[متميز] الست ذكية

[أمة الله إكرام 28]

ههههههههههههههههههههههههههههههه

فعلا ستات ماتجيش الا بالعين الحمرا

:wub:

[اتمنى رضاه 117]

ذكية هانم ست الهوانم قاعدة بتتفرج على التليفزيون وحاطة رجل على رجل

 

وجه عبد الصمد يسأل عن الغدا لكن لقى مفاجأة

 

تعالوا نشوف ايه اللى حصل

 

 

 

ذكية

 

ذكية

 

ياذكية

 

انتى مش بتردى ليه

 

عايز ايه(عندما يناديكى زوجك اعطيه كل الاهتمام والاحترام حتى يبادللك نفس الشعور واالاسلوب )

 

ايه الاسلوب اللى بتردى بيه ده

 

ماله اسلوبى

 

مالوش ياستى . قومى حضرى الغدا

 

انسى ياعبد الصمد

 

انسى ايه ياذكية

 

الكلام الفاضى يا عبد الصمد بتاع حضريلى الغدا وحضريلى العشا تنساه عشان ده كان موضة وبطلت(فى كل اعماللك المنزلية اجعلى نيتك انك ترضين زوجك ليرضى عنكى ربك وبذللك ستجدى نفسك تكسبين اجر كل عمل تقومى بيه )

 

نعم يا ست هانم! وده من امتى ان شاء الله

 

من ساعة مابقيت عضوة فى جمعية سوكسوك ومال

 

جمعية ايه يختى

 

معلش عاذراك ياعينى عليك ماتعرفش لغات. سوكسوك ومال يعنى الست الناجحة(ابتعدى عن جمعيات تحرير المرأة المزيفة بل هى اخراج المرأة من بيتها لتكون سلعه تباع وتشترى وانا لا اعيب بذللك العمل وانما العمل فى حددود الضوابط الشرعيه يحفظ مكاتك ويجعللك جوهرة مكنونه )

 

 

هههههههههههههههههههههه خخخخخخخخخخخخخخخخخ قصدك ساكسيسفول ويمان

 

ايوة هى دى ياعبد الصمد

 

وانتى ان شاء الله اشتركتى فيها امتا

 

كل ستات الحى جالهم دعوات عشان نروح حفلة الاستفتاح . بس نصهم طلعوا ستات بلدى ومش متسئفين خالص ياعبد الصمد

 

ليه بعد الشر عملو ايه

 

فضحونا ياعبد الصمد . هما عرفوا ان الجمعية بيجيلها تموين اجنبى من هنا وكل واحدة راحت جابت شنطة خضار وجت الاجتماع كانوا فاكرينهم بيوزعوا سكر وزيت

 

ياذكية تمويل اجنبى مش تموين اجنبى

 

اه ياخويا ماهو من جهلهم مش فاهمين حاجة(لا اعتقد ان هناك جمعية ياتيها تمويل اجنبى تبحث عن رفعه شأن المرأة المسلمة بل يردونها دائما فى الاسفل )

 

وايه اللى حصل بعد كدة ياست المثقفات

 

الامن مارضيش يدخلهم الا لما يسيبوا شنط الخضار برا لكن هما ضربو الامن ودخلوا بالعافية

 

وبعدين دخلت ابلة الدكتورة مستقوية عبد الجبار

 

مين دى ياذكية

 

دى اللى عاملة الاجتماع واول مادخلت قعدنا نزغرط

 

ودى قالتلكو ايه

 

كتر الف خيرها عرفتنا حقوقنا وقالتلنا الست لازم تشتغل وتصرف على البيت عشان الراجل مايكسرش عينها

 

الله ينتقم منها ان شاء الله .وبعدين

 

قالتلنا كمان مافيش واحدة بعد كدة تدخل المطبخ وتبهدل روحها والأكل يكون دولوفرى(هههههههههههههههههههههههههههههه)طب ياريت

 

الله اكبر هناكل دليفرى يافرحتك بابنك ياما . كملى ياست العاقلين اشجينى

 

