♥ஓتجمع للمصرياااات ..للمتابعة والمشاركة فى احداث مصر من الثوره وحتى الان♥ஓ

[صاحبه القلب الطيب 12]

 

 

فى تلك الايام يدور الكثير والكثير من الاحداث فى مصرنا الحبيبه ولا يخفا ذلك على احد وبما اننا مصريات مسلمات لابد لنا من التعرف على كل ما يدور فى بلدنا من اجلنا ولاجل اهلنا و ابنائنا بالمستقبل ...فما يحدث اليوم من تغيرات وانجازات ان لم يعد بالنفع علينا سيعود على ابنائنا بالطبع

لذا لابد ان نتشارك بالحديث والتعليق بما يدور فى نفوسنا مما يحدث حولنا وبدلا من ان تفتح كل اخت موضوع لاى حدث جديد يحدث فلتكن الصفحه مرجعنا ومع كل حدث ندونه ونتناقش فيه واهميته لنا وكيف نتفاعل معه .،

 

اليوم الجمعه الرابع من مارس ... بعد احداث كثيره من يوم 25 يناير وحتى الان من تنحى مبارك وحتى رحيل شفيق وتعيين عصام شرف رئيس للوزراء ولكن مطالب الثوره لم تنتهى بعد والتى هى !

 

 

 

لدى اسئله تدور بخاطرى لنفسى ولكن .....

هل رحيل مبارك بالنسبه لكى شكل ارتياح ومكسب ؟مع كلمه توجهيها له امام الله والجميع ؟؟

ما رأيك بشباب الثوار بكل مكان من التحرير الى كل مكان بمصر ؟

كلمه لشهداء مصر من قلبك ولاهلهم فى كل مكان ؟؟

هل تؤيدى باقى مطالب الثوره وخاصه حل امن الدوله ؟؟؟

ماذا تأملى للبلد وماذا تريدى من الرئيس القادم وما صفاته بخاطرك ؟؟

 

ارجو الرد من كل مصريه باجابات من داخلنا فهى بلدنا وليست بلد اناس اخرون ,,,,,,, واى حدث الصفحه مفتوحه لمناقشته وساكون اول من يسجل اجابته وتطلعاته

واتمنا الا يتحول الموضوع لدعاء فقط فالدعاء مهم جداا وارائكم ايضا مهمه لعل ينبع منها ما يمثل خطوه ايجابيه بالمستقبل

مصريه تحب بلدها وتحبكن ,,,,,,,,

اتمنا ان يلقا الموضوع قبولا

بانتظاركن

 

 

تم تعديل 4 مارس, 2011 بواسطة صاحبه القلب الطيب

[صاحبه القلب الطيب 12]

السلام عليكــم ورحمـة الله وبركاتــة ،،

 

بدايه اخواتى احب ان اسجل اعجابى بالخطوه الرائعه التى قام بها د.عصام شرف وهو ذهابه اليوم الى ميدان التحرير وسط جموع المعتصمين والمتظاهرين ليثبت انه منهم وان مطالبهم هى هدفه وتحيته للشهداء كما انه سبق وشارك فى مظاهره اساتذهخ الجامعات الشهر الماضى ..اتفائل به خيراا هذا الرجل خاصه ان كل كلامه خشيه من الله ولا يتمنا الا تقواه وسمعته لا غبار عليها ..ربنا يوفقه فى تلك المهمه الثقيله التى هى مصر

 

ساجيب على الاسئله فى اقرب وقت ان شاء الله

[~ماريا~ 1340]

 

لدى اسئله تدور بخاطرى لنفسى ولكن .....

 

هل رحيل مبارك بالنسبه لكى شكل ارتياح ومكسب ؟مع كلمه توجهيها له امام الله والجميع ؟؟

 

اكيد رحيله عملي ارتياح وفي نفس الوقت خوف من الي جاي بس اتبسطت بصراحه لما مشي لسبب انه من اول واحد استشهد كان لازم يمشي

اقوله لو كنت طلعت من اول يوم ورديت علي الشباب دول مكنش حصلك الي حصل دا لو كنت اتنازلت عن كبريائك من اول يوم مكنش ضاع مجهودك في 73

 

 

ما رأيك بشباب الثوار بكل مكان من التحرير الى كل مكان بمصر ؟

 

ربنا يبارك فيهم ويحميهم كل من ساهم في هزا التغيير وضحي بحياته والي نضفو ونظمو المكان

شباب بمعني الكلمه

 

 

كلمه لشهداء مصر من قلبك ولاهلهم فى كل مكان ؟؟

 

الله يرحمكم ويدخلكم فسيح جناته والله لان قلبي يتقطع عليهم واحزن عليهم جداااا لان برضو كان لكل واحد حلمه وحياته الي كان عايز يعشها

ربنا يصبر اهاليهم ربنا يصبرهم والله انا ندعو لهم باستمرار

 

 

هل تؤيدى باقى مطالب الثوره وخاصه حل امن الدوله ؟؟؟

 

اكيد بس مو حابه الاستعجال لازم يبقي فيه وقت

بمعني ان اهم حاجتين اتنفزو يبقي لازم فيه وقت علشان نختار الحكومه الجديده

لان المواضيع مش سلق بيض

واكيد لازم امن الدوله دا يتحل ويتعاقب كل من كان له يد في الموضوع

 

 

ماذا تأملى للبلد وماذا تريدى من الرئيس القادم وما صفاته بخاطرك ؟؟

 

اتمني ان تكون احسن وافضل ليس عندي قلق من الرئيس الجديد لاني لا اظن انه سيكون بالغباءبان يقلد سابقيه

لان الزين ازالو الفساد قادرين علي ان يزيلوهمره اخري ولن نتردد

يا ريت يكون فاهم دا ان معدتش حد بيخاف ولو مش هيبقي مظبوط هيمشي

 

صفاااته الاهم والاساسيه ان يتحلي بالعدل والنمساواه

 

ان يشعر باصغر واحد في بلده باقل فرد فيها

 

دا كل الي عندي

[~ماريا~ 1340]

بس الي مخوف الواحد من الحريه الي بيتكلمو عنها

 

