يلا نساعد بعض على صلاة الفجر(شاركونا)

[مجتهدة 0]

السلام عليكم ورحمة الله وبركاته،،

انا جيت الاقى الصفحة فاضية كدة برضة خير يا حبيباتى

انا صليت النهاردة جماعة عقبالكوا

ام تيم فينك و شهودة جت و ماظهرتش تانى يالا يا جماعة دة احنا لسة باديين السنة الجيدة و عايزين نشاط

[*لقاء* 1]

السلام عليكم ورحمة الله وبركاته،،

 

اظاهر ان البرد عامل عمايله معانا كلنا

 

والشيطان شادد حيله على الاخر

 

الله يحرقه

 

فينك يابسمة ويالقاء اليوم

 

انا لم اصلى الفجر اليومين الله فاتو يا شهد علشان كدة ما كانش ليا عين ادخل الصفحة اصلا

 

مع انى دخلت المنتدى وشفتك كمان

 

الحمد لله صليت النهاردة فى الميعاد

 

جزاكم الله خيرا ولعن الشيطان

[*لقاء* 1]

على فكرة يا شهد انا قريت مواضيعك عن الاعجاز العلمى فى القران

 

جميل اوى

 

ليه وقفتى كملى واحنا متابعين معاكى

 

انا ما كنتش قراتها قبل كدة

 

يمكن علشان مواضيع قديمة شوية

 

بس انا تابعتها من توقيعك

 

بارك الله فيكى

[شهد الحسن 0]

السلام عليكم ورحمة الله وبركاته

ازيكم babykoko والقابضة وحبيبة ولقاء ماشاء الله عليكم مداومين

معلش يالقاء مانا برضوا عانيت من نفس المشكلة ربنا يثبتنا جميعا ان شاء الله

معلش يامجتهدة انا برضوا صدمت لدرجة انى مش بقول اسماء المتغيبات لانهم كل البنات تقريبا ان شاء الله يكون المانع خير

 

ان شاء الله اتابع يالقاء مواضيع الاعجاز لانها فعلا لايوصفها الا كلمة اعجاز بس انتى عارفة الوقت ربنا يسهل ان شاء الله جزاكى الله خيرا

[رغـدة 0]

السلام عليكم ورحمة الله وبركاته

شكرا لك اختي الغاليه على هذه الفكره الرائعه

جزاك الله خيرا وجعله في ميزان حسناتك

[شهد الحسن 0]

اهلا بيكى يارغدة وعلى فكرة الاسمين حلوين

[Omtaym_ALLAH 11]

السلام عليكم ورحمه الله و بركاته حبيباتى الغاليات

انا بس كنت مأجزه كم يوم و اه يا بنات على اللى بيجرالى تصورو الجو الايام دى - 32 و بنموت و بنصارع ان الافكار ما تتجمدش فى مخنا ! و بصراحه مفيش فايده هههههههه الحمد لله على كل حال بس وحشتوووووووووووونى مووووووت و لا ينقصنى الا دعائكم ! و مش عارفه اقولكم ايه غير انى بحبكم فى الله ، و انا و الله مقصره جدا مؤخرا و لا ادخل الصفحه الا قليل حتى انى لا ادخل المنتدى الا 10 دقائق و الله على عجاله بس بحكم العاده و الاطمئنان عليكن بس ان شاء الله ارجع لقواعدى سالمه بعد شويه الانشغال و اللخبطيطه !

بسوم - شهود- روعه الايمان - سنبول ( مش حلوه سنبول دى ) هدى ناديا لقاء حبوبه و كل البنات الحلوااااااااات و الامتحانات و الاجازات بس طمنونى عليكم كلكم و انا شايفه انكم متقشفين على نفسكم مفيش فطار و لا حاجه نشفتو ريقنا و الجو برد ! ايه يا ختى ده اغيب اجى الاقى مجاعه برو عن نفسكو ايه يا بطاكا انت فين !

نقضيها شوربه علشان الجو بررررررررررد

[أبرار الجنة 3]

السلام عليكم ورحمة الله وبركاته

 

لقد حان اذان الفجر حسب توقيت القاهرة

 

أترككم في رعاية الله

 

تقبل الله ما ومنكن صالح الاعمال

[شهد الحسن 0]

ماشاء الله عليكم يابنات

الاخت تو جنة ارجو ان تكونى فاكرة موضوع ترك الثلث ساعة بعد الاذان

غريبة فين حبيبة شكلك نايمة

وبسمة ماظهرتش خالص ونادية والتائبة وسنبلة فى ايه ؟ام تايم جايبة اكل يلا بقى

بقولكم ايه اصلى ان شاء الله وارجعلكم

[شهد الحسن 0]

معلش ياجماعة ام تايم مقضياها شوربة بس

بس هى ليها يد فى اللى هاحطه برضوا حاجة تسد الجوع والبرد ده

[شهد الحسن 0]

