♥ஓتجمع للمصرياااات ..للمتابعة والمشاركة فى احداث مصر من الثوره وحتى الان♥ஓ

[صاحبه القلب الطيب 12]

السلام عليكــم ورحمـة الله وبركاتــة ،،

 

بنوته مسلمه

 

عذرا على التأخر فى الرد ولكنى ادخل كلما سنحت الظروف

بالنسبه للاستفتاء انا ايضا محتراه جداا ولم استطع للان اخذ قرار مع نفسى فهناك المؤيد وهناك المعارض وكلا له حجته

 

وبالنسبه لكلمتك

كنت بقول في نفسى لما كان فى مصر ناس زى عصام شرف كده أمال كان مولى علينا الفاسدين ليه

ده زى ما يكونوا كان بينقيهم يا بنتى مين اللى اكثر فساد ويجيبه وزير علشان يبقى من النظام

حسبنا الله ونعم الوكيل

 

بالظبط زى ما قلتى هما كانوا بيبعدوا اى واحد نطيف باشتناء احمد نظيف طبعا :ninja: ويختاروا السئ فالاسوأ حتى ينتشر التعتيم والفساد ولا يعرف الناس مالهم وما عليهم ويسلموا بالامر الواقع ويرضوا به ويقولون مفيش فايده وما الذى سيتغير اذن !! منهم لله نظام فاشل بكل المعايير

ما رأيك حبيبتى أن نكون فريق يقوم بعمل بحث عمن يقوموا بترشيح أنفسهم للرئاسه

وطبعا يكون بكل عدل وانصاف وبدون التحيز لاحد يعنى زى الاعلاميين المحترمين طبعا

ونعرض برنامجهم الانتخابى الذي سيطرحونه

وعلى فكره هذه فكره قرأت فى منتدى اخر

 

فكره جيده جداا ..وكا قالت عباد الرحمن ننتظر حتى موعد الانتخابات الرئاسيه وبرنامج كل مرشح هو الذى سيحدد وجوده من عدمه ..وتتولى كل اخت البحث عن واحد فقط حتى نعمل قائمه بهم ..وربنا يولى الاصلح

ان شاء الله لما يتم اعلان الاسماء المرشحه نأخذ موافقة الادارة ونقوم بذلك ان شاء الله

وان شاء الله يكون قبل رمضان لإن اعتقد ان الانتخابات ستكون بعد رمضان بفتره قصيره

وان شاء الله رمضان نتفرع للدعاء لبلدنا وأن يولى الله علينا من يصلح ولبلاد المسلمين جميعا

 

ان شاء الله ..لابد من الدعاء والعمل

 

بوركتى بنوته

[صاحبه القلب الطيب 12]

السلام عليكم

 

عبد الله الأشعل أستاذ في القانون الدولي في الجامعة الأميركية في القاهرة ومفكر إسلامي وواحد من أبرز الأكاديميين السياسيين ورجال القانون. هو مساعد سابق لوزير خارجية مصر. تولى منصب سفير، وهو من خبراء الإستراتيجية المتعمقين في القضية الفلسطينية والصراع العربي الإسرائيلي.

 

ولد في قرية هربيط التابعة لمركز أبو كبير في محافظة الشرقية. أعلن أنه سيرشح نفسه لخوض انتخابات الرئاسة المصرية 2011.

 

 

منقول يا غاليات

بحثت عنه ووجدته أفضل المرشحين للآن

نسأل الله أن يولي علينا الأصلح . وأن يرزقنا الله خيرًا وحكمًا عدلا

 

 

صراحه لم اسمع عنه الا منكى الان ولم اراه قبل ذلك وننتظر فعلا حتى يكون الامر واقع ويكون هناك مرشحين بالفعل مقيده اسمائهم .. وكل من نسمع عنهم الان صراحه لا اشعر بارتياح تجاه معظمهم

فالمنصب كبيير ومحتاج لانسان كفء بمعنى الكلمه

 

بوركتى على تواجدك ..لا تحرمينا منه

[صاحبه القلب الطيب 12]

متابعة معاكم ياحبيباتى

 

أحب أن أضيف رأيى فى المادة التانية

 

أنا شايفة انها فعلا محتاجة تعديل فتكون (الدين الرسمى للدولة هو الاسلام وأن الاسلام هو المصدر الوحيد للتشريع) وليس المصدر الرئيسى فهذا معناه أن هناك مصادر أخرى فرعية

من يومنا ونحن نسير على هذه المادة لم نشعر فى يوم من الايام بتحكيم دين الله ولا الرجوع اليه فى أى أمر بل الرجوع الى القوانين الوضعية الفاسدة التى تشارك الله فى الوهيته وربوبيته

 

ما رأيكم؟

 

حبيبتى اعتقد انه الان الامر قد حسم فلا احد عدل هذه الماده التى تنص على

 

(الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع).

