رواية في بيتنا ملتحي ,, لـــ روان صادق

[روان السلفية 2]

راااااااائعة جداااااا

بوركتي على نقلك ومجهودك

أحببتها كثيرا

 

 

ولاكن اين الباقي ؟؟ اتشوق لتكملتها :( :( :(

[أم لبابة بنت أحمد محمد 172]

الحلقه 12

من فـ بيتنا مبتحي

 

فـ هذه الليله

لا تسمع هاجر صوت احمد

 

ولا تدري مالسبب

من الممكن ان يكون نام مبكراً ليلتها

ولم يقراء القرءان

 

ومن الممكن انه قرر ان يقراء بصوت منخفض

 

لكن تسمع هاجر صوت غريب

وكآن احد يكسر شئياُ؟؟!!

لا تدري ماهذا الصوت

فتقرر ان تفتح النافذه

لتسمع أو تري أي شئ

فتـــــــــري شيئاً عجيباً

 

تري وكآنه خيال مجموعه من الأشخاص

متفرقون في البيت

فتحاول أن تري أي شئ

وتخرج رأسها من النافذه

فتسمع صوت غريب

الفضول يقتلها

تريد ان تعرف من هؤلاء

الأشخاص

تـسرع هاجر إلي غرفة حازم

وتطرق الباب وتوقظ حازم

قائله" حازم حازم... ألحق فـ ناس غريبه

تحت عند أحمد فـ البيت وكآنهم حراميه

أو حاجه الحق بسرعه يسرعه ياحازم

 

حازم متلهفاً طيب أستني أصحـي بابا

وأقوله ننزل سوا

 

يهرول حازم إلي غرفة أبيه

ويخبره بما أخبرته به هاجر

فيسرع الوالد فـ النزول إلي منزل احمد

فيري أمام باب المنزل مجموعه من عساكر الشرطه الملثمين

يحملون البندقيه والألي

ومجموعه اخري داخل المنزل نفسه وأثنان منهم

يقفا ويسألا حازم ووالوالد

" انتو تعرفو احمد ماهر.. وإيه علاقتكم بيه

 

الوالد بخوف وقلق" ده قربنا والبيت ده بتاعتي

واحمد عايش هنا قريب من الجامعة

فـ إيه احمد عمل إيه

وإيه السبب انكم تعمله كده ؟؟

وفين احمد أصلا

 

الظابط الملثم" أنت مالكش تسأل انت تجاوب وبـس

 

حازم" إزاي يعني ..أحمد طول عمره معروف أنه شاب محترم وكويس

 

الوالد يغمز لحازم حتي يسكت

 

الظابط" ماهو احنا هنآخده علشان هو شاب محترم وكويس

..

يخرج ظابط من الغرفه الخاصه باأحمد

ويوجه كلامه للظاابط الأخر

" ملقناش أي دليل يافندم

هناخد اللاب بتاعه ونشوفه هناك

والمتهم بره فـ المدرعه

 

طيب غمو عنيه ونادي باقي زميلك ويلا علشان منتأخرش

 

وبعدها يخرج الظباط الملثمين

بصمت

ويركب كلا منهم السياره ويغادرون المكان

 

كل هذا وحازم والوالد لا يستطعون ان يتكلمو

أو يسألو عن مكانه

فالمنظر الذي عليه الظابط

يثير الرعب

 

يسقط حازم عـ الأرض

ولا يستطيع الكلام

فيحمله الوالد بعد قوله" حسبي الله .. لاحولا ولاقوة إلا بالله

 

وفور وصول الوالد هاجر بلهفة شديده

فـ إيه يابابا؟؟

مين الناس دي

الوالد" هاتي لأخوكي كوبايه لمون وكتري السكر بس الأول

 

تسرع الأم " أبنـي ماله؟؟ حصل إيه؟؟

 

حازم يرفع رأسه قائلا" انا بخير ياماما .أحمد هو إللي مش بخير

 

الأم" إيه حصل إيه؟؟ ياساتر يارب ..

