حجابي هو عفتي 159 أرسلي تقرير عن المشاركة قامت بالمشاركة 18 مارس, 2012 ايه يا ذكية ايه الجبروت ده الله يعين عبد الصمد المسكين على ردود افعالك الي ما بتخلص يا قوية يا جبارة حني على الراجل شوية المسكين مش قادر يتنفس معك الله يعينو عليك يا مفترية. شارك هذه المشاركه رابط المشاركه شارك
موده واخاء 417 أرسلي تقرير عن المشاركة قامت بالمشاركة 18 مارس, 2012 جزاكِ الله خيراً يا بيبو اخر حلقة كانت رائعه فعلاً الانسان منا مايملاً عينه الا التراب ما بيقر بنعمة ربنا غير قليل فى هذه الايام ياعيني يا عبدالصمد عليك وهاتسيبي ياهبه عبدالصمد كده لازم كنتى ختمتيها انه يتجوز عليها كده ويتزوج زوجة طبعها أفضل منها حتى تفشي غليل عبدالصمد الغلبان ده المغلوب على أمره ومستحمل طبعها المستفز اخر حلقة كانت ذكية مفترية اوى بجد هو ده فعلاً ما يحدث فى هذه الايام الراجل يتعب ويصرف وكمان عاوزينو يسهر بالعيال و يشيل ويحط ويدفع و و و و الله المستعان . استمتعنا معاكي ياهبه شارك هذه المشاركه رابط المشاركه شارك
أم يوسف* 59 أرسلي تقرير عن المشاركة قامت بالمشاركة 18 مارس, 2012 اللهم بارك موضوع قمة وغاية في الروعة والنفع وغاية في المتعة والمرح أسعد الله قلبك هبه الحبيبة وكم جميلة ردود الحبيبات ورد الحبيبة ساجدة له عظيم الأثر جعل كل هذه الكلمات في موازين الحسنات لم أنتبه للموضوع إلا اليوم ولكنه شيق جدا قرأت لصفحة 5 ولي عودة بقراءة البقية رغم أنه انتهى إلا أني أحببت الرد لشديد إعجابي جزاكن الله خيرا شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 19 مارس, 2012 يا مرحب يا مرحب بحبايب ذكية راغبة بالفردوس ازيك يا ضنايا ربنا مايحرمنا من ضحكتك الحلوة المنورة دى يا عسل درة بنقابى يختى يا الف اهلا وسهلا يا سكر نورتى يا قلب هوبة مع انى مش عارفة انتى واخدة موقف من ذكية الغلبانة دى ليه حجابى هو عفتى طب يختى استنى نتفاهم ليه العصبية دى ههههههههههههههههههه نورتى يا ست الكل مودة واخاء انت منور على طول ياباشا ربنا مايحرمنا من طلتك يا قمر ام يوسف حبيبة قلبى والله سبحان الله كنت لسة هدخلك موضوعك فى ساحة القرآن نورتى يا حبيبة قلبى على فكرة حلقات ذكية ماخلصتش لسة عندى افكار كتير ماناقشتهاش وحاجات مهمة جدا فى ستات كتير كنت اعرفهم بيعملوها ربنا يهدى الجميع ياما فى الجراب ياحاوى يا ست ذكية دمتم بخير حبيباتى محبتكم هبة نور شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 19 مارس, 2012 (معدل) مش فاهمة حاجة يعني الحلقات خلصت ولا لسة يا هوبة وبعدين هي ذكية ضربت الناس إللى فوق علشان كدة نزلوها تحت ولا إيه ؟!!!!!!! تم تعديل 19 مارس, 2012 بواسطة وأشرقت السماء شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 19 مارس, 2012 لا يا اشروقة يا حبيبتى الحلقات لسة ماخلصتش وبالنسبة لذكية اللى نزلوها من فوق ياستى هما حرين دى ساحتهم وهما ليهم حق التصرف احنا هنا ضيوف مالناش الحق فى ابداء رأى والله يا اشرقت انا ماقلتش لحد ثبت موضوعى عشان ازعل لما يشيلو التثبيت ربنا يعلم لا تعنينى هذه الامور انا دخلت الساحة لهدف معين وان شاء الله هكمل الحلقات وخلاص استنى الحلقة الجديدة يا اشروقة يا حبيبة قلبى ان شاء الله غدا شارك هذه المشاركه رابط المشاركه شارك