 

نعم تلك ماده موجوده كما يقولون على الورق ولكن يكفى انها تمثلنا جميعا ..ولا اعلم لما الكل يتحاور عليها فكما اضافوا والغوا من الممكن ان يضيفوا ايضا ماده للاقباط المطالبين بالغاء الماده الثانيه

 

بان يحاكموا هم على حسب دينهم وليس ديننا ... ان كانت تلك معضلتهم انهم يحاكمون بالاسلام وهو ليس دينهم وتحل المشكله ..اما ان تلغى هويه البلد فهذا ما سيثير الفتنه الطائفيه الذى يخشى الجميع منها

وياريت ان عدلت تعدل كما زكرتى

[صاحبه القلب الطيب 12]

 

 

الحبيبه عباد الرحمن

الشرفاء مثل عصام شرف وجودت الملط يستحقوا ان يكونوا فعلا مسؤولين عن مصر

 

الشرفاء كثيرون لكن ابعدهم نظام مبارك الفاسد لكن ان شاء الله يظهروا مره اخرى الان على الساحه

 

قرأت بيان الدعوة السلفية انهم اجتمعوا وقرروا بان الناس توافق على التعديلات وبرضه سمعت الشيخ وحيد عبد السلام امبارح في التلفزيون وقال نوافق على التعديلات لانها لم تتعرض بتعديل او تغيير المادة الثانية

 

فقلت ان شاء الله بالموافقة وان شاء الله نستخير ربنا برضه قبل ما نروح نستفتي

 

بس انا رأيي ان دلوقتي فعلا نوافق على التعديلات لان مصر دلوقتي في مرحلة مينفعش حاليا نعمل دستور جديد لان فيه اطراف كتير هتتدخل فنوافق بالتعديلات دي لغاية لما ييجي ريس جديد ويكون لجنة موثوق فيها ونعمل دستور جديد ومش عارفة رأيي كده صح ولا لأ ربنا يختار لنا الخير

 

الكل محتار مثلك ياغاليه ... الله المستعان

لكن فعلا لابد من تعديل لاختصاصات رئيس الجمهوريه وهو محور الحديث الان لان له اختصاصات وهميه تجعله يظلم بدون رداع كفرعون السابق .ونحن لا نريد فرعون جديد

 

لا تحرمينى تواجدك

[في سبيل الله> 0]

 

اسعدنى ردك جداا جدا اختى ..جزاكى الله خيرا

شرفنى حضورك ..لما تقولى من اى البلاد انتى ؟

عامه كلنا اخوه فى العروبه

 

وفعلا كما زكرتى ان استقر حال مصر سيستقر حال الامه العربيه كلها

فعلا مصر هى قلب الوطن العربى

نسألالله لها السلامه ولكل الدول العربيه الشقيقه وان يفك الله كرب اخواننا فى ليبيا ايضا

وينقذهم من القذافى اللعين

 

</div>

 

السلام عليكم ورحمة الله

أختي صاحبه القلب الطيب،‘

 

أنا من سورية يا حبيبة ،، لطالما أحسست أن هم العرب يجدون مصر هي القائد الذي يطمحون للسير خلفه

ندعو الله أن يعيد لها مكانتها ،، ويجمع كلمة العرب على ما يحب ويرضى.

[بنوته مسلمه مصريه 458]

السلام عليكــم ورحمـة الله وبركاتــة ،،

كيفك أم حبيبه

بان يحاكموا هم على حسب دينهم وليس ديننا

هذا ما يضمنه لهم ديننا وشريعتنا

اختنا الحبيبه في سبيل الله

أنا من سورية يا حبيبة

حبيبتى سوريا ومصر كان بيجمعهم زمان وحده

والوحده هذه لم يفرقها غير الحكام ام الشعوب فمازالوا أخوة

ندعو الله أن يعيد لها مكانتها ،، ويجمع كلمة العرب على ما يحب ويرضى.

