مصيرك يا مرات الابن تبقي حمايه..ادخلوا يا بناتي عاوزاكوا كلكوا

[~ أم العبادلة ~ 1903]

السلام عليكم ورحمه الله وبركاته

ازيكم يا بناتي انا هنا ممكن اكون من اكبر الناس في المنتدي

يعني انا امكم وبحبكم كلكم وبحب اسمع ارائكم وبنصحكم برضو

وعلشان كده انا انهارده لازم اقولكم حاجه يابناتي ممكن تفيدكم في حياتكم انا لما كنت بنت زيكم كده كنت فرحانه اوي بنفسي كنت جميله جدا وكنت فرحانه بشكلي وبنفسي كنت بنت وحيده

كنت مدلعه الدلع اللي في الدنيا كله لحد ما اتقدملي ابن الحلال

وهو زوجي ابو عيالي رحمه الله عليه

اول ما اتجوزت لقتني حبيته جدااا وكنت بصراحه عاوزاه ليا لوحدي كنت عاوزاه يسيب اي حد ويبقي معايا كنت ديما ابينله اني الزوجه المثاليه اللي مفيش زي اللي احسن من امه واخواته واحسن من الدنيا وما فيها كنت ديما بدايق من امه لانها كانت ديما تقوله لما تيجي من الشغل عدي عليا ولما تروح بيتك تعالي سلم عليا

وتعالي كل يوم عاوزه اشوفك يابني وكنت بتخنق اوي منهها كنت افضل اتخانق مع جوزي واقوله انت المفروض تتطلع من الشغل علي مراتك مش علي امك وجوزي فعلا كان بيحبني جداا وبيعشقني لدرجه الجنون مره في مره مبقاش يروح عند امه غير كل يوم جمعه وبس كان هو الكبير وكان ليه اخ تاني اصغر منه مكنش لسه اتجوز

وكان عنده اربع بنات بس للاسف بناتها كانوا متجوزين اللي في الصعيد واللي ساكنه بعيد عنها وبنتها الوحيده اللي كانت ساكنه جمبيها كان جوزها وحش اوي معاها ومكنش بيخليها تروح عند امها خالص كانت علاقتي وحشه بيهم اوي لما كانوا يضحكوا ويهزروا مع جوزي كنت افتكرهم بيغزوني مع انهم كانوا متجوزين وكانت فيهم واحده مخطوبه واتجوزت يعني كلهم كان ليهم رجالتهم ومع ذلك كنت بحس بالغيره

وهي كانت قاعده لوحديها عمري مفكرت انزل اروحلها كنت بقول مهي بصحتها تخدم نفسها عمري مقولت انزل حتي اسلم عليها اقعد معاها شويه اقسم بالله بكتب وانا ببكي كنت ديما كل مقول لحد من اصحابي من قرايبي حتي امي اما كنت اقولها دي حماتي دي عاوزه ابنها لوحديها تقولي سيبك منها ولاتعبري فيها دي ست جامده دي ست فاكره نفسها هي بس اللي خلفت وجابت رجاله وامي طبعا لانها مخلفتش غيري مكنتش تعرف يعني ايه ام تحب ابنها

عمرها مقلتلي يبنتي عاملي فيها ربنا مسيرك تبقي ام حتي اصحابي

كانوا يفضلوا يقولولي ده شغل حموات وكلهم كده زي بعض وانت لا متروحلهاش ولا تعمللها حاجه ووبناتها هما اللي يعملولها

لحد ماربنا رزقني باربع ولاد كان نفسي ربنا يرزقني ببنت بس الحمدلله

يااااااااه بحب اولادي اوي بعشقهم عشق بزات ابني الكبير ده اول فرحتي يااااااااه بحبه اوي كنت فرحانه بيه بجماله وبشغله

وكان شاطر وناجح في شغله تعبت عليهم الاربعه جوزي مات وسابني وانا بقيت الاب والام بالنسبالهم

