اذهبي الى المحتوى
هبة عبد العظيم نور

زوجتي وحافة الهاوية

المشاركات التي تم ترشيحها

post-25975-0-65690900-1331582368.gif

 

 

يا سلاااااااااااااااااااااااااااام

 

 

كانت رحلات جمييييييييييييييييييييييلة للأزمنة البعيييييييييييييييييييييييدة

 

 

عدينا على الناس في سنة 1900 وايام النقاب والحجاب وعز المرأة

 

 

ايام ما الشوارع كانت فاااااااااااااضية وفيها عربيات بيجرها الخيل

 

وخرجنا من عندهم زورنا اهل السبعينات عشان نعرفهم غلطهم هههههههه ونقولهم خسرتوا اكبر خسارة لما اتخليتوا عن حجابكم واتبعتم الفاسدين

 

 

يييييييييييييييييييييييييييييييييييييييييييييييييييييييي هو احنا رجعنا الزمن بتاعنا تاني !!!!!!!!!!!!!!!!

 

 

 

كان الواحد مرتااااااااااااااااح بعيد عن الاقمار الصناعية والقنوات الفضائية والكلاكسات والنت والموبايلات

 

 

 

كل دول ناااااااااااااااااااااااااااااس في الشوارع

 

 

جم منين دوووووووووووووووووووووول

 

 

 

كل دي عربياااااااااااااااااااااااااااااااااااااااااااااات

 

 

ايه الدوشة دي

 

يا حفيظ من صوت الكلاكسااااااااااااااااااااااااااااااااات

 

 

 

ايه القنوات الفضائية دي كلهااااااااااااااااااااااااا وبيتكلموا عن ايييييييييييييييييييييه

 

 

يا خبرررررررررررررررررر

 

 

هو انتو لسة بتتخانقوا وبتتكلموا عن تحرير المرأة

 

 

انتو هتتحرروها اكتر من كدة ايييييييييييييييييييه

 

 

وايه الحجاب الغريب دددددددددددددده !!!!!!!!!!!

 

ازاي حجاب مع بنطلون وبلوزة !!!!!!!!!!!!!!!! وكمان خصلة شعر باينة !!!!!!!!!!!!!!

 

 

هما مفهومهم عن الحجاب ايه !!!!!!!!!!!!!!

 

 

اعوذ بالله . الواحد كان مرتااااااااااااااااااااح . رجعنا لوجع القلب والجدل والناس اللي عقولها في ودانها

 

 

 

اقفلوا القنوات دي اقفلووووووووووووووووها

 

 

 

تعالوا تابعوا معايا

 

 

اقدم لكم مسلسل زوجتي وحافة الهاوية

 

 

ارجوا من الله ان اتمكن من خلاله من الدفاع عن ديني واسلط الضوء على المفسدين الباغين هدم الدين لا مكنهم الله اللهم آمين

 

 

 

ارجوا ان ينال اعجابكم بإذن الله

 

 

 

زوجتي وحافة الهاوية

 

 

اختكم هبة نور

 

 

أشهد الله أني لا أسامح من ينقل عملا من اعمالي بدون ذكر اسمي

او ينسبه بكل وقاحة إلى نفسه

اللهم إني أستودعك اعمالي فلا تبارك لمن يسرقها اللهم آمين

حسبي الله ونعم الوكيل

هبة نور

  • معجبة 17

شارك هذه المشاركه


رابط المشاركه
شارك

راح نتابع حبيبتي وكلنا شوق

 

الله يحفظك من كل سوء

يا رب يكون اول رد هههههه

  • معجبة 1

شارك هذه المشاركه


رابط المشاركه
شارك

متابعة معكِ يا قمراية ()

26-187.gif

  • معجبة 1

شارك هذه المشاركه


رابط المشاركه
شارك

صباح الخير

 

 

صباح النور يا فندم

 

 

ممكن من فضلك اقابل الاستاذ مختار الراوي رئيس التحرير

 

بخصوص ايه

 

 

انا صحفية جديدة واتعينت هنا

 

اهلا بيكِ . بس في الحقيقة الاستاذ مختار الراوي مش موجود . الموجود نائب رئيس التحرير الاستاذ علاء فكري

 

علاء فكري ! اهااااا طيب ممكن اقابله

 

 

اسم حضرتك ايه

 

 

مطيعة صبري

 

 

حاضر هبلغه اتفضلي استريحي

 

 

شكرا

 

 

 

 

 

 

تن تن تن

 

 

اادخل

 

 

استاذ علاء

 

 

يا استاذ علااااااااااء

 

 

استاذ علااااااااااااااااااااااااء

 

 

اييييييييييييييييييييييييييه في ايه علاء علاء علاء مش شايفني مشغووووووووووووووول

 

 

اسف يا كينج . في صحفية برا متعينة جديد وعايزة تقابل حضرتك

 

 

صحفية !!!!!!!!!!!!! هو احنا ناقصين صحفيين اوووووووف خليها تتفضل وشوفلي الافندي محرر الحوادث اتأخر ليه

 

 

حاضر يا كينج هطلبه على موبايله اشوفه فين

 

 

 

 

 

 

 

اتفضلي يا استاذة

 

 

 

شكرا

 

 

 

 

صباح الخير يا استاذ علاء

 

 

صباح الخير يا استاذ علااااااااااااء

 

 

اقعدي

 

 

شكرا . يا فندم انا صحفية جديدة واتعينت عندكم

 

 

ايه ده . هو ما بيردش ليه !!!!!!!!! يا فندم انا صحفية جديدة واتعينت عندكم

 

 

اوووووووف وبعدين بقى في الراجل ده . مركز في الكمبيوتر وكأن دبانة هي اللي دخلت المكتب اووووووف يا فندم انا صحفية جديدة واتعينت عندكووووووووووووو

 

 

سااااااااااااامع انا سااااااااااااااااااااااامع مش اطرش والله عمالة من ساعة مادخلتي تقولي انا صحفية جديدة اتعينت عندكو . المفروض نعمل ايه يعني لجنابك نقف طابور في انتظار سيادتك ولا نضربلك تعظيم سلااااااااااااااام