آمين آمين

جزاك الله خيرا حبيبتى

[صاحبه القلب الطيب 12]

السلام عليكــم ورحمـة الله وبركاتــة ،،

 

بارك الله فى الاخوات

 

شهر زاد ( جزاكى الله خيرا على التوضيح )

 

عابره سبيل (هلا باهل سوريا ياغاليه وربنا يوحد شمل العرب )

 

بنوته مسلمه (ربنا ييسر احوال مصرنا )

 

[صاحبه القلب الطيب 12]

اهم اخبار مصر

 

 

[*]جاء وفد من ليبيا تابع للقذافى الى مصر يطلبون من الجيش المصرى مساعدتهم فى القضاء على الثوار الليبين .رفض المشير طنطاوى مقابلتهم وقابلهم بعض اعضاء القوات المسلحه ورفضوا طلبهم واعتبرهم القذافى خونه

(هم يضحك وهم يبكى )

 

[*]قرر المعتصمون الاقباط امام ماسبيرو تعليق اعتصامهم الى 25 ماس وهم الان يفضون الاعتصام وينظفون مكانهم كما حدث فى التحرير وسينظروا هل ستنفذ مطالبهم ام لا بالافراج عن من اعتقل منهم والبالغ عددهم 11 تقريبا علما بان الجيش بدأ بالفعل فى اعاده بناء الكنيسه والاحوال مستقره الان فى صول بعد زياره الشيخ محمد حسان وصفوت حجازى وعمرو خالد (بارك الله فيهم )

 

 

[*]تبنت وزراه التربيه والتعليم مشروع لمحو الاميه ل17 مليون مواطن مصرى خلال 5 سنوات ومن ثم توفير فرص عمل لهم بقياده صناع الحياه والاستاذ عمرو خالد (كانت فكرتهمن سنوات ولكنها رفضت فى عهد مبارك]

 

[*]رفض مبارك ان يأخذ المعاش المخصص له من قبل الحكومه (الفين جنيه ) والافراج عن طارق وعبود الزمر مدبرى حادثه اغتيال السادات

[*ميمونة* 104]

يافرحتى القذافى عايز الجيش المصرى يساعده فى القضاء على الثوار حاجه تضحك بجد ربنا يهلكه وينصر الشعب المظلوم

 

انا سعيدة بخروج عبود وطارق الزمر فلقد قضوا ثلاثون عاما فى السجن

وآه حكاية المسيحين دول هما برضوامش المعتقلين دول اتسببوا فى قتل الابرياء ولا آه؟

تم تعديل 13 مارس, 2011 بواسطة ميمونة ح

[بنوته مسلمه مصريه 458]

السلام عليكــم ورحمـة الله وبركاتــة ،،

كيفكن يا بنوتات

]جاء وفد من ليبيا تابع للقذافى الى مصر يطلبون من الجيش المصرى مساعدتهم فى القضاء على الثوار الليبين .رفض المشير طنطاوى مقابلتهم وقابلهم بعض اعضاء القوات المسلحه ورفضوا طلبهم واعتبرهم القذافى خونه

(هم يضحك وهم يبكى )

عندك حق هم يبكى وهم يضحك

بس بجد خايفه على اخوانا فى ليبا وخصوصا بعد تراجع بعض الثوار راس لانوف كما سمعت

يا ريت لو اخت لنا من ليبا تحكيلنا ايه الوضع

ربنا ينتقم من هذا المجرم ويأخذه أخذ عزيز مقتدر

قرر المعتصمون الاقباط امام ماسبيرو تعليق اعتصامهم الى 25 ماس وهم الان يفضون الاعتصام وينظفون مكانهم كما حدث فى التحرير وسينظروا هل ستنفذ مطالبهم ام لا بالافراج عن من اعتقل منهم

قصدهم على مين بقى ان شاء الله

قصدهم على من قام بالترويع والبلطجه

ايه الميزان بمكيالين ده

طالبوا بخروج احد المتهمين في قضية تزوير واتحكم عليه امام محاكم مدنيه وافرجولهم عنه وطالبوا بمحاكمة المتسببين فى هدم اكنيسه واحنا طالبنا بكده بمحاكمة كل من تسبب مسلم كان او مسيحى

لكن تيجوا تقولوا يتفرج عن البلطجيه مش مفهوم بجد

تبنت وزراه التربيه والتعليم مشروع لمحو الاميه ل17 مليون مواطن مصرى خلال 5 سنوات ومن ثم توفير فرص عمل لهم

