احنا بنشترى راجل

[بنوته مسلمه مصريه 458]

كتبه / عبد الرحمن ضاحى

 

الزواج في مصر قصة طويلة ومِكَعبلة أوي... بدايةً من "إحنا بنشتري راجل!"، لحد ما يبيع ويشتري في الراجل ويقوله: "امضيلي على القائمة ديه"... ومن أول "إحنا عايزنها بهدومها"... لحد الخناقة على مُلَل السرير وشفاط المطبخ.

هجيب من الآخر ومش هستعرض "البهرجة" و"الفشخرة" والعادات اللي ملهاش لازمة، اللي بتحصل في زيجات اليومين دول لأنكم أدرى مني بيها، ولكن هنوجه نصائح على السريع لكل واحد وواحدة على وش زواج.

بس قبل ما ننصح العريس والعروسة، عايزين نوجه نصيحة لوالدنا ووالدتنا...

ألف مبروك أولًا بمناسبة أن الأولاد كبروا وبقوا على وش زواج، وعقبال ما نشيل أحفاد أحفادكم، كنت عايز بس ألفت نظركم أن الزواج مشروع تكوين أسرة، يعني أهم حاجة الشخص اللي هيعيش مع بنتك أو ابنك، مُقدِّر شعوركم إنكم عايزين تزوجوهم أحسن زواج، وتجيبوا لهم أحسن فرش وأجهزة، لكن الحاجات دي مش هتفيد لما تشوفهم متكدرين، فبلاش نخسر ناس كويسة علشان شوية خشب أو أجهزة أو شروط عجيبة، زيجات كتير فشلت للأسف لما بصينا لها على أنها "صفقة"، لدرجة أنه يُقال "هي فلانة اتجوزت بكام؟! "، ومفيش أحسن من معيار الرسول - عليه الصلاة والسلام - في الاختيار، قال: «إذا جاءكم من ترضون دينه وخلقه؛ فزوجوه، إلا تفعلوه؛ تكن فتنة في الأرض وفساد عريض» [رواه الترمذي وحسنه الألباني].

 

النصيحة التانية بأه... طول ما انت بتعمل الصح إوعى يهمك كلام الناس ومنظرك والكلام ده، يعني يا ريت تنسى خالص جملة "الناس هيقولوا علينا إيه؟!"، و"نجيب لها زي بنت خالتها"؛ علشان صدقني الناس مش هترضى عنك، حتى لو عملت لهم المستحيل، وكده كده "هَيْفَطَّسُوا" في الجوازة على قد ما يقدروا، فتوكل على الله، وجيب من الآخر واعمل الصح، وارمي كلام الناس ورا ضهرك، وهفكرك بالأثر القائل: «لا تكن كالإمعة؛ إن أحسن الناس أحسنت، وإن أساؤوا أسأت، ولكن وطِّنوا أنفسكم، إن أحسن الناس أن تحسنوا، وإن أساؤوا ألا تظلموا».

جينا بأه لنصيحة العروسة...

أولا: مبروك يا عروسة، حتى لو مش مخطوبة لسه!

ثانيًا: يا ريت تغيَّري نظرتك للزواج خالص، بلاش نظرية "ظل راجل ولا ظل حيطة" اللي بوَّظت الدنيا ديه، للأسف بنات كتير بتقبل بأي حد والسلام؛ علشان متبقاش هي اللي "عنّست" وسط صاحباتها، وللأسف نظرتها الضيقة ديه كأنها بتُصدِر في حق نفسها حُكم بالإعدام، الزواج عِشرة عمر، بيت وأولاد وحياة، الناس اللي انتي عاملة حسابهم دلوقتي ممكن ميكونوش في حياتك أصلا بعد 10 سنين، فيا ريت توسعي رؤيتك للموضوع".

حاولي تتبّسّطي وانتي بتشتري جهازك وعفش بيتك، بلاش "العشروميت" طقم اللي في المطبخ اللي بيتركنوا في الآخر ويلموا تراب وبس! حاولوا كمان تخففوا من العفش اللي بيعمل زحمة على الفاضي في البيت، وعلى فكرة ديه مش دعوة للبخل، ديه دعوة للبساطة.

