الجزء الثانى من جوزك تعبك بس بتحبية..اقولك اتقللللللللللللى عليه!!الكل يجمع

[~ماريا~ 1340]

هههههههههههههههههههههههههههه

بجد والله

 

يلا كملي

متااااااااااااااااااااااااااااابعين معاك حبيبتي

[ام جومانا وجنى 515]

السلام عليكــم ورحمـة الله وبركاتــة ،،

كملى يا أنجى متابعين

[*ميمونة* 104]

اتمنى اشوف أجزاء قادمه قبل الفرح

ادعولى بالتيسير انا مكتوب كتابى وقريباِ سأتزوج إن شاء الله ادعولى احسن انا مرعوووووووووووووبه

 

طبعا معاكِ أمة الله سلفية

 

بإنتظار البقية

وفقكِ الله

[*ميمونة* 104]

عودا حميدا انجي

 

بصراحة موضوعك دا فدني كتير

 

بإنتظارك يا حبيبة

[~ أم العبادلة ~ 1903]

السلام عليكم ورحمة الله وبركاته،،

متابعة معاكِ

وبالنسبه لموضوع انها تحكى له عن المعجبين فهى نسبيه ..وتختلف من واحده لاخرى

ممكن اخت يكون جوزها بيفرح من حاجه زى ديه بس طبعا مش على طول ..يعنى حسب الظروف وممكن اخت تانيه لا.....

 

وطبعا من البديهى انك تحكى ان نساء هم الذين ابدوا اعجابهم والا تحملى النتيجه tongue.gif

مهما كان يا غالية

مازال يعتبر كذب وليس من الأمور التي أباح الشرع فيها الكذب

 

لا تتأخري في البقية

ويا ريت بعد ما تنتهي من جميع الأجزاء، تجيبي موضوعاتها عن كيفية التعامل مع اهل الزوج (لم أقرأها بعد بس اتوقع هتكون كويسة، وبصراحة أعجبني تلخيصك للدروس ووفر علي وقت طوييييييييييييييييييييييييل جدا لقراءة المليون صفحة بدروسها وتعليقاتها على البنات)

[صاحبه القلب الطيب 12]

ان شاء الله نكمل ياغاليات

[صاحبه القلب الطيب 12]

 

الخطوه التاسعه:العطااااااااااااء بحدووووووووووود

 

الجزئيه ديه مهمه لكل ست زوجها بينكر دورها ويجحد وجودها بحياته وما اكثرهم

 

اولا وقبل ما ابدا فى اى حاجه هقولك جمله تحطيها حلقه فى ودنك:

 

لا تعطى كثيييييييييييييرا حتى لا تندمى كثيييييييييييييييييييييرا

 

الكلام كده كبير يا شمعه وضحى لو سمحتى

 

هقولك يا ستى الواحده مننا تبرى نفسها زى القلم الرصاص وشويه شويه بتلاقى الباشا مش مقدر وبيتحول اللى بتعمل لواجبات ليس الا

وهى عماله تسحل نفسها وهو مش مقدر

 

فى الحاله ده بيحصل حاجه من تلاته

1-انها عماله تاعبه نفسها مووووت وهو مش واخد باله لان ممكن يكون اللى بتعمله مش من اهتماماته بس هو بقى عايزه من باب التعود وانه مش عايز حاجه تنقص وفى الاخر انتى تحسى انه مش مقدر وتنفجرى فى وشه

 

2-انك جايه على نفسك زياده عن اللزوم وهو مش مقدر خالص وما بيقدرش اقوم بعد ما اقعد اعمل واضحى ادلق رمل على التورته وتنفجرى برده

 

3-انك برده جايه على نفسك ومموته نفسك وهو مش مقدر برده ومش بيرد اى تصرف كويس بل بالعكس ممكن يديكى على دماغك تقومى تنفجرى وتذليه باللى بتعمليه وبرده تخسرى

 

واحده ناصحه تقول:بس خلاص انا ولا هعبرررررررررره

 

لا يا ستى برده كده غلط

 

