الجزء الثانى من جوزك تعبك بس بتحبية..اقولك اتقللللللللللللى عليه!!الكل يجمع

[صاحبه القلب الطيب 12]

السلام عليكــم ورحمـة الله وبركاتــة ،،

 

اخواتى الغاليات

 

وحشتونى اولا

اما ثانيا ..بناءا على طلب الجماهير نبدأ فى اذاعه الجزء الثانى

 

والرائع من موضوعنا التقل صنعه(بالطبع الموضوع منقول من منتدى اخر مع تعديلات تناسب منتدانا وبعض التعليقات البسيطة .اى ليس من اجتهادى للتذكرة فقط )

 

فماشاء الله معظم الاخوات طلبوة وفعلا كلنا نحتاجه :icon15: :icon15:

 

وبالطبع بانتظار مشاركات فعاله واراء نيرة من اجمل اخوات :icon17:

 

نبدأ بحول الله

[صاحبه القلب الطيب 12]

 

 

 

:icon15:لنبدأ مع خطوة جديده من اهم الخطوات بنظرى

 

 

الخطوه الثامنه: الثقه بالنفس

 

الخطوات السابقه يا جماعا على فكره ترتيبها كده مش اعتباطا يعنى بمعنى انك عشان تمشى فى خطة انك تتقلى على جوزك لازم الخطوات تبقى زى ما كتبتها بالظبط وبالترتيب ده

 

 

وضحى يا شمعه !

 

 

ياستى بس اسمعى للاخر

 

خطواتنا السابقه كانت

 

1-الاستعانه بالله وطبعا الاستعانه بالله هتؤدى الى

2- الرسيان والهدوء كده لان الا بذكر الله تطمئن القلوب

3-الغموض لانى لما ارسى كده واهدى بالله مش هبقى خفيفه وهعرف اتحكم فى تصرفاتى وكلامى ومدلقش كل اللى عندى

4-الانشغال لما هرسى وهبقى غامضه وهقلل كلامى معاه هحس بفراغ فى حياتى وبالتالى لازم اشغل نفسى فى حاجه تبعد راسى وفكرى عن التفكير الاربعه وعشرين ساعه

5-الاهتمام بالنفس:لانك ممكن تنشغلى زياده عن اللزوم تقومى تنسى شكلك وحبك لنفسك

6-طرررح الانوثه:لان الاهتمام بالنفس ما ينفعشى يكون خارجى بس لازم اغير نفسى فلبا وقالبا

7-علاج المشكلات:لانى ظبطت نفسى ابتدى بقه اظبط البيئه اللى حواليه لانى عمرى ما هعرف اظبط الوضع اللى انا عايشه فيه الا اما ابتدى بنفسى الاول لان ربنا قالان الله لا يغير ما بقوم حتى يغيروا ما بانفسهم)

 

 

اما بقه ...............................-8- اللى هيه الثقه بالنفس

 

ده المفروض النتيجه الطبيعيه لكل المجهود اللى انا بذلته

انا الحمد الله تمام استعنت بالله وظبطت نفسى وعملت اللى اقدر عليه فانا شاء الله هبقى واثقه فى نفسى

 

 

هضربلكوا مثال: انا كنت فى كليه صعبه جدا المهم لما كنت بسقط فى ماده انا مذاكرتش فيها بصراحه كنت بزعل قوووووووووووى

ولما كنت بسقط فى ماده انا ذاكرت فيها كنت مش بزعل خااااااااااااااااااالص

 

عبيطه صح؟ :icon17:

 

بس يا بت منك ليها ده انا شمعه على سن ورمح واكيد اكيد مش عبيطه

 

 

هقولكوا ليه بقى النظريه ده بتاعتى وليه كان ده فكرى

 

لانى الماده اللى كنت بسقط فيها وانا ماذكرتهاش كنت بحس ان منظرى تفه فى جردل المجتمع لانى مقصررررررره

