برحمتكـ استغيث 297 أرسلي تقرير عن المشاركة قامت بالمشاركة 28 ديسمبر, 2012 قصة ثبات لم أر مثلها في حياتي حقا!! سبحان الله ... اكثر من رااائعة والاحداث اكشن جدا . . . السلام عليكم ورحمة الله وبركاته بمناسبة الحرب الفظيعه على النقاب حبيت اكتبلكم قصة التزامى وقصتى مع النقاب لعلها تكون سبب فى ثبات ولو اخت واحده على النقاب ومعلش هكتب بالعاميه ومعلش هطول اولا انا من مدينه من المدن الصغيره البعيده وهذه المدينه ليس بها ولا كليات ولا معاهد.. مفهاش غير مدرسه ثانويه واحده وطبعا مختلطه وانا كنت الحمد لله من المتفوقين وكان حلم حياتى اطلع مهندسه واسافر بره والكلام ده "كلام المسلسلات العربى" المهم من الله عليه بمجموع عالى وفعلا دخلت كلية الهندسه... بس كان لازم اتغرب "وده شئ عادى كل الطلبه كانت بتتغرب" رغم ان اقرب بلد لينا كانت المسافه بينا 5 ساعات المهم روحت بورسعيد وبدأت الحكايه اول سنه ليه فى الكليه كانت الغربه تعبانى جدا جدا جدا وبما ان بلدى تبعد عن بور سعيد 7 أو 8 ساعات فكنت دايما بسافر الشرقيه عند أهل أبويه وكنت ماشيه مع الاخوان المسلمين فى الشرقيه وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته وكنت طول السنه دى مخططه انى احول هندسة الزقازيق عشان افضل مع اخواتى "اللى هم الاخوان" وقدر الله انى شلت مادتين... فطبعا مينفعش احول المهم فى اول السنه التانيه وانا راجعه من الزقازيق لبورسعيد كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات فى بورسعيد "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم وصلت بورسعيد على المغرب وكان فى رمضان فطرت ونزلت اصلى التراويح وانا فى المسجد خبطت فى واحده فزعقتلى جامد فكنت على وشك البكاء واحده تالته شافت اللى حصل فنادت عليه: اسمك ايه انتى منين والكلام ده وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش عدت الايام وجه يوم الاتنين ورجعت من الكليه صليت العصر وقلت انام....... وبعدين افتكرت الاخت اياها... سبحان الله معرفش ايه اللى قومنى... صليت استخاره اروح ولا ﻷ وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم اول ما شفتهم حسيت بحاجه غريبه اوى اوى جوايا المهم دخلنا للاخت وهى بتحط الفطار اتكلموا معايا فأول حاجه قلتهالهم وكنت بقولها بكل فخر "على فكرة انا من الاخوان المسلمين" يعنى بالبلدى كده محدش احسن من حد انا برضه ملتزمه زيكم لقيتهم ابتسموا كلهم لكلامى وسكتوا قعدت الح عليهم انتو ضحكتوا ليه انتو ضحكتوا ليه فقالتلى واحده منهم بمنتهى البساطه : ضحكت عشان انتى فرحانه انك من الاخوان قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو وسبحان الله كان اول مره برضه اعرف الكلام ده وروحت وانا مصدومة...... وفضلت كذا يوم دماغى هتنفجر من كتر التفكير وبعدها اتصلت بيه وقالتلى تعالى معانا الاعتكاف فى المسجد الفلانى طبعا طبعا خوفت ومروحتش وجريت على بلدى ومرجعتش غير بعد العيد رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا والشيخ ده كان من طلبة الشيخ مصطفى العدوى روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج" وطبعا مفهمتش اى حاجه ومعرفتش اكتب ورا الشيخ اى حاجه بس كنت مستغربه اوى اوى ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد وتانى يوم روحت معاهم درس عقيده فى معهد اعداد الدعاه