هبة نور 2043 أرسلي تقرير عن المشاركة قامت بالمشاركة 6 يونيو, 2012 **حريم كفر أبو نعجة** بقــ هبةنور ــلم يا دي النور يا دي النور اهلا وسهلا يا حبايب نورتو كفر أبو نعجة أني خالتكو ستيتة وفرحانة اوي اوي من جوا قلبي انكو جيتوا حدانا في الكفر يارب تنبسطو عندنا وسط البهايم احنا كفر زي اي كفر وحريم كفرنا زي حريم أي كفر حريم تستاهل تتشال على الراس وحريم تستاهل الضرب بالمداس وأهو اديكو هتعيشوا معانا في الكفر وتشوفوا واللي يعيش ياما يشوف واللي يجي كفرنا يشوف اكتر فوتكو بعافية دلوقتي هروح اجيب جاموستي من الغيط واجيبها واجيلكو تاني اوعو تمشوا منتديات أخوات طريق الإسلام **لا أحلل نقل الموضوع أو نشره بدون ذكر إسم الكاتبة 7 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 اني خارجة من داري وراكبي حماري ورايحة على دار البت رتيبة اصل النهاردة فرح بنتها البت سكرة عقبال عيالكو يا سلام ع البت سكرة ياولاد سكرة وهي سكرة بصحيح طالعة لامهي ربيتها احسنها تربية واهي النهاردي هتفرح بيها على عريس مية مية اديني وصلت عند باب الدار أهو وسامعة الزغاريط بتاعة النساوين المقاطيع بتوع الكفر اللي كل ما اروح فرح الا قيهم متلقحين عشان ياكلوا ويزغرطوا اهي كل واحدة وليها منهجها في الزغاريط ومافيش زغروطة زي التانية حريم كفرنا شعارهم زغاريطنا تختلف عن زغاريط الآخرون حتى اسمعوا كدي لولولو لوييييييييييييييييييي لييييي لييييي ليييييييييييييييييييييييييييي لولولي لوولوووووووووووووووووووووووووووووووووووووووو ماعلينا من الزغاريط والكلام الفاضي اني داخلة ابارك لام العروسة وانقطها بللي فيه القسمة الف بركة يا بت يا رتيبة ربنا يتمم بخير يا نضري اهلا اهلا ازيك يا خالة ستيتة يبارك فيكي يارب اتفضلي الشربات يدوم الفرح يارب ولا ينقطع من الدار عندنا وعندكو آمين يارب . عن اذنك يا خالة ستيتة اني داخلة للبت سكرة انصحها نصوحتين ادخلي يختي واجب برضو والله وكبرتي يابت يا سكرة والنهاردة فرحك وهتفوتيني وتفوتي الدار إهئ إهئ هئ ايه الفال المنيل ده ياما انتي بتعيطي ليه بعيط من الفرحة يا مزغودة .ده اليوم اللي بتستمناه كل أم إنها تشوف ضناهي وهي رايحة على دار جوزهي اني فرحانة اوي ياما ان ربنا هيتوب علية من العيشة وسطيكو الحمدلله واحنا فرحانين أكتر والله يابت ان ربنا شال من على قفانا مصيبة تسلميلي ياما تسلمي وتعيشي ياضنايا . اسمعيني يا بنتي يا حتة من كبدي انا مش هعيشلك العمر كله عشان كدة هقولك كلمتين فيهم المفيد لجل ماتعيشي مرتاحة ومتهنية في بيت راجلك العمر كله وتدعيلي بالرحمة كل ما تفتكريني ماتقولي ياما بقالك ساعة مقعداني جنبك وماقولتيش حاجة مفيدة اسمعيني يا ضنايا والله العظيم سامعة ياما قولي بقى عايزة اروح على داري عشان تعيشي متهنية يا ضنايا من اول يوم جواز اعملي ما يأتي جوزك يقولك شرق تقوليلو غرب يقولك كلمة تقوليله عشرة يديكي الم على وشك اديله بونية نزليله صف سنانه مايحلالكيش البكا والحزن الا وهو فرحان وما يحلالكيش الفرحة ورنة الضحكة الا وهو زعلان مايحلالكيش الحكاوي الا لما يكون على النوم ناوي مهما جابلك تقوليلو ياحارمني مهما نصفك تقوليلو يا ظالمني يقولك جعان تقوليله مافيش غموس يقولك عطشان تقوليله قوم اشرب وهاتلي اني كمان لما يقرب معاد وصوله البسي انتن حاجة عندك وشعرك انكشيهوله بس خلاص اني قلت اللي عندي يا ضنايا وانتي عقلك في راسك تعرفي خلاصك دي خلاصة عشرين سنة جواز اني وابوكي ربنا يخليكي ليا ياما هاتي بوسة امووووووووووووووووووووووووه هاتي انتي كمان واحدة ياضنايا امووووووووووووووووووووووووووووووووووووووه 1 شارك هذه المشاركه رابط المشاركه شارك