 

طب ايه الحل يا شمعه وايه علاقة الحوار ده بالتقل؟

 

اولا هقولك علاقة القصه ده بالتقل وهو انك لما بتدى من غير حدود وتنفجرى بتخسرى كذا خطوه من خطوات التقل بتاعتنا

1-ثقتك فى نفسك لانه خذلك

2- بتخسرى رسيانك لانه مش معبرك ومردش الرد المناسب

3- وبتخسرى التقل فى علاج المشكلات وبتتخانقى معاه وبتطلعى نكديه وزفت

4-بتخسرى الغموض:لان انفجارك اودامه ده بيعنى انك كنتى ميته عليه وعملتى كل ده عشان خاطره وهو نجح انه يجننك

يعنى من الاخر الدنيا بتتهد على دماغك

 

 

طب والحل يا شمعه انا هولع فى نفسى كده

 

الحل يا جماعه بسيط جدا وهو انك تدى بس فى اوقات معينه

1- وقت الازمات الشديده قووووى عشان تتحسب لك عنده

2-وقت يكون ليكى عنده مصلحه

لا يا شمعه مش للدرجه ده

 

لا للدرجه ده

 

ماهو انتى ما تقعديش تعملى كل ده وتاخدى على دماغك وترجعى تقلبى الدنيا

ومتقعديش تقدمى تضحيات سوبر مان وترجعى تزعلى

خليكى واقعيه وبلاش نظام التضحيه

[color="#FF0000"]و احنا مش اد التضحيه البحته ده اننا نقدم بدون مقابل او ناخد مقابل زفت[/color]

(طبعا كلنا نيتنا لله اولا قبل اى شئ لكننا بشر )

والنفس البشريه جبلت على انها تدى وتاخد

بدليل الرسول قال(تهادوا تحابوا)ماكان ممكن يقول هادى تحب

والله هتقدرى تدى بدون مقابل وتعملى فيها عم العنتر يا ستى يا بختك بس اعتقد ان ده صعب او يستحيل انتى وقدرتك بقه

 

وانا قلتلك على موضوع المصلحه ده عشان تلاقى المقابل تقومى لما ييجى بعدها ويطلع عينك متزعليش ما هو انتى خدتى المقابل

 

وطبعا انا قصدى فى الحاجات اللى بتحتاج مجهود زى الليالى بقه الجامده اللى تقعدى تنفخى فيها بلالين والكلام ده والتضحيات الكبيره

 

انما لو تضحيه انتى مش ادها بخخخخخخخ متجيش على نفسك

 

انما يا ستى لو كويس معاكى وتمام التمام وبيديلك برده وماله اديله

بس موقف اوصاد موقف

 

انما التعاملات العاديه والمشاعر والكلام ده على اتفاقنا

(كلام كبير اوى بس واقعى للاسف )

 

 

بصوا انا هجاوب دلوقتى على سؤال مشترك بينكو كلكوا فانتو وان اختلفت المواضيع بس الموضوع نفس الفكره

الفكره كلكوا انكوا ممكن تشدوا الحبل لحد ما يتقطع والراجل يتجنن جددددددددددددا وممكن تقلب بمصيبه

يا جماعه الموضوع عامل زى الترمومتر كده

واحده ناصحه:يله يا جماعه نروح لمدير الشئون الماليه للحزب يشترى طقم ترمومترات وكده العمليه تبقى نضيفه ميه الميه

 

 

يا ستى اصبرى قبل ما ابدا اشرحلكوا تكنيك الموضوع بالظبط

 

هضربلكوا مثال صغير:فاكرين واحنا صغيرين لما ييجى واحد بياع كتاكيت عمال يبيع كتكوت بيرقص موقفه على علبه صفيح والكتكوت عمال ينط واحنا فرحانين ونشبط زى الهبل نروح البيت وناخد الكتكوت نلاقيه لابيرقص ولا زفت

 

الللله انتى هتعملى مشروع دواجن ولا ايه يا شمعه وبالمره تسمين عجول يا ستى اخلصى

 