ابني الكبير اتجوز ابص الاقي نفسي بقوله نفس الكلام اللي كانت بتقوله حماتي لابنها كان يجي من الشغل ينادي عليا من تحت بالعربيه بيزمر اقوله اطلع اقوله اطلع يقولي هبقي اعدي عليكي بالليل ومشفهوش تاني غير تاني يوم واقوله نفس الكلام اطلع يقولي بالليل

ابص الاقي مراته مبتجليش خالص ولاحتي يوم الجمعه اسمع من الناس اني مراه ابني كل يوم عند امها كل يوم

اقول لابني هات مراتك وتعالي يبني اتغدوا معايا يقولي حاضر وميجيش اكون تعبانه ويشوفني تعبانه واقول هيجيب مراته تيجي تشوفني ولا بتيجي عندي مكنتش بتيجي عندي غير 3 مراه في السنه مره في عيد الام ومره في العيد الفطر وعيد الاضحي حتي احفادي مبشفهمش غير في المناسبات قاعدين مع ستهم ام امهم

ابني التاني اتجوز وخد مراته وسافروا السعوديه بعد كده بعت لاخوه

الاصغر منه لما لاقاله فرصه عمل

ببص لقيت نفسي لوحدي انا وابني الاخراني

مش لاقيه ولادي مش لاقيه حد بيسال عليا مفيش

حتي اخوات جوزي من معاملتي الوحشه ليهم محدش فيهم بقي بيكلمني لاني كنت عاوزه جوزي لوحدي

ابني الصغير خالص دلوقتي يخرج الصبح للعمل بتاعه يجي الساعه 7 بالليل يجي ياكل ويخرج ميجيش غير الساعه 11

ابني اول فرحتي الكبير ساكن جمبي جمبي ياناس مبشفهوش غير ممكن في الشهر مرتين او تلاته مرات بالعافيه بيقعد معايا الساعه بالعافيه ويكون مش علي بعضه علشان يروح لمراته

اهااااااااا يا بنات بالاحساس ده حسيت بيكي ياحماتي لما اخدت ابنك منك لما مكنتش بروح حتي اونسك واقعد معاكي وكنت بقول انتي بصحتك اخدمي نفسك كنت فاكره كل حاجه خدمه وبس مكنتش اعرف ان الوحده وحشه اوي مكنتش اعرف ان الايام دول وكله سلف ودين واني زي ماعملت فيكي هيتعمل فيا وان ربنا رزقني بالولاد

علشان يحرمني منهم وهما كبار ومحدش فيهم بيسال عليا

يااااااااااه والله نفسي اشوفها واقولها سامحيني سامحيني ياست الكل اني عملت فيكي الوحش اني خدت منك ابنك لحد ماربنا عمل فيا زي معملت فيكي كنت فاكره ان حبك لابنك امتلاك مكنتش اعرف انه من حقك انه يشيل جزمتك علي راسه

مكنتش اعرف ان دعوتك مجابه اوي كده اكيد دعت عليا

وقلتلي ربنا يكرمك باللي يحرمك من ولادك

علشان كده يابنات بقولكم احسنوا معاملتكم لحمواتكم حتي ولو وحشه معاكي متقوليش الكلمه اللي ياما اتقالتلي انتي مش ملزومه بخدمتها ولادها اولي بيها

لا يا ولادي عاملوا ربنا فيها حتي ولو ولادها كلهم حواليها خليكي احسن منهم طول مافيكي صحه متبخليش بيها علي حد لودعت عليكي والله دعوتها هتستجاب ولو بعد ايه

عامليها اكنها امك واكنهم اخواتك حتي لو هما موجودين ساعدي معاهم اكنك في بيت ابوكي واخواتك كلهم موجودين مش هتقومي تساعديهم لو اتخانقت معاكي اكن امك هي اللي بتتخانق معاكي