(أم *سارة*) 994 أرسلي تقرير عن المشاركة قامت بالمشاركة 6 يونيو, 2012 هههههههههههههههه يا خبر دي بدأة بداية ما يعلم بيها إلا ربنا دي نصايح يا هوبة ولا خراب بيوت دي كدة موضوع يسرا بتاع تعدد الزوجات هيلاقي رواج كبير طبعًا من حق الرجالة بس أكيد مش عروسة من كفر أبو نعجة 1 شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 6 يونيو, 2012 ^______^ معقول مازال هناك عقليات بهذا الشكل هذه ليست نصيحة ... بل خراب بيوت على أعلى مستوى سبحان الله .. وأنا أقرأ تذكرت نصيحة المرأة التي نصحت ابنتها يوم زفافها وقلت شتان ما بين النصيحتين وأكيد شتان ما بين الحياتين سواء في الدنيا والآخرة ربنا يرزقنا الإنصاف ..والسداد في النصيحة جزاك الله خيرا هبة الحبيبة ... ومعك نتابع حريم كفر أبو نعجة :)) شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 6 يونيو, 2012 ههههههههههههههههههههههههههههههههه يعني بصراحة نصايح ولا كل النصايح ربنا يستر حاسة ان بتها هترجعها في نفس اليوم هههههههههههههههههههههههه متاااابعه يا خالتي ستيته ههههههههههههههههههههههه شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 6 يونيو, 2012 يا دي الهنا يا دي النور حريم كفر أبو نعجة مرة واحدة ^ـــــــــــــــــــــــ^ واضح إن نصايحها هترجع ابنت وكحكها في دولابها هذه من المصايب ولكن الحمد لله السكوت أرحم يعني معظم الأمهات لا تنصح ابنتها بأي شيء مهما كان والله المستعان جزاكِ الله خيرا هوبة الحبيبة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 هااااااااااااااااااااااااااااااااااااااااااااااااااااااااااااااااء هااااااااااااااااااااااااااااااااااااااااااااااااااااااااااااااااااااااااااااااااااااااااء هااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 هااااااااااااااااااااااااااااااااااااااااااااااااااااااااااااااااااااااااااااااااااااء هاااااااااااااااااااااااااااااااااااااااااااااااااااااااااااااااااااااااااااااااااااااااااااااااااء هااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء هاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء 2 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 انتو روحتوا فين ياولاد اني بعتلكو الحمار عشان يقول خالتي ستيتة جاية هو ما قلكوش ولا ايه وقعته مطينة بطين ومحروم من الحموم في البسيم استنى علية يا حمار الغبرة اني كنت واخدة فاصل وبعدين نواصل هو انتو مستعجلين ليه ده لسة لسة فيه حدانا حكاوي ياما وياما شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 ياسلام ع القعدة في الغيط يا سلام اهو اني مايحلاليش القعدة الحلوة الا في