متلهفة للفردوس 41 أرسلي تقرير عن المشاركة قامت بالمشاركة 14 فبراير, 2012 و الله لا أجامل يا هوووبة سلسلة جميلة جدا و بها إبداع حقا بس خفي على سي عبد الصمد شوية أو حتتجيلو جلطة من كثر بلاوي الست هانم :mrgreen: وفقك الله شارك هذه المشاركه رابط المشاركه شارك
اميرة قلب زوجها 8 أرسلي تقرير عن المشاركة قامت بالمشاركة 14 فبراير, 2012 هههههههههه بصراحة همووووووووووووووووووووووت من الضحك على الحلقتين الاخرتين اضحكتنى كثيرا شكرى ولا شكريه دى هو حرام انه يكلم صاحبه من غير ما تسمعه الا تحب ان تحكى لصديقاتها وهو غير موجود عجبا لكن معشر النساء وفى القصة اللى قبلها تعالى شوفى احباب الله بهدلوا الدولاب بصراحة اسلوبك روووووعة كتر الف خير الراجل انا لو مكانه وعلى احسن الاحوال هسيب البلد باللى فيها لست زكيه وحبايبها واولادهم واخواتها وامها والعياله كلها واروح اعيش حياتى فى اى مكان بعيد عنهم جزاك الله خيرا شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 14 فبراير, 2012 جزاك الله خير يا هبه حلقات رائعه يسلم قلمك شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 15 فبراير, 2012 جزاك الله خيرا يا هوبة علي الحلقات والاسلوب الاكثر من رائع الفضول الذي يقتلنا -نحن معشر النساء-استحالة تمر حكاية من غير ما نحب نعرف أصلها وفصلها إلا من رحم ربي الخطأ الكبير هنا أن تسأل الزوجة عن شيء يخص أحد سواء أقارب الزوج أو غيرهم خاصة المشاكل لأنها أمور شخصية وحساسة ويلزم فيها الستر وكما تحب الزوجة الستر لمشاكلها لا تتبع عورات الأخريات . الخطأ الاخر عدم فتح شيء يخمر مهم الرجل عادة يشعر بالغيرة لو استمعت زوجته لمكالمة مع صديقه وقد يكون محور المكالمة عن اسرار للغير فليس من حقك معرفتها . ***أود التنبيه علي بعض المخالفات الشرعية -رد الزوجة علي مكالمة صديق الزوج -تدخل الزوج في حل مشاكل اخيه مع زوجته ليت من تدخل أحد محارم الزوجة (الحمو الموت ) ولا تقول احداكن جالسة في وجود زوجها الشيطان قد يزين للمرأة هذا الرجل حتي لو زوجها افضل منه مائة مرة والعكس قد يحدث أيضاً (عموما الامر لم يتضح من الحلقة كيف قام بحل المشكلة )انبه من باب الاحتياط فقط .ص الزوج بدون اذنه وخصوصاً لو هدية من احد أقاربه . عدم التجسس علي الابواب . شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 16 فبراير, 2012 بريد ذكية ذكية باعتة السلام للقمامير دول اللى ردو على اخر حلقة حبيبتنا المتلهفة للفردوس وبتقولها ربنا يختى يرزقك بالذرية الصالحة عن قريب وحبيبتنا اميرة قلب زوجها وبتقولها نورتينى يا حتة بسبوسة وحبيبتنا ام جومانة وجنى وبتقولها يخليهوملك يختى وتفرحى بيهم وحبيبتنا بنت ام عبد وبتقولها يختى جمايلك مغرقانا ونصايحك نفعانا وذكية باعتة انذار للمشرفة العسولة سجودة وبتقولها ان ماجيتيش تكتبى نقد تصرفات ذكية هى مش مسئولة عن اللى هيحصل وبتقول لاى واحدة تشوف اتمنى رضاه فى اى حتة فى المنتدى تعضها عضة كبيرة فى اى حتة برضو عشان حرمانا من اسلوبها فى النقد اللى كنا بنستناه فى كل حلقة وذكية برضو زعلانة جدا من منال كامل عشان مش معبرة ذكية ومتشكرين يا حلوين وشكرا لساعى البريد 1 شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 16 فبراير, 2012 السلام عليك ورحمة الله وبركاته .. ^___^ ما أقدر أنا على زعل الست ذكية ... كنت فقط مشغولة أمس فأعذريني ...