ان مصر تبقي اوربا التانيه

 

كل شيء مباح

 

وعادي مش حريه بقي

 

زي الي عايزين يشيلو الديانه من البطاقه

 

يعني تبقي لخبطه في الانساب

 

والي عايزين انها متبقاش دوله اسلاميه بل دوله عربيه وخلاص

 

بصراحه خوفي في الاشياء دي

 

وخصوصا ان التيارات كتييييييييييير جدااا

[بنوته مسلمه مصريه 458]

وعليكم السلام ورحمة الله وبركاته

حياك الله أم حبيبه

فكرة الموضوع جميله تسلم أفكارك

أنا كمان والله متوسمه فيه الخير ربنا يصلح ما بين إيديه

هل رحيل مبارك بالنسبه لكى شكل ارتياح ومكسب ؟

بكل تأكيد دا هم وانزاح بفضل الله

مع كلمه توجهيها له امام الله والجميع ؟؟

حسبنا الله ونعم الوكيل

كان نفسي أتمنى إن ربنا يتوب عليهم بس يمكن من الظلم اللى عملوه فى الناس مش قادره ادعيها له بصدق

بس ربنا يتوب علينا كلنا هو أعلم بكل إنسان

ما رأيك بشباب الثوار بكل مكان من التحرير الى كل مكان بمصر ؟

استحقوا احترام العالم كله ربنا يبارك فيكم ويجعلكم زخر للإسلام والمسلمين

ولكن يخيفنى الاتهامات التى نتبادلها الان

كلمه لشهداء مصر من قلبك ولاهلهم فى كل مكان ؟؟

الله يرحمكم ونحسبكم شهداء

والله يا أم حبيبه قصصهم أد ما خلتنى أبكى أد ما خلتنى أفرح إن شباب مصر بالجمال ده

هحكيك قصة بعضهم لو سمحتى لإنى نفسى الدنيا كلها تعرف شباب مصر ازاى

شاب لا أذكر اسمه بس مامته الله يصبرها كانت بتحكي عنه

كانت بتقول إن قبل الاحداث دى كلها ابنها دايما كان بيذكرها بالشهادة وإنه نفسه يموت شهيد فكانت بتزعل من كلامه من خوفها عليه لإنه ابنها الوحيد على بنتين ووالده ميت مكنتش بتحبه يتكلم عن الموت

بس كان دايما يقولها عن الشهاده وقالها في مره إنه هيشفعلها فأخته بصتله وقالته ميزعلش أمهم بكلامه ده قالها إنت كمان هشفعلك وبص لأخته التانيه وقالها كده برضوا

مامته دخلت عليه في يوم ولقته بيقول على حسب كلامها يارب نولهالى

سبحان الله هذا ما أتذكره من جملة كلامها وأنا لاأتذكر الكلام حرفيا ولكن هذا ما فهمته من حديثها

شاب أخر سمعت والده يقول أن زملاء إبنه أخبروه إن ابنه نطق الشهاده قبل موته

شاب أخر وهذا ما أثر فى كثيرا وهو مصطفى الصاوى رحمه الله

هذا الشاب قصته منتشره في النت

كان بيحفظ الاطفال القرآن والاطفال هما اللي بيحكوا عنه والله ياجماعه بنوته صغيره الله يحفظها ويبارك فيها

بتبكى عليه بحرقه فظيعه تخلى القلب قبل العين تبكى وبتقول فى أخر كلامها إنهم هيستشهدوا هم كمان لما يحرروا المسجد الاقصى ان شاء الله

مصطفى مات وهو رافع صبعه بالشهاده

ربنا يرحمه

بجد قصصهم تخلى الواحد على أد ما يبكى على أد ما يفرح بيهم وليهم

هل تؤيدى باقى مطالب الثوره وخاصه حل امن الدوله ؟؟؟

طبعا أكيد أؤيدها بشده فكثير ما ظلمنا هذا امن الدوله الذي لم يكن أمن لها ولا لأهلها بل كان أمن لشخص الرئيس المخلوع وأعوانه ربنا ينتقم من كل ظالم مستبد نسى الله وباع دينه من أجل دنيا زائله وكرسى زائل فعل بمن تشبث به الافاعيل وأهانهم الله

ولكن كل الاحلام لا تتحقق مرة واحده

لابد أن يكون هناك أولويات الاهم فالمهم

وزى ما بنطال بالتغير لازم نغير أنفسنا ولازم نعى ما يدور فى بلدنا جيدا فكثير منا لم يكن يهتم بم يجرى حوله لأنه ما كنش شاعر إنه لى حتى حق التعليق لكن الآن لا بد أن نلم بالأحداث وأن نكون ذو وعى جيد بما يجرى لازم نكون فعالين في بلدنا مش على الهامش

 

ماذا تأملى للبلد وماذا تريدى من الرئيس القادم وما صفاته بخاطرك ؟؟

نفسى بلدى تبقى أحسن بلدان العالم نفسى مصر ترجع تانى لدورها الحقيقى الفعال بين الدول العربيه والاسلاميه

نفسى نتقدم فى كل شيء ونطهر بلدنا من كل فاسد

أريده عادلا تقيا لا يخاف فى الله لومة لائم

صفاته كتير بجد كان نفسى واحد يحكمنا زى الشيخ حسان ربنا يحفظه

[*ميمونة* 104]

وعليكم السلام ورحمة الله

موضوع جميل ومفيد جدا

هل رحيل مبارك بالنسبه لكى شكل ارتياح ومكسب ؟

بكل تأكيد شكل لى راحة تامة وشعور بالنصر فقد أزال الله بقدرته طاغية من الطواغيت عقبال جميع الطواغيت

 

مع كلمه توجهيها له امام الله والجميع ؟؟

لا أعلم ماذا أقول له حقا فالكلمات كثيرة

لكنى أقول له كيف ستواجه الله يوم القيامة بهذا الظلم الشنيع للعباد وأنا وأبى وأسرتى لن نسامحك أبدا على الظلم الذىلحق بأبى على يد عميلك الظالم

ما رأيك بشباب الثوار بكل مكان من التحرير الى كل مكان بمصر ؟

أنهم أشجع شباب رأيتهم فى حياتى كلها

فليجزيهم الله عنا خير الجزاء

 