معلش ياجماعة ام تايم مقضياها شوربة بس

بس هى ليها يد فى اللى هاحطه برضوا حاجة تسد الجوع والبرد ده

[القابضة على دينها 0]

السلام عليكم

 

كيفكم اخواتى فى الله

 

الحمد لله صليت الفجر

 

اترككم فى رعاية الله

[حبيبـــة 0]

 

السلام عليكم ورحمة الله وبركاتة,,,,

 

إزيكم حبيباااااااااتى إشتقتلكم كتيييييييييييير ,,,,

 

الحمد لله صليت الفجر فى وقتة,,, أسال الله أن يتقبل منى ومنكم صالح الأعمال وأدومها

 

غريبة فين حبيبة شكلك نايمة

 

أنا هنا يا شهودة أنا لا نايمة ولا حاجة الحمد لله صليت حبيبتى بس إتأخرت فى التسجيل

إزيك يا شهد وحشتينى حبيبتى يارب تكونى بخير إنتِ والأولاد,,,

وبعدين ياست شهد اللهم إنى صائمة وقت أكل دة :smile:

بس تسلم إيديكِ يا قمر ,,,ماشاء الله

 

ماشاء الله توجنة,,,القابضة على دينها,,,مداومين حبيباتى ماشاء الله

 

روعة حبيبتى الجهاز بتاعها فية مشكلة إدعوا إنة يتصلح بسرعة علشان ترجعلنا

 

بسوووووومة ,,,التائبة ,,,,سنبلة,,,,,نادية,,,,,هدى ,,,,,شراز,,, أم إسلام,,,غريبة لية الغياااااااااب الطويل دة

يارب تكونوا بخير حبيباتى

 

أم تيم حبوبة قلبى ,,,إزيك يا روح قلبى

تسلم إيديكِ على طبق الشوربة ربنا ما يحرمنا وجودك يا غالية

 

ملحوظة,,,, :closedeyes:

 

فى خموووووول فى الصفحة :sad:

ودة مش حلو ,,,, فين الهمة والمداومة

 

أسأل الله أن يعيننى وإياكم على المداومة على الطاعات

 

أحبكم فى الله :wub:

 

[Omtaym_ALLAH 11]

هههههههههه ايه يا شهود جبتى الطبق اللى عملتهولك فى الخفاء للجماعه ايه الايثار ده مما شاءءءءءءءا لله ايه الحلاوه دى و خبزتيه كمان ههه اه يا بنات انا الشوربه ترياقى - 32 بقى بخرف هههههه

و الله يا حبوبه هو مش كسل و لا خمول فالصفحه هو برد و صراع مع الزمهرير باينو

بس انا كنت مأجزه مش عارفه بقى ظروف الكسالى التانيين انا كسلى شرعى ههههههههه

وحشتوووووووووووونى

[مجتهدة 0]

السلام عليكم ورحمة الله وبركاته،،

الحمد لله فى الميعاد بس فعلا الدنيا ساقعة اوى شكرا على الاطباق الحلوة دى

[بسمة الحياة 0]

السلام عليكم ورحمة الله وبركاته،،

 

وحشتوني يا بنات

 

معلش مش حقدر اكتب كثير بس حبيت اطمنكم اني بصلي الفجر في وقته الحمد لله بس مابسجلش لاني عندي وعكة صحية جامدة

 

آه نسيت يوم السبت صليت متاخر لاني مقدرتش اتحرك من مكاني خالص

 

اهلا بالاخوات الجدد

 

حبي في الله لكن كلكن

 

اسيبكم في امان الله

[شهد الحسن 0]

الف سلامة عليكى يابسمة يارب يشفيكى من كل داء ويجعله فى ميزان حسناتك ان شاء الله والله قلقت عليكى وبنوتك اخبارها ايه؟ سلمى عليها

 

بالهنا والشفا ياقابضة وحبيبة وزى ماقلت ام تايم جزاها خير علمتنى وطبختهولكم على طول

يارب الكمبيوتر بتاع روعة يتصلح علشان ده كده بيخلى فى غياب لاثنين روعة وسهر

بس شكل الكمبيوتر بتاع ناس كثير عطلان التائبة ونادية وسنبلة وبنوتتهاوهدى وام عبد الرحمن 83 وشراز وام اسلام غريبة فعلا فى غياب كثير اوى ربنا يستر

 

ملحوظة يابنات

 

الاحد القادم ان شاء الله لمن استطاع الصيام الاحد والاثنين 9 و10 محرم مستحب الصيام فيهما

[شهد الحسن 0]

هو باقى البنات فين

ازيك مجتهدة شكلك متتكتكة من الساقعة ربنا يقويكى امال الست يتاعة 32 دى تعمل ايه بقى؟

[هـــدى 147]

السلام عليكن ورحمة الله وبركاته

 