امام الله ثم امام بابا وماما وامام نفسى طبعا

 

انما الماده اللى كنت ببقى مذاكراها بحس انى الحمد لله عملت اللى عليه وده قدرررررررررر الله

 

عمرى ما هاجى اقول طب لوكنت عملت كذا كان حصل كذا طب لوكنت عملت كذا كان بقى كذا

 

( :icon15:نظريه برضو )

 

كل ده يا شمعه عشان تخشى فى كلمة ثقى فى نفسك

ماتخلصى وتكتبى الخطوه الثامنه:الثقه فى النفس ونخلص وتخشى على التاسعه

 

 

يا ستى اصبرى عليه للاخر وانا هقولك ايه علاقة موضوع الثقه بحوار التقل بتاعنا

 

طب ايه علاقة الثقه بالنفس بموضوع التقل؟

 

علاقته كبييييره جدددددددددددددددددددددددددددددددا

 

اول هام:لما الزوج مثلا ييجى فى خناقه اتهور وشتمك

 

اه انتى هتزعلى لانه شتمك بس مش هتزعلى لانك من جواكى حاسه ان عنده حق والفرق كبير وبالتالى هتبقى واقفه اودامه ولا هتتزهلك شعره اطلاقا وهتبقى تقييييييله وراسيه

وميمون مش هيحضر لسبب بسيط انك عارفه ان الكلمه مش متوجهالك غير لما بتبقى حاسه من جواكى ان عنده حق وجالك على الجرح

 

لا معلش يا شمعه يا اختى فهمينا اكترررررررر؟

 

بصى يا ستى هضربلكوا مثال لو واحد مثلا استاذ فى الجامعه وبرستيج وجه واحد جاره حصلت مشكله بين استاذ الجامعه وبين جاره

 

وجه جاره راح شاتمه اودام الناس وقاله:يا بوووووووووووووووووووووووواب

 

تفتكروا رد فعل استاذ الجامعه هيبقى ايه؟

 

هيقوله:ااااااااااه يا قااااااااااااااااااااااسى جرررررررررررحت احساسى

ولا ممكن اصلا يضحك عليه؟ لانه عارف كويس جددا هو ايه

اكيد هيضحك عليه ولو فيه ناس واقفه هتقول على الراجل جاره ده مش طبيعى

كان فيه قصه ماما بتحكيلى عليها وانا صغيره ان الكلب الحيوانات فى الغابه قعدوا ينفخوا فيه ويقولولوا لو كلت وتخنت هتبقى قووووووووووى وهتقدر تغلب الاسد وتبقى ملك الغابه

الكلب قعد ياكل ياكل وراح اودام عرين الاسد يصوت

اطلعلى هنا انا هبهدلك يا جباااان

الاسد قاعد جوه يضحك ومابيردش عليه

اللى حوالين الاسد جوه قالوله ما تطلع تبهدله قالهم :انا واثق من نفسى وعارف انى اسد ولو طلعت كلمته ونزلت لمستواه الحيوانات هتقول الاسد ضرب حتة كلب

 

 

 

 

يتبع

 

 

[صاحبه القلب الطيب 12]

 

المهم بقى نخش فى العملى وايه تطبيق ده على المشاكل مع الزوج الغالى :

 

انتو مسكتوا فى بعض او هو اتلكك على اى حاجه وقعد كالعاده يعيب فيكى انك مقصره فى واجباتك و فى بيتك ونكديه

 

طبعا انتى عارفه نفسك كويس وعامله اللى عليكى وبالتالى مش هتردى عليه وبالتالى لما هيقعد مع نفسه هيحس انه غلط مرتين اول مره يوم ما زعق وانتى مردتيش

 

تانى مره وده الانيل:انه هيحس ان كلامه كله بايظ وهتطلعى انتى الكامله العاقله الراسيه