راجية الأنس 20 أرسلي تقرير عن المشاركة قامت بالمشاركة 19 مارس, 2012 السلام عليكم : فعلا موضوع متميز اختي هبة بصراحة لا اجد ما رد به عليك : اسلوبك رائع و طريقة سردك اروع جزاك الله خيرا و نفع بك المسلمات شارك هذه المشاركه رابط المشاركه شارك
سُندس واستبرق 4686 أرسلي تقرير عن المشاركة قامت بالمشاركة 19 مارس, 2012 جد جميلة تلك الحلقات وبغاية الروعة ,’ تنم عن شخصية واعية ومدؤكة لأخطاء الزوجات . : بارك الله فيك هبة وجزاك الله الفردوس الأعلى ’ شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 19 مارس, 2012 أبعدين معاك يا ست ذكية لا إنت زودتيها حبتين تضربي جارتك ؟ الله يسامحك اقرأي هذا الحديث لعله ينفعك يا ستي هههههههههه عن ابن عمر وعائشة رضي الله عنهما قالا:قال رسول الله صلى الله عليه وسلم (مازال جبريل يوصيني بالجار حتى ظننت انه سيورثه)) متفق عليه شارك هذه المشاركه رابط المشاركه شارك
"أم عبدـالرحمن" 7 أرسلي تقرير عن المشاركة قامت بالمشاركة 19 مارس, 2012 ما شاء الله متعة و فائدة جزاك الله خيرا اسلوبك روعة اللهم بارك متابعة البقية ان شاء الله شارك هذه المشاركه رابط المشاركه شارك
راغبة بالفردوس 477 أرسلي تقرير عن المشاركة قامت بالمشاركة 20 مارس, 2012 تفضلي ياست ذكيه اقرأي هذا الحديث :)) وخدي بالك ... دا في صحيح البخاري ^^ حَدَّثَنَا عَاصِمُ بْنُ عَلِيٍّ، حَدَّثَنَا ابْنُ أَبِي ذِئْبٍ، عَنْ سَعِيدٍ، عَنْ أَبِي شُرَيْحٍ، أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ: «وَاللَّهِ لاَ يُؤْمِنُ، وَاللَّهِ لاَ يُؤْمِنُ، وَاللَّهِ لاَ يُؤْمِنُ» قِيلَ: وَمَنْ يَا رَسُولَ اللَّهِ؟ قَالَ: «الَّذِي لاَ يَأْمَنُ جَارُهُ بَوَايِقَهُ» تَابَعَهُ شَبَابَةُ، وَأَسَدُ بْنُ مُوسَى، وَقَالَ حُمَيْدُ بْنُ الأَسْوَدِ، وَعُثْمَانُ بْنُ عُمَرَ، وَأَبُو بَكْرِ بْنُ عَيَّاشٍ، وَشُعَيْبُ بْنُ إِسْحَاقَ، عَنْ ابْنِ أَبِي ذِئْبٍ، عَنِ المَقْبُرِيِّ، عَنْ أَبِي هُرَيْرَةَ __________ [تعليق مصطفى البغا] 5670 (5/2240) -[ش (لا يؤمن) لا يكمل إيمانه. (يأمن) من الأمان وهو السلامة من الشيء (بوائقه) جمع بائقة وهي الظلم والشر والشئ المهلك. [انظر مسلم الإيمان باب بيان تحريم إيذاء الجار رقم 46]] شارك هذه المشاركه رابط المشاركه شارك
أم يوسف* 59 أرسلي تقرير عن المشاركة قامت بالمشاركة 20 مارس, 2012 الحمدلله وصلت لصفحة 19 بقي لي القليل أكثر من رائع ياهبه الغالية أسأل الله أن يزيدك من فضله ويجعل قلمك نبع خير لك وللأمة الإسلامية شارك هذه المشاركه رابط المشاركه شارك
أم يوسف* 59 أرسلي تقرير عن المشاركة قامت بالمشاركة 20 مارس, 2012 الحمدلله وصلت لصفحة 19 بقي لي القليل أكثر من رائع ياهبه الغالية أسأل الله أن يزيدك من فضله ويجعل قلمك نبع خير لك وللأمة الإسلامية شارك هذه المشاركه رابط المشاركه شارك
