هبة عبد العظيم نور 2042 أرسلي تقرير عن المشاركة قامت بالمشاركة 10 فبراير, 2012 السلام عليك ورحمة الله وبركاته حيا الله هبة الحبيبة ... وأعانك الله غاليتي :) أكره ما أكره في النساء " المنظرة " يا الله أكرهها ...وأشعر أنها من قلة عقل المرأة وتفاهتها أن تشتري أشياء فقط لمجرد أن فلانة أشترت أو لأن يكون لها وضع بين الناس . المصيبة الكبري أن تكون هذه المشتريات فوق طاقة الزوج فتحمله مالا يطيق وتضع حملا فوق ظهره ينوء بحمله ويجعل في قلبه من ناحيتها مشاعر سلبية لأنها لم تقدر تعبه وتحافظ على ماله . ما أعجبني في هذه الحلقة ..أن لسان الست ذكية تحسن قليلا عما قبل ^__* أسأل الله لنا ولها الهداية فى ستات مجنونة بالشوبنج ربنا يهديهم يتفننو ازاى ياخدو فلوس من الراجل ويبعزقوها حتى لو الراجل ماديا يتحمل هذه النفقات المفروض تفهم الست ذكية ان ده اسراف فى غير محله بس ذكية زعلانة منك ياسجودة عشان بتقولى لسانها طويل طيب هى لو كانت لسانها حلو وست الستات ماكوناش احتاجنا للحلقات دى اصلا ههههههههههههههههه شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 10 فبراير, 2012 مش عارفة اقول إيه في ذكية دي؟؟ لكن لو كنت انا عبد الصمد لكانت الحلقة القادمة: الست ذكية قاعدة جنب امها وعينيها حمرة ومتنفخة، وأمها مشمرة عن إيديها و قاعدة متربعة ذكية: شفتي يا ماما اللي اسمو عبد الصمد ده المفتري الزالم سايبني شهر عندكم ولا سأل عليا بالتلفون ولا عدى عليا ولا حاجة؟؟؟ الأم: كان يوم اسود يوم ما شفناه اول مرة، فعلا طلع ما بيستاهلكيش - طب أعمل إيه يا ماما؟ أكلمه؟ أروح البيت وخلاص؟ - تكلميه وتروحي البيت إيه يا دا العادي؟ تمرمطي نفسك وتهيني كرامتك كده يا عين أمك؟؟؟... استني لما يجيك هو مطاطي راسك يبوس رجلك ترجعي البيت - ماما في حد عالباب افتحي بسرعة ليكون عبد الصمد -يا خراااااااااااااااشي - ايه يما فيه إيه؟؟؟ عبد الصمد ؟ أهلا يا حب...ييب...ي - أهلا فيك يا ذكية انا كنت معدي من هنا قلت أعرفك على صاحبتك الجديدة - صاحبتي؟ - آآآ أنا لقيتك بتزهقي في البيت وبتتكلمي تلفونات كتيرة وبتعملي شات مع ناس بعيدين عنك قلت أجيبلك حد يسليك.... سلمي على زوجتي الجديدة - .......... (الست ذكية مغمى عليها) مش تعدي عليك يا هبوشة، بس فعلا الست ذكية غاظتني و زي ما قالت أشروقة عبد الصمد صبوووووووووووووور قوي هههههههههههههههههههههههه هى اخرتها كدة يا ام منذر باين نورتى الموضوع ياسكر شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 10 فبراير, 2012 للسلام عليكم ورحمة الله وبركاته سبحان الله قلى ست غريبة خارجة شايلة شنطة وذكية بتقولها ابقى تعالى أول كل شهر تلاقينى مجهزهوملك تعالوا تعالوا نشوف ايه الحكاية ازاى تتفق مع ست غريبة انها تدخل البيت وتشترى منها اى حاجة بدون ما تعطى زوجها اى فكرة عن الموضوع؟؟؟ ربنا يهديها اهلا اميرة الامورة والله عندك حق ازاى الواحد يثق فى الناس الغريبة ويدخلهم البيت اصلا بتاخدى بالك من ادق التفاصيل ماشاء الله هههههههههههههه نورتى حبيبتى شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 10 فبراير, 2012 مال ليه مش بتعيط وبتشحتف علشانى واشحتف علشانك ليه هو انا محروم منك ما انت فى وشى ليل ونهار ^__________________________^ الظاهر الست ذكية مش حتفلت المرة دي يالله لعلها تتّعظ وتحاول تعقل () مال ليه مش بتعيط وبتشحتف علشانى واشحتف علشانك ليه هو انا محروم منك ما انت فى وشى ليل ونهار ^__________________________^ الظاهر الست ذكية مش حتفلت المرة دي يالله لعلها تتّعظ وتحاول تعقل () اهلا يا ام يحى ياعسل هى اللى بتجيبه لروحها الست ذكية تستااااااااااااااااااااااهل شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 10 فبراير, 2012 ان شاء الله هاجى اكمل رد على باقى الاخوات دمتم فى امان الله حبيباتى شارك هذه المشاركه رابط المشاركه شارك
omsagda 4 أرسلي تقرير عن المشاركة قامت بالمشاركة 10 فبراير, 2012 بسم الله ما شاء الله الست زكية مفترية واختها منكسرة اسم على مسمى شارك هذه المشاركه رابط المشاركه شارك
إيماني عنواني 259 أرسلي تقرير عن المشاركة قامت بالمشاركة 10 فبراير, 2012 حقاً غاليتي نور الموضوع رآآآآئع ويستحق التميز أعجبني كثيراً طريقة سردك للأحداث وهذا ما يحصل كثيراً في مجتمعاتنا وللأسف نسأل الله العفو والعافية استفدت كثيراً من تعليقات الأخوات القيمة نفع الله بكِ وبهن وجزاكِ كل خير متابعة لكِ وبشووووق اهلا الحبيبة ايمانى عنوانى انا سعيد ان الحلقات عجبتك استمرى فى المتابعة اوعى تمشى خليكى معانا حبيبتى حاضر حبيبتي أنا معاكِ للنهاية بإذن الله نشوف آخرة الست ذكيه ايه؟؟؟ :) شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 10 فبراير, 2012 عبد الصمد رجع من شغله لقى ست غريبة خارجة شايلة شنطة وذكية بتقولها ابقى تعالى أول كل شهر تلاقينى مجهزهوملك تعالوا تعالوا نشوف ايه الحكاية السلام عليكم وعليكم السلام مين دى يا ذكية ادخل انت يا عبد الصمد دلوقتى انا جاية مع السلامة يا أم رتيبة الله يسلمك يا ست ذكية يا أغلى زبونة فى العمارة يا ذكية انا جيت اهوه يا عبد الصمد مين الست دى دى أم رتيبة الدلالة يا خويا هو الدلالات دول مش انقرضوا من زمان يا سلام واشمعنى الدلالات بتوعنا ينقرضوا والدلالات بتوع الصين بيجوا بشنطهم على الشقق ما بينقرضوش.... الصراحة هى عندها حق اصبحت ظاهرة منتشرة جدا فى مصر البائعات الصينيات المتجولات طيب ودى عايزه ايه لاء يا اخويا احنا اللى عايزين منها فى ايه يا ذكية ايه الحكاية ولا حكاية ولا رواية أنا كنت امبارح عند انصاف جارتنا لاقيتها لابسه جلابية حلوة قوى وقلتلها اشترتيها منين....... ليس كل ما يتمناه المء يدركه وبدل ما تنظرى لمن تمللك افضل منك واحسن منكى انظرى لمن لا يمكلكون مثل ما تملكين ولا يرتدون مثل ما تترتدين انظرى لمن هو ااقل منك ولا تنظرى لمن هواعلى منك قالتلى من أم رتبية بالتقسيط...... اسوء