انما لو انتى فعلا مقصرة هتنهارى وممكن تقعى من طولك

وهو ده اللى انا قلتلكوا عليه فى الجزء اللى فات لما حكيتلكوا موضوع امتحاناتى والجامعه

لما بسقط وانا عامله اللى عليه غير لما بسقط وانا مقصره

 

 

تمام يا بشوات تمام يا شمووووووووعه هاتى اللى بعده

 

تانى هام :ده بقى مربط الفرس

فيه كتير مننا جوزها ليل نهار زاللها بموضوع كان نفسى اجوز واحده بيضاء كان نفسى اجوز واحده مش عارف اية

 

 

مبدئيا كده عشان تبقى عارفه كون ان اصلا هو اتجوزك يبقى انتى عاجباه

الا مكنش اختارك ياقمر

 

ده جواز يا حاجه

 

نورينى يا شمعه اومال بيقوللى كده ليه؟

 

 

يا ستى اصبرى ما انا هقول اهوه بس الاول كالعاده هضربلكوا مثل:

 

مثلا فى شركه مثلا وقرر مدير الشركه فجاءه يلف على الموظفين عشان يشوف خط سير الشعل

 

جه المدير طب على اوضه مره واحده من اوض الشركه ودخل قعد يفتش فى الاوراق والموظفين واقفين

 

موظف واقف حاطط ايده فى جيبه ويمكن كمان يكون بيشرب شاااااااااااى

 

والموظف الثانى يا ولدااااه مرتبك وعمال يعرق وقلبه هيقف

 

 

تفتكروا يا ترى ايه الفرق بينهم؟

 

واحده منكم ناصحه ترد وتقول :بسسسسسسسسس انا عرفت التانى حرااااان؟ :icon15:

 

 

لا يا فالحه التانى عامل عمله وفاقد الثقه فى نفسه وخايف المدير يعرف

 

طب سؤال تانى:تفتكروا المدير هياخد باله؟

 

طبععععععععععععععععععععا هياخد باله لان زى ما قلنا قبل كده العين مراية الروح

 

 

ايه اللف والدوران ده؟وبعدين عو انتى هتديلنا درس فى فن الاداره ولا ايه؟

 

 

لا يا ستى هقولك:

الفكره وما فيها ان انتى برررررررده بتبقى زى الاخ التانى ده للاسف فاقده الثقه فى نفسك تماما بسبب انك مش واقفه على ارض صلبه

ممكن تبقى عامله عامله هى انك قاعده بمنظر زباله

ممكن تبقى قاعده جنبه امنا الغوله

او الاحلى بقه واحده ناصحه تلبس البونيه اللى منفوخ بمنفاخ عجلاتى من اودام ولية خروف من وررره

 

عارفينه؟

 

او ضاربه الجلابيه الفزكوووووز المشجره(هههههههههه عسل شمعه عارغهم انا الناس ديه )

 

 

طبعا اول ما تيجى واحده حلوة فى التليفزيون الباشا لازم هيزلها وهى طبعا هيبان من نظراتها انها فاقده الثقه فى نفسها فيقعد يقول البيضاء والسوداء وغنى يا وحيييييييييد

 

واحده ناصحه:ما احنا خلاص يا شمعه اتفقنا ااننا هنلبس وهنطرح الانوثه وكله تمام وكده مش هبقى عامله عمله

 

شمعه:مششششششششششش كفايه

 

 

اومال ايه؟

بجانب انك تبقى مظبطه نفسك من بره لازم تبقى مظبطه نفسك من جوه

يعنى ايه؟

يعنى زى ما قلنا زمان ثقتك فى نفسك تنبع من جواكى مش من نظرات الباشا ليكى وحطى فى اعتبارك

 

الجمله ده مهمه جددددددددددددددددددددا

 

نظرته ليكى ما هى الا انعكاس لنظرتك لنفسك

 

 

طب واطبق الموضوع عمليا ازاى يا شمعه؟

 