وإلا فإن حلقاتك لا أستطيع أبدا ألا أمر عليها وأقرأها وللعلم يا حبيبة ..أنت بالفعل مبدعة ... وأنصحك بالتفكير جديا في نشر هذه الحلقات على نطاق أوسع نأتي الآن للست ذكية ... فضول غير عادي لا أستطيع أن أتخيل إمرأة تحمل هذا الكم الهائل من العيوب وأعتقد أن نهاية الأخ عبد الصمد ستكون على يديها ^_* على الزوجة أن تفهم كما أن لها خصوصيات فكذلك الزوج يحب أن يكون له خصوصيات وإذا لم يأت الزوج ليقول لك أي شيء فهذا يعني ألا تحاولي أنت أن تقحمي نفسك فيه واعطي زوجك مساحة من الحرية والخصوصية ... ودعيه هو من يأتي إليك ليخبرك .. واعلمي أنك بذلك دخلت في أمر نهى الله عزوجل عنه وهو التجسس حتى لو كان هذا التجسس على زوجك الأمر الآخر ... أنها فتشت في أغراض زوجها بدون إذنه .. فهل ترضى أن يفعل الزوج نفس هذا التصرف بأشيائها ؟؟؟ أسأل الله أن يهدينا ويهدي نساء المسلمين بس والله لو عملت حلقات خاصة بعبد الصمد هطلعله بلاوى ^_____________^ نعم الطيب أحسن أخاف أن تقوم الأخوات بثورة على أزواجهن وقتها شارك هذه المشاركه رابط المشاركه شارك
ارضى عني 13 أرسلي تقرير عن المشاركة قامت بالمشاركة 16 فبراير, 2012 والله يا هبه انتي عسل وقشطه ومربى وكل حلقه اجمل من ايلي قبلها وللاسف كل ما ذكرتي هو واقع والله المستعان وكل ما اقرا حلقه لست زكيه لا اتمالك نفسي من الضحك وتصيب الحيره زوجي شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 16 فبراير, 2012 طيب يا هوبة هى الست ذكية ياختى ما تركت لى رسالة معاكى . عسل يا هوبة والله . وبصراحة عايزاكى تعملى حلقة لعبد الصمد أفندى ( حلقة واحدة بس وكفاية أصلنا ما هنصدق وهنشبط ) . أنا متأكدة إنك لو كتبتى الحلقة دى هارد عليكى بعريضة معرضة من الإنتقادات شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 16 فبراير, 2012 بريد ذكية الست ذكية بتشكر مرون جلاسيه وبلح شام الإشراف ساجدة للرحمن وبتقولها متشكرين على الواجب ويجعله عامر بحسك يختى وحتة الغوريبة الناعمة ارضى عنى وبتقولها انتى اللى عسل ابيض وقشطة ومربى مشمش عشان انا بحبها اوى \ وباعتة جملين محملين سلامات لأشرقت السماء وبتقولها انساك ياسلام انساك ده كلام والسلام ختام واسيبكو مع الحلقة الجديدة شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 16 فبراير, 2012 *~* يوميــ الست ذكية ـــــــات *~* (9) بقــ هبةنور ــلم النهاردة ذكية جاية من برا وجايبة معاها امها وامها كانت زعلانة وبتعيط ياعينى رنوا الجرس وفتح عبد الصمد تعالو نشوف ايه الحكاية ادخلى ياما اهئ اهئ اهئ اهىىىىىىىىىىئ مالك ياحماتى بس بتعيطى ليه ااهئ اهئ اهىىىىىىىىىىىىىىىىىىىىئ امك مالها ياذكية سيب امى