حاجة التقسيط دة لانك تكلفى زوجك ثمن ما تشترين الضعف قولتلها ابعتهالى...... لا تتطلبى من احد شيئا الا بعد استأذان زوجك وان تنظرى هل يمللك زوجك ثمنها ام يوجد احتياجات اهم خدت منها فضلت خيرك جلابيتين ليا وكل عيل بيجامتين و4 ملايات سرير ومفرشين ودول بكام ان شاء الله ايه يا اخويا هى كانت عايزه الفين جنيه ضحكت عليها وخدتهم بالف تسعمية خمسة وتسعين بس بس ماتخفش دول بالتقسيط كل شهر متين جنيه بس.....زلا حول ولا قوة الا بالله لاتحملى زوجك مالا طاقة له به ده ايه الهنا والسعد اللى انا فيه ده شوفت عشان تعرف مراتك ناصحة يا ذكية حرام عليكى ده المثل بيقول اللى ما يشوفش من الغربال يبقى اعمى اعمى ايه ومفتح ايه هو انا عملت ايه يا خواتى انا لسه ما خلصتش من أقساط التكييف ربنا يعينك ويقويك انا مش عارف كان لزومه ايه التكييف لزومه ايه ازاى يعنى انت عايز سكان العمارة ياكلوا وشى كلهم عندهم تكييف وبيغظونى بيه دى حتى سعاد كل يوم قبل ما نجيب التكييف تقولى انا مش عارفه الناس الغلابة عايشين من غير تكييف ازاى... لا تهتمى لكل اقوال من حوللك لانك لو ظللتى تتسمعين لهم لن تعيشى ابدا ابدا سعيدة كان قصدها علينا يا عبد الصمد انت يرضيك مراتك يتقل قيمتها لأ ما يرضنيش بعد الشر عليكى وعلى قيمتك طيب والعربية اللى صممتى نجيبها بالقسط لأ يا عبد الصمد إلا العربية يا خيوا دى عامله لينا قيمة وسط الخلق وبصراحة كده انا جيبتها علشان البواب بيعاملنى وحش بيعاملك وحش ازاى كل ما يشوفنى بيبصلى من فوق لتحت وما بيرضاش يشتريلى حاجه من السوق لكن بصراحة لما جبنا العربية بقى يقولى يا ست هانم ويضحك فى وشى يا ذكية اتقى الله فى شقايا وتعبى المفروض تحسى بيا وبالمسئوليات اللى على دماغى هجيب منين الاقساط دى كلها اخص عليك يا عبد الصمد يا كاسر بخاطرى انت عايز برستيجى يضيع بين الناس لأ ما تخفيش كده كده هيضيع لما اتسجن بعد الشر عليك يا عبده ما تقولشى كده يا خويا ان شاء الله اللى يكرهوك قلبك عليا قوى يختى امال ايه مش جوزى حبيبى اللى مهنينى طيب ايه رأيك ترجعى الحاجات اللى اشتريتهيا من ام رتيبة حاضر يا حبى من عينى ولا اشوفك زعلان ابدا...... فعلا فعلا لم اتوقع هذا الرد لقد توقعت اسوء من هذا بكثيييييييييييييييييير :angry: ربنا يخليكى يا ذكية يا نور عنيه ويخليك يا عبد الصمد طيب انا خارج شويه اقعد مع اصحابى وماله بس ما تنساش وانت راجع تعدى على المحل اللى جنبينا تسألهم جابوا الكيتشن مشين اليابانى اللى طلبته منهم ولا لسه يا مثبت العقل والدين يااااااااااااااااااااااااااااااااااااارب جزاك الله خيرا يا هبهوب على الحلقة الهادئة نسبيا دى شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 11 فبراير, 2012 *~* يوميــ الست ذكية ـــــــات *~* (7) بقــ هبةنور ــلم عبد الصمد وهو راجع من شغله لقى عربيات مطافى واقفة عند العمارة وناس كتير واقفة بس ماقدرش يفهم فى ايه طبعا جرى على ذكية وهو مخضوض عليها وعلى الولاد وفضل