♥ஓتجمع للمصرياااات ..للمتابعة والمشاركة فى احداث مصر من الثوره وحتى الان♥ஓ

[~ماريا~ 1340]

لعبه حلوه ولعبوها صح

عرفو يلعبوها والله

ويبقي الحال علي ما هو عليه

لا حول ولا قوه الا بالله

مش مبارك بيتحاكم

بس والله كل حاجه ماشيه زي ما هو عايز وكانه يمسك بزمام الامور كلها

الله المستعان

[صاحبه القلب الطيب 12]

ياجماعه

معلش اى نعم الوضع صعب بس بلاش يأس

 

ليه منبصش من ناحيه ايجابيه ان الشعب المصرى اصبح يرفض الذل والهوان

وما عاد يسكت عن حقه

ولابد للعالم ان يعرف ذلك

 

وفعلا تعجبنا لك يااوباما .هل مبانى اسرائيل اهم من اشخاص ابرياء قتلوا بلا ذنب ؟؟

 

 

نعمن اسرائيل ستستغل الفرصه من باكر افضل استغلال

وقد بدأت بانها هى راعيه السلام حيث طوقت السفاره المصريه هناك بافراد لحمايتها ونحن هنا نقتحمها

طبعا بيفهموا اووى فى السلام والدليل اطفال غزة ؟؟؟

 

 

اشعر بداخلى بشعور ربما بعيد المدى انه سيأتى يوم وتختفى كلمة اسرائيل من الوجود

 

ربما يحتفل بهذا اليوم اولادنا او اولاد اولادنا

 

ولكن دوله الظلم لها نهاية اكيد

 

 

..لا تنسوا غدا محاكمه مبارك بعد كل ااحداث تلك ؟؟

 

ترا ماذا تتوقعون من شهاده المشير ؟؟

[حفصة أحمد 40]

لا حول ولا قوة إلا بالله

من امبارح للنهاردة احساسي اتغير 180 درجة تجاه اللى حصل

امبارح فرحة لما نزلوا العلم الصهيوني وحرقوه ، وفجأة جدار بيهدموه

وفجأة هدموه !! وفجأة دخلوا ورموا الاوراق اللى داخل المبنى !! وفجأة السفير مشي على بلده هو واهله في طيارة خاصة !! وفجأة الصهاينة يطلبوا من امريكا انها تحمى رعاياها في مصر !! وفجأة الصهيوني نتنياهو يخرج يقول احنا عايزين المعاهدة تفضل زي ماهي !!

برود في رد فعله غريب عجيب ، والجيش ساكت سكوت يخوّف ، وفي ناس بدأت تقول الثورة هي اللى عملت كدا

حاسة اني مش فاهمة حاجة غير حاجة واحدة بس ، ان بجد في مؤامرة بتتدبر لبلدنا ومؤكد طبعا الامريكان واليهود طرف فيها لكن اللى مش متأكده منه فعلا تورط طنطاوي معاهم ، مش حسن ظن فيه لا دا تربية النظام السابق قلبا وقالبا بس مش هو دا الوقت اللى نقلب فيه على الجيش كمان .

لا حول ولا قوة إلا بالله يارب سلم سلم يارب احفظ بلدنا يارب

ياسلام لو جت من الجيش نفسه ناس شريفة بجد ناس بتحب البلد بجد مش بتحب الاشخاص مش بتحب مبارك ، ويقوموا بثورة على رؤوس الجيش نفسه وبدل طنطاوى واللى شكله يبقى في ناس مصريين فعلا .

