أنا سلفي ومبعضش حد ^ـــــــ^....مسلسل منقول

[زهرة الأحبه 73]

جميـــــل نقوبة :)

تسلمي ياحبيبة ، أتابعكِ :)

[ذليلة إلى اللـَّـه 417]

الـسلام عليكم ورحمـة اللـَّـه وبركـاتـه,,,

 

جزاكـِ اللـَّـه خير سلومتي القمــورة ,

لقد قرأت الفتوى باركـ اللـَّـه فيكـِ

 

أكملي سنتابع بإذن اللـَّـه

[**المحتسبه** 233]

السلام عليكــم ورحمـة الله وبركاتــة ،،

 

قصه مشوقه

 

في إنتظارك نقوبه

[ثروة 259]

وعليكم السلام ورحمة الله وبركاته،،

بارك الله فيك سلمى الحبيبة على نقل القصة

أسأل الله أن ينفع بها ويجزيك وكاتبتها خيرا

ولا تتأخري :mrgreen:

[(محبة القرآن الكريم) 137]

 

 

الحلقة السابعة

 

استأذن محمد ودخل على المدير وقابله بابتسامته اللي اتعودنا عليها طول الحلقات

 

وقابله المدير بالترحاب وطلبله شاي

 

 

المدير : ازيك يا محمد؟

 

محمد : الحمد لله بخير يا فندم

 

المدير : يارب دايما

بص يا محمد أنا من ساعة ما انت اشتغلت معانا وانا باحبك علشان سلوكك وطيبتك واحترامك والتزامك

وان كان على موضوع اللحية والمشاكل اللي حصلتلك هنا بسببها فدي انت فاهم انه كان تشديد

من الأمن واحنا مكناش نقدر نتكلم

 

محمد : مفهوم حضرتك

 

المدير : فيا محمد انا كنت عاوزك في موضوع كدة تساعدني فيه

 

محمد : الله المستعان .. خير

 

المدير : ابني يا محمد مش عارف أعمل معاه ايه .. صحابه مبوظينه ولا نافع في دراسة ولا شغل

وكمان بعيد عن الالتزام خالص

كل اللي باتمناه والله انه يبقى زيك كدة يا محمد

نفسي يبقى زيك كدة في أدبك وسلوكك وخفة دمك وتحملك المسؤلية وكمان التزامك

 

محمد : ربنا يكرمك يا فندم والله ده من ستر الله عليّا

 

المدير : ربنا يجملك بيه دايما يارب

 

محمد : اللهم آمين

 

المدير : قلت ايه يا محمد؟؟

 

محمد : في ايه؟

 

المدير : عاوزك تتعرف عليه وتتصاحبوا علشان هو يتعلم منك الحجات دي

 

محمد : حاضر يا فندم ان شاء الله

 

وخرج محمد بعد استئذانه من المدير وراح يشوف شغله .. فقابل زميله هيما

 

هيما : محمد باشا

 

محمد : أهلا يا هيما افندي كنت فين ياد امبارح؟

 

هيما : امتى؟

 

محمد : بعد العشا كدة عدينا على طارق وانت مجيتش

 

هيما : لا ابدا كنت في مشوار

 

محمد : خير . طيب ايه جديدك؟؟

 

هيما : هاخطب اهوه ان شاء الله .. عقبالك

 

محمد : أخيـــــــــــــــــــــرا .. مبارك يا حبيبي

ولقيت فين اللي هتستحملك دي؟؟ ^_^

 

هيما : بوظت الكلمتين الحلوين اللي قلتهم يا تيت

 

محمد : ههههههههههههه لا بجد احكيلي

 

هيما: مفيش حكاية ولا حاجة هي أخت معرفة أخواتي البنات وحكولي عن التزامها واخلاقها وانها سلفية ^_^ فاستخرت وعزمت وتوكلت

 

محمد : اللهم بارك .. سلفي +سلفية تتوقع يخلفوا ايه؟؟ ^_^

 

هيما : ههههههههههههههههههههه يابني انت سلفي على سلفية ميرولّش(جاية من roll) هههه

 

محمد : ربنا يباركلك يا حاج وعقبالي بقى

 

هيما : ان شاء الله فرجه قريب

 