وقعدت قارنت بين درس هنا ودرس هناك والحال هنا والحال هناك ومن هنا كانت البداية والحمد لله تركت الاخوان وسلكت طريق طلب العلم الشرعى وبدأت طريق الاستقامه ولله الحمد وبدأت معاناتى مع النقاب ابويا وامى كانو زى كل الناس اياميها كانوا متاثرين بالاعلام دا غير الجهل دا غير مشايخ التلفزيون والكلام ده المهم حبيت البس الخمار "واخدين بالكم الخمار" طبعا ابويه بهدل الدنيا وقطع الخمارات اللى اشتريتها وقلب البيت كله نشفت دماغى ومسكتش غير لما لبست الخمار بس كنت على قد ما اقدر احاول مظهرش فى وشه اصله كان بيتعصب اوى اوى ويتحرق دمه لما يشوفنى لبساه دا غير بقه التغيرات اللى جايه مع الخمار مبسلمش على رجاله مبسمعش اغانى مبقعدش معاهم اتفرج على التلفزيون...... والكلام ده كله كان جديد فى بيتنا... جديد فى بلدنا كلها طبعا كنت فى نظر بابا اتحولت لارهابيه وانضميت لجماعه من الجماعات والكلام ده طبعا كان نفسى البس النقاب بس كان مستحيل اعرض على بابا الكلام ده وفى الوقت ده قدر الله انى سقطت فى الكليه وطبعا بابا ربط ده بده على طول وفعلا كانت من اشد الايام فى عمرى روحت محوله من قسم ميكانيكا دخلت سنه اولى من تانى بس بحريه وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه فقولت لبابا عايزه البس النقاب متتخيلوش البهدله اللى اتبهدلتها عشان عايزه البس النقاب بابا ضربنى ضرب غريب الشكل لدرجة ان جسمى كله كان معلم وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر سافرت للكليه وان خلاص كأنى طالعة من المعتقل حبس وتعذيب وقهر نفسى طب وبعدين لازم حل مينفعش اخرج فى الشارع بوشى اعمل ايه توكلت على الله ولبست النقاب بس من غير ما حد من اهلى يعرف طبعا رجعت فى اجازه من الاجازات وكان لازم اخويا يعرف لانه هو اللى بيسافر معايا وربنا يصلح حاله ويبارك فيه ويرزقه الفردوس الاعلى وقف معايا وساعدنى كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع وفضلت لبساه على الحال ده 4 سنين عارفين يعنى ايه اربع سنين اربع سنين بدخل واخرج زى الحراميه وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه وطبعا طول الأربع سنين دول كل فتره اطلب من بابا انى البس النقاب ويرفض وقفشنى فى الاربع سنين كذا مره وكنت لما بتقفش كان بيبهدلنى والله مره من المرات فضل يضرب فيه لحد ما اغمى عليه من الضرب وتعبت خالص واتنقلت المستشفى واخواتى قالولى انه حتى بعد ما اغمى عليه فضل يضربنى لحد ماشالونى من قدامه وطبعا هو كان فى الايام الاخيره حاسس انى لبساه بس مش عارف يعمل ايه فكان منكد عليه لو لقى المطبخ مش نضيف يدخل يدينى 4 اقلام على وشى لو حاجه اتكسرت يقوم يضربنى كنا 6 اخوات محدش كان بيضرب غيرى والله حتى لما حد من اخواتى يغلط انا اللى كنت بضرب وسبحان الله بعد 4 سنوات مكن الله ليه اه نسيت … طوال لالربع سنين غير بهدلة بابا دى كنت متبهدله برضه فى بور سعيد اطردت من المدينه وبعدها اطردت من دار المغتربات وبهدلة الكلية والدكاتره ومشاكل الامن لدرجة مره مديرة الدار حكمت عليه مخرجش من اوضتى خالص غير للحمام بس وبعدها كانت عايزه تمضينى على اقرارات عدم التحدث فى الدين مع طالبات الدار وبعدها طردتنى واتبهدلت والله بهدله لدرجة ان فى ايام مكنش فى حته ابات فيها وكنت خايفه اقول لبابا ﻷن سبب البهدله دى انى منتقبه وابى ميعرفش ومينفعش يعرف