سؤال بخصوص انزيمات الكبد

[*جهاد في سبيل الله* 37]

السلام عليكم ورحمة الله وبركاته

جاء لزوجي عقد عمل بالسعودية وقام بعمل كل التحاليل الازمة وكلها بخير الحمد لله الا ارتفاع في انزيم ALT في الكبد كان 104 تقريبا ونزل ل80 وبعدها ارتفع تاني راح كشف الدكتور على الكبد بالسونار لقى عنده دهون على الكبد هي السبب في ارتفاع الانزيم وبياخد علاج وماشي على رجيم لتنزيل الدهون وضروري الانزيم ده ينزل عشان يعرف يسافر وسؤالي مفيش دوا معين ينزل الانزيم ده لمستوي المقبول

في دكتور صاحبه قاله ان في دوا اسمه DDB بينزل الانزيم ده في كام يوم بس ولكن للاسف مش لاقينه في كل الصيدليات اللي روحناها ياتري ممكن نلاقيه فين بالضبط؟؟؟؟؟ وجزاكم الله خيرا..

[شذى الهمة 331]

ألف سلامة لزوجك وبإذن الله ربنا يكتبله الخير في هذا السفر

 

أخي حدث له نفس الشئ لما أراد السفر وكانت الانزيمات مرتفعه جدا ونسبة الكوليسترول عالية وعمل سونار لقي دهون وتضخم وكل هذا لأنه كان دائما يأكل أكل جاهز

سندوتشات ومايونيز وطبعا الدهون بتدي طعم وريحة للحاجات دي

فالمطاعم بتكتر منها وكل هذا له تأثير سلبي على الكبد

المهم هو كان بيأخذ دواء مدعم للكبد تقريبا الحبة الصفراء وعمل حمية غذائية

كان عايش على الجبنة القريش والبطاطس المسلوقة لغاية ما النسبة نزلت والحمدلله سافر

ربنا ييسرلك الخير

لو انتي في مصر اتصلي بصيدليات العزبي بيبقى عندهم الأدوية اللي ناقصة في باقي الصيدليات

أنا كنت برضه بطلب دوا لإبني ولما كنت بتصل كانوا بيتصلوا بالفروع الللي حوليهم لو عندهم ويجيلي الطلب لغاية البيت مع ان الصيدلية بتكون في مكان تاني وغير اللي أنا متصلة بيهم

والرقم الموحد بينهم تقريبا 19600

وهو بيحولك على اقرب صيدلية ليكم

جربي كده وطمنينا

[*جهاد في سبيل الله* 37]

جزاكي الله كل خير اختي الفاضلة ربنا يكرمك

هو ماشي على ادوية وربنا يسهل الامور بس الحبوب دي مش لاقينها بيقولو ممكن تنزل قريب ربنا يسهل