محمد : ونعم بالله

وامتى الخطوبة بقى؟

 

هيما : لسة أصلا الرؤية .. ربنا يستر

 

محمد : لا متقلقش أنا هابقى ان شاء الله ابعتلك درس للشيخ هاني حلمي عن الرؤية الشرعية

جااااااااااااااااااااااااامد

 

هيما : تمام هابقى اسمعه ان شاء الله .. ربنا يباركلك

روح بقى شوف هتبوظ كام كمبيوتر النهاردة

 

محمد : فشر , دا أنا اللي مظبط الشركة دي وأعوذ بالله من كلمة أنا D:

 

هيما : ربنا يزيدك تواضع يابني والله

 

محمد : اتعلم اتعلم .. الحمد لله

 

 

استنونا الحلقة الجاية ان شاء الله

[حفصة أحمد 40]

السلام عليكــم ورحمـة الله وبركاتــة ،،

 

جميلة يانقوبة بجد :)

ياسلفية :mrgreen:

 

متابعـــــــــــــــــــــــــــــة

[سُندس واستبرق 4685]

السلام عليكــم ورحمـة الله وبركاتــة ،،

 

قصة جميلة ومعبرة :)

بورك فيك ِ سلمى الحبيبة .

[درة الاطلس 0]

السلام عليكم ورحمة الله وبركاته،،

 

تابعي حبيبتي سلمى ...مسلسل رائع

 

في انتظارك بشوق

 

دمت في رعاية الله

[ذليلة إلى اللـَّـه 417]

وعليكم السلام ورحمة الله وبركاته،،

 

جزى الله حبوبتي الحبوبة المحبوبة المُحبّبة الحبيبة نـــقـــوبــــة ~~~~~~~

 

إن شآء الله سأتـــابع يا سلفية ظريــفة : )))

[(محبة القرآن الكريم) 137]

هههههه أضحك الله سنونكن حبيباتي

 

نكمل بفضل الله

 

 

 

الحلقة الثامنة

 

محمد بعد ما ساب صاحبه هيما وراح مكتبه

اللي فيه بنات شغالين معاه وألقى بس السلام

وقعد على مكتبه ومحاولش يرفع عينه في أي واحدة فيهم

 

وسرح مع نفسه :

- أنا لو كلمت واحدة فيهم واتحججت بالشغل وأخدت وأديت في الكلام هيحصل ايه؟

 

* ممكن برضه زوجتي اللي ربنا كاتبهالي تكون برضه بتشتغل وبسبب تهاوني ده في فرض ربنا (غض البصر) يسخر

ليها واحد يكلمها وبنفس الطريقة ماهو كما تدين تدان

 

- عادي

 

* لا مش عادي , أنا ما أرضاهوش لزوجتي ولا لأمي يبقى مرضاهوش لبنات الناس

 

واستعاذ محمد من الشيطان الرجيم وكمل شغله

 

ولما جه وقت الانصراف ودقت ساعة المرواح ^_^

 

روّح محمد للبيت واتغدى ونام ساعة ونزل لصلاة العصر وقابل حسام ابن المدير

 

محمد : سلام عليكم

 

حسام : وعليكم السلام .. ازيك يا محمد؟؟

 

محمد : الحمد لله تمام .. ازيك انت؟

 

حسام : كويس

 

محمد : الحمد لله

 

حسام : أنا بابا قالي انك حد طيب ومحترم ولما هاتعامل معاك هاحبك

 

محمد : متسمعش كلام بابا ^_^

 

حسام : هههههههههههه .. لا والله بجد .. على الرغم من اني مش بارتاح للملتحين ولا المنقبات بس أول مرة اتعامل معاك اهوه وارتحتلك

 

محمد : طيب الملتحين وهاعديها .. مالك ومال المنقبات؟؟

أصلا لو مش منقبات ملكش تعامل معاهم أصلا

 

حسام : امال لما نمشي في الطريق نتفرج على ايه؟ .. نسلي الطريق ازاي؟

 

محمد : نهارك مش معدي باذن الله .. ايه ياد ده؟

 

حسام : ههههههههههه مالك ياعم؟

 