 

 

يا فندم انا جاية اساسا اقابل الاستاااااااااااااذ مختار الراوي رئيس التحرير مش نائب الرئيس اللي هو حضرتك

 

 

 

نعمممممممممممم دا ايه التواضع والتنازل ده من عظمتك يا ست الصحفية الكبيرة الامعة

 

 

من غير تريئة من فضلك . ان شاء الله في يوم من الايام هكون فعلااااااااا صحفية كبيرة ولامعة في عالم الصحافة

 

ويمكن اكبر من جنابك والمع يا استاذ علاء يا فكري

 

اهااااااا حضرتك عارفاني يعني مسبقا وعارفة بتكلمي مين

 

ههههههههه الطاوووووووووس علاء فكري المشهور بمقالاته المعادية لتحرر المرأة . اللي في منظور سعادته ان المرأة اتخلقت لخدمة الراجل وتربية اولاده

 

 

 

اااااااااااااااه حضرتك جاية المجلة ومشحونة ضدي بقى

 

ههههه مش للدرجة دي يعني هههههههه مقالات حضرتك ما بتأثرش اوي يعني في المجتمع عشان اتشحن ضدك

 

 

 

بقى كدة !!!!!!!!!! اسمك ايه

 

 

مطيعة صبري الاستاااااااااذة مطيعة صبري

 

مش باين . واضح انه اسم على غير مسمى

 

 

 

عندك حق . بكره اسمي جداااااااااااا عشان بيحسسني بالضعف والقهر

 

 

ههه ضعف وقهر !!!!!!!! هو انتي منهم !!!!! اهلا بالمعارك خريجة اعلام ؟

 

اداب اعلام

 

 

هتكتبي في صفحة المرأة طبعا

 

هههههه اومال يعني في صفحة المطبخ ! طبعا صفحة المرأة عشان اوصل رسالتي

 

 

هههههههههههههههههههههههههههههه رسالتك ! رسالتك انتي برضو !!!!!!!!!!!!!

 

 

مش فاهمة يا استاذ علاء

 

 

اتفضلي يا يااااا استاذة استلمي عملك

 

 

استلمه ازاي يعني

 

اسألي في الشئون برا ولا المفروض اسيب مكتبي واجي اوصل حضرتك

 

ههههه ودي تيجي يا كينج الصحافة برضو ههههه عن اذنك يا استاذ طاووووس ههههههه

 

 

 

 

اوووووووف البنت دي شكلها مش سهلة وشكل ايامها هتبقى سودة معايا

 

 

 

 

 

 

 

 

 

 

صباح الخير يا استاذ راضي هو الاستاذ علاء جوا

 

هههههههه صباح النور يا انسة كريمة . ماقولتليش طبق اليوم ايه النهاردة اللي هتنزليه في صفحة المطبخ عشان اقول الوصفة لمراتي قبل ما تنزليها هههههه

 

هههههه يا خويا انت كمان . مش فاضية عايزة اقابل الكينج بسررررررررررررررعة امر عاجل وضروري

 

هههه لحظة ابلغه . رغم ان النهاردة مزاجه مش رايق وبيهب في أي حد يكلمه

 

ربنا يستر . ياااااااااااااااارب يارب بقى عايزة اتجوووووووووووووووووووز . ياااااااااااااااارب

 

يارب يحنن قلبك عليا يا استاذ علاء ياااااااااااااااااارب . يجعلك من قسمتي ونصيبي واتهد واقعد في البيت بقىىىىىىىى

 

 

 

 

 

 

اتفضلي يا انسة كريمة

 

 

 

 

 

 

صباح الخير يا استاذ علاء

 

 

صباح النور خير ان شاء الله

 

 

ههههههه انا انااااااا اصل انا يا استاذ علاء جاية اسألك . هو حضرتك بتحب المسقعة باللحمة المفرومة ؟

 

افندمممممممم !!!!!!!!! مسقعة ايه يا انسة اللي جاية تتكلمي فيها

 

 

ههههه اصل انا يا استاذ علاء عملت امبارح طاجن مسقعة باللحمة المفرومة ما اقولكش طلع تحففففففففة

 

لدرجة الجيران شموا ريحة المسقعة وجم يجروا يخبطوا ع الباب عشان ياكلوا معانا هههههههه عجبتهم اوي اوي اوووووووووي اصل انا شاطرة اوي في الطبيخ يا استاذ علاء يابخت الراجل اللي هيتجوزني

 

 

والله !

 

اه والله العظيم زي مابقول لحضرتك كدة

 

كويس والله . شيء رائع وراقي وحضاري يا انسة كريمة

 

هههههه الله يكرمك يا استاذ علاء

 

وبمناسبة صنية المسقعة اللي عجبت جيرانكو حضرتك مخصوم منك تلات تيام

ايييييييييييييه لييييييييييييييييه اهئ اهئ هو انا عملت اييييييييييه

 

 

سايبة شغلك وجاية تتكلمي في المسقعة . دي ما بقتش مجلة . دي بقت سوق خضار يختي . اتفضلي على مكتبك يا استاذة وحضري الوصفة اللي هتنزليها في العدد الجديد وخلصينييييي ال مسقعة ال

 

اهئ اهئئئئئئ وبعدين بقى في الراجل ده !!!!!!! حد يااخواتي ما يحبش المسقعة . الراجل كبسني كبسة وحشة اوي اهئ اهئ

 

 

 

 

 

 

 

 

 

صباح الخير

 

اهئ اهئ انتي مين انتي كمان

 

ايه المقابلة دي ههههههه انا زميلتك اتعينت جديد اسمي مطيعة صبري

 

اهئ اهئ اهلا يا انسة مطيعة . انا كريمة مظلوم

 

 

هو مين ده اللي مظلوم

 

بابا

 

يا عيني ! ومين اللي ظلمه

 

يا حبيبتي دا اسمه ماحدش ظلمه . هو مظلوم لوحده . اسمه مظلوم

 

ههههههههه اهلا يا مدام كريمة

 

انسة يا حبيبتي انسسسسسسسسسة عندي 30 سنة وانسسسسسسسة .