هي امك مبتزعلكيش خالص اكيد بيحصل مبنكم زعل

يابنات والله العظيم كان نفسي حد يقولي زمان كده مش عاوزه واحده توصل للي انا فيه

عارفين نفسي في ايه

نفسي مراه ابني تيجي عندي وتعتبرني امها والله هشيلها في عيني

نفسي حد يدخل يقعد معايا حتي ولو ساعتين في اليوم

انا الحمدلله بصحتي وبعافيتي الحمدلله بس الصحه مش كل حاجه

الوحده صعبه اوي مش هيحس بيها غير اللي فيها

وربنا يكرمكم يا بناتي وربنا يسعدكم يارب ويفرحكم بولادكم وتتهنوا في حياتكم

وربنا يرحم ام زوجي رحمه واسعه هي ورزوجي وامي وابويا رحمه واسعه

ويرجعلي ولادي ليا ولحضني يارب يارب يارب اللهم امين

 

منقول للتذكرة

[(أم *سارة*) 981]

تذكرة جميلة أم عبد الرحمن

 

يا ريت البنات يسمعوا ويفهموا أن الأيام دوارة

 

أحمد الله إن حماتي كانت راضية عني ودعت لي ولبناتي وزوجي قبل ما تموت يمكن بلحظات أو دقايق الله أعلم

 

رحمها الله رحمة واسعة هي وموتانا وموتى المسلمين

 

بالرغم إني ليس لدي أولاد ذكور لكن كنت أخاف الله فيها فخافوا الله يا بنات

 

جزاكِ الله خير الجزاء أم عبد الرحمن

[بنت ام عبد 151]

جزاك الله خيرا يا غالية علي النقل المهم

وهنا التساؤل ما الذي دفع الابن ان يصل لهذة الدرجة من العقوق ؟

من المؤكد التربية احد الاسباب وعدم تعويد الام لابنائها علي برها وتقديم حقها طوال سنوات تواجدهم معها

ايضاً تقصير الام في الدعاء والتضرع الي الله ان يبارك لها في ذريتها ويرزقها برهم

التنشئة الدينية السليمة وتعريف الابناء بحق الاباء

عمل صالح تُخلص فيه لله فتكافيء بهذا البر

صراحة زوجي حفظه الله من أشد الناس برا بأهله وكذلك أخوته ولا يحتاج لمن يدفعه ولايثبط حتي لو لمح مني عدم رضا وذلك لان محركه إليهم دافع منه هو وخوفه من الله وحفظاً لجميلهم ومعاني اخري كثيرة

قناعتي ان الاساس هو الأبن وليست زوجته والدليل هناك أبناء تبخل وتشح علي والديهم وقد تكون زوجته أكرم منه

وهذا لا يمنع أن تحفظ الزوجة جميل حماتها فهي من ربت وعانت حتي أهدت اليها رجلاً

اذكر ان حماتي جاءت لزيارتي في اول سنوات زواجي لمدة شهور ويشهد ربي اني كنت اعد لها الطعام افضل ما يكو ن (مع انها طيبة وليست لها طلبات خاصة وما يقدم لها تاكله وكنت اتفاني في ذلك وأخشي كثيرا اني انتظر رد في المستقبل )

ومرة دخل علي زوجي وقال لي ان شاء الله ابننا يفعل معك ذلك وقتها قلت في نفسي علي مراجعة هذا الامر ان كنت انتظر مقابل اخشي ان يكون ذلك بداية لضياع العمل وخلوه من الاخلاص لله

***أحببت فقط ان ننبه الاخوات ان نحسن لحمواتنا لله فقط وليس لمن لديها ذكور وتنتظر منهم ردا للجميل

أسأل الله أن يبارك لنا جميعا في ذرياتنا ويرزقنا برهم

***الهمسة الاخري الحماة أمرأة كبيرة والكبير يحتاج لعطف ورعاية ومن الجميل ألاتتعالي الأخت علي أحد وخاصة إذا كانت أم زوجك

اخشي أن أقول هذة العبارة ويكون فيها شيء من رؤية النفس ولكن للفت النظر فقط الهمني ربي ان اتعمد مناولتها حذائها مثل ما افعل مع امي ومرة صممت ان البسه لها بنفسي لتعب قدمها فرفضت واصرت بشدة (كانت تستحي من ذلك )