كلمه لشهداء مصر من قلبك ولاهلهم فى كل مكان ؟؟

تذكروا دائما كيف مات أبناؤكم ولماذا ماتوا

لقد كانوا سببا لادخال السعادة الى قلوب جميع المصريين

لابد للتغير من بعض التضحية لكن الثمن كان غاليا جدا لكن الله أرحم الرحماء وألطف بهم منا جميعا

فلتصبروا ولتحتسبوهم عند الله

 

هل تؤيدى باقى مطالب الثوره وخاصه حل امن الدوله ؟؟؟

بكل تأكيد أؤيد كل مطلب من مطالبهم

وخاصة أمن الدولة الذى من المفترض أن يسمى ترويع الدولة

فكل ماينزل بنا بسبب أمن الدولة هذا

 

ماذا تأملى للبلد وماذا تريدى من الرئيس القادم وما صفاته بخاطرك ؟؟

أتمنى وأأمل من كل قلبى أن تكون دولة قائمة على شرع الله وأن تلغى كل القوانين التى تعارض الشريعة

أرجوا من الرئيس القادم أن يتفهم مطالب الشباب ويكون قريبا من الشعب

صفاته التى أتمنى أن تكون فيه أن يكون تقيا صالحا ورعا يتحاكم الى كتاب الله فى كل أموره وأحواله

[بنوته مسلمه مصريه 458]

بس الي مخوف الواحد من الحريه الي بيتكلمو عنها

 

ان مصر تبقي اوربا التانيه

 

كل شيء مباح

 

وعادي مش حريه بقي

 

زي الي عايزين يشيلو الديانه من البطاقه

 

يعني تبقي لخبطه في الانساب

 

والي عايزين انها متبقاش دوله اسلاميه بل دوله عربيه وخلاص

 

بصراحه خوفي في الاشياء دي

 

وخصوصا ان التيارات كتييييييييييير جدااا

كلنا نخاف من هذا ماريا ولكن لن نرضى أبدا أن نتخلى عن هويتنا كمسلمين مهما حصل

ولازم برضوا نكسف الدعاء إن ربنا يحفظ على بلدنا نعمة الاسلام والايمان فمصر بلد الازهر لن تتخلى عن هويتها كبلد مسلم

وسورى بقى لإنى عايزه اتكلم فى الموضوع ده

كتير جدا بيقول انتوا بتفتحوا الموضوع ده ليه مع ان الماده مش مطروحه حاليا للنقاش وكأننا احنا اللى فتحنا الموضوع

لا يا جماعه لو تتذكروا برنامج عمرو الليثى وقبل تنحى مبارك عندما شكلت أول لجنه اعتقد على تعديل الست مواد تكلم نجيب ساويرس عن الماده التانيه

غير إن المنتديات المسيحيه بتتكلم باستماته عن تغير هذه الماده

لازم نعى هذا جيدا

ولازم منبطلش دعاء ان ربنا يحمى بلدنا ويحفظها ويديم علينا نعمة الاسلام والايمان

[صاحبه القلب الطيب 12]

الله الموفق

 

هل رحيل مبارك بالنسبه لكى شكل ارتياح ومكسب ؟مع كلمه توجهيها له امام الله والجميع ؟؟

 

مبارك كان رمز لمصر لكن بالتعرفه على الوجه الحقيقى لمبارك سقط الرمز ..قبلما نعرف حقيقته كنا نحبه نبجله .ندعو له بالشفاء بعدما عرفنا انه ترك الفساد ينهش بالبلد وان المواطن اخر اهتماته وانه نهب اموال البلد وساعد كل من يريد النهب سواء ابنه او حاشيته ..فاذن رحيله هو الحل غير عنده وكبرياؤه او غطرسته فى التفاعل مع الناس خلال الايام الاولى من الثوره والتى كانت من الممكن الا تطالب برحيله ولكن عناده جعلهم يطالبون باسقاطه ... ربما شعرنا بغصه لاهانته لكن بداخلنا فرحه لرحيل الظلم والفساد

 

وكلمتى اليه التى لو كان امامى لقلتها له ..سيدى الرئيس اعطاك الله الفرصه كى يحملك الناس على الاعناق بان تراعهم وترعى مصالحهم ولكنك اخترت ان تخونهم وما وفيت حق الله فكانت اهانتك والمطالبه بمحاكمتك هة نصيبك ..هل كل ما جمعته يستحق ان يتنهى تاريخك هكذا .. شعب مصر امانه انت ما حافظت عليها جعلت الفساد كما يقولون دوله داخل الدوله جعلت الجميع يعانون من صغير وكبير وانت اصم الاذن ..اشفق عليك من لقاء ربك ..كان الله فى عونك امام الله فحملك ثقيل وليتك تتوب وتعيد اموال الشعب له وتقضى ما تبقا لك مع الله ربما يغفر لك

 

ما رأيك بشباب الثوار بكل مكان من التحرير الى كل مكان بمصر ؟

 

رجاااااااااال ......رجاااااااااااال

وما معنى للرجوله الا فيهم ..من تحمل كل هذه الاهانه والنوم فى العراء فهو رجل من ارد مصلحه بلده وخاف عليها اكثر من نفسه فهو رجل ..ربنا يباركلهم ويحفظهم ويفرح اهلهم بيهم ..وعذرا منكم ان كنا ظلمناكم بالسابق بانكم شباب لا تتحملون مسئوليه ولكن عذرنا مفاهيم النظام المتحطم

 

 

كلمه لشهداء مصر من قلبك ولاهلهم فى كل مكان ؟؟

 

ربنا يرحمكم ويسكنكم جناته فضحيتم بارواحكم فداء للوطن فاكثر من 380 شهيد و6000 مصاب ..كلما اراكم قلبى يتقطع ..صبر الله ذويكم

ولكن دماؤكم هى التى تصنع التغيير ..هى التى نعيش بها .. نفتخر بكم وسنظل نتذكركم دووووما

 

 

هل تؤيدى باقى مطالب الثوره وخاصه حل امن الدوله ؟؟؟

 

