سلسلة " المكـــــــرونة حـــــــرام "

[.. همســة قلــب .. 620]

بسم الله الرحمن الرحيم

 

لازم تعرف أن اذا ربنا وفقك لدخولك الموضوع دا يبقى عايزلك الخير

كالعادة هنكشف الاسرار ونعرف حاجات جديدة مع بعض خلال الحلقات

بإسلوب مبسط وسهل جدا بإذن الله

 

ملخص فكرة سلسلة " المكرونة حرام "

 

 

 

هو اننا بنعرف كل شوية ان حاجات كتير بنعملها بشكل اساسى

ومرتبطين بيها بشكل قوى جدا جدا جدا

 

 

وفجأة

 

يطلعلنا واحد تحس انه نازل من كوكب اخر ويقولك لا دا حرام !!

 

ونتفاجئ بمسلسل التحريمات كل حاجة حرام حرام حرام حرام

 

دول كفرونا فى عيشتنا دا وحرمتوا كل حاجة علينا !!

 

 

دورنا فى الحلقة دى نشرح بالوسائل المنطقية لية الحاجات دى حرام

ونقدر نوصل بالعلم والدين والمنطق لاسباب تحريم الحاجات دى

 

لكن

 

شئ اساسى لازم نعرفة

 

ان المقاييس الغلط ابتدوا الغرب يزرعوها فينا من زمااااان اوى

وواحدة واحدة ابتدت مقاييس الصح والغلط تتغير

 

ببطئ شديد مع الزمن لحد ما وصلنا للى احنا فيه ولسة هنوصل كمان

 

بقى الحرام .. عادى وحلال وجزء من حياتنا

والحلال .. تشدد وتعصب فى الدين وشئ غريب عننا

 

 

 

بقى اللى متبع السنة فى المظهر والاسلوب

متعصب متشدد ومتخلف وارهابى

 

واللى مسقط بنطلونة ولابس حظاظة وسنسلة

روش وستايل

 

يعنى الصح بقى غلط والغلط بقى صح

 

والاصل ان مقاييس الله اللى خلق الكون هى اصح المقاييس

مش مقاييس الغرب ولا مقاييس الدول المتقدمة

 

لان ولله المثل الاعلى

بالظبط زى صانع الجهاز الالكترونى

 

احنا الاجهزة الالكترونية(روبوتس مثلا او انسان الى) و المخترع اللى صانعنا

مين اقدر واحد يقدر يتحكم فينا ويشغلنا ويحطلنا مقاييس وشروط

عشان نحصل على افضل اداء واطول فترة للعمل ؟

 

الادرى بينا اللى صانعنا وعارف كل دواخلنا وخوارجنا

وعيوبنا ومميزاتنا ... ومين الادرى بينا جهاز زينا ولا اللى صانعنا ؟؟

 

بالظبط دا حالنا الغرب خدوا تعاليم الدين وطبقوها فتقدموا

واحنا اخدنا منهم كل قبيح(يارتنا اخدنا الحاجات الحلوة) وبعدنا عن دينا

فرجعنا لورا وبقينا متخلفين

 

هنعرف ازاى وصلنا لحالنا دا ان شاء الله من خلال الحلقات

 

.

.

 

كل حلقة هيكون معانا ان شاء الله حاجة حرام بنعملها

 

 

.

.

.

 

فتابعونا فى

 

( سلسلة ) المكرونة حرام

 

 

مما أعجبني فعلا :)

وأردت نقله لكن يا حبيبات...وكله منقووووووول

[رضــــاك ربي 258]

جزاك الله خيرا همووووسة و أكيد متابعة ان شاء الله :)

[(أم *سارة*) 981]

السلام عليكم ورحمة الله وبركاته

 

بصراحة قلت هي المكرونة بقت حرام ولا إيه

خضتيني هموسة رب يسعد قلبك

بس واضح ان الموضوع حلو

متابعة معك بإذن الله تعالى

يالا هاتي لنشوف

[اعتز بالاسلام 126]

جزاك الله خيرا همووووسة و أكيد متابعة ان شاء الله

[.. همســة قلــب .. 620]

(( 1 ))

 

 

 

والنهاردة هنكمل مع بعض اللى اتفقنا عليه

 

فقولنا

 