لكن علمت مؤخرا انها ذكرت هذا الكلام من خلفي ودعت لي..ز اسأل الله ان يجازيها خيرا ويحفظها هي وأمي

والله دائماً لساني لا يفتر عن الدعاء لأمي ان يرزقها بر أخي علي الوجه الذي أراه من زوجي وأخوته (بارك الله فيهم جميعاً )

أسأل الله ان يقر عين الاخت الكاتبة بصلاح ابنائها وان يتجاوز عنا وعنها اللهم آمين

تم تعديل 5 فبراير, 2012 بواسطة بنت ام عبد

[وأشرقت السماء 1565]

لا حول ولا قوة إلا بالله

قصة تبكي القلب قبل العين

رزق الله الأخت بر أولادها

.

فعلا لو تعاملت كل أخت لله لن تجني إلا كل الخير

تذكرت يوما عندما أتى زوجي من الخارج ولم يكن في بالة أى شيء وصراحة لا أتذكر ما كان يحمله معه فى الكيس وكنت جالسة مع حماتي فى مواجهة الباب فأتى وألقى السلام وصعد إلى الشقة مباشرة ومعه الكيس فحزنت جدا من هذا التصرف وبعدما نزل سألته بعيدا عن حماتى ماذا كان يحمل معه فى الكيس وعلى ما أتذكر أنه شيء عادى يخصه تقريبا فنبهته أنه لا يصعد أبدا بأى كيس إلى الشقة مباشرة حتى لا يتعب نفسية أمه وبعدها انتبه للأمر ولم يفعلها مجددا

فلابد أن تعرف كل زوجة أن حتى الأشياء البسيطة تتعب نفسية الأم فلا داعي لأي منها .

.

حتى إن أتى متأخرا يوما ما ومعه فاكهة مثلا لا نأكل منها إلا بعدما أغسلها وأقطعها فى الطبق وأرسله إليها بها ويوقظها من النوم حتى لو لم تستيقظ يضع الطبق بجوارها حتى تصحى فى أى وقت

.

والحمد لله أرى الحب فى عينيها وفى دعائها وفى كل كلامها

ألبسها الله لباس الصحة والعافية وأزال عنها كل سوء

.

جزاكِ الله خيرا أمومة ونفع بما نقلتِ

[**راضية** 1996]

سبحانك ربي

انا ما عنديش حمى لا حماة لكن احسست بحرقة هذه المراة و بحزن حماتها الله المستعان

اللهم ارزقنا بر ابائنا و ارزقنا الذرية الصالحة الناصحة

نصيحة قيمة جدا

اشروقة اللهم بارك عليك زادك الله من فضله و نور دربك برضاه

[~ أم العبادلة ~ 1903]

بورك فيكن يا غاليات على مشاركاتكن المثرية

[ساجدة للرحمن 2050]

السلام عليك ورحمة الله وبركاته

حياك الله أمة ..وبارك الله فيك على الموضوع الطيب

للحق تألمت وأنا أقرأ كثيرا

وللأسف هذا حال الكثيرين ... نندم على أفعالنا يوم لا ينفع الندم

المشكلة ليس سببها الأم فقط .. وإنما كذلك الزوجة ..,والإبن

هي دائرة تدور ...ودين لابد وأن يقضى في الدنيا والله قبل الآخرة

فلننتبه ...

