اذهبي الى المحتوى

المشاركات التي تم ترشيحها

تررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررن

 

التليفون بيرن يا خالتي شوقية

 

طب اني هنردوا , روحي شوفي اللي وراكِ يا بدور , الو

 

 

السلام عليكم يا خالتي شوقية

 

ههه اهلا يا سي احمد وعليكم السلام يا ابني

 

ازيك يا خالتي شوقية وحشاني والله هههههه

 

ان شالله تسلم من كل وحش يا حبيبي , والله اني نفسي نشوفوك , زعلت اوي لما جيت المرة اللي فاتت واني كنت في مشوار تبع الست سعاد

 

المرة الجاية تتعوض يا خالتي شوقية , اومال اابويا فين ؟ اصله ماجاش الشركة لحد دلوقتي

 

الست اوسا بتولد وابوك وامك معاهاااااااا

 

اوسااااااااا ! هي في مستشفى ايييييييييييييه

 

 

 

 

 

 

 

رررررررررررررررررررررررررررررررررررررررررررررررررررررررررررررررن

 

يا ربي مين تاني ع الباااااااااااااب , ما هو لو كان جوز اشجان مش هنا كنت قولت اشجان , ايوة مين براااااااا

 

اني اشجان

 

اشجان مييييييين

 

يا بهيرة افتحي , هنكونوا اشجان مين يعني !!!!!!

 

هههههه ايه ده ! هو جوزك طردك تاني !

 

هو جه من اساسه ولا عيني شافته ؟

 

ليه كدة ! ماجاش ليييييييييه ؟

 

بنته بتولد

 

هههههههههههههههههههههه ماشاء الله , والله وبقيتي جدة يا اشجان

 

جدة منين يختي ! انا مالي اني ! في جدة في الدنيا عندها 28 سنة !!!!!!!

 

بسيطة ولا تزعلي بدلي الارقام هيبقى عندك 82 سنة وتنفعي تيتة ههههههههه

 

لا يختي , انا ماليش دعوة , عادل هو اللي عجز وبقى جد ههههههه

 

طب ما احفاده هيقولوله يا جدو وانتِ مرات جدو تبقى تيتة برضو غصب عنك ههههههههههههههههه

 

ههههه طب يختي , تيتة تيتة , اني راضية بنصيبي

 

طب لما انتِ هنا ما جتيش من بدري ليه ؟

 

كنت بنرتبوا دولاب البت رحمة , البت قالبة الدولاب قلبة سووووووووودة , كل ما تعوز حاجة تشدها وتوقع بقيت الحاجات وبعدين تشيلها ترميها جوا الدولاب زي اللي بترمي زبالة

 

ما انتِ اللي غلطانة يا اشجااااااااان عوديها ع النظاااااااااام , انما انتِ مدلعالها اخر دلععععععع

 

يختي ندلعوها وماله , هو اني عندي غيرها ! هتروحي عند امك امتى ؟

 

لما العيال يجوا هاخدهم وانزل , ما تيجي معايا

 

لالالا اني ما قولتلش لعادل اني نازلة

 

طب ما تتصلي بيه وقوليله

 

نتصل بيه فيييين ! دا اكيد مع البت اوسا في المستشفى , خلاص بقى , روحي انتِ بس ما تغبيش يا اختي

 

 

الساعة 8 بالكتير ان شاء الله اكون هنا

 

طب خلاص , اني هنجيبوا رحمة ونسهروا معاكِ ومع العيال لحد جوزك ما يجي

 

تآنسي وتشرفي يا اختي ههههههههه

 

 

 

 

 

 

 

 

 

 

 

اوسا مراتي حبيبتيييييييييييي فين اوساااااااااااااااا

 

تعالى يا سامي , اهو سامي جه اهو يا مرات ابني ههههه تعالى شوف البت بنتك الحلوة دي

 

اني البت ما تهمنيش , المهم عندي امهااااااااااااا , ازيك يا خالتي

 

 

اهلا يا سي ساااااااااامي , توّك ما افتكرررررررررررررررت

 

معلش يا خالتي , اني ما كنتش نعرف ,اوسا حبيبتييييييييييييييي

 

اهئ اهئئئئئئئئ تعبانة يا ساااااامي

 

ههههه معلش , تعيشي وتاخدي غيرها , اومال بنتي حبيبتي فين

 

ماهي قدامك اهيه يا ولا نايمة في سريرها

 

هههههههه اهلاااااااااا شرفتيناااااااااااا انا ابوكِ يا حلوة , البت حلوة يا اوساااااااا , الحلو ما يجيبش الا الحلو يا حلو , هي اوسا مالها يا خالتي

 

تعباااااااااااانة فاتحين بطنهاااااااااااا , عايزها تبقى عاملة ازاي يعني !

 

معلش يا خالتي , اجر وعافية ان شاء الله , اومال فين جوز خالتي

 

في الحسابات بيسددهااااااااا

 

الحمدلله نفدنااااااااااااا

 

بتقول ايه يا جوز بنتي ؟

 

بقول ليه بس كدة ! كان استناني لما نيجي وندفعوا اني بداله

 

احنا فيها يا جوز بنتي , شوفه دفع كام وسددهومله

 

هاااااااااا أأأأأأ لالالالا اصل انا ما عملتش حسابي , اول ما سَمَعت ان اوسا بتولد جبت جري وما عملتش حسابي في الفلوس , حمدالله ع السلامة يا اوسااااااااااااا هههههههه

 

 

 

 

 

 

 

 

 

 

 

 

ابويا اهو قاعد في الاستراحة , يا حااااااااااج السلام عليكم

 

اهلا يا احمد يا ابني وعليكم السلام

 

اوسا عاملة ايه

 

اوسا تعبانة والله , لا مسكن نافع ولا دكتور نافع , مش عارف نعملوا ايه

 

الله ! طب يعني ولدت ؟

 

ولدت قيصري وجابت بت بس تعبانة اوي زي ما قولتلك

 

طب عن اذنك هندخلوا نشوفوها

 

ادخل يا ابني

 

 

 

السلام عليكم يا جماعة ازيك يا امي ازيك يا خالتي اهلا يا سامي

 

وعليكم السلام ههههههه ازيك يا ابن اختي

 

 

ازيك يا احمد

 

ازيك انتِ يا امي

 

ههههه ازيك يا ابن خالتي , عقبال ما نفرح بيك لما تبقى اب زيي

 

مبروك يا سامي

 

الله يبارك فيك هههههه

 

اوسااااااااااا عاملة ايه يختي ؟

 

 

اهئ اهئ اهئ تعبانة اوي يا احمد اهئ اهئ تعبانة وماحدش عارف يعملي حااااااااجة

 

الله ! طب يعني مش الم عادي من اثر الجرح

 