 

احنا مش ادامنا حاجة نعملها غير اننا نمسك ونتمسك اوى بدين ربنا خاصة الايام دى ، وندعي ربنا يولى امورنا خيارنا من يحكموا فينا بشرعه ، احنا بردو لسة مش متأكدين الجيش متورط ولا لأ ؟

ويمكن دي حركة معمولة بردو عشان نشك في الجيش وتبقى البلد سايبة وخلاص كدا خلصت ، امريكا تدخل حماية دولية لامن المنطقة

يارب سلم سلم يارب سلم سلم

[صاحبه القلب الطيب 12]

اشاطرك حزنك ياحفصة

 

وفي ناس بدأت تقول الثورة هي اللى عملت كدا

 

لا ياحبيبتى الثورة هى الحاجه الوحيده اللى صح اللى حصلت فى البلد

وكل ديه محاولاتن لاجهاض الثورة

ولكنها ثورة عفيه

لن تجهض ولو عملوا كل ما عنددددددددددددددهم

[صاحبه القلب الطيب 12]

 

 

 

 

 

وتلك البدايه

الان جائت بوادر ردود الافعال الاسرائيلية علي ما فعلة المصريين في السفارة الاسرائيلية

 

ففي هذة اللحظة تواجد اول اسرائيلي امام السفارة المصرية في اسرائيل يرفع عدة لافتات تنادي يقمع السلام مع مصر كما هو مبين في الصورة التي يكتب فيها "لا للسلام معكم لا لسيناء " وظل يهتف بعبارات شديدة اللهجة ضد مصر والمصريين والسلطات المصرية وقد استشعرت اسرائيل بوجود هذا الخطر فامرت بتامين السفارة وزيادة الحراسة عليها وذلك خوفا من اندلاع اي من اعمال العنف ضد السفارة والسفير المصري المتواجد بتل ابيب كرد فعل لما فعلة المصريين في السفارة

 

[* أحلى منتدى * 10]

قلوبنا معكم والله ..

 

لن نطمئن حتى تطمئنوا ..

 

مودتي لكم ..

[حفصة أحمد 40]

بالظبط هو دا اللى اقصده انه في ناس ليهم مصلحة انا الناس تبدأ تقول الثورة هى السبب فهمتى قصدى ؟

والناس دول معروفين بيروحوا يتظاهروا يوم محاكمة المخلوع !!

حسبي الله ونعم الوكيل في كل واحد يفكر مجرد تفكير او يحاول ينفذ انه يخرب بلدنا الله ينتقم منه دنيا وآخرة

[~ماريا~ 1340]

علي فكره يا انجي

والله الواحد ما خايف من الحرب خالص

ولله الحمد عارفين جنودنا عاملين ازاي

المشكله في رؤوس الفساد الي في البلد الي عايزين يعملوها حرب اهليه

[~ماريا~ 1340]

هي محاكمته بكرا ولا ايه؟؟

لو بكرا يعني هيبقي فيه حرب بكرا

اكيد اتباعه هيروحو يعملو اعمالهم هناك

زي يوم المحاكمه الي منعو فيها التصوير

كان فيه حرايق برا بين اتباع مبارك والثوره

[حفصة أحمد 40]

خوف ..خوف ايه ومن مين ؟

من اليهود اللى ربنا عرفنا انهم جبنا

واحنا عارفين نفسنا مش غرور ولا تكبر بس احنا ناقصنا حاجة ياماريا مش الجنود ، الجنود والشعب كله موجود لكن في الاهم

ان تنصروا الله ؟؟ كملى

محتاجين الاولى عشان تيجي التانية

انا مش عارفة الناس اللى بتعادي كل ماهو اسلامى اول ما البلد تقع في مشكلة يقولوا هاتوا العلماء والمشايخ تطلع تهدى الناس

سبحان الله

انهاردة كدا وبكرة كدا ؟؟ لا اله الا الله

يارب سلم سلم يارب سلم سلم

 

وبالنسبة للى قولتيه اختى صاحبة القلب الطيب ، رد النتنباهو نفسه غريب اوى

اول مرة يطلع كدا يتكلم بلهجة واحد ضعيف او موقفه صعب

مش قادرة احدد بالظبط لكنه غريب

ياجماعة موقف اليهود ف الوقت الحالى بالتحديد صعب جدا عندهم لاسباب كتيرة منها اليهود نفسهم اللى عملوا مظاهرات على حكومتهم