طب يا ناصحه انا بس بضرب لك مثال عشان عمرك ما تنسيه

 

 

الفكره بقى ان الراجل تحت العلبه الصفيح ده بيبقى مشغل سبرتايه على ناار هاديه جدا بحيث تبقى الصفيحه دافيه تنطط الكتكوت بس من غيرما تلسعه

ليه بقه لو على الناااار قوى الكتكوت رجله هتتحرق وومكن يموت اصلا

ولو شال الكتكوت من على الصفيحه مش هينط خالص لانه مطمن ومفيش حاجه موحوحاه

 

 

بسسسسسسسسسسسسسسسس هو ده مربط الفرس

 

الباشا الكتكوت

 

انتى الراجل بياع الكتاكيت

 

تصرفاتك درجة حرارة السبرتايه والصفيحه

 

لو انتىحميتى النار رجله هتتلسع ويقلب عليكى خالص

ولو نزلتيه من على النار لا هينط ولا هيرقص

 

 

هضربلكوا امثله عمليه:

 

مثلا انتى عايزه تتهربى من الباشا زى ما قلنا

ما ينفعشى تتهربى باسباب ملهاش معنى زى مثلا اصلى عايزه اروق اوضتى كده انتى هتطلعى مش بتحترميه وادى ياجدى هيديكى لما يلاطيكى وهتطلعى غلطانه

ماينفعشى تتهربى بسبب تكونى اودامه مش بتحترميه زى مثلا:عايزه انام كده هيحس انك مش بتحترميه وبرررررده ادى يا جدى

 

الللللللللللللللله اومال يا شمعه نورينى يا اختى

 

بصى لازم تتهربى باسباب قهريه زى مثلا تمثلى ان بطنك وجعتك فجاءه او باباكى دخل عليكى او بينده عليكى او مثلا قعدتى يوم ما اتصلتيش جالك دور برد ابن لاذينه او الواد الصغير وقع من على الترابيزه

الاسباب القهريه ده تعتمد على وضعك مخطوبه متجوزه كده يعنى

 

 

طب وايه تانى يا شمعه من حوار تظبيط درجة الترمومتر

 

انك مثلا وحوحتيه على الاخر وانتى هتحسى كده من جواكى انه شاط مفيش مانع فى النص تدلقى عليه نقطة ميه لسببين

اول سبب:تطفى النار عشان متلسعكيش

الثانى:تدوقيه وترجعى تحررررررررررميه

 

بصوا يا بنات طبعا لانكوا لسه فى الاول عظمكوا لسه طرى ولسه مختوش على التقل وانا عارفه ان بينتابكو خليط من الخوف من انك تفقدى حبه وبتحسى كمان ان شبه حياتك واقفه وبطنك بتوجعك وشويه والحاله تشتغل وتلاقيه بيوحشك وبتحسى انك عامله زى المدمن اللى هيموت وياخد الجرعه

 

بس صدقينى ان شاء الله انى بوعدك لو نفذتى اللى انا كتبته بمنتهى الدقه هتلاقى الدنيا تمام وزى الفل

 

 

انا هنا هديكى شوية حقن مضاده تقلل جرعات الاحساس بالخوف وتانيب الضمير الغير المبرر اللى بتحسوا بيه

 

مبدئيا كده الزوج او الخطيب اللى بيبقى نظام التقل وكده الكلام اللى عمال ننتع فيه بقالنا كام يوم بيربرمجك باسلوب معين بحيث انك توصلى للى انتى فيه ده وده حاجه فى علم النفس اسمها البرمجه السلبيه

اللى بيحصل انو بيعودك باسلوب غير مباشر ان فيه اتفاق مضضضضضضضضضضمر وغير ظااااااااااااااااااااااهر انك تتنك بصراحه كده شبشب فى رجل اللى ....احم احم اللى جابوووه

هو بالطريقه ده بيحس برجولته

وماله مفيش مانع انك تحسيسيه برجولته بس باللقمه اللى بقولكوا عليها واللى هى انتى تسمحى بيها واللى تحفظلك كرامتك