يضرب الجرس بعصبية وتوتر ولما فتحت تعالوا نشوف ايه حصل ايه ياعبد الصمد كفا الله الشر مالك انتى بخير ياذكية انتى والولاد الحمدلله ياعبد الصمد ليه فى ايه انا لقيت عربيات مطافى كتير قدام العمارة واتخضيت عليكو اه ياخويا دول جاين عشان المسابقة انتى عملتى مسابقة لبتوع المطافى ياذكية لأ ياخويا اصل انت مش عارف الموضوع . انا كنت قاعدة مع جيرانى حبايبى امبارح وجت سيرة الملوخية راحت سعاد قالت انا ماحدش يعرف يعمل ملوخية زى بتاعتى ردت عليها عواطف قالت انتى ايش عرفك بالملوخية وعمايلها الملوخية ليها ناسها بس انا ماسكتش قولتلهم انا علية ملوخية ماحصلتش ولا هتحصل وبعدين قولنا المية تكدب الغطاس وعملنا مسابقة احلى شهقة واشتركوا فيها ستات العمارة كلهم وكل واحدة تجيب ملوخيتها وتقف فى مطبخها وتستعد ولما تضرب صفارة الحكم كلنا نحط الطشة ونشهق الشهقة الجماعية لكن السكان اللى فى العمارة اللى جنبينا افتكروا العمارة بتتحرق واحنا بنصوت فطلبولنا المطافى ياخويا ربنا يعوض علية عوض الصابرين . مش كانت روحكو طلعت وانتو بتشهقو وريحتو سكان الشارع من بلاويكو بتقول حاجة ياعبده لأ ما استغناش . وعلى كدة كل ستات العمارة اشتركو معاكو لأ ياعبد الصمد ماعدا الحاجة عزيزة والحاجة ام احمد اه طبعا دول ستات كبار افاضل مش دماغهم طقة زيكو لأ ياخويا ماهم اصلهم فى لجنة التحكيم والحاجة ام احمد هى اللى ضربت الصفارة بتاعة الشهقة الجماعية يامنجى يامغيث ادخل غير هدومك ياعبده على اما احضرلك الغدا هيه هيه هيه هيييييييييييييييه مين دول . يا ذكية انتى ياهانم نعم ياعبد الصمد هو احنا مش مخلفين عيلين ايوة يا خويا امال العيال دى كلها جت منين دول عيال الجيران جم يلعبوا مع العيال يلعبوا مع العيال فى اوضة نومنا ياذكية احباب الله ياعبد الصمد سيبهوم يلعبوا طب الحقى احباب الله فاتحين الدولاب ومبهدلين الهدوم بس ياحبايبى اخرجو العبوا برا عشان عمكو عبد الصمد هيغير هدومه هيه هيه هيه هيه انت غيرت هدومك ياعبد الصمد الحمدلله طيب ادخل الغدا فى السفرا الحقى ياذكية العيال دخلوا السفرا وخطفوا الأكل كله وماخلوليش ولا بق مية معلش ياخويا اطفال برضو ياذكية كدة ماينفعش دى مش طريقة ياست ذكية ذكية يا اختى طيب ياعبد الصمد هروح ارد على مديحة بتنده علية من شباك المطبخ روحى ردى على حبايبك عايزة حاجة يا مديحة يا اختى انتى بتعملى ايه ياذكية مش بعمل حاجة طيب ماتيجى تشربى معايا شاى طيب ماتيجى انتى مش بتقولى جوزك عندك ماهو هيقعد فى الصالون ويتفرج على التليفزيون وانا وانتى نقعد فى البلكونة نشرب الشاى طيب ماشى انا نازلة تأنسى وتنورى ياحبيبتى ايه اللى قولتيه لجارتك ده ياذكية ايه ياعبد الصمد انا عملت ايه حرام عليكى بجد يعنى الاقى راحتى فين لو مالقتهاش فى بيتى جيرانى ياعبد الصمد وواخدين بحسى فى غيابك دول واخدين بحسك فى غيابى وحضورى وده مايصحش الموضوع ده تحطيله حد ياخويا ولا حد ولا سبت دى مابقتش عيشة حرام عليك ياراجل . انا عملت ايه