والله نسأل أن يرزقنا بر أولادنا ..وأن يغفر لنا تقصيرنا

جزاك الله خيرا يا غالية

[اتمنى رضاه 117]

جزاكالله خيرا على التذكرة امة الرحمن لقدادمت تللك المراءة قلبى واحسست بحرقةقلبها بسبب اولادها وبسبب هى اول من جنت ثماره

 

ف لماذا لا تتعامل النساء مع امهات ازواجهم كأنهن امهاتهم فانا لطالما تمنيت ان اكون ساكنة بجوار امى حتى يتسنى لى ان افعل معها ما افعله لحماتى والحمد لله الحمد لله ان رزقنى الله بزوج يبر امه واباه بر عظيم والحمد لله اننى اساعده على ذللك والحمد لله اننى اسمع دعاء ام زوجى وابوه دااائما فانا بفضل الله عليا اسمع الدعاء يوميا بل كل ساعة وكل قيقة من السنتهم ولا اخفى عليكم ان حماتى قد قالت لى ان ابو زوجى كان مثل زوجى تماما فكان لا ياتى بفاكهه للبيت الا لما تتذوق امه قبل اولاده وعندما ذهبوا الى الغربه رجع بعد شهر لااجل امه وحنينها له ولم يسافر ثانية ابداا وسبحان الله ان زوجى يفعل مثل اباه فقد لا يشترى لنا فاكهه الا لما يعطى اباه وامه منها قبلنا حتى عندما سافر زوجى قبلنا الى الغربه فعلت مثل ما يفعل وهو موجود بالرغم من عدم احتياج امه وابوه لما نفعل لهم وقد قال زوجى للابيه فى مرة لو اردت منى الرجوع الى بلدى ليس عليك الاكتابه كلمتين فى رساله (عد) وستجدنى امامك فى اليوم التالى انا ولاولادى وزوجتى وبالفعل هذا العام سنرجع الى بلادنا لان زوجى لا يريد ان يشتاق اهله له او يمرضوا وهو غير موجود او يحتاجونه وهو ليس معهم وحتى يستطيع برهم كما ينبغى ...........فلا تنسو اخواتى ان حقا كما تدين تتدان والله يمهل ولا يهمل

[أم عائشة المصرية 242]

وعليكم السلام ورحمة الله وبركاته

كم هى مؤثرة هذه القصة

نسأل الله العفو والعافية

الحمد لله الذى عافانى مما ابتلى به كثيرا من خلقه وفضلنى على كثير ممن خلق تفضيلا..

لقد من الله على وكنت بفضل الله ومنته على أنى كنت أحب حماتى وكانت تحبنى وكنت بفضل الله أحسن معاملتها كأنها جدتى (لأنها كانت فى عمر جدتى رحمها الله)

حتى ماتت رحمها الله وهى راضية على وعلى زوجى

 

ولكن هنا أحب ألفت النظر إلى أن للأم دور كبير فى تربية بناتها على الخير أو الشر..

يعني صاحبة القصة هنا تقول أن حتى أمها كانت تحرضها على عدم البر بحماتها!!

أذكر أن أحد صديقاتى كانت تستغرب معاملتى الطيبة مع حماتى ومع ذلك فأنا أرى أن ما أفعله هو الواجب..يعني ليس تفضلا منى ولا تكرما

ولأنى نشأت ووجدت أمى حفظها الله ورعاها تعامل جدتى (حماتها) أفضل معاملة وتحسن إليها أشد الإحسان حتى ملكت قلب جدتى وكانت جدتى رحمها الله تدعو لأمى تماما مثل ابنتها..بل كانت تأتمنها على أسرارها وأموالها..

فاللهم لك الحمد

 

أتمنى من كل أم أن تكون قدوة طيبة لأولادها ليكونوا فى ميزان حسناتها ولكيلا تعانى ابنتها مثلما عانت صاحبة القصة..أصلح الله حالها وهدى أولادها

[ام ايه الله 0]

فعلا قصه مؤثره تصحى فينا حاجات كتير يعنى الام مسيرها تبقى حماه والايام دواره زى مابنعمل هيتعمل فينا يارب اجعلنا من المتقين فى كل شىء ومن يتق الله يجعل له مخرجا