سندس محمود 42 أرسلي تقرير عن المشاركة قامت بالمشاركة 23 أبريل, 2012 حلقاتك تحفة ماشاء الله ولا قوة الابالله تعرفى انا بقعد اقرأ الحلقات وافضل اضحك واخواتى يفتكرونى اتجننت ههههههههه بجد ذكية دى تحفة ربنا يخليها لينا شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 24 أبريل, 2012 الله المستعان نسأل الله أن يولي على مصر من يُحكم دينه وشرعه اللهم آمين ويرحمن من البلاوي والمفاسد إللي فيها والله المستعان أنا مثل ماريا وللأسف يمكن أسوأ يعني كل المدارس في بلدي مختلطة والمنفصلة تبعد عني كيلوات وطبعا الأدهى هى المواصلات ومحدش يقولي باصات والكلام ده إحنا ما نلاقيه عندنا نهائي والله المستعان حلقات روعة ومميزة أسعدكِ الله يا هوبة الحلقة الماضية بتاع القصب يا سلااااااااااااام ذكرتوني بالذي مضى وآت بإذن الله . أنا يا حلوات ولله الحمد وبلا فخر خلفي أراضي زراعية لا حصر لها وبشتري بجنيه قصب من الراجل إللي بيقطع من الأرض وأكله طازة كدة ونعيش حياتنا لما أنزل مصر أبقى أعزمكم على قصب وعلى لبن الجاموسة ههههههههههههههههه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 أبريل, 2012 وحشتوني يا قمرات مع ان اللي سألوا علية في غيابى مش كتير بس مش مهم المسامح كريم اسيبكو مع الحلقة الجديدة ان شاء الله شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 28 أبريل, 2012 هبةةةةةةةةةةةةةةةةةةةةةةةةةةةةةةةةةةةة انا سالت والله روحي صفحتك هتلاقيني سالت وسالت وسالت ههههههههههههههههههههه اخبارك ايه يا غالي ؟؟ شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 أبريل, 2012 *~* يوميــ الست ذكية ـــــــات *~* (32) بقــ هبةنور ــلم اعوذ بالله على الستات النكدية اللى مايحلالهومش يجيبوا سيرة الاخباراللى تسد النفس الا لما يشوفوا الراجل بس طبعا ذكية مش من دول ست ما تحبش الا الفرفشة ومفرفشة جوزها على طول حتى تعالوا شوفوا إهئ إهئ إهئ اه يانا ياما إهئ إهئ اعوذ بالله مالك يا ذكية إهئ إهئ إهئ لأ مافيش حاجة ياخويا إهئ إهئ إهئ مافيش ازاي امال ايه العياط والشحتفة دى كلها دانتي خلصتي علبة المناديل على دموعك إهئ إهئ إهئ لا ياعبد الصمد انا مش بعيط دا انا بعمل تمرين تمرين ايه الحزايني اللى يسد النفس ده اصل انا ماقلتلكش ياخويا اصل خالتي كئابة الله يرحمها وصتني بالوصية دي من زمان بس انا كنت ناسياها وصية ايه ياشيخة الله يسامحك انتي وخالتك قالتلي يا بت يا ذكية لازم كل يوم قبل ماتنامي تعيطي ساعتين وتطلعي كل مشحونات الحاجات اللى مضايقاكي عشان تنامي على نضافة الله ينتقم منك بعدله .