انا عايزه اتعلم الكريمه اللى بتبقى فى الجاتوه

[ساره أم حمزه 1041]

السلام عليكم

عايزه اتعلم طريقة الكريمه اللى بتبقى فى النصف بين طبقات الجاتوه

البنى والبيضه

جزاكم الله خيرا

[بنوته مسلمه مصريه 458]

وعليكم السلام ورحمة الله وبركاته

بصى يا سوسو فيه طريقتين

فيه طريقة الكريمة البودر والكريمة الخفق السائله

الكريمه البودر بتحطى حوالى كوب منها على ربع كوب سكر بودر أو أقل أو أزيد على حسب ذوقك انتى وضيفى عليها ربع كوب لبن مثلج أو ماء مثلج برضوا

واضربيها بالمضرب لو لقتيها تحتاج لبن تانى زودى واضربى لحد ما تحصلى على قوام متماسك وبعدين بتحطيها فى الفريزر تجمد كمان شويه علشان تكون سهله معاكى فى الحشو

كريمة الخفق السائله

دى بتبقى جايه زى اللبن كده بس تقيله شوية بتضربيها عالطول بالمضرب من غير اضافات وابقى تذوقيها لو محتاجه سكر ضيفى لها

لو عايزه اللون البنى للكريمة بتضيفى كاكاو أو شيكولا ولو عايزه اى لون تانى بتضيفى ملون طعام باللون اللى انتى عايزه

وممكن لو عندك شربات ورد تضيفى منه عليها بتديك اللون الوردى

تم تعديل 16 مارس, 2014 بواسطة بنوته مسلمه مصريه

[ساره أم حمزه 1041]

جزاك الله خيرا بنوته

طب بصى هو اللبن بيبقى متجمد يعنى ؟

[بنوته مسلمه مصريه 458]

مش متجمد خالص يعنى

أنا عن نفسى لما بعمله مش بيبقى مجمد بس ساقع

ده بيخلى الكريمة تتقل وتنفش معاك

[ساره أم حمزه 1041]

ااه ماشى إن شاء الله

جزاك الله خيرا <3

[ظِلّ زَهرَة 73]

وعليكم السلام ورحمة الله وبركاته

كيفك سرسورة

مثلما قالت لك بنوتة عن الكريمة شانتيي وبتضيفي عليها ملونات و نكهات اوكاكاو انتي واللي بتحبي

وأضيف لك هذه كريمة باتسيير

نصف لتر حليب مغلي نتركه جانبا، ثم نبدأ في خفق 3 أصفر بيض مع كأس متوسط سكر وملعقتين كبيرتين نشا درة والفانيلا ونحرك جيدا ثم نبدأ بإضافة الحليب مع التحريك ونرجع الكل للإناء اللي غلينا فيه الحليب ونضعه فوق النار وتكون هادئة مع التحريك حتى نحصل على كريمة ثم نضيف ملعقة صغيرة زبدة ونحرك ونطفئ النار ونستعملها بعد ان تبرد قليلا

ويمكن استعمالها وهي ساخنة في الطرطات

واتمنى الاخوات يدخلو ويفيدوك

[ساره أم حمزه 1041]

الحمد لله ازيك ام ابراهيم

جميل

جزاك الله خيرا <3