أم يوسف* 59 أرسلي تقرير عن المشاركة قامت بالمشاركة 20 مارس, 2012 تسلميلي يا هبه حبيبتي حياك الله غاليتي نورك وأكيد صفحتي تزداد شرفا بدخولك يا مبدعة شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 20 مارس, 2012 السلام عليك ورحمة الله وبركاته ^___^ حياك الله هبهوب ذكية كانت شاده حيلها النهاردة يعني غلطت غلطات بالجملة الله يصلح حالها :)) يعنى عاجبك الغسيل اللى تعبت فيه وحاطاه فى الشمس ينشف يتبهدل بالشكل ده الله المستعان ... لم تهتم لجارتها ولم تؤدي حقها فللجار حقوق وصانا رسول الله عزوجل به .. قال رسول الله " مازال يوصيني جبريل بالجار حتى ظننت أنه سيورثه " فأين أنت من هذا الحديث أذكر ماما لما كانت تحب تنظف أي شيء في البلكونة ... ويكون أحد الجيران واضع غسيل كانت تنزل واحدة فينا لتستأذنها أولا .. يرضيك الست بتاعتك تضرب الست بتاعتى وتفتحلها دماغها فتحت دماغ الست يا مفترية الله المستعان هتنزلى ورجلك فوق رقبتك والا للأسف هناك صنف من النساء لا يسمع الكلام إلا بالتهديد مادمت أخطأت فلماذا لا تعتذرين ؟؟ خلاص يا وباء ماتزعليش هاتى بوسة ^________^ ياقاعدين يكفيكو شر الجايين الله يسامحك ياست . بالله عليكى تحسنى الفاظك وماتفضحنيش قدام اختى أنتظر اليوم الذي ستأخذ فيه موقفا مع هذه المرأة فلا أدري أنا أهذا حب أو هو ضعف ايه ده يختى انتى جايبالنا برتقان . هو انتى طالعة الارافة . ومالك مكلفة خاطرك كدة . مالقتيش حاجة ارخص من كدة تجيبيها سبحان الله .. الهدية ليست بقيمتها ... ونحن لا نعرف ظروف الغير ولابد أن نقدر هذا الأمر .. ويكفي أنها تذكرتك وأولادك بهدية بسيطة لتدخل السرور عليكم فكان الأولى أن تكرميها وتبشي في وجهها وتحسني استقبالها معلش ياخويا ولما تحب تشوفنى بيتى مفتوحلك فى اى وقت يا عبد الصمد ياخويا عن اذنك بصراحة عندها حق ... مادام الحج عبد الصمد لم يستطع أن يحفظ لأخته احترامها ... الزوجة الصالحة هي التي تقدر ضيوف زوجها وترفعهم فوق رأسها .. فماذا لو كان هذا الضيف هو أخته شقيقته ؟؟؟ ايوة ياخويا اغلط اوى .انا لسانى بينقط سم .ليه متجوز عقربة عجبت لأقوام ينتبهون لهفوات الغير البسيطة وينسون جرائمهم في حق غيرهم والله المستعان معلش ياابنى دى غلطتى انا وانتو بتدفعوا تمنها سامحنى :closedeyes: 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 20 مارس, 2012 بريد ذكية ازيكو يا حبايب يا قمرات يا سكر نبات نورتو صالون ذكية يا حبايب ذكية راجية الانس انستينا يا سكرة دخلتك علينا دخلة السعد والهنا يا قلب اختك تعالى اشربى موسكوفيه يختى يا جمالها يختى يا حلاوتها مشرفتنا العسولة سندس واستبرق تعالى كلى محشى حواء العسلاء ازيك يا اميرة الفضاء نورتينا وكترتينا يا بسبوساء تعالى اشربى كراوية ام عبد الرحمن اهلا وسهلا يا ست الستات نورك غطا على نور الاباجورة بتاعتى اللى على الكومدينو جنب سريرى على طول نورتى يا سكرة تعالى اشربى عصير برتقال بس هاتى الشاليموه معاكى يا ام عبد الرحمن راغبة بالفردوس اهلا يا عين اختك خطوة عزيزة تعالى اشربى قهوة يا عسل ام يوسف حبيبة قلبى فرحتى قلبى بدخولك عندى يفرح قلبك يختى يارب . تعالى اشربى كركديه يختى يا دى النور والسرور اللى هل علينا ازيك ياسجودة التعليق انهاردة عشرة على عشرة يا عين اختك كنت مستنيا حد يطلع كل الاخطاء مش الخطأ فى حق الجار وبس وعشان كفائتك دى هقوم اعملك كوباية سحلب باللبن مش خسارة فيكى ابدا شارك هذه المشاركه رابط المشاركه شارك