محمد : أنا اللي مالي؟ انت بقى بتسلي طريقك بالفرجة عالبنات؟؟ يا حلاوة .. طيب احكيلي بتشوف ايه؟ ^_^

أصل كلام في سرك كدة بغض بصري ومببصش علشان لما بعيد عنك كدة اتجوز

ربنا يرزقني العفيفة اللي ابقى عفيت نفسي عشانها

 

حسام : هههههههههه بابا مقاليش انك دمك خفيف كمان

ما المصيبة انهم كمان بيقولوا انه فرض .. بس طلع المفتي قال انه مش في الدين وعادة مكروهة

زي السجاير كدة هههههههههههه

 

محمد : بص يا حسام .. علشان انا لسة مدخلتش دنيا وعاوز ادخلها وانا لسة بامشي على رجليا

انت عاوز تتجوز واحدة عاملة ازاي؟؟

 

حسام : عنيها خضرا وشعرها ....

 

محمد : مش شكلها يا أذكى اخواتك .. اخلاقها

 

حسام : تكون محترمة ومتكونش عرفت غيري

 

محمد : تمام قوي .. محترمة يعني ايه؟؟

 

حسام : يعني محترمة .. يعني بتلبس حلو وبتمشي محترم .. ومحترمة يعني

 

محمد : انت تعليمك ايه ياد؟؟ ما علينــــــــــــــــــــــا

 

يعني بتلبس واسع ومتكلمش رجالة .. صح؟

 

حسام : ايون

 

محمد : طيب ايه اللي يخلي الراجل يكلم ست؟؟

 

حسام : اممممممممم

 

محمد : يا ربنا .. ايه اللي يخليك يا حسام تكلم بنت ؟ @:

 

حسام : بيلفت النظر ليها شكلها ولبسها وبعدين لما تتكلم صوتها فده بيبقى دافع للكلام معاها

 

محمد : يعني معنى كدة عشان ما أخليش الرجالة يكلموها أغلفها أو أغطيها كأني بالظبط باعمل عليها صوبة من كل العوامل الضارة

 

حسام : اه (وبدأ حسام يفهم أخيرا)

 

محمد : يبقى النقاب بتلبسه المرأة اللي أبوها أو زوجها بيغيروا على شرفهم وعرضهم يعني من الآخر رجالة

 

حسام : (ابتسامة جميلة تدل على انه فهم قصد محمد واقتنع)

 

بس ليه طيب بيقولوا عليه عادة؟

 

محمد : الموضوع خلاف بين العلماء ومش انا اللي هافتيك بس هابقى ان شاء الله ابعتلك مواقع عالنت

تثبت انه مش عادة مكروهة زي ما قالوا وبأدلة صحيحة ان شاء الله

 

حسام : تمام يا مان ... ما تحكيلي عن اخبارك العاطفية بما اننا بقينا فريندز

 

محمد : :) انا يا باشا وبلا فخر محوّش طاقتي العاطفية لزوجتي ان شاء الله

 

حسام : نعمممممممم؟؟ امال انت عايش ليه؟

 

محمد : هههههههههه هو لازم اعيش عشان البنات وكلامهم ولبسهم وكدة

 

حسام : هاموت واعرف وانت ماشي في الشارع بتعمل ايه؟؟

 

محمد : باذكر الله وانا باصص في الأرض

 

حسام : يا قلبك يا راجل

 

محمد : يابني النظرة دي زنا .. هتنفعني هي ولا انت لما ادخل النار ؟؟

 

حسام :( منظره وحشششششششششش)

 

محمد : فكر كدة وانت بتبص على دي وعلى دي ان اختك ماشية او امك وفلان بيبص عليها .. هتتصرف ازاي؟؟

 

حسام : هاخرمله عنيه

 

محمد : :)

 

حسام : :)

 

محمد : انا هاقوم بقى علشان ورايا معاد تاني ..