وكمان موضوع الهجرة العكسية من اسرائيل للبلاد الاجنبية

وكمان موقف تركيا واردوغان منهم وكلامه عن قطع علاقات

والاهم ان ماماتهم امريكا نفسها واقعة ف ازمة بسبب الديون

كللل دة يخلينا باذن الله متفائلين

بس الخوف بس والله على بلدنا ف الوقت دا

احنا لايهمنا اليهود ولا اعوانهم بس احنا نتوحد بس الله المستعان

[صاحبه القلب الطيب 12]

احلى منتدى

قلوبنا معكم والله ..

 

لن نطمئن حتى تطمئنوا ..

 

مودتي لكم ..

 

ولكى كامل حبنال واحترامنا يااحلى *احلى منتدى *

كنت اظنكى مصريه ؟من اين انت ياغالية ؟؟

 

واطمئنى علينا ياحبيبه فنحن لن نهزم فنحن شعب لا يقهر ابداااااااااااااااااا

 

بالظبط هو دا اللى اقصده انه في ناس ليهم مصلحة انا الناس تبدأ تقول الثورة هى السبب فهمتى قصدى ؟

والناس دول معروفين بيروحوا يتظاهروا يوم محاكمة المخلوع !!

حسبي الله ونعم الوكيل في كل واحد يفكر مجرد تفكير او يحاول ينفذ انه يخرب بلدنا الله ينتقم منه دنيا وآخرة

 

بالطبع ياحفصه فهمت قصدمك وفاهماكى

 

وطبعا دوول الفلول وبتوع الحزب الوطنى وانصار الطاغية المخلوع الظالم االلامبارك

 

وكل البلطجيه مدفوع لهم كويس عشان يعملوا كده

لكن ربنا كبير اوى .واكبر منهم جميعا

[ღشـــهـــرزادღ 19]

طيب كلاكيت ثاني مرة

 

لن تجهض ولو عملوا كل ما عنددددددددددددددهم

 

أرجو أن ننزل لأرض الواقع من جديد

ونفتح أعيننا جيدا لنرى الحقائق

الأمور صارت كضوء ساطع من شدته قد يعمي من يدقق فيه

قلناها ورددنا كثيرا اقرءوا أحداث انقلاب يوليو

افهموا عقلية من يحكم.. افهموا من هو طنطاوي

افهموا من هو عدو الإسلاميين

من لا يريد للإسلام أن يطبق في هذه البلد..

هل تدركون جيدا ما في البيان الوزراي اليوم البيان الذي ينقصه فقط: وقد قررنا أن نمسك الحكم للحفاظ على البلاد!

قانون الطوارىء كارثة

دفاع الأمن عن نفسه كلام حق يراد به باطل

الناس كرهت الثورة الناس تقول كفى خرابا للبلاد

ومرحبا بحكم الجيش والعسكر

من سيفتح فمه ليطالب سيكون أمامه ملايين يقولون اخرس يا مخرب!

الوضع صعب بل من أصعب ما يكون

الثورة سرقت منذ زمن ما تبقى هو مجرد آثار يمكن محوها بسهولة..

 

ياسلام لو جت من الجيش نفسه ناس شريفة بجد ناس بتحب البلد بجد مش بتحب الاشخاص مش بتحب مبارك ، ويقوموا بثورة على رؤوس الجيش نفسه وبدل طنطاوى واللى شكله يبقى في ناس مصريين فعل

 

أرجو ألا يحدث هذا انشقاق في الجيش يعني خراب أكثر للبلاد

هل هناك من يتذكر الرائد أحمد شومان؟

أمر صعب!

 

قلوبنا معكم والله ..

 

لن نطمئن حتى تطمئنوا ..