وإمتا ان شاء الله خالتك وصتك الوصية اللى تقصر العمر دي وصتني بيها قبل ما جوزها يقتلها بأسبوع ياخويا والله تستاهل خالتك بصراحة عشان الراجل مش ناقص بعد مايرجع من ارف شوغله يلاقى ندابة فى البيت قاعدة تعيط من غير سبب الله يسامحك ياعبد الصمد يعني ايه من غير سبب أهو انت كدة ظلمت خالتى عشان هي قالتلى افتكري اي حاجة زعتلتك فى دنيتك وعيطي يا ذكية يابنت اختي وان شاء الله افتكرتي ايه ياعيون خالتك ابدا ياخويا قعدت ادور على حاجة مزعلاني مالقتش اليومين دول روحت راجعة بالذاكرة لأيام طفولتي وافتكرت اليوم اللى امي ضربتني فيه عشان طلعت جلابية من بتوعها من دولابها وقصيتها بالمقص عشان اعمل منها كام فستان للعروسة بتاعتي طيب وبعدين يا ذكية انا عايز انام لو سمحتي اهئ اهئ اهئ ماتنام يا عبد الصمد هو انا حايشاك يا خويا اهئ اهئ اهئ اه ياما يانا اه اهئ اهئ طيب ان شاء الله هتخلصي ساعتين النكد دول امتا اهئ اهئ اهئ هى الساعة كام دلوقتي الساعة واحدة بعد نص الليل يا سبب هنايا اهئ اهئ خلاص هانت ياعبد الصمد فاضل ساعة الاربع اهئ اهئ عارفة ياام اوئ لو مابطلتيش عياط هخليكي تحصلي خالتك وخليني انام يا إما اتفضلي برا الاوضة وبعدين ياولاد فى قلة المزاج دي خلاص بطلت عياط عشان خاطرك بس الحمد لله تصبحي على خير عبد الصمد نعم انت هتنام اوف ان شاء الله طيب ياخويا مش تستنا لما اقولك على الاخبار اللى عندي الصبح يا ذكية النهار ليه عنين يعني هو النهار ليه عنين والليل عدم عيونه ياخويا استغفر الله العظيم خير عايزة ايه اديني قومت اسكت ياخويا مش جوز نبوية بنت عمتي دخل السجن لا حول ولا قوة الا بالله ليه كدة بس هو عمل ايه ابدا ياخويا اصله زور إمضا المدير بتاعه وصرف لنفسه شهرين مكافأة وازاي يعمل كدة بس طبعا يستاهل ده جزاء عمله هو ياخويا اللى يزور يخش السجن ؟ طبعا يا ذكية يالهوي يعني انا ممكن اتسجن على كدة بقا ليه يا مصيبة زورتي ايه لأ مش دلوقتي اصل وانا صغيرة كنت بجيب كحك فى الشهادة كل شهر وكنت بخاف اوري الشهادة لأبويا فكنت بمضي بداله وكنت انا ولية امر نفسي يعني وازاي المدرسين مااكتشفوش التزوير ده ياخويا يعنى كانوا هياخدوا الشهادة يودوها لخبير الادلة الجناوية الحمدلله انا غير ابوكي انا مصحصح وكل شهر لازم اشوف الشهادات بتاعة الولاد بنفسي . تصبحي على خير ايه ياعبد الصمد اصحى لسة ماكملتش اخباري اوف نعم نعم فى ايه تاني مش عم جمعة عيان ياكبد امه عم جمعة مين البواب بتاع مدرسة العيال سلامته عنده ايه عنده مركوب فى المعدة بيعمله صداع على طول مركوب فى المعدة . والله ماحد عايز مركوب على دماغه غيرك نامي بقا نامي استنا بس نسيت اقولك مش الواد ابن اختي منكسرة دماغه اتفتحت وخد سبع غورز ياحفيظ يارب ليه كدة اصله وقع من ع السلم ونزل على ماغه سلامته الف سلامة ناااااااااااااااااااااااااااااااااااااااامي تصبحي على خير انا لسة ماخلصتش اخبار الغم اللى عندي يعني انتي متعمدة تقولي اخبار غم قبل ماننام امال ايه دي ظاهرة صحية ياخويا لازم الست تنكد على جوزها قبل ماينام بالبكى والنواح والاخبار اللى تغم النفس لا حول ولا قوة الا بالله ليه كدة بس يا مفترية عشان الراجل يكره الجواز وسيرته ومايفكرش يجيب للست ضرة تنكد عليها .