 

ههههههههه عادي يعني . سن الزواج ارتفع ههههههههههههه

 

انتي عندك كام سنة يا انسة مطيعة

 

 

ههههههههه عندي 25 سنة

 

اتاريكي يختي بتضحكي !!!!!!!!!! لسة المستقبل قدامك فارد دراعاته

 

ههههههه وانتي كمان اضحكي ايه المشكلة . هو لو ماكانش الرجالة في حياتنا نكتئب ولا ايه هههههههههه

 

 

كان بودي اضحك يا حبيبتي بس ما ليش نفس . لسة الكينج خاصملي تلات تيام

 

هههههه علاء فكري ! بصراحة راجل بشع جداااااااااا الله يكون في عون مراته

 

استاذ علاء مش متجوز

 

ههههههه اكيد عشان مافيش واحدة تستحمله . اعوذ بالله دمه يلطشششششش ومتكبر جدا ومناخيره في السما

 

 

هههههههه استاذ علاء ! انتي جديدة معانا وماتعرفيش مين هو الكينج . استاذ علاء راجل طيب جدا على فكرة بس مش معانا احنا هههههههه مع الصحفين الرجالة بس ههههههههه جدع معاهم اوي لكن مع الستات شديد جدااااااااااا بصراحة هو مش بيشجع عمل المرأة

 

 

وهو مين اصلا عشان يشجع عمل المرأة ولا ما يشجعش . انا مش عارفة انتو مدينله حجم اكبر من حجمه ليه كدة !

 

 

هههههه هما مين دول اللي مدينله حجم اكبر من حجمه ! استاذ علاء كبير فعلا ونجم في عالم الصحافة

 

 

دا الكينج يا بنتي الكيننننننج احفظيها بقى هههههههه قوليلي بتحبي الرز المعمررررررررررررررر؟

 

 

 

 

 

 

 

 

 

 

 

 

 

 

 

ازيك يا راضي . الكينج في مكتبه . عايز اعرض عليه المقال قبل ما انشره

 

اهلا يا استاذ كارم ايوة الكينج موجود

 

طب عن اذنك ادخله

 

اتفضل

 

 

 

 

صباح الفل يا كينننننننننننننج ههههههههه ازيك يا استاذ علاء

 

صباح النور ازيك يا كارم . خلصت المقال

 

ايوة يا كينج وجاي اعرضه عليك عشان تراجعه

 

 

وريني يا سيدي

 

 

 

 

كويس اوي هايل جدااااااا مش محتاج تعديل . اسلوبك جميل جدا يا كارم

 

ههههه دي شهادة اعتز بيها والله من حضرتك يا استاذ علاء . دايما تشجعني وواقف جنبي من اول ما اتعينت في المجلة

 

 

انا ما بشجعش غير الصحفي الموهوب وانت موهوب يا كارم

 

 

الله يخليك يا كينج هههههه عن اذنك

 

 

شوفولي البيه محرر الحوااااااااااااااااااااادث

 

 

 

ياراااااااااااااااااااااضي محرر الحوادث فين . المفروض العدد يتقفل وناقص الحوادث

 

 

هههههههه يمكن ما فيش حوادث يا كينج

 

 

ياريت يا سيدي . هو مين بيحب الحوادث . اتصلت بيه ؟

 

ايوة اتصلت بس موبايله مقفول

 

اووووووووووووووف طيب . اتفضل انت

 

 

 

موبايلي فييييييين . اهووو عايز اتصل بأمي

 

 

 

 

 

تررررررررررررررررررررررن ترررررررررررررررررررررررررررن

 

 

 

السلام عليكم ازيك يا علاء يا حبيبي

 

وعليكم السلام ازيك انتي يا امي

 

 

اهلا يا حبيبي ازيك انت

 

 

ايناس راحت الكلية

 

 

ايوة يا حبيبي السواق وصلها وهيروح بعد المحاضرات يجيبها

 

 

. طيب كويس . نسيت اقولها تديني جدول محاضراتها

 

 

ايه يا علاء ! انت بتشك في اختك يا ولد

 

هههههه بحافظ على اختي يا امي مش بشك فيها . في فرق لو سمحتي

 

اخدتي الدوا

 

ههههه والله نسيت . انت اللي بتفكرني يا حبيبي ربنا ما يحرمنيش منك

 

ايوة خديني في كلمتين حلوين يا ستي . يا امي من فضلك اهتمي بصحتك شوية . افرضي انا كنت مشغول غصب عني وما عرفتش اتصل اقولك خدي الدوا يبقى ايه الحل ؟

 

ههههههههههه انت عمرك ما نسيت .حتى لما بتسافر برا مصر بتتصل بيا في مواعيد الدوا عشان تفكرني

 

 

طيب يا حبيبتي اسيبك بقى واشوفك على العشا عشان عندي شغل كتير

 

الله يعينك يا حبيبي . اميرة اختك اتصلت بيك كذا مرة انت ماردتش عليها ليه ؟

 

 

اميرة ! اااااااااه. الموبايلات صامتة يا امي معلش . هتصل بيها . هي كانت عايزة حاجة

 

 

العادي بتاع اميرة اتخانقت مع جوزها وعايزاك تروح توقفه عند حده ههههههههه

 

والله ما حد عايز قطم رقبته غير بنتك . انا مش عارف جوزها مستحمل دلعها ازاااااااااااي

 

 

لالالالالالا يا علاء هو زودها المرة دي برضو وكان هيضربها

 

اكيد عملت حاجة استفزته انا عارفها كويس

 

ما تبقاش متحامل على اختك بالشكل ده يا ولد . اختك عايزاك تقف جنبها . مش تغلطها !