 

مودتي لكم ..

أحبكِ في الله!

 

[صاحبه القلب الطيب 12]

ماريا

 

الغااااااااااااااااااااااليه اوى

علي فكره يا انجي

والله الواحد ما خايف من الحرب خالص

ولله الحمد عارفين جنودنا عاملين ازاي

المشكله في رؤوس الفساد الي في البلد الي عايزين يعملوها حرب اهليه

 

احنا فعلا مش متوقعين حرب ؟

حرب ايه بس

اسرائيل على كذا جبهه ومتقدرش تدخل حرب تانى دلوقتى

وخاصه مع مصر اللى لقتنها علقه تمام فى 73

هي محاكمته بكرا ولا ايه؟؟

لو بكرا يعني هيبقي فيه حرب بكرا

اكيد اتباعه هيروحو يعملو اعمالهم هناك

زي يوم المحاكمه الي منعو فيها التصوير

كان فيه حرايق برا بين اتباع مبارك والثوره

 

اه ياستى بكرة وطول الاسبوع

شكلك مش متابعه الاخبار

 

تابعى يابنتى بس بلاش القناه الاولى هههههه

 

واكيد اتباعه دوول اللى هما اسفين ياريس

ربنا معاهم ويهديهم

 

نفسى اعرف اسفين على ايه ؟.

 

 

وبكرة شهاده المشير وبعده سامى عنان وبعده عمر سليمان وبعده منصور العيسوى وسوزان لا مبارك

 

احبك ياجميله

[ღشـــهـــرزادღ 19]

واطمئنى علينا ياحبيبه فنحن لن نهزم فنحن شعب لا يقهر ابداااااااااااااااااا

 

جملة فيها نظر يا حبيبة! ولكن ليس محل تفصيل فيها..

[صاحبه القلب الطيب 12]

الثورة سرقت منذ زمن ما تبقى هو مجرد آثار يمكن محوها بسهولة..

 

شهر زاد

 

بالله عليكى لا تقولى ذلك حتى لو كان حقيقه

لا الثورة مستمرة حقا مستمرة فى قلوبنا وعقولنا

 

نعم رفض الشعب الظلم والقهر وكلنا رفضناه

 

لا احد ينكر ان المصريين تحرورا وما عادوا يخافوا احد الا الله ؟

هل كان بزمن مبارك يمكن ان يحدث ربع ذلك ؟؟

 

افهموا عقلية من يحكم.. افهموا من هو طنطاوي

 

الله المستعان

دوما لا اسبشر به

وخائفه منه غدا جدا لان شهادته الفيصل

ربنا يستر

[ملاذ الفرح 292]

حتى لو حصلت أحداث سيئة في مصر أسوء من هكذا لكن الفرج قادم بإذن الله

ما دامت مصر فيها مسلمين، فيها ملتزمين وحتى ولو المسلمين اللي مش ملتزمين لكن اسمهم مسلمين

والله ينصر المسلمين لكن الابتلاء والتمحيص

فيا أخواتي أحسنوا الظن بالله وادعوه

وكل أمر هو خير حتى لو كان في نظرنا سوء

الحمد لله على كل حال

وفقكم الله

[حفصة أحمد 40]

ياسلام لو جت من الجيش نفسه ناس شريفة بجد ناس بتحب البلد بجد مش بتحب الاشخاص مش بتحب مبارك ، ويقوموا بثورة على رؤوس الجيش نفسه وبدل طنطاوى واللى شكله يبقى في ناس مصريين فعلا

 

 

أرجو ألا يحدث هذا انشقاق في الجيش يعني خراب أكثر للبلاد

هل هناك من يتذكر الرائد أحمد شومان؟

أمر صعب!