طبعا اؤيدها قلبا وقالبا كلها وخاصه جهاز امن الدوله الذى اهدر ادميه المصريين ومارس عليهم كل وسائل التعذيب والاهانه فمنهم من كان يضرب على افاه عذرا بغرض الاهانه ليس الا او على وجهه ومنهم من تغتصب امام زوجته ..هل هذا يرضى احد !!! ان كان جهاز موجه وتحت اشراف فاهلا به ويكون جهاز لامن المواطن وليس لامن النظام وياريت اسمه يتغير لاننا تعبنا منه جدااا

 

ماذا تأملى للبلد وماذا تريدى من الرئيس القادم وما صفاته بخاطرك ؟؟

 

اتمنا ان تكون بلدى رائده فى كل المجالات وان يتحسن بها كل شئ تعليم صحه امن كلللللللللل حاجه

اتمنا ان اراها تقود الوطن العربى لانها تستحق باناس يحبونها ويحافظون عليها ..اتمنا ان يعمل كل الشباب وتختفى كلمه بطاله

اتمنا ان يتزوج كل الشباب ويجدون شقق باسعار مناسبه وايجارات عادله (لا للايجارات الباهظه التى تجعلهم يعزفون عن الزواج )

اتمنا ان نهتم بالبحث العلمى حتى نرتقى ونرتقى وان يكون المسئول عن التعليم مثل زويل العلم بدمه فيشربه الشباب

اتمنا ان تكون المرتبات عادله ويكون هناك اعانه بطاله لمن لا يعمل حتى يعمل ويكون هناك تكافؤ فرص

 

 

والرئيس القاد اتمناه ان يحقق كل تلك الامنيات فان حققها سيكون الرئيس المنتظر حقا او حتى يعمل على تحقيقها

وان تكون التقوى والعداله واحترام الشعب هى اهم صفاته وان يخشى اله قبل ان يخشى من الناس

 

 

 

اللهم حقق لنا ما نتمناه يارب وولى علينا من لا يظلمنا

[صاحبه القلب الطيب 12]

لدى اسئله تدور بخاطرى لنفسى ولكن .....

 

هل رحيل مبارك بالنسبه لكى شكل ارتياح ومكسب ؟مع كلمه توجهيها له امام الله والجميع ؟؟

 

اكيد رحيله عملي ارتياح وفي نفس الوقت خوف من الي جاي بس اتبسطت بصراحه لما مشي لسبب انه من اول واحد استشهد كان لازم يمشي

اقوله لو كنت طلعت من اول يوم ورديت علي الشباب دول مكنش حصلك الي حصل دا لو كنت اتنازلت عن كبريائك من اول يوم مكنش ضاع مجهودك في 73

 

 

ما رأيك بشباب الثوار بكل مكان من التحرير الى كل مكان بمصر ؟

 

ربنا يبارك فيهم ويحميهم كل من ساهم في هزا التغيير وضحي بحياته والي نضفو ونظمو المكان

شباب بمعني الكلمه

 

 

كلمه لشهداء مصر من قلبك ولاهلهم فى كل مكان ؟؟

 

الله يرحمكم ويدخلكم فسيح جناته والله لان قلبي يتقطع عليهم واحزن عليهم جداااا لان برضو كان لكل واحد حلمه وحياته الي كان عايز يعشها

ربنا يصبر اهاليهم ربنا يصبرهم والله انا ندعو لهم باستمرار

 

 

هل تؤيدى باقى مطالب الثوره وخاصه حل امن الدوله ؟؟؟

 

اكيد بس مو حابه الاستعجال لازم يبقي فيه وقت

بمعني ان اهم حاجتين اتنفزو يبقي لازم فيه وقت علشان نختار الحكومه الجديده

لان المواضيع مش سلق بيض

واكيد لازم امن الدوله دا يتحل ويتعاقب كل من كان له يد في الموضوع

 

 

ماذا تأملى للبلد وماذا تريدى من الرئيس القادم وما صفاته بخاطرك ؟؟

 

اتمني ان تكون احسن وافضل ليس عندي قلق من الرئيس الجديد لاني لا اظن انه سيكون بالغباءبان يقلد سابقيه

لان الزين ازالو الفساد قادرين علي ان يزيلوهمره اخري ولن نتردد

يا ريت يكون فاهم دا ان معدتش حد بيخاف ولو مش هيبقي مظبوط هيمشي

 

صفاااته الاهم والاساسيه ان يتحلي بالعدل والنمساواه

 

ان يشعر باصغر واحد في بلده باقل فرد فيها

 

دا كل الي عندي

 

بارك الله فيكى ماريا واشاطرك كل حرف قلتيه ياغاليه وفعلا الموضوع محتاج وقت ولكن ما يحتاج للحدوث الان فلابد من القيام به حتى يهدأ الشارع اكثر وتحدث المصداقيه

ولابد لنا ان نعمل ونعمل ونرتقى بانفسنا لترتقى مصر

وعندك حق اى حاكم هيجى سيتذكر هؤلاء الشباب ووقفتهم وليته قبلها يتذكر الله

 

جزاكى الله خيراا

[صاحبه القلب الطيب 12]

بس الي مخوف الواحد من الحريه الي بيتكلمو عنها

 

ان مصر تبقي اوربا التانيه

 

كل شيء مباح

 

وعادي مش حريه بقي

 

زي الي عايزين يشيلو الديانه من البطاقه

 

يعني تبقي لخبطه في الانساب

 

والي عايزين انها متبقاش دوله اسلاميه بل دوله عربيه وخلاص

 

بصراحه خوفي في الاشياء دي

 

وخصوصا ان التيارات كتييييييييييير جدااا

 

 

لا ياغاليه لا تخافى ولا تقلقى ..عن نفسى لا اخاف من تلك النقطه لان ما معنى الحريه ؟؟

الحريه ليست فوضى وانما الحريه مسئوليه ..وتلك الحريه النى نطلبها

 

حريه الرأى والتعبير ..الا يكون هناك مسجون رأى لان كل شخص حر فى رأيه

 

اما ان تكون الحريه انحلال فمن يرضا بهذااا !! ولا تنسى اننا دوله مسلمه بالاساس اما اوربا ..........