 

اشوفك على خير :)

سلام عليكم

 

حسام : اتشرفت بجد بمعرفتك .. وعليكم السلام

 

وروّح محمد البيت بعد ما صلى المغرب وقعد شوية مع والدته ودخل أوضته

وفتح النت وشاف آخر تطورات صفحته عالفيس

لقى في تفاعل وفي ناس غيّرت فكرتها عن السلفيين

وناس تانية لسة برضه فكرها مشوش

 

بس هو لفت نظره التطور اللي حصل في قضية كامليا شحاته .. وقرأ الأخبار

 

لقى واحد كاتب تحت الخبر :

 

يا جماعة كفاية بقى ومش مهم واحدة ولا اتنين ولا ثلاثة مقابل

اننا نحافظ على انجازات الثورة .. ما في أكثر من 300 ماتوا عشان الثورة دي تنجح

عادي بقى متقرفوناش كل شوية اخواتكو اخواتكو .. طظ

 

محمد هيتجنن ورد عليه بالرد ده

 

 

 

تابعونا الحلقة الجاية

[حفصة أحمد 40]

السلام عليكــم ورحمـة الله وبركاتــة ،،

 

دقت ساعة المرواح ^_^

حلو الاقتباس ده :smile:

 

 

 

كملى ياسوسو متابعة معاكِ :tongue:

[** الفقيرة الى الله ** 985]

وعليكم السلام ورحمة الله وبركاته

 

^_^

القصة جميلة جدا والتي نقلتها أيضا جميلة :))

تابعي حبيبتي ^^

[ذليلة إلى اللـَّـه 417]

وعليكم السلام ورحمة الله وبركاته،،

 

إن شآء الله ..سأتابع

أحداث جميلة جداً ومشوّقة

 

و أعجبني الردّ على غض البصر ...الله المستعان

باركـ الله فيكـِ نقوبة و جعله الله في ميزان حسناتكـ

[السنة منهجي 0]

بارك الله فيك اختي على هذه القصة وجعلها في موازين حسناتك يوم القيامة ونفع بها الجميع

[(محبة القرآن الكريم) 137]

السلام عليكم ورحمة الله وبركاته،،

 

بوورك فيكن حبيباتي

 

الاخت السنة منهجي

أظنني أعرفك :)

هل أنت مغربية و منتقبة و تعرفين الحبيبة فاطمة درة الاطلس ؟؟

إذا كان نعم

عرفتك وشفتك و شفتيني و التقينا عندها ^ــــــ^

[(محبة القرآن الكريم) 137]

 

الحلقة التاسعة :

 

لما قرا محمد تعليق الشاب ده استشاط غضبا

 

بس رد عليه رد أنا شخصيا معجب بيه

 

قاله :

يا أيها الذين آمنوا إذا جاءكم المؤمنات مهاجرات فامتحنوهن الله أعلم بإيمانهن فإن علمتموهن مؤمنات فلا ترجعوهن إلى الكفار لا هن حل لهم ولا هم يحلون لهن وآتوهم ما أنفقوا ولا جناح عليكم أن تنكحوهن إذا آتيتموهن أجورهن ولا تمسكوا بعصم الكوافر واسألوا ما أنفقتم وليسألوا ما أنفقوا ذلكم حكم الله يحكم بينكم والله عليم حكيم

 

سورة الممتحنة

 

يعني يا أخي احنا مش عاوزين نفسد الثورة ولا أي شيء ومطلبنا بسيط جدا

 

تطلع الأخت كاميليا تقول انا مسلمة وساعتها مش هنسيبهالهم أو تقول انا لازلت نصرانية وساعتها حلال عليهم

 

لكن مسئولي الكنيسة هما اللي مصعبين الأمور والعند يا أخي لا يولد إلا العند

 

 

ده كان رد محمد على الولد اللي استناه محمد علشان يرد عليه لكن مردش

 

وشاف محمد الأخبار والمفتي والبابا - بتاعهم - شنودة وكلام كتير سببله توهان

 

مين مع مين ومين ضد مين

 

مين اللي لما مسلمة تلجأله يسلمها ومين - المسلم - اللي رايح يعتذر للي خاطفينها

 

مفاهيم كتير كنا بنتربى عليها زي النخوة والكرامة والحفاظ على الدين بنلاقيها قدام " برستيجنا العام " بنتخلى عنها

 

وقفل محمد النت ونزل لصلاة العشاء ورجع قعد شوية مع عم ابراهيم البواب

 

محمد : ازيك يا راجل يا عجوز

 

عم ابراهيم : الحمد لله يا بشموهندز

 

محمد : شايفك كدة رجعت تربي دقنك تاني .. خير ؟ (ابتسامة فرحة بيداريها بلؤم علشان ميحرجهوش)

 

عم ابراهيم : الواحد لما بيغلط ويصحح غلطه ده مش عيب

 

أنا فعلا كنت مصدق الاشاعات اللي اتقالت عن الملتزمين وعشان كدة انتكست

لكن بعد ما فكرت فيك وفي ثباتك وانك ولاااااااا اهتميت بالاشاعات دي حسيت انه انا غلطان

 

محمد : :)

 

عم ابراهيم : وبعدين أنا في الفترة اللي التزمت فيها بهدي الرسول...

 

محمد : عليه الصلاة والسلام

 

عم ابراهيم : عرفت يعني ايه دنيا

والله يا محمد يابني انا فعلا اليومين اللي فاتوا مكنتش عايش

 

محمد : أنا فرحان بكلامك ده .. اللي بيثبت انه الدين فطرة فعلا كما قال الحبيب صلى الله عليه وسلم

وفرحان عشان حاجة تانية

 

عم ابراهيم : اللي هي ؟؟

 

محمد : هلاقي حد يروح معايا المسجد البعيد اللي باحب أروحه D:

 

عم ابراهيم : :) ربنا يرضى عنك ويرزقك بقى الزوجة الصالحة عشان أرتاح منك ^_^

 

محمد : قريب ان شاء الله يا عم ابراهيم

وقبل ما تسأل امتى هاسيبك بقى عشان الحق آظبط شوية حجات قبل ما انام للشغل

 

سلااام عليكم

 

عم ابراهيم : ماشي يا بشموهندز الله يعينك .. وعليكم السلام

 

 

وطلع محمد البيت وقعد مع والدته اللي فاجئته بموضوع الزواج

 

الوالدة : محمد انا ليك عندي عروسة

 

محمد : اممممممممم خير

 

الوالدة : بنت الأستاذ صدقي ما انت عارف ابنه أحمد

 

محمد : أحمد مين؟؟ أحمد صاحبي؟؟

 

الوالدة : أيوة

 

محمد : بس يا أمي حضرتك عارفة اني عاوز واحدة ملتزمة وسلفية بمعنى أصح

 

الوالدة : ياااااااااادي السلفية .. هو يابني السلفيين هما الكويسين وبقيت المسلمين وحشين؟؟

 

محمد : مقصدتش يا أمي .. السلفية منهج مش جماعة .. يعني مثلا عاوزها على نهج السيدة عائشة في اللبس والأخلاق

عاوزها طاهرة عفيفة نقية

 

الوالدة : طيب وشكلها ؟؟.. قولي بقى انه مش مهم

 

محمد : لا مهم أكيد .. بس يا أمي الجمال نسبي يعني انا ممكن أشوفها جميلة وحضرتك لا

ممكن جمال روحها تضفي على جمال الشكل وارتاحلها وحضرتك تبقى بتدققي على خضار شعرها وصفار عنيها قصدي العكس يعني ^_^

 

الوالدة : شكلك هتطلع عيني :(

 

محمد : لا حبيبتي سلامتك .. انا بس باشرح لحضرتك وجهة نظري

 

الوالدة : ماشي يا سيدي .. البنت انا عرفت عنها انها منقبة وبتروح دروس ومسجد وكدة

 

محمد : مين دي؟؟ اااااااه العروسة

اخت أحمد؟؟ (أحمد اللي قابله في الشارع في أول حلقة) غريبة

 

الوالدة : (متعرفش الموضوع ) اه ليه؟

 

محمد : لا حبيبتي متشغليش بالك

 

الوالدة : هتيجي نقابلهم امتى؟

 

محمد : لا انا في الأول عاوز أعمل حاجة كدة قبل المشوار ده ان شاء الله

 

الوالدة : حاجة ايه دي ؟؟

 

 

تابعونا الحلقة الجاية

[زهرة الأحبه 73]

جميـل ^___^

 

تابعي ياحبيبة :)

[بسمه العمر 4]

جمييييييييييييييييييييل

 

:cry:

 

متابعه معكن ان شاء الله

[حفصة أحمد 40]

السلام عليكــم ورحمـة الله وبركاتــة ،،

 

وحضرتك تبقى بتدققي على خضار شعرها وصفار عنيها

ههههههههههههههههه

 

متابعة يانقوبة ..

[ذليلة إلى اللـَّـه 417]

السلام عليكم ورحمة الله وبركاته،،

ما شآء الله

كويـــــــــــــــــــــــــــــــــــــــس ,

رااااااااااااااائع

بإذن الله , سنتابع

 

,

[درة الاطلس 0]

السلام عليكم ورحمة الله وبركاته،،

 

بارك الله فيك حبيبتي سلمى...واصلي نحن بانتظارك بشوق

 

جمعنا الله واياك في الفردوس الاعلى

[(محبة القرآن الكريم) 137]

السلام عليكم ورحمة الله وبركاته،،

 

بورك في الغاليات

 

حبيبتي درة الاطلس تسعدني متابعتك

 

 

الحلقة الاخيييييييرة

 

 

الحلقة العاشرة والأخيرة

 

 

بعد الحوار اللي تم بين محمد ووالدته راح محمد أوضته وقعد يفكر

 

أحمد كان فعلا بيهاجم السلفيين عن اقتناع ولا مجرد عند؟؟

 

هل هو ما صدق ان الاتهامات دي تترمي علي السلفيين علشان هو أصلا كان بينافس محمد في الدراسة وكان مستنيله على غلطة؟؟

 

هل فعلا أخته هتبقى زيه كدة في التفكير؟؟

لا لا بلاش سوء ظن

امي قالت انها منتقبة وبتروح دروس علم

 

 

محمد فكر انه يتصل بأحمد ويقابله عشان يتكلم معاه شوية

 

فعلا محمد جاب موبايله أبو كاميرتين^_^ واتصل بأحمد

 

محمد : السلام عليكم :) (حد ناصح هيقولي ماهو في التليفون ومش شايفه بيبتسم ليه ط .. هاقوله عديهالنا ماهو بيبتسم طول المسلسل مجتش على دي يعني d: )

 

أحمد : وعليكم السلام

 

محمد : ازيك يا حاج أحمد ؟؟

 

أحمد : بخير الحمد لله .. اخبارك ؟

 

محمد : تمام والحمد لله

أحمد انا كنت عاوز أشوفك .. ممكن؟؟

 

أحمد : طبعا .. بكرة ان شاء الله بعد الشغل عدي عليا هاستناك

 

محمد : ان شاء الله .. جزاك الله خيرا

 

أحمد : واياك اللهم امين

 

محمد : ميلزمش أي خدمات؟؟

 

أحمد : الف شكر يا حبيبي

 

محمد : طيب في حفظ الله .. مع السلامة .. سلام عليكم

 

أحمد : وعليكم السلام

 

وانتهت المكالمة ومحمد نام وتاني يوم راح شغله عادي وبعد الشغل راح لأحمد

 

واتقابلوا وراحوا كافيتريا وبدأ محمد الحوار

 

محمد : أحمد انت لو فاكر انه زمان أد ايه كنا صحاب

الفترة دي انت شفت مني اي موقف دايقك؟؟

 

أحمد : لا (مش فاهم قصده أصلا)

 

محمد : طيب لما اتقابلنا من اسبوع في الشارع وحسيت انك متضايق مني ده كان سببه ايه؟

 

أحمد : الحجات الغلط اللي بتعملوها

 

محمد : بتعملوها؟؟ انا ومين؟؟

 

أحمد : السلفيين

 

محمد : هو انا لو غلطت يبقى كل السلفيين غلط ؟؟

طيب يا أحمد أنا معاك انه في غلطات وسقطات لبعض الناس اللي سموا نفسهم سلفيين واتحسبت علينا

لكن انا عاوز أفهمك يعني ايه سلفي ...

 

أحمد : أنا عارف (بيقاطع احمد بطريقة حادة)

 

محمد : طيب قول

 

أحمد : (اتحرج واتكبس) ااا.. ااا..ااالسلفيين يعني ... يعني ناس متشددة في الدين

 

محمد : :) طيب بص يا صاحبي

السلفي يعني اللي ماشي على طريق السلف

اللي هما : الصحابة (قرن الرسول) والتابعيين (الذين يلونهم) وتابعي التابعيين (والذين يلونهم )

وده اللي ورد في حديث للنبي صلوات ربي عليه

 

أحمد : (بيهمس بالصلاة على النبي)

 

محمد : والحديث ده عن أفضلية هذه القرون الثلاثة

والسلفية هي فهم القرآن والسنة بفهم الصحابة والتابعين وتابعي التابعين

 

طيب عكس السلف ايه؟؟

الخلف

وهما اللي دخلوا الفلسفة وعلم الكلام في تفسير القرآن وكلام النبي صلى الله عليه وسلم ...

 

أحمد : ( بيهمس بالصلاة على النبي .. مش فالح غير في كدة ^_^ )

 

( محمد : فاللي بينتسب للسلفية كمنهج .. (لأنه أصلا مهياش جماعة ولا فرقة ..

بيلزم نفسه باتباع الهدي الظاهر والباطن للقرون الأوائل اللي قلتهوملك من شوية

 

يبقى السلفيين مش وحشين

هل انهم يسمعوا كلام الله وكلام نبيه بالتفسير اللي فهمه بيه أبو بكر وعمر وبلال وابن مسعود يبقوا غلطانيين؟؟

 

أحمد : امال كانوا فين من زمان مدام هما فالحين أوي كدة؟؟

 

محمد : كانوا بيجاهدوا عشان يثبتوا على ده

 

انت تعرف ان تقريبا معظم شيوخ السلفيين كان متحدد اقامتهم ومتحدد لهم يروحوا فين وليه وامتى وازاي؟؟

كانوا متراقبين حتى في وسط حياتهم الخاصة

 

كانت اللحية دي جريمة يعاقب عليها قانونهم

كان الكتاب الديني شبهة

كان كلمة " جزاكم الله خيرا " علامة مميزة لينا

 

أحمد : يا راجل

 

محمد : اه والله .. ييجي يقولك ابعد عنه ده من جماعة " جزاكم الله خيرا " ^_^

 

حجات كدة من كتر الوجع بتضحك

 

أحمد : بس برضه الناس مش هتفتري عليكو

 

محمد : ومتفتريش ليه مدام لما قلنا نحكم بشرع الله قالوا حبس للحريات الشخصية

يعني لا خلاعة في طرق ولا تحرش ولا سينيمات ولا افلام اباحية ولا ولا ولا ولا

الشرع وتحكيمه = قطع الميا والنور عنهم

!!

الدين بقى عند الناس نتيجة لتربية النظام ليهم على انه بعبع بقى يسبب حساسية عندهم

اي حاجة فيها دين تكح وتفك أول زرار في القميص

ولا حول ولا قوة الا بالله

 

!!أحمد : مش عارف بصراحة بس حاسس انه فعلا عندهم حق .. يعني ايه بقى الناس لما تسرق تتقطع اديها

واللي مش لاقي ياكل بقى يعمل ايه؟؟

مصر فقيرة واقتصادها مش مكفي سكانها

 

محمد : ومين قالك انه حد السرقة بيتطبق على اللي بيسرق علشان ياكل؟؟

انت تعرف انه لتطبيق حد السرقة نصاب؟؟

المشكلة يا أحمد انه اللي بيتكلم بالحجات دي ومهواش فاهم بيتعب

وبيتعبنا معاه ...

 

لأني كسلفي مش هاشوف منهج خير الخلق بيتقذف باطلا واقف اتفرج

انا معايا دليل باقوله وانت لا

وانت بتجادل وانا باحاول اقنعك

مش هنوصل كدة الا اذا قلت لله ورسوله سمعت وأطعت

 

أحمد : خلاص يا محمد .. انت صح وأنا صح وبصراحة انا مقتنع بكلامي

 

محمد : :) خلاص يا حبيبي

 

أشوفك على خير

 

أحمد : باذن الله

سلام عليكم

 

محمد : وعليكم السلام

 

ومشي محمد اللي دماغه أصبحت مفرمة من الافكار اللي اتقسمت نصين وبيتخانقوا

جزء بيقول روح وشوف العروسة يمكن تطلع غير أخوها

وجزء بيقول لا طبعا أكيد كل البيت فكر واحد

 