لالالالالا اهئ اهئ اني حاسة انه اكبر من كدة اهئ اهئ حاسة زي ما تكون حاجة كبيرة

 

لا كبيرة ولا حاجة , انتِ زي الفل يختي , اني هنروحوا نجيبوا الدكتور يشوف مالك

 

 

 

 

شايفة يا توحا , الولا حنية الدنيا فيه , مش مستحمل يشوف اخته بتتألم

 

انتي هتقوليلي على احمد يا سعاد ! احمد طول عمره طيب وقلبه حنين

 

 

والله احمد ابن خالتي ده مهولاتي , بيهول كل حاااااااجة , ماله عمال يجري ع الدكاترة زي ما يكون بعد الشر في حاجة

 

 

بدل ما تشكره يا جوز بنتي ان قلبه على اخته اللي هي مرااااااااتك , الاولى بيك انت اللي كنت تجري ع الدكاترة عشان تخفف الم مراااااااااااااتك

 

ربنا اللي بيخفف يا خالتي , اكفروا بقى عشان تروحوا جهنممممممممممممم

 

ربنا يجعلنا من بركاتك يا مؤؤؤؤؤؤؤمن

 

ااااااااااااااااه ماماااااااااااا اهئ اهئ اهئئئئئئئئئئ تعبااااااااانة

 

خلاص يا اوسا , اخوكِ احمد راح يشوف الدكتورررررر

 

 

 

 

 

 

 

 

يا دكتور بنقولولك اختي تعباااااااااااانة

 

يا استاذ ده امر طبيعي بعد العملية

 

لا , اني شايفها تعبانة اوي , وحضرتك مش هتخسر حاجة لما تيجي تشوفها وتطمنا عليها

 

طيب حاضر , اديني هنروحوا معاك اهو عشان تطمن

 

 

 

 

 

 

الدكتور جه يا اوسااااااااااااا

 

طب من فضلكو اطلعوا برا كلكوا عشان هكشف الجرح

 

يكون احسن برضو , يلا يا امّااااااااا يلا يا خالتي

 

لا , اخرجوا انتو كلكوا , اني هنقعدوا مع بنتي

 

على راحتك يا خالتي , يلا يا احمد

 

طيب , اني مستني برا يا امي

 

ماشي يا احمد

 

 

 

 

 

 

 

 

مممممممم فعلا بطنها مش طبيعية , انا هعمل اشعة عشان اشوف في ايه

 

 

اشعة ! انتو عملتوا ايه في بنتييييييييي

 

استني بس يا مدااااااااااااااام , انتظري لما نشوف النتيجة , انا هبعت الممرضات ياخدوها على الترولي عشان نعملها اشعة

 

ايّوووووووووووووووووه والتعبانة اللي فاتحة بطنها دي تتحمل شيل وحيط كل شووووووووووية

 

 

عن اذنك يا مدام

 

اووووووووووووووووف , باين عليها مستشفى زبااااااااااااااالة , هي دي بقى المستشفى اللي كنتي هتتجنني عشان تولدي فيها يا اوساااااااااا !!!!!!!!!

 

ااااااااااااه اهئ اهئ تعباااااااااااااانة اهئ اهئ

 

 

 

 

 

 

 

 

 

 

 

 

 

 

 

شوقيييييييييييييية انتِ يا ولية يللي اسمك شوقيييييييييييييية

 

 

اهو اشر خلق الله نازل بعبايته وعلبة السجاير والولاعة في ايده والسلسلة الدهب في صدره , كأن شيطان نازل ع السلم اعوذ بالله منه , ايوة يا سي ادهم , صباح الخير

 

صباحك زي وشك , امي فين مش سامعلها حس ولا اوسا ولا أي مخلوق

 

الست اوسا بتولد , انت ما دريتش بيهم وهما نازلين ؟

 

ههههه بتولد ! اني نايم ولا دريان بحاجة , حضريلي الفطاااااااار

 

فطار ! مش هتروح تطمن على اختك في المستشفى

 

واني ايه يوديني عند واحدة وااااااااالدة ! هنغيروا الكوافيل للمولود ولا هنقولوله حلقاتك برجالاااااااااااتك , امشي انجري حضري الفطااااااااااااااار

 

حاضر يا سي ادهم , سبحان الله , سي احمد اول ما عَرَف اتخض على اخته واتلهف عليها وجري ع المستشفى وده ولا كأن اللي بتولد دي اخته ! خسارتك يا احمد في الاخوات السّو دوووووووووول

 

 

 

 

 

 

 

 

 

 

 

 

 

عن اذنك يا امي , اني رايح نشوفوا نتيجة الاشعة

 

طيب يا احمد , تاعبينك معانا

 

تاعبيني معاكو يعني ايه ! اوسا دي اختي وحتة مني , عن اذنك يا امي

 

روح يا ابني اااااااخ ياني الولا ادهم ولا عبرنااااااااااا , طيب يا ادهمممممممممم

 

تلاقيه نايم يا سعاد ولا دريان

 

 

 

 

 

 

 

 

 

 

 

عايز اعرف نتيجة الاشعة يا دكتور

 

ممممممم في الحقيقة مش عارف اقولك ايه , احنا اكتشفنا اننا نسينا في بطنها فوطة

 

افندمممممممممممممممممممم ! حضرتك بتهزر ؟؟؟؟؟؟؟؟؟؟؟

 

وانا ههزر معاك ليه يا فندمممممممممم ! دي حاجة بتحصل كتير , ما تشغلش بالك

 

يعني ايه بتحصل كتيررررررررر , بالله عليكو انتو دكاترة انتوووووووووووووو

 

لالالالالا ما اسمحلكش بالإهانة والتجريح يا استاااااااااذ , الطاقم الطبي عندنا من ابرع الأطباء في العااااااااالم

 

قصدك من اسوأ الأطباء في العااااااااالم , والله انخرجوا من هنا على قسم البوليس نقدموا فيكو شكوووووووووووى , عشان تتهاونوا بأرواح الناس اوي كدة , عن اذنككككككككككك

 

استنى يا استاذ يا استاااااااااااااااذ , ايّووووووووووووووووووه , حضرولي اوضة العمليات وخدوا المريضة عشان نفتح بطنها تااااااااااااااااني

 

 

 

 

 

 

 

انت بتقول ايه يا احمد يا ابني ! كلام ايه دددددددده , يعني ايه نسيوا فوطة في بطنهاااااااا اني هنوديهم في ستين دااااااااااااااهية , دكاترة دول ولا شوية بقرررررررر

 

خلاص يا حاج , من غير غلط , اني هنطلعوا ع القسم نعملوا محضر

 

دول المفروض يتولع فيهمممممممممم مش يتعملهم محضررررررررر هو اني دافع دم قلبي عشان يبهدلوا بنتي !!!!!!!!!!!!

