شوفتوا البنت اللي بترقص في الشارع دي..!!

[برحمتكـ استغيث 297]

السلام عليكم

 

طبعا انتوا بدوروا علي البت اللي بترقص صح

 

لو ينفع انزل فيديوهات اللي البنات بترقص كنت نزلتها عشان كل واحده بترقص ف الشارع او حتي في تجمع نسائي او حتي في الجامعه وكل اللي معاها بنات بس او ف المدرسه مع صحباتها تتعظ ومتعملش كده تاني

 

انا هحكيلكم اللي شوفته عشان بجد اللي بتعمل كده متعملش كده تاني

 

اولا فيديو لبنت بترقص ف الشارع

 

البنت بترقص ف الشارع ف فرح وحد وصورها ونزل الفيديو عل اليوتيوب واتفضحت وغير انها اتفضحت اخدت ذنوب +انها اخدت اقذر الشتايم واقذر الالفاظ والكومنتات

 

اختي في الله اتقي الله ومترقصيش ف الشارع لان ده حرام طبعا انك تظهري عوراتك للرجال والنساء

 

ولا ترقصي في اي تجمع نهائي حتي لو كان بنات بس

 

ارقصي لزوجك فقط لاغير

 

 

تاني فيديو لبنت بترقص ف الجامعه هي وصحباتها واللي موجود بنات بس

 

واللي يحزنك ف الفيديو ده قلة الضمير والامانه البنت دي بترقص مع صحباتها وهما بنات بس وقافلين الباب عليهم كويس ومحرصين وفيه بنت بتصور وسمعت البنت اللي بترقص بتقول عارفين لو الفيديو ده حد شافه مش هيحصللكو طيب

 

ياريت حد واحد بس الي شافه لاء دي امة لا اله الا الله كلها شافته مش حد بس

 

حتي لو بترقصي قدام صحباتك بس مترقصيش برضه لان المفروض متثقيش ف حد

 

وادي البنت اهيه كانت بترقص هي وصحباتها واكدت علي اللي بتصور ان الفيديو محدش يشوفوا

 

وبرغم كده نزل ع اليوتيوب واخدت ذنوب هي واللي معاها يبقي ليه انتوا تعرضوا نفسكوا لمواقف زي دي

 

الفيديو التالت واحده بترقص في فرح ف تجمع نسائي فقط

 

 

ومع ذلك اتصورت ونزلت علي اليوتيوب واتفضحت

 

..............................................

 

 

طبعا انتوا هتقولوا طب وليه اللي بيصور ينزل علي اليوتيوب حرام عليه والله

 

طب وليه انتي ترقصي اصلا كده ماترقصي لوحدك ف البيت ارقصي انتي واخواتك

 

ارقصي لزوجك حلالك هو لازم يعني ترقصي ف فرح او ف الجامعه

 

 

والذنب مش علي اللي نزل الفيديو لوحده لااااااااااااء وعليكي انتي كمان

 

 

انا ف مره وانا صغيره كان عندي 13 سنه تقريبا رقصت ف فرح وكان بنات بس بابا سالني رقصتي قولتله اه

 

هو صراحه مزعقليش بس كلمني براحه وقاللي مترقصيش تاني ف اي فرح قولتله ماهما بنات بس قاللي لاء ممكن واحده تصورك وتوري الفيديو لجوزه او اخوهاا وتنشره وتوريه للناس كلها

 

طبعا مقالش يوتيوب لان بابا مكنش يعرف اليوتيوب

 

بالله عليكي صوني نفسك وحافظي عليها

 

وبلاش ابسط كلمه اللي بنقولها دي

 

(ماهو كل اللي موجود ستات ومفيش رجال)

 

لان ساعات الستات يا اختي بتبقي اسوء من الرجاله

 

ربنا يحفظنا ويحفظ بنات المسلمين ياااااااااارب

 

 

 

 

 

 

 

اللهم بلغت اللهم فاشهد

 

الموضوع عجبني اوي فنقلته لكم

ودي من الردود الكويسة من الموضوع الاصلي:

موضوعك مهم

كمان نسيتى ان فى بنات بتصور نفسها وهى بترقص وحطاها على الكمبيوتر بتاعها

ظنا منها ان محدش هيشوفها غيرهم

الحكاية دى حصلت بجد

بنت كانت حاطة فيديهوات ليها على الاب بتاعها وهى بترقص اكتر من فيديوا

وببدل رقص مش عارفة ايه اللى جننها وعملت كده

والاب بتاعها باظ ودته لواح يصلحه للاسف طلع غير امين

وتانى يوم الفيديوهات كانت على مبويلات شباب البلد كلها

ومقلكيش على فضحيتها هى واهلها

ربنا يسترها على بنات المسلمين

 

جزاك الله خير علي النصيحة و الله بقت صح خالص انا شوفت و الله عروسة في فرح نسائي و متصورة و محطوط صورها علي الفيس يعني حتي مكنتش بتقرقص ! علشان كده لما كنت في السعودية كانوا بيخدوا الموبيلات من النساء قبل دخول القاعة علشان محدش ضامن! ربنا يسترنا و يستر بناتنا يا رب العالمين

 

تمام والله معاكى حق جزاكى الله كل خير

عاوزه اقولك انك فكرتينى بموقف حصل لزميلتى واحنا فى 3 اعدادى يعنى من حوالى 4 او 5 سنين

كنا فى الفصل وحصه احتياطى وبعدين واحده شغلت اغنيه وكنا بنات بس والمصيبه ان المُدرسه كانت واقفه معانا

المهم اتلمينا حلقه كده فى ركن فى الفصل وقفلنا الباب وبنت مننا رقصت فى النص والمُدرسه واقفه بتبتسم وفرحانه وكله هايص

انا الحمد لله مرقصتش عشان مبعرفش ارقص ولا ليا حتى فى جو الاغانى والرقص والكلام ده

بس كنت واقفه بصور وبعديها مسحت الفيديو

المهم بعد فتره بنات من الفصل ابتدو يكلمو ولاد والشغل ده

وفى اخر السنه والله واحنا فى الامتحانات كنا بنمتحن فى مدرسه تانيه غيرنا

وقاعدين مستنين الاتوبيس بتاع مدرستنا يجى يوصلنا

كل 3 اعدادى ولاد وبنات

فجاه سمعنا زعيق وكده

طلع ان الفيديو وصل للولاد عن طريق بنت

الله اعلم هى بعتته قصد ولا هو خده من وراها

بس عمرى مهنسا اليوم ده

زعلتينى بجد مكنتش عايزه افتكر الايام دى

المهم صاحبتنا دى حلفت مهى متصوره تانى حتى صور عاديه

لدرجه كنا فى اخر يوم وكلنا هنتفرق مرضيتش ابدا اخدلها صوره ذكرى رغم ان غيرها وافق

للاسف الضمير انعدم انا لله وانا اليه راجعون

جزاكى الله كل خير على التذكره

ربنا يسترنا ويستر جميييع المسلمين

[نور قلبي القران 430]

السلام عليكن ورحمة الله وبركاته

بارك الله فيك ألوءة مواضيعك كلها كده؟؟؟؟؟؟؟؟؟؟؟؟؟

يعني حلوة زيك هههههههههه

بس انت أحلى

 

مرة والدتي حكتلي عن راجل راح ما رفيقه للبيت

فصاحبه ده قالوا خليني أوريلك فيديو كتير حلو للبنات وهي بترقص

المهم الراجل لما شاف الفيديو انصدم شاف مراته وهي بترقص ساعتها طلقها

الله يستر

هو طلقها..ونسى أنو هو اللي مسؤول عنها وهو أصلا كان بيشوف الفيديو ليه؟؟؟؟؟؟؟؟؟؟؟

وهي الله يغفرلها ويهديها رقصت على قولتك مع الستات بس سبحان الله

نست أنو البعض مش هقول حرم لاني مش متأكدة

بس نهوا عن جلوس المرأة بدون حجاب مع اللي ممكن توصفها برا

 

الله يحفظك يارب

[** الفقيرة الى الله ** 985]

وعليكم السلام ورحمة الله وبركاته

 

لا حول ولا قوة إلا بالله!!

مصيبة هذه التي تحدث وخاصة في الأفراح.. أصبح الإنسان لا يأمن على نفسه نزع حجابه في الفرح (نساء فقط) وليس الرقص

الرقص هذا مستبعد جدا!!

لأن في ناس ما عندهم ضمير ولا خوف من الله عز وجل.. وأصبحنا نخاف أن يصورنا أحد خوفا من أن تذهب صورنا هنا وهناك من طرف عديمي الأخلاق والخوف من الله

الله المستعان

نسأل الله أن يستر علينا ويحفظنا بحفظه ويبعد عنا الأشرار

جزاكِ الله خيرا يا غالية على التذكرة الطيبة.

[ساره أم حمزه 1041]

وعليكم السلام ورحمة الله وبركاته

بارك الله فيك وجزاك خيرا

 

صح مشرفتى الفقيرة الى الله

لما بروح فرح اخوات وبلاقى واحده بتصور بالموبايل لما بلاقيها هتقرب للناحيه اللى انا واقفه فيها او قاعده بنزل النقاب بسرعه قبل متيجى

[نور قلبي القران 430]

@@ساره محمد

 

حبيبني سوسو انت بتحضري الفرح وانت لابسه النقاب؟؟؟؟؟؟؟؟؟؟؟؟؟

يعني بترفعيه وبس؟؟؟

[ساره أم حمزه 1041]

@

سَارّه مُحَمّد

 

 

حبيبني سوسو انت بتحضري الفرح وانت لابسه النقاب؟؟؟؟؟؟؟؟؟؟؟؟؟

 

يعني بترفعيه وبس؟؟؟

ايوة بحضر بلبس الخروج وبرفع النقاب على رأسى فوق بس

حتى معظم او كل الاخوات بيعملوا كده إلا اقارب العروسه هما اللى ممكن يخلعوا لبس الخروج

ولما يجوا ماشيين بيلبسوا الخروج تانى

تم تعديل 7 مايو, 2013 بواسطة سَارّه مُحَمّد

[نور قلبي القران 430]

@@ساره محمد

 

 

والله فكرة هبقى اعمل زبكم باذن الله بس دعواتك مع النقاب

[ساره أم حمزه 1041]

إن شاء الله

بارك الله فيك

الله ييسرلك لبس النقاب ^^

[برحمتكـ استغيث 297]

منورات يا حبيبات

 

فردوسه: انتِ الاحلى يا قمرتنا

 

فقورة:امين ياارب ربنا يستر

ويحفظنا جميعا

 

 

 

سوسو:انا فعلا هاعمل زيك ان شاء الله

ربنا يسترك ويستر جميع بنات المسلمين ياارب

[ساره أم حمزه 1041]

امين يارب بارك الله فيك الاء ^^

[نجــ الليل ــوى 77]

بارك الله فيك أختي ع النقل الطيب والحقيقة الموضوع جد خطير

 

 

و هذي الايام الجوالات أكلت عقول الناس الكل مهووووس تصوير وما في رقابة

 

في كرت العرس عندنا نكتب يمنع التصوير بالجوالات نهائي لا من أهل العريس ولا من أهل العروس وبالتالي من باب أولى الأغراب

 

 

أنا ماخدة الموضوع من قصيرة ومبحضرش أفراح نهائي <<<<< لما فيها من مخالفات اللهم احفظنا واستر علينا >>>>>

 

إلا أفراح أخواتي ومستحيل <<<<< أرقص >>>>

 

وبالمناسبة ما بنصح أي وحدة تضع أي صور شخصية لها لا عالجوال ولا ع اللاب توب تبعها ممكن يضيع أو يتعطل ويحدث ما لا يحمد عقباه

تم تعديل 9 مايو, 2013 بواسطة نجــ الليل ــوى

[ساره أم حمزه 1041]

نجوى الليل معندكمش افراح اسلاميه ؟

احنا معظم الافراح اللى بحضرها بتبقى اسلاميه وفى المسجد " سندرة النساء "

[المتضرعة لرب الكون 115]

السلام عليكم

موضوع مهم جدا ومتداول في هده الايام

بارك الله فيك وجعله في ميزان حسناتك

انا لما بروح افراح بيكون معي ايزار لما تكون وحدة عيزة تصور برميه عليا او بنحني وبخبي وجهي

[نجــ الليل ــوى 77]

نجوى الليل معندكمش افراح اسلاميه ؟

احنا معظم الافراح اللى بحضرها بتبقى اسلاميه وفى المسجد " سندرة النساء "

في أفراح اسلامية بس بنسبة 5% وأحيانا الاناشيد اللي بيشغلوها بتكون بترقص أكثر من الاغاني العادية -_-

 

واأنا شخصيا مبحش الدوشة ولا شوفة المناظر اللي بسمع عنها ^_^

[ساره أم حمزه 1041]

في أفراح اسلامية بس بنسبة 5% وأحيانا الاناشيد اللي بيشغلوها بتكون بترقص أكثر من الاغاني العادية

-_-

 

واأنا شخصيا مبحش الدوشة ولا شوفة المناظر اللي بسمع عنها

^_^

ااه

بارك الله فيك :)

[نجــ الليل ــوى 77]

في أفراح اسلامية بس بنسبة 5% وأحيانا الاناشيد اللي بيشغلوها بتكون بترقص أكثر من الاغاني العادية

-_-

 

 

واأنا شخصيا مبحش الدوشة ولا شوفة المناظر اللي بسمع عنها

^_^

ااه

بارك الله فيك :)

 

 

وفيك أختي

[هدى ايمن ناصر 57]

شكرا عالموضوع الحلو بصراحة في بلدي اغلب الاعراس مختلطة ما عدا من رحم ربي وانتو بتقولو عن نسوان بصورو بس عنا الشباب بكونو يصورو اللي برقصن ولبس الله يعلم وبحطوهن عل الفيسبوك واليوتيوب هاذيك اليوم صارت طوشة بين بين اخو عروس وشب ليش صورها الشاب وحطها عالانترنت (العرس كان مختلط )!!!!!!عشان هيك انا نادرا ما بروح على اعراس واذا بروح بيكون مقسوم يعني لسا حالكم اصلح بكثيييير الله يهدينا ويهديهم

[* اللّؤلؤة المكنونة * 188]

@@برحمتكـ استغيث

 

 

 

 

وعليكم السلام ورحمة الله وبركاته

 

لا حول ولا قوة إلا بالله العلي العظيم

 

 

 

 

 

على كل جزاك الله خيرا على التحذير موضوع قيم ويستحق نشره فعلا

:! :!فهل تسمحين لي بذلك= :!

[* اللّؤلؤة المكنونة * 188]

[برحمتكـ استغيث 297]

@@نجــ الليل ــوى

 

 

والله فعلا احسن حاجه ان الواحد يريح دماغه ومايروح

انا لما بروح بيبقى في رقص وتصوير ولكن بعد ما قرأت الموضوع دا

مش هروح الا لأقرب صديقاتي او لمن اثق فيهن

نورتي الموضوع يا خالتو ربنا يكرمك ^_^

 

 

@@المتضرعة لرب الكون

 

كويس انك بتعملي كدا فكره بردو

هابقى اعمل زيك

نورتي ربنا يخليكِ ^_^

 

@@بسمة الامل بهمسة الالم

 

طبعااااااا هو اصلا منقول مش بإيدي وانا قلت انو راق لي

يعني قرأته وعجبني فنقلته ليكوا

انقليه لتعم الفائدة جعله الله بميزان حسناتكِ

 

 

@@هدى ايمن ناصر

 

 

لا حول ولا قوة الا بالله

ربنا يهدي الشباب دول

يعني هيستفيدوا ايه يعني لما ينزلوه عالنت

ولا هو هتك لأعراض المسلمات وخلاص

انا لله وانا اليه راجعون

كويس انك مش بتروي ربنا يسترنا جميعا

 

 

نورتوا يا حبيبات والله

واسعدتن قلبي بالمرور

اسعدكن ربي :D

[سهام100 19]

جزاك الله خيرا ونفع بما نقلتي

[برحمتكـ استغيث 297]

جزانا واياكم

اسعدني تواجدكِ ^_^

[فتاةٌ قرآنيه 24]

السلام عليكم ورحمة الله وبركاته

 

جزاكي الله كل خير حبيبتي موضوع جميل ومهم

 

ربنا يهدينا الرقص ده سوسه في عقولنا هههههههههههههههه <3

 

^____^

[سدرة المُنتهى 87 1317]

جزاك الله خيرا يا غالية

 

أصبحت هذه الموبايلات مصيبة

نسأل الله ان يستر نساء المسلمين

 

ولكن وجب الاحتياط كما ذكرتِ حتى عند الجلوس مع النساء