اننا هنكشف الاسرار عن بعض الاشياء والحاجات اللى الناس منهم بيقول انها حلال ومنهم بيقول انها حرام

 

فأحنا هنبدأ واحدة واحدة نفند ونفصل الموضوع دة

 

ومع البداية

 

وهتكون عن :ـ

 

الأغانى

 

 

 

العادى بتاعنا ان الأغانى حلال وعادى ودا الاغلبية

لكن جوانا شئ تانى

 

مثلا

 

فية ناس عارفه انها حرام بس بتسمعها

 

وفية ناس عارفة انها حرام بس بتضحك على نفسها ويحاولوا يقنعوا نفسهم انها حلال

 

وفية ناسمقتنعة انها حلال ومفيهاش اى حاجة حرام لانها مش بتضرنا !!

 

وفية ناس محتارة بين انها حرام او حلال واختلاف الشيوخ فية اللى بيحلل وفية اللى بيحرم !!

 

 

عشان نتكلم فى الموضوع دا

 

لازم

 

تعرف انت انهى نوع فيهم

 

 

 

طيب دلوقتى ...

 

 

هل هى حرام ولا حلال؟

طب لو حرام ... لية الأغانى حرام ؟

طيب لو هى حرام لية فية شيوخ بيطلعوا يقولوا انها حلال ؟

 

 

 

 

هل هى حرام ولا حلال؟

 

قاعدة اساسية لازم نعرفها كل شئ حلال

اذا لم يثبت من القران او السنه تحريمه

 

تمام

 

والاغانى اثبت القران والسنه انها حرام شرعاً

 

 

 

طب لو حرام ... لية الأغانى حرام ؟

الاغانى حرام لأن ربنا قالنا انها حرام !! دى محتاجة سؤال ؟

لما ربنا قال لسيدنا ادم وامنا حواء فى الجنة متاكلوش من الشجرة دى

هل كانت لازم تبقى مضرة ليهم وفيها مثلا فاكهة مسممة عشان تبقى حرام ؟؟

ولا الحكمة من تحريمها انها اختبار ليهم ؟؟

كانت الحكمة اختبار ليهم يا ترى هيصمدوا ادام وسوسة الشيطان

وهيقدروا على طاعة ربنا ولا لأ

 

 

 

طيب اانا مش مقتنع انها حرام ؟

..

أولا مينفعش تقول كلمة زى دى

مفيش حاجة اسمها ابداااا انا مش مقتنع فى امر ربنا

تخيل ربنا العظيم بيأمرك يا عبد يا صغير يا ضعيف

وانت تقولة لا انا مش مقتنع انت فى الحالة دى بتكلم ربنا

مش بتكلم الشخص اللى بيقولك دا حلال او حرام !!

 

يعنى كلمة انا مش مقتنعه بالحجاب او مش مقتنع بالصلاة

او مش مقتنع بتحريم سماع الاغانى دى المفروض متتقالش أبدا

وللأسف الكلمة دى انتشرت كتير واحنا مش عارفين معناها

 

 

 

طب حضرتك مش مقتنع لية ؟

متجاوبش هقولك انا لية

 

لان الاغانى جزء من حياة حضرتك

وجاية اوى اوى اوى على مزاجك وهواك

ومتقدرش تستغنى عنها

 

تعرف لما بتقول كدا بتقكرنى بأية

{أَفَرَأَيْتَ مَنِ اتَّخَذَ إِلَهَهُ هَوَاهُ }

يعنى اللى الحاجات اللى جاية على مزاجة وهواه

يعملها ويستمتع بيها وولا يهمة كلام الدين (كلام ربنا) وفى الحالة دى انت بتعبد شهوتك

اللى هدفها المتعة دايما وهنا متعتها الغناء

 

فكان اية عقابة بئى ؟؟ تعالوا نكمل الايه

 

وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ}

 

 

يعنى بيختم على قلية وسمعة وبصرة بحيث لو اعدت تدعية للخير وتدعية

للطاعات والطريق المستقيم مليون سنة وجبتلة كل شيوخ الدنيا مش هيأثروا فية

ولا هيغيروه (فية ناس كتير كدا بنقابلهم فى حياتنا ونستغرب منهم)

 