 

 

اااااااه يعني اقف جنبها حتى لو غلطانة لمجرد انها اختي . ولو جوزها صاحب حق نطلعه غلطان عشان سواد عنيها

 

هههههههههه اختك عنيها خضرا مش سودة ههههههههه

 

هههههه ماشي يا امي نطلعه غلطان عشان خضار عنيها هههههههه

 

 

ههههههههه ايوة كدة يا حبيبي . انت بدل ابوك الله يرحمه ولازم جوز اختك يعرف ان ليها ضهر

 

 

هههههههه حاضر يا امي هروح أأدبه واعلقه في الفلكة من عنيا . اخلص شغلي واروح اعدي عليهم ان شاء الله

 

 

 

 

 

 

طيب يا حبيبي ربنا معاك مع السلامة وسلم على اميرة وبناتها

 

 

 

 

الله يسلمك يا امي .راااااااااااااااااااااااااااضي فين نادر محرر الحوااااااااااااااادث

 

 

 

حااااااااااااااااااضر اتصلت بيه وجاي في السكة

 

 

 

 

اااااااااااااااااااه ازيك يا راضي اااااااااااه يا دراعي ااااااااااااااه يا دماااااااااااااااغي

 

 

ههههههههههههههههههههه سلامتك يا استاذ نادر . انت كنت في خناقة ولا ايه ؟

 

 

ايوة اااااااااااااااه كنت في خناقة ياخويا . ربنا يتوب علية من صفحة الحوادث اللي هتجيب اجلي ااااااااااااه

 

 

هههههههه ايه اللي حصل بس

 

 

ياسيدي هو انا فاضي احكيلك . انا داخل للكينج ااااااااااااااااه

 

 

السلام عليكم يا استاذ علاء اااااااااااااااااااااااااه

 

 

هههههههههههههههههههه وعليكم السلام ورحمة الله ماااااااااااااااااالك . هو انت كل اسبوع تجيلي متخرشم كدة ولا ايه ؟ هههههههه

 

اعمل ايه يا استاذ علاء روحت احقق في موضوع تهريب الدقيق بتاع المخبز اللي بلوغنا بيه

 

ودخلت عشان اسأل واتحرى وأواجه صاحب المخبز لكن انكر وحاول يرشيني لكن انا رفضت راحوا طبعا اتلموا عليه العمال وهروني ضرب وشتيمة وصاحب المخبز قالهم اتوصوا بيه عشان مايجيش هنا تاني

 

هههههههههههههههههههه المهم طلعت بمعلومات ولا لأ

 

 

لا طلعت بكدمات هههههه ااااااااااااااااه مش قادر

 

هههههههه سلامتك الف سلامة . يبقى كدة اكيد البلاغ مظبوط وإلا ماكانوش ضربوك بالشكل ده هههههههه

 

 

ايوة طبعا مظبوط . ابن خالتي ساكن قدام المخبز وبيشوف كل حاجة . بيهربوا الدقيق ويبيعوه في السوق السودة

 

 

الله ينتقم منهم والله . ماحدش بيحس بالغلابة . طيب في صور للدقيق المتهرب ؟

 

 

ايوة طبعا ابن خالتي صورهم بالموبايل

 

عظيم جدا . لازم نكشف الحقيقة . هنزل الخبر في الصفحة الاولى . بقولك ايه يا نادر عشان انت صعبت علية يا مسكين واتضربت علقة ما ياكلهاش حرامي جزم على باب جامع انا عازمك على الغدا النهاردة هههههههههه

 

هههههههههههه اذا كان الموضوع فيه غدا يبقى الواحد ينسى العلقة ههههههه

  • معجبة 9

شارك هذه المشاركه


رابط المشاركه
شارك

ههههههه ماشي يا سيدي . هدي المطبعة امر بالنشر ونروح نتغدا ونرجع عشان اباشر الشغل

 

 

 

هو الاستاذ مختار هيرجع امتى من تونس

 

النهارد بالليل ان شاء الله . هيكون هنا الصبح في مكتبه

 

 

ان شاء الله ااااااااااااااااااااه مش قادر

 

ههههههههه ما خلاص بقى بطل استعباط . قولتلك هغديك برا ههههههه

 

ههههههه ربنا يخليك لينا يا كينج

 

 

 

 

 

طيب يا راضي انا هاخد الاستاذ نادر ورايحين مشوار

 

رايحين فين يا كينج

 

 

وانت مالك انت هههه راجعين على طول . لو حد سأل علية ماتقوليش ههههههههه

 

 

ههههه تحت امرك يا كينج . مع السلامة والقلب داعيلك يا استاذ نادر ههههههه اتغدا يا عم واللي يفيض منك افتكر اخوك ههههههههه

 

 

ههههههه هو عرف منين اننا رايحين نتغدا يا استاذ علاء

 

 

هههه اصل كل ما بخرج اتغدا اقوله رايح مشوار فهو حفظ

 

 

استاذ علاااااااااااااااااء يا استاذ علاء لحظة من فضلك

 

 

اممممم انتي مين

 

يا سلاااااام على الغرور . انا الاستاذ مطيعة اللي اتعينت هنا النهاردة

 

 

مش فاضي نازل

 

اووووووف سؤال مش هعطل حضرتك

 

امممممم ارغي

 

 

(يا سلام على قلة ذوقك يا انعور افندي ) كنت عايزة اسأل حضرتك ممكن المقال بتاعي ينزل في العدد اللي هينزل بكرة

 

 

ههههههههههه على اساس ان القراء بتوع حضرتك منظرينه مثلا !!!!!!!! لا طبعا لسة يمكن يمكن يعني العدد اللي بعد الجاي بس ما اوعدكيش

 

 

افندممممممممم ليه ان شاء الله

 

اتدربي الاول يا انسة على كتابة المقلات . والله عال . لسة متعينة النهاردة وعايزة مقالها ينزل بكرة يلا يا نادر

 

 

 

اهئ اهئئئئئئئئ راجل مستفز . طيييييييييييييب لما اشوف رئيس التحرير . دانت مش علاء انت بلاااااااااااااااااء