ربنا يقويهم يا رب ويصلح ما بين إيديهم اللهم امين

رفض مبارك ان يأخذ المعاش المخصص له من قبل الحكومه (الفين جنيه )

 

هو اللى قدم استقالته وخرج بمصايب وبلاوى بياخد معاش

[دعاء بنت مصر 8]

اعتذر عن عدم المتابعه في الفتره اللي فاتت واسالكم الدعاء

 

بالنسبه للتعديلات الدستوريه >>فالصراحه كانت في حاجات كتير كنت ومازلت مش فهماها وان شاء الله ناويه افهم اكتر واشوف وجهات النظر المختلفه سواء المؤيده او المعارضه للتعديلات حتى اقرر ماذا سافعل باذن الله

 

بالنسبه للمرشحين لرئاسه الجمهوريه >>فانا عن نفسي لا احبذ خالص محمد البرادعي او عمرو موسي

هشام البسطويسي اسمع عنه انه كويس بس الصراحه معرفش كتير عنه

خيرت الشاطر لو اترشح ان شاء الله ممكن انتخبه

سمعت ان عمرو خالد قال انه هيترشح بس ليس وقته الان مش عرفه الصراحه ايه صحه الخبر ده بس لو اترشح برضه هنتخبه لانه عايز يصلح في البلد بجد وان كنا نختلف معه في نقاط لكن كفايه انه هيكون الغالب شرع الله ان شاء الله

 

 

بالنسبه لاحداث اطفيح >>فاكيد اللي بيحصل ده من امن الدوله والنظام السابق وحسبي الله ونعم الوكيل فيهم بجد يعني بن علي لما ساب الحكم سافر ومسمعناش عنه ولا عن حزبه تاني لكن احنا عندنا لازم يعكروا فرحتنا بالثوره ربنا ينتقم منهم

[صاحبه القلب الطيب 12]

:rolleyes: :blush:

[صاحبه القلب الطيب 12]

السلام عليكــم ورحمـة الله وبركاتــة ،،

 

 

كيف اخباركم يامصريات ؟؟

 

هل نسيتم الموضوع ...عذرا على فتره الغياب الماضيه ولكن الحمد لله عدنا والعود احمدااا

 

وانتظر مشاركتكم فاحداث مصر لا تنتهى ابداااا

 

 

[صاحبه القلب الطيب 12]

ما رأيكم فى ما حدث امس فى ستاد القاهره فى مباراه الزمالك المصرى \ الافريقى التونسى ؟؟؟

 

لا يهم ان كنا نحب الكوره او نبغضها ولكن القصه تشويه لصوره مصر امام العالم وبث روح الفرقه بين مصر وتونس

 

من عناصر من البلطجيه وفئات الثوره المضاده المحرضين من عناصر النظام القديم لزعزعه الامن

 

هكذا اراها لان مستحيل ان يكون الشعب المصرى بخلقه الراقى فى الثوره هو من ينزل لارض الملعب ويضرب اللاعبين والحكام بالسنج والعصى ...فمن نظفوا الشوراع بعد ثورتهم لا يفعلون هذا ابدااا

 

وبصفه خاصه اعتذر لكل الاشقاء بتونس الحبيبه فنحن نقدركم جدااا وانتم من اعطيتم المصرييين شرر البدء بالثوره

 

هل توافقنى ام تحتلفون معى ؟؟؟؟

[بنوته مسلمه مصريه 458]

السلام عليكــم ورحمـة الله وبركاتــة ،،

كيفك ام حبيبه

وحشانا كتير يا غالية

موضوع امبارح ده بجد يعصب جدا

دمى كان محروق بسبب الي حصل

اكيد السبب هم فلول الحزب الوطنى تشويه صورة المصريين منهم لله

وبنقدم اعتذارنا لكل التونسه وربنا يعلم احنا بنحب تونس واهلها اد ايه

واكيد انتم عارفين ان دول من الثورة المضاده وفيه فيديو على واحد بيترحم على ايام حسنى مبارك وبيشتم في الثورة والثوار

راى يلغوا الكورة دلوقتى خالص لحد ما نطور بلدنا في التعليم والاقتصاد وكل شيء

لتونس احنا بجد اسفين على اللى حصل

[صاحبه القلب الطيب 12]

كيفك ام حبيبه

وحشانا كتير يا غالية

 