 

هتقولى مفيش كرامه بين الواحده وجوزها

لا فيه بدليل انك بتنهارى فى وقت من الاوقات من سلسلة التنازلات اللى انتى عماله تقدميها

واكبر هديه بتاخديها والمفروض تستنيها ضربة قفا محترمه

وكفايه انك نلتى شرف القفا والمفروض تقول كمووووووووووون وتروحى تعتذرى ان ايده وجعته وهو بيضربك القفا

 

وبتكون النتيجه انك

والجمله اللى جايه ده مهمه جددددددددددددددددددددا

بتتضامنى معاه على نفسك

تخيللللللللللى ايوه بتتامرى معاه على نفسك ونظرا لان الواحد مفيش اغلى عنده من نفسه بتيجى فى وقت من الاوقات تعجى وتبتدى تنفجرى وتخرفى وتضيعى وتخسرى العلاقه نهائياااااااااااا

وبينسى الكام قفا اللى ختيهم وبيفتكر حاجه واحده انك قلبتى عليه ونكدتى عليه

طب يا ستى اودامك حل من اتنين

الاول:انك تبقى عطاء بلا حدود وتطلعى فى اعلان بامبرز لا حدود لامكانيتهم والله بقى انتى وقدرتك

الثانى:انك متاخديش القفا اصلا وتبقى فل الفل معاه

 

انما تاخدى القفا وترجعى تتخانقى ده لون رمادى ما لوش لا معنى ولا لازمه

 

 

انا بقى هعالجلك مشكله مشكله من الاحاسيس الغير مبررره اللى بتحسى بيها

 

الاحساس بتانيب الضمير:وده ناتج عن البرمجه اللى حكيتلكوا عليها انك اقنعتى نفسك انك لو ما اتزلتش مش هينفع

الاحساس بالوحشه:وده ناتج عن الادمان اللى اتعودتى تاخديها بتدمر جسمك بس انتى بترتاحى راحه مؤقته وبعده استلقى وعدك ياحلوه

الاحساس بالخوف:لان اتزرع جواكى ان السكه ده غلللللط ولما بتيجى تمشى فيها بتخافى زى والعياذ بالله اللى بيمشى فى سكة الحرام ولله المثل الاعلى طبعا

 

[~ماريا~ 1340]

امممممممممممممممممممممممممممم

انا بقي مش مع الست شمعه بصراحه في الدرس دا خالص

ما احب الاسلوب دا في تعاملاتي مع جوزي

دا عن نفسي

[** أم المنذر ** 66]

السلام عليكــم ورحمـة الله وبركاتــه

 

عملتوا كل ده من ورايا؟؟؟

 

أهلا بيك مجددا يا طيوبة

 

و فعلا كنا حنيأس من تكملة الموضوع، بس الحمد لله على عودتك أولا و تكملته ثانيًا

 

عندي بعض التعليقات:

 

 

إقتباس

طول ما انتى قاعده تحكى عن حكايات من نسج خيالك عن ناس معجبه بيكى هقولك امثله

أمممم أعتقد أنني أرفض هذا الأمر لأننا بذلك ندخل دائرة الكذب والله أعلم

فالأفضل أن نبتعد عنه ... ولا نقول إلا ما يحدث بالفعل

 

 

كنت سأقول ذلك، أعاذنا الله و إياكن من الكذب

 

فبالإضافة إلى حرمته، فإن له آثار أخرى فغالبًا ما يكشف الكذب بطريقة أو بأخرى

 

كأن يحدث موقف يكشفه، أو أن يحس الزوج بكذب الزوجة، فإن حدث ذلك فإنه لن يصدق منها شيئًا أبدًا بعد ذلك

 

ممكن كمان يكون هناك مواقف كهذه وقعت فعلاً :icon15:

 

لكن كل زوج حسب تقبله، فمن الأزواج من يغضب لو أحس أن زوجته تفكر فيها امرأة أخرى كزوجة لرجل آخر ...من باب الغيرة

 

ممكن كذلك أن تنقلب عليها هذه القصص بأن يمنعها من بعض الأشياء كالخروج و الرد على الهاتف و هكذا :icon15:

 

أما الدرس الثاني..