اولا جواكى تقنعى نفسك بالمبدا اللى قلتلكو عليه انك لو مكنتيش عاجباه مكانش اتجوزك

ثانيا بينك وبين نفسك:انا مش قصير واوزعه انا طويل واهبل(برمجه ذاتيه)

ثالثا اودامه:طول ما انتى قاعده تحكى عن حكايات من نسج خيالك عن ناس معجبه بيكى هقولك امثله

1-تصدق يا فلان النهارده رحت الكوافير واحده كانت مفكرانى بنت وعايزه تخطبنى لابنها او اخوها او اى حاجه

2-تصدق قابلت واحده صاحبتى من زمان قالتلى يابنت الايه لسه زى القمر زى ما انتى

3-تصدق رحت فرح واحده صاحبتى كله مكانش مصدق انى واحده متجوزه ومخلفه

4-تقفى اودام المرايه وبجد ايه القمر ده يا بت يا لوزه عسل والله سكر

برمجييييييييييييييييييييييييييييييييه

نوميييييييييييييييييه مغناطيسيا

 

بس خددددددى بالك لازم تنتقى الاوقات المناسبه للموضوع ده

يعنى مش وهو قاعد يتفرج وبيغيظك يقوم يقول ااااااااااااااااه غيرانه غيرااااااااااانه هيييييييه هييييييه

ولا مثلا وهو راجع قرفان من الشغل اومال امتى؟

حاولى دايما الموضوع ده فى وقت تحسى من عنيه انو معجب بيكى او هيموت عليكى او عينه هتطلع عليكى فيه وده لسببين

اولا:هترسخى فكره عنده باسلوب غير مباشر وهيقول لنفسه ده انت وقعت واقف ياوللللللله

الثانى:ده احسن وقت هيتقبل منك فيه الكلام ده

 

وبكده انتها كلام شمعه عن الثقه بالنفس

 

وتعليقى ..ان فعلا لو انتى واثقه فى نفسك هتفرضى ثقتك على كل اللى حواليكى مش جوزك بس

حبى نفسك الاول .ماهو مش معقول انتى من الاساس كارهة نفسك وبتطلبى من اللى حواليكى واولهم جوزك انه يحبها

 

حبى نفسك تحبك (ديه قناعتى )

 

وعلى كل حال كلام شمعه لم ينتهى .انتظرونا فى جزء اتى راااااااااااائع لمن يجحد زوجها دورها :icon15:

 

 

 

 

 

 

[أم عائشة المصرية 242]

وعليكم السلام ورحمة الله وبركاته،،

جزاكِ الله خيرا على النقل الجميل ده

وفعلا الكاتبة صدقت فيما قالت :))

وأمثلتها جميلة كمان ^__*

 

منتظرين الأجزاء القادمة

[زهرة نسرين 246]

حقا طولت يا ام حبيبة

عودا حميدا اولا

ثانيا بارك الله فيك على النقل

متابعة معاك

[صاحبه القلب الطيب 12]

بارك الله فيكى ام عائشه الغالية

 

على الاهتمام والرد

 

وفعلا الكاتبه اسالوبها رااااااائع

 

وهذا ما يجعل كلام خرج من القلب يدخل للقلب

[أمة الله سلفيه 2]

السلام عليكــم ورحمـة الله وبركاتــة ،،

أولاً جزاكى الله خيراً يا ام حبيبه على نقلك الرائع جعله الله فى ميزان حسناتك

ثانيا شكراً للتلبيه الواحد كان خلاص هيتجنن ههههههههههههههههههههه

وربنا يبارك لك فى وقتك يارب

متابعه معكِ يا قمره

[أمة الله سلفيه 2]

اتمنى اشوف أجزاء قادمه قبل الفرح

ادعولى بالتيسير انا مكتوب كتابى وقريباِ سأتزوج إن شاء الله ادعولى احسن انا مرعوووووووووووووبه

تم تعديل 12 سبتمبر, 2011 بواسطة أمة الله سلفيه

[marwaelameer 4]

منتظرينك يا طيوبة : )

[~ماريا~ 1340]

اهلين من جديد انجي

 

فعلا صدقت الكاتبه فيما كتبت

متابعين حبيبتي

[صاحبه القلب الطيب 12]

نسرين ام زهرة .