 

 

 

 

 

 

 

 

 

 

 

 

 

 

 

 

ايه ده ! احنا هناكل هنا يا استاذ علاااااااااء !!!!!!!!! مطعم شيك اووووووي وباين عليه غالي

 

ههههههه دا اكيد غالي تعالى نقعد على الطرابيزة اللي في الآخر دي المكان هناك هادي جدا

 

 

مش مهم نقعد فين المهم ناكل هههههههههه

 

 

 

 

اقعد يا سيدي

 

 

 

الله . ايه الكراسي الفخمة دي

 

هههههه شكلك جاي تفضحنا يا نادر . انت عمرك مادخلت مطاعم ولا ايه

 

هههههههه لا ازاي . دخلت كذا محل كشري قبل كدة وكلت سندوتشات كبدة كتير من على عربية الكبدة اللي على ناصية حارتنا هههههههه

 

 

هههههههه حارتكو ! انت ساكن فين ؟

 

 

في شبرا ما تبقى تشرفنا يا استاذ علاء

 

 

ههههه ان شاء الله . الميتر جاي اهو

 

 

 

مساء الخير يا استاذ علاء . حضرتك مشرفنا يا كينج

 

 

الله يخليك ازيك يا محمود وازي ولادك

 

بخير والله الحمدلله . اتفضلوا المنيو

 

 

اشكرك . اتفضل اختار يا نادر

 

هههههههه الله ! ايه الاكلات دي كلها ! والله الواحد ريقه جري واحتار . ممكن اطلبهم كلهم ؟

 

 

ههههههههه مش بقولك هتفضحنا يا نادر . طيب انا هختارلك على ذوقي

 

 

بس الله يكرمك عايز حاجة ترم عضمي اللي اتفشفش هههههه

 

 

هههه ماشي يا سيدي

 

 

محموووود

 

تحت امرك علاء باشا

 

 

 

هناخد اتنين شوربة سي فود وجمبري وسمك مشوي بالرز والطلطات

 

 

تحت امرك

 

ههههههههه يعيش عالم البحار

 

 

 

 

 

 

 

 

 

 

 

 

 

ها يا سيدي الاكل عجبك

 

جدااااااااااااااااا ربنا يخليك يا استاذ علاء

 

 

محمود محموووووود الحساب

 

 

تحت امرك يا علاء بك

 

500 جنيه بس

 

 

اوكيه اتفضل وخلي الباقي عشانك

 

 

 

ههههههه ربنا يخليك يا كينج . خيرك مغرقنا

 

500 جنيييييييييييييييييه !!!!!!!!!!!!!!!! الغدا ده ب 500 جنيه يا استاذ علاااااااااااء . كتير اوي اوي يا استاذ علاء . هو كيلو الجمبري بكام يا جدع انتتتتتتتتتتتت يللي اسمك محمود

 

ههههههههههه يادي الفضايح يلا نمشي يا نادر

 

 

نمشي !!!!!!!! طب وباقي الاكل ده هنسيبه لمين ؟؟؟؟؟؟؟؟؟؟؟؟

 

 

هنعمل بيه ايه يا سيدي ؟

 

نعمل بيه ايه ازااااااااااي خليه يلفه اخده لامي وابويا واخواتي

 

 

ههههه لف باقي الاكل يا محمود للأستاذ نادر

 

 

تحت امرك علاء باشا

 

 

 

 

 

 

 

 

 

 

 

 

 

 

 

 

 

 

ترررررررررررررررررررررررررن تررررررررررررررررررررررررن

 

 

 

 

افتحي يا زينب دا باين عليه نادر اخوكي

 

 

ناااااااااااادر هههههههه ازيك يا نادر اييييييييه ده . مين عينك حواليها ازرق كدة ؟؟؟؟؟؟؟؟؟

 

 

ههههههه عادي يا حبيبتي . اخوكي صحفي محترف ودي ضريبة الصحافة الحرة هههههههههه

 

هههههههه سلامتك يا حبيبي . ما جبتليش عريس معاك يا اخويا ولا شوفت عريس هنا ولا هنا اهئ اهئ

 

ههههههههههههه لا والله اصل انا جيت من شارع كله متجوزين هههههههههههههههه

 

 

يااااااااااااااااااااااارب يارب عريس يااااااااااااااااااااااااااااارب

 

 

 

 

 

اهلا يا نادر ازيك يا ابني . حلة البصارة ع النار اهيه . هطفي عليها واغرفلك

 

لالالالالالالالالالالالالالالالا ابوس ايدك مش عايز . انا ربنا نجاني من البصارة واتغديت برا

 

 

وليه يا ابني المصاريف دي . انت اولى يا حبيبي بكل قرش يجيلك

 

هههههههه كنت معزوم يا امي . عارفة مين عزمني

 

مين يا حبيبي

 

الكينج . الاستاذ علاء فكري وداني مطعم الواحد ما يحلمش يعدي من جنبه

 

وكلنا سمك وجمبري وجبتلكو باقي الاكل معايا

 

هههههههه تعيش يا حبيبي . تعالي يا زينب كلي انتي واخواتك

 

 

عارفة يا امي دفع كام في الغدوة دي ؟

 

كام يا ابني

 

500 جنيييييييييييييييه

 

يا لهوووووي . ليييييييييييييييييييه . نوعه ايه السمك اللي كلتوه ده

 

يعني ياما هو انتي بتفهمي في انواع السمك اصلا ! انتي تعرفي السمك البلطي بس

 

الحمدلله ياابني . هو الاستاذ علاء ده بيكسب كتير اوي كدة ؟

 

 

ههههههههه الاستاذ علاء مش محتاج للشغل يا امي . الاستاذ علاء ابن ناس اصولهم بشوات وعايش في فيلا مع والدته واخته الصغيرة

 

وليهم اراضي وفدادين وعزب واملاك مالهاش حصر . برنس ياما برنسسسسسسسسس

 

 

 

ماشاء الله . طب ما تجيبه يخطب زينب اختك

 

 

ههههههههههههههههههههههههههههههه يخطب مين !!!!!!!!! يا امي بقولك برنس برنسسسسسسسسس

 

ابن ناس ذوااااااااااااات ماينفعش ياما ماينفعش دول ناس غيرنا خالص

 

ياابني هو انت شوية . انت خريج اعلام وصحفي واختك زينب مدرسة رياضة في مدرسة ثانوي

 

هههههههههه كل ده مش مهم . المهم الحسب والاصل يا امي . الاستاذ علاء ده يوم ما يتجوز لازم يتجوز برنسيسة بنت ذوات زيه . احنا فين والناس دي فين ياما . خلينا في حالنا .

