حورية وطن

[بنوته مسلمه مصريه 458]

حورية وطن

 

يا دفترك والورده بين أوراقه

خطك وعطرك فوق سطوره اتلاقوا

بكراكى بيسلم على الحلم الشهيد

وبيبنى جنة خلد فوق أشلاءه

 

 

يا وقفتك فى الحر يا تكبيرك

يا لفتك وسط الكفن بحريرك

يا طهر 16 سنة كان يوم هِنا

قولى لطلقة غدر كتر خيرك

 

 

مسروقة روحك من وطن مسروق

يا هالة الشمس اللى مالها شروق

بنعزى روحك فى شهادة مدرسة

بشهادة تستنى قدومك فوق

 

 

يا زفتك للجنة يا فستانك

يا سابقه خطابك لعرس جنانك

لو سلم القلب الجميل للفضفضه

ماتكلميش الجنة عن أوطانك

 

 

احكى لحوريه عن عريسها الجاى

اسمه على جبينه الشهيد الحى

ومتغلطيش وترددى سيرة وطن

بيبوس ولاده بالرصاص الحى

[♥●آية إبراهيم●♥ 253]

حلوة أوي تسلمي @@بنوته مسلمه مصريه

زعلانة انهم ما نزلوش نسخة من غير موسيقى :(

المقطع ده بحبه أوي

 

يا زفتك للجنة يا فستانك

يا سابقه خطابك لعرس جنانك

لو سلم القلب الجميل للفضفضه

ماتكلميش الجنة عن أوطانك

 

احكى لحوريه عن عريسها الجاى

اسمه على جبينه الشهيد الحى

ومتغلطيش وترددى سيرة وطن

بيبوس ولاده بالرصاص الحى

[بنوته مسلمه مصريه 458]

لا حبيبتى نزلوا نسخة من غير موسيقى

أنا كمان بحب المقطع ده جدا

الله يرحمهم يارب ويصبر أهلهم

[هدى عبد الناصر 28]

الله يرحم الجميع ويصبر اهليهم

وهما يعنى اللى ماتو مش من الجيش او الشرطه

ملهومش حق الرحمه

دول برضه مصرين وليهم اهل

ليه دايما نفتكر الشرطى او العسكرى وننسى الاهالى الغالبه

[هدى عبد الناصر 28]

الله يرحم الجميع ويصبر اهليهم

وهما يعنى اللى ماتو مش من الجيش او الشرطه

ملهومش حق الرحمه

دول برضه مصرين وليهم اهل

ليه دايما نفتكر الشرطى او العسكرى وننسى الاهالى الغالبه

[بنوته مسلمه مصريه 458]

هو أنا مش عارفه ايه الرد الغريب ده وايه علاقته بالقصيدة أصلا

وبعدين ربنا يرحم موتى المسلمين جميعا

[هدى عبد الناصر 28]

معلهش ان كان ردى زعلك انا مش قصدى ازعلك خالص

بس اللى انا فهمته من القصيده انها بتتكلم عن الجيش

جايز فهمى غلط

متزعليش بقا ماشى

[بنوته مسلمه مصريه 458]

مفيش زعل ولا حاجه

:)