 

وبالنسبه للمطالبات فالطلبات كثيره ولكن الاصح هو الذى ينفذ ولابد ان يكون هناك وحده وطنيه لان كما نحن المسلمون موجودن ايضا المسيحين موجودين

ولكن كل منا له دينه ..ولكن بما ان المسلمين هم اللاكثر .اذن فدولتنا اسلاميه متحضره بلا شك

 

بوركتى على اهتمامك ..ارجو ان اكون افدتك

 

[صاحبه القلب الطيب 12]

الغاليه بنوته مسلمه مصريه

 

بارك الله فيكى على الرد الطيب والجميل والذى ينم عن بنت مصريه مسلمه واعيه ..ساخذ من حديثك بعض النقاط للنقاش

حياك الله أم حبيبه

فكرة الموضوع جميله تسلم أفكارك

أنا كمان والله متوسمه فيه الخير ربنا يصلح ما بين إيديه

 

الحمد لله وهذا هدفى ..... ربنا يوفقه فى مهتمه فمن جعل الله هدفه ما خاب ابداا

استحقوا احترام العالم كله ربنا يبارك فيكم ويجعلكم زخر للإسلام والمسلمين

ولكن يخيفنى الاتهامات التى نتبادلها الان

 

اى اتهامات ياغاليه ..ياريت توضحى !!

الله يرحمكم ونحسبكم شهداء

والله يا أم حبيبه قصصهم أد ما خلتنى أبكى أد ما خلتنى أفرح إن شباب مصر بالجمال ده

هحكيك قصة بعضهم لو سمحتى لإنى نفسى الدنيا كلها تعرف شباب مصر ازاى

شاب لا أذكر اسمه بس مامته الله يصبرها كانت بتحكي عنه

كانت بتقول إن قبل الاحداث دى كلها ابنها دايما كان بيذكرها بالشهادة وإنه نفسه يموت شهيد فكانت بتزعل من كلامه من خوفها عليه لإنه ابنها الوحيد على بنتين ووالده ميت مكنتش بتحبه يتكلم عن الموت

بس كان دايما يقولها عن الشهاده وقالها في مره إنه هيشفعلها فأخته بصتله وقالته ميزعلش أمهم بكلامه ده قالها إنت كمان هشفعلك وبص لأخته التانيه وقالها كده برضوا

مامته دخلت عليه في يوم ولقته بيقول على حسب كلامها يارب نولهالى

سبحان الله هذا ما أتذكره من جملة كلامها وأنا لاأتذكر الكلام حرفيا ولكن هذا ما فهمته من حديثها

شاب أخر سمعت والده يقول أن زملاء إبنه أخبروه إن ابنه نطق الشهاده قبل موته

شاب أخر وهذا ما أثر فى كثيرا وهو مصطفى الصاوى رحمه الله

هذا الشاب قصته منتشره في النت

كان بيحفظ الاطفال القرآن والاطفال هما اللي بيحكوا عنه والله ياجماعه بنوته صغيره الله يحفظها ويبارك فيها

بتبكى عليه بحرقه فظيعه تخلى القلب قبل العين تبكى وبتقول فى أخر كلامها إنهم هيستشهدوا هم كمان لما يحرروا المسجد الاقصى ان شاء الله

مصطفى مات وهو رافع صبعه بالشهاده

ربنا يرحمه

بجد قصصهم تخلى الواحد على أد ما يبكى على أد ما يفرح بيهم وليهم

 

عندك حق والله يابنوته ققص مؤثره وفعلا من خيره الشباب ..ربنا يرحمهم برحمته والقصص اللى حكيته موجعه طبعا ربنا يصبر اهلهم

وكمان قصه سالى زهران هى فى تالته اداب من سوهاج كانت فى يوم الغضب فى المظاهرات ورجعت لامها عشان تغير ملابسها لانها مبلله طبعا من الامن والقنابل المسيله للدموع فرفضت امها انها تنزل فهددت انها هترمى نفسها من البلكونه وفى وسط كلامها فعلا وقعت ..ولم تمت فى المظاهره على ايد بلطجيه كما يقولون ونحسبها شهيده عند الله وهى اتجبت قبل الوفاه

وزى ما بنطال بالتغير لازم نغير أنفسنا ولازم نعى ما يدور فى بلدنا جيدا فكثير منا لم يكن يهتم بم يجرى حوله لأنه ما كنش شاعر إنه لى حتى حق التعليق لكن الآن لا بد أن نلم بالأحداث وأن نكون ذو وعى جيد بما يجرى لازم نكون فعالين في بلدنا مش على الهامش

عندك حق

نفسى بلدى تبقى أحسن بلدان العالم نفسى مصر ترجع تانى لدورها الحقيقى الفعال بين الدول العربيه والاسلاميه

نفسى نتقدم فى كل شيء ونطهر بلدنا من كل فاسد

أريده عادلا تقيا لا يخاف فى الله لومة لائم

صفاته كتير بجد كان نفسى واحد يحكمنا زى الشيخ حسان ربنا يحفظه

 

اللهم امين

 

 

 

 

[دعاء بنت مصر 8]

جزاكِ الله خيرا على الموضوع الرائع

 

هل رحيل مبارك بالنسبه لكى شكل ارتياح ومكسب ؟مع كلمه توجهيها له امام الله والجميع ؟؟

 

طبعا انا فعلا محستش بطعم الحريه غير لما مشي

والله حسه ان الهوا اللي بتنفسه فيه حريه

 

وفرحت جداااااااااا انه مشي كمان علشان برحيله انخمدت كثير من الفتن التي اشعلها

وده كان واضح جدا في عهده ومن وزرائه وحاشيته لما بثوا الفتن مابين شعب مصر وخصوصا واتضح كده اوي بعد خطابه التاني لما رجع النت وشفنا الناس كانت مختلفه ازاي والناس قاطعت بعض واستر الحال ده لاكتر من اسبوعين

و كتير من الناس دول نسيوا خلافاتهم بالفرحه برحيله

 