يعني لما يشوف اد ايه الجواز غم فى غم يعيش في حاله ومايفكرش يجيب هم على الهم الا قوليلي يا ذكية هو جوز خالتك قتلها ازاي ابدا يا خويا كانت عمالة تعيط وتفتكر الاحداث الحزينة وعاملة مناحة جنب ودنه راح شايلها مطوحها من البلكونة طيب عن اذنك رايح فين يا عبده هفتح البلكونة واجي اشيلك عشان خالتك مستنياكي تحت يالهوووووووووووووى اخص عليك يا عبد الصمد انا خارجة وسيبالك الاوضة انت راجل مالاكش امان لحسن تلاقيني روحت فى النوم تقل عقلك وتعملها راجل دموي صحيح مالاكش فى الفرفشة منتديات أخوات طريق الإسلام شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 28 أبريل, 2012 هههههههههههههههههههههههههههههههه يا سيدي علي الفرفشة بس في كتير من نوع زكيه يموتو في النكد والزعل والعييط من غير سبب مابحبهمش ههههههههههههههههههههههههههه ولا اعرفهم اصلا شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 أبريل, 2012 اوعي يا ماريا تكوني منهم ربنا يكفينا شرهم يا اختي اعوذ بالله في ناس اصلا الواحد يتكلم معاهم يمسكولك سيرة الهم والعيا والمرض لما تندمي انك اتكلمتي معاهم اصلا مابالك الزوج المسكين لما تكون دي طبيعة مراته شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 28 أبريل, 2012 انا شامة ريحة تلميح هنا هههههههههههههههههههههههههههههه انتي بتلمحي يا بنت علي اني كل اما اكلمك علي العيال اقولك تعبانين واشرحلك وضعهم شكلك كدا هههههههههههههههههههههههههه علي العموم انا مش منهم يا اختي انا اصلا عندي اخت جوزي هتموت مني بسبب اني بنفض لاي شيء ومش بزعل من اي شيء وبتقول علية اني باردة ههههههههههههههههههههههههههههه عايزاني لو حصل شيء ازعل واعيط وانا مش كدا نكتفي بقول قدر الله وما شاء فعل عيطنا ولا نوحنا يعنا هيرجع شيء ؟؟ ولا هيعمل شيء ومش هناخد غير ان وشنا يكرمش بدري بدري والراجل يتجوز علينا هههههههههههههههههههههههههههههههههه 2 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 28 أبريل, 2012 اخص عليكى يازيزى قسما بربى مااقصدك انتى ولا اى حد فى المنتدى والله وانتى اصلا عمرك ماجيبتى سيرة ولادك انا اللى بسألك والله انا اقصد واحدة صاحبة امى الله يرحمها كرهتنى اتصل بيها اقولها ازيك ياطنط انا اقولها ازيك من هنا عمرها ماتقول الحمد لله تقولى عيانة وتعبانة وجاية من عند الدكتور وعندى الضغط وعندى السكر وعندى مش عارفة ايه وكل المشاكل تحكيها بضجر وعدم حمد والله يازيزى ماعندى اسلوب التلميح بالكلام خالص انا مباشرة جدا ولما حاجة مش بتعجبنى بقول على طول هههههههههههه شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 28 أبريل, 2012 هههههههههههههههههههههههههههههههه المفروض اصلا تكوني عرفتي اسلوبي يا هبوب انا بهزر معاكي وعارفه انك مش تقصدي والله انا الي حبيت اهزر معاكي يا بنت والله بس شكلة طلع هزار حلاليفي شوي هههههههههههههههههههههههههههههههههه حقك علي راسي يا حلو والله ما قصدت بتاتا بوسسسسسسسسسسسسسسسسسسسسسسسسسسسسسسسسة كبيرة شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 28 أبريل, 2012 إيه كل ده كلام هههههههههههههه هوبة يالي حلماني ازيك يا