قال ياقعدين يكفيو شر الجاين

 

حازم بصوت به نبرة حزن شديده" قبضو عـ احمد ياماما

 

هاجر وهي تحمل الليمون مستعجبه" مين دول إللي قبضو عليه؟؟

ويقبضو عليه ليه؟؟؟؟؟

 

الوالد" محدش يعرف أي حاجه؟ انا مش عارف هقول إيه للحج ماهر؟؟

ولا سعيد إللي المفروض هيجـي بكره

مش عارف إيه إللي حصل

منظر الناس فعلاً يخوف

احمد غمو عنيه وحطو فـ مدرعه كبيره

 

الأم" اكيد عمل حاجه مخلفه ..أكيد عمل شئ مش كويس

 

حازم" لا ياماما وده إللي انا متأكد منه

احمد شاب كويس ...

 

الأم"... الحمدلله إنك طلعت تنام هنا

لو كنت تحت كان ممكن أخدوك انت مكانه

 

هاجر" طب ماتنزل تشوف اللاب بتاعه عليه إيه

مش ممكن يكون فعلا عليه حاجات مع منظمات معينه

 

حازم" مش هعمل كده طبعا .. أكيد في حاجه غلط

ربنا يسترها يارب

 

الوالد" ادخل نام ياحازم انت وهاجر

وانا الصبح هتصل عزت بن خالي

وأشوف الموضوع ده

 

حازم" مش هنام ومش هيجيلي نوم لحد إما احمد يخرج

 

الأم" طب متتصل بالحج ماهر وقوله علي إللي حصل

 

الوالد" بكره مش دلوقتي خالص

 

يأتي الصباح

وحازم لم يذق ليلتها طعم النوم

إما هاجر فقد ذهبت إلي الجامعه

وهي حزينه بعض الشئ

 

تصل هاجر إلي الجامعه

فتجـد لافتات ومظاهرات فـ الكليه

يطالبون فيها بالأفراج عن احمد ماهر ورامي علي

 

تستعجب هاجر وتذهب لأميرة التي قد نظمت المظاهره

 

هاجر" أميره أنتي عرفتي منين ان احمد ماهر أتقبض عليه

 

أميره" محدش ميعرفش .أخت رامي علي معانا فـ الجامعه

وقالت إللي حصل

 

هاجر" المهم أنتم هتعمله المسيره دي أمتي؟؟

 

أميره" حالا هنبدء الهتاف ...روحي يلا احضري محضرتك

 

هاجر" مين قالك إني هحضر المحضره..أنا هامشي معاكم فـ المسيرة

طلما أحمد مظلوم يبقي لازم أمشي وأقف معاه

ومش هنسـي أبداً

إللي عمله معايا لما جاب حقي

أنا كمان لازم أقف معاه وأجيب حقه

لأني متاكده أنه برئ أكيد

 

أمير بتعجب وفرحه" يياااه ياهاجـر الحمدلله .. ربنا يصلح حالك

 

تبدء الهتافات التي تندد باأعتقال أحمد ورامي

 

وهاجر تقتدم الميسره

وتهتف والطلاب جميعاُ يهتفون معاها

 

هاجر" الحرب خلاص علي الملتزمين

طيب طيب مش سكتين

 

والكل يهتف معاها وتقول الكثير من الهتفات

 

تقضي هاجر باقي اليوم الدراسي

كله فـ المسيره

 

وتتصل بها الوالده عـ نهاية اليوم

لتخبرها بأن حبيبة علي وشك الوصول

إلي البيت

وانها يجب ان تحضر المنزل قبل أن تأتي

حتي تحضر الطعام وتقوم معاها بوآجب الضايفه

 

تسرع هاجر إلي البيت

وهي لا تعلم اتفرح بوجود حبيبه

أم تحزن

فهي لا تحب حبيبه

وفي نفس الوقت تريد ان توسيها

وتقف بجانبها وقت الشده

 