فى حالها ياعبد الصمد ايه بس ايه اللى حصل اصلها متخانقة مع ابويا معقول ! ليه بس بسبب الفالنتيم ياخويا اسمه الفالنتين ياذكية قوطع ياخويا وقوطعت سيرته وامك مالها اصلا بالفالنتين ياذكية اتصلت بيا الصبح ياخويا وقالتلى هاتى العيال وتعالى روحت ياخويا لقيتها لبسة جلابية حمرا وابويا لابس بيجاما حمرا افتكرتهم عندهم الحصبة ياخويا قولتيلها مالك ياما بعد الشر انتى عيانة انتى وابويا قالتلى ليه يا بت ياذكية قولتيلها امال لابسين احمر ليه . قالتلى عشان الفلانتيم ياجاهلة وقالتلى روحى السوق هاتيلى سبعة كيلو طماطم قولتيلها ليه ياما قالتلى هنعمل محشى طماطم طب واشمعنى امك عايزة تعمل محشى طماطم يعنى عشان الطماطم حمر صحصح معايا ياعبد الصمد حتى قولتيله اجيبلك بتنجان كمان قالتلى ابدا ده لونه اسود ومايدخلش بيتى النهاردة اه عندها حق وبعدين روحت السوق ياخويا لاقيت الباياعين اتهبلو بعيد عنك . بياع كاتب على الطماطم .طماطم لامور والتانى كاتب طماطم جيتادور المهم ياخويا جيبت الطماطم وروحت حشيتها انا وهى وبعدين حكمت علية انا والعيال نلبس احمر كلنا بقينا قاعدين ياخويا كلنا لابسين احمر فى احمر زى المستنين حكم الاعدام القصد ياخويا اتغدينا وابويا نفخ كام بلونة وامى قعدت تفرقع بومب وشوية جه وقت الهدايا . راحت امى ادت لابويا الهدية بتاعتوا فتحها لاقاها جايباله شبشب حمام وابوكى زعل طبعا عشان امك جايباله شبشب لأ ياخويا ابويا زعل عشان الشبشب مجاش مقاسه وقال لامى يعنى عايشة معاية العمر ده كله ومش عارفة مقاس رجلى وهى تقوله ياخويا حقك علية قالها لا انتى مش هتباتى فى البت ده النهاردة روحت جايباها وجاية طب والهدية اللى ابوكى جابها لامك كانت ايه ماهى مالحقتش تعرف ياعينى لا حول ولا قوة الا بالله . حتى ابوكى وامك بيحتفلو بالفالنتين بس انا زعلانة منك يا عبد الصمد ليه بس فين هدية الفلانتيم بتاعتى ياذكية الفالنتين ده عيد كفار والمفروض مانحتفلش بيه اه طبعا مادام هتجيب هدية وتدفع فلوس يبقى عيد كفار ولو مش هتدفع فلوس يبقى عيد مؤمنين صالحين ياعبد الصمد مش كدة انتى مااتعظتيش من اللى حصل لامك ياذكية قصدك ايه ياعبد الصمد قصدى مافيش حاجة اسمها فلانتين ياذكية وخلى ايامك معايا تعدى على خير منتديات أخوات طريق الإسلام شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 16 فبراير, 2012 اضحك الله سنك يا هبهوب ضحكتيني بشدة علي والد ووالدة ذكية. أصلح الله أحوال المسلمين وهداهم للحق والصواب مبدعة يابنتي والله ... انشريها علي نطاق أوسع (كما قالت سجودة) شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 16 فبراير, 2012 بس تتصوري مهم برده الزوجة تعرف مقاسات زوجها كويس الحمد لله انا بعرفها بس أحياناً مش بتظبط معي ...سبحان الله الطاعات تجمع والمعصية تفرق ...صراحة مش سبب يا ابو ذكية تطرد الست بسببه:) شارك هذه المشاركه رابط المشاركه شارك
