اذهبي الى المحتوى

المشاركات التي تم ترشيحها

بقلم " هبةنور "

 

 

 

فتحي

 

 

يا فتحي

 

اصحى يا حبيب امك هتتأخر ع الشغل

 

اصحى يا حبيبي الساعة عدت ستة

 

 

ايوة يا امي خلاص صحيت يا حبيبتي . صباح الخير

 

يسعد صباحك يا عين امك . روح ياخويا اغسل وشك على ما احضرلك الفطار

 

ربنا يخليكي يا ست الحبايب

 

ويخليك يا حبيبي

 

 

 

 

 

 

على فكرة يا امي كنت عايز اخد رأيك في موضوع مهم

 

موضوع ايه يا حبيبي

 

في واحدة زميلتي معايا في الشغل واخلاقها كويسة جدا وبنت ناس طيبين

 

مالها يعني يا ضنايا . عايزين صدقة ولا بيتهم وقع وعايزلهم بطانيتين

 

لا يا امي . اصل بفكر اخطوبها

 

تخطب مين ياواد . انت مش عارف ان انا وخالتك متفقين نجوزك لنسمة بنتها . ولا انت ناوي تقصر رقبتي من اختي

 

يا امي نسمة مين بس اللي انا اخطبها . اولا انا عمري مافكرت فيها كزوجة .بحسها تافهة وسطحية

 

اخص عليك الف اخص يا فتحي . دي بنت خالتك لحمك ودمك . ايه الكلام الوحش اللي بتقوله عليها ده . ال سطحية ال

 

طب دي عمرها ما طلعت السطوح ولا عتبته وتتكسف من خيالها

 

ربنا يبعتلها ابن الحلال يا امي . لكن انا مقتنع بمروة

 

بلا مروة بلا فروة انا هنا اللي كلامي يمشي ومافيش جواز الا من نسمة بنت خالتك

 

على العموم يا امي لما ارجع من الشغل نتفاهم

 

مستنياك ع الغدا اوعى تتأخر عشان خالتك وبنتها جايين يتغدوا معانا

 

كدة ! طب اتغدي انتي وهما بقى . انا هتغدا مع اصحابي

 

ولا . واد يا فتحي . استنى ياواد

 

شباب طايشة مش عارفة مصلحتها

 

 

 

همسه هامه |~

لآآحلل ولا أبيح نقل الموضوع بدون ذكر اسمي .

  • معجبة 7

شارك هذه المشاركه


رابط المشاركه
شارك

حبيبتى هوبه يسعدنى ان اكون اول من يرد على موضوعك الجمييييل

مستنين نشوف فتحى هيعمل ايه مع امه

^ ____^

ربنا يبارك فيك يا جميل ولا يحرمنا من ابداعاتك

شارك هذه المشاركه


رابط المشاركه
شارك

فتحي

 

نعم يا امي

 

مالك يا حبيبي

 

مافيش

 

يوه . مافيش ازاي ياابني هو انا تايهة عنك . ايه اللي مكدرك كدة يا حبيبي

 

قولتيلك مافيش يا امي

 

طب قوم اتعشا

 

ماليش نفس

 

طب خلاص . اتصل باحمد صاحبك واخرجوا اتفسحوا ورفهوا عن نفسكو شوية

 

ماليش نفس

 

لا حول ولا قوة الا بالله

 

يا حبيبي طب فهمني يا نن عين امك . مالك

 

يا امي انتي واقفة في طريق سعادتي ومش عايزاني اخطب البنت اللي اختارتها

 

اه . بقى عشان كدة داخل مكشر وخارج مكشر . وهان عليك يا فتحي تقول اني واقفة في طريق سعادتك . دي اخرتها يابني ؟

 

يا امي دي الحقيقة . انا تعبت واعصابي تعبت ومش عايز اخسر رضاكي

 

خلاص يابني وانا مايرضنيش انك تعمل كدة في نفسك ولا تشيل الهم . انا موافقة على موضوع زميلتك . عشان بس تعرف انا بحبك اد ايه وهخسر اختي عشانك

 

 

يا حبيبتي يا امي ايدك ابوسها فرحتي قلبي . عن اذنك هتصل بأبو مروة عشان احدد ميعاد نروح نزورهم

 