الحمد لله يابنوته انتى وحشانى اكتر فرحت بشوفت اسمك كتير ..ليه ما اشتركتى بدوره الطبخ انتظرك

وضوع امبارح ده بجد يعصب جدا

دمى كان محروق بسبب الي حصل

اكيد السبب هم فلول الحزب الوطنى تشويه صورة المصريين منهم لله

وبنقدم اعتذارنا لكل التونسه وربنا يعلم احنا بنحب تونس واهلها اد ايه

 

كل الناس اتعصبت جدا جدا بسبب الموضوع ده ..هما خلصوا من الفتنه الطائفيه دخلوا على الرياضه لما نشوف اخرتها

واكيد انتم عارفين ان دول من الثورة المضاده وفيه فيديو على واحد بيترحم على ايام حسنى مبارك وبيشتم في الثورة والثوار

 

ماهو ده هدفهم وليه ان شاء الله ياترا فى عصر مبارك ما كان هناك ابشع من ذلك واخرها تفجير الكنيسه ...يمكن الثوره ديه الحاجه الوحيده اللى صح اللى حصلت فى البلد ديه مع ان ثمارها لسه بدرى عليها بس ان شاء الله ولادنا يشوفها ...يلا احنا مش مهم هههه

 

راى يلغوا الكورة دلوقتى خالص لحد ما نطور بلدنا في التعليم والاقتصاد وكل شيء

 

فعلا مفيش ليها اى لازمه الكوره دلوقت ولو مصممين يبقا متشات بلا جمهور يكون افضل وفعلا سمعت رئيس الوزراء من شويه بيقول كده ان الدورى هيتلغى وكان مستاء وحزين جداا

 

لتونس احنا بجد اسفين على اللى حصل

 

بالطبع نكرر اسفنا لكل اخواننا التوناسه

 

 

[صاحبه القلب الطيب 12]

خبر قرأته منذ قليل

 

ان مبارك غادر شرم الشيخ وذهب الى المانيا (يعنى لا يوجد اقامه جبريه ولا شئ )

 

وعندى سؤال اوجه لكل المصريين كان موضوع حلقه رأيتها الاسبوع الماضى وتباينت الاراء

 

هل انتى مع محاكمه مبارك ام عفا الله عما سلف ؟؟؟

 

ثانيا مارأيك بان مبارك هو من دبر حادث اغتيال السادات وان الرصاصه التة وجدت فى عنق السادات كانت موجهه من مبارك ؟؟؟؟

 

اسئله بحاجه للرد

[حبيبة87 3]

السلام عليكم ورحمة الله وبركاته،،

 

مجرد تسجيل دخول حتى اقرا جميع المشاركات ثم اعود واشارك

 

ماشاء الله 6 صفحات هو الموضوع بدأامتى؟؟؟؟؟

[صاحبه القلب الطيب 12]

لا عليكى ياحبيبه

 

الموضوع بدء من زمان من اكثر من شهر ولكنى غبت فتره وتستطيعى ان تتابعى معنا من المشاركه 114

 

وساكون سعيده جدا بالتواصل معكى ومع كل الاخوات

[بنوته مسلمه مصريه 458]

السلام عليكــم ورحمـة الله وبركاتــة ،،

ان مبارك غادر شرم الشيخ وذهب الى المانيا (يعنى لا يوجد اقامه جبريه ولا شئ )

تم نفى هذا الخبر منذ قليل

مع انى اعتقد البطء في محاكمته سيثير كثير من الشائعات وممكن فعلا يتمكن من الهرب

هل انتى مع محاكمه مبارك ام عفا الله عما سلف ؟؟؟

أنا مع محاكمته والقصاص منه

وبعدين عفو ازاى والراجل حتى مكلفش خطره واعتذر ولا قال هرجعلكوا فلوسكو

ازى يعنى نقول كده سبحان الله

ثانيا مارأيك بان مبارك هو من دبر حادث اغتيال السادات وان الرصاصه التة وجدت فى عنق السادات كانت موجهه من مبارك ؟؟؟؟

مش عارفه الله أعلم

بس ده لو حقيقى ايه اللى سكتهم ده كله ومبلغوش ليه اول لما السادات مات وكان لسه مبارك ماوش النفوذ ده

وبعدين يعنى كل اللى في المنصة شوفوه وسابوه عادى كده وكمان محدش اتكلم خالص وكان لسه يعنى معندوش كل النفوذ اللى شبابنا بفضل الله هدوا في 18 يوم