 

سامحينى ان تأخرت ولكنى قد عدت ولله الحمد

 

الاهم الافاده للجميع ولازم كلنا نكون واثقين من نفسنا والا !!!!!!!!!!!!!!!

 

انرتى ياحبيبه

[ساجدة للرحمن 2050]

السلام عليكــم ورحمـة الله وبركاتــة ،،

يا هلا بالحبيبة صحوبة ..

بارك الله فيك غاليتي على متابعة الموضوع فهو يستحق القراءة بالفعل

بداية أحب أن أوضح أمر نبهتني عليه أحد الأخوات سابقا في الدورة الذهبية وهو خاص بكلمة الثقة بالنفس

فهي كلمة لا تصح ..فالأصل أننا نثق بالله عزوجل أولا وأخيرا

فكل من وكل إلى نفسه خذله الله

أعرف أن الكاتبة قصدها أمر آخر خاص بالشخصية ونظرة الشخص لنفسه ولكن فقط وجب التنبيه على الأمر

الحمد الله تمام استعنت بالله وظبطت نفسى وعملت اللى اقدر عليه فانا شاء الله هبقى واثقه فى نفسى

نعم وهذه الثقة تنبع من الثقة بالله عزوجل

 

طبعا انتى عارفه نفسك كويس وعامله اللى عليكى وبالتالى مش هتردى عليه

نعم ...وهذا هو المهم ...

أن نكون قد أدينا ما علينا من واجبات أولا ...وقتها تشعر المرأة بأنها لم تقصر في شيء

 

نظرته ليكى ما هى الا انعكاس لنظرتك لنفسك

أكيد

كلما استحقرت المرأة نفسها وظنت أنها ليست مهمة وغبية وليست جميلة فسريعا ما سيصل هذا الشعور للزوج

وستكون المرأة هي السبب في ذلك

انا مش قصير واوزعه انا طويل واهبل

^_____^

 

طول ما انتى قاعده تحكى عن حكايات من نسج خيالك عن ناس معجبه بيكى هقولك امثله

أمممم أعتقد أنني أرفض هذا الأمر لأننا بذلك ندخل دائرة الكذب والله أعلم

فالأفضل أن نبتعد عنه ... ولا نقول إلا ما يحدث بالفعل

 

 

نتابع معك إن شاء الله

[صاحبه القلب الطيب 12]

امه الله سلفيه

 

يسر الله لكى امر بناؤكى ياحبيبه وجعل كل ايام فرحه

 

متى موعد الفرح ياغالية ؟؟

 

وطبعا كلماتك شجعتنى معلش كنت مكسله شويه ..لان الموضوع محتاج متابعه

 

وان شاء الله ننزل بقيه الاجزاء ولا تخافى فباقى جزءان ولكنهم مهمان

 

[صاحبه القلب الطيب 12]

ماريا

 

طبعا ثقتك بنفسك موجوده

اظن اكلاتك الجميله تعطى لكى ثقه راائ-عه غير خفه ظلك

 

وبالطبع ينعكس على زوجك ؟؟

 

سؤال صريح هل انتى واثقه بنفسك ؟؟ هه معلش بحبك

[صاحبه القلب الطيب 12]

ساجده للرحمن

 

 

هلا بالغاليه ام عمر :mrgreen:

 

اول مرة اسمع تلك الكلمات عن الثقه بالنفس ولكن بالتأكيد المقصد انك واثقه بالله وبالتالى ثقتك فى نفسك اتيه من ذلك ......