لا انا معرفش اللى اتكلمتى عليه ، انا بس بقول يبقى بدل طنطاوى دا حد نضيف

لكن كلامك صح عشان هندخل بردو ف دوامة مين النضيف بما ان الكل بئى مشكوك فيه ولا حول ولا وقوة الا بالله

دا نظام فضل تلاتين سنة مش معقول ملوش اتباع واتباع كتييير كمان

بالنسبة للى بيقولوا اسفين ، بيقولوا اسفين عشان الناس التانية "الشعب الثاير" الوحشين دول بيحاكموه مع انه عمل للبلد كتير

نفسي اعرف ايه الكتير دا

[ღشـــهـــرزادღ 19]

رأي أستاذي الفاضل حازم صلاح أبو إسماعيل في الأحداث وأرجو من الجميع التأمل فيه

 

من الواضح جدا أن البلد "ببتتهندس" لكي يحصل فيها مشكلات ومصايب.

 

هذا امر بيت بليل و كل اللي بيجري قدامك دلوقتي كل ده تمثيليات و أحداث مخططة سلفا علي نحو تمثيلي لتحدث افسادا في المجتمع

 

أقول للناس إستعدوا لأن المسألة شكلها مش هتمشي بسهولة. وانا مش هورث لأبنائي شعور أن الناس اللي كانوا عايشين اضحك عليهم بسهولة

 

هو النهاردة مش اسرائيل قتلت ناس في الحدود ولو كان عندهم نية لعدم اثارة الأمور مكانوش عدلوا العلم دلوقتي مرة تانية. كانوا أخروه . كانوا معملوش السور دلوقتي لكن فيه مقصد علشان يتقال الناحية الدولية لكن صدقوني اسرائيل لم تتخذ قرارها بالتهدئة مع مصر غير بس علشان هي لاقيت الناس برة سيطرة الحكم أما لما لاقيت الناس نسبة معينة بقوا تحت السيطرة بقوا يرجعوا تاني يحاولوا يسيطروا علينا علشان الناس متحكمش نفسها والسلطة لا تذهب للشعب

 

هذا السور تم بناءه لكي يهدم و إرجاع العلم الإسرائيلي سريعا تم لكي ينزع مرة أخرى. يجب أن نفهم

 

احنا لما بننزل بتلاقي ناس بتبوظ الصورة في مكان النزول و لهذا لازم يسبق النزول تربيطات واتفاقات يعني مثلا التيار الاسلامي و 6 ابريل و ائتلاف شباب الثورة و غيرهم كل دول يتكلموا مع بعض ويعملوا نظام للنزول

 

وجد أحد خيارين: إما أن نطلب من المجلس العسكري البقاء وإما أن نطلب منه أن ينصرف المجلس. إحنا مش عاوزين الأولي خالص إحنا كل اللي عاوزينه إنه يمشي علشان الشعب يحكم نفسه بنفسه

[~ماريا~ 1340]

{ان تنصرو الله ينصركم}

 

انجي انا مش بتابع الاولي اصلا ولا القنوات المصريه خالص

 

والله يا بنتي شفتلهم فيديو

الست بتتكلم عليه بطريقه غريبه بقيت مستغربالها والله

قلت عملها ايه دي شوفي لبسك ولا شكلك لا يدل علي انك تعيشي عيشه مستوره حتي

ولا الكويت الي باعته محاميين من عندها يدافعو عنه

وحاجات ما يعلمبها الا ربنا

[حفصة أحمد 40]

كلام الشيخ فهمينه كويس ان دا مخخط لكن سؤال مهم

لو المجلس اللى احنا خلاص مش حبينه ولا موافقين على موقفه مع اليهود مشي ، وبالمناسبة اكيد احنا مع الجيش لكن مش مع قياداته

عايزة اقول هنفرض ان المجلس مشي طيب مين اللى يمسك البلد ف الظروف الصعبة دى ؟؟

يعنى مين مش عارفة البلطجية اللى عمالين يزيدوا ؟

ولا مين بالظبط ؟ الشعب نفسه طيب واذاى ؟؟

لا حول وقوة الا بالله

[صاحبه القلب الطيب 12]

ملوذة

 

سعيده بمشاركتك جداا ..وربنا يصلح حال الامة العربيه من العراق الى مصر

 

حفصة

بالنسبة للى بيقولوا اسفين ، بيقولوا اسفين عشان الناس التانية "الشعب الثاير" الوحشين دول بيحاكموه مع انه عمل للبلد كتير

نفسي اعرف ايه الكتير دا

 

اه والله ياحفصه ناس لا اعرف اين عقولهم !!