على بركة الله يا حبيبي

  • معجبة 1

شارك هذه المشاركه


رابط المشاركه
شارك

متابعه معاكِ :))

اضحك الله سنك

عايزين شربات الفرح:))

:)

تم تعديل بواسطة *زينب*

شارك هذه المشاركه


رابط المشاركه
شارك

الف الف مبروووووووووووووووووك لفتحي

ههههههه

شارك هذه المشاركه


رابط المشاركه
شارك

يلا يا امي انا لبست

 

استنى يا ضنايا لسة ماخلصتش

 

طب يلا يا امي هنتأخر ع الناس

 

اديني خلصت اهو , انا عارفة ياخويا انت مستعجل على ايه

 

 

 

 

 

 

 

يلا يا امي وصلنا

 

وصلنا فين

 

وصلنا الشارع اللي فيه بيت العروسة

 

يا لهوي . ده شارع ده ولا زريبة . ايه المنطقة المعفنة دي يا واد

 

يا امي ايه الكلام ده بس . يلا العمارة اهيه

 

عمارة ! هي دي تتسمى عمارة برضو . دي مساكن الإيواء انضف منها

 

استغفر الله العظيم . يلا ادخلي يا امي

 

بسم الله الرحمن الرحيم

 

 

تررررررررررررررن ترررررررررررررررررررررررررن

 

 

اهلا اهلا بالعريس وامه اتفضوا يا جماعة

 

اهلا بيك يا عمي

 

اتفضوا يا جماعة

 

يزيد فضلك يا ابو الجاموسة

 

ياامي ياامي وطي صوتك هيسمعك .

 

مايسمع ياخويا . انت هتخاف منه من اولها

 

 

تعالي يا ام مروة الجماعة وصلوا

 

 

اهلا اهلا بالاستاذ فتحي وام الاستاذ فتحي

 

اهلا يا طنط ازي حضرتك

 

اهلا بيك يا حبيبي

 

ازيك يا ست ام فتحي

 

اهلا

 

انتو نورتونا يا جماعة النهاردة

 

دا نورك يا عمي

 

تشربوا ايه يا جماعة

 

اي حاجة يا طنط

 

اي حاجة يعني ايه يا واد . هاتولنا حاجة ساقعة شقتكو حر اعوذ بالله . انا عارفة انتو عايشين هنا ازاي

 

يا امي يا امي هتفضحينا

 

اديني سكت اهو ياخويا

 

اصل التكييف باييظ يا حاجة ام فتحي

 

سلامته

 

 

يا ام مروة اندهي مروة

 

حاضر يا ابو مروة

 

 

 

 

 

 

 

 

السلام عليكم

 

اهلا يا مروة

 

اهلا يا فتحي

 

امي . سلمي على مروة

 

مروة مين

 

العروسة يا امي

 

هي دي بقى مروة . ومالقيتش اوحش من كدة يا عين امك

 

يا امي وطي صوتك

 

ازيك يا طنط

 

اهلا يا روح طنط

 

 

 

على فكرة يا حاجة ام فتحي مروة بنتي خريجة اداب وبناتي كلهم خريجين اداب

 

يا مصيبتي . الحق ياواد . الولية بتقول بناتها كلهم استغفر الله العظيم بتوع اداب ومش مكسوفة على دمها . يلا ياابني نمشي داحنا كنا هنقع وقعة سودة مع بتوع بوليس الاداب دول

 

يا امي ياامي كلية الاداب مش بوليس الاداب . اقعدي بقى

 

 

كلية . طيب . وانا يختي ابني فتحي اسم الله عليه خريج تجارة

 

ربنا يخليهولك يا ام فتحي

 

طيب نخش في المفيد بقى يا استاذ فتحي

 

تحت امرك يا عمي

 

بص ياابني انا مش هضغط عليك في الطلبات اللي ربنا يقدرك عليه هاته

 

ربنا يخليك ياعمي

 

بس يا ابني ما قولتليش شقتك فين

 

والله يا عمي ان شاء الله هسكن مع والدتي

 

 

اييييييييييييييييييييييييييييييييييييييه

  • معجبة 1

شارك هذه المشاركه


رابط المشاركه
شارك

حبيبتى هوبه يسعدنى ان اكون اول من يرد على موضوعك الجمييييل

مستنين نشوف فتحى هيعمل ايه مع امه

^ ____^

ربنا يبارك فيك يا جميل ولا يحرمنا من ابداعاتك

 