جميل والله وحشتيني هههههههههههههه بصراحة أنا أيضا لا أحب المرأة النكدية والمرأة الذكية هي التي تعرف متى تتكلم مع زوجها في الوقت المناسب والأفضل لا تحدثه بكل ما تعرفه والذي لا يفيده أصلا أنا زوجي لا يحدثني عن شغله في المدرسة ودائما يقول لي أنا جيت البيت لكي أنسى مشاكل الشغل هههههههه شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 28 أبريل, 2012 توووووووووووووووحفه يا هوبه عثل عثل عثل والله اللهم بارك علا فكره أنا سألت عليكي كتير وبعتلك سلامي مع ذكذوكه هي مقلتلكيش ولا ايه؟؟؟؟؟؟؟؟؟؟؟ بس أنا أصلا مش بدخل منذ حوالي أشبوع النت عطلان ييجي ساعه ويعطل عشره ههههههههههههههه أم ا بالنسبه للحلقه الجديده طبعا كل واحده شايفه نفسها مش نكديه دي حتى ذكيه شايفه انها عشل وفريش علا الاخر هههههههههههههه وخالتها كمان ههههههههههه فيارب لا تجعلنا منهم هههههههههههههه أصل الأزواج مش ناقصين كمان ست تنكد عليهم الحياه صعبه لوحدها والحمد لله متفهميش غلط مش قصدي أشتكي ههههههههههههه بس قصدي أقول هم غلابه ومش ناقصين شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 28 أبريل, 2012 السلام عليكم ورحمة الله وبركاته كيف الحال هووووووووووبة مشتاقة يا عيني حلقات رآآآئعة ومبدعة أنت كالعادة. شارك هذه المشاركه رابط المشاركه شارك
سندس محمود 42 أرسلي تقرير عن المشاركة قامت بالمشاركة 29 أبريل, 2012 هبة تحفففففففففففففففففففففففه الحلقة دى فعلآ هناك زوجات نكديات والنكد عندهم فلسفة ويتفنوا فى ذلك شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 29 أبريل, 2012 السلام عليك ورحمة الله وبركاته ^___^ أكثر ما يتعب الرجل المرأة النكدية ... وللحق لا أدري ما الذي ستجنيه المرأة من ذلك ؟؟ ولكن ربما كما قالت الأخوات هي هواية عند البعض .. ونعوذ بالله منها بارك الله فيك هبهوب وجزاك الله خيرا وتم تعديل الموضوع ..ويبدو أنني سأكون مديرة أعمالك ^_* شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 29 أبريل, 2012 عودًا حميدًا هوبة كنتي فين يا بنت بتمتحنينا يعني ولا شو كل شوية أدخل ملفك لا ألاقي رد ولا جواب ولا حتى ظرف جواب بصراحة الله يعين عبد الصمد عنده زوجة تحفة المفروض يحمد ربنا عليها ويبوس إيده وش وظهر معيشاه دايمًا في أكشن بدل الرتابة والملل دايمًا حاطة فلفل وشطة في حياتها لما ومسير الحلقات هتنتهي بجلطة وشلل رباعي لعبد الصمد إوعو تصدقوا الكلام ده ي استات أنا أقصد عكسه بالظبط يعني ما حبكش تغسل عيونها وتفضي الهم غير ساعة النوم ما تغسلها ببصلة تخرطها للطبيخ وتخلص ولا حبكش تحكي مشاكل البواب وقرايبها غير نص الليل صراحة مسيرها هتلاقي مصير خالتها أم نصايح ذهبية وأصلا تحكي لجوزها عن المشاكل دي ليه دا بدل ما تخفف عنه تعب الشغل وتروق باله وهو هينام علشان يبتدي يوم جديد وهو طازة منورة يا هوبة بصراحة ما ليش في النكد ولما بنكد وبيكونوا هما السبب يعني العيال وأبوهم ديتها يزغزغوني افطس من الضحك 2 شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 29 أبريل, 2012 هههههههههههههههه جامدة يا هوبة والله صراحة موضوع النكد دة خلى مخى يدور يمكن فعلا دى تكون نصيحة ذهبية من ذكاذيكو ههههههههههههه متقلقوش مش هنفذها الحمد لله انا مش بطيق النكد ولا رحته حتى ربنا يبعد عننا النكد انا مش بطيقه (اللى هو النكد)حتى لما بتخانق مع جوزى بختصر المسافات واقوله تاعلى بقى علشان تصالحنى واقعد فوق راسة واقوله مش هتحرك من هنا الا لما تصالحنى ههههه غلاسة بعيد عنكم (بس طبعا مش فى كل حلات الخناقات اصل الخناقات اشكال والاوان ) سبحان الله ان الضحكه فى الوش بتسبب الارتياح يعنى لما اشوف واحدة مكشرة ونكدية تلاقى فى تنافر بين الموجب والسالب (اللى هو انا وهى ) وانا لازم ااقابل جوزى وانا بضحك ومسخسخه مش عارفة ليه ^___^ وفعلا المفروشض كل زوجة تقابل زوجها بابتسامة حلوة وجو هادىء وتحضير كل طلباته بدون تذمر لان الرجال حقا يكدوا خارج البيت الله يهدى بنات المسلمين والمسلمات ويحفظ ازواجنا واولادنا من كل سوء شارك هذه المشاركه رابط المشاركه شارك
**حنين للجنة** 16 أرسلي تقرير عن المشاركة قامت بالمشاركة 30 أبريل, 2012 ذكيه دى على الرغم انها بتعمل العجب بس بجد شخصية عسولة اووووووووى ربنا يصلح حالنا وحال كل واحدة فيها اى شئ من روائع ذكية ما اقدرش ادعى ان ربنا يهدى ذكية شخصيا علشان ماتسبناش لان سبب وجودها معانا شخصيتها المميزة ربنا ما يحرمنا منك يا ذكيه شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 مايو, 2012 *~* يوميــ الست ذكية ـــــــات *~* (33) بقــ هبةنور ــلم الأمانة يا ولاد الأمانة من آمنك لم تخونه ولو كنت خاين ربنا يكفينا شر خيانة الأمانة تعالوا نشوف ذكية اخبارها ايه مع الأمانة انا زعلانة من امك اوي يا عبد الصمد ليه ان شاء الله يرضيك يا خويا ابعتلها طلب صداقة على صفحتها على الفيس بوك تقوم عملالي بلوك وهي امى برضو عندها صفحة على الفيس بوك يا ذكية ولا تفهم في الكمبيوتر اصلا والله انت ما عارف امك ولا امكانياتها يا عبد الصمد دي يا خويا عندها صفحتين على الفيس بوك وبتلعب المزرعة السعيدة طول النهار لا لا مش ممكن امي ما لهاش في الكمبيوتر امك يا عبد الصمد بتفهم فى الكمبيوتر اكتر من بل جيتس نفسه بس أنت ما تعرفش وبعدين انت مستغرب ليه ماهي امي كمان عندها صفحة على الفيس بوك وخالتي محاسن عندها وخالتي خضرا كمان عندها حتى خالتك خضرا كمان امال ايه يا عبد الصمد .بس خالتي خضرا داخلة الفيس بوك لأسباب علمية اسباب علمية بتاعة ايه دي كمان ايوا يا خويا داخلة تشوف حل للقضاء على البلهارسيا اللى في الترعة عشان تعرف تستحما فيها براحتها وحل للقضاء على الناموس عشان مابتعرفش تنام منه يا كبدي طيب يا ست ربنا يوفق الجميع خدي شيلي معاكي المبلغ ده ايه الفلوس دي كلها يا عبده دول حوالي خمسين الف جنيه اخويا اداهوملي اشيلهم معايا على ما يرجع من السفر وهو هيرجع امتا بالسلامة ان شا ء الله بعد سنة بالظبط حاضر ياخويا هشيلهوم في