غيطي وسط بهايمي وزرعي اصل القعدة وسط البهايم احسن كتير من القعدة وسط كتير من البني ادمين ايه دي ايه دي مين البت اللي طالعة تجري زي البهيمة المطلوقة في الغيط دي يوه يوه دي البت مسعدة بت يامسعدة انتي يابت يامخفية يا مسعدة عواف يا خالة ستيتة الله يعافيكي يابت رايحة على فين وفايتة عيالك في الدار كنت عند البت زبيدة بتهببي ايه عند زبيدة اسكتي ياخالة اسكتي دي واقعة مع جوزها واقعة مطينة يوه يوه يوه ليه يابت حصل ايه اللهم احفظنا ظبطها بتتسحب من جنبه بالليل ودخلت المطبخ ال وبعيد عن السامعين بتعمل مكرونة شنابيلي استغفر الله العظيم لا يابت قولي كلام غير دي اي والله يا خالة زي مابقولك كدة وهي عرفت منين المكرونة الشنافيلي دي من قعدتها قصاد التلافزيون وفرجتها على البرنومج بتاع الطبيخ استر على ولايانا يارب وبعدين حصل ايه يابت يامسعدة هو بقى مشي وراها وقام يراقبها لاقاها قطعت اللحمة كل حتة اد العدساية كدة وبعدين راحت دفناها جوا المكرونة ولا من شاف ولا من دري وبعدين راحت دهناها من برا ابيض في ابيض وراحت مخبياها جوا الكانون قام جوزها افتكرها بتخونه وبتخبي منه اللحمة جوا المكرونة وبتدهنها من برا عشان تخبي اثار الجريمي يادي البلوى اللي وقعت على دماغها . بس هي غلطانة بتخبي منه اللحمة ليه ماكانوا ياكلوها سوا اهي وزة شيطان ياخالة هنقول ايه طيب وجوزها عمل ايه حلف عليها تطلع اللحمة من جوا المكرونة وترجعها سليمة تاني وهي عملت ايه سيبتها وهي عمالة بتشيل المعجون لبيض طيب يابت يامسعدة انتي فايتة عيالك ودارك ومتحشرة في كل دار شوية ليه اديني بتسلى ياخالة بجيب اخبار وودي اخبار طيب وهتغدي راجلك ايه يابت لسة بدري ياخالة اديني هروح اطبخ اهو بالإذن اذنك معاكي يختي جتك الهم نساوين ماحيلتهاش الا الرغي واللت والعجن 1 شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 6 يونيو, 2012 ^ــــــــــــــــــــــــــــــــــــ^ رهييييييييييييييبة يا هوبة الله يسعدك عايزة أضحك من هنا للصبح فعلا أحيانا المناطق الريفية بيبقى كل شغلهم إنهم يتجمعوا مع بعض ويرغوا لأنهم منفتحين على بعض بعكس المدن كل واحد في حاله الله المستعان شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 طيب اني همشي دلوقتي ياولاد واسيبكو مع البهايم حكم اني بنام بدري واصحى من الفجرية عشان اراعي مصالح الكفر وحريمه خلوا بالكو من بهايمي واياك اجي الاقي بهيمة ناقصة انتو ماتعرفونيش اللي هتسرق مني بهيمة هروح اسميلها بهايمها كلهم شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 6 يونيو, 2012 دول كلهم حمير يا خالة ستيتة ههههههههههههه مفيش إلا جاموستين وخروفين بس تصدقي منظر يشرح القلب . فين المنطقة دي يا هوبة لتكوني صورتي عندنا وأنا ما أعرفش شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 6 يونيو, 2012 بقولك ايه ياللي اسمك اشرقت انتي اني بحملك مسئولية اي بهيمة تضيع عشان اني عارفة شغل حلق حوش ديه تقوليلي انتي مصورة البهايم اللي جنب درانا وفي الاخرة تقولي دول بهايمنا لا يختي اني صاحيالك وعادة بهايمي كويس اوي باقي البهايم راحو الجيم وزمانهم جاين تصبحي على خير يختي بكرة ورايا حاجات ياما وياما هروح صباحية البت سكرة والواد عويضة امه رايحة تخطبله واني رايحة معاها حكم اني هنا كبيرة الكفر والشورة شورتي يابت مع تحيات حريم كفر ابو نعجة شعارنا معا لحياة زوجية احلي من الفتة بالتقلية فوتك بعافية يا بهانة انتي وشلبية شارك هذه المشاركه رابط المشاركه شارك