بس الحمد لله فتح الله عليه "بس دى قصه تانيه خالص وطويله" وعلى فكرة ده مش حالى لوحدى والله انا واكتر من 10 اخوات غيرى كنا فى عذاب واى عذاب.. بهدله واهانه وطرد والله فى اخت كانت من الفلاحين وكان ابوها بيبيتها على السطوح "سطوح فاضى خالص" وفى عز البرد ومكنش بيطلعلها اكل خالص وفى الاخر تظاهرت بالاستسلام ولبسته فى السر برضه واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى وفى الاخر برده لبسته من غير ما يعرف والله كان اشبه بكفاح كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى وكلنا شفنا ايام محدش شافها المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب وفضلت سنتين لبساه وهو عارف بس عامل نفسه مش عارف وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد والحمد لله نشرت المنهج السلفى فى بلدى ووضعت اقدامهن على الطريق وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد مع شوية فقه مع مصطلح واصول فقه وده كان حاجه كبيره فى بلدنا لان بلدنا مفهاش علم شرعى خااااااااااااالص والحمدلله بعد 6 سنين من النقاب من الله عليه بزوج صالح وتزوجت ورزقت ببنت وفتح الله عليه والف بين قلبى وقلب ابى وفتح على ابى واهلى جميعا سبحان الله 7 سنوات بالنقاب اولهن شدة واخرهن فرج....... وأى فرج والله فعلا .. كلما ضاقت حلقاتها فرجت وسبحان القائل ((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ)) وصدق تعالى حين قال: "و من يتق الله يجعل له مخرجا و يرزقه من حيث لا يحتسب" راقت لي كثيرااااا 3 شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 28 ديسمبر, 2012 الحمد لله إني أول وحدة بترد عليكي ده أولا ههههههههههههههههههه..كأننا في محاكمة المهم...............في أشياء مشتركة معك فيها...بس الشجاعة لأ لأ لأ لأ لأ لأ لأني عندي الخوف..من كلام أختي وردة فعل أبي وأمي و و و و وبرده شي تاني أنا بردده بلبس الخمار هذي سنتين دون علم أبي لأنه لا يحبه أبد..ما دمت لم أتزوج بعد والله فرحتيني كتييييييييييييييييير..وخاصة لما عرفت إنك متزوجة وبأمورة على فكرة............اللي استنتجته إنك أكبر مني شفتي عالإستنتاج والعبقرية.............ههههههههههههه بس والله شوقتيني وفرحتيني وأحلى مفاجأة وبفكر إني أصلح أمور الكلية أولا بعدين أشوف أمور النقاب وأكييييييييد بدون تأخر إن شاء الله وبعدين راح أكتبلك قصتي والله مابعرف إذا كان ابتلاء أو نعمة ولكل بداية ابتلاء.............نهايته نعمة مشكووووووووووووووووووورة تذكرت سلميلي عالأمورة آه شي تاني.........هي كمان بشوفة في الجنة ولا شوووووووووووووووو ههههههههههههههههههههه وآسفة لأني طولت بس والله ماطولت إلا لأني حبيتك وحسيت إني بعرفك من زماااااااااااااااااان وتصبحي والجنة تحميك بفضل الله شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 28 ديسمبر, 2012 آآآآآآآآآآآآآآآآآسفة.........إنتي درست بالكلية وعمرك 16 سنة ليش كيف عندكم قانون الدراسة ببلدكم شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 29 ديسمبر, 2012 قصة ثبات لم أر مثلها في حياتي حقا!! سبحان الله ... اكثر من رااائعة والاحداث اكشن جدا هذي الجملة لم أقرأها..يعني مريت عليها مرور الكرام هههههههههههههههههههه فاعتقدت إنو القصة إليك حبيبتي مشان هيك..تحيرت كيف هالبنت عمرها 16 سنة ودرست و و و و و المهم.........القصة عجبتني كتيييييييييييييييييير وما بيهم حتى لو كانت لبنت أخرى المهم إني استفدت والحمد لله ومرة تانية راح أركز على أول جملة ههههههههههههههههههه مشان البهدلة وبس آآآآآآآآآآآه على فكرة اشكريني..لظاني عطيتك بنت من عندي هههههههههههه إيه.........الله يرزقك بالأحسن شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 29 ديسمبر, 2012 (معدل) والله خربتيلي مخي المسكين ما بيتحمل لسته صغير ههههههههههههههه مريت شي 3 ساعات ولستني عم بضحك على غبائي إيه إيه إيه إيه إيه إيه إيه إيه إيه إيه إيييييييييييييييييييييييييييييه مو غباء لكن قلة نظر هههههههههههههههههههههه افرحي برده أني جعلت منك عبقرية.........16 سنة ودرست وتزوجت والله ما أحلاني.............حتى إني خبرت أمي وقالتلي مو ممكن أبدا شفتي لأني ما كذبتك..كمان لأني ما أشوف هههههههههههههههه أنتظر ردك علي آآآآه ذكرتيني.كتبتلك القصة عالخاص بس ما حبيت تروح يمكن لأنو في زحمة عندكم ولا حديث الله يستر المهم قصتي ما بدها كل هالشوشرة هي قصة محترمة فلذا ممكن إنك تفتحيلها الطريق حبيبتي ما تواخذيني...كترت حكي بلا فايدة المهم ماعرفت ليش ما راحت وفي أمان الله تم تعديل 29 ديسمبر, 2012 بواسطة نور قلبي القران شارك هذه المشاركه رابط المشاركه شارك
المسلمة لينة 28 أرسلي تقرير عن المشاركة قامت بالمشاركة 29 ديسمبر, 2012 جزاك الله خيرااااا قصة جمييلة يا الله اتحملت كل دا !!!!! مشاء الله ربنا يباركلها هههههههه ضحكتيني يا نور قلبي القران برحمتك استغيث لسة صغيييرة ربنا يباركلك ويباركلها ^_^ شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 29 ديسمبر, 2012 هههههههههههههههههههههه وهي دوختني لازملي موعد عند دكتور العيون مع إني ما بحب الدكاترة...لكن مشان ما أتبهدل مع حدا تاني هههههههههههههههههههه شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 29 ديسمبر, 2012 السلام عليكن ورحمةالله وبركاته قصة ثبات فعلا اللهم يا مقلب القلوب ثبت قلوبنا على دينك جزاكِ الله خيرا يا غالية شارك هذه المشاركه رابط المشاركه شارك
برحمتكـ استغيث 297 أرسلي تقرير عن المشاركة قامت بالمشاركة 30 ديسمبر, 2012 نور قلبي القرآن : ههههههههههههههههههههههههههههههههه ههههههههههههههههههه مش ممكن عليكي دا انتي قصة لا حول ولا قوة الا بالله دا انتي لازم تكشفي جري اظرف حاجة كل ما اقرأ رد اقول دا انا لازم اقولها كذا وبعدين انزل الاقيكي صلحتي حاجة وخربتي حاجة هههههه كدا بجد انتي تحفة اضحك الله سنكِ:) وبالنسبة للرسايل الرسايل الخاصة ممنوعة هنا حبيبتي غير المتداولة بين المشرفات والعضوات فقط يعني ممكن تبعتي لمشرفة وهي تبعتلي مثلا مشرفتنا المتواجدة دلوقتي مودة ورحمة https://akhawat.islamway.net/forum/index.php?showuser=28298 ولوعايزه تتكلمي مع حد اتكلمي عالتحديثات:) وانا كمان حبيتك() ربنا يرفع قدرك ويكرمك في الدنيا والآخرة حبيبتنا لينه: جزاني واياكِ اه شفتي قصة تحفة وعجبتني جدااا خالتي ام جومانا:اللهم امين امين جزاني واياكِ خالتي اسعدني مروكِ شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 30 ديسمبر, 2012 أهلا حبيبتي المستغيثة صار لي يومين وأنا أنتظر ردك...............ما علينا المهم...شفتي كيف خربتيلي عقلي الصغير والرسول عليه الصلاة والسلام يقول من أحب الأعمال إلى الله....سرور تدخله على قلب مسلم ههههههههههههههههههههه في أمان الله شارك هذه المشاركه رابط المشاركه شارك
دعاء الكروان3294 196 أرسلي تقرير عن المشاركة قامت بالمشاركة 30 ديسمبر, 2012 يارب ارزقني لبس النقاب يارب يارب يارب شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 30 ديسمبر, 2012 آآآآآآآآآآآآآآآآآآمين وإياك حبيبتي شارك هذه المشاركه رابط المشاركه شارك
برحمتكـ استغيث 297 أرسلي تقرير عن المشاركة قامت بالمشاركة 1 يناير, 2013 متأسفة -_- كان عندب مذاكرة وماكنش عندي وقت اعذريني ويعني ايه خربتلك عقلك الصغير؟؟ ههههههه عليكي كلام عجييييب مش بفهمه بسرعة:( هو انتي مصرية؟؟ دعاء: اللهم امين وجميع فتيات الاسلام ياااارب شارك هذه المشاركه رابط المشاركه شارك
أم جهاد ومريم 205 أرسلي تقرير عن المشاركة قامت بالمشاركة 1 يناير, 2013 ثبتكم الله احبتى على الهدى والحق يقولون من ذاق عرف كل اخت تلبس النقاب فهى فى عزة الاسلام اسالك يا الله ان تستر بناتنا واخواتنا بالنقاب لله الحمد والمنة انا ارتديه منذ 22 عاما والله والله عزة شارك هذه المشاركه رابط المشاركه شارك
برحمتكـ استغيث 297 أرسلي تقرير عن المشاركة قامت بالمشاركة 2 يناير, 2013 زادكِ الله تقى خالتي وثبتنا واياكِ على الحق الى يوم نلقاه حقا عزة ما بعدها عزة ^ _ ^ شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 2 يناير, 2013 حبيبتي **برحتك أستغيث** أذا ما بتفهمي كلامي فهذا لأني ما أعرف أتكلم بلهجتكم أنا من المغرب بس مع هيك أدخل بكل اللهجات.............هههههههههه بس عم بنتظر إنك تعلميني....إنتي مصرية يلا....إمتى اول درس وإذا تكلمت بالمغربي فأكيد راح تعرفي لهجتي كلها هههههههههههههههههه شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 2 يناير, 2013 ماشاء الله جزاك الله جنة الفردوس ياالاء الحبيبه قصة مؤثرة ومعبرة اللهم نسالك الثبات حتى الممات اه طلعتي من المغرب يانور اهلا بيك وبااهل المغرب شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 2 يناير, 2013 مشكورة حبيبتي المحبوبة وشكرا على الترحيب هههههههههههههههههههههه وإنتي من وين شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 2 يناير, 2013 تسلمي يانور الحبيبه انا من العراق شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 2 يناير, 2013 (معدل) مرحبا بك عندي أخت بتموت في العراق وناسها والحين الظاهر إني كمان راح أموت فيهم لأن تعرفت عليك تسلمي حبيبتي صحيح الساعة عندكم كم في هذا الوقت تم تعديل 2 يناير, 2013 بواسطة نور قلبي القران شارك هذه المشاركه رابط المشاركه شارك
برحمتكـ استغيث 297 أرسلي تقرير عن المشاركة قامت بالمشاركة 3 يناير, 2013 ماشاء الله في اخوات كتير من المغرب هنا :) اهلا يا مغربية^_^ ماتوقعت خالص اعتقدتك مصرية مثلي -_- مش لازم نكون نفس البلد يعني ..صح؟ شكرا ليكي يا محبة:) جزاني واياكِ اهلا بكل اهل العراق منورين^___________^ شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 3 يناير, 2013 (معدل) تسلمي حبيبتي **برحمتك أستغيث** والحمد لله الذي جمعنا على حبه وطاعته وأنا راح علمك لهجتنا مع أنها صعبة شوي تم تعديل 3 يناير, 2013 بواسطة نور قلبي القران شارك هذه المشاركه رابط المشاركه شارك