بس يا اخواتى منتديات أخوات طريق الإسلام شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 11 فبراير, 2012 يا هلا بهبة الغالية وحلقاتها المتميزة . للأسف الخطأ في هذة الحلقة شائع بين النساء إلا من رحم ربي وهو التباهي والتفاخر بصنع الوان وفنون الطعام وتميزها عن غيرها علي الأخت ان وجدت إعجاب من الغير باصنافها ونفسها-كما يقولون-عليها ان تنسب الفضل لله فهو من علمها ووفقها وان استطاعت ان تنفع أخواتها وجارتها بما تعلمت فلا مانع وليس المجال للتنافس والسباق الذي قد يجلب الغيرة والحقد وقد يحزن البعض . الخطأ الأخر :عدم احترام وجود الزوج ومراعاة راحته وقت وجوده في البيت عذرا يا هبة تعليق علي السريع وان كان ينقصه شيء فالاخوات اللهم بارك ما بيقصروا . شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 11 فبراير, 2012 يا ربي دا أنا ضحكت ضحك على صوت الملوخية وزوجي علشان يقرأ هو كمان وقعد يضحك شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 11 فبراير, 2012 أقصد ضحكت على قصة الملوخية وزوجي سمعني وأتى يقرأها وضحك هو كمان. . للأسف موضوع الشهقة أثناء الملوخية منتشر حتى عند المتعلمات وكأن الشهقة هي اللي فعلا بتحلي الملوخية والله المستعان شارك هذه المشاركه رابط المشاركه شارك
omsagda 4 أرسلي تقرير عن المشاركة قامت بالمشاركة 11 فبراير, 2012 الست زكية بش حاسه خالص بانهابتعمل غلط ربنا يرحم زوجها ويعينه عليها شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 11 فبراير, 2012 الست دى هتجننى هتجنننىىىىىىىىىىىىىى مش ممكن فى ست كدة فعلا لا حول ولا قوة الا بالله يا هبه انا كل ما اقرا حلقه ينحرق دمى هتموتينى قريب يا هبه هههههههههههههههه(متخافيش بهزر اصل انا دمى حامى ) وبعدين ايه هى الشهقة دى هموت واعرفها يمكن اجربها وتنفع :happy: ....... متشكرة يا هبهوب على حلقاتك اللى تموت من الضحك شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 12 فبراير, 2012 ههههههههه عسل يا هوبة الست ذكية المفترية واضح كدة إنها عبيطة أو بتستهبل وتستقبل جيرانها فى وجود زوجها واضح كدة إن كل العمارة الله المستعان المفروض أنه عندما يأتى الزوج للبيت لا يجد فيه أحد إلا زوجته وأولاده وتكون كل السبل مهيأة لراحته بصراحة مش عارفة أقولك إيه يا زيكو . حبيبتى أتمنى رضاه الشهقة دى بعد ما تحمرى الثوم مع الكزبرة الناشفة وإنتى بتضعيها على الملوخية بتشهقى ( مثل ما بتتخضى مثلا وتشهقى ) لكن الشهقة دى بتكون بصوت عالى ههههههههههه وإلى الآن أموت وأعرف إيه علاقة الشهقة بالملوخية شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 12 فبراير, 2012 السلام عليك ورحمة الله وبركاته ^____^ قال رسول الله صلى الله عليه وسلم " المرء على دين خليلة فلينظر أحدكم من يخالل " يبدو أن العمارة كلها من أمثال الست ذكية ... والله يعين الأخ عبد الصمد ..