ودا سببة انهم بيفضلوا متعتهم المحرمة على اوامر الله

 

 

دى شوية افكار خاطئة كانت لازم تتصحح قبل ما نتكلم فى الحوار دا

 

 

دلوقتى انا عايز اعرف الشئ اللى بعملة صح ولا غلط

وفية ادامى رأيين اعمل اية واتبع انهى رأي ؟؟

 

طب دلوقتى احنا متفقين منطقيا ان اى شئ عشان تثبته لازم تجيب له ادلة

يعنى دلوقتى اتنين بيتجادلوا واحد بيقول ان الخمرة حرام

والتانى بيقول انها حلال

طيب اللى بيقول انها حرام اية دليله ؟

{ يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون }

 

طب اللى بيقول انها حلال اية دليلة ؟؟؟

لازم يبطل دليلى اللى انا جبتة

وفى الحالة دى مش هيقدر اذا الخمر حرام

 

 

تابعوناااااااا :)

تم تعديل 23 ديسمبر, 2012 بواسطة راماس
تكبير الخط

[.. همســة قلــب .. 620]

جزاك الله خيرا همووووسة و أكيد متابعة ان شاء الله :)

 

وجزاكِ كل خير غاليتي

 

ويسعدني متابعتك الطيبة :)

[.. همســة قلــب .. 620]

السلام عليكم ورحمة الله وبركاته

 

بصراحة قلت هي المكرونة بقت حرام ولا إيه

خضتيني هموسة رب يسعد قلبك

بس واضح ان الموضوع حلو

متابعة معك بإذن الله تعالى

يالا هاتي لنشوف

 

وعليكم السلام ورحمة الله وبركاته

 

انا كمان اتخضيت لما قرأت عنوان الموضوع ^^

 

بس عجبني كتيييييييييييييييير وحبيت انقله لكم لتستفيدوا منه :)

 

ربّي يسعدك ماما منوووووووووولة ()

[.. همســة قلــب .. 620]

جزاك الله خيرا همووووسة و أكيد متابعة ان شاء الله

 

 

وجزاكِ خيراااااااا كثيرااااااااااا حبيبتي :)

 

تسعدنى متابعتك ()

[.. همســة قلــب .. 620]

(( 2 ))

والان

 

تعالوا نتكلم بصراحة

 

نيجي للغناء وتحريمة

 

اية دليل الناس اللى بتقول ان الغناء حرام ؟

 

 

احاديث كتيييييير جدا جدا وايات من القران الكريم

 

 

عايزة تعرفيهم ادخلى:

 

هنــــــــــــا

 

وهنــــــــــــا

طيب دلوقتى لية بقى طالما فية ادلة من القران والسنة

على تحريم الغناء بعض المشايخ بيقولولك دى حلال ؟؟؟؟؟؟؟؟

 

 

اولا عمرك ما تلاقى واحد قالك ان الغناء حلال وقالك دليل واحد يطلع يقولك يجوز سماع الاغانى واللى يقولك انا نفسى بسمع ام كلثوم وعبد الوهاب (وانت مين اصلا عشان نقتدى بيك انت حطيت نفسك مكان الرسول ؟!! )

 

 

طب انا لما بقولك حرام بجبلك ادلة كتيييييير جدا جدا من الكتاب والسنة

طب لما انت تيجي تقولى انها حلال مش من المنطقى انك تقولى لية واية ادلتك ؟

 

 

- دلوقتى اللى قرأ ادلة التحريم .. هيلاقى ادلة من القران الكريم والسنة والائمة الاربع واهل العلم جميعا......

اجمعوا على تحريمها ( الا بعضها زى مثلا الغناء بكلمات مناسبة فى الافراح وبعض الات اصدار الاصوات زى الدف مثلا فى حالة الافراح )

 

 

 

طيب انت بقى ايه دليلك ؟؟ ياللى بتقول انها حلال ؟

فية طائفة اتجهوا بالتشكيك فى الاحاديث اللى بتنهى عن سماع الاغانى

وبكدا يبقوا اسقطوا دليل اذا الاغانى حلال

 

 

او بعضهم بيلجأ لـ كلام ابن حزم وهو احد العلماء

وطبعا ابن حزم اجاز الغناء (بشروووط) (يعنى حتى ابن حزم لو شاف الغناء بتاعنا دلوقتى هيقولك حرام) على ادلة بطلان الاحاديث

 

 

وكلا الطرفين تجاهلوا القران الكريم

طب القران الكريم هيبطلوه ازاى ؟؟؟

 

 

ودا دايما اللى الناس اللى بتحلل الاغانى بتتجاهلها

ولمجرد اننا بنسمع رأى على مزاجنا بنقول هييييييييه

ونفرح ونريح ضميرنا ونحط صباعنا فى عين التخين اللى يقولنا حرام

 

 

من غير ما نفكر ولا نشغل مخنا حتى !!