[صاحبه القلب الطيب 12]

تم نفى هذا الخبر منذ قليل

مع انى اعتقد البطء في محاكمته سيثير كثير من الشائعات وممكن فعلا يتمكن من الهرب

 

طيب كويس بس احنا كلنا حاسين انه عايش فى احلى مكان بمصر مكافأه ليه على كل اللى عمله يعنى فى منتجع شرم

أنا مع محاكمته والقصاص منه

وبعدين عفو ازاى والراجل حتى مكلفش خطره واعتذر ولا قال هرجعلكوا فلوسكو

ازى يعنى نقول كده سبحان الله

 

وانا ايضا مع محاكمته محاكمه عادله ومع استراد كل اموال المصريين مليم مليم .....هو واسرته فرد فرد

تلك العائله خربت البلد ومازالت تخرب منهم للذى لا يغفل ولا ينام

 

سمعت اتصال من سيده تقول ان مبارك لابد ان يحاكم وهذا لسبب يبدو بسيط للقارئ

وهو اننا طوال السنوات الاخيره نرى اعلانات اتبرع لو بجنيه لصالح مستشفى سرطان الاطفال حتى تبنا تلك المستشفى ..هل مبارك عن غافل ولم يعرف ان هناك مستشفا تبنا وهو يسرق المليارات هو وعصابته ..لما لم يتبرع ولو بمليون مما عنده ....!!!!!!!!!!!!! حسبى الله ونعمه الوكيل

 

قرئت ايضا انه كان لديه كلب يسمى البرنس كان يعامله افضل من شعبه كان يأكل يوميا كليو لحمه و10 دجاجات ومربى و10 اكواب زبادى فى حين اى فرد بالشعب لا يجد رغيف العيش

وعندما مات الكلب حزنت الاسره المبجله وعملت له جنازه فاخره

 

[صاحبه القلب الطيب 12]

بالنسبه لموضوع اغتيال السادات يمكن قبل تنحى مبارك والثوره ما كنت اصدق لكن بعد ما تكشفت الحقائق اصدق ان مبارك هذا يفعل اى شئ وخاصه انه كان نائبه وكان ينوى السادات اقالته صباح يوم الاغتيال والمستفيد من موته هو مبارك ..لا اقول ان مبارك من دبر ولكنه ساعد والله اعلم (هذا احساسى وظنى وان بعض الظن اثم )

 

بالنسبه لما حدث باستاد القاهره سمعت كابتن الفريق يقول شئ خطير لمن يقول انه جمهور عادى الذى نزل لارض الملعب قال انه كانت هناك صقلات تسمح بنزول الجمهور لارض الملعب عمرها ما كانت موجوده قبل كده وان جماهير الدرجه التالته التى هى اقل فئه كانوا مستغربين ومستائين مما يرون وكانوا هؤلاء من الصباح اتين بسكاكين وعندما نزلوا للملعب دعوا باقى الجماهير للنزول ...وهذا اكبر دليل على انها ثوره مضاده

[مصريه30 1]

السلام عليكم ورحمه الله وبركاته

بصراحه احسن كلام فى موضوع الثوره هو كلام الشيخ الشعراوى عن الثائر الحق

[صاحبه القلب الطيب 12]

تسلمين اختى المصريه وفعلا كما قال شيخنا الجليل قبلها بسنوات

 

الثائر الحق هو من يثور ليهدم الفساد ثم يهدأ ليبنى الامجاد :icon15:

وكأنه كان يعلم انه سيأتى ها اليوم ..رحمه الله ياشيخنا رحمه واسعه

[صاحبه القلب الطيب 12]

السلام عليكــم ورحمـة الله وبركاتــة ،،

 

المنظر كان رررائع اليوم بميدان التحرير وعادت روح الثوره من جديد فى مليونيه راائعه تطال بمحاكمه مبارك والقصاص منه فى محاكمه شعبيه عادله يحضرها كافه طوائف الشعب المصرى

 

ما اجمل هذا الشعب ؟الذى ذاق العذاب الوان طيله 30 عام وكان الصمت هو مبدأه والان كسر الاغلال وتكلم وقال نريد اعدام السفاح ؟؟؟

 

نعم اضم صوتى لصوت ملايين ميدان التحرير ...نريد محاكمته واسترداد اموال البلد حتى يكون عبره هو وامثاله

وتلك ليست شماته او نكران ولكنه حق شعب باكمله