أمة الله إكرام 28 أرسلي تقرير عن المشاركة قامت بالمشاركة 20 مارس, 2012 جزاك الله خيرا يا هبة صراحة حزنت لتعامل ذكية مع أبناءها شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 20 مارس, 2012 *~* يوميــ الست ذكية ـــــــات *~* (20) بقــ هبةنور ــلم النهاردة ياجماعة ذكية لسة راجعة من فرح ابن خالتها هى والولاد بس عبد الصمد ماراحش معاها تعالوا نشوف ايه اللى حصل فى الفرح يمكن تكون جيبالنا معاها حتة جاتوه ولا حاجة خشوا يا ولاد عقبال ماافرح بيكو يارب يا قلب امكو ازيك يا عبد الصمد والله ليك وحشة اه طبعا مش لازقة عند خالتك من اسبوع بتحضروا للفرح يوه ياخويا .خالتى وزى امى انت ايه يزعلك ربنا يخليكو لبعض يختى اسكت ياعبد الصمد على الفرح وجمال الفرح وحلاوة الفرح . كانت ليلة ياخويا من الف ليلة وليلة ايه اللى حصل ياست شهر زاد الاول ياخويا روحنا جيبنا العروسة من عند الحلاق وكانت ايه بقا قمر منور شعر ايه وعنين ايه وحلاوة ايه لا حول ولا قوة الا بالله . هى مش محجبة ايوة ياخويا هى فى الاساس متحجبة بس النهاردة شالت الحجاب عشان ليلة العمر ياخويا عقبال ماتفرح بالبت دودو يعنى عشان ليلة العمر تغضب ربنا ياخويا ربنا بيسامح ماتتحشرش انت . وبعدين كانت لازم تقلع الحجاب عشان الفستان بتاعها مفتح ومفندق من الاربع اتجاهات ياخويا يا حفيظ يارب .وازاى ابن خالتك يسمح لها تلبس فستان عريان بالشكل ده ياخويا دا هو اللى اشتراهولها لأ راجل ماشاء الله وبعدين ياخويا روحنا الاكاندة اللى فيها الفرح . اكاندة اوبها ياخويا والانوار جوا بتلعلط لعاليط كدة والناس اول ما العروسة دخلت قعدو يسقفو ويزغرطو وانا معاهم طبعا انت عارفنى صاحبة واجب وبعدين المزيكا اشتغلت هادية اوى كدة وطفو النور انا كنت بحسب هيسيبو العريس والعروسة ينامولهوم شوية وبعدين نصحيهم لكن لقيت العريس سحب العروسة من ايدها وراح ياخويا خدها بالاحضان وقعدو يرقصوا بشويش والمعازيم كمان كل واحد خد مراته ولا صاحبته وقعدو يرقصو بشويش كدة زى العريس والعروسة . وانا اقول فينك ياعبد الصمد كنت خدتك ورقصت زيهم كدة . وإذ فأجة كدة على غفلة المزيكا الهادية بقت على واحدة ونص والناس هاصت ياخويا كله عمال يرقص بعزم مافيه وترش الملح بينهم ماينزل من كترهم ياخويا بس ياخويا بعيد عنك الفرح كان هيقلب بغم ليه بعد الشر عليكو ايه اللى حصل ياخويا الاستاذ عبد العال ومدامته مودام اشعال جم الفرح مين عبد العال واشعال دول ياخويا دول جيران خالتى فى الشقة اللى قصادها على طول .حتى مكتوب على باب الشقة شقة الاستاذ عبد العال زين الرجال رجل اعمال وايه المشكلة يعنى المشكلة ياخويا ان مودام اشعال قامت ترقص وتتنطط فى الفرح زى اللى عليها عفريت وعايزة تطلعه وجوزها ازى يسمح لها بكدة ياخويا ده كان فرحان فرحة الدنيا وعمال يسقفلها كمان ايه الرجولة دى كلها . وبعدين واحد من الشبان ياخويا صورها بالكامرا وهى بترقص وجوزها شافوه وراح ماسكه من لياقة القميص وقالوه انت ازاى ياواد يا خونفس انت تصور المودام بتاعتى وهى بترقص راح قاله وانت لما عندك نخوة كدة بتخليها ترقص ليه اصلا قاله مراتى وانا حر فيها يا سئيل يا رزل راحت الست اشعال زعقت لجوزها وقالتله جرا