 

 

على فكرة دا لو افترضنا جدلا ان الاحاديث ضعيفة وغير صحيحة

انما الاحاديث كلها سليمة مية فى المية

 

 

طيب واحد هيقولى اللى قالوا ان الاحاديث ضعيفة جابوا الكلام دا مين ؟

هقولك من كلام ابن حزم ؟

 

 

هقولك ابن حزم مكانش عالم حديث

لان علم الحديث لية ناس متخصصة مش اى واحد بدقن يطلع يتكلم

ويقول دا صحيح ولا ضعيف

 

 

لان الدين زى الطب فروع مينفعش واحد يبقى دكتور قلب وعين وانف اذن وعظام وجراحة ومخ واعصاب كلة مع بعض انما تخصصات وعلم الحديث لية

اصولة

 

 

واللى يقدر يقول بضف او بصحة الاحاديث هم اهل الحديث واسمهم (المحدثين)

زى فضيلة الشيخ ابى اسحاق الحويني حفظه الله كدا دا محدث وعالم فى الحديث

 

 

انما معظم شيوخ الساحة مش علماء فى المجال دا انما بياخدوا الجزء دا

وبيسالوا فية اهل الحديث

 

 

(العلماء نقضوا ابن حزم وقالوا انه على غير صواب بس انا شرحت المسألة بالبلدى عشان نفهم يعنى الكلام دا مش من عندى)

 

 

نرجع لموضوعنا دلوقتى الامام ابن حزم

- عمل حاجتين تجاهل نص القران الكريم

- وقال بتضعف الحديث (وهو مش عالم حديث اصلا)

 

 

 

طب لية بعض الشيوخ بيحللوا الاغانى رغم كدا ؟

(المفاجأة)

 

 

 

الشيخ على جمعة مفتى الديار

و

الشيخ احمد الطيب

(اللى كان مربى شنبه وحالق دقنة ولما اتولى المنصب حلق شنبة وربى دقنة ولبس جلابية!! )

دول من الصوفية

 

 

هتقولى يا لهوى ودا من اية دا ؟؟

هقولك

 

 

لمعرفة معنى الصوفية ومنهجهم

اضغط هنـــــــــــــــا

 

وهنــــــــــــــــا

 

وهنـــــــــــــا

 

 

 

 

الصوفية منهجهم فى الفتوى هو ارضاء اهواء النـاس

 

 

 

 

اظن دلوقتى كلنا عرفنا المكشوف والمستخفى

 

 

 

 

 

طب ليه ربنا حرم الغناء ؟؟

 

خصوصا ان الموسيقى بتريح الاعصاب وبتهدى الشخص وبتعالج الأمراض ؟؟

ازاى ربنا يحرم شئ مفيد ؟

 

 

زى ما قولت مش محتاجين نعرف هى حرام ليه كفاية انه امر من الله

بس لان ربنا محرمش شئ الا وجعل ليه ضرر (دنيا واخره)

 

يتبع..................................

[هبة نور 2043]

متابعة معك هموسة حبيبتي

 

عجبتني الفكرة اوي

[.. همســة قلــب .. 620]

للأغانى ضررين فى الدنيا

ضرر طبى اكتشفوه حديثا بتأثير الغناء والموسيقى على النفس بالسلب

(وكلام انه بيعالج ويهدى وبتاع دا ملوش اى دليل طبى معروف انما كلة كلام جرايد ومجلات )

 

وضرر فى الدين

- قسوة فى القلب وعدم التأثر او الاستمتاع بكل الطاعات (القران - الصلاة - ...)