(أم *سارة*) 994 أرسلي تقرير عن المشاركة قامت بالمشاركة 6 يونيو, 2012 أتمنى لك أحلام بالقشدة والجبنة القريش شارك هذه المشاركه رابط المشاركه شارك
أمة لله مسلمة 3 أرسلي تقرير عن المشاركة قامت بالمشاركة 6 يونيو, 2012 السلام عليكم ورحمة الله وبركانه أضحك الله سنك، اللهم بارك دمك خفيف جدا، أسعدكِ الله في الدنيا والأخرة شارك هذه المشاركه رابط المشاركه شارك
~ أم العبادلة ~ 1903 أرسلي تقرير عن المشاركة قامت بالمشاركة 7 يونيو, 2012 ^_________________^ شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 7 يونيو, 2012 يا سلام يا هوبه على الكفر ونساوينه شكلهم ما ورهومش حاجه غير اللت والعجن متابعين معاك يا جميل لما نشوف اخر ايه حكاية حريم كفر ابو نعجة ^______^ شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 يونيو, 2012 نهاركو زي القشطة يا زوار كفرنا يا ستات يا حلوين اني هفطر وبعدين اخد حماري وتني رايحة على دار حماة البت سكرة حكم احنا عندنا الواحدة تجوز وتعيش في دار حماتها ماحناش زي نساوين البندر كل واحدة ليها دار لوحديها اقولكو كدة اريح بارضو للراجل بدل مايدفع كل اللي حيلته في شقة وعزال وحاله يتشندل ويدور يتسلف من كل دار شوية اتفضلو ا بسم الله شقوا ريقكو احنا كفر الكرم كله شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 يونيو, 2012 نهاركو زي القشطة يا زوار كفرنا يا ستات يا حلوين اني هفطر وبعدين اخد حماري وتني رايحة على دار حماة البت سكرة حكم احنا عندنا الواحدة تجوز وتعيش في دار حماتها ماحناش زي نساوين البندر كل واحدة ليها دار لوحديها اقولكو كدة اريح بارضو للراجل بدل مايدفع كل اللي حيلته في شقة وعزال وحاله يتشندل ويدور يتسلف من كل دار شوية اتفضلو ا بسم الله شقوا ريقكو احنا كفر الكرم كله شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 يونيو, 2012 يلا يا شهبور عشان نروح نبارك للبت سكرة يلا ياولا يوه يوه مالك لاوي بوزك كدي تكونش زعلان مني عشان اني قلت هحرمك من الحموم في البسيم كنت بهزر معاك يا ولا مايبقاش قلبك اسود خلاص فرفش بقى ويلا بينا عشان ورانا مشاوير ياما وياما النهاردة شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 يونيو, 2012 يا سلام ع التمشية ع الزراعية حاجة تشرح القلب الحزين ادينا وصلنا دار حماة سكرة عواف يا أم متولي الله يعافيكي يا خالة ستيتة مالك يختي مبوزة كدي هو اني هلاقيها منك ولا من الحمار فين العروسة عروسة الندامة يختي عروسة الندامة استر يارب ليه يختي بس حصل ايه الناس مشيوا من هني ودخلوا اوضيتهم وبعيد عنك ضربوا بعض ياوقعة بيضيه ضربوا بعض ازاي يا ام متولي ابدا يختي هو بيشيل الطرحة من على وشهي ودي راحت قارمة صباعه زي الكلبة المسعورة راح مناويله كف راحت عضاه في دراعه راح هابيدها بالأولة فتحلها دماغهي يا وقعة