كلمه اوجهها له >>ادعيله بالهدايه والتوبه قبل الموت لانه زي مابنقول رجل في الدنيا ورجل في القبر وطالما قلت حسبي الله ونعم الوكيل في عهده بس مازلت ادعي له بالتوبه لاني مش عيزه مسلم يدخل النار او غير مسلم وكان الرسول -صلى الله عليه وسلم - حريص على ذلك وحتى فرح لما الشاب اليهودي اسلم قبل موته وقال (الحمد لله الذي نجاه بي من النار ) ومن التوبه دي انه يرد للناس حقوقها واموالها اللي اتنهبت في عهده ويكون ده من رد المظالم احد شروط التوبه

 

ما رأيك بشباب الثوار بكل مكان من التحرير الى كل مكان بمصر ؟

 

-اقل مايقال فيهم انهم رجاله بمعني الكلمه لا يخافون في الله لومه لائم

 

-وكانوا معرضين للموت في كل ثانيه ومكنوش بيعرفوا يناموا طول الليل من البلطجيه وسيوفهم والمولوتوف اللي كانوا بيرموه عليهم وده كله استحملوه علشان كل مصري اذا كان عايش او هيجي ان شاء الله يعيش في كرامه وحريه وعلشان ياخد ولو جزء بسيط من حق الناس اللي ماتوا طول ال30 سنه سواء بسبب امن الدوله او بسبب الفساد والسرطانات والفيروسات والاهمال..........

 

-وشباب متحضر بجد يكفي انها كانت ثوره بيضاء وكان شعارها (سلميه ..سلميه )ولو حد فيهم كان عايز يرمي طوبه على الامن كانوا يمنعوه ويقولوا (متستفزوش الامن )وده لحرصهم على نقاء الثوره لكن للاسف الطرف الاخر مكنش بيقدر ده

-وشباب خايف على بلده بجد لما كان بيحمي المتحف المصري والشباب اللي كانوا في اللجان الشعبيه اللي كانوا بيحموا المواطنين

-وشباب واعي ومثقف وفاهم كويس اوي ولما صمموا انهم يعدوا في الميدان بالرغم من الانتقادات ليهم وان ده هياثر على تعديل الدستور والفراغ الدستوري و..........كانوا فاهيمن كويس هما بيعملوا ايه

 

كلمه لشهداء مصر من قلبك ولاهلهم فى كل مكان ؟؟

 

اتمنى من الله عز وجل ان يكونوا شهداء ونحسبهم كذلك ولا نزكيهم على الله

ودول مصر دفعتهم تمن للحريه والكرامه اللي احنا عيشين فيها النهارده فندعيلهم بالرحمه والمغفره وكتير منهم نحسبهم على خير زي ما اختي (بنوته مسلمه مصريه )ذكرت امثله منهم ومش هنسى واحده من ام هؤلاء الشهداء باذن الله قالت انا مطمنه على ابني وشفته في المنام وهو عريس وكانت بتبكي

 

واقول لاهاليهم >>اولادكم تاج على رؤسنا وهنفضل نشكر فيهم ونكون ممتنين ليهم طول عمرنا لان ربنا جعلهم سبب في حريتنا

وربنا يجمعكم بيهم في الفردوس الاعلى والمفروض فعلا تكونوا ماشيين رافعين رؤوسكم

 

هل تؤيدى باقى مطالب الثوره وخاصه حل امن الدوله ؟؟؟

 

طبعا اؤيدها وخصوصا امن الدوله اللي معرفش ليه وظيفه غير ذل واهانه وتعذيب الناس وان اي حد ملتزم او واحده منتقبه لازم تكون اسمها هناك ...عانينا منه كتيييير جداااا

ولو نقدر نستبدله بجهاز يحافظ على امننا فعلا فاهلا وسهلا بيه بس ميكونش فيه اي حد وخصوا من الرواد والقواد بتوع الجهاز السابق

 

ماذا تأملى للبلد وماذا تريدى من الرئيس القادم وما صفاته بخاطرك ؟؟

 

نفسي بلدي وكل بلد مسلم انها تطبق شرع ربنا

نفسي البطاله والفساد والسرطانات والامراض وتاخر سن الزواج ينقرض من المجتمع

نفسي كل جزء من بلدنا يستغل وكل صحرا وكل ارض يتبني عليها شقق علشان الاجور تقل والشباب يعرف يتجوز ويتعمل عليها اراضي زراعيه ويزيد المحاصيل النضيفه اللي مبتسببش سرطانات ونصدر للعالم ونتخلى عن المعونات الاجنبيه اللي بيذلونا بيها ونساعد بيها البلاد التانيه المسلمه

نفسي الجيش والشباب اللي نزلوا الميدان يروحوا فلسطين ويحرروها ويبيدوا اليهود اللي في فلسطين وفي كل الدول المحتله

نفسي البحث العلمي والعلم يبقى ليه مكانه اكبر في بلدنا

نفسي مصر والبلاد الاسلاميه تبقى احسن دول في الدنيا وتبقى رائده العالم كله

 

واقول للرئيس الجديد >>اتق الله فينا وتذكر قول الرسول صلى الله عليه وسلم (كلكم راع وكلكم مسئول عن رعيته )

 

 

 

اعتذر عن الاطاله بس حبيت اطلع شويه من اللي في قلبي ولسه في حاجات كتييييييير ان شاء الله اقولها مره تانيه :)

وجزاكم الله خيرا على الفكره الرائعه

[بنوته مسلمه مصريه 458]

السلام عليكــم ورحمـة الله وبركاتــة ،،

يعنى زى اتهام وائل غنيم والتشكيك فيه

عن نفسى لاأعرفه غير من لقائته فى التلفزيون

واستغربت اننا بنشكك فى نوايا بعض

زى اتهام البعض للسلفين

وللعلم أن لست تبعا لاى جماعه او حزب

فكلها فرقه وتحزب

يعنى هذا ما أقصده

كل ما أريد قوله أننا ولله الفضل والمنه هدمنا النظام القديم ودمرنا بفضل الله أعوانه

بقا لنا مرحلة البناء والبناء أصعب بكثير من الهدم فنحن نضع البنات الاولى لبناء بلدنا

 

لابد ان يكون هناك وحده وطنيه لان كما نحن المسلمون موجودن ايضا المسيحين موجودين

ولكن كل منا له دينه ..ولكن بما ان المسلمين هم اللاكثر .اذن فدولتنا اسلاميه متحضره بلا شك

اتفق معك فهم إخواننا ونحن ابناء وطن واحد

[صاحبه القلب الطيب 12]

عاااااااااااااجل :::تدور الآن مواجهات ساخنة بين مئات المتظاهرين وجهاز أمن الدولة بالأسكندرية، أسفرت هذه المواجهات عن سقوط 4 مصابين حتى الآن وقتيل . تدور المواجهات داخل مقر الجهاز الذي يحاصره المتظاهرون مطالبين بإلغاءه ومحاكمة ضباطه.