كيفكم يا اخواتي الحبيبات ان شاء الله بخير وبعافية :)

 

الله يبارك فيكم حبيباتي على النشاط والمواظبة والمداومة ما شاء الله عليكم

 

انا الحمد لله كنت بصبي الفجر بس ما كنتش بسجل لانو ما كانش عندي امتحانات

 

والحمد لله اليوم كملت الفروض واليوم كان اخر واحد هو التاريخ والجغرافيا

 

والله يبارك في كل اخت دعت لي او سالت عني والله يجزيكم الف خير عني ان شاء الله :)

 

يلا يلا يا شهد انا راح اعمل عندك دروس خصوصية مشان تعلميني المصرية اوكي :) هههههههههههههههههه

 

ان شاء الله تكونو كلكم بخير يا حبيباتي

 

و والله اشتقت لكن كثيرا كثيرا كثيرا :)

 

احبكن في الله :)

[شهد الحسن 0]

وكمان ليكى عين ياهدى وجاية لحد هنا وعاوزة درس بس هاقولك ايه يا أروبة ده انتى تعلمينى ياماما

[شهد الحسن 0]

ايه ياجماعة فى حالة كسل فظيع

أسأل الله ان يثبتنا جميعا

[شهد الحسن 0]

الاذان اهو بيأذن فى مصر أترككم على خير لأداء الصلاة بفضل الله

 

ان شاء الله تكونوا جميعا محافظين على الصلاة

[rey7an 1]

السلام عليكم ورحمة الله وبركاته، الحمد للة بعون اللة انا صليت الفجر وقرات الاذكار بفضل اللة عز وجل واشهد ان لا الة الا اللة وحدة لا شريك لة الملك ولة الحمد يحيى ويميت وهو على كل شئ قدير :wub:

qatarw_3Lgig7bgNe_1_.bmp

[أبرار الجنة 3]

السلام عليكم ورحمة الله وبركاته،،

 

الحمد لله...سبقتنى الأخت شهد الحسنر وكنت أتمنى أن يسبقنى الكثير معهما

 

فى فضل التذكير بصلاة الفجر...

جزاكما الله خيرا والحمد لله الذى أعاننا للحصول على هذا الفضل...فضل الإستيقاظ وفضل الوضوء

وفضل السحور وفضل الدخول مع المستغفرين بالأسحار...وفضل صلاة الفجر فى وقتها....

وهذا كله من فضل ربى...ليبلُونى...أأشكر...أم أكفر...أى هل سأظل حريصا على هذا الفضل متمسكا به

بكل إيمان وثبات ويقين...أم سيغلبنى الشيطان ويجعلنى أنام وأتراخى عن الحصول على هذا الفضل الكبير

اللهم ربنا قوّى عزمنا...واشدد أزرنا...واشرح صدورنا...ويسّر أمورنا ...واحلل عقدة من لساننا يفقهوا

قولنا...اللهم ربنا أنزل علينا السكينة برحمتك و أذهب عنا الهم والغم والحزن بقدرتك...

وصلّ اللهم ربنا وسلّم وبارك على عبدك ورسولك سيدنا محمد و على آله وصحبه أجمعين...وأدخلنا

برحمتك فى أتباعه الصالحين...

وإلى لقاء فى فجر جديد... إن شاء الله...أستودعكم الله...والسلام عليكم ورحمة الله وبركاته.

[أبرار الجنة 3]

السلام عليكم ورحمة الله وبركاته،،

 

الحمد لله...سبقتنى الأخت شهد الحسن وكنت أتمنى أن يسبقنى الكثير معهما

 

فى فضل التذكير بصلاة الفجر...

 

جزاكما الله خيرا والحمد لله الذى أعاننا للحصول على هذا الفضل...فضل الإستيقاظ وفضل الوضوء

وفضل السحور وفضل الدخول مع المستغفرين بالأسحار...وفضل صلاة الفجر فى وقتها....

وهذا كله من فضل ربى...ليبلُونى...أأشكر...أم أكفر...أى هل سأظل حريصا على هذا الفضل متمسكا به

بكل إيمان وثبات ويقين...أم سيغلبنى الشيطان ويجعلنى أنام وأتراخى عن الحصول على هذا الفضل الكبير

اللهم ربنا قوّى عزمنا...واشدد أزرنا...واشرح صدورنا...ويسّر أمورنا ...واحلل عقدة من لساننا يفقهوا

قولنا...اللهم ربنا أنزل علينا السكينة برحمتك و أذهب عنا الهم والغم والحزن بقدرتك...

وصلّ اللهم ربنا وسلّم وبارك على عبدك ورسولك سيدنا محمد و على آله وصحبه أجمعين...وأدخلنا

برحمتك فى أتباعه الصالحين...

وإلى لقاء فى فجر جديد... إن شاء الله...أستودعكم الله...والسلام عليكم ورحمة الله وبركاته.