 

 

طب بس يا حاج اني ما كنتش عايز امي تسمع , اهي سمعتك وجاية على هنا اهيه هي وخالتي توحا

 

 

ايه الكلام ده يا احمممممممممد هما عملوا ايه في بنتي

 

مافيش حاجة ان شاء الله , اهمالهم ده هيتحاسبوا عليه يا امي ما تقلقيش

 

الله يخرب بيوتهم يا شييييييخ ,حرام عليهم البهدلة دددددددي , هيفتحوا للبت بطنها تاااااااااااااااني , ده ايه المرار دددددددددده

 

خلاص يا سعاد يختي , نصيبها كدة هنعملوا اييييييييييه , سامي زعلان اوي وقاعد على جنب حاطط ايده على راسه من الزعل ومش قادر ينطق بكلمة

 

وهو من امتى ابنك بينطق ولا يصد ولا يرررررررررد , اخوها هيجيب حقها تالت ومتلتتتتتتتتت , اهو احمد مَشَى ورايح ع القسم , دا ايه البخت ده يختي ! هي البت اوسا راكبها الفقر والنحس لييييييييييه , يوم فرحها تتكفي على وشها وتتخبط في الرصيف دماغها تتفتح ويخيطوهالها , ويوم ما تولد ينسوا في بطنها فوطة ويفتحوا بطنها مرتيييييييييين , ايه يختي ده , هو حد داعي عليا وعلى عيااااااااااااالي

 

العين , العين يختي يكفيكو شر العيييييييييييييين , محسودين يا سعاد يختي محسوديييييين , خمسة وخميسة الله اكبرررررررررررررررررر

 

 

 

 

 

 

 

 

 

 

 

الحق يا جناب المديررررررر , اخو الست اللي ولدت اللي الدكتور سامح نسي في بطنها فوطة رايح القسم يبلغ

 

ايييييييييييييه ! الحقه الحقه يا حسن , سمعة المستشفى يا حسسسسسسسسسسسسن , وشوفلي الدكتور سامح فييييييييين هيتحول للتحقييييييق

 

طيب طيب , اهدا يا جناب المديرررررررررررررر

 

 

 

 

 

 

 

يا استااااااااااااذ يا استاذ استنىىىىىىىىىىىىىىىى

 

افندم , خيرررررررررر

 

استنى بس سعادتك , مير المستشفى عايزك

 

اسف والله , انا مش هتنازل عن حق اختي

 

 

اهو المدير جالك بنفسه

 

 

مساء الخير يا استاذ

 

اهلا

 

يعني انا بستسمحك يا فندم تلغي موضوع البلاغ ده عشان سمعة المستشفى ارجووووووووووك

 

ولو اختي ماتت كانت سمعة المستشفى هتنفعني !

 

يا فندم اختك الحمدلله كويسة وبخير , وانا والله ثم والله هحول الدكتور سامح للتحقيق هو وكل الفريق الطبي اللي عمل العملية

 

 

اسف والله , حتة انك تحول الدكتور للتحقيق ده شأن داخلي خاص بالمستشفى بتاعتك , لكن حق اختي هجيبه بالبوليس , لان لما انا اتهاون وغيري يتهاون يبقى منظومة الطب كلها هتنهاااااااااااار , اييييييييه ! هي ارواح المرضى لعبة

 

يا فندم ده خطأ طبي وارد , مش في المستشفى بتاعتنا بس

 

اسف , عن اذنك

 

اووووووووووووووووف , الله يخرب بيتك يا دكتور سااااااامح

 

 

 

 

 

 

 

 

 

 

 

 

 

 

 

اهئ اهئ فتحولي بطني مرتين يا مامااااااااااااااا اهئ اهئ

 

معلش يا اوسا , الحمدلله جت على قد كدة , بس احمد اخوكِ ما سكتش , راح عمل محضر بللي حصل وجه البوليس خد الدكاترة يحقق معاهم

 

اهئ اهئ بعد ايه يا ماما اهئ اهئ بعد ما شرحووووووووني اهئ اهئ

 

معلش بقى يا اوسا , هنعملوا ايه بس , الحمدلله انك كويسة والبت كويسة , هتسميها ايه ؟

 

اني لا عايزة نسموها ولا عايزة نشوفوها اهئ اهئ كفاية اللي جرالي بسببها اهئ اهئئئئئئئئئئئئئئ

 

بس خلاص بقى , العيلة المولودة ذنبها ايه ! هو جوزك راح فين ؟

 

اهئ اهئ قالي هيقعد في الاستراحة مع بابا

 

طيب , احمد اخوكِ جاي اهو

 

 

ها يا اوسا , عاملة ايه دلوقتي ؟

 

اهئ اهئ الحمدلله يا احمد , تعبتك معايا يا خويا

 

اخص عليكِ ! , ده كلام تقوليه برضو !فين البت ههههه اني اتلهيت فيكي وما شوفتش البت

 

اديلوا البت يا ماما

 

 

, سمي وخدها من ايدي يا احمد

 

بسم الله الرحمن الرحيم , ماشاء الله هههه امووووووه , ربنا يخليهالك يا اوسا ويقر عينك بيها , هتسميها ايه ؟

 

والله ما ليا نفس نسموها , لكن كنت عايزة نسميها نورهان

 

ههه جميل , ربنا يباركلك فيها , اني هنأذنوا في ودنها اليمين ونقيموا الصلاة في دونها الشمال زي الُسنة

 

 

 

 

 

 

 

 

 

 

 

اوسااااااااااااا ههههههه قاعد لوحدك ليه يا جميل

 

امي وخالتي برا في الاستراحة يا سامي وسبوني لوحدي

 

ههههههه ولا يهمك يا قمر , اني هنيجوا نقعدوا جنبك في السرير اهوووو

 

 

, شوفت اللي جرالي يا سامي !

 

هنقولوا ايه يا اوسا , اكيد ابوكي مش مسامحنا في الفلوس اللي دفعها , سميتي البت ايه ؟

 

قولت لاحمد هنسموها نورهان

 

نور هاااااااان ! ههههههه لو نور هان عليك مش هيهون علياااااااااا ههههههههههههههه

 

يا خويا انت هتتريئ ع اسم البت ولا ايه ؟

 

لا يا ستي , نتريئوا على ايه ! اهي بنتك وسميها زي ما انتِ عايزة , ممممم نورهان سامي مرشدي , تصدقي حلو يا بت ههههههههه

 

ههه الاسم حلو والبت حلوة اااااااه ياني , دكاترة عايزين ضرب النااااااااار

 

طب عن اذنك يا اوسا هنعملوا تليفون للشغل ونجولك على طووووووووول

 

 

واااااااااااااااااء وااااااااااااااااااء وااااااااااااااااااااااء

 

 

روح يا سامي , وناديلي ماما عشان تدي الرضعة للبت

 