 

قرأته مرة واحدة لكن أشعر أنه يحتاج إلى تأمل

 

مع ذلك لست أتفق معها في كل شيء

 

صحيح أن الزوجة إذا قامت بأشياء كثيرة (((زائدة عن واجباتها))) فإن الزوج سيتعود على هذه الأشياء ولن ينتبه لها فيما بعد

 

كذلك إن عودته أنها --دائمًا-- تتنازل و تؤجل نفسها و تضحي فإنه سيتعود على ذلك و يعتبره وضعًا طبيعيا فربما ينسى فيما بعد أن لها حق سواء كان ماديا أو معنويًا

 

لكن يمكن حل هذا بسهولة بأن تذكر الزوجة زوجها بأنها تحب أن تلقى تقديرًا على ما تفعله

 

و تنوع في اسلوبها بشكل مباشر أو غير مباشر و بحكمة

 

لكن أن تفعل و تنتظر منه مقابلاً على كل شيء فهذه الحياة أصبحت تجارة لا حياة زوجية

 

إضافة إلى ذلك فإن موازين النساء و الرجال تختلف بمعنى أن الطرق التي يعبر بها الزوج عن تقديره لفعل زوجته تختلف عن التي تعبر بها هي له عن تقديرها، فمثلا ممكن يجد الزوج في عمله تقديرًا لفعل زوجته.

 

و كذلك يجب على الزوجة ألا تتعجل...و أسرد لكنّ موقفًا حدث معي أنا شخصيًا هذا الأسبوع

 

زوجي من النوع الذي يحب الدلال كأن ألبسه ملابسه و أخلعها له، و أستيقظ معه صباحا لأعد له الفطور، و أكون معه إذا أراد أن يصلح شيئًا ما في المنزل (يعني مثل الصبي اللي بيكون عند الفني، يقله هات دي و خد دي و روح و تعال) و غيرها، و قد تعودت على ذلك

 

و من فترة لم يشكرني و بت أحس أنني أعمل بلا أقل تقدير

لكنني فوجئت به في اجتماع لعائلته، يذكر ذلك و يقول لأزواج أخواته: مساكين أنتم زوجاتكم لا تدللكم كزوجتي

 

فجاء موقفه في وقته الحمدلله

 

أيضًا إن تأخر الزوج في رد المقابل لجهود الزوجة فإن ذلك لا يعني أنه غير مقدر، لكن الرجال ينشغلون كثيرًا بأمور (كالعمل و العائلة و السياسة) تجعلهم في مزاج لا يسمح بأن يكونوا بمقدار اللطف الذي تحبه النساء

 

لكن اتوقع أن شمعة تتحدث عن الزوجات اللاتي يبالغن في التضحية و الأزواج الذين يبالغون في هضم الحقوق

 

هذا ما عندي مبدئيًا

 

و بانتظار الباقي

 

نتابع معك إن شاء الله

[صاحبه القلب الطيب 12]

ماشى ياماريا

 

انا معاكى ان شمعه زودتها المرة دى شويه لكن زى ما ام المنذر قالت

 

لكن اتوقع أن شمعة تتحدث عن الزوجات اللاتي يبالغن في التضحية و الأزواج الذين يبالغون في هضم الحقوق

[~ماريا~ 1340]

اها

طيب الحمد لله جوزي مش منهم

ها يا غاليه

فين جديدك؟؟

 

انت مالك كدا موجوده في المنتدي بس مش بتشاركي

او مشاركاتك قليله

شو الي شاغلك يا انجي يا قمر

[صاحبه القلب الطيب 12]

معلش ياماريا

 

دماغى مشغووله اليومين دوول ومرهقه فاتصفح فقط

 

سامحينى

 

شوفتى

هى ديه فايده التخفى .هههههههههههههههه

[~ماريا~ 1340]