- بيعيشك فى دنيا تانية وبيهيج المشاعر نحو الحب والعلاقات الغير شرعيه واللى مترضيش ربنا

- وبيلهى (يعنى بيخليك تستحب الاغانى ) عن القران

وذكر الله .. وبييخليك متستمتعش ومتحسش بحلاوة وطعم الايمان

وحلاوة وطعم القران والذكر

 

قراءة القران الحرف بحسنة والحسنة بعشرة غير ان القران بيشفعلك يوم القيامة

بيحميك من عذاب القبر .. لما بتدفن بيجيلك عذاب القبر فبيجي القران يحميك منه

 

 

ذكر الله (الاستغفار .. التهليل (لا إله إلا الله) .. التحميد (الحمدلله) .. لا حول ولا قوة إلا بالله (كنز من نوز الجنه)

التكبير (الله أكبر) .. وغيرها من الاذكار تعرفوا اية فايدتها ؟؟

اعظم من الجهاد فى سبيل الله والتصدق بالذهب والفضة وتعتبر خير الاعمال وارفع الاعمال درجات

 

 

قال صلى الله عليه وسلم « ألا أنبئكم بخير أعمالكم ، وأزكاها عند مليككم ، وأرفعها في درجاتكم ، و خير لكم من إنفاق الذهب والفضة ، وخير لكم من أن تلقوا عدوكم فتضربوا أعناقهم ويضربوا أعناقكم ؟ قالوا بلى ، قال :ذِكْرُ الله تعالى »

 

سامع واحد بيقولى مش بقدر او بتخنق او بكسل

هقولك طبيعي جدا لان الاعمال دى فيها ثواب عظيم جدا جدا

 

 

ومش اى حد ربنا بيوفقة للحاجات دى الا اذا كان يستاهل

 

 

هيقولى طب استنى ربنا بقى لما يوفقنى؟؟

هقولك لا يا حلو .. لازم تغير نفسك

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

 

غير نفسك ابعد عن الذنوب واتركها لوجه الله (مش لانها مضرة ليك ولصحتك ولدنيتك)

حاول تسمع دروس كتير ع النت مش محتاج تنزل وتروح الجوامع ولو قدرت ثوابك اعلى ان شاء الله

سيب اصحابك اللى مسوحينك وغارزينك معاهم فى متع الدنيا وشهواتها

وصحباتك اللى مودينك فى داهية وجارينك لقلة الادب وقلة القيمة والكرامة ومخلينك رخيصة فى عيون الناس والشباب

 

 

روح للشباب اللى عارفين ربنا روح للى يقدروا يغيروك للأحسن

وروحى للبنات اللى عارفين ربنا ويعينوكى ع الحجاب واللى الشرعى والصلاة والطاعات

 

بصراحة كدا انا لسة من جوايا بشاور نفسى وعايز دليل اكبر؟؟

 

اكبر دليل فى الدنيا على انها حرام هى سوء خاتمة الشباب على الغناء

 

وفى اكثر دروس قصص سوء الخاتمة للشباب

يكون من ابرز ما يختم للشباب عليه وخصوصا المعاصرين

هو ان يختم لهم بالغناء بدل كلمة لا إله إلا الله

 

 

طبعا من كان اخر كلامه فى الدنيا لا إله إلا الله دخل الجنه

وكلنا فاكرين اننا لما نيجي نموت هنقولها وعادى

 

 

بس المسألة مش سهلة كدا اثناء الموت والاحتضار بيكون ربنا المعين ساعتها

فإذا كنت صالح انعم عليك بـ لا إله إلا الله قبل الموت

وإذا كنت شاب سيس لو حاولت تقولها مليون سنة ولو اقدوا اللى حواليك يلقنوهالك شهور وسنين

مش هتقدر تنطقها

( يُثَبِّتُ اللَّهُ الَّذِينَ آَمَنُوا بِالْقَوْلِ الثَّابِتِ فِي الْحَيَاةِ الدُّنْيَا وَفِي الْآَخِرَةِ وَيُضِلُّ اللَّهُ الظَّالِمِينَ)

 

 

 

ولازم تعرف ان (من عاش على شئ مات عليه... ومن مات على شئ بعث عليه)

 

 

يعنى يا اما تبعث بتقول لا إله إلا الله

 

 

يا اما

 

 

تبعت بتغنى اغنية لتامر او لهيفاء

 

 

وبتقول يا حبيبى ويا روحى وبعشقك

 

 

ادام ربنا يوم الحساب !!