عنية تسلملي عنيكي يا ذكية السلام عليكم ازيك يا ست ذكية اهلا اهلا اهلا وشك ولا وش القمر يا ام خوخة اتفضلي يا حبيبتي وحشااني اوي والله يا ذكية يختي تسلميلي من كل وحش يا حبيتي عيالك عاملين ايه الحمدلله بخير وانتي ازي عيالك حلوين يختي الحمدلله تشربي ايه بصراحة يا ذكية يختي انا جاية قصداكي في خدمة خير يختي البت تفاحة فرحها بعد اسبوعين بس باينه مش هيتم بعد الشر يختي ما يتمش ليه لسة يا ذكية ناقصها حاجات كتير في الجهاز وانا الفلوس اللي معايا ومع ابوها خلصت ومش لاقية حد يسلفني يا حبيبتي يختي طيب ما تاجلوا الفرح شوية ما ينفعش يختي ما ينفعش دي هتسافر مع جوزها وهو مرتبط بمواعيد شغل هناك يادي الحيرة طيب وانتي هتعملي ايه ما هو انا جيالك عشان كدة تديني اد عشرة اتناشر الف وانا هقبض الجمعية بعد شهرين وهديهوملك على طول خلاص يا ام خوخة هدهوملك بس تقبضي الجمعية وتجيبيهم على طول عشان دول مش بتوعنا دول امانه وانا هدهوملك من ورا جوزي تسلميلي ياذكية يا حبيبتي بنت اصول وصاحبة واجب ناوليني الفلوس خليني اجوز البت ربنا يتمم بخير يختي ذكية نعم يا عبد الصمد هاتي الفلوس اللى شايلها معاكي فلوس ايه يا خويا الخمسين الف جنيه بتوع اخويا طيب ولما هما بتوع اخوك انت مالك ومالهوم يا ست اخويا جه من السفر يا لهوي ايه اللى جابه هو مش قال جاي بعد سنة ايه الاستعباط بتاع خلق الله ده حصل مشاكل في شغله وفسخ العقد وعايز فلوسه عشان يكمل عليها ويبدأ مشروع مشروع ايه وكلام فاضي ايه احنا ما عندناش رجالة تعمل مشاريع وخليه يتهد في ايامه المهببة دي لا اله الا الله الراجل عايز فلوسه طيب اديني فرصة لحد بكرة ان شاء الله ذكية وديتي فلوس الراجل فين الفلوس موجودة ياعبد الصمد هجبهالك ماتزعقليش كدة عشان بتخض سلامتك من الخضة يختي .ارجع من شغلي ان شاء الله بكرة الاقي الفلوس على الطربيزة بس احنا ما عندناش طربيزة يا عبد الصمد تصبحي على خير يا ذكية تن تن تن مييييييييييييييييييييييييييييييييييييييييين افتحي يا ام خوخة انتي مين انا ذكية ذكية مين انا ما اعرفش حد بالأسم الغريب ده افتحي ياست انتي ما تستهبليش انا مش ناقصاكي ع الصبح خير ياست ذكية عايزة الاتناشر الف جنيه اللى ختيهم انا يختي لا خت حاجة ولا شوفتك قبل كدة اصلا وبالسلامة يختي عشان الاكل ع النار نعم نعم نعم بقولك ايه يا ام جميزة انتي هاتي الفلوس بدل ما اوديكي فى داهية انا يختي فى السليم الحمدلله ومافيش اثبات اني خت منك حاجة ويلا من هنا بدل ما اطلبلك البوليس واقول حرامية وجاية تسرقني كدة برضو يا ام خوخة ده جزاء المعروف الله ينتقم منك اهئ اهئ اهئ اجري عيطي بعيد يختي عشاء بتشاءم عن اذنك وكمان بتقفلي الباب في وشي يا ام خوخة الله يسامحك اهئ اهئ اهئ اهئئئئئئئئئئئئئئئئئئئئئئئئ اهئ اهئئئئئئئئئئئئئئئئئئئئئئئئئئئئئئئئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ مالك يا ذكية عبد الصمد بصراحة الفلوس ناقصة عشان سلفتوهم لأم خوخة ونصبت علية ومش عايزة ترجعهم انا كان قلبي حاسس انك ضيعتي الفلوس اقلعي بقا الكام غويشة الى في ايدك عشان نبيعهم ونكمل للراجل فلوسه نعم نعم انت بتقول ايه والله يا ذكية لو فتحتي بقك بكلمة لأبلغ عنك بتهمة تبديد الأمانة واسجنك اهئ اهئ اهئ يا حبايبي يا غوايشي يا عشرة عمري هاتي الغوايش اهم يا عبد الصمد .