والله فيه اخير :)) وقل أن تجدي رجل يتحمل ما يتحمله ... الخطأ الكبير هنا ليس ذلك ... وإنما للأسف أنها لم تعطي لزوجها الإحترام الكافي في بيته فكيف تجرأ على أن تدخل أولاد جيرانها غرفة نومها ..ومنان يفتحوا الدولاب ويبهدلوا الهدوم ^__^ إذا كان أولاد الجيران يفعلون ذلك ..فماذا يفعل أطفالها ؟؟؟؟ الطامة الكبرى هو أنها نست زوجها وتعبه وأن يريد الراحة في بيته واستقبلت صديقاتها ... ليس للفائدة ولا للطاعة ..,إنما للرغي والقيل والقال ولا حول ولا قوة إلا بالله عليها أن تتعود مادام الزوج موجود فعليها أن يكون هو اهتمامها الأول ... وترتب أمورها وأوقاتها أن تلتقي بصديقاتها في الوقت الذي لا يكون هو موجود بالبيت أسأل الله أن يهدينا ونساء المسلمين ... وجزاك الله خيرا هبهوبة الحبيبة :))) شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 12 فبراير, 2012 السلام عليكم ورحمة الله وبركاته دى مش الست ذكيه ....دى الست أويه ...الست مفتريه ربنا يكون في عون الأستاذ عبد الصمد وأزواج الجيران من الزوجات المفتريات كملى يا هبهوبه متابعين جزاك الله خير شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 13 فبراير, 2012 متشكرة جدا يا اشرقت على معلوماتك القيمة بخصوص الشهقه ههههههههههههههههههه بس انا مش بشهق وانا بعمل الملوخيه ومع ذللك بتتطلع حلوة يمكن لو شهقت تبقى احلى :cool: شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 13 فبراير, 2012 متشكرة جدا يا اشرقت على معلوماتك القيمة بخصوص الشهقه ههههههههههههههههههه بس انا مش بشهق وانا بعمل الملوخيه ومع ذللك بتتطلع حلوة يمكن لو شهقت تبقى احلى :cool: . هههههههههه أنا بشهق فقط لما أحب أخض الموجودين بالبيت 1 شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 13 فبراير, 2012 واضح إن شهقة الملوخية كلت دماغكم فوقوا يا ستات بلاش جنان زي جنان ذكية بس اوعوا تكونوا بجد بتشهقوا علشان تتطلع حلوة متهيئلي اللي هيعتقد في الكلام ده ممكن يكون فيه ذنب شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 13 فبراير, 2012 السلام عليكم أضحك الله سنك يا هبة سلسلة روعة لم أست من الضحك في كل حلقة الست ذكية إما غبية أو تستهبل أكملي فإني متابعة معك شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 فبراير, 2012 اهلا اهلا منورين صالون ذكية ياحبايب ذكية نشكر القمارات اللى نوررونا ساجدة للرحمن ودى صاحبة بيت طبعا مش هنرحب بيها فى بيتها بنت ام عبد امة الرحمن منال كامل اشرقت السماء om sagda اتمنى رضاه ام جمانة وجنى متلهفة للفردوس المشرفة الجميلة سندس واستبرق مع حفظ الالقاب للاخوات ويارب مااكون نسيت حد واسيبكو مع الحلقة الجديدة شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 فبراير, 2012 *~* يوميــ الست ذكية ـــــــات *~* (8) بقــ هبةنور ــلم ذكية لقت عبد الصمد قافل على نفسه الباب وبيتكلم فى الموبايل ولازم تعرف بيكلم مين طبعا تعالوا نشوف ايه اللى حصل بس يامصطفى ياخويا هدى