تصل هاجر إلي المنزل

وتساعد الوالده

في تحضير الطعام

 

وفـ تللك الحظه يصل سعيد

ومعه حبيبه

ويستقبلهم حازم والوالد

ويطلب منهم ان يبدءو فـ تناول الطعام قبل أي شئ

 

وتستقبل هاحر حبيبه وترحب بها

وتعطيها عصير بارد لتشربه

وتجلس تتحدث معاها قبل تحضير المائده

 

هاجر" إزيك ياحبيبه.. ربنا معاكي يارب

أنا حآسه بيكـي اوي والله

وعارفه كويس يعني إيه اخويا يتقبض عليه

ده اكيد زمانه بيتعذب

 

حبيبه" يابنتي ده مجرد أختبار

من ربنا

""وليبتلي الله ما في صدوركم وليمحص ما في قلوبكم والله عليم بذات الصدور "

 

يعني عادي مش زعلانه ..أه اكيد قلبي وجعني علي اخويا الوحيد

إللي معوضني عن فقدان امي

بـس أصل أتعودت علي كده

لا يكلف الله نفساً إلا وسعها

يعني ربنا بيبعت الأبتلاء

وهو عالم أني هستحمله

كان ممكن الأبتلاء يبقي أصعب

بس ربنا يبتلي كل وآحد علي حسب دينه

 

هاجر" بصراحه انا بحسدك علي كمية الصبر إللي أنتي فيه ده

 

حبيبه" يابنتي ده مش صبر وبـس

ده رضا كمان بقضاء الله

الصبـر دي مرحله أنا خلصتها خلاص

ووصلت لمرحله اكبر وهي مرحلة الرضا بالقضاء

يعنـي ربنا يبعت وانا

اللهم لك الحمد

وبعدين يعني فيها إيه أخويا يبتلي شويه

فـ دينه

ده يابخته ^^

ماما دايما ربنا يرحمها كانت بتقول

" الصبرين بخير"

 

هاجر" يلا الحمدلله .. ربنا يصبرك

أبقي ديني شويه من صبرك ده

 

حبيبه مبتسمه " أتفضلي ياستي

...

اه نسيـت أنا جبتلك زمزم معايا

وجبتلك أسدال صلاة جميل

وكنت بدعيلك فـ الحرم دايماً

 

هاجر" بجـد؟؟ شكراً

 

تنادي الأم ليتناول كلا منهم

طعام الغداء

حبيبه تصر عـ أن تأكل فـ غرفة هاجر

بعيداً عن حازم

فهمي تخجل ان تأكل امام من ليس بالمحارم

 

تدخـل هاجر الغرفة مره اخري مع حبيبه

ويبدء كلاً منهم فـ تناول الغداء

 

حبيبه " بس انتي بجد وحشتيني ياهاجر

وربنا يعلم انا بحبكـ قد إيه

 

هاجر" شكراً

 

يصمت كلا منهم خمس دقائق

وتبدء هاجر فـ الكلام مره اخري

 

هاجر" قوليلي بقا انتي أستقبلتي خبر اخوكـي ‘زاي

 

حبيبه" طبعا فـ الأؤل بكيت جامد

وبعدها سعيد ذكرني ببعض الأيات

وبعدها قلت " إنا لله وإنا إليه راجعون

 

وعادي والله اللهم لك الحمد

ربنا يخرجه بالسلامه يارررب

وحسبي الله فـ أي شخص قال كلام غلط أو بلغ عن اخي

 

هاجر" اكيد حد مدايق منه في حاجه

 

حبيبه" مش هتفرق كتير .. الحمدلله

 

تظل حبيبه وهاجر فـ الحديث

وبعد ذالك ينتهون من الطعام

 

وتساعد حبيبه هاجر فـ غسل الصحون

 

إما حازم وسعيد والوالد

فيذهبون للمسجد

لأداء صلاة المغرب

وبعدها سيفعلون الأجراءت التي من خلالها

يتواصلون مع احمد

ويعرفون مكانه

بعد ان أتصل الوالد باللواء عزت

التي قال أنه سيساعدهم

 