 

 

 

لسة عندك شك ان الأغانى حرام ؟؟

[.. همســة قلــب .. 620]

متابعة معك هموسة حبيبتي

 

عجبتني الفكرة اوي

 

تسعدني متابعتك كتيييييييييييييييييييير حبيبتي هبة :)

 

بارك الله فيكِ ()

[.. همســة قلــب .. 620]

(( 3 ))

 

 

 

هنتكلم النهاردة عن الحجاب إن شاء الله

زى ما متعودين هنكشف شوية اسرار ونعرف بعض المعلومات

 

وممكن

 

حد لمض يقول :

ياعم احنا شباب واحنا مالنا ومال الحجاب بقى ؟؟؟؟

 

اقوله :

حمادة ياحبيبى يعنى انت مالكش اخت ممكن تكلمها ولا مش ناوى تتجوز بنت علشان تفهمها

ولا انت خلاص بقيت علامة فى بحر العلم ومش عاوز تعرف عن الحجاب

ولا انت اصلا من جواك بتقول لو اتحجبوا البنات هنعاكس مين ؟؟؟

 

بص ياخفيف

اكيد فى يوم هتتجوز يبقى انت عارف لما تبحث عن زوجة يبقى لازم تكون محجبة وملتزمة بالحجاب الشرعى يبقى كدة لازم انت الاول تعرف كل شىء عن الحجاب

 

وعلشان ما نطولش عليكم

 

نبدأ والكل يصلى على النبى صلى الله عليه وسلم

 

ونقول :

 

 

 

 

اولا الحجاب فريضة

وفرضة الله على المرأة فى اليهودية

والمسيحية

(الانجيل والتوراه المتداولين حاليا واللى تم تحريفهم كمان )

واخيرا الإسلام

 

مش فى الإسلام بس

 

ومش زى ما بيقول بعض الناس

الحجاب مش فريضة ومش من اوامر الإسلام

وانما هو من العادات الموروثة ودخل على الإسلام وان الحجاب والنقاب تخلف ورجعية !!!

 

وطبعا دول عالم ماشيين على مبدأ خالف تعرف

عايزين يخالفوا الدين ويريحوا رأى الاغلبية عشان يبرزوا ويتعرفوا ومش مهم دا على حساب ايه

 

بجانب الناس التانيين اللى ورا حرب الحجاب بشكل الاكبر واللى هنعرفهم كمان شوية ...

 

المهم ..

 

ايه هي أدلة الحجاب فى الإسلام

 

 

 

أولاً: أدلة الحجاب من القرآن:

 

 

 

الدليل الأول:

 

قوله تعالى: وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَا وَليَضرِبنَ بِخُمُرِهِن عَلَى جُيُوبِهِن وَلاَ يُبدِينَ زِينَتَهُن إلى قوله: وَلاَ يَضرِبنَ بِأَرجُلِهِن لِيُعلَمَ مَا يُخفِينَ مِن زِينَتِهِن وَتُوبُوا إِلَى اللهِ جَمِيعاً أَيهَا المُؤمِنُونَ لَعَلكُم تُفلِحُونَ [النور:30].

 

 

قالت عائشة رضي الله عنها: { يرحم الله نساء المهاجرات الأُول؛ لما أنزل الله: وَليَضرِبنَ بِخُمُرِهِن عَلَى جُيُوبِهِن شققن مروطهن فاختمرن بها } [رواه البخاري].

 

 

الدليل الثاني:

 

قوله تعالى: وَالقَوَاعِدُ مِنَ النسَاء اللاتي لاَ يَرجُونَ نِكَاحاً فَلَيسَ عَلَيهِن جُنَاحٌ أَن يَضَعنَ ثِيَابَهُن غَيرَ مُتَبَرِّجَاتِ بِزِينَةٍ وَأَن يَستَعفِفنَ خَيرٌ لهُن وَاللهُ سَمِيعٌ عِلِيمٌ [النور:60].