نفسك لأ ياعبد الصمد انا حقيقى تعبت من الست دى طب اهدا وانا هاجيلك حالا عبد الصمد نعم ياسبب سعدى هو اخوك متخانق مع مراته ليه وانتى عرفتى منين اصل انا سمعتكو بالصدفة وانا معدية جنب الباب وانتى معدية جنب الباب ولا وانتى لازقة فى الباب انت كدة على طول ظالمنى ياعبده معلش ربنا يعينك علية طيب انت بتلبس ورايح تصالحهم ان شاء الله طب استنى هلبس انا والعيال ونيجى معاك لا اله الا الله هو انا رايح رحلة ياست ايه ياعبد الصمد مش لازم اشارك فى مصايب عيلتكو الله الغنى عن مشاركاتك . انتى بالذات لو اتدخلتى الموضوع هينتهى بطلاقهم . هو انا انسى لما اختى كانت زعلانة مع جوزها وقولتيلها انا لو منك اخلعه يوه ياعبد الصمد ماهى زى اختى وعايزة مصلحتها طب ايه رأيك هى اللى كانت غلطانة واعتذرت لجوزها هى طلعت غلطانة ! هى اختك طول عمرها غلاطة ويتفاتلها بلاد طب ممكن انزل بعد اذن جنابك طيب بس لما تيجى تحكيلى ايه اللى حصل خليكى فى حالك ياذكية هحاول ياعبد الصمد انت جيت ياعبد الصمد حمد لله على السلامة الله يسلمك الجماعة اتصالحو الحمد لله وبقو سمن على عسل هما كانوا متخانقين ليه تصبحى على خير ياذكية كدة ياعبد الصمد طيب ماشى بتشد اللحاف على وشك عشان ماتشوفنيش اه صحيح نسيت اقولك واحد صاحبك اتصل بيك اسمه ايه مش عارفة ياخويا فكرى ذكرى ولا بكرى اه شكرى بيقولك كلمه ضرورى وهو اتصل بيك على الارضى عشان موبايلك مقفول طيب هاتى الموبايل واخرجى برا ليه ياخويا هو انت هتكلم شكرى ولا شكرية . هو مش راجل زيه زيك .ايه يعنى الاسرار اللى هتكون بينكو هاتى الموبايل ياذكية واطلعى برا طيب قبل مااخرج عايزة اقولك اخوك اللى فى بلاد برا بعتلك ازايز برفانات وهى فين اهيه ياعبد الصمد ايه ده ياذكية . هى مش كانت فى صندوق مقفول ومتبرشم اه ياخويا امال يعنى كانوا فى كيس نايلون ومين اذنك تفتحى الصندوق اصل ياخويا خفت ليكون فيه قنبلة تفرقع فى وشك قولت افتحه انا وافديك بروحى ياعبده مش هقول غير ربنا يصبرنى عليكى ياذكية منتديات أخوات طريق الإسلام شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 14 فبراير, 2012 السلام عليكم الست ذكية تريد أن تكون مصلحة إجتماعية. لي سؤال هل أنت من تكتب هذه السلسلة؟ فإن كنت كذلك فأنت مبدعة وفقك الله شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 فبراير, 2012 السلام عليكم الست ذكية تريد أن تكون مصلحة إجتماعية. لي سؤال هل أنت من تكتب هذه السلسلة؟ فإن كنت كذلك فأنت مبدعة وفقك الله وعليكم السلام ورحمة الله وبركاته حبيبتى متلهفة للفردوس اه يا ستى انا اللى كتباها عقبال امالتك بس مبدعة ايه حرام عليكى انتى بتجاملينى شكرا لمجاملتك الرقيقة حبيبتى هى محاولة بسيطة منى لوضع ايدينا على سلبيات الزوجات خلينا احنا كويسين وبنطلع السلبيات فى نفسنا بس والله لو عملت حلقات خاصة بعبد الصمد هطلعله بلاوى بس الطيب احسن يا اختى والله نورتى الموضوع حبيبتى شارك هذه المشاركه رابط المشاركه شارك