حبيبه" بعد أذنك يا هاجر بعد أذن حضرتك ياطنط هدخل اتوضا علشان أصلي المغرب

 

الوالده" اتفضلي ياحببتـي

 

حبيبه"مش هتقومي تصلي ياهاجر؟؟

 

هاجر" اه شويه كده هتوضا وأقوم أصلي

 

يطرق جرس الباب

فتفح الأم فإذا هي

دينا صديقة هاجر

 

هاجر متعجبه" مالذي جاء بدينا

إلي هنا؟؟ ومنذ متي وتأتي دينا إلي في المنزل

 

ولكن تستقبلها هاجر

فـ غرفتها

وترحب بها

 

فـ غرفة هاجر

حبيبه تصلي المغرب

ودينا تجلس علي السرير

دينا" مبروك ياهاجر حلمك اتحقق

 

هاجر " حلم إيه؟!!

 

دينا تهمس فـ أذن هاجر" الشاب الملتحـي احمد ماهر

دخل المعتقل

أنا قلت إنك انتي

إللي بلغتي عنه

لأنك مره سألتيني عن

المعتقل وإزاي أبلغ عنه وكده

 

هاجر تنظر لدينا نظره غريبه

وتغمزها

" علي فكره نسيت أعرفك دي حبيبه اخت احمد ماهر

إلألي واقفه بتصلي دي

وعـ فكره أنا عمري ما اعمل حاجه زي كده

تنتهي حبيبه من الصلاه

وتسلم علي دينا

بعد ان تتعرف عليها من هاجر

 

بعد خمس دقائق من جلوس دينا

تستئذن في النزول

 

إما حبيبه تجلي فـ الغرفه وحيده وهي تبكـي

بكاء مرير

 

فتدخل هاجر " مالك ياحبيبه؟؟

 

حبيبه" أسفه ياهاجر ..أصلي غصب عني سمعت دينا

وأنا قبلها كنت بدعـي ع إللي كان السبب فـ إللي اخويا فيه

طلعتي انتي

ياهاجر

ياااااااه للدرجادي أنتي بتكرهي اخويا

طب لو بتكرهيه قولي لولدك يخليه يدور عـ شقة تانيه

مش تبلغي عنه

طب هو عملك إيه؟؟

حبيبه تتحدث ولا تستطيع هاجر ان تسكتها عن الكلام

وحبيبه تبكي بشده

 

ليه ياهاجر والله حرام حرام بجد

تحرميني من اخي الوحيد

الله اعلم هيعمله فـ إيه

أنا متماسكه من ساعة ماجيت

بس مكنتش أعرف أن انتي السبب

 

هاجر بعد محاوله شديده

فـ تهدئت حبيبه

وبصوت عالي

حبيبه أسمعـــــــــــي

والله والله والله

ماأنا إللي عملت كده

أقسم بالله أقسم بالله

مش انا ودينا دي بنت مش كويسه

بتحب توقع الناس فـ بعضها

عمرها ماجتلي البيت وحاجه غريبه انها تجيلي

دلوقتي أكيد والله ليها هدف معين

منإنها تيجي هنا دلوقتي صدقيني مش انا السبب

 

أنتي عارفه انا اه بكره اخوكـي

لدرجة إني سلطت دينا صحبتي

تروح تغلس وتقف معاه وتمسك إيده غصب عنه

وأصورها وهي بتعمل كده وبكده حازم يغير صورة احمد من دماغه

أه كنت بكره اخوكي وبعترف

بس والله

أخوكي عمل معايا واجب كبير جداً

وجميل عمري ماهنساه

أخوكي جدع وراجل ومثال للشاب الكويس

أنا النهارده عملت مسيره علشانه

وهتفت مع الطلاب

بس والله ما أعمل كده فـ أخوكي

 