 

 

 

الدليل الثالث:

 

قوله تعالى: يأَيهَا النبِي قُل لأزواجِكَ وَبَناَتِكَ وَنِسَاء المُؤمِنِينَ يُدنِينَ عَلَيهِن مِن جَلابِيبِهِن ذلِكَ أَدنَى أَن يُعرَفنَ فَلاَ يُؤذَينَ وَكَانَ اللهُ غَفُوراً رحِيماً [الأحزاب:59].

 

 

الدليل الرابع:

 

قوله تعالى: وقَرنَ فِي بُيُوتِكُن وَلاَ تَبَرَّجنَ تَبَرجَ الجاَهِلِيةِ الأولَى [الأحزاب:33].

 

 

 

الدليل الخامس:

 

قوله تعالى: وَإِذَا سَأَلتُمُوهُن مَتَاعاً فـاسـأَلُوهُن مِن وَرَاء حِجَابٍ ذلِــكُم أَطهَرُ لِقُلُوبِكُم وَقـُلُوبِهِن [الأحزاب:53].

 

 

ثانياً: أدلة الحجاب من السنة:

 

 

الدليل الأول: في الصحيحين أن عمر بن الخطاب قال: يا رسول الله، احجب نساءك. قالت عائشة: فأنزل الله آية الحجاب. وفيهما أيضاً: قال عمر: يا رسول الله، لو أمرتَ أمهات المؤمنين بالحجاب. فأنزل الله آية الحجاب.

 

الدليل الثاني: عن ابن مسعود عن النبي قال: { المرأة عورة } [الترمذي وصححه الألباني].

 

الدليل الثالث: عن ابن عمر رضي الله عنهما قال: قال رسول الله : { من جرَّ ثوبه خُيَلاء لم ينظر الله إليه يوم القيامة } فقالت أم سلمة رضي الله عنها: فكيف يصنع النساء بذيولهن؟ قال: { يرخين شبراً } فقالت: إذن تنكشف أقدامهن. قال: { فيرخينه ذراعاً لا يزدن عليه } [رواه أبو داود والترمذي وقال: حسن صحيح].

 

 

أدلة سَتر الوجه من الكتاب والسنة

 

 

أولاً: قوله تعالى: وَليَضرِبنَ بِخُمُرِهِن عَلَى جُيُوبِهِن [النور:30].

 

قال العلامة ابن عثيمين: ( فإن الخمار ما تخمِّر به المرأة رأسها وتغطيه به كالغدقة، فإذا كانت مأمورة بأن تضرب بالخمار على جيبها كانت مأمورة بستر وجهها ).

 

ثانياً:

 

قوله تعالى: يأَيهَا النبِي قُل لأزواجِكَ وَبَناَتِكَ… [الأحزاب:59].

 

 

قال ابن عباس رضي الله عنهما: ( أمر الله نساء المؤمنين إذا خرجن من بيوتهن في حاجة أن يغطين وجوههن من فوق رءوسهن بالجلاليب ). قال الشيخ ابن عثيمين: ( وتفسير الصحابي حجة، بل قال بعض العلماء إنه في حكم المرفوع إلى النبي ).

 

ثالثاً: عن ابن عمر رضي الله عنهما أن النبي قال: { لا تنتقب المرأة المحرمة ولا تلبس القفازين } [رواه البخاري].

 

قال القاضي أبو بكر بن العربي: ( قوله في حديث ابن عمر: { لا تنتقب المرأة المحرمة } وذلك لأن سترها وجهها بالبرقع فرض إلا في الحج، فإنها ترخي شيئاً من خمارها على وجهها غير لاصق به، وتعرض عن الرجال ويعرضون عنها ).

 

وقال شيخ الإسلام ابن تيمية: ( وهذا مما يدلّ على أن النقاب والقفازين كانا معروفين في النساء اللاتي لم يحرمن، وذلك يقتضي ستر وجوههن وأيديهن ).

 

رابعاً:

 

في قوله : { المرأة عورة } دليل على مشروعية ستر الوجه. قال الشيخ حمود التويجري: ( وهذا الحديث دالّ على أن جميع أجزاء المرأة عورة في حق الرجال الأجانب، وسواءٌ في ذلك وجهها وغيره من أعضائها ).

[.. همســة قلــب .. 620]

ادلة الحجاب .. والنقاااب فى الكتاب المقدس !!