 

وبالطبع عندك حق ؟

لن تأتى الثقه الا اذا كنتى فعلا غير مقصرة ؟

وبداخلى تشعرى بجمالك وحيويتك

 

وبالنسبه لموضوع انها تحكى له عن المعجبين فهى نسبيه ..وتختلف من واحده لاخرى

ممكن اخت يكون جوزها بيفرح من حاجه زى ديه بس طبعا مش على طول ..يعنى حسب الظروف وممكن اخت تانيه لا.....

 

وطبعا من البديهى انك تحكى ان نساء هم الذين ابدوا اعجابهم والا تحملى النتيجه :mrgreen:

 

 

اشكر لكى متابعتك الجميله ياحبيبه

ومناقشتك التى تثرى المحتوى

 

وان شاء الله نقدم البقيه فى اقرب وقت

[~ماريا~ 1340]

ماريا

 

طبعا ثقتك بنفسك موجوده

اظن اكلاتك الجميله تعطى لكى ثقه راائ-عه غير خفه ظلك

 

وبالطبع ينعكس على زوجك ؟؟

 

سؤال صريح هل انتى واثقه بنفسك ؟؟ هه معلش بحبك

 

 

هههههههههههههههههههههههههه

 

ضحكتيني يا انجي وانا ماليش نفس

 

ال اكلاتي ال

 

تعرفي ان جوزي مبيعجبوش اي حاجه بعملها الا نادرا جدااا

 

اصلا هو مالوش في الاكل اصلا ما يحبه

 

لكن اول ما اعمل اي شيء انزل لحماتي وعمتي واخد رايهم وبناءا عليه اضع الاكله في المنتدي وطبعا لازم راي عمر ابني عنده زوق عال هههههههههههه

 

 

 

اما بقي من حيث الثقه

 

لو تقصدي ثقتي في شكلي واسلوبي مع زوجي

 

طبعا عندي وثقه عاليه كمان

 

جه مره يهظر معي ويلخبط في الكلام

 

تعرفي حطتله رد ايه علي الميل

 

رد ظريف قوي

 

لا تطعن في ذوق زوجتك , فقد اختارتك أولا

 

لكن في حياتي الطبيعيه

 

احيانا في بعض الامور لا توجد الثقه بالنفس

 

وانا والله احبك في الله يا انجي

[صاحبه القلب الطيب 12]

ماريا

 

هههههههههههههههههههههههههه

 

ضحكتيني يا انجي وانا ماليش نفس

 

ليه يابنتى بس .ايه اللى سد نفسك .اوعى تقولى مصر ؟؟ هههههههه

ال اكلاتي ال

 

تعرفي ان جوزي مبيعجبوش اي حاجه بعملها الا نادرا جدااا

 

اصلا هو مالوش في الاكل اصلا ما يحبه

 

لكن اول ما اعمل اي شيء انزل لحماتي وعمتي واخد رايهم وبناءا عليه اضع الاكله في المنتدي وطبعا لازم راي عمر ابني عنده زوق عال هههههههههههه

 

ههههه .مفاجأه ديه .يعنى صاحبه الاكلات الجميله زوجها ينقدها

بينى وبينك انا ايضا مثلك هههههههه .ولكن زوجى له فى الاكل واحيانا بيعجبه واحيانا يعلق (عادى هؤلاء هم الرجال )

وطالما واثقه فى نفسك خلاص .بس خديها منى كلمة .اكلاتك تحفه .اعزمينى مره بأه هههههههههه

 

اما بقي من حيث الثقه

 

لو تقصدي ثقتي في شكلي واسلوبي مع زوجي

 

طبعا عندي وثقه عاليه كمان

 

جه مره يهظر معي ويلخبط في الكلام

 

تعرفي حطتله رد ايه علي الميل

 

رد ظريف قوي

 

لا تطعن في ذوق زوجتك , فقد اختارتك أولا

 