اميرة قلب زوجها 8 أرسلي تقرير عن المشاركة قامت بالمشاركة 16 فبراير, 2012 ايه الحلقة الغريبه دى يا هوبه هو الفلانتين كمان وصل لحد والد زكيه ووالدتها ووصل لبائعى الطماطم ربنا يهديهم اسوبك مشوق اكملى الحلقات بانتظارك شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 16 فبراير, 2012 ذكية لقت عبد الصمد قافل على نفسه الباب وبيتكلم فى الموبايل ولازم تعرف بيكلم مين طبعا(لماذا الاحظ ان كل النساء عندها فضول قاتل لمعرفة من يكلم زوجها بالرغم انه لو ارد اى رجل فعل شىء خطا او غير خطاء بدون ان يعلم الزوجه سيفعل بدون ان تتدرى فلا تتعبى نفسك فى معرفة من المتكلم ) تعالوا نشوف ايه اللى حصل بس يامصطفى ياخويا هدى نفسك لأ ياعبد الصمد انا حقيقى تعبت من الست دى طب اهدا وانا هاجيلك حالا عبد الصمد نعم ياسبب سعدى هو اخوك متخانق مع مراته ليه وانتى عرفتى منين اصل انا سمعتكو بالصدفة وانا معدية جنب الباب....( ليس من الادب ان تتنصتى لحديث زوجك مع اى شخص ) وانتى معدية جنب الباب ولا وانتى لازقة فى الباب انت كدة على طول ظالمنى ياعبده معلش ربنا يعينك علية طيب انت بتلبس ورايح تصالحهم ان شاء الله طب استنى هلبس انا والعيال ونيجى معاك لا اله الا الله هو انا رايح رحلة ياست ايه ياعبد الصمد مش لازم اشارك فى مصايب عيلتكو...( لا تتدخلى ابدا ابدا فى مشاكل عائلة زوجك حتى لو حدث ووان ظهرت مشكلة امامك لا تتدخلى ولو حتى بالكلام وسيكون من الافضل لو تتركى المكان وتستأذنى فى الذهاب لغرفه اخرى او الذهاب الى بيتك فمشاكل الاخرين لا تعنيكى فانت اكتفى ببيتك ومشاكللك ولا تشغلى نفسك وتفكيرك بغير بيتك ) الله الغنى عن مشاركاتك . انتى بالذات لو اتدخلتى الموضوع هينتهى بطلاقهم . هو انا انسى لما اختى كانت زعلانة مع جوزها وقولتيلها انا لو منك اخلعه يوه ياعبد الصمد ماهى زى اختى وعايزة مصلحتها طب ايه رأيك هى اللى كانت غلطانة واعتذرت لجوزها هى طلعت غلطانة ! هى اختك طول عمرها غلاطة ويتفاتلها بلاد طب ممكن انزل بعد اذن جنابك طيب بس لما تيجى تحكيلى ايه اللى حصل خليكى فى حالك ياذكية هحاول ياعبد الصمد انت جيت ياعبد الصمد حمد لله على السلامة الله يسلمك الجماعة اتصالحو الحمد لله وبقو سمن على عسل هما كانوا متخانقين ليه...( لا تتدخلى فى ما لا يعنيكى ولا تكثرى من الاسءئلة فلو جاء زوجك بنفسه وقال لكى فهذا افضل من سؤاللك وقاومى فضوللك فى معرفه ما حدث ) تصبحى على خير ياذكية كدة ياعبد الصمد طيب ماشى بتشد اللحاف على وشك عشان ماتشوفنيش اه صحيح نسيت اقولك واحد صاحبك اتصل بيك اسمه ايه مش عارفة ياخويا فكرى ذكرى ولا بكرى اه شكرى بيقولك كلمه ضرورى وهو اتصل بيك على الارضى عشان موبايلك مقفول طيب هاتى الموبايل واخرجى برا ليه ياخويا هو انت هتكلم شكرى ولا شكرية . هو مش راجل زيه زيك .ايه يعنى الاسرار اللى هتكون بينكو هاتى الموبايل ياذكية واطلعى برا طيب قبل مااخرج عايزة اقولك اخوك اللى فى بلاد برا بعتلك ازايز برفانات وهى فين اهيه ياعبد الصمد ايه ده ياذكية . هى مش كانت فى صندوق مقفول ومتبرشم اه ياخويا امال يعنى كانوا فى كيس نايلون....( لا تفتحى اى متعلقات من متعلقت زوجك حتى لا يغضب عليكى فهذا من خصوصياته فانظرى حاللك لو فعل ما فعلتى فى اشيائك مذا كنتى ستشعرى ) ومين اذنك تفتحى الصندوق اصل ياخويا خفت ليكون فيه قنبلة تفرقع فى وشك قولت افتحه انا وافديك بروحى ياعبده مش هقول غير ربنا يصبرنى عليكى ياذكية انا جيت اهو من غير ما حد يعضنى ولا يقرصنى يا هبهوب بس معلشى والله تاخرت والغايب حجته معاه متشكؤرررررين علىالحلقات الرهيبه دى شارك هذه المشاركه رابط المشاركه شارك