حاضر يا اوسا

 

 

 

 

 

 

 

 

 

 

مامي يا ماااااااامي , دادة سعيييييييييييدة

 

 

اهلا يا ست منار ههههه

 

مامي فين ؟

 

فريدة هانم بتزور واحدة صاحبتها

 

ممممم وليد اتصل ؟

 

لا والله يا حبيبتي

 

شوفتي يا دادة اهئ اهئ انا قولتلك انه مش هيتصل اهئ اهئئئئئئئئئئ

 

يا حبيبتي انتِ كل الحكاية بقالك يومين بس ما اتصلتيش

 

اهئ اهئ , انا هتصل بيه يا دادة , اكيد دلوقتي في القسم

 

على راحتك يا حبيبتي

 

 

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررن

 

 

الو

 

مخاصماك

 

هههه ليه بس

 

يعني مش عارف ليه

 

لا مش عارف , في حاجة يا منار ؟

 

يعني اقعد يومين ما اتصلش بيك وانت ما تفكرش تسأل عليا ؟

 

عارف انك مشغولة بالترتيبات لعيد ميلادك وما حبتش اشغلك

 

يعني انت فاكر عيد ميلادي ؟

 

هه طبعا وجبت الهدية كمان

 

يا حبيبي يا وليد هههههههههههه وانا اللي فاكرة اني ولا على بالك !

 

هه ظلمتيني

 

ههههههههه يا حبيبي انتتتتتتتتت مش هظلمك تاني ابدااااااااااااااااا , مستنياك يوم عيد ميلااااااااااادي

 

اوكيه منار , اقولك باي باي عشان خارج عندي حملة

 

ههههه اوكيه حبيبي باي بااااااااااااااي

 

 

 

 

 

 

 

 

 

 

 

 

 

هنتصلوا بالفيلا ولو حد غير بدارة رد نبقى نتصرفوا

 

 

 

 

تررررررررررررررررررررررررررررررررررن تررررررررررررررررررررررررررررررررررررن ترررررررررررررررررررررررررررررررررررررررن

 

تليفون يا خالتي شوقية

 

طيب اني هنشوفوا مين يمكن الست سعاد تطمنا على الست اوسا

 

 

 

الو

 

يييييييي دي شوقية , اما نغيروا صوتي ايوة يا خالة , اديني بدور

 

انت مين وعايز بدور في ايه ؟

 

اني جوز اختها وعايزها ضروري عشان امها عيانة

 

امها عيانة ! طيب يا ابني لحظة واحدة , بدووووووووووووور تعالي يا بنتي جوز اختك ع التليفوووووووون

 

جوز اختي ! بس سلامة مامعهوش الرقمممممممم ! مممممم يكونس سامي واتزنق واضطر يقول كدة !

 

 

أأأأأأ هاتي يا خالتي شوقية

 

خدي يا بنتي , ربنا يطمنك على امك

 

امي !!!!! الو

 

هههههه ايوة يا غزال

 

هههه اني قولت برضو انك سامي ومتنكر هههههههه

 

هههههههه هو اني هنتنكروا لاعز منك يا جميل ! عاملة ايه وحشاني يا بدارة

 

ان شالله تسلم يا سامي , طمني اوسا ولدت ؟

 

ايوة , جابت بت سمتها نور .......... نوووووور .......... مش عارف , هو نور حاجة نور شمعدان نور كندهار مش فاكرررررر المهم ان بطنها اتفتحت مرتين

 

يا لهوي ! ليييييييييه

 

الدكاترة المية مية اللي دخلوا كلية الطب بمجموع متين في المية نسيوا في بطنها فوطة

 

يا قلبي يختي ! اسم الله عليها ! ليه بس الاذية دي اهئ اهئ اهئئئئئئئئئئئ

 

هههههه ايه يا بت يا ام قلب رهيف انتِ ! انتِ زعلتي على اوسا ؟

 

اهئ اهئ أي والله زعلت اهئ اهئ مش حرام يعني يفتحوا بطنها مرتين ! هو فتح البطن بالساهل لما يفتحولها مرتين ! اهئ اهئئئئئئئئئئئ عيني عليكِ يا اوسا

 

ههههههه يا سلام عليكِ يا بت يا بدارة , ونعم الضرة وربنا

 

طب يعني هي كويسة دلوقتي ؟

 

الحمدلله زي القردة

 

طب الحمدلله , اللي جابلك يخليلك يا سامي

 

ههههه ويخليك يا قمر , سلام بقى عشان اوسا ما تستعوقنيش

 

الله يسلمك اهئ اهئ اهئ

 

ايه يا بدور , هي امك عيانة اوي كدة زي ماقال جوز اختك ؟

 

اهئ اهئ اهئ لا بقت كويسة اهئ اهئ بس صعبت عليا يا خالتي شوقية

 

قلبك طيب يا بت , طب يلا عشان نكمل اللي ورانا

 

هنحصولكِ يا خالتي

 

 

 

 

 

 

 

 

 

 

ههههههههه حمدالله ع السلامة يا باهر يا حبيبي

 

ههههههههه الله يسلمك يا شيري يا حياااااااااااااتي , ازيك يا سما , وحشتيييييييييييني

 

وانت كمان يا بابي هههههه

 

عاملة ايه يا حبيبتي ؟ مبسوطة في مصر

 

ممممممممم لا

 

ليييييييييييه ! هههههههههه

 

مش حد بيفسحني , مش في غير المرجيحة

 

هههههه معلش يا حبيبتي , اصلهم مشغولين , انا هفسحك ولا تزعلي

 

 

يلا يا باهر حبيبي ننزل نقعد مع بابي ومامي

 

اوكيه , هاخد شاور وانزل على طول , اسبقيني انتِ وسما

 

اوكيه , يلا يا سما

 

 

 

 

 

حمدالله ع السلامة يا باهر يا إبني

 

هههه الله يسلمك يا عمي , ازيك يا طنط جيجي

 

بخير يا حبيبي هههه نورت مصر يا باهر

 

اشكرك يا طنط

 

اخبار شغلك ايه يا باهر يا إبني

 

الحمدلله , الشغل ماشي تمام , اومال وليد إتأخر كدة ليه ؟

 

ترررررررررررررررررررررررررن ترررررررررررررررررررررررررررررررررررن

 

هههههه اهو اخويا وليد جه اهو

 

ههههههههه طيب الحمدلله

 

 

 

 

باهرررررررررررررررررررررر هههههههههه جوز اختي العزيززززززززززززز بالحضن يا باهرررررررر ههههههههههههه

 

ههههههههه بالحضن يا وليد , واحشني والله

 

ههههههه انت اكتر , نورت مصر

 

 

ازيك يا سمااااااااااا ههههههه

 

زعلامة منك ومش بكلمك يا خالووووووووو وكمان هحبسسسسسسسسسك

 