وهو قطع الخناقة بقراره انه هيستخير الأول ويتوكل على الله

 

وصل محمد البيت لقى والدته بتقوله أنا كلمت أم فلانة اللي جيبالهم العروسة وحددت معاد للمقابلة

 

محمد لقى نفسه قدام الأمر الواقع

 

وراحوا وشافها وقعد معاها

وفي وسط الكلام بيسألها عن رأيها في اللي بيحصل الأيام دي

 

قالت انه أكتر حاجة مضيقاها الهجوم على السلفيين

 

وقالت كل الكلام اللي محمد مكانش لاقيه عشان يقنع أحمد وانبهر جدااااااا بعقليتها

 

وفعلا ارتاح ليها وتمت الخطبة بفضل الله

 

----------------------

انتهت قصة ويوميات سلفي ومبيعضش حد

 

لكن كان لمحمد كلمة لكل الناس

 

ياريت متاخدش بأي كلمة تلقاها مكتوبة في اي حتة

 

زي بالظبط انك مش ممكن تاكل فرخة مستوية وتمام بس مرمية في الشارع

 

لازم تتأكد من سلامتها أو تحاول تنظفها وتاخدها وده مستبعد

 

بالظبط زي الأخبار

 

في ناس تاخد الخبر وتزوقه وتحبشه وتعيد نشره بطريقة أكثر ملاءمة مع الواقع

 

عشان أي عبيط يصدقها وأي أعمى يشوف النور ضلمة

 

السلفيين بشر بيغلطوا ومش معصومين

 

بس مش عشان واحد غلط يبقى الكل وحش

 

وأديكم بنفسكم شفتوا ان كل الاتهامات طلعت باطلة

 

فبلاش سوء ظن

 

بلاش الهوا يبقى سيدنا ونقوله أؤمر تطاع

 

نفسي بجد اني أعيش مسلم صح في كيان إسلامي صح

 

اينعم انا مسلم والكيان مسلم

 

لكننا احنا الاثنين مجروحين ومليانيين أخطاء

 

عمرنا ما هنتقدم الا لو فهمنا مين العدو الحقيقي

 

مين اللي من مصلحته يشوهني قدامك

 

أصلا مفيش أي عداوة بيني وبينك عشان أأذيك

 

أنا وانت اخوات من أكتر من 1400 سنة

 

آخانا منهج واحد وقرآن واحد ومن قبلهم رب واحد

 

فهييجي سفهاء القوم يفرقوا بيننا !!!!!!!

 

:)

 

وكلمة برضه للنصراني

 

أنا مش عدوك

 

وتيقن ان أمانك في بلدي

 

أنا وصاني عليك قدوتي ورسولي

 

فليه تفكر اني أأذيك؟؟

 

يا نــــــــــــاس افهموا

 

"أنــــــــا سلفي ومبعضش حد "

 

:)

[** الفقيرة الى الله ** 985]

وعليكم السلام ورحمة الله وبركاته

:)

جزاكِ الله خيرا سلمى الحبيبة

لا حرمكِ الله الأجر..

[حفصة أحمد 40]

وعليكم السلام ورحمة الله وبركاته

 

بارك الله بكِ يانقوبة ..

وبارك الله بمن كتبها ولا حرمكِ الله الأجر ..

سبحان الله ..الناس فضلت تتكلم على السلفية وسط اللى اتلكموا ، ولما تقولى كلنا سلفين يخافوا ويقولوا لا أنا مش سلفى ..

لاحول ولا قوة إلا بالله .

 

بس أنتِ لخصت الكلام ف الجملة دى:

الدين بقى عند الناس نتيجة لتربية النظام ليهم على انه بعبع بقى يسبب حساسية عندهم

اي حاجة فيها دين تكح وتفك أول زرار في القميص

 

والله غالب على أمره ولكن أكثر الناس لايعلمون

[زهرة الأحبه 73]

وعليكم السلام ورحمة الله وبركاته،،

 

جزاكِ الله خيرًا نقوبة الحبيبة ،

مسلسل مفيد ومسلي :)

بوركتِ ياغالية .