سُندس واستبرق 4685 أرسلي تقرير عن المشاركة قامت بالمشاركة 16 فبراير, 2012 هههههههه قال فلانتيم قال .. متابعة حلقاتك يا قميلة ^^ شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 16 فبراير, 2012 هههههههههههههههه ما أنا قلت لك إبدآآآآآع يا بنتي (بقينا قاعدين ياخويا كلنا لابسين احمر فى احمر زى المستنين حكم الاعدام) ههههههههههههههههههههههههه حلقة رائعةأكملي أنتظر ما في جعبتك وما ستجود به قريحتك طبعا الفالنتاين أو عيد الحب كما يسمونه حرام إبتدعه رجل وجد في نفسه وحشة وكان في فندق لمفرده فقال لما لا يكون لنا عيدا للحب لم يتركو شيئا إلا ووضعو ه عيدا لتعرفو مقدار حرمانهم ووحدتهم لكن نحن و الحمد لله نحتفل كل يوم بالحب مع أحبائنا فلم يجب أن نقتصر على يوم واحد للحب والأيام كلها لنا؟؟؟؟ 1 شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 23 فبراير, 2012 بريد ذكية ذكية بتقول يا جماعة شرفتونا وخطوة عزيزة يا حلوين بنت ام عبد نورتينا يا عسل وذكية بتقول لاميرة قلب زوجها بتوع الطماطم زعلو منك اوى ومش هيدوكى طماطم تانى وشوفى بقى هتطبخى بأيه هما مالهومش نفس يحتفلو بالفالنتيم ولا ايه وذكية بتقول لاتمنى رضاه انتى تستاهلى عضتين مش عضة واحدة على كسلك اللى بقيتى فيه وهى هتدور عليكى فى المنتدى بنفسها ركن ركن قسم قسم صفحة صفحة الى الامام ثورة ثورة وذكية بتقول لسندس واستبرق يادى الخطوة العزيزة فرشنالك الصفحة ورد وفل وكل ماتعدى من جنب ذكية ادخلى اشربى الشاى وسلامنا الخاص الى متلهفة للفردوس وبتقولها يسلم لسانك اللى زى السكر ياجميل يا مسكر سلام مؤقت يا قمرات 1 شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 23 فبراير, 2012 السلام عليكم ورحمة الله وبركاته هي فين ما جبتهاش معاك ليه يا زيكو إنت رحت فيييييين؟ حرام عليك الغيبة الطويلة ده أنا شفت إسمك و دخلت على طووووووول. و الله مشتاقين. في انتظارك يا قمر بس ماتنسيش تجيبي معاك الست زكية. شارك هذه المشاركه رابط المشاركه شارك
بسمة الرضى 182 أرسلي تقرير عن المشاركة قامت بالمشاركة 23 فبراير, 2012 : ) مبارك لنا عودتك هوووبة الحبيبة : ) اشتقنا الك والله كيف حال و حال الزواج معك ؟ إن شاء الله أسعد ما يكون.. ربنا يرزقك بالذرية الصالحة عاجلا يا حبيبة ,, الحلقات قرأتها كلها اللهم بااارك جميييلة جدا و مضحكة و أحيانا أخرى معصبة جزاكِ الله خيرًا يا حبيبة : )) شارك هذه المشاركه رابط المشاركه شارك