يا خبرررررررر لالالالالالالالا ما اقدرشششششششش , انا مظلووووووووووم انا برييييييييييييئ انا ما عملتش حاجة يا حضرة الظابط سماااااااااااا هههههههه

 

هههههههه ايه يا سما يا حبيبتي , خالو عملك ايه في غيااااااااابي ؟

 

قالي هيوديني برج بتاع القاهرة ومش وداني يا باااااااااااااابي

 

ااااااه فعلا عندك حق تزعلي مني حبيبتي هههههه خلاص ما تزعليش , اوعدك اني هوديكي في اقرب فرصة بس اخلص موضوع شاغلني

 

مممممم اوكيه , انت هتيجي معانا يا بابي ؟ ههههههه احنا هنطلع البرج ونطير بلوناااااااااااااات

 

ههههه لا يا حبيبتي , روحي انتي وخالو طالما هو وعدك بالفسحة دي , انا اخدك مكان تاني وفسحة تانية

 

هههههه سما حبيبتي انا جدو حبيبك , خديني معاكِ ههههههههه

 

ههههههه تعالى يا جدو انت وتيتة

 

ههههه وانا كمان هتاخيني معاكِ زي جدو !

 

ايوة يا تيتة , انا خارجة العب على المرجيييييييييحة باي بااااااااي

 

باي باي يا حبيبة تيتة , روحي معاها يا عزيززززززززززززة

 

حاضر يا دكتورة جيجي , نورت الفيلا يا باهر بيه

 

هههه شكرا ليكِ دادة عزيزة

 

, وصلت امتى يا باهر ؟

 

من ساعتين بس يا وليد

 

اهلا يا سيدي , مصر نورت ههههههه

 

ههههه منورة بأهلها يا وليد , اخبارك ايه واخبار خطيبتك ؟

 

خطيبتي ! مممم كويسة

 

ههههههه ومالها بتقولها من تحت الضرس كدة !

 

على فكرة عيد ميلاد منار بعد بكرة يا جماعة هههههه جبت هدية لمنار يا وليد ؟

 

ايوة يا شيري , عمالة تزن على الهدية بقالها شهرين , عايزة تتباهي بالهدية قدام صاحباتها

 

ههههه حقها يا سيدي

 

 

 

 

 

 

 

 

 

 

 

 

 

 

مغازي باشاااااااااا

 

 

اهلا جيرمين , جيتي في وقتك , هااااااا قوليلي هقابل هاني زاهر ازاااااااي

 

هههه بسيطة اوي , انا روحت راقبته بنفسي وعرفت خط سيره كويس اووووووي , ولقيت انه يوميا بيروح يتغدا في مطعم قريب من قسم البوليس اللي بيشتغل فيه , يعني حضرتك هتروح صدفة طبعا وتشوفه هناك بمحض الصدفة ههههه وهتتفاجأ انه هناك بالطبع , لان الموضوع كله مش اكتر من صدفة

 

ههههههههههههههههههههه انتِ رهيبة يا جيرمين , لكن قوليلي ازاي راقتيه بنفسك ! ليه ما قولتليش وانا كنت بعتت واحد من رجالتنا يراقبه

 

وده معقول برضو يا مغازي باشا ! لالالالالا , احنا مش عايزين ولا جنس بني ادم يعرف الموضوع ددددده , الموضوع ده توب سيكريت

 

هههههه هايلة , برافوا عليكِ , حقيقي تفكيرك دايما يقظ وده سر اعجابي بيكِ

 

هههههه تلميذتك يا مغازي باشاااااا , هاااا , هتروح بكرة ؟

 

طبعاااااااااا , هو بيروح الساعة كام بالظبط

 

الساعة تلاتة بالدقيققققققققة بيدخل المطعم

 

طيب يا جيرمين , بكرة هروح في المعاد

 

 

بلغني بكل اللي حصل بينكو يا مغازي باشا

 

طبعا يا جيرمين , روحي انتِ لشغلك , ما تحوليليش أي مكالماااااااااات ماعنديش استعداد اتكلم مع حد لا في شغل ولا غير شغل

 

تحت امرك مغازي باشا , عن اذنك

 

اتفضلي يا جيرمين

 

 

 

 

 

 

 

 

 

 

 

 

 

 

اديني وصلت عند المطعم ههه فعلا هاني زاهر داخل المطعم اهو

 

 

 

 

 

ههههه المغازي واقف بعربيته بعيد وشافني وانا داخل ممممممم جرسووووووووون

 

 

تحت امرك هاني باشا

 

 

عايز اسباجيتي وستيك مشوي من فضلك

 

حاضر يا فندم

 

 

 

 

 

 

 

ممممممم اما ادخل اشوف ايه بيحصل جوا , هاني زاهر قاعد هناك اهو , اما اعمل نفسي داخل ادور على طرابيزة مناسبة واعمل نفسي شوفته بالصدفة

 

 

 

 

 

ههه المغازي جاي ناحيتي مممممم الاسباجيتي تجنن

 

 

 

ايه ده , معقوووووووول ! مش المقدم هاني زاهر برضو , ولا نظري خاني ؟

شارك هذه المشاركه


رابط المشاركه
شارك

بصراحه امانى دى اعوذ بالله من عماليلها وطريقتها ومش مقدره المريض وشغل زوجها

طريقتها تنرفز وتزهق

 

ونسرين دى ولا اسمها ايه مش عايزه اتكلم

بس تيته الحنينه ( :

 

 

قوليلهم سامي راح يخلص بضايع محجوزة في الجمارك ونَزَل قبل ما يعرف ان اوسا بتولد

 

بس ابوك لسه قايله انك نايم

  • معجبة 1

شارك هذه المشاركه


رابط المشاركه
شارك
وليد لابد ان يكون حازم فى قراره يختار اما ريم واما منار انما شغل العيال ده بلاش منه حلوة اوى دى كل شويه معاكسات فى التليفون او مابطلش هبلغ عنه

 

domenal.com_49.gif

شارك هذه المشاركه


رابط المشاركه
شارك

ازيكو يا حلوين يا كتاكيت يا طعمين

 

سارة محمد

 

وحشاني يا سوسو هههه , احساسك بوقع الحلقات والرعب اللي فيها يجنن هههههههه بحس ان الرعب اتنقلي انا كمان

 

مع اني لما بكتبها ببقى متقمصة الشخصية ومبرقة وتعبيراتي جامدة وبحس اني رئيسة عصابة ههههههههههه

 

منورة يا عسل

 

 

ام رقية

 

لا فض فوكِ ام رقية , يا مرحب يا اختي والله

 

فينك كدة من زمان , بينا وبينك كام ساحة في المنتدى ما ياخدوش عشر دقايق مشي ههههههه عارفة انك متابع يا جميل , بس نحبوا نشوفوا تعليقاتك برضو يا شابة