ياجامد انت .تلاقيكى امورة بأه كده زيى بالظبط ههههههههههههههههههههه .. اتعلمى احب تلك الثقه جدا واكرة المرأه الضعيفه المهزورزه جدااااا .. وجملتك سبق وقلتها ههههههه

لكن في حياتي الطبيعيه

 

احيانا في بعض الامور لا توجد الثقه بالنفس

 

احيانا تحدث ولكن ليس الغالب

 

وانا والله احبك في الله يا انجي

 

شعور متبادل ياغاليه

احببك المولى

[حفصة أحمد 40]

وعليكم السلام ورحمة الله وبركاته،،

 

^___^

الموضوع دا بجد جميل ، بحس انه بيعالج مشكلات بطريقة ظريفة

لكن انا زعلانة منكِ انتِ والكاتبة اه زعلانة عارفة ليه ؟؟

انا مش قصير واوزعه انا طويل واهبل

:mrgreen:

مالهم الطوال ؟؟

 

 

:wink:

تابعي ومنكم نستفيد :))

[~ماريا~ 1340]

ههههههههههههههههههههههههههه

بس كدا من عنيا اعزمك دا انت غاليه جدااا وطلبك رخيص يا قمر والله

 

بس عارفه هو الموضوع مش موضوع جمال الشكل حتي لو الواحده شكلها مش حلو بس ليها اسلوب وثقتها بنفسها بتخليها جميله

بس انا جميله

هههههههههههههههههههههه

تم تعديل 13 سبتمبر, 2011 بواسطة مـــاريـــا

[صاحبه القلب الطيب 12]

وعليكم السلام ورحمة الله وبركاته،،

 

^___^

الموضوع دا بجد جميل ، بحس انه بيعالج مشكلات بطريقة ظريفة

لكن انا زعلانة منكِ انتِ والكاتبة اه زعلانة عارفة ليه ؟؟

انا مش قصير واوزعه انا طويل واهبل

:icon15:

مالهم الطوال ؟؟

 

 

:tongue:

تابعي ومنكم نستفيد :))

 

 

اهلين حفصة

 

فعلا الموضوع جميل بس لانك دخلتيه .....

 

وطبعا الطوال ميه ميه

انا طويله برضو يابنتى هههه بس مش اوى

 

لا تخافى وراكى رجاله

 

يسعدنى متابعتك جداا

[زهرة نسرين 246]

كلام معقول جدا يا انجي

بارك الله فيك

متابعة معاك

احبك في الله كثيرا يا ام حبيبة

[صاحبه القلب الطيب 12]

ههههههههههههههههههههههههههه

بس كدا من عنيا اعزمك دا انت غاليه جدااا وطلبك رخيص يا قمر والله

 

بس عارفه هو الموضوع مش موضوع جمال الشكل حتي لو الواحده شكلها مش حلو بس ليها اسلوب وثقتها بنفسها بتخليها جميله

بس انا جميله

هههههههههههههههههههههه

 

ماريا

 

كريمه طول عمرك ياقمر

وان شاء الله ربنا يكتبلنا اللقاء :biggrin:

 

 

وياسلام على الجمال

تصدقى يابت يازيزى (عاوزه اشوفك ههههههه )

 

عرفت اسمك بأه

 

بس بجد جمال الشكل يكمله جمال الروح

 

احبك فى الله ياقمرايه

[~ماريا~ 1340]

هههههههههههههههههههههههههه

كريمه دي تبقي امي

هههههههه

 

ان شاء الله ربنا يكتبلنا اللقاء حبيبتي

وطبعا جمال الروووح اهم من جمال الشكل

ربنا يكرمك حبيبتي من القلب للقلب

تم تعديل 15 سبتمبر, 2011 بواسطة مـــاريـــا

[صاحبه القلب الطيب 12]

بجد ولا بتهزرى ؟؟

 

ياماريا

 

دمك سكر

[صاحبه القلب الطيب 12]

ها يابنات

 

هل تريدون البقيه ام لا ؟؟