ايه ياعبد العال هو كل ماتلاقينى برقص فى فرح ومعجبينى بيصورونى تعملى سكوندال ياعبد العال قالها انا اسف يا حبيبتى اخر مرة خلاص ما تزعليش . قالتله صالح الراجل اللى زعلته راح قال للشاب اللى صور مراته خلاص ماتزعلش يا سيدى حقك علية قاله خلاص مافيش حاجة وعشان خاطرك همسح الصورة راح الاستاذ عبد العال قاله عيب عليك يا راجل انت كدة بتهينى وبتهين المودام الصورة دى هدية من اخ لأخوه والله ماانت ماسحها انا حلفت قاله خلاص ياسيدى هدية مقبولة ربنا يزيدك رجولة وبعدين قال لمراته كملى رقصك يا حبيبتى انا اسف عطلتك لا حول ولا قوة الا بالله . انتى قولتيلى اسمه ايه الراجل ده اسمه الاستاذ عبد العال زين الرجال وتشوفه ياعبد الصمد ماشاء الله راجل طول بعرض وعليه شنب يقف عليه الصقر لأ ده مش زين الرجال ده عرة الرجال وانتى الصادقة .ازاى يسيب مراته ترقص ويتفرج عليها الناس كدة . وكله كوم والعروسة واخواتها كوم .تقول ياخويا غوازى مش شارع الهرم . دول رقصو رقص ياعبد الصمد ونعم النسب يختى ولا البوفين والاكل اللى فى البوفين .دا انا كلت اكل انا والعيال بفترا وكنت واخدة معايا كيس نايلون ولميت بقا من خيرات ربنا اللى يقابلنى على البوفين احطه فى الكيس ايشى فراخ ولحمة وهم مايتلم غير علب الكونزى والجاتون .هغرفلك منهم دلوقتى الله الغنى عنكو وعن اكلكو ياست . وانتى عاجبك الفرح المخالف للشرع ده ياذكية ياخويا وانا مالى انا روحت كلت وانبسطت انا والعيال وهما حسابهم عند ربنا بقا منتديات أخوات طريق الإسلام شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 20 مارس, 2012 جزاك الله خيرا يا هبة صراحة حزنت لتعامل ذكية مع أبناءها جزاك الله خيرا يا هبة صراحة حزنت لتعامل ذكية مع أبناءها يا سلام يا سلام الحلوة دى اسمها اكرام ازيك يا عيونى وحشانى وبقالك كتير ماجيتيش تشربى الشاى مع ذذكية نورتى ياعسل تعالى افطرى معايا عشان لسة مافطرتش ياقمر شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 20 مارس, 2012 يا جماعة الحلقة بتاعة الفرح المخالف للشرع دى انا بهديها للحبيبة النصر قادم لأنها اقترحت علية اكتب حلقة انا قش فيها المخالفات والموبقات فى الافراح ادى الحلقة ياست الستات النصر قادم احنا فى الخدمة ياقمر انت تقشر يا باشا شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 20 مارس, 2012 لا حول ولا قوة إلا بالله صراحة صدمت، ربما لأني لم أحضر أفراح من سنين طويلة خصوصا المختلطة لكن تذكرت فرح كنت حضرته وأنا طفله ومازلت أتذكره فقد كان في حيينا شيخ يلبس دائما لبس الأزهر (لا أعرف وظيفته) المهم دعى كل الحي لفرح ابنته والذي كان في قاعة في وسط البلد وذهبنا جميعا لا أتذكر شئ من الفرح سوى وجود راقصة ممتلئة الجسد وشبه عارية (نقول تقريبا لابسه بكيني وشوية شراشيب على الوسط) وطبعا كان الفرح حديث الكل فهذا شيخ قد أحضر راقصة بهذا الشكل، فما بالك بالعوام ماذا يجب عليهم فعله بالأفراح . أيضا شئ لاحظته عن كل من تتخلى عن حجابها ولباسها الشرعي في فرحها، لابد وحتما أن يحدث كارثة بالفرح وقد ينتهي الفرح أحيانا بكارثة . أما مسألة الإثم على من أقام الفرح وليس من حضره فللأسف هذا شئ منتشر بين العوام في كل