 

اضغط

هنـــــــــــــــــــــــــــــــــــــا

 

ودلوقتى

 

ادلة الحجاب .. عند اليهود (بالانجليزي Jewish Scarf) !!

 

وهو المفاجئة .. ايوة دول يهود مش مسلمين !!

وموضة الحجاب الجديد ... اظن عرفنا جاية منين ؟!!

 

(لو مش مصدقين اكتبوا الكلمة الانجليزي فى جوجل

او اكتبوا حجاب اليهود وشوفوا النتائج المذهلة !)

ايه دة ؟؟

هو دة حجاب اليهود

 

 

 

 

 

 

طب تعالوا نشوف لما انا جيت عملت سرش على جوجل الصور عن كلمة"حجاب" عايز اقولكم ولا نتيجة جابتلى

الحجاب اللى أمر بيه ربنا !!

 

ودى الصورة اللى طلعتلى

(طبعا انا شخبط على وشهم )

 

دا حجاب المسلمات

 

دلوقتى مش ملاحظين التشابه مع اليهود ؟

 

 

 

 

 

 

 

......

ودلوقتى

نقول ان ده منظر الحجاب الشرعى والنقاب الشرعى

وحجابنا انهاردة فى عصرنـا الحالى

 

 

 

اللى البنات متعرفهوش ان الحجاب اللى ع الشمال دا

مسموش حجاب اسمة تغطية للشعر وياريت اصلا

بيبقى مغطى الا تلاقى البنت من دول نص شعرها باين من ادام

او منزلة القووصة من ادام

 

 

 

وشوفوا كدة حجاب اليومين دول :

 

اسمه حجاب ابو نُفيخة

 

 

 

 

 

وياترى دة حجاب :

 

 

 

 

وكمان ده حجاب نص كم :

 

 

 

 

المصيبة ان دول عار على الاسلام

تلاقى البنت من دول اعدة وبتشرب سجاير

او فى ايدها الشيشة او مع شوية شباب اعدين يضحكوا ويهزروا

اسوأ هزار بالكلام والأيد كمان !

[هبة نور 2043]

جميل اوي يا هموسة

 

كملت موضوع الغناء

 

لي عودة لمشاهدة الادلة على فرضية الحجاب ان شاء الله

 

الموضوع عجبني وهبقى زبونتك ههههههههههههههههه

[.. همســة قلــب .. 620]

جميل اوي يا هموسة

 

كملت موضوع الغناء

 

لي عودة لمشاهدة الادلة على فرضية الحجاب ان شاء الله

 

الموضوع عجبني وهبقى زبونتك ههههههههههههههههه

 

وأحلى زبونة كمان هوبة :)

 

تسعدني متابعتك يا قلب ()

 

وأهلااااااااااااا بكِ

[اعتز بالاسلام 126]

متابعة معك هموسة حبيبتي

 

عجبتني الفكرة اوي

[المحبة للزهراء 231]

جزاك الله خير الجزاء ياحبيبتي هموسه فكرة رائعه ومواضيع قيمه جعلها الله في ميزان حسناتك وبوركت

[.. همســة قلــب .. 620]

بارك الله فيكن حبيباتي :)

 

تسعدني متابعتكن ()

[حواء أم هالة 1895]

استمتعت بالقراءة هموسة الحبيبة

وانا متابعة معك بشوق وثاني احلى زبونة هههههههه

[المسلمة لينة 28]

متابعة معك هموسة حبيبتي

موضوع راااااائع بارك الله فيك

[.. همســة قلــب .. 620]

استمتعت بالقراءة هموسة الحبيبة

وانا متابعة معك بشوق وثاني احلى زبونة هههههههه

 

:)

 

تسعدنى متابعتك جموووووووووولتي :*)

 

واحلى واغلى زبووووونة كمان ()

[.. همســة قلــب .. 620]

متابعة معك هموسة حبيبتي

موضوع راااااائع بارك الله فيك

 

وبارك فيكِ ليووووووونتي :)

 

تسعدني متابعتك يا قلب ()

[حواء أم هالة 1895]

لا تطولي علينا عايزين التكملة =)

[.. همســة قلــب .. 620]

^ــــــــــــــــــــــــــــــــــ^

 

في الطريق ()