 

وتقوم الآن القوات التابعة لأمن الدولة بالأسكندرية بإطلاق الرصاص الحي على المتظاهرين وقنابل المولوتوف وقنابل مسيلة للدموع، لان ضباط امن الدولة يقومون بحرق ملفات و مستندات و الشباب منعهم من استكمال الحرق

 

ما رأيكم؟؟

تم تعديل 4 مارس, 2011 بواسطة صاحبه القلب الطيب

[بنوته مسلمه مصريه 458]

لا إله إلا الله

طيب ما استنجدوش بالجيش ليه وبلغوا

[دعاء بنت مصر 8]

لابد ان يكون هناك وحده وطنيه لان كما نحن المسلمون موجودن ايضا المسيحين موجودين

ولكن كل منا له دينه ..ولكن بما ان المسلمين هم اللاكثر .اذن فدولتنا اسلاميه متحضره بلا شك

 

طبعا جزاكم الله خيرا

والاسلام لايمنع النصارى او غيرهم بتطبيق احكام دينهم على نفسهم طبعا وممكن يتحاكموا الى الانجيل بتاعهم ويمكن ده اللي بيطالب بيه كتير منهم دلوقتي ولكن ميعرفوش ان الاسلام هو اللي بيكفلهم الحق ده بس لو يطبق

[دعاء بنت مصر 8]

عاااااااااااااجل :::تدور الآن مواجهات ساخنة بين مئات المتظاهرين وجهاز أمن الدولة بالأسكندرية، أسفرت هذه المواجهات عن سقوط 4 مصابين حتى الآن وقتيل . تدور المواجهات داخل مقر الجهاز الذي يحاصره المتظاهرون مطالبين بإلغاءه ومحاكمة ضباطه.

 

وتقوم الآن القوات التابعة لأمن الدولة بالأسكندرية بإطلاق الرصاص الحي على المتظاهرين وقنابل المولوتوف وقنابل مسيلة للدموع، لان ضباط امن الدولة يقومون بحرق ملفات و مستندات و الشباب منعهم من استكمال الحرق

 

ما رأيكم؟؟

 

حسبنا الله ونعم الوكيل

يعني عيزين يحرقوا دليل ادانتهم وده كانت من سلبيات حرق الحزب الوطني انهم حرقوا الاوراق والمستندات اللي بتدينهم بل وصلت ان بعد التنحي سمعنا ان زكريا عزمي كان بيروح كل يوم قصر العروبه وبيفرم اوراق زي دي

 

علشان كده لاااااااااازم الجهاز ده يتنسف من حياتنا فوراااااا

 

وياريت نلاقي رد فعل قوي ويُحترم من دكتور عصام شرف

[~ماريا~ 1340]

لا اله الا الله

 

يعني حتي الان يقومون بالعنف والقتل

 

لا اله الا الله

 

المفروض بقي اول حاجه يعملوها قبل حتي تغييرب الدستور والانتخابات

 

انهم يشيلو الحكومه دي ويحاسبوها والله الواحد كان اهو شويه وبيقول ان فيهم ملهومش زمب بس والله الواحد تعب من التفكير حسبي الله

 

لا ياغاليه لا تخافى ولا تقلقى ..عن نفسى لا اخاف من تلك النقطه لان ما معنى الحريه ؟؟

الحريه ليست فوضى وانما الحريه مسئوليه ..وتلك الحريه النى نطلبها

 

حريه الرأى والتعبير ..الا يكون هناك مسجون رأى لان كل شخص حر فى رأيه

 

اما ان تكون الحريه انحلال فمن يرضا بهذااا !! ولا تنسى اننا دوله مسلمه بالاساس اما اوربا ..........

 

وبالنسبه للمطالبات فالطلبات كثيره ولكن الاصح هو الذى ينفذ ولابد ان يكون هناك وحده وطنيه لان كما نحن المسلمون موجودن ايضا المسيحين موجودين

ولكن كل منا له دينه ..ولكن بما ان المسلمين هم اللاكثر .اذن فدولتنا اسلاميه متحضره بلا شك

 

بوركتى على اهتمامك ..ارجو ان اكون افدتك

 

حبيبتي

 

لو الحريه في التعبير عن الراي فدا مفيش فيه جدال ان كل واحد يقول رايه بمنتهي الحريه دون خناق

 

بس في بلدك الوقتي مش مسلمين ومسيحيين بس

 

انت عتندك اكتر من تيار شيوعي وشيعي وغيره

 

وكل واحد بيطالب بوجوده

 

علشان كدا مش عايزينها تبقي اسلاميه بل عربيه بما تحمله من جميع التيارات بس ربنا يستر

[دعاء بنت مصر 8]

ياجماعه جوجل عامله خدمه (بحث في الوقت الفعلي )يعني ممكن تحطي اي كلمه ويجيب الاحداث الحاليه

 

http://www.google.com.eg/realtime

[*ميمونة* 104]

انا لله وانا اليه راجعون

 

امتى هيخلص البلاء ده

 

اللهم ارحمنا ياربى واهلك الظالمين الطاغين

 

الواحد قلبه بيتقطع على الناس اللى بيروحوا ضحية أفعال الحيوانات دى

[صاحبه القلب الطيب 12]

عاجل::::التليفزيون الإسرائيلي يعتبر تولي شرف لرئاسة الوزراء نكسة

 

تل أبيب أعتبرت أن تولي شرف منصب رئيس الوزراء يعتبر نكسة سياسية قوية لن تصحو منها إسرائيل بسهولة ، خاصة مع بروز المعارضة وتحولها إلى قوة سياسية وتستطيع فرض رأيها السياسي في القاهرة.