 

اليكى كلمات كنت كتبتها من ايام عن تلك الاخوة

اخت فاضله على الجزيرة مباشر بتناصر الريس جداا وبتقول حتى لو ادا امر بقتل المتظاهرين احنا معاه (لان اللى مات ده مش شهيد ده معتدى ولازم يتواجه ؟؟؟؟؟")

 

 

 

ماشى احنا فى بلد فيها ديمقراطيه وكل حاجه .ونتقبل الرأى والرأى الاخر

 

 

لكن معقول الناس مغيبه للدرجه دى انصاره بتوع ايه ؟عاملكوا ايه !!!!!!!!!!!!!!!!!!!!!!!!!!!!!!!!!!!!!!!!!!!الى كل انصار مبارك وجماعه احنا اسفين ياريس نفسى افهم اسفين على ايه ؟؟؟

 

 

كان المفروض يعد على قلبنا اكتر من كدة ويمص فى دمنا وفى خير بلدنا اللى خربها وحولها لنفسه بسسسسسسسسسس.ياحماعه اتقوا الله دوول 30 سنه كان ممكن نكون احسن الدول فيهم

 

.كان ممكن ميكونش فى شاب او شابه عاطلين فى بلدنا

كان بالفلوس الكتير اللى سرقها يعمل مشاريع يشغل الشباب

كان يبنى مساكن وشقق للشباب اللى قانون الايجار الجديد او 500 و800 جنيه كسر وسطهم

كان حل مشكله العنوسه اللى بقيت فى كل اسرة عادى جداا

كان ارتفع مستوى التعليم واهتم بالبحث العلمى وبقينا دوله لها احترامها

كان مفيش شاب فكر يسيب بلده ويروح يشتغل فى بلاد الناس ويتذل وكرامته تتهان عادى جدا ولو يركب مركب ويطلع على ايطاليا ويموت فى البحر

كانت الصحه يقت صحه ؟ولا الامراض اللى انتشرت دى كلها جت فجأه

 

اللى هيقول هو مبارك مسئول عن كل حاجه لوحده زى الاخ طلعت زكريا او تامر امين ؟؟

 

 

هنقوله مبارك كان الراعى وكل راعى ومسئول عن رعيته (وهو خان الامانة وعليه من الله ما يستحق )

[في جنة الله أحيا 103]

{ان تنصرو الله ينصركم}

 

انجي انا مش بتابع الاولي اصلا ولا القنوات المصريه خالص

 

والله يا بنتي شفتلهم فيديو

الست بتتكلم عليه بطريقه غريبه بقيت مستغربالها والله

قلت عملها ايه دي شوفي لبسك ولا شكلك لا يدل علي انك تعيشي عيشه مستوره حتي

ولا الكويت الي باعته محاميين من عندها يدافعو عنه

وحاجات ما يعلمبها الا ربنا

والله حاجه تنرفز

 

هو مبارك الي راح وحارب في الكويت وحررها ولا االشعب ؟؟؟؟

[صاحبه القلب الطيب 12]

الشيخ حازم صلاح .....له احترامة بالطبع

 

واتفق معه جداا هنا

هذا السور تم بناءه لكي يهدم و إرجاع العلم الإسرائيلي سريعا تم لكي ينزع مرة أخرى. يجب أن نفهم

 

فعلا شكلها مدبرة

وجد أحد خيارين: إما أن نطلب من المجلس العسكري البقاء وإما أن نطلب منه أن ينصرف المجلس. إحنا مش عاوزين الأولي خالص إحنا كل اللي عاوزينه إنه يمشي علشان الشعب يحكم نفسه بنفسه

 

اما هنا .كما قالت حفصه ان انصرف المجلس العكسرى .من يحكم البلد !!!!!!!!!!!!!!!!!!!!!!!!!

