شايف البنت اللى ماشيه هناك دى؟؟

[فاستقم كما امرت 19]

 

 

 

 

وحيد : شايف البنت اللى واقفة بعيد دى ؟

 

فريد: اه شايفها مالها ؟

 

وحيد : اسكت يا عم ان الله حليم ستير ..

 

فريد: مالها بس ؟ هى مين دى اصلا ؟؟

 

وحيد : دى يا عم فلانة بنت فلان اللى بتكلم فلان وبتعمل كذا وكذا وسمعتها كذا وكذا

 

فريد: يااااااااااااااه ومين اللى قالك على الحاجات دى كلها ؟

 

وحيد: ياعم هو فيه حاجة بتستخبى وبعدين الواحد بيبان عليه برده

 

فريد: كفاية كدا بقى ياعم..

دع الخلق للخالق احنا بردو عندنا اخوات بنات

 

 

 

 

علياء: مش دى نجلاء؟؟

 

شيماء: ايوه هى ..

 

علياء: وايه اللى عاملاه فى نفسها ده..حاطه نص كيلوا بودره على وشها!!

ومين اللى ماشى معاها ده؟؟

 

شيماء: ده الواد وائل..

ياريتها تيجيي على وائل وبس..ده نص الدفعه معاها رقمها..

 

علياء: يا نهار..!!

ربنا يهديها ..

 

 

 

 

كام مرة سمعنا السيناريو ده ؟ تقدر او تقدرى تفتكرى ؟

 

أكييييييييييييد كتيييييييييير اوى

 

 

انتوا عارفين ده ايه ؟

.. ده اسمه

 

خوض في أعراض الناس

و فيه كلمات بينها الشرع لو صرح بها شخص في حق البنت المؤمنة

يصل إلى

قذف المحصنات

 

انتى عارفه ان لو احنا فى بلد بيتطبق فيه شرع ربنا كان هيكون ايه عقاب من قذف المحصنات ؟

 

80 جلده

 

حد يقدر يستحمل !!

 

وكمان أن ترد شهادته

 

وان يصبح فاسقا ليس بعدل لا عند الله ولا عند الناس

 

قال تعالى: (( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون ( 4 ) إلا الذين تابوا من بعد ذلك وأصلحوا )). ( سورة النور، الآيتان: 4، 5 ).

 

فقد عاقب الله من رمى مؤمناً بفاحشة بثلاث عقوبات:

 

الأولى: الجلد. (( فاجلدوهم ثمانين جلدة )).

 

الثانية: رفض الشهادة (( ولا تقبلوا لهم شهادة أبداً )).

 

الثالثة: الحكم عليهم بأنهم فاسقون. (( وأولئك هم الفاسقون )).

 

تعرفوا ربنا سبحانه وتعالى يبقول لنا ايه كمان فى قذف المحصنات .. تعالوا نقرأ الآية دى

 

" ان الذين يرمون المحصنات الغافلات المؤمنات لعنوا فى الدنيا والآخرة ولهم فى الآخرة عذاب عظيم "

 

 

شايف الخطوره

 

لعنوا فى الدنيا

ولهم فى الآخرة عذاب عظيم

 

وقذف المحصنات من

 

السبع الموبقــات " اى المهلكات "

 

بجد اياااااااااك وقذف المحصنات اللى بنتساهل فيه معظمنا يعنى الا من رحم ربى ..

 

يعنى هنستفاد ايه ؟

 

 

علشان تقول كلام مش كويس على بنت لااااااااااازم تكون واثق مية فى المية من الكلام ده .. مش كدا وبس

 

لكن كمان لاااااااااازم يكون معاك اربع شهود على الكلام ده .. يكونوا رأوا منها ما يثبت ذلك مرأى العين

 

غير كدا لااااااازم منتكلمش!!

 

 

سيدنا عمر سمع صوت امرأة مع رجل لكن من وراء حجاب او ستار وذهب واخبر سيدنا على بن ابى طالب

 

فقال له على أمعك شهود ؟؟ ..

