كاتشب بيتي

[مروة راضى 2]

المقادير

1 كيلو طماطم(عصير) -

2 ملعقةكبيرة نشا -

1ملعقة صغيرة ملح -

2ملعقة صغيرة سكر -

نصف ملعقة فلفل أحمر -

نصف ملعقة فلفل أسود -

فص ثوم -

2ملعقة كبيرة خل .

الطريقة:

بعد تصفية عصير الطماطم تخلط كل

المقادير وتوضع على نار هادئة

مع التقليب حتى يغلظ قوامها

 

ملاحظة:إضافة الفلفل حسب الرغبة (تحفظ في الثلاجة)

[رحيل القمر 1]

أحسن حاجه

كاتشب في البيت

تجنب للضرر

 

خاصه اننا قبل الاطفال بعشقه مع البطاطس

 

بس ينفع اقلل الكميه

 

وجزاكي الله خير

اول ما اجربه هجري احكيلك

[جويرية 3 57]

جزاكى الله خيرا ياحبيبة

أنا عملتها قبل كده وطلعت جميلة

[في سبيل الله> 0]

تسلم ايديكَ

لو كمان تعرفي كمان كيف المايونيز ؟؟؟

ادعيلك يا مروة ،، تسعي بين الصفا والمروة

[مروة راضى 2]

جزاك الله خيرا على دعواتك يا أخت "فى سبيل الله "

[امة الله ش 9]

السلام عليكــم ورحمـة الله وبركاتــة ،،

جزاك الله خيرا ياحبيبة

وينقل الموضوع للساحة المناسبة

[حنين مسلمة 34]

تسلم إيديكِ بإذن الله أجربه لكن بعد انتهاء الكاتشب الجاهز

^______^

جزاكِ الله خيرا

لو كمان تعرفي كمان كيف المايونيز ؟؟؟

ادعيلك يا مروة ،، تسعي بين الصفا والمروة

ممكن آخد أنا الدعوة دي ...

أقولك على المايونيز وبيكون جميل جدا زي الجاهز

ضعي بيضتين في الخلاط الكهربي وضعي عليهم شوية زيت واضربيهم سوا هتلاقيهم أصبحوا سايلين

وقفي الخلاط واعصري عليهم لمونة أو ممكن تزودي نصف لمونة كمان على حسب المذاق لأني بعمله كده من غير مقادير

وكمان شوية ملح .... وبالنسبة لغطاء الخلاط بيكون فيه جزء ممكن يُنزع منه عشان لو عايزة تضيفي شيء في الخلاط وهو شغال

انزعي هذا الجزء لإضافة الزيت والخلاط شغال ..

 

فاضربي المكونات السابقة وكل شوية أضيفي قليل من الزيت لغاية ما تجدي أن قوام المايونيز بدأ أن يكون غليظ وأضيفي الزيت وهكذا حتى تصلي للقوام المعروف للمايونيز ...

 

وملحوظة كل ما تضيفي كمية زيت اضربيهم في الخلاط قليلا

 

فيه ناس بيعملوه بصفار البيض أو بياضه فقط لا أذكر ... بس أنا بعمله بالبيضة كاملة وبيكون هايل

ياريت تكوني فهمتِ مني حاجة :)

[omsagda 4]

السلام عليكم ورحمة الله وبركاته،،

انا على فكرة بعمل المايونيز كدة وبيطلع جميل جدا

[توتى سمسم 8]

هبدأ بالمايونيز إن شاء الله وأقولكم النتيجة لأنى معنديش طماطم كفاية حاليا للكاتشب بس لو طلع مش حلو طبعا هبعته تأكليه يا جميل انتى اللى قولتى الطريقة هههههههههههههههه

جزاكم الله خيرا اول مرة اعرف الطريقة ده أنا بشترى منهم بكميات وأختى كمان هبقا اعملها برطمان كبير بقا واديهولها هديه

[حياة إسلامية 135]

جزاك الله خير مروة على الطريقة

 

انا احبا لكاتشب ايضا و طبعا اضمن و افضل لما يتحضر بالبيت

 

الله يبارك فيك

[مذنبة مستغفرة 7]

جزاك الله خير مروة على الطريقة

 

انا احبا لكاتشب ايضا و طبعا اضمن و افضل لما يتحضر بالبيت

 

الله يبارك فيك

[ام رميساء و جنى 16]

طريقة جميلة لكن للاسف لا نقدر ان نحتفظ بها كثيرا في الثلاجة لان ليس بها مادة حافظة لذلك اضطر لشرائها لاني استعملها بقلة وتظل فترة طويلة لا تفسد

 

بارك الله فيك

[توتى سمسم 8]

المايونيز من ماسك نفسه خالص مياه خالص ليه ؟؟؟؟؟؟؟؟

[حنين مسلمة 34]

توتي كنت منتظرة النتيجة ولكن .. :( ...

 

بصي يا حبيبة اضربيهم في الخلاط كتير وكل ما تضربيه بالخلاط أكثر سيبدأ يتماسك

 

ولا تضعي كمية زيت كثيرة مرة واحدة ولكن تدريجيا .. تضعي شوية وتضربيهم جيدا في الخلاط حتى يتماسك وفي الأول يكون متماسك جداااا فنضيف القيليل من الزيت ثانية وتضربيهم جيداااا وهكذا .. حتى نصل للقوام المطلوب ..وابدئي جربي ببيضة واحدة ... ولا تنسي الليمون والملح .. خليها نصف ليمونة ... وقليل من الملح ..

[توتى سمسم 8]

واضح إنى زودت زيت كتير أوى

وخلاص مش هيتماسك طيب فى أى حاجه تتعمل بالخلطة دى ولا أرميها ؟؟؟؟؟؟؟؟؟

إن شاء الله هبقا أجربه تانى

[*ميمونة* 104]

جزاكم الله خيرا حبيباتي

استفدت كثيرا

[~ أم العبادلة ~ 1903]

ممتاز

[المشتاقة الى الحبيب 67]

السلام عليكم ورحمة الله وبركاته

وصفة جميلة وسهلة بارك الله فيك أختي مروة

 

 

أختي توتي الطريقة اللي أعطتك اختي حنين طريقة جميلة جدا وأنا بعملها بس بضيف إضافات كدة بتخلي طعم المايونيز أحلى

 

نفس الطريقة بس بضيف كيري أو مكعبات جبن عادية بيكون طعمو روووعة

وفي اللي بيضيف بطاطساية صغيرة مسلوقة لكن انا بكتفي بكيري

السبب اللي خلا المايونيز يكون سايح لانك كترتي الزيت من البداية ...وبقي أضربي بالخلاط كويس قوي لحد مايتماسك يعني بياخد وقت شوي

 

آسفة على التطفل سامحوني بس حبيت أقولك طريقتي وأفيدك :))))