 

المهم ابعدي عن التكلف قدر الإمكان، أما بخصوص الفرح؛ فمِش لازم يتعمل في الفندق الفلاني اللي بـ 30 و50 ألف، انتوا لسه بادئين حياتكم وأولى بالفلوس ديه. ممكن نعمل فرح في مكان متواضع، وكويس أو توفروا الفلوس ديه وجربوا تقضوا أسبوع في سفرية جميلة وتعيشوا يومين زي الفل.

وبصراحة كده أغلب اللي هيحضر الفرح بيقعد برده "يفَطَّس" فيه قدر الإمكان "شوفتي كانت لابسة ايه؟!"، "شوفتي الأكل وحش إزاي؟!"... وكلام من ده، وإحنا جايين نهدي النفوس!!

 

أما بأه الباشا العريس...

فمبروك برضه، وربنا يعينك على المسؤولية الكبيرة. خلاص بأه انسى "السنكحة" في الشوارع، وركز في اللي جاي. أنت بتختار شريكة حياة، مش مجرد واحدة هتقضي معاها أيام حلوة في كلام حب وخروجات والسلام!

زي ما انت مش كامل، مفيش بنت كاملة، ومش هتلاقي الجمال، والأخلاق، والدين، والنسب، والمال، وخفة الروح، وجميع المواصفات المنشودة في إنسانة واحدة؛ علشان مفيش إنسان كامل.

أهم حاجة هفكرك بيها وصية نبينا محمد - صلى الله عليه وسلم -: «فاظفر بذات الدين؛ ترِبَتْ يداك» [رواه البخاري].

 

نهايته... موضوع الزواج في مجتمعنا مشكلته في "التكلُّف"، لدرجة إن احنا بقينا عاملين زي بني إسرائيل، كانوا بيصعبوا على نفسهم في السؤال عن البقرة، وربنا يصعب عليهم أكتر!

خليك بسيط... وربنا يتم على خير.

[هبة نور 2043]

الموضوع رائع جدا واسلوب التناول مختلف وبسيط

 

 

واجمل حاجة فيها نصيحة كل اطراف الزواج

 

 

الاهل والعريس والعروسة

 

 

فعلا اغلب الناس مش بتتساهل في الطلبات وبيثقلوا كاهل العريس بحاجات مالهاش اي لزمة

 

 

بس عشان الفشخرة الكدابة والجيران مايقولوش حاجة ههههههههههه

 

 

وبصراحة برضو الجيران حاشرين مناخيرهم في كل حاجة

 

 

اعرف واحدة اتقدملها صاحب سوبر ماركت والبنات اللي في سنها قعدوا يقولوا ياترى هيجيبلها الشبكة جبنة فلامنك ولا جبنة رومي ههههههههه

 

فالبنات اتغاظت وخلت اهلها يطلبوا من العريس شبكة ما حصلتش ولا هتحصل عشان الجيران يتكبسوا هههههههه

 

 

ربنا يتمم بخير للجميع ويرزق البنات بالازواج الصالحين آمين

 

 

تسلم مجايبك يا لولو

 

 

عقبال عندك يارب ونفرح بيكِ عن قريب آمييييييييين

[**جودى** 23]

موضوع مهم بجد ويستحق المنا قشةانا مصرية وعارفة

بس بجد لغتك في الموضوع جميلة اوي

بشكرك بجد على عملك

وخلينا صحاب بقي

وجزاكي الله كل خيراختى الحبيبة

<3

[بنوته مسلمه مصريه 458]

الموضوع رائع جدا واسلوب التناول مختلف وبسيط

 

 

واجمل حاجة فيها نصيحة كل اطراف الزواج

 

 

الاهل والعريس والعروسة

 

 

فعلا اغلب الناس مش بتتساهل في الطلبات وبيثقلوا كاهل العريس بحاجات مالهاش اي لزمة

 

 

بس عشان الفشخرة الكدابة والجيران مايقولوش حاجة ههههههههههه

 

 

وبصراحة برضو الجيران حاشرين مناخيرهم في كل حاجة

 