المناسبات أتذكر موقف حدث منذ سنوات وفي بداية زواجي فقد وضعت احدى اقاربنا مولود وطبعا معروف اهتمام الجميع بالسبوع وغيره وما يحدث من مخالفات فيه فرفضت الذهاب وذهبت جدتي حفظها الله ليستعدا للتحضير للسبوع وهي تعلم بمخالفته للشرع لكنها لم تجرؤ على قول ذلك حفاظا على مشاعرهم وللمصالح التي بينهم وقولها هم حرين فهم سيحاسبوا عليه المهم حضرت معهم السبوع وكلما طلبوا شئ منها مثل حمل المولود في المنخل او دق الهون، اعتذرت لأي سبب كان واعتبرت نفسها هكذا غير مشاركة في معاصيهم وأن الوزر سيكون عليهم حتى أنها احضرت لي طبق أرز باللبن والهدية التي وزعوها فما كان مني غير قول اني لن اشاركهم في معصيتهم ورميتهم بالقمامة وكانت ستقتلني يومها لانها لم تقتنع بكلامي وقالت هم اهتموا بارسالها لكِ فإن كنتِ لا ترغبي بها فاتركيها لغيرك ولكني رفضت حتى لا أكون سببا لمشاركة غيري في المعصية . يا أخوات المشاركة في المعصية لا تكون فقط بالحضور وفعل ما يفعلوه فقط بل المشاركة في التحضير هي المشاركة في المعصية حضور الحفل ولو بجلوسك بعيدا عن الاحداث يعتبر مشاركة في المعصية واقرار عليها أخذك للطعام والشراب من الحفل من مشاركة للإثم أيضا مباركتك لهم هي مشاركة للإثم كذلك عدم تنبيهك لهم وأمرهم بالمعروف ونهيهم عن المنكر الذي حدث أو سيحدث هو مشاركة للإثم وغيره الكثير وهناك الكثير من الأدلة الشرعية على ذلك لكن ذهني غير صافي لاستحضارها او البحث عنها ولعل احدى الأخوات تقوم بذلك . متابعة معكِ يا أخية وهذه المرة لم استطع المتابعة بصمت لأنها معصية كبيرة ومنتشرة في مناسبات كثيرة ومتنوعة والله المستعان شارك هذه المشاركه رابط المشاركه شارك
راجية الأنس 20 أرسلي تقرير عن المشاركة قامت بالمشاركة 20 مارس, 2012 السلام عليكم و رحمة الله تعالى و بركاته: فعلا حبيبتي هبة نور يوجد الكثير من امثال الست ذكية ممن تذهب للاعراس المختلطة ثم تقول انا دعيت فأجبت و الذنب ذنب اصحاب العرس الاولى ان نقاطع هته الاعراس و لو كانو اقرب القريبين كما ان ظاهرة تقليد الغرب في الرقص و عادات الزواج من تقطيع القاتو وشرب العصير ثم لبس الخاتم و رمي باقة الورد اصبحت موضة دارجة في اعراسنا للاسف الشديد و المسؤولية الكبرى برأي تقع على امثال عبد الصمد من ازواج و اباء يسمحون لزوجاتهم و بناتهم بذهاب لهكذا حفلات اسال الله ان يتم علينا ستره اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه بوركت هبوبة الحلوة على هذا الطرح و جزا الله خيرا اختنا النصر القادم على اقتراحها السديد شارك هذه المشاركه رابط المشاركه شارك
النصر قادم 207 أرسلي تقرير عن المشاركة قامت بالمشاركة 20 مارس, 2012 جزاكِ الله خيرا هبة الحبيبة على تلبية طلبي نفع الله بكِ يا غالية وجعله في ميزان حسناتك الأسلوب كالمعتاد مرح والقافية التي تستعملها ذكية أضحكتني لدرجة أدمعت عيناي :) أما بالنسبة لهذا الفرح و أمثاله فالمخالفات كثيرة وأول ما يتبادر إلى الذهن عند رؤية تلك المشاهد حديث الرسول ( صلّ الله عليه وسلم ) : اخرج الامام البخاري رحمه الله في صحيحه (( حدثنا محمد بن عبد العزيز حدثنا أبو عمر الصنعاني من اليمن عن زيد بن أسلم عن عطاء بن يسار عن أبي سعيد الخدري عن النبي صلى الله عليه وسلم قال : (( لتتبعن سنن من كان قبلكم شبرا شبرا وذراعا بذراع حتى لو دخلوا جحر ضب تبعتموهم . قلنا يا رسول الله اليهود والنصارى؟ قال: فمن ؟!! )) ومن تلك المخالفات 1- الاختلاط المحرم وما يؤدي إليه من مفاسد تخل بأمن المجتمع وتوجب عليه عقوبة الله 2- السفور والتكشف وفيه عدم التزام أوامر الله وفتح الباب للوقوع في الفواحش 3- قتل روح النخوة وعدم الغيرة على الأعراض وقد جاء في الحديث الشريف لا يدخل الجنة ديوث 4- الاستماع إلى المعازف التي حرمها الله ويؤدي إلى غفلة القلب والصد عن ذكر الله والتعرض لوعيد الله وعقابه قال الله تعالى : ( وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا أُوْلَئِكَ لَهُمْ عَذَابٌ مُّهِينٌ ) لقمان وقد ثبتت عدة أحاديث في خطورة المعازف وظهورها آخر الزمان، منها: حديث عمران بن حصين أن رسول الله صلى الله عليه وسلم قال: في هذه الأمة خسف ومسخ وقذف، قال رجل من المسلمين: يا رسول الله؛ ومتى ذلك؟ قال: إذا ظهرت القينات والمعازف وشربت الخمور. رواه الترمذي وصححه الألباني. ومنها: حديث سهل بن سعد أن رسول الله صلى الله عليه وسلم قال: سيكون في آخر الزمان خسف وقذف ومسخ إذا ظهرت المعازف والقينات واستحلت الخمر. رواه الطبراني وصححه الألباني في صحيح الجامع. ومنها: حديث أبي مالك الأشعري أن رسول الله صلى الله عليه وسلم قال: ليشربنّ أناس من أمتي الخمر، يسمونها بغير اسمها، ويضرب على رؤوسهم بالمعازف والقينات، يخسف الله بهم الأرض، ويجعل منهم قردة وخنازير. رواه ابن ماجه وابن حبان والطبراني وصححه الألباني 5- التبذير والإسراف 6- الرقص والتهارج وكما يقولون الفعل أولا يكون عادة ثم يصبح عبادة وهنا مكمن الخطر أن تصبح تلك الموبقات عبادة لدى أصحابها ومن مكملات زخرف الحياة لا يستطيعون الاستغناء عنها وأمرنا أن نعبد الله ونلتزم أمره ونجتنب ما نهى عنه لا أن نعبد العادات ولكنها ليست عادات وإنما موبقات وملذات مستوردة من الخارج لتفسد علينا ديننا وأخلاقنا وتقتل الحياء في نسائنا فنسأل الله العفو والعافية في الدنيا والآخرة وأن يُصلح أحوال المسلمين شارك هذه المشاركه رابط المشاركه شارك
النصر قادم 207 أرسلي تقرير عن المشاركة قامت بالمشاركة 20 مارس, 2012 نسيت أن أذكر شيء مهم وهو المجاهرة بالمعصية فأسوء من المعصية المجاهرة بها والفرح بها وقد جاء في الحديث الشريف ما معناه أشد الناس عذابا المجاهرون........... يبيت وقد ستره الله ويصبح وقد كشف ستر الله عنه ) وأيضا المرء لا يتمنى فعل المعصية كما قالت ذكية وإلا يصبح سواء في الوزر مثل فاعلها نسأل الله العفو والعافية والهدى والتقى شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 20 مارس, 2012 لا حول ولا قوة إلا بالله أنا أرى أن الخطأ يقع على عبد الصمد هو الذي سمح لها بالذهاب مع أنه يعرف أن ذكية متهورة وقد تفعل كل شيء فأنا خالتي عملت عرس وأحضرت المغنيين لكني لم أحضر زفافها أنا وأختي لما فيه من الغناء والكاميرا والحمد لله أنا قليلة الخروج فكلما كانت المرأة في بيتها كلما بعدت عن المشاكل تسلمي يا هوبة المحبوبة وادخلي ملفي فقد رديت عليك هههههههه شارك هذه المشاركه رابط المشاركه شارك