حبيبه تصمت دقائق وبعدها"

مصدقاكي

بس هطلب منك طلب كذا طلب

علشان أبقي مرتاحه وأنا معاكي

 

هاجر" طلب إيه؟؟

 

حبيبه" تصلي لأن الصلاة تنهي عن الفحشاء والمنكر

ساعتها هحس إنك فعلا صادقه فـ كلامك

 

هاجر" انا بصلي من غير ماتقولي

 

حبيبه" طيب كويس

الطلب التاني صعب شويتين

وبجد هتثبتيلي اكتر إنك صادقه

مع إني بعد الحلفان ده كله مصدقاه

 

يتبع

[أم لبابة بنت أحمد محمد 172]

الحلقه 13

 

حبيبه" طيب كويس

الطلب التاني صعب شويتين

وبجد هتثبتيلي اكتر إنك صادقه

مع إني بعد الحلفان ده كله مصدقاه

 

 

هاجر" اتفضلي

 

حبيبه" تلبسي لبس شرعي

وتبعدي عن البنطايل

 

هاجر " أنتي اكيد بتهزري

بصي أنتي لو مش عاوزه تصدقيني فـ موضوع

اخوكي خلاص لكن مش تذليني

وتلبسيني إللي علي مزاجك

 

حبيبه" والله ماأقصد أذلك ..أنتي ليه فهماني غلط

والله ده مش قصدي

كل الحكآيه إني خآيفه علكي

 

هاجر" خايفه عليا من إيه بالظبط؟ من المعكاسات

بتاعت الشباب قصد.. من النآحيه دي متقلقيش

أنا بعرف أخلي إللي قدآمي يحترمني كويس

حبيبه" معاكاسات الشباب مفيش بنت بتسلم منها

سواء أو منتقبه أو متبرجه

أنا قصدي خآيفه عليكي من عذاب ربنا

لأن فـ حديث عن حبيبي وحبيبكـ صلِ الله عليه وسلم

بيقول فيه وبيذكر أصناف الناس إللي هتدخل النار

وذكر منهم" نساء كاسيات عاريات "

وفـ كذا آيه نزلت عن التبرج

والمتبرجات وأن المفروض للنساء إنها لا تبدين زينتهن

إلا ماظهر منها

يعني متبنيش حاجه من جسمك

خالص

 

هاجر" والمفروض إني أقتنع بكلامك وأقولك

اه أقتنعت ويلا ننزل نشتري عبايات

علي فكـرة لازم تبقي من جواكي ومحدش يجبرك علي حاجه

 

حبيبه" بس ياهاجر...

 

هاجر" لسه مكملتش كلامي

 

حبيبه" أسفه ..أتفضلي

 

هاجر" عمر الدين والتدين مكنش بالبس

ممكن اكون بصلي واخلاقي وحشه

ومككن أكون متبرجه زي ماأنتي بتقولي

واخلاقي احسن مليون مرة من منقبه ولا منتقبه زيك

.. وبعدين يعني هو البنطلون حرام للبنات وحلال للشباب

علي كده بقآ أخوكي ميلبيسش بنطلون تاني خالص

أصل حرام بقي

بقولك إيه ممكن تقفلي علي الموضوع خالص

 

حبيبه"أنا سمعتلك ممكن تسمعيلي طيب

؟؟

..

بصـي هو انا لو قلتلك انا بحبك

وقعدت احلف وأقلوك انا بحبكـ والله بحبك

ومفيـش أي دليل علي حبي ليكي

مش بسمع كلامك ولا حتي بلبي طلباتك

وتيجي انتي تقوليلي

علي فكرة انتي مش بتحبيني

أصل مفيش دليل انتي كلام وبس

ده بالظبط نفس إللي انتي عامله

بتقولي بحب ربنا كلام وبـس

مفيش فعل

الحب قول وفعل

عارفه يعني إيه بحبك يارب ^^؟؟؟؟

 

يعني أول ماتسمعي أمر بالمعروف أونهي عن منكر " سمعنا واطعنا"