اهئ اهئ الله ينتقم منك يا ام خوخة منتديات أخوات طريق الإسلام 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 3 مايو, 2012 اهلا يا حبايب ذكية نورتو يا عسلات هروح اعمل دور شاي واجي ارحب بيكو نورتو الحلقة اللى فاتت كلكو والله شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 3 مايو, 2012 ازيك يابوبة عاملة ايه يا قمر فعلا الامانة يا عباد الله ليه بس يازيكو تعملى كده عاجبك يعنى اديكى بعتى الغويشتين اللى حيلتك مبدعة يابوبه شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 3 مايو, 2012 بصراحة الست ذكية صعبت علي لكن مع ذلك كان من الأول أن لا يعطيها الفلوس لما يعرف عنها من طيش لكن هي إن شاء الله ستتعلم درسا ولن تكرره صح يا ذكذك واقرأي هذا الحديث لعله ينفعك يا ختي ( أربع إذا كن فيك فلا عليك ما فاتك من الدنيا : صدق الحديث، وحفظ الأمانة ، وحسن الخلق ، وعفة مطعم ) تسلمي هوبة الغالية شارك هذه المشاركه رابط المشاركه شارك
متلهفة للفردوس 41 أرسلي تقرير عن المشاركة قامت بالمشاركة 3 مايو, 2012 طبعا فمن ٱنتفت عنه صفة الأمانة فهو من المنافقين. اللهم عافنا يا رب. بس صعبت علي الست زيكو الله يهديها بس تسلم دماغك يا شيخة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 4 مايو, 2012 شكرا الحبيبات اعتز بالاسلام معتزة حواء ام هالة متلهفة كريمة بس في حاجة انتو ما اشرتوش ليها يا جماعة انا قصدت خيانة الامانة اللى اعطاها اياها زوجها ازاي تتصرف في حاجة من وراه وتسلف للناس من غير اذنه وكمان المفروض ما نسلف حد فلوس من غير اثبات لأن الضمائر خربت والله المستعان والقرآن ذكر موضوع الدين وان لازم يكون فيه اثبات وفي الاخر تستاهلي يا ذكية شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 4 مايو, 2012 بالنسبة للحلقة بتاعة التعليم المختلط واني اخترت التعليم الابتدائى رغم ان الاعدادي والثانوي فيه مهازل اكتر كنت اشير ان المرحلة الابتدائية هي ناقوس الخطر الذي يجب ان ينتبه اليه الجميع والله كنت في مرة روحت ازور المدرسة بتاعتي واسمها ابلة رجاء وكانت في فصل تالتة ابتدائي وقالتلي كلمة ما بنساهاش بصوت هامس لا يسمعه غيرنا قالتلي شايفة اللى قاعدين قدامك دول تخيلي بيبعتوا لبعض جوابات غرام نظرت الى الاطفال في دهشة وقلت لهامعقول يا ابلة دول صغيرين اوي قالتلي جوابات ويكتبوا بحبك يا فلانة بحبك يا علان وبصراحة انتو الجيل بتاعكو ما يتعوض يا بنتي ماعداش علية زيكو فى الالتزام والاهتمام بالتحصيل عشان كدة بقول اوعوا تستهينو بأطفال الابتدائي يجب علينا حسن التربية والتوجيه والمتابعة حفظ الله اطفالكم من كل سوء شارك هذه المشاركه رابط المشاركه شارك