اه وكمان مافيش غسيل ومكوى فى البيت الحاجات دى تخلف ورجعية وهدومك يا عبودة توديها التراى كليم( والله فى دى ذكية عندها حق انا مش بطيق المكواة والغسيل ومع ذللك بعملهم )

 

تراى كليم ! اه دراى كلين . ماشاء الله نطق متميز يا ذكذوكة ياصانعة الحضارة .كملى

 

 

وتجيبلى شغالة من الفلبين ودادة للعيال من سيريلانجا

 

وايه تانى كملى عشان معايا فلوس كتيرة اوى عايز احقق كل احلامك

 

عايز كوباية مية تقوم تجيبها لروحك وماتطلبش منى حاجة ابدا

 

وايه كمان

 

اه نسيت اقولك انا هشيل اسم ابويا من البطاقة(لا حول ولا قوة الا بالله )

 

انتى كمان ابوكى اتبريتى منه ياذكية

 

لأ مش للدرجة دى . اصل ابلة مستقوية قالت ان البنى ادم مننا لازم يتسمى بأسم امه . يعنى انا اسمى ذكية منيرة وانت اسمك عبد الصمد نسرين

 

لا حول ولا قوة الابالله . الست عقلها ضرب . بس انا امى مااسمهاش نسرين . امى اسمها جمالات

 

لا ياعبد الصمد اعذرنى ياخويا امك اسمها بلدى اوى ومايشرفش

 

اه عندك حق برضو . وان شاء الله الاجتماع الجاى امتى

 

لما ابلة مستقوية تفك الجبس وتخرج من المستشفى

 

هى اتجبست ! احسن تستاهل

 

كله من الستات الاوباش اللى كانوا جاين ياخدو التموين . قالولها عايزين التموين يا حاجة

 

قعدت تفهمهوم ان مافيش حاجة اسمها تموين اجنبى ومافيش زيت وسكر . وان الجمعية بيجيلها شيكات كل شهر من بلاد برا لإدارة الجمعية مش للعضوات

 

لكن ماصدقوهاش واتلموا عليها وقالوها فين الزيت والسكر يانصابة ونزلوا فيها ضرب وكسرولها دراعين ورجل وياعينى ركبت باروكة

 

ليه .شعرها راح فين

 

شعرها طلع فى ايديهم بعيد عنك المفترين قتالين القتلا

 

الحمدلله . ربنا يقل من امثالها . يا ذكية دول خرابين بيوت وناس ضد الاسلام

 

ماتقولش كدة ياعبد الصمد حرام عليك

 

طيب قومى اخزى الشيطان وحضرى لقمة ناكلها

 

خد الورقة دى ياعبد الصمد

 

ايه الورقة دى

 

دى ورقة فيها ارقام كل المطاعم اللى فى البلد اتصل واطلب دلوفرى

 

طيب هاتى التليفون

 

هتطلب دروفرى

 

لأ هطلب الحاج عبد المغيث المأذون

 

ايه ايه . ليه ياعبد الصمد هو انا زعلتك فى حاجة ياخويا . انا قايمة احضر الغدا ياعبده . ال سوكسوك ومال ال

 

 

ستات ماتجيش الا بالعين الحمرا.(صراااااااااااااااااااااحة عنده حق )

 

ا

 

وبعدين فيكى يا هبهوب هتموتى وحد يعضنى ليه كل دة علشان اتاخرت على الست ذكية بتاعتك شوية ياستى التمسى لااختك سبعين عذرا

وبعدين انا معلقتش على حلقة الفالنتين دى علشان حرقت دمىىىى اوى وفورته وكان هيطلع برا الحله شفتى بقى

[ذليلة إلى اللـَّـه 417]

ههههههههههه

 

الحلقات جميلة جداااااا ومبارك الزواج -رزقكِ الله بالذرية الصالحة التي تقر بها عينك

______

اختك شيف المنتدى ماهرة في الطبيخ

طبخاتي عبقريّة رهيبة وفظيعة

فاكرة يا بوبتي ايام لقاء الاحبة ؟ كنت تعرفي واحدة في اعدادية كده اسمها

كوبري .. لالالا مزلقان ...لالالالا مترو ... تؤ تؤ تؤ

جسسسر

فاكرة كان باقي جسر ايه؟

[هبة نور 2043]