ربنا يريح بالك حبيبتي

ريحي نفسك شوي

ايوه التخفي حلو في كدا

يلا ربنا يهدي سرك حبيبتي

[أمة الله سلفيه 2]

السلام عليكم ورحمة الله وبركاته

ازيك يا حبيبية قلبى صحوبه وحشتينى والله بحباااااااااااااااااااك فى الله ياقمره

منورررررره يا حبى اخبار حبوبه الصغيره ايه

لا تنسينى من صالح دعائك

متابعه معك بإذن الله

تم تعديل 21 سبتمبر, 2011 بواسطة أمة الله سلفيه

[ام جومانا وجنى 515]

السلام عليكــم ورحمـة الله وبركاتــة ،،

أنا أوافق أم المنذر فيما قالت

في الانتظار يا صحوبه أكملى

[صاحبه القلب الطيب 12]

تعيشى ياماريا

 

كلك زووق بس اليومين دوول ما عندى طاقه للكتابه اووى

ربنا يسهل وتعود الهمه

 

امه الله سلفيه .وانا احبك جدا حبيبتى

 

ام جومانا وجنى .حاضر حبيبتى باقرب وقت

[زهرة نسرين 246]

رايي من راي ماريا

هناك مبالغة نوعا ما

الا اذا كان الحال كما ذكرت ام منذر للازواج لي بالغو في عدم تقديرهم او تاخرو كثير في تقدير تضحيات الزوجات

ريحي بالك شوي يا انجي و كملي لنا الباقي

مع اني كثير كلمات لا افهمها (اللهجة المصرية صعبة علي شوي)

لكني متابعة معكن ان شاء الله

[صاحبه القلب الطيب 12]

ان شاء الله نسرين الحبيبه

 

فى اقررررررررررب وقت ممكن

 

وعامه هو اخر جزء

[أمة الله سلفيه 2]

متابعين معك ِ يا نور عينى اين الباقى

احباااااااااااااااااااااااااااااااااااااااك ف الله

[صاحبه القلب الطيب 12]

طلباتكم اوامر

 

ان شاء الله اليوم او الغد بالكثير

 

ربنا ييسر (اصل الموضوع بيكون طويل وبقراه واحذف منه واضيف وانسق فبياخد وقت )

 

فصبركم

[بنت ام عبد 151]

السلام عليكم ورحمة الله وبركاته،،

صحوبة الحبوبة أشتقت لكِ

كيفك حبيبتي وكيفها حبيبة ؟

ما شاء الله رجعت تنوري الساحة مرة تانية

سامحيني لم أرد علي اي موضوع لك لاني اتصفح علي السريع بإذن الله احاول اتابع معك ...المدارس شغلتني كتير بالاضافة الي الصغار (الله يهدي ويصلح)

[صاحبه القلب الطيب 12]

وانتى كمان بنت ام عبد

 

وحشيتنا اوووى

 

والساحه مفتقداكى جداااااااااا

 

وطبعا مقدرين ظروفك ربنا يكون بعونك حبيبتى

مسئوليه مش سهله .حاولى بس كده تشوفى ساعه فى الاسبوع حتى تدخلى فيها

 

احبك فى الله

[** أم الصبر الجميل ** 98]

السلام عليكــم ورحمـة الله وبركاتــة ،،

 

متابعة معاكِ وهتعلم يا قمر .

 

جزاكِ الله عنا من الجنان أعلاها حبيبة قلبى .

 

بإنتظار البقية إن شاء الله حبيبتى سلمت لنا من كل شر يا غالية .

[عزتي حيائي 41]

السلام عليكــم ورحمـة الله وبركاتــة ،،

بارك الله فيك صحوبة الجميلة ... موضوع أكثر من رائع ... عودتينا على المواضيع الجميلة

انا سأحاول ان أبدأ خطوة خطوة إن شاء الله

و الله المستعان

[عزتي حيائي 41]

فيييينك يا صحوبة ... هو موضوع التقل انتهى خلاص