 

ربنا يخليكي يا سندوسة

 

شرفتيني يا قمر

شارك هذه المشاركه


رابط المشاركه
شارك

الف الف مبروووووووووووووووووك لفتحي

ههههههه

 

 

هههههههههههههههههههههههه

 

عقبال ولادك يختي

 

يبارك فيكي يارب

شارك هذه المشاركه


رابط المشاركه
شارك

متابعه معاكِ :))

اضحك الله سنك

عايزين شربات الفرح :))

:)

 

احلى كوباية شربات لاحلى زوزو

 

ربنا يكرمك يا عسل

ربنا يخليكى يا جميل تسلمى

يلا كملى

شارك هذه المشاركه


رابط المشاركه
شارك

ما شاء الله على القصص الجديدة الحلوووووة =))

 

تسلمي هوبة ودمتى مبدعة داااائما يا قلب ( )

 

مش هاتكملى فى الكفر ولا هو كده خلص

 

اصل انا لسه موصلتش لأخره ^^

شارك هذه المشاركه


رابط المشاركه
شارك

يا ترى مستنيك إيه يا فتحي؟!!

جميل جدا ومستمعتة بالقراءة وأنتظر التكملة بشوق ^^

بارك الله فيكِ هبة الحبيبة.

شارك هذه المشاركه


رابط المشاركه
شارك

ماشاء الله ماشاء الله عليكى ياهبه قصدى ياام فتحى هى مروه مش عجباكى وكمان هتقعد معاكى فى الشقه

نحن فى انتظار مزيد من الكوارث والفضايح بث مباااااااااشر هههههههههههههههههههه

شارك هذه المشاركه


رابط المشاركه
شارك

السلام عليكم ورحمة الله وبركاته

يا هلا بالغالية هبة وضيوفها :)

مش عارفه ليه حاسه بمشاكل في الطريق :/

نتابع معك

شارك هذه المشاركه


رابط المشاركه
شارك

يا سلااااام

ربنا يبارك فيكِ يا هوبة ويسعدك ويحقق لكِ كل ما تتمنين يااارب

 

وقعتك مش باين لها لون يا مروة

ربنا يستر : ))

لما نشوف إيه إللي مخبياه الأيام للمسكينة : )

شارك هذه المشاركه


رابط المشاركه
شارك

السلام عليكن ورحمة الله وبركاته

 

روعة أم فتحي مافيش منها تنين **يااااااااارب**

بننتظرك يا هبة الحبيبة عجبتني القصة بس من الحين وأنا بدعي لفتحي

الله أقصد لزوجة فتحي المستقبلية

وأم فتحي هاذي تخليك ماتتمنيش يكون عندك حماه

شارك هذه المشاركه


رابط المشاركه
شارك

وعليكم السلام ورحمة الله وبركاته

متابعه معاك إن شاء الله ^ــ^

بس ام فتحى دى مُحرِجه

شارك هذه المشاركه


رابط المشاركه
شارك

ايه ايه ده ينفع كده ياأم فتحي كل ده تعمليه من ورايا

 

مش تاخديني معاكي ونتي رايحه تخطبي لابنك يمكن أزغردلكو زغروطين حلوين كده ولا حاجه ههههههههههههه

 

مع ان شكلها كلها صويت من أولها هههههههههههههههههههه

 

يا بت يا هبه مش تعملي اعلان كده ولا حاجه

ربنا يبارك في دماغك ودمك اللي زي العسل

تم تعديل بواسطة ساجدة للرحمن
تكبير الخط

شارك هذه المشاركه


رابط المشاركه
شارك

معلش انا أسفه جدا الواد بيلعب راح كتي ونا مش واخده بالي يا ريت المشرفه تمسحها

شارك هذه المشاركه


رابط المشاركه
شارك

وعليكم السلام ورحمة الله وبركاته ،،

 

أم فتحي وافقت على الخطبة إرضاءً لابنها، ولكنها ناوية على إفساد الأمر وعدم إتمامه من البداية : )

نسأل الله العافية

 

نتابع معكِ يا هبة .

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×