بريد ذكية للاحوال المستعجلة

 

اهلا وسهلا يا امة الله اكرام يا الف خطوة عزيزة يا اختى

 

مين ؟ مين ياولاد ؟ اتمنى رضاه . انتى جيتى يا عيون ذكية . يختى بدور عليكى من حبى فيكى انتى زعلانة ليه

 

هى ذكية تحلو الا بوجودك يا ننوسة عيون ذكية

 

 

لأ لا لا مش معقول جسر الاحبة هنا لا مش مصدقة بجد. ازيك يا جميلة يا صغنونة والله وحشانى

 

فينك وعاملة ايه واخبارك ايه وفى سنة كام دلوقتى ياسكرة

 

جميل اوى الاسم اللى اخترتيه بس اوعى تغيريه تانى ياعسل

[متلهفة للفردوس 41]

ههههههههههههههههههههههههه

هذه الحلقة رائعة جدا مبطلتش ضحك

الظاهر عبد الصبور أعصابه في ثلاجة

كله كوووم وحكاية اللغات كوم ثآآآآآني هههههههههه

فرج الله همك كما أسعدت قلوبنا بهذه السلسلة

التي تضم إفادتين تسليط الضوء على معتقدات وعلى أفعال

خاطئة تعصف بالحياة الزوجية و إفادة أخرى هي رسم البسمة

على وجوه الأخوات و أحيانا الغضب والعصبية كله من أفعال

الهانم ذكية . و يا رب ما تنقطع أخبارها

سلمت الأيادي

 

[إيماني عنواني 259]

حلقة رآآآئعة جداً أدخلت البسمة لقلبي :)

أسأل الله أن يهدي الست ذكية ومن هن أمثالها

ممن انخدعن بمثل هذه الكلمات الواهية

 

 

حفظكِ الله يَ غالية

وبانتظار جديد الحلقات الممتعة

[محبة لربها، ادعوا لي بالثبات 72]

هههههههه

 

حلوة اوى يا هبة ماشاء الله لا قوة الا بالله اللهم بارك

 

ضحكتينى اضحك الله سنك

 

ورزقك خيرى الدنيا والآخرة حبيبتى

 

نفع الله بك هبة

 

وجعل ما تكتبين فى موازين حسناتك

[اتمنى رضاه 117]

مانا عارفة يا قلبى انه من حبك ليا بتتدورى عليا ماشى ادينى كل يوم هدخل ابص بصة واشوف الحلقات متشكرييييييييييييييييييييين جدا على حلقاتك يا قمر

 

كفاية انى اول ما اشوف العنوان (الست ذكية ) اضحك فمباللك بقى بالمضمون (اكيد بسخسخ من الضحك )

[وأشرقت السماء 1565]

عسسسسسسسسسسسسسسل

فظييييييييعة

يا هوبة

بإذن الله هابقى أرجع تانى أعلق

[هبة نور 2043]

مرحبا بكم فى مطار ذكية الدولى

 

كل واحدة تيجى تستلم البوسطة بتاعتها

 

 

اهلا يا مرحب يامتلهفة ياحبيبتى . معلش ياحبيبتى لية طلب عندك بس مكسوفة . ياريت يختى تسلفينى كيلو سكر من عندك عشان ماعنديش وعايزة اعمل كنافة

 

نورتى يااختى

 

 

يامرحب ياايمانى عنوانى يا عيونى . بس انا زعلانة منك يختى بصراحة . عمالة تقولى انى دخلت البسمة لقلبك . طيب يختى ردى الجميل وادخلى علية بكيس جوافة

 

والله نورتى يا عسلاية

 

 

مين يا ولاد السكرة دى. سمسمة المسمسمة المنمنمة . والله ليكى وحشة كبيرة اوى اوى اوى لحد اد المسافة من مصر لساحل العاج كدة وانتى جاية من الفيوم وداخلة على كفر المعزة جنب دكان

 

عوضين الحلاق . وحشانى واوى يا قلب اختك

 

اوه لالالالا اتمنى رضاه . برحب بيكى بالفرنساوى حكم انتى غالية عندى اوى ياعيون ذكية مستنياكى فى الحلقة الجاية .اروفوار دلوقتى يا ترى بون يا احلى من البونبون

 

 

وسعوا يا ولاد وسعو ا اشرقت السماء عبرتنا وجت تبص فى وشنا يا دى النور يادى الهنا . فينك يختى من زمان . لا جيتى ولا طليتى هانت عليكى ذكية يا قلب ذكية

[هبة نور 2043]

*~* يوميــ الست ذكية ـــــــات *~*

(11)

بقــ هبةنور ــلم

 

عبد الصمد متضايق اوى ياعينى من ذكية مش عارفة ليه مع انها زوجة مثالية ومش منقصاه حاجة خاااااااااااااااااالص

 

وبيبص لذكية بطريقة مش عجباها ياترى ليه

 

 

 

مالك ياعبد الصمد

 

 

اوف

 

 

بتنفخ ليه كدة حد مزعلك

 

 

اوووووووووف

 

لا حول ولا قوة الابالله . فى ايه ياعبده

 

 

انتى عاجبك تسريحة شعرك دى

 

لأ ياعبد الصمد الا تسريحة شعرى . انا عمرى ماهغيرها ابدا ابدا. التسريحة دى ليها تاريخ فى عيلتنا

 

تاريخ ايه المقندل ده

 

انا هفهمك ياعبد الصمد . جدى الله يرحمه كان بيحب التسريحة دى على ستى اوى ولما جه يموت وصا ستى ماتغيرهاش ابدا لحد ماتقابله

 

وستى وصت امى بالتسريحة دى وقالتلها التسريحة دى امانة فى شعرك اوعى تغيريها ياضنايا لا انتى ولا بناتك ولا نسلكو كله

 

اه عشان كدة ابوكى جاله الضغط وجوز اختك جاله السكر وانا هيجيلى شلل على ايديكى . ربنا يصبرنى ياشيخة على المرار اللى شوفته على ايديكى

 

 

شوف ياخويا نكران الجميل . انت سيبت كل حاجة وهتمسك فى تسريحتى

 

هى تسريحتك بس . وطريقتك فى اللبس . دى هدوم تلبسيها لجوزك . امال لو نازلة تتسولى هتلبسى ايه

 

كدة برضو ياعبد الصمد. انا منظرى منظر متسولين

 

ذكية امشى من وشى عشان ماارتكبش جريمة

 

 

طيب قولى ياعبد الصمد انت عايز ايه وانا هعمله

 

اولا تسريحة شعرك الاثرية دى تتغير

 

وازعل ستى فى تربتها ياعبد الصمد !

 

لا بعد الشر . موتينى انا بسبب عمايلك اللى تقصر العمر

 

بعد الشر عليك ياعبده ياحبيبى . طيب خلاص هغيرها

 

ربنا يهديكى . وكمان لازم تغيرى من طريقة لبسك وتلبسى هدوم جذابة

 

ودى بيجيبوها منين دى

 

اسألى اى حد برا عيلتكو

 

وماله ياعبد الصمد

 

طيب انا هنزل وعايز اجى من برا الاقيكى واحدة تانية

 

ازاى يعنى ياعبد الصمد

 

 

اوووووووووووف

 

خلاص ياخويا ماتنفخش انا فاهمة كل حاجة . هاتيجى تلاقى ايرمالادوس فى الشقة . انسى ذكية ياعبد الصمد

 

 

اتمنى ياذكية

 

مع السلامة يا عبد الصمد

 

الله يسلمك يا ذكية

 

 

 

 

 

الو ايوة يا باتعة يختى

 

 

الو ازيك ياذكية

 

الحمد لله يختى كنت عايزاكى فى حاجة كدة

 

خير يختى

 

 

الراجل عبد الصمد جوزى مش عاجبه شكلى ولا شعرى

 

 

يختى بصراحة عنده حق . انتى شكلك يطفش العفريت ياذكية . الله يكون فى عون جوزك

 

يختى الله يسامحك . ماعلينا. طيب اعمل ايه عشان اعجبه يختى

 

غيرى تسريحة شعرك

 

دى سهلة . وبعدين

 

انزلى اشترى لبس على الموضة كدة يختى

 

وماله ياباتعة اشترى يختى

 

وحطى برفان كدة

 

بس انا ماعنديش برفان

 

فى واحدة ست ماعندهاش برفانات

 

كان عندى كام ازازة وشحتها

 

ليه كدة بس ياذكية

 

ماانا قولت مالهومش لازمة يختى

 

طيب انا هقولك على كام نوع حلوين اوى ابقى هاتيهم

 

وماله يختى

 

واعملى سهرة رومانسية كدة

 

سهرة مالها يختى

 

 

يعنى هاتى شمع وحطيه فى الشمعدان واطفى النور

 

ايه الجو الكئيب ده ياباتعة انا بخاف من الضلمة يختى

 

بقولك ايه ياذكية اطلعى من دماغى انا مش فاضية

 

طيب يختى مع السلامة

 

 

ال سهرة روزمية ال . ستات فايقة ورايقة . انا بقى هعمل حاجات ماحدش سبقنى وعملها . يحيا الثورة

 

 

 

 

 

 

 

ذكية

 

 

ياذكية . ياحفيظ يارب . ايه الريحة اللى فى الشقة .ايه الدخان ده . فى ايه

 

 

انتى فين ياذكية

 

 

انت جيت ياعبد الصمد

 

سلام قولا من رب رحيم . انتى مين ياست

 

 

سلامة نظرك ياعبد الصمد . انا ذكية مراتك حبيبتك

 

لا يا ست . مراتى مش مشلفطة للدرجة دى

 

هو انت مافيش حاجة عاجباك ياراجل

 

ايه اللى فى عنيكى دى

 

اه . اصل ماعنديش كحل وكسلت انزل اشترى . روحت حرقت الحلة وهببتها وخت الهباب حطيته فى عنية بدل الكحل

 

تعاليلى يااما انا خايف

 

وبعدين كنت عايزة احط احمر فى بقى مالقتش بس لقيت المروكير بتاع الضوافر روحت حاطة فى بقى

 

منك لله يابعيدة وايه اللى نكش شعرك زى الغولة كدة

 

الله يسامحك ياعبد الصمد . انا غلطانة انى كويت شعرى بمكوى الهدوم وحطيتله جل من بتاعك . انا استاهل

 

لا بجد تسريحة ستك ارحم

 

 

شوفت عشان اتبطرت على النعمة اللى فى ايدك

 

انا نازل ياذكية وماتدروريش علية

 

 

رايح فين ياعبد الصمد

 

 

عبد الصمد استنى ياخويا رايح فين

 

 

الراجل المفترى سابنى ومشى

 

منتديات أخوات طريق الإسلام

[~ أم العبادلة ~ 1903]

^_______________________________________________________________________^

[محبة لربها، ادعوا لي بالثبات 72]

هى تسريحتك بس . وطريقتك فى اللبس . دى هدوم تلبسيها لجوزك . امال لو نازلة تتسولى هتلبسى ايه

 

هههههههههه

 

عسل يا هوبة عسل

[وأشرقت السماء 1565]

رهييييييييييييييييييييييييبة

^ــــــــــــــــــــــــــــــــــــــــــــــــــــــــــــــــــــــــــــ^

ربنا يسعدك يا هوبة زى ما بتسعدينا والله

[اتمنى رضاه 117]

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

مش ممكن رهيبة ذكية دى رهيبة (عاجبك كدة خليتى عيالى يا هبة يبصولى مستغربين زمانهم بيقولو فى نفسهم امنا اتهبلت بتتضحك لوحدها )

[ساجدة للرحمن 2050]

السلام عليك ورحمة الله وبركاته

^____^

أبداع وربي

تسلم إيدك يا حبوبة ...

بس كده مالحقتش أرد على الحلقة السابقة ..

يكون في علمك ..أنا أكتشفت ليه الأخ عبد الصمد صابر على ذكية حتى الآن

الست ذكية دمها شربات وهو لو لف الدنيا كلها مش هالاقي زيها :mrgreen:

أي نعم هي محتاجة تغيير حاجات كتير ... ولكن تبقى الروح الحلوة مسيطرة ...

وحياته دايما فيها أكشن ...