يعني لو فتحت قلبك آلقي من بينبض بحب الله

يعني لسانك لا يكف عن ذكر الله

 

يعني يبقي نفسك تدخلي الجنه بـس علشان تشوفي ربنا

يعني كل يوم تحلمي باليوم إللي هتشوفي فيه ربنا

يعني تصل وتصومي وتقرئي قرآءن وبعد ده كله تقولي يارب تقبل

يعني ربنا يختبرك أختبار او يديكي أبتلاء تقولي أنا راضيه يارب

يعني ماينفعش تقعدي ما صحابك فـ مجلس غير وتتذكر الله

يعني يبقي الجو برد وتقومي تجري علي صلاة الفجر وانتي ف عز نومك

الحب مش كلمة يرددها اللسان الحب قلب بيتبض لمن يحب

 

هاجر تنظر إلي حبيبه

فـ صمت وبعد فترة من الوقت

هاجر" كلامك دخل قلبي ..ودي أول مره تحصلي

...

بس ممكن تسبيني علي حريتي الشخصيه

 

حبيبه" والله ياهاجر أنتي حاجه قيمة أوي

وثمينه لازم تبقي غاليه ومش آي حد يشوفك وخلاص

حافظي علي نفسك

 

هاجر" اوعدك إني هفكر فـ الموضوع ده

ممكن بقآ آقوم أصلي المغرب

علشان العشا هتآذن

أصلي وانام لأن عليا بكره محاضرة مهمه

 

حبيبه"أه طبعا ياحببتـي طبعا تقبل الله

 

تخرج هاجر لتتوضاآ وعند عودتها

تري حبيبه وقد رافعت يدها

وتدعي قائله" اللهم اجعل هاجر من من يستحقون الجنه

اللهم اهدها وأصلح بالها

 

تسعد هاجر لتلك الكلامات الرقيقه التي هي من القلب

وبعدها تدخل وتؤدي صلاة المغرب

وعـ الفور يقيم آذان العشاء فتصلي آيضاً

ولكن جماعه مع حبيبه

 

وبعد الأنتهاء هاجر" حرماً ياحبيبه

 

حبيبه" بارك الله فيكـي ياهاجر ولكن قول حرماً بدعه

والرسول صلي الله عليه وسلم مكنش بيقول كده

يبقي احنا لازم نمثل قول وفعل الرسول

 

هاجر" اومال أقول إيه؟؟

 

حبيبه" تقبل الله ..

 

هاجر" طيب .. تقبل الله حلو كده؟

 

حبيبه مبتسمه وتقبل رأس هاجر" منا ومنكم اختي

 

يعود الوالد وحازم من الخارج

فتسرع حبيبه بآرتداء النقاب

وتخرج لتسأل عن أحمد وكيف حاله

 

حبيبه وهي متلهفه

لمحمود والد هاجر" سلام عليكم ياعمو..هو حضرتك مفيش اخبار عن اخي

؟؟

 

محمود" والله يابنتي احنا مسبناش حآجه وغير وسألنا عليها

بس اللواء عزت هيعمل اللازم وإن شاء الله يخرج بالسلامه

 

حبيبه" جزاك الله خيراً.. اللهم ألطف باأخـي

أستئذنك حضرتك أنزل لخالِ

 

محمود" لأ ياحببتــي متنزليش

أنا وحازم هنبقي تحت

وانتي وهاجر وأم هاجر هتبقو هنا

 

تخرج هاجر من غرفتها

ولا تستطيع ان تتحكم فـ أعصابها

" حازم فـين اللاب بتاعي؟؟

 

حازم" معلش ياهاجر اليومين إللي فاتو دول

لما كنت قاعد مع ااحمد نسيته تحت وطلعت

حاضر هبقي اجبهولك

 

هاجر"أنا محتاجه ضروري لازم تجيبه

 