إيماني عنواني 259 أرسلي تقرير عن المشاركة قامت بالمشاركة 23 فبراير, 2012 أضحك الله سنك حبيبتي :) نسأل الله الهداية لذكية ووالديها حتى الأب والأم يتصرفون بتلك التصرفات إذن فليس على ذكية أي لوم :)) حفظكِ الله هوبة الغالية وبارك لكِ هذه الموهبة القيمة شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 23 فبراير, 2012 السلام عليكم ورحمة الله وبركاته بارك الله فيك يا هوبه كملى الحلقات منتظرين وربنا يهدى زكيه ووالديها وصبر الأستاذ عبد الصمد :)) شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 24 فبراير, 2012 ذكية إميل اهلا اهلا اهلا اذيك يا متلهفة يا حبيبتى ليكى وحشة كبيرة اوى يا عيون ذكية ادينى جيت اهو يا حبيبتى يا الف مرحب يا بسمة الرضى يا وش السعد يا عسل والله مش ناسية دعوتك الحلوة لية قبل جوازى وسبحان الله كنت حاسة انها مجابة وكنت متفائلة بيها جدا ربنا يسعد قلبك يا بسومة يا سكر يا الف خطوة عزيزة يا ايمانى عنوانى نورتى يا قلب ذكية الف مرحب يا اختى يا دى النور يادى الهنا اللى الحلوة اللى زارتنا اسمها ام جومانة وجنى ازيك يا قمرايا وازى البنوتات اسيبكو مع الحلقة الجديدة شارك هذه المشاركه رابط المشاركه شارك
ذليلة إلى اللـَّـه 417 أرسلي تقرير عن المشاركة قامت بالمشاركة 24 فبراير, 2012 (معدل) حياك الله يا ظريفة الظرفاء ايه يا بنت العسل ده كله حلقات جميلة جدا كويس انك بطلتي تخفي يا ترى فاكراني؟ :$ انا مييييين ,غيرت اسمي من زماااااان , لكن وقتها مش كنتي بتخشي تم تعديل 24 فبراير, 2012 بواسطة ذليلة إلى اللـَّـه شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 24 فبراير, 2012 *~* يوميــ الست ذكية ـــــــات *~* (10) بقــ هبةنور ــلم ذكية هانم ست الهوانم قاعدة بتتفرج على التليفزيون وحاطة رجل على رجل وجه عبد الصمد يسأل عن الغدا لكن لقى مفاجأة تعالوا نشوف ايه اللى حصل ذكية ذكية ياذكية انتى مش بتردى ليه عايز ايه ايه الاسلوب اللى بتردى بيه ده ماله اسلوبى مالوش ياستى . قومى حضرى الغدا انسى ياعبد الصمد انسى ايه ياذكية الكلام الفاضى يا عبد الصمد بتاع حضريلى الغدا وحضريلى العشا تنساه عشان ده كان موضة وبطلت نعم يا ست هانم! وده من امتى ان شاء الله من ساعة مابقيت عضوة فى جمعية سوكسوك ومال جمعية ايه يختى معلش عاذراك ياعينى عليك ماتعرفش لغات. سوكسوك ومال يعنى الست الناجحة هههههههههههههههههههههه خخخخخخخخخخخخخخخخخ قصدك ساكسيسفول ويمان ايوة هى دى ياعبد الصمد وانتى ان شاء الله اشتركتى فيها امتا كل ستات الحى جالهم دعوات عشان نروح حفلة الاستفتاح . بس نصهم طلعوا ستات بلدى ومش متسئفين خالص ياعبد الصمد ليه بعد الشر عملو ايه فضحونا ياعبد الصمد . هما عرفوا ان الجمعية بيجيلها تموين اجنبى من هنا وكل واحدة راحت جابت شنطة خضار وجت الاجتماع كانوا فاكرينهم بيوزعوا سكر وزيت ياذكية تمويل اجنبى مش تموين اجنبى اه ياخويا ماهو من جهلهم مش فاهمين حاجة وايه اللى حصل بعد كدة ياست المثقفات الامن مارضيش يدخلهم الا لما يسيبوا شنط الخضار برا لكن هما ضربو الامن ودخلوا بالعافية وبعدين دخلت ابلة الدكتورة مستقوية عبد الجبار مين دى ياذكية دى اللى عاملة الاجتماع واول مادخلت قعدنا نزغرط ودى قالتلكو ايه كتر الف خيرها عرفتنا حقوقنا وقالتلنا الست لازم تشتغل وتصرف على البيت عشان الراجل مايكسرش عينها الله ينتقم منها ان شاء الله .