وأجمل حاجة ..إنه كل يوم يدخل بيته أكيد بيقول " يا ترى ذكية مهببه إيه النهاردة "

فلا يستطيع أن يتوقع ماذا ستكون خطوتها التالية ...وهذا في حد ذاته أمر مثير

يعني من الآخر مافيش روتين ^___^

[إيماني عنواني 259]

هههههههههههههههههههه ^_________^

أضحك الله سنك يَ غالية

فعلاً "لا تعليــــــق" !!!!!

[بنت ام عبد 151]

أضحك الله سنك يا هوبة

 

مش بقولك مبدعة

أسلوب روعة وخفة دم

 

بس معلش قولي لذيكو تيجي علي نفسها شوية وتشتري قلم كحل وبلاش هباب الحلل ده

ومعلش ياريت كمان قلم روج لحسن الراجل يطفش ^_______^

ومعلش يا ذيكو نتخلي شوية عن تسريحة ستو (اكيد جميلة طبعا) بس نجدد ونحتسب التجديد يا قمر

 

وزعلانة منك تسلفي البرفانات وتحرمي زوجك منها ده كلام يا ذكذك

جزاك الله خيرا يا هوبة علي الروح الحلوة اللي نشرتيها في المنتدي

[أمة الله إكرام 28]

السلام عليكم ورحمة الله وبركاته

 

هديه للست ذكية

 

وأيضا

 

^^__^^

[سُندس واستبرق 4686]

^_^

توحفة ,, يا هوبة

[ميساء المسلمة 7]

السلام عليكم ورحمة الله وبركاته

ما شاء الله ابداع اختي هبة وست ذكية شكل من الاشكال الزوجات المهملات لازواجهن ولبيتهن وانه لمثال رائع لتعرف كل زوجة ماهي و ظيفتها اتجاه زوجنا ووفقنا الله واياكن لنكون زوجات الصالحات باذن الله وبالرغم من ذلك فانها اضحكتني كثيراااا واضحك الله سنك وفرحكي بكل ما تتمني يارب وفرح كل من يحبه قلبك

[ام مريم وهاجر 16]

السلام عليكم كيفك يا روح قلب ام مريم إيه الجمال ده والله موضوع جامد جداً لما زكية فى البداية عمله كده ومال لما تدخل البرلمان نتأمل فينا تحيا الست زكيه المعدية بس بجد عجبنا جداا من اول صفحة هلكت من الضحك ومال لما نكمل اعمل إيه ههههههههههههه تسلم ايديكى يا روح سها

[ام مريم وهاجر 16]

لا حول ولا قوة الا بالله طفحان اللقمة قبل ما يأكلها حنه جبنه وخيارتين مفيش حتى طماطمية يبلع بيها اللقمة ههههههههههههه منها لله الست زكيه الفقرية ولا النت لا لا لا ماعندهاش حق ولا راحت ولا جت من البيت صدقت سيبة البيت زى الخرابة وقعده تجيب سيرة دى ودى حتى دورها فى بيتها. وأولادها نسيته مش على بالها. اللهم لا علنا من هذه النوعية وبارك لنا فى وقتنا بطاعتك وتربية أولادنا تربية سليمة على دينك يارب العالمين

[ام مريم وهاجر 16]

منه لله مهند اللى لحس دماغ الستات كل واحده عاوزه جوزها مهند فى البيت لا حول ولا قوة الا بالله المثل بيقول كل حله وبتدور على غطاها وأكيد هى غطاء زوجها تسكت بقا وتبص. فى المراية قبل ما تتكلم أكيد من سلاحف النينجا ولا حاجة ههههههههههههه رحم الله امرئن عرف قدر نفسه

[ام مريم وهاجر 16]

لا حول ولا قوة الا بالله يا عينى عليك يا عبد الصمد ولا فيلم المتسول ده ارحم ههههههههههههههههههه هباب إيه هباب فى عينك يا شيخه كان سخن على وشها رغفين بالمره وأكل بيها حنه الجبنه او كان قلها لحسه من قعر الطبق ههههههههههههههههههه ربنا ينتقم منها البعيده سلاما قولا من رب الرحيم