طين وهما فين دلوقتي امهي جت خدتهي ودوها المستشفي وخدت سبع غورز وغورزتين هدية عشان صعبت ع الدكتور يادي الغولب ياولاد ال واني اللي جاية ابارك طيب ماعرفتيش ايه ملابسات الحادث الاليم ديه يا ام متولي ال بتقول امهي هي اللي وصيتهي تعمل كدة رتيبة ايوة هي الست مصيبة كا ن نسب منيل بعيد عنك لالا يختي ماتقوليش كدي دي مصارين البطن بتتخانق اني هروح اعقلهي واجيبهي تحب على ايد جوزهي وتعرف مقامه هو احني يرضينيه الكلام الفاضي دي ال تقرم صباع جوزها ال 1 شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 يونيو, 2012 عواف يا ام سكرة يللي مش زي السكرة الله يعافيكي ياخالة ستيتي اهئ اهئ اهئ دريتي بللي صابنيه انتي السبب يا غراب البين انتي اللي عايزة تخربي ع البت اني برضو ياخالة ستيتي ايوة انتي يختي بزنك على ودانها اني كان غرضي مصلحتهي دانتي غرضك خراب بيتهي . هي فين البت سكرة اهي جوا يا خالة حالها يصعب ع الكافر عواف يا عروسي عروسة ايه بقى يا خالة ستيتة اني اتبهدلت واضربت وفضيحتي بقت على كل لسان اهئ اهئ اهئ يابت مانتي السبب في حد يعمل كدي امي هي اللي قالتلي ووصتني طب طرتقيلي ودانك يابت واسمعي نصايحي وسيبك من نصايح امك قولي ياخالة اني سامعة جوزك يابت تعتبريه سيدك وتشيليه فوق دماغك يقوم يعملك سته وتاج راسه لما ينده عليكي تقوليله نعمين يانور عيني جاية لما يقولك بردان تقوليله ادفيك برموش عنية يقولك حران تقوليله حالا بالأولة جاية تلاقيه مهموم تاخديه في حضنك وتراضيه تلاقيه فرحان تضحكي وفرحه تزيديه الحاجة اللي تزعله تبعدي عنها بالقناطير الحاجة اللي تفرفشه اعملي منها كتير قبل وصوله تغندري روحك وتسرحي شعورك وتستقبليه والضحكة مالية وشك لحسن يابت يزهق ويطفش من عشك حسك عينك يابت تسمعي للنساوين بتوع البندر اللي بيحردونا ع الرجالة دول وش أذية يابت وعايزين يخربوا البيوت ويقعدوا على تلها . احنا ياضناية قدوتنا زوجات الرسول عليه الصلاة والسلام مش النساوين بتوع تحرير المرأة اللي عايزين كسر رقابيهم واللي عايزين الدنيا سداح مداح هاتي بوسة ياخالة ع الكلمتين الحلوين دول اني رايحة اصالح متولي حبيب قلبي جوزي ونن عيني الله يصلح حالك ويكفيكي شر خرابين البيوت انت وامثالك 4 شارك هذه المشاركه رابط المشاركه شارك
شذا الريحان 35 أرسلي تقرير عن المشاركة قامت بالمشاركة 7 يونيو, 2012 !ohhh, miss Heba you are here !what a surprise you leave us in English corner and set with Steta the new funny character you i wish you good luck ,and i'll continue you شارك هذه المشاركه رابط المشاركه شارك
هبة نور 2043 أرسلي تقرير عن المشاركة قامت بالمشاركة 7 يونيو, 2012 !ohhh, miss Heba you are here !what a surprise you leave us in English corner and set with Steta the new funny character you i wish you good luck ,and i'll continue you يا لهوي هو الاحتلال الانجليزي رجع تاني الحقوا يا ولاد الحقوا خبوا البهايم بسرعة الانجليز رجعوا تاني ياوقعة بيضة يا خيبتك يا ستيتة يابت يا مسعدة يا واد يا عويضة خلوا بالكو من البهايم اني هروح استخبى في الدرة 3 شارك هذه المشاركه رابط المشاركه شارك