وبعدين قالتلنا كمان مافيش واحدة بعد كدة تدخل المطبخ وتبهدل روحها والأكل يكون دولوفرى الله اكبر هناكل دليفرى يافرحتك بابنك ياما . كملى ياست العاقلين اشجينى اه وكمان مافيش غسيل ومكوى فى البيت الحاجات دى تخلف ورجعية وهدومك يا عبودة توديها التراى كليم تراى كليم ! اه دراى كلين . ماشاء الله نطق متميز يا ذكذوكة ياصانعة الحضارة .كملى وتجيبلى شغالة من الفلبين ودادة للعيال من سيريلانجا وايه تانى كملى عشان معايا فلوس كتيرة اوى عايز احقق كل احلامك عايز كوباية مية تقوم تجيبها لروحك وماتطلبش منى حاجة ابدا وايه كمان اه نسيت اقولك انا هشيل اسم ابويا من البطاقة انتى كمان ابوكى اتبريتى منه ياذكية لأ مش للدرجة دى . اصل ابلة مستقوية قالت ان البنى ادم مننا لازم يتسمى بأسم امه . يعنى انا اسمى ذكية منيرة وانت اسمك عبد الصمد نسرين لا حول ولا قوة الابالله . الست عقلها ضرب . بس انا امى مااسمهاش نسرين . امى اسمها جمالات لا ياعبد الصمد اعذرنى ياخويا امك اسمها بلدى اوى ومايشرفش اه عندك حق برضو . وان شاء الله الاجتماع الجاى امتى لما ابلة مستقوية تفك الجبس وتخرج من المستشفى هى اتجبست ! احسن تستاهل كله من الستات الاوباش اللى كانوا جاين ياخدو التموين . قالولها عايزين التموين يا حاجة قعدت تفهمهوم ان مافيش حاجة اسمها تموين اجنبى ومافيش زيت وسكر . وان الجمعية بيجيلها شيكات كل شهر من بلاد برا لإدارة الجمعية مش للعضوات لكن ماصدقوهاش واتلموا عليها وقالوها فين الزيت والسكر يانصابة ونزلوا فيها ضرب وكسرولها دراعين ورجل وياعينى ركبت باروكة ليه .شعرها راح فين شعرها طلع فى ايديهم بعيد عنك المفترين قتالين القتلا الحمدلله . ربنا يقل من امثالها . يا ذكية دول خرابين بيوت وناس ضد الاسلام ماتقولش كدة ياعبد الصمد حرام عليك طيب قومى اخزى الشيطان وحضرى لقمة ناكلها خد الورقة دى ياعبد الصمد ايه الورقة دى دى ورقة فيها ارقام كل المطاعم اللى فى البلد اتصل واطلب دلوفرى طيب هاتى التليفون هتطلب دروفرى لأ هطلب الحاج عبد المغيث المأذون ايه ايه . ليه ياعبد الصمد هو انا زعلتك فى حاجة ياخويا . انا قايمة احضر الغدا ياعبده . ال سوكسوك ومال ال ستات ماتجيش الا بالعين الحمرا. منتديات أخوات طريق الإسلام شارك هذه المشاركه رابط المشاركه شارك
هبة عبد العظيم نور 2043 أرسلي تقرير عن المشاركة قامت بالمشاركة 24 فبراير, 2012 حياك الله يا ظريفة الظرفاء ايه يا بنت العسل ده كله حلقات جميلة جدا كويس انك بطلتي تخفي يا ترى فاكراني؟ :$ انا مييييين ,غيرت اسمي من زماااااان , لكن وقتها مش كنتي بتخشي انتى مين ياعسل شاكلك كدة واحدة من حبايبى اللى بدور عليهم وبعين اموت واعرف بتغيروا اساميكو ليه هو انتو عليكو تار وهربانين يلا قولى انتى مين وفرحى قلبى يختى شارك هذه المشاركه رابط المشاركه شارك