نظمي بيتك بحاجة رخيصة عمرك ما تخيلتيها

[~ أم العبادلة ~ 1903]

النهاردة نتكلم عن حاجة بسيطة أكيد موجودة في كل بيت

بس عمرنا ما استفدنا منها بالشكل المبهر ده

 

الحاجة دي هي

العلاقات

 

ايا كان اسمها ايه حتعرفيها من الصور

وطبعاً دي حتلاقيها في اماكن كتير

بس تاخدي بالك من الحمل اللي عليها اد ايه

وبلاش بتاعت محلات 2ونص لأنها بتكون تعبانة اوي واللزق بتاعها خفيف اوي

 

تابعوا معايا كل صورة والتعليق عليها

وياريت ندردش سوا

ايه اللي ممكن تنفذيه وازاي

ويا سلام لو تصوريها وتفرجينا ابداعك وشطارتك

 

نبدأ بسم الله

 

(( 1 ))

ممكن تستخدميها عشان تعلقي الجاروف والمقشة بتاعته جوة ضرفة التنضيف او على اي ضرفة من الجنب

بدل ما تترمي في اي ركن

 

(( 2 ))

ممكن تعلقي الماسكات الحرارية بشكل نضيف

وممكن كمان تعلقيها ع التلاجة كشكل ديكوري

 

(( 3 ))

ممكن تستخدميها لتعليق أرفف داخلية خفيفة عشان تشيلي فيها حاجات زي العلب البلاستيك والغطيان بتاعتها

وبكده حتوفري درج كامل او المساحة اللي بيتشالوا فيها

 

(( 4 ))

هنا استخدمنا العلاقات دي ومعاها مشبك الورق

وعلقنا بيها جوانتيهات التنظيف

 

(( 5 ))

بدل ما الادوات بتاعت المطبخ تبقى مكركبة الادراج

او تكوني حاطاهم في علبة ع الرخامة

ممكن تثبتي مجموعة منهم في جنب التلاجة او المطبخ نفسه

وحتلاقي استخدامهم اسهل واريح كتير

 

(( 6 ))

لو انت زي حالاتي متعودة تحطي الدقيق والرز والكورن فليكس والمكرونات في علب

يبقى الفكرة دي حتسهل عليكي بدل ما كل مرة تستخدمي كوباية شكل

 

( 7 ))

وبدل ما تحطي المنظفات في الحمام

اعملي رف حلو كده حطيهم فيه

وكمان علقي معاهم فوط التنظيف

 

(( 8 ))

دي كمان عجبتني اوي عشان ترتبي المقشات والمساحات

 

(( 9 ))

دي خطيرة للناس اللي عندها مشكلة مع غطيان الحلل

علاقتين وكام دبوس مكتب واستك

واتحلت المشكلة

 

(( 10 ))

ممكن تستخدمي لوح خشب وتدهنيه

وتثبتي عليه خطافات

وبكده بقى عندك مكان جديد للمجات بتاعتك

 

(( 11 ))

ممكن في الحمام لتعليق فرش الاسنان

 

(( 12 ))

وعشان فرشة التواليت تبقى ناشفة

وقريبة كمان من ايدك

ثبتيها بالشكل ده

 

(( 13 ))

ودي كمان جميلة اوي لتعليق الـ toilet seat

اللي هو زي البوتي بس بيتحط ع التواليت

لو عندك اولاد صغيرين

 

(( 14 ))

لو عايزة تغيري ديكور اوضة نومك

الستارة دي هي الحل

لأنها مش محتاجة تكسير في الحيطة

برضه نفس العلاقات دي

واستمتعي باوضتك القديمة

 

(( 15 ))

او تعلقي بيهم الفرش والامشاط في جنب التسريحة

 

منقووووووووووووول

[هدوء الفجر 224]

ما شااااء الله

أفكآآر جمييييييييله جدااا ورآآآئعه

وهتحل مشآآكل كتيير ^ــــ^

تسلم ايدك يا غالية على النقل الرآآئع ده()()

[وأشرقت السماء 1565]

فعلا جميلة جدااا

جزاكِ الله خيرا حبيبتي

[**راضية** 2011]

فعلا جميلة جدااا

جزاكِ الله خيرا حبيبتي

[أم جهاد ومريم 205]

تسلم الايادى الجميلة

 

نفع الله بكِ

[بنوته مسلمه مصريه 458]

جميله اوى وبترتيب لذيذ

جزاك الله خيرا حبيبتى

[هبة نور 2043]

افكار جميلة فعلا وبتوفر اماكن

 

 

شكرا ام عبد الرحمن

 

 

تعيشي وتجيبي هههههههه

[برحمتكـ استغيث 297]

فعلا افكار بسيطة اوي وجميلة

بس كثرتها في الشقة مع وجود اطفال هيبقى صعب نوعا ما

بس بجد تحفة

بإذن الله هبقى اجرب اللي محتاجاه منها

وان جربتها هبقى اوريكم الصور

وجزاكِ الله خيرا يا خالتو ام العبادلة ^_^

[**أم سلمى** 657]

فعلا جميلة جدااا

جزاكِ الله خيرا حبيبتي

[وفاء السلفية 19]

هو ده الاختراع يا كوتش جامدة جدا تسلم ايديكى على النقل الجميل