محمود" فـ إيه ياهاجر هو ده وقته ..أستني شويه

؟؟ يلا ياأم حازم حضري العشا ونادي علي حازم يجي يآخده

وكمان علشان حبيبه تتعشا

 

بعد ساعتين وبعد الأنتهاء من تناول العشاء

تدخل هاجر غرفتها لتنام

قائله لحبيبه"

اعتبري الأوضه بتاعتك

عاوزه تنامي عاوزه تصحي زي ما أنتي عاوزه

 

حبيبه" انا هقعد علي اللاب بتاعي شويه

وهقوم بعدها أصلي

 

هاجر" الفجر لسه بدري عليه

.. عموماً براحتك

تصبحي علي خيـر

 

تذهب لغرفتها وتنام علي فراشها

وبعد ساعة تستيقظ علي صوت

مشابة لصوت احمد فـ القرءاه

 

فتسرع نآحيه الصوت

فإذا هي حبيبه

وآقفه علي سجاده الصلاه

حامله المصحف بين يديها

وتقراء بعض الأيات المؤثره

 

"يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا"

 

تقراء حبيبه بصوت لا مثيل له

وكآن احمد الذي يقراء

 

تجلس هاجر بجانب حبيبه تسمعها وهي تقراء

وتستعيد آيام احمد وصوت احمد الرائع

 

تسجد حبيبه وتطيل السجود

" اللهم أشرح قلب هاجر للهدآيه

اللهم اجعلها من اهل الجنه"

كل هذا وهاجر بجانب حبيبه دون ان تعلم

أنها بجانبها

 

تنتهي حبيبه من الصلاه

فتتفاجئ بهاجر جانبها

 

حبيبه" حرام عليك ياهاجر أنا أترعبت

 

هاجر" أترعبتي إيه يابنتي ..إيه الصوت الجميل ده

تحسي أن صوت من الجنه

 

حبيبه" مش أوي كده ياهاجر الله يسترك

كل الفضل لله أولاً ثم لأحمد اخي إللي علمني

التجويد وعلمني الطلاقه فـ القرآءن

 

هاجر" بس هو الفجر آذن؟؟؟ ده ليه بدري أنتي بتصلي إيه؟؟

 

حبيبه" ده القيام ياهاجر .. صلاة القيام

ربنا عز وجل بتنزل من السبع سموات

نزول يليق بجلاله وكماله ويقول

هل من داعِ فآستجيب له ؟

هل من مستغفراُ فأغفر له ؟؟

 

ويظل ذالك إلي صلاة الفجر

 

طبعا يبقي عيب عليا أوي ربنا يكون بينادي عليه

وانا فـ أمس الحاجه إلي ربنا

وانام

 

هاجر" انا كده بقآ فهمت

 

حبيبه متعجبه؟؟ فهمتي إيه؟؟

 

هاجر" أصل كنت يومياً بآسمع صوت اخوكي بيرقاء قرآن

وكنت بستغرب

هو بيعمل إيه دلوقتي فـ الوقت ده بالذات

أنا فهمت انه اكيد كان بيدعي

قصدي يعني بيصلي القيام

 

حبيبه بعد ان تمسح دموعها

" فكرتيني باأخي

 

فكرتيني باأيام ما كانت بصلي ورا اخي

القيام

فكرتيني باأحلي آيام

أشتاق إليها

يآآآآه يارب أشف صدور قوم مؤمنين

 

هاجر" انا أسفه إني فكرتك بأخوكي

 

حبيبه" أنا مش ناسيه اخويا علشان أفتكـره

اخويا قدامي دايماً فـ كل نصيحه كان بيدهاني

فـ كل كلمة منه كان بيقولها

فـ موقف كان بيحاول فيه يضحكني علشان ينسيني تعبي

فـ طبطبه عليا علشان يشيل حزني

يآآآآآآآه لو هدفع عمري علشان يوم من أيام اخي ترجع

هاجر" إن شاء الله يخرج بالف سلامه

وبكره ياستي تشوفي أخوكي وهو فـ فرحه

وكمان تربي عياله

بقا وتفرحي

 