 

 

على رأيك يا ابني

 

 

ابويا رجع من الورشة ولا لسة

 

لسة والله يا حبيبي . عنده اوضة نوم لازم تتسلم بكرة وشغال فيها هو والصنايعية . انت عارف ان الحاج حسين صاحب الورشة مأمنه عليها وسايب الشغل كله في ايده

 

 

طيب يا اما هدخل انام انا شوية وارتاح عشان تعبت اوي النهادة . خدي ياما 100 جنيه اهيه عشان الدروس بتاعة رانيا . دي ثانوية عامة ومش عايزين نقصر معاها

 

 

الله يكرمك يا حبيبي ويوسع عليك . الاستاذ سألها على الفلوس مرتين واتكسفت قدام زمايلها

 

 

معلش يا اما . بكرة الحال يتصلح . ربنا يقدرني واقف جنب اخواتي

 

يا حبيبي يا ابني .الله يرضى عليك يا نادر يا ابني

 

 

 

 

 

 

 

 

 

 

 

 

 

ترررررررررررررررررررررررررررن ترررررررررررررررررررررررررررن

 

مين

 

 

افتحي يا ماما انا مطيعة

 

 

مطييييييييييييعة حبيبتي ههههههه تعالي يا ست الصحافية الكبيرة ههههههههه

 

يووووووو هو انا كل اللي يشوفني يتريئ علية ولا ايه ! ازيك يا ماما

 

ازيك يا حبيبتي تعالي احكيلي عملتي ايه في المجلة

 

 

اووووووووووووووووووف خنقة خنققققققققققة

 

يا حفيظ يارب . مالك يا بنت

 

 

قابلت اللي اسمه علاء فكري ده اعوووووووووووذ بالله راجل متكبر ومؤررررررررف

 

مش ممكن يا ماما غطرسته وعجنجهيته بيتعامل مع الستات من طراطيف مناخيره

 

هههههههههه احكيلي حصل ايه

 

 

دخلت عليه مكتبه الغير عادي طبعا . مكتب فخمممممممم جدا يا ماما ومكيف والاستاذ قدامه قلم دهب لزوم العياقة

 

ولابس لبس فخم وغالي لا يقل كدة عن 3000 جنيه ولا النضارة البوليس اللي حاططها ع المكتب

 

ولا الموبايلات . عنده يجي ست مويابلات يا ماما وانواعهم مش عادية ولا عربيته يا ماماااااااااااااااا

 

 

مش ممكن . الراجل ده اكيد تاجر مخدرات

 

ههههههههههههههههههههههههههههههه يا بنتي حرام عليكي . انتي روحتي المجلة تشتغلي ولا تحسدي الراجل على نعم ربنا هههههههههههه

 

 

اصل ده ثراء مش طبيعي . جاب الفلوس دي كلها منييييييييييييين . يصبر علية ان ما بلغت عنه المدعي الاشتراكي ما بقاش انا مطيعة

 

ههههههههههه انتي كارهة الراجل من اول يوم شغل ! يبقى هتتعاملي معاه ازاي بعد كدة

 

 

مش عايزة اتعامل معاه . انا مالي وماله . انا في حالي وهو في حاله . بابا فين يا ماما

 

 

بابا يا ستي راح يستلف قرشين من عمك نمشي بيهم حالنا . انتي عارفة ان من ساعة ابوكي ماطلع معاش واحنا مش عارفين نعيش . ولولا الفيلا دي تمليك وابوكي وارثها كنا اتبهدلنا في الشقق الايجار

 

 

 

اوووووووووف الحمدلله اننا طلعنا بالفيلا دي

 

 

والله بنفكر نبيعها يا مطيعة ونشتري شقة صغيرة على قدنا

 

لالالالالالالالالالالا الفيلا ما تتباعش يا ماما . دي عملالنا قيمة في المجتمع . هنبقى لا فلوس ولا قيمة كمان اووووووف

 

 

احضرلك العشا

 

عندك عشا ايه يا ماما

 

هيكون عندي ايه يعني . فوووووووووول

 

 

لالالالالالالالالالالا كرهته كرهتتتتتتتتته بكرهه اكتر ما بكره علاء فكري . شوفي بقى يبقى بكرهه اد ايييييييه

 

 

 

هههههههههههه هتتعشي ايه طيب

 

 

مش هتعشى هنااااااااااااااام الحمدلله

 

 

 

طيب بصي انا كنت شايلة حتة جبنة لوقت عوزة هقوم اجيبهالك

 

 

ربنا يخليكي يا ماما . دايما بتضحي عشان نعيش

  • معجبة 6

شارك هذه المشاركه


رابط المشاركه
شارك

استاذ مختااااااااااااااااااااااااار حمدالله ع السلامة

 

 

هههههههههه الله يسلمك ياراضي . استاذ علاء موجود

 

 

ايوة موجود

 

 

طب خليه يعدي علية في مكتبي

 

 

حاضر يا استاذ مختار

 

 

 

 

 

 

 

 

 

 

 

استاذ مختاااااااااااااااااااااااااااااااار هههههههههههه ليك وحشة يا كبير ههههههههه حمدالله ع السلامة

 

ههههه الله يسلمك يا كينج اخبارك ايه

 

هههههههه كل الناس تقول يا كينج لكن انت تقول يا ولد يا علاء ههههههه افضالك علية ما تتنسيش يا استاذي

 

 

الله يكرمك يا إبني . لا افضال ولا حاجة . والدك الله يرحمه كان من اعز اصدقائي والله . وياما كان ليه افضال علية وانا مهما عملت معاك مش هرد ولا جزء صغير من افضاله

 

 

الله يرحمه . قولي اخبار المؤتمر اللي كان في تونس ايه

 

 

 

والله ال .........