[ღشـــهـــرزادღ 19]

كلاكيت ثالث مرة

 

بالله عليكى لا تقولى ذلك حتى لو كان حقيقه

لا الثورة مستمرة حقا مستمرة فى قلوبنا وعقولنا

 

نعم رفض الشعب الظلم والقهر وكلنا رفضناه

 

لا احد ينكر ان المصريين تحرورا وما عادوا يخافوا احد الا الله ؟

هل كان بزمن مبارك يمكن ان يحدث ربع ذلك ؟؟

 

حبيبتي في الله

ما تتحدثي عنه هو حوار وردي جميل

لكن من يراقب أفعال الناس يعلم جيدا ماذا يحدث

أنا قرأت تعليقات ناس تدعو أن يتم فرض الأحكام العرفية

وتدعو العسكر للانقلاب على الحكم حتى يعود الأمن والأمان

دلوقتي مفيش أي مشكلة أنه أي حد يتقتل يتسحل وبرضه هنقول معلش مخرب

وكلنا عارفين أنه كذب لكن سنسكت ونقول معلش عاوزين أمان وكفاية خراب هما أكيد بيفهموا أكثر مننا!

منذ زمن بعيد وأنا أرى ما يحدث ولم أكن أريد التعبير عنه تجنبا للخلافات..

لكن بصراحة الأمور صارت واضحة أكثر من اللازم

 

نحن دوما الضحية

في لحظة واحدة يصدر الجيش بيان يقول الإسلاميون يريدون السلطة وحفاظ على البلاد لقد قررنا مد فترة الانقلاب!

ممكن حد يقول لي متى هي الانتخابات؟ ممكن حد يقول لي الستة أشهر مش خلصوا ولا هم يتمددوا بالحرارة؟!

 

طيب فين قانون الذي يمنع أعضاء الحزب الوطني من الترشح للانتخابات؟ ممكن حد ينتبه ويشوف أنه فيه ناس فعلا تنوي الترشح؟!

أيوه بعد الثورة مش حلم! أيوه القانون الجديد لمجلش الشعب يسمح كمان بشراء الأصوات!

ممكن تقولولي فين التغيير؟!

الله المستعان

دوما لا اسبشر به

وخائفه منه غدا جدا لان شهادته الفيصل

ربنا يستر

ممكن أقول شيء؟! تفتكروا أن مبارك أصلا ممكن يتعدم؟!!

من أفضل التعليقات التي قرأتها ردا على من يقول بأن مبارك سيحكم عليه بالإعدام:

إعدام ليه بس حرام عليك أنا نفسي ولادي وأحفادي يفضلوا يتفرجوا على المحاكمة دي لسنوات وسنوات!

وصلت؟!

[~ماريا~ 1340]

ممكن أقول شيء؟! تفتكروا أن مبارك أصلا ممكن يتعدم؟!!

من أفضل التعليقات التي قرأتها ردا على من يقول بأن مبارك سيحكم عليه بالإعدام:

إعدام ليه بس حرام عليك أنا نفسي ولادي وأحفادي يفضلوا يتفرجوا على المحاكمة دي لسنوات وسنوات!

وصلت؟!

 

هو فعلا حتي لو اتحكم عليه بالاعدام

مش هينفذو الحكم

وكل شويه تاجيل في تاجيل وتنفيذ الحكم بياخد وقت

لحد ما يموت لوحده

ودا الي هيحصل