حبيبه" والله ياهاجر بحلم باليوم ده

 

هاجر" طب يلا أمسحي دموعك دي حالاً

ويلا نقوم نستعد للفجر

وعلشان ورايا بكـره محاضره مهمه

كل شويه أقولك كده

 

حبيبه" أسفه ياهاجر إني قلقتك

 

هاجر" ولا يهمك ياحببتي

 

دقائق تمر وآذان الفجر يقيم

فيصلي كلامنهم

 

وتبدء هاجر فـ تجهيز ملابسها

فتفح دولابها

فإذا هي مجموعه من العبايات الرقيقه

والأنيقه

التي أمتلئت في دولابها

تتعجب هاجر

وتوجه كلامها لحبيبه

"فين هدومي؟؟؟

 

حبيبه" اه ياهاجر مامتك بدلت دولابك

ف الدولاب التاني

وقالتي أحط عباياتي هنا

عـ فكره لو عاوزه تجربي تشوفي شكلك بيها عادي

 

هاجر" لأ شكراًَ

 

حبيبه" هاجر عندي أقتراح ليكـي

 

هاجر" أقترحي ياحبيبه

 

حبيبه" أنا متردده كتير إني أقترح بس هتوكل عـ الله

 

بـصي ياستي إيه رآيك تنزلي النهارده

بالعبايه بتاعتي

وتعملي نفسك ملتزمه

وتلبسي طرحه طويله

والكلام ده يفضل لمده أسبوع

وبعدها تشوفي لو عجبك أستيل لبسك

وأرتحتي فيه كملي لو لأ خلاص

 

هاجر" طب ليه انتي متلبسيش لبسي

ولو عجبك تكملي ولو لأ خلاص

 

حبيبه" بس انا برتاح ف العبايات والنقاب

مينفعش البس بناطيل إزاي؟؟

 

هاجر" وأنا بقا برتاح في البناطيل

حبيبه" طيب إيه رأيك كل واحد مننا

يجرب لبس التاني أسبوع

وانتي تبدي دلوقتي وتختاري عبايه من عندي؟؟

 

هاجر" ولو معجبنيش أنتي إللي هتلبسي لبسـي ماليش دعوة

 

حبيبه" موافقه ياهاجر وبشده

..

يلا بقآ اختاري عبايه من عباياتي

 

هاجر" هختار البني لأني بحبه

 

حبيبه" وتلبسي عليه طرحه طويله

وحاولي متشوهيش سمعته وتغيري فكرة الناس عن الملتزمين

خلي قدوة

 

هاجر" تمام اوي كده أتفقنا بـس هو أسبوع وآحد بـــس

 

حبيبه" ماشي ياستي أتفقنا

أتفضلي العبايه أهيه

 

يتبع

[روان السلفية 2]

يااااااااا الله

 

تبارك الله , رائعة جدااا بكيت من أجلها :)

[**نحو غدٍ أفضل** 15]

جميلة الحلقات ما شاء الله

[أم عبدالرحمن وجنة 14]

قصة راااااااااااائعة

جزاك الله خيرا أختى على النقل الطيب

ولكن اين تتمة الروايه؟

[أم لبابة بنت أحمد محمد 172]

بورك فيكم ,, أسعدني مروركن

 

حاضر هكملها :)

[أم لبابة بنت أحمد محمد 172]

معلش اأتاخر ت النهارده حلقتين

ال14 و15 وقبل الأخيره من في بيتنا ملتحي

اختصرت الأحدثا جدا فيها

كان نفسي أخلي الروايه اأكبر من كده بس علشان العشر الأؤاخر

علي الأبواب وعاوزه الكل يركزف ـ الطاعه وبس

وبكره هتبقي الحلقه الأخيره إن شاء الله

ويارب تبقي النهايه مختلفه ويارب تكونو أستفدتو يارب

 

تردتدي هاجر العