أريد مساعدة في ستائر البلكونات

[~ أم العبادلة ~ 1903]

السلام عليكــم ورحمـة الله وبركاتــة ،،

 

أريد وضع ستائر للبلكونات بحيث استطيع الخروج للبلكونة بدون أن يكشفني أحد وبالتالي لابد أن تكون ذات قماش غير شفاف ويتحمل الشمس والمطر

 

استخدمنا نوع من قبل وسافرنا وعندما عدنا وجدناه ممزق لدرجة لا توصف

 

صراحة لا نعرف في أنواع الأقمشة لذلك أريد مساعدتكم في أسماء أقمشة تكون متوفرة في مصر وتكون عملية ولا أحتاج لتغيرها كل عام خصوصا انها مكلفة كما اننا لا نقضي سوى حوالي شهرين فقط بمصر

 

بورك فيكن

[**حنين للجنة** 16]

وعليكم السلام ورحمة الله وبركاتة

 

كان نفسى اساعدك بس ماعنديش معلومات خاااااااالص

بس ان شاء الله هاسألك حماتى علشان هيا اللهم بارك بتفهم فى الحاجات دى وستارة بلكونتها ما شاء الله لا قوة الا بالله رائعة

 

ساعود بأذن الله

[~ أم العبادلة ~ 1903]

في نتظارك يا غالية

[~ أم العبادلة ~ 1903]

للرفع

[ملاذ الفرح 292]

السلام عليكم ورحمة الله وبركاته،

هناك قماش نستعمله في العراق لهذه الأشياء.. لكن لا أعرف اسمه بالفصيح أو بالمصري :)

ولا أستطيع حتى إيجاد صورة..

لكن جاري البحث

[ملاذ الفرح 292]

هذه الصورة..

[~ أم العبادلة ~ 1903]

زوجي بيقول ان ده اسمه قماش كرتون

 

يا ترى في أنواع أخرى ولا ده النوع الوحيد؟؟

 

**حنيـــ للجنة ــــن**

مازلت انتظرك يا غالية

[ملاذ الفرح 292]

والله لا أعرف أمومة، لكن هو قماش سميك جداً ويتحمل المؤثرات الخارجية، يعني مثلاً نحن مستعمليه كغطاء للأرجوحة والناس يستعملونه في المظلات..

إن كنتِ تقصدين بالنوع اللون والنقشات فهناك الكثييير

تم تعديل 17 يونيو, 2011 بواسطة ملاذ الفرح

[دِفءُ الأُنـْــــــــس 21]

وعليكم السلام ورحمة الله وبركاته،،

حيّاك الله أمة الرحمن

 

لا أعرف هل النوع الذي أعرفه هو نفسه التي تقصده الأخت حنين

 

ما أعرفه ونجده أيضا في الشاليهات نسميه " الشادر "

وهو للأرجوحات وللمظلات وأيضا للبلكونات ولكل تحتاجين

 

سميك وغير كاشف ومغم نوعا ما

ألوانه كثيره جداااا

 

بحثت عن صوره له لكن لم أجد يا غالية

 

يسر الله أمرك :)

[~ أم العبادلة ~ 1903]

بورك فيكِ يا غالية

 

الحمدلله عرفنا اسم قماش

 

يا ريت لو في انواع تانية من القماش متوفرة في مصر تبلغوني

 

بالنسبة للألوان وغيره فلا أظنه مهم حاليا، الاهم عندي اني افتح باب البلكونة بحريتي بدون ما اضطر للبس حجابي الكامل

[ملاذ الفرح 292]

ما أعرفه ونجده أيضا في الشاليهات نسميه " الشادر "

 

هو هذا اللي وضعت صورته، بس كنت مفكرة هذا الاسم محلي عندنا فقط :) لذلك لم أضع الاسم

[**حنين للجنة** 16]

اسفة اوووووى على التأخير اصلى رجعت امبارح متأخر

المهم

حماتى مش فاكرة اسم نوع القماش بس بتقولى هو بيكون ثقيل ومافيهوش صناعى خالص تقول للراجل عايزة قطن بس لان الصناعى هو اللى بيدوب

يعنى الصناعى ممكن يكون ب5جنية مثلا فا التانى بيكون بحوالى 15

هو لونه بيبهت لكن مابيدوبش

 

اسفة ماعرفتش افيدك اوى بس هيا فعلا ما افتكرتش اسم القماشة

[شهرزاد الجزائرية 50]

السلام عليكم ورحمة الله وبركاته

أختي في الله أمة الرحمان

نحن في الجزائر عندنا أنواع كثيرة من هذا القماش

وتباع جاهزة يعني تقومين بتعليقها فقط

,هذا القماش يستعمل في التخييم، يعني تصنع منه الخيم، و الشمسيات

يكون سميك، وغير شفاف، ويتحمل الشمس و الأمطار ، والرياح

بإختصار رائع للبلكونة

نسميه عندنا في الجزائر "الباش"

اذا لقيتلك صور اتيك بهم في الحال حبيبتي

[~ أم العبادلة ~ 1903]

جميل كده عرفنا معلومتين:

- نوع اسمه "الشادر"

- لابد ان يكون قطن حتى يستحمل فترة اطول وهذا يعني التكلفة ثلاث أضعاف والله المستعان

 

يا ترى في اي معلومات اخرى؟؟

[**حنين للجنة** 16]

ايوا حماتى كانت قالتلى انه بتاع الخيم قولتلها اسمة كدا قالتلى لا بس ممكن يستخدم فى كدا

 

ان شاء الله تلاقى اخت تفيدك وتجبلك من الاخر

 

يسر الله كل امورك

 

همسة:اخبار عبد الرحمن واللوز بتاعته اية؟؟؟؟؟

[أم عائشة المصرية 242]

وعليكم السلام ورحمة الله وبركاته،،

رد عالسريع

بصى يا حبيبتى القماش اتقطع طبعا من الشمس ومن المطر

والحل مش إنك تسيبيه طول السنة..

الحل إنك وانتى ماشية تفكى الستاير وتغسليها ولما تنشف حطيها فى كيس وحطى معاه صابونة أو نفتالين علشان تفضل لغاية السنة الجاية من غير ما يدخله عتة مثلا..

وطالما انتى مش محتاجاه غير شهرين فى السنة يبقى مش لازم تشترى نوع غالى

[~ أم العبادلة ~ 1903]

يا ربي، إنت عارفة يا أم عائشة الستارة دي ثقيلة قد إيه وبتاخد وقت قد إيه في تركيبها خصوصا ان كل بلكوناتي على جهتين يعني فيها لفة كمان

 

غير إني لازم أقف على سور البلكونة وطبعا بتبقى فرجة للشارع وبحاول استخبى ورا الستارة وانا بركبها علشان محدش يشوفني

 

افضل قماش يستحمل علشان تبقى علقة مرة واحدة فقط وان شاء الله قبل ما اسافر ابقى اجمعه في ركن واربطه احتياطي حتى لا يتمزق

 

همسة: زوجي وأخي عنده مشكلة مع الارتفاعات وبيقعوا بسهولة فمافيش غيري يقوم بالمهمة خصوصا اني خفيفة عنهم

 

******************

 

حنين للجنة .... ربي يبارك فيكِ يا غالية

الحمدلله عبد الرحمن اتحسن ويوم ما نوصل مصر هنروح للدكتور علشان يحدد وقت العملية والحمدلله انه استحمل السنة دي بيها

[محبة لربها، ادعوا لي بالثبات 72]

انا باستعمل القماش اللى ب 5 ج

 

وهو يشبه قماش تنجيد الانتريه

 

وبيعيش على فكرة

 

دى تالت سنة عندى وقرب يتمزع مع ان الشمس ضاربة ليل نهار فيه!!!!!

 

 

 

وكان عندى انواع تانية عادية من بتاعة البلكونات المخصصة لهذا الغرض ..وللاسف ذابت بسرعة

 

 

 

ولما تلفت وضعت ستائر مستعملة قديمة كانت بداخل الشقة وعاشت ما اقولكيش سنوات

 

انا مع الرأى لانك تلميها

 

 

 

اعادك الله لنا بالسلامة

[~ أم العبادلة ~ 1903]

السلام عليكم ورحمة الله وبركاته،،

 

أخيرا محبة وصلت، كنت منتظرة رأيك ^_^

 

إن شاء الله اللي فيه الخير يقدمه ربنا بس لو التكلفة طلعت كبيرة وشكلها هتطلع كبيرة بسبب عدد البلكونات وحجمها يبقى احتمال نشتري اللي ب 5 جنيه

 

بورك فيكِ يا غالية

[محبة لربها، ادعوا لي بالثبات 72]

والله يا امومة جميلة جدا وشكلها حلو كمان

 

وبتتحمل

 

 

 

وممكن لو عندك ستاير غيرتيها..حطيها هاتتحمل انا مجربة

 

بس بلاش الحلقان المعوقة الحديد((كويس انى افتكرت اثناء كتابتى))

 

هاتى حلقان بلاستيك جميلة بس غالية شوية

 

جبتها من كارفور العبور

 

 

 

كانت شبه الزجاج لكن بلاستيك او اى لون تحبيه

 

وجربتها بتتحمل الشمس جدااا غير ما كنت متوقعة

 

 

 

ملحوظة

 

ما تنسيش تركّبى المواسير فوق اوى جنب السقف حتى تمنع دخول ولو ذبابه

[محبة لربها، ادعوا لي بالثبات 72]

كانت ب17ج تقريبا 12 واحده

 

لان الحديد للاسف بتشبك فى بعضها لانها بتتفتح سريعا وبتفضل تقع من العراوى او العراوى تقع منها....زباااااالة!!!!

 

يبقى الغالى تمنه فيه وهتريحك كتير

 

 

 

واعملى عراوى من فوق ومن تحت ومن الجناب عشان تتربط كويس

 

وما تظهركيش

 

طبعا العراوى تحت والجوانب اقل من اللى فوق

 

 

وهاتى ((كردون))ن عبارة عن حبل متين مبروم من الحرير ورفيع جداا والوانه واو !حتى الفوسفورى

تم تعديل 19 يونيو, 2011 بواسطة محبة لربها، ادعوا لي بالثبات

[محبة لربها، ادعوا لي بالثبات 72]

طبعا هى كبسولات مش عراوى

 

 

 

عشان يحافظ على مكان العروة من القطع اثناؤء الهواء والاحتكاكات

[~ أم العبادلة ~ 1903]

حياكن الله يا غاليات

 

الحمد لله اشترينا الستائر وعلقناها والحمدلله ورأف أخي بحالي وقام بالمهمة

 

المهم اشتريتهم قطن وطلع رخيص ولله الحمد بحوالي 7.5 جنيه للمتر

بس بعدها عرفنا ان في نوعين من القطن، نوع خفيف ونوع ثقيل (لا أعرف أيهما اشترينا بس انا مبسوطة جدا منه)

 

واخيرااااااااااااااااا فتحت البلكونات بحرية ولله الحمد وأكيد زوجي هيفرح كمان لما يرجع ويشوفها