 

 

 

تن تن تن

 

 

ادخل

 

 

صباح الخير يا سيادة رئيس التحرير يا استاذ مختار الراوي ههههه

 

 

صباح النور ههههههه هو الصباح ليا لوحدي . هو انت مش واخدة بالك ان الاستاذ علاء فكري موجود ؟

 

 

هههههههه اصل نظري ضعيف . مش بشوف غير النجوم الساطعة وبس هههههههههههههههههه

 

 

ههههههه استاذ علاء منور زي الشمس اهو هههههه

 

 

معلش يا استاذ مختار اعذرها عشان نور الشمس قوي عليها وماتقدرش تفتح عينها فيه

 

 

 

بقى كدة !!!!!!!!!! طيييييييييب

 

ههههههههه ايه حرب الكلام اللي من تحت لتحت دي . حضرتك الصحفية الجديدة طبعا

 

أهاااااا انا الاستاذة مطيعة صبري يا استاذ مختار . واثقة ان وجودي هيكون مكسب للمجلة وارباحها هتزيد

 

 

ههههههههههههههههههههههههههههههههههههه طيب عن اذنك انا يا استاذي واسيبك مع وابل الفلوس اللي هيغرق المجلة ههههههههههههههه

 

 

هههههه اتفضل يا علاء يا ابني . اقعدي يا استاذة اهلا بيكِ

 

اهلا بحضرتك . والله انك راجل ذوق واخلاقك عالية جداااااااا يا استاذ مختار وانا سعيدة بالشغل مع حضرتك

 

 

الله يكرمك يا بنتي . انتي خريجة جديدة ؟

 

انا متخرجة من تلات سنين وكنت براسل مجلات برا وبنشر مقالات فيها

 

 

عظيم عظييييييييييم وبتكتبي في أي حقل ؟

 

بكتب في حقل الدفاع عن حقوق المرأة والتخلص من سطوة الرجل وغطرسته وتطهير المجتمع من العناصر الهدامة من امثال علاء فكري واشباهه وان شاء الله القضاء على امثالهم هيكون على ايدي

 

ههههههههه انتي جاية تحاربي بقى

 

انا جاية مدافعة ولست محاربة سيدي هههههه

 

 

شكل المجلة هتولع . علاء ما بيحبش النوعية دي من الكتابات وشكلنا هنقفل المجلة قريب ربنا يسترررررررررر

 

 

 

انا عضوة في جمعية نساء بلا قيود الي بترأسها الاستاذة روح الفؤاد مراد

 

 

عارفها ههههههه تشرفنا

 

 

الشرف ليا انا عن اذنك يا استاذ مختار عن اذنك اما اروح اكتب المقال الناري بتاعي ههههههههههههه

 

 

اتفضلي يا ستي . لك الله يا علاء يا فكري ههههههههههه الى الامام ايها المناضل هههههه

  • معجبة 1

شارك هذه المشاركه


رابط المشاركه
شارك

هههههههههههههههههه

 

اهلا ام ايه حبيبتي

 

اهلا اسروءة روح قلبي

 

 

منورين يا بنات

 

 

الحلقات لسة ما سخنتش ما تقلقوش هولعهالكو ان شاء الله هههههههههههههه

 

 

اتعرفوا على الشخصيات الجديدة وبكرة نكمل ان شاء الله

شارك هذه المشاركه


رابط المشاركه
شارك

علاء

 

أعجبني علاقته الطيبة مع أمه وبره بها

 

مطيعة صبري

 

شكلها هتصدعنا بشعارات التحرر والحريات.... وما إلى ذلك نشوف : ))

 

كريمة مظلوم

 

شكلها عسولة أتوقع منها مواقف طريفة ومُضحكة في الآحداث القادمة

 

نادر

 

شكله هيضرب طول المسلسل ^_____^

كل مقال وتحقيق بعلقة سخنة

 

مُتابعة يا هبهوبتي ()

  • معجبة 1

شارك هذه المشاركه


رابط المشاركه
شارك

مبروووووووووووووك طلوع المسلسل للنور

والحمد لله تبعته من أوله

بس شكل الحلقه نار يا بنتى هتشعللى فيها ايه تانى

هههههههههه

سؤال بقى هو الكينج ده حفيه عفيفه وعلاء بك فكرى ولا دى طيف من الماضى

هههههههههه

مطيعه صبرى وكريمه مظلوم هموت واعرف بتجيبى الاسامى دى منين

هههههههههه

والاخت مطيعة دى شكلها بنت نجلاء ومدحت

بس جدتها هى اللى ربتها

هههههههههههههههه

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

 

الله عليييكي يا خالتو هبه

 

ربنا ما يحرمنا من ابداعاتك يااارب

 

متابعة (على استحياء .. او بمعنى آخر : من بعيد لبعيد)

 

بس حبيت يكون ليا الشرف اني اكون من أوائل المتابعين لكِ يا جمييييل

شارك هذه المشاركه


رابط المشاركه
شارك

جميل ياهبه

بس علش سؤال حيرنى

ليه بتكررى الاسماء

ولا زى ماقالت الاخوات

ان الشخصيات مرتبطه بالماضى

شارك هذه المشاركه


رابط المشاركه
شارك

علاء فكري

 

مش ده أخو مصطفي وحاتم وموني هههههههه

 

شفتي فكرة ازاي لسه

 

بس هو ساب الشغل مع ابوة ولا ايه ده كان مهندس هههههههههه

 

متابعه معاكِ يا قمر

 

واللي اسمها مطيعه دي هضربها أنا ههههههههه

شارك هذه المشاركه


رابط المشاركه
شارك

بداية مبشرة ماشاء الله حلقات رائعة جدا :) انا حسه ان المسلسل ده هيكون جامد جدا جدا لأن الفكرة جميلة ولأنك انتي اللي بتكتبيه طبعا ما احنا مطمنين علي المستوي من قبل كده هههههههههههههههههههههههههههه

 

ايه ده هو الأستاذ فكري والد البشمهندس علاء توفي الله يرحمه!!! هههههههههههههههههههههههه

 

لسه حسه اننا ايام السبعينات مش قادرة انسي بصراحه وخاصة بقه مع اسم الاستاذ علاء فكري بس طبعا دي شخصيه تانيه خالص

 

أتمني أقدر أتابع كويس إن شاء الله واعذريني ان قصرت في متابعتك حبيبتي بسبب الدراسة

 

وبالتوفيق يا غالية إن شاء الله

شارك هذه المشاركه


رابط المشاركه
شارك

ايه ده الحمد لله بقيت اعرف ارد من تاني باركولي :) :))

 

:D

 

اه كنت عايزة اسالك هبهوبه عن (نساء بلا قيود) دي هو فيه حاجات زي كده موجوده في العصر الحديث بتهيا لي الحاجات دي كانت موجوده ايام السبعينات ولا ايه؟؟

تم تعديل بواسطة روضة الجنه
  • معجبة 1

شارك هذه المشاركه


رابط المشاركه
شارك

هههههههههههههههههههه

 

 

منورين يا بنات

 

 

يا جماعة القصة دي منفصلة وطبعا واضح جدا من الاحداث

 

 

مافيش علاقة بينها وبين القصص اللي فاتت في الاشخاص نهائيااااااااااااااااا

 

 

 

 

اسم علاء فكري ليه معنى عندي

 

 

علاء جاي من العلو

 

 

فكري جاي من الفكر الاسلامي

 

 

ومعناه ان الشخص المسلم لا يعلو الا بالفكر الاسلامي

 

 

 

التلات قصص

 

 

زوجتي والمفتاح

 

 

مراتي في السبعينات

 

 

زوجتي وحافة الهاوية

 

 

كلها تتحدث عن تحرير المرأة في مختلف العصور

 

 

ويبقى الفكر الاسلامي هو العالي والراقي والمرجع للشخصيات

 

 

 

دا الرد على سؤال تكرار اسم علاء فكري

  • معجبة 4

شارك هذه المشاركه


رابط المشاركه
شارك

علاء فكري

 

مش ده أخو مصطفي وحاتم وموني هههههههه

 

شفتي فكرة ازاي لسه

 

بس هو ساب الشغل مع ابوة ولا ايه ده كان مهندس هههههههههه

 

متابعه معاكِ يا قمر

 

واللي اسمها مطيعه دي هضربها أنا ههههههههه

 

 

 

هههههههههههههههههههههههه

 

بتهزري يا روح قلبي ؟؟؟؟؟؟؟؟؟؟؟؟؟؟؟؟؟؟؟

 

 

لا يا ام لبابة طبعا

 

ومتهيألي واضح من الاحداث جداااااااااااااااا كوضوح الشمس ان الشخصية مختلفة

 

ولا ايه يا عسل ؟؟؟؟؟؟؟؟؟؟؟؟؟؟؟؟؟

 

 

مساءك فل

شارك هذه المشاركه


رابط المشاركه
شارك

ليا عودة للرد على الحبيبات ان شاء الله

 

 

نورتوا كلكو وماكنتش ناوية ارد النهاردة والله بس قولت ارد عشان اوضح معنى اسم علاء فكري

شارك هذه المشاركه


رابط المشاركه
شارك

السلام عليكم ورحمة الله وبركاته

 

مبارك المسلسل الجديد حبيبتي هوبة

 

بداية جميلة وممتعة والبت اللي اسمعا مطيعة ستاخذ من اسمها في نهاية المسلسل ان شاء الله :))

 

متابعة معك باقي الحلقات : )

شارك هذه المشاركه


رابط المشاركه
شارك

السلام عليكم ورحمة الله وبركاته

رااااااااااااااااااااااااااااااااااااااااااائع كعادتك وليس بجديد عليك يا قلبي

 

بيعجبني فيك

اختيارك لشخصيات المسلسلات تبعك

اول ما قرات علاء فكري حسيت اني فرحانه حسيت انه هيكون شخص كويس

ما بعرف بس جاني شعور بالفرحه

 

 

المسلسل شكله جامد من اوله لان عصرنا دا في عجب العجاب يا بنتي

 

واولهم تاخر الزواج الي انت وضحتيها من البدايه

والبنات اغلبهم الوقتي انا عايزة اتجوز وهي الي تسال على العريس

:))

 

كريمة حبيبتي تبعي دي

 

 

 

نادر مستغرب من ال 500 جنيه

والله في الايام دي بتدفعيهم بس في شوربه السي فود لوحدها من غير رز او سمك او جمبري

 

متاابعين يا غالي

شارك هذه المشاركه


رابط المشاركه
شارك

السلام عليكم يا ست هبهوبه ^^

 

:D

حبيت أسأل هي مالها القصص كلها بتبدأ بـ زوجتي، مراتي ..

 

التلات قصص

 

 

زوجتي والمفتاح

 

 

مراتي في السبعينات

 

 

زوجتي وحافة الهاوية

 

مفيش واحده بتبدأ بزوجي مثلا O_o

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏من سورة النحل [99] ﴿ إِنَّهُ لَيْسَ لَهُ سُلْطَانٌ عَلَى الَّذِينَ آَمَنُوا وَعَلَى رَبِّهِمْ يَتَوَكَّلُونَ ﴾ لا يقوى تسلُّط الشيطان على الإنسان إلا مع ضعف الإيمان، وإذا قوي الإيمان ضعف تسلّطه. دُرَر الطَّريفِي

×