 

طيب وهل سيدنا عمر هيكدب يعنى؟؟

هيحتاج هو كمان لشهود ؟

ايوااااااااااااااااااااا لازم اربعة

 

فقال له عمر: لااااا

 

فقال على : لو نطقت اسمها لجلدتك

 

تخيلوا !!

 

يا جماعة بجد كام فينا محتاج للجلد وكام مرة وقعنا فى قذف المحصنات

 

 

يا ما الكلام ده خرب بيوت وطلق زوجات واتسبب فى اذى ناس الله اعلم ببراءتهم او ذنبهم

 

هل لو واحدة فينا هترضاها على نفسها ؟ . . وهل لو أختك هترضاها عليها ؟

 

واخيرا هذكركم بقول الله تعالى :

 

 

( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ

وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )

 

 

 

 

[برحمتكـ استغيث 297]

يااااه معقولة!!

دي الحوارات دي كتييييييير جدا

ياااااا الله

انا اول مرة اعرف انو دي فيها مشكلة شرعية

بجد جزاكِ الله كل خير

عارفة كنت وانا بقرأ حسيت انو اسلوب د/مصطفى زايد

لأنو ليه اسلوب متميز ربنا يبارك في علمه

 

 

واهلا بيكي في المنتدى وانا متأكدة انك هتسعدي معانا بإذن الله ^_^

منوورة :D

[(أم *سارة*) 981]

السلام عليكم ورحمة الله وبركاته

 

جزاكِ الله خيرا يا حبيبة

أسأل الله ألا يحرمك الأجر

فالكثير يقع في مثل تلك الكلمات المهلكة دون أن يبالي

أسأل الله أن يحفظنا ويحفظ جميع المسلمين من شر اللسان وآفاته

 

يااااه معقولة!!

دي الحوارات دي كتييييييير جدا

ياااااا الله

انا اول مرة اعرف انو دي فيها مشكلة شرعية

بجد جزاكِ الله كل خير

عارفة كنت وانا بقرأ حسيت انو اسلوب د/مصطفى زايد

لأنو ليه اسلوب متميز ربنا يبارك في علمه

 

 

واهلا بيكي في المنتدى وانا متأكدة انك هتسعدي معانا بإذن الله ^_^

منوورة :D

 

معقولة في حد الدنيا يخوض في كلام زي ده ولا يعرفش إن فيه مشكلة شرعية

إزاي بقى يا حبيبة تصوري انك قاعدة لا بيكِ ولا عليكِ وفي حد قاعد يجيب في سيرتك بالباطل

شوفي بقى حالك وقتها هتبقي عاملة ازاي ولو كان الكلام كذب فقد وقع الإنسان في البهتان

وإن كان الكلام حقيقي فقد وقع في الغيبة يعني في كل الأحوال لن يسلم من قام بهذا الفعل من الوقوع في الإثم

يقول تعالى: {...وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ}

شوفتي اللي بيعمل كدة كأنه أكل من لحم إنسان ميت أي جيفة ومن فعل هذا يحتاج لتوبة نصوحة ليتوب الله عليه

رب ينقينا من ذنوبنا وخطايانا ويرحمنا برحمته

ينقل للساحة المناسبة

[يسرا عبد الرحمن 718]

(وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ)

باركَ الله فيكِ وفيما نقلتِ أختي الحبيبة

موضوع رائع

لا حرمك ربي الأجر

[باخلاقي ارتقي 29]

جزاك الله خيرا

فالكتير منا واقع في هذه الاحاديت من غير ان يدري بخطورتها

بارك الله فيك

احبكن في الله

[** الفقيرة الى الله ** 985]

السلام عليكم ورحمة الله وبركاته

 

بارك الله فيكِ أخية وحيّ هلا بكِ في منتدانا المبارك

أسأل الله لكِ المتعة والفائدة وأن يطيب لكِ المقام بيننا ()

 

وأعتذر منكِ فالموضوع مكرر.

http://akhawat.islam...howtopic=299603