 

اعرف واحدة اتقدملها صاحب سوبر ماركت والبنات اللي في سنها قعدوا يقولوا ياترى هيجيبلها الشبكة جبنة فلامنك ولا جبنة رومي ههههههههه

 

فالبنات اتغاظت وخلت اهلها يطلبوا من العريس شبكة ما حصلتش ولا هتحصل عشان الجيران يتكبسوا هههههههه

 

 

ربنا يتمم بخير للجميع ويرزق البنات بالازواج الصالحين آمين

 

 

تسلم مجايبك يا لولو

 

 

عقبال عندك يارب ونفرح بيكِ عن قريب آمييييييييين

 

لا الحاشريين كتير ههههههههههههه

طيب والجيران اتكبسوا لى كده ههههههههههه

والله يا هوبة التوازن حلو وخير الامور الوسط عموما

تسلمى حبيبتى :)

 

موضوع مهم بجد ويستحق المنا قشةانا مصرية وعارفة

بس بجد لغتك في الموضوع جميلة اوي

بشكرك بجد على عملك

وخلينا صحاب بقي

وجزاكي الله كل خيراختى الحبيبة

<3

 

جزاك الله خيرا جودى

بس مش أنا اللى كتبت الموضع على فكره : )

وأهلا بيك حبيبتى : )

[** الفقيرة الى الله ** 985]

وعليكم السلام ورحمة الله وبركاته

 

جميل.. ونصائح قيمة!

جزاكِ الله خيرا على النقل الطيب يا حبيبة.

[ساجدة للرحمن 2050]

السلام عليكم ورحمة الله وبركاته

موضوع جميل جدا ..وواقع نعيشه

الذي استغربت له _ أن الكاتب رجل _

بورك فيك يا حبيبة

وجزى الله خيرا فريقنا الهمام " أزاهير مورقة "

[ام بشار وعبد 83]

بورك فيك اختي

عندنا مثل يقول (البنت ما بدها الا العريس، ولما ييجي بتصير بدها كل شي) هههههههه

[**راضية** 1996]

المقال جميل و قيم و كلام في السليم

لكن لازم يتكتب عليه خاص مصري...

[هدوء الفجر 224]

وعليكم السلام ورحمة الله وبركاته

 

جميل.. ونصائح قيمة!

جزاكِ الله خيرا على النقل الطيب يا حبيبة.

[بنوته مسلمه مصريه 458]

وعليكم السلام ورحمة الله وبركاته

 

جميل.. ونصائح قيمة!

جزاكِ الله خيرا على النقل الطيب يا حبيبة.

الأجمل مرورك غاليتى : )

أمين وإياك حبيبتى

السلام عليكم ورحمة الله وبركاته

موضوع جميل جدا ..وواقع نعيشه

الذي استغربت له _ أن الكاتب رجل _

بورك فيك يا حبيبة

وجزى الله خيرا فريقنا الهمام " أزاهير مورقة "

 

وعليكم السلام ورحمة الله وبركاته

الأجمل مرورك سجودة منوره ^^

ليه الاستغراب؟!

اعتقد هو بيبقى شايف اكتر من البنت ردود أفعال الكل

فبيسمع من أخته عن ردود أفعالها أو أفعال صاحبتها ، بيقدر يشوف ردود أفعال الأباء لما بيتقدم لحد أو حد بيتقدم لأخته

يعنى هذا تفسيرى والله أعلم

 

بورك فيك اختي

عندنا مثل يقول (البنت ما بدها الا العريس، ولما ييجي بتصير بدها كل شي) هههههههه

 

وفيك بارك الرحمن أم بشار

حلو المثل ده ههههههههههه

 

المقال جميل و قيم و كلام في السليم

لكن لازم يتكتب عليه خاص مصري...

مرورك الأجمل مودتى : )

ليه هو الكلام ده عندكم برضوا ^^

 

وعليكم السلام ورحمة الله وبركاته

 

جميل.. ونصائح قيمة!

جزاكِ الله خيرا على النقل الطيب يا حبيبة.

 

مرورك الأجمل هدوء : )