطيب 12]

الاخوات الحلوين

 

يعنى انتوا شاطرين وما فى عندكوا مواقف تحكوها ولا ايه ؟؟

 

بجد بجد هازعل لو ما دخلتو وحكيتوا

 

راح نفيد بعض ونفيد البنات فعلا

 

انتظركن :mrgreen:

[***أم محمد*** 8]

جايييتك يا نوجة بمواقف تحفة بس خليني اتذكر

[أم عائشة المصرية 242]

وعليكم السلام ورحمة الله وبركاته،،

أهلا بمحبة الحبوبة ومواضيعها الأروبة ^____^

أضحكتيني أضحك الله سنك

 

طبعا كلنا لنا تجارب...بس ربنا أمر بالستر :)

[* أم أروى * 0]

السلام عليكــم ورحمـة الله وبركاتــة ،،

موضوع جميل ياصحوبة

وهيفيد بنات كتير

والمواقف كتيرة ولله الحمد

هفتكر وارجع احكيلك

أصلي دلوقتي ناسياها

او يعني تقدري تقولي بتناساها :unsure:

ياشماته البنات فينا :oops:

[ساجدة للرحمن 2050]

السلام عليكــم ورحمـة الله وبركاتــة ،،

^___^

يا هلا بصحوبة الحبيبة

أكيد أكيد عندي أخطاء وإختراعات كثيرة :unsure:

فقد كنت لا أفقه في أي شيء سوى دراستي وفقط ....

ولكني لا أتذكر شيء منها حاليا ^_^

وربما هذا من حسن حظكن :oops:

 

[~ أم البطلين ~ 26]

نفس مشكلة الغسيل الابيض والملون . وكله طلع لونه احمرررر

ومن ضمن الغسيل قميص الابيض بتاع الفررح .

طبعا معرروف رد فعل الزوج ..

~~~

الاكل: نسيت الكفته عالنار وكنت بكلم امى . ونصها شااااط . بس برده شيلت اللى اتحرق والباقى كلناه

بس زعلنا اوى لان كانت رحته حلوة اوى << فى الاول

..

بوركتِ

[محبة لربها، ادعوا لي بالثبات 72]

حصل معايا غسيل الفواتير اللى فى جيب القميص والبنطلون قبل كده هههه

 

وكمان كنت بابعت البِدَل للدراى كلين بفلوسها واوراقها

 

والعامل يرجعها لنا تانى جزاه الله خيراا

 

ويا ما بهت ملابس وتخلطت

 

وبررررررضه ما اتعلمتش من 17 سنة خدمة زوجية

ولسة هدوم باهتة ومبوظة كل الملابشس

 

 

فنصيحتى فى هذا الشأن اغسلى الجديد منفردا حتى لو فى الغسالة وحيدا مرتان واحده تلو الاخرى بعد كل اتساخ

 

الى ان تتأكدى انه يلوِّن من عدمه

 

نصيحة للغسيل الابيض

 

بعد العصرة الاولى بالبرنامج

 

ضعى زهرة بودرة ملعقتان فى الدرج

 

او فى طبق مذاب به الزهرة جيدا

 

وغطسى قطعة قطعة

 

تجعل غسيلك الابيض منيرا بحق

 

وتزب\يل الصفار منه

 

وتشعرين انه جديييييييييييدااااا

[محبة لربها، ادعوا لي بالثبات 72]

هيه وعرفت المفااااااااااجأة..هيه هيه

 

اتهبلت على آخر الزمن

[يسرا عبد الرحمن 718]

السلام عليكم ورحمة الله وبركاته

رجعتلك تانى يا طيوبه

انا مشاكلى فى الاكل فى اول الزواج كانت فى الملح

وكانت مشكله ومش مشكله فى نفس الوقت

يعنى زوجى بيموت فى الملح الزائد فى الطعام

فلو عملته زياده شويه مفيش عنده مشكله ويقول لى وهو المطلوب لكن بالنسبه لى انا قبل الزواج مكنتش بحب الملح الكثير فى الاكل

ولو طلع الملح معى قليل فى الطعام زوجى يزود ملح فى الاطباق الخاصة بيه او المخللات بتعمل الواجب بجانب الطعام

لكن الان ملحى مظبوط فى الاكل والحمد لله وهو لو عايز يزود يزود

 

لكن لى مواقف فى اشياء مختلفه

اولها كنت بنظف النجف فى الصاله وبعدين اكسوار من الموجوده فى النجفه اتكسر منى وانا بفكها علشان انظفها واصبحت النجفه مائله حوالى يومين الى ان ذهب زوجى المنشيه واشترى مثلها من هناك وكان منظرى اخخخخخخخخخخخ

لكن زوجى قال لى فداك ايه يعنى :blink:

 

اما الغسيل بقى ياما بوظت الدنيا فيه

وياما عملت لزوجى غسيل اموال

ومره غسلت وصلة الشاحن

لكن الحمد لله دلوقت اصبحت بفتش جيوبه الاول وبفصل الالوان عن بعضها

ونصيحه للبنوتات اللى لسه ما تزوجوا لو اشتروا ملابس جديده الوان وشكوا انها ممكن تنزل لون يغسلوها مع الملابس الغامقه ويضعوا فى وسط الملابس الغامقه قماشه بيضاء قديمه علشان يعرفوا هذه الملابس الجديده بتنزل لون ام لا لان بالطبع لو حينزل لون القماشه البيضاء حيتغير لونها

وتحذر من هذه الملابس بعد ذلك وتغسلها مع الملابس الغامقه مثل الاسود والبنى والرمادى والكحلى على البارد مش الساخن

وان شاء الله لو تذكرت حاجه تانيه ححكلكم عليها

[يسرا عبد الرحمن 718]

هيه وعرفت المفااااااااااجأة..هيه هيه

 

اتهبلت على آخر الزمن

ههههههههههههههههه

اضحك الله سنك حبوبه

انا كمان عرفت المفاجاه مثلك لكن ححتفظ برائيى لنفسى

[~ أم العبادلة ~ 1903]

السلام عليكم ورحمة الله وبركاته،،

 

أول ما شفت عنوان الموضوع، ارتسمت على شفتاي

^_______________________________________^

 

أنا حكايتي كانت حكاية مع كللللللللللللللللللللللل شيء

ما كانشي عندي خبرة نهائي ولما تزوجت كنت بعيد عن أهلي (نصف الكرة الارضية الاخرى) وبالتالي مواهب كتير ظهرت

 

مرة كنت عايزة شوربة لحمة وما كانشي عندي لحمة فقلت لنفسي اذا كانت اللحمة بيطلع منها شوربة يبقى اكيد اللحمة المفرومة هيطلع منها شوربة، طبعا كانت فضيحتي بجلاجل

 

ومرة عملت ملوخية بكبدة الفراخ، اشمعنى الكبدة اللي مش هيتعمل منها ملوخية

 

أما الغسيل فملابس زوجي البيضاء أصبحت بمبي والحمدلله انه حصل مع الملابس اللي تحت الهدوم وتخيلوا منظر زوجي وهو بيلبس هدوم بمبي ^_^

 

لو افتكرت تاني هرجع