 

بحس عجبتيني النهاردة , عقبال كل مرة , كل شهر وانتي طيبة هههههه

 

اعتز بالاسلام

 

يا مرحب بالطيور المهاجرة اللي بتنزل ع الشط بتاعنا ترانزيت وتطير تاني ههههههه

 

الحمدلله انك تخلصتي من داء المتابعة الصامتة قبل ما يعملك مضاعفات هههههههههه

 

منوراني يا معتزة يا وزة , فعلا وليد لازم ياخد قرار حازم , بس يا ترى هياخد القرار بإيه ؟ هيبعد عن مين ويقرب من مين ؟ مممممممم نشوف في الحلقات الجاية ههههه ان شاء الله

 

ام المنذر

 

الحلقات بدري اهيه يا ام المنذر يا سكر , يارب تعجبك يا قلبي

 

الملتزمة المتفائلة

 

وعليكم السلام حبيبة قلبي

 

بارك الله فيكِ , اسعدتيني بالمتابعة حبيبتي

 

احب التعمق في تحليل الشخصيات بالفعل , جزاكِ الله خيرا وفي انتظار مزيد من تفاعلك حبيبتي

 

ام افنان المغير

 

حبيبتي ام افنان , مش هسهرك النهاردة هههههه ادي الحلقات بدري اهيه الحمدلله

 

ريحانة زوجي

 

شوشوووووووووو , روحي يختي دقي الهون لمولود اوسا هههههه

 

بكرة عيد ميلاد منار , ماتنسيش تجيبلها هدية فردة شبشب بوردة ههههههههههههههه

 

ام بشار وعبد

 

حبيبتي حاسة انك مخنوقة من عصام اوي هههههههه معلش يا ام بشار , استحملي , بكرة يتربى ان شاء الله ههههه

 

حواء ام هالة

 

حواويئوووووووو اختي حبيبتي منوراااااااااني , اهلا بشفلورة قلبي المنورة الحلقات هههههههه

 

اهو الشتا قرب وهنغرق شفلور كلنا ان شاء الله هههههه

 

نسرين زعلانة منك وبتقولك فيها ايه يعني لما اسيب ابني عيان وانزل , البوبي هياكله ؟ ههههههه ربنا يعافينا من الاشكال دي يا اختي

 

 

 

صفا

 

 

ازيك يا صفصوفة , سألتي سؤال قبل كدة عن صديقتي اللي كانت ترفض عرسان

 

والله يا اختي قعدت ترفض ترفض ترررررررفض وفي الآخر امها طلعت عمرة واتعرفت على واحدة وجابتلها عريس من تبعها

 

قعدت مخطوباله سنة بحالها وفي الآخر اتضح انه يكلم بنات ع الفيس ومطين الدنيا وكمان لا وضب شقة ولا جاب عفش , وفسخت الخطووووووبة هي صبرت عليه سنة عشان شبه مهند هههههههه اه والله ههههههههههه, تعالي يا ايام وروحي يا ايام , جالها واحد تاني بس مش شبه مهند , بس اضطرت تقبل عشان خلاص بقى وصلت ل33 بس عقابها انها اتجوزت وهي مش مقتنعة وندمانة جداااااااااااااااااا على الفرص الرائعة اللي ضيعتها , عندها بنت صغننة اسمها مريم عندها تسع شهور دلوقتي , ربنا يصلح احوال كل بنات المسلمين يارب آمين

 

 

 

اقدملكم فقرة جديدة اسمها التنويه عن المفقودين

 

 

ام اية

 

محبة صحبة الاخيار

 

 

يحبهم ويحبونه

 

امة الرحمن الرحمن

 

ام عبد الرحمن وجنة

 

قرآني حياتي

 

(مريم )

 

 

اللي يلاقيهم يوزع على حسابه صندوق ازوزة ههههههههه

شارك هذه المشاركه


رابط المشاركه
شارك

يا جماعة بكرة عيد ميلاد منار

 

مين هيجيب قنبلة يحطهالها في التورتة ههههههههههههه

 

 

اعياد الميلاد والاحتفال بيها مخالف للسنة

 

 

انزلي بفتوى يا ام العبادلة ههههههه

شارك هذه المشاركه


رابط المشاركه
شارك

الحمد لله ان الحلقات كبرت شوية صغننة :))

 

اهمال الدكاترة بقى حاجة صعبة اوي في مصر وللاسف المريض هو اللي بيدفع الثمن

 

 

الحنين حنبن سبحان الله بجد احمد شخصية رائعة

 

 

 

 

ياترى هدية وليد اية ممممممممممم ممكن يكون حجاب يا سلام :))

 

 

كتير من الرجالة زي عواد مراته تبقى راضية بيه رغم عيوبة وهو لا وميصدق ربنا يرزقه ويفتري

 

 

كفاية تعليق كدة لاني خلاص مش قادرة عقبال عندك كنت بعمل مكرونة بالتونة ودلقت علبة الشطة عليها كلها :( مهنش عليا تترمي كلها قلت اخد طبق والباقي بقى ربنا هو اللي عالم بيه :))

شارك هذه المشاركه


رابط المشاركه
شارك

انتى خوفتينى يا هبه من الم اوسا بس اطمنت لما عرفت انه بسبب الفوطه مش الولادة الحمد لله

بس هما كذا مره يقولوا ان الدكاترهه بينسوا حجات فى بطن الانسان هو ده حقيقى ؟

 

هههههه بهيره تضحك فى ردها على ناهد

بس انا كمان متضايقه ان ناهد جايه الشقه دى وكمان رايقه ولا على بالها جوزها متضايق

 

فهيمه كويسه وكلامها جميل فى ردها على زوجها

مش زى جوزها ، مش عارفه بيعملوا كده ليه

 

برضه عادل كان يصبر وميتصل باشجان دلوقتى

يودى بنته الاول المستشفى ويتصل بعدين

 

بدارة كويسه احب الناس يكون عندها ضمير واحساس حتى مع الناس اللى بتكرههم او ضدهم

شارك هذه المشاركه


رابط المشاركه
شارك

سارة محمد

 

وحشاني يا سوسو هههه , احساسك بوقع الحلقات والرعب اللي فيها يجنن هههههههه بحس ان الرعب اتنقلي انا كمان

 

مع اني لما بكتبها ببقى متقمصة الشخصية ومبرقة وتعبيراتي جامدة وبحس اني رئيسة عصابة ههههههههههه

 

منورة يا عسل

الله يكرمك يا هبه وانتوا والمنتدى والنت وحشنى فترة انقطاع النت ^^

هههههه انا فعلا ببقى خايفه

مره كنت بقرأ رعب هنا بس كان كل اللى فى البيت نايمين كنت خايفه وكل شويه ابص ورايا اشوف فى حرامى ولا لأ

هههههه اوعى تتحولى

ده نورك ( :

شارك هذه المشاركه


رابط المشاركه
شارك

حكم إقامة أعياد الميلاد

 

ما حكم إقامة أعياد الميلاد ؟

 

 

 

الاحتفال بأعياد الميلاد لا أصل له في الشرع المطهر بل هو بدعة لقول النبي صلى الله عليه وسلم : ((من أحدث في أمرنا هذا ما ليس منه فهو رد)) متفق على صحته .

وفي لفظ لمسلم وعلقه البخاري رحمه الله في صحيحه جازما به : ((من عمل عملا ليس عليه أمرنا فهو رد )) ومعلوم أن النبي صلى الله عليه وسلم لم يحتفل بمولده مدة حياته ولا أمر بذلك ، ولا علمه أصحابه وهكذا خلفاؤه الراشدون ، وجميع أصحابه لم يفعلوا ذلك وهم أعلم الناس بسنته وهم أحب الناس لرسول الله صلى الله عليه وسلم وأحرصهم على اتباع ما جاء به فلو كان الاحتفال بمولده صلى الله عليه وسلم مشروعا لبادروا إليه ، وهكذا العلماء في القرون المفضلة لم يفعله أحد منهم ولم يأمر به .

فعلم بذلك أنه ليس من الشرع الذي بعث الله به محمدا صلى الله عليه وسلم ، ونحن نشهد الله سبحانه وجميع المسلمين أنه صلى الله عليه وسلم لو فعله أو أمر به أو فعله أصحابه رضي الله عنهم لبادرنا إليه ودعونا إليه . لأننا والحمد لله من أحرص الناس على اتباع سنته وتعظيم أمره ونهيه . ونسأل الله لنا ولجميع إخواننا المسلمين الثبات على الحق والعافية من كل ما يخالف شرع الله المطهر إنه جواد كريم .

 

 

مجلة البحوث الإسلامية العدد الخامس عشر، ص 285 - مجموع فتاوى ومقالات متنوعة الجزء الرابع

  • معجبة 1

شارك هذه المشاركه


رابط المشاركه
شارك

بالنسبه لفتاوى الاذان فى اذن المولود هنا

http://islamqa.info/ar/150966

وهنا

http://islamqa.info/ar/136088

  • معجبة 1

شارك هذه المشاركه


رابط المشاركه
شارك

ريحانة زوجي

 

شوشوووووووووو , روحي يختي دقي الهون لمولود اوسا هههههه

 

 

بكرة عيد ميلاد منار , ماتنسيش تجيبلها هدية فردة شبشب بوردة ههههههههههههههه

 

كفايه عليها هدية وليد اللي هيفجرها فى وشها :ph34r:

عندي احساس انه هايسبها ويعلن عن فركشة الخطوبه

 

اعتقد ان شوقيه هتكشف أمر سامي وبدوروممكن متعرفش حد

 

مش عارفه مدام هدى هتعمل ايه لما تعرف بالمفاجعه اللي ناهد محضرهالها :blink:

 

نبيل ماشي مع التيار اقصد تيار ناهد مؤدب بيسمع الكلام -_-

 

سامي عنده ناخوة فظيعه قاعد يتفرج على الأحداث ولا كأنه غريب

شكل سعاد قلبت عليه يستاهل

 

يارت الست أوسا تخلي عندها حابة من اسمه ايه اللي لونه أحمردا -_-

وتعرف الفرق بين أحمد وادهم

 

مامة بهيره أخر روقان <3

شارك هذه المشاركه


رابط المشاركه
شارك

انا جيت يا حلوووووووين

بسرعة وزعوا صندوق الازوزة ههههههههه

ازيك يا هوبة وتسلم ايدك الحلقات كبرت انهارده حبه يا رب تفضل تكبر كده علطول اول حاجة ها اتكلم عن هديه وليد حاسه انها ها تبقى مفاجئة كبيييييرة وصدمة اكبر لمنار

وام بهيرة دى بقى عالم تانى الله يكون فى عونها ها تلاقيها من امها ولا حماتها يلا كفايه عليها اشجان مسليين بعض على الاخر .

وكمان نوال مش عارفة جوزها فرحان ليه هههههه علشان عاوز ياخد الخطوة الجريئة زى مرزوق واهم حاجة تقول انه عينه على عصمت ههههه هوا عاوز يخلص من يلوه يجيب عليها بلوة تانية هههههه...

واشجان بقى دى صعبانه عليا اووووى وجوزها ظالمها خالص هيا ها تفضل طول حياتها بالوضع ده يدوب ييجى خميس وجمعة واوقات مش يروح كمااااان ....

واوسا بقى الى شافته ده جزء من الى بتعمله فى الناس والتكبر الى عايشة فيه ربنا يهديها ويهدينا ويعافينا ...

شارك هذه المشاركه


رابط المشاركه
شارك

سارة محمد : اهلا بك اختي ، انا من فلسطين .. فلسطينية والاجر على الله ههههههههههههههههههه

فهيمة: اصيلة يا فهيمة اصيلة

عواد : عيب يا عواد ... عيب .. الستات اللي بتطلع عليهم لا يساووا شيء في ميزان الله عز وجل وارض بما قسمه الله لك واشكر لزوجتك تعبها معك ووقفتها الى جانبك ورضاها بالقليل وادعو الله ان يوسع رزقك عليك كي تعوّض زوجتك سنين الشقا والحرمان ....

سامي حقيقي ينطبق عليك المثل ((آآآآآآآه يا زمن الرجالة راحت فيه مشوار ومارجعتش تاني)) انا قرأته ولكن لا اذكر اين ، قد يكون من اقوال مبدعتنا هبه

احمد : عوض الرجال كلهم في المسلسل ههههههههههه او لالالا حرام اغلبهم مش كلهم

وليد : نريد منك قرارا جرئيا ولكن لا نسمح بأن تحرج منار امام صديقاتها (امساك بمعروف او تسريح باحسان)

شارك هذه المشاركه


رابط المشاركه
شارك

تقريباً أول مرة أفتح القصة دهين :D

بس ما شاء الله , جميلة جداَ ^___________^

 

طبعا مقرأتش حلقات كتير يمكن آخر كام واحدة بس ..

وما شاء الله عليكِ يا هبة الغالية مبدعة اللهم بارك : ))))

 

 

حبيبتي أم رقية

فرحت جداااااااااا إني شفتك هنا <3 .. ربنا ما يحرمناش من تواجدك بيننا <3

 

فقط تذكرة بسيطة

في الحلقات الطويلة لا تجعلن لسانكن يفتر عن ذكر الله : ))

يمكن العشر دقايق اللي بنقرآ فيهم الحلقة نذكر الله فيها مئات المرات بإذن الله : )))

 

 

ولفتت انتباهي أوي الكلمة دي

الدكاترة المية مية اللي دخلوا كلية الطب بمجموع متين في المية نسيوا في بطنها فوطة

يا قلبي يختي ! اسم الله عليها ! ليه بس الاذية دي اهئ اهئ اهئئئئئئئئئئئ

هههههههههههههههههههههههههههههههههههههههههههههههههههههه

الدكاترة غلابة جداً :)) ممكن الي يجيب مية في المية يخش سنة أولى فيبقى الأخير على الدفعة أو يشيل مواد عادي :))

 

بس مش كلهم وحشين , فيه ناس كتير جداً مجتهدين و بيبذلوا قصار جهدهم بفضل الله عشان ميخطئوش في حياة مريض :) .

وده الأغلب اللي بشوفه منهم ربنا يبارك فيهم ويحفظهم من كل سوء ويوسع رزقهم : ))

>قولوا آمين

تم تعديل بواسطة آلآء الله

شارك هذه المشاركه


رابط المشاركه
شارك

نسيت اعلق على عادل

لماذا يجب على اشجان ان تتحمل دائما وتدفع ثمن واجباتك تجاه بيتك الثاني واولادك؟ اوسا بنتك كان بامكانك اصطحابها الى المستشفى والاطئنان عليها ثم الذهاب الى اشجان ، اذهب عصرا او المغرب او اجل الى يوم الجمعة صباحا اما ان تلغي ذهابك كله فلا، الا يكفي انها متحملة بعدك عنها وتنتظرك طوال الاسبوع هي وابنتك ؟ ثم انك اوسا ماشاء الله الجميع حولها وزوجها اولى منك في مثل هذا الموقف اما اشجان فليس لها من البشر الا انت و(بهيرة )

يا جماعة لا ادري لماذا اتعاطف مع اشجان ، مع انني لا استوعب الزواج الثاني (اللهم اغفر لي وسامحوني اخواتي) ودائما اتعاطف مع الزوجة الاولى

شارك هذه المشاركه


رابط المشاركه
شارك
سارة محمد : اهلا بك اختي ، انا من فلسطين .. فلسطينية والاجر على الله ههههههههههههههههههه

ااه اهلا بيكِ وبأهل فلسطين من المسلمين ( :

  • معجبة 1

شارك هذه المشاركه


رابط المشاركه
شارك

بارك الله فيك.الحمدلله على سلامة اوسا مع اني كنت حابة سامي يدفع بس يلا خيرها بغيرها .يا رب يا هبة تطلعي من جلده المرة الجابة .

المشكلة الاتنين أسوأ من بعض اقصد اوسا وسامي .بس يا ريت اوسا تفيق وتنتبه ان احمد بيحبها صحيح وادهم بيضحك عليها .

ادهم ما بيحب الا نفسه حتى حبه لضحى مجرد شعور داخلي يرغب في تملك كل شيء بسبب تربية الدلع التي نشأ عليها فهو لو حصل على ضحى بسهولة ما احبها لكنه لم يستطع اخذها كما اعتاد من البنات اللواتي يعرفهن او التقى بهن وهذا ما يجعله متعلقا بها .متوهما حبه لها .

بهيرة ست رائعة وامها اروع بتفكر نفسها صغيرة .هههه.

نوال يا رب تنتبه لزوجها وتغير تعاملها معاه من اجل نفسها ومن اجل اولادها ايضا .يا رب ما تكون عاقبتها سيئة زي عصمت .

ناهد اشترت الشقة طيب ماذا تخبئين لنا ...

وليد اتوقع سيحضر هدية عادية و ستغضب منار لذلك وتشعر بالاحراج امام صاحباتها ووليد سيعتذر عن البقاء في الحفل بسبب وجود البنات مما سيزيد نقمة منار .لكن لا اظن هبة ستنهي العلاقة بينهما بسرعه .بعدين ولاء في الحفلة يمكن وجودها يسبب مشكلة مع منار..نحن بالانتظار ..

شارك هذه المشاركه


رابط المشاركه
شارك

تقريباً أول مرة أفتح القصة دهين :D

بس ما شاء الله , جميلة جداَ ^___________^

 

طبعا مقرأتش حلقات كتير يمكن آخر كام واحدة بس ..

وما شاء الله عليكِ يا هبة الغالية مبدعة اللهم بارك : ))))

 

 

حبيبتي أم رقية

فرحت جداااااااااا إني شفتك هنا <3 .. ربنا ما يحرمناش من تواجدك بيننا <3

 

ربنا ميحرمنيش منك يا لولو يا حبيبتي

 

فقط تذكرة بسيطة

في الحلقات الطويلة لا تجعلن لسانكن يفتر عن ذكر الله : ))

يمكن العشر دقايق اللي بنقرآ فيهم الحلقة نذكر الله فيها مئات المرات بإذن الله : )))

 

 

 

ولفتت انتباهي أوي الكلمة دي

الدكاترة المية مية اللي دخلوا كلية الطب بمجموع متين في المية نسيوا في بطنها فوطة

يا قلبي يختي ! اسم الله عليها ! ليه بس الاذية دي اهئ اهئ اهئئئئئئئئئئئ

هههههههههههههههههههههههههههههههههههههههههههههههههههههه

الدكاترة غلابة جداً :)) ممكن الي يجيب مية في المية يخش سنة أولى فيبقى الأخير على الدفعة أو يشيل مواد عادي :))

 

بس مش كلهم وحشين , فيه ناس كتير جداً مجتهدين و بيبذلوا قصار جهدهم بفضل الله عشان ميخطئوش في حياة مريض :) .

وده الأغلب اللي بشوفه منهم ربنا يبارك فيهم ويحفظهم من كل سوء ويوسع رزقهم : ))

>قولوا آمين

 

هما فعلا فيهم كويسين كتير بس للاسف في برضه وحشين كتير والموضوع مش مجموع خالص

 

في دكاترة وخدينها تجارة واسم اكتر من انها من اشرف المهن

 

ورينا شطارتك يلا خلينا نفتخر بيك ونقول د. الاء المشهورة دية من اخوات طريق الاسلام :)

شارك هذه المشاركه


رابط المشاركه
شارك

ريحانة زوجي

 

 

شوشوووووووووو , روحي يختي دقي الهون لمولود اوسا هههههه

 

 

 

بكرة عيد ميلاد منار , ماتنسيش تجيبلها هدية فردة شبشب بوردة ههههههههههههههه

 

كفايه عليها هدية وليد اللي هيفجرها فى وشها :ph34r:

عندي احساس انه هايسبها ويعلن عن فركشة الخطوبه

 

 

 

اعتقد وليد معندوش الجرأة على كدة ابدا

 

 

شكل هبة هتخليه يجيب هدية حلوة وتغيظنا احنا

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×