 

أشار التليفزيون إلى أن القضية لم تعد موقف شرف أو أي مسئول مصري من إسرائيل ولكن المهم الآن وفي هذه المرحلة هو استبيان موقف شباب الثورة المصرية من إسرائيل خاصة وأن هذه النقطة غامضة للغاية في إسرائيل ولم يعلن الشباب صراحة عن موقفهم من عملية السلام أو مسيرة التسوية سواء بالنسبة لإسرائيل أو حتى أي دولة خارجية أخرى سواء أن كانت إيران أو حتى الدول الأخرى المتواجدة بالمحيط الإقليمي في المنطقة.

[صاحبه القلب الطيب 12]

السلام عليكــم ورحمـة الله وبركاتــة ،،

 

من امس وحتى اليوم ... تحرق كل مقار امن الدوله والمواطنون غاضبون غضب عارم من هذا الجهاز الذى ظلمهم وذلهم

حسبنا الله ونعمه الوكيل فى كل ها الفساد

 

معذره اخواتى ..مشغوله ولى عوده للرد والحديث

والموضوع موضوعكم ..انتظر نقاشكم

 

 

[مروة شتا 1]

السلام عليكم ورحمة الله وبركاته

شكرا غاليتي علي هذا الموضوع....كان نفسي اكتبه من ايام بس انتي دايما سباقة للخير....ربنا يجازيكي كل خييييييييييير

 

هل رحيل مبارك بالنسبه لكى شكل ارتياح ومكسب ؟مع كلمه توجهيها له امام الله والجميع ؟؟

ما رأيك بشباب الثوار بكل مكان من التحرير الى كل مكان بمصر ؟

كلمه لشهداء مصر من قلبك ولاهلهم فى كل مكان ؟؟

هل تؤيدى باقى مطالب الثوره وخاصه حل امن الدوله ؟؟؟

ماذا تأملى للبلد وماذا تريدى من الرئيس القادم وما صفاته بخاطرك ؟؟

 

جـ1 : ياااااااااااااااااااااااااااااااااه الواحد كان حاسس ان هذا اللاحسني كان غمة وانزاحت....حمدا لله...كان كابوس وفقنا منه

كلمة اوجهها له .... حسبنا الله ونعم الوكيل ... انك لم ترعي ربك في هذه الأمة التي حملك الله امانتها منذ 30 عاما .... ضيعت الأمانه ضيعك الله

 

جـ 2: شباب الثورة شباب لا يمكننا وصفهم الا بانهم ان شاء الله فاتحي القدس قريبا ... ورد وفتح في جناين مصر.... ولاد مصر الحقيقيين... وده كان توقعنا من الشعب المصري الأصيل...الفدائي .. الذي صبر طويلا علي الظلم ... ولكن الي متي...؟؟ قد طفح الكيل ولكم الويل ياحكام العرب ياخونة .......

نسأل الله لشباب مصر الثوار وغيرهم وشباب الدول العربية الاسلامية ان يهديهم الله الي الطريق المستقيم ويبين لهم طريق النور والرشاد

 

جـ 3: شهداءنا لن ننساكم ابدا...... وانتم اعماركم مدت ونحن اعمارنا قُصت فلا تنسونا من الدعاء كما لم ننساكم ...

ولكم اسر شهدائنا... ان شهداؤنا منكم قد اختارهم الله من بين كل الملايين الذين احتشدوا في انحاء مصر لينالوا هذا الشرف العظيم..... شرف الشهاده.... ومن منا لا يتمناه

فالله مااعطي ولله ما اخذ .... واعمارهم اطول من اعمار قاتليهم.....نسأل الله لهم الثبات ولنا ولكم النجاة...

 

جـ 4: مطالبنا التي ضحي من اجل ان نكتسبها الالاف واضحة وصريحة ومشروعة بل واصلاحية....ولن نتخلى عن حرف واحد منها ولو كلفنا ذلك اغلي مالدينا..ارواحنا

خاصــــــــــــــــــــــــــــة ذعر الدولة هذا... انه جهاز عدو للانسانية ربيت فيه الوحوش علي شكل بشر وما لهم قلوب بشر بل قلوب حجر.... بل اشد

 

جـ 5: ما نريده من الرئيس القادم ان يكون عادلا ويحكم بما انزل الله وجاء به رسولنا لكريم صلي الله عليه وسلم

وهذه ليست معضله بل هي الحق والحق احق ان يتبع....

ونريد منه ان يتذكر دائما انه قذ نصب رئيسا لهذه الأمة ليكون خادمها ومسئول عنها يوم القيامة امام ملك الملوك الذي لا يغفل ولا ينام ولايخفى عليه شيئ في الأرض ولا في السماء..............

نسأل الله ان يولي علينا من يخافه فينا ويرحمنا........ وان يقتص لنا من الفاسدين الفاسقين الناهبين الذين اقمعوا مصر واهلها وانزلوها لقاع الحضيد...

تحيــــــــــــــــــــــــــــــــــــــــــــــــــــــــــــــــــــــــــــا

تي للمصريات الغاليات

[موده واخاء 417]

لى عودة يا انوج موضوع مهم

[دعاء بنت مصر 8]

قلبي بيتحرررررررررررق بجد

 

حسبي الله ونعم الوكيل

 

احنا كنا مش عايشين بجد

 

فزع الدوله ده فيه بلاااااااااااووووووي

 

انا شفت فيديو لمكتب حبيب العادلي في امن الدوله والله قلبي اتحرق

 

كانوا ناهبين فلوس البلد وخير البلد

 

وكانوا عبيد لشهواتهم وبس

 

يعني ايه لما يلاقوا بدله رقص في جهاز المفروض انه يحافظ على امن المواطن !!!!!!!!!!!!!!!!!!!!!!!!!!!!!!!!!!!!!!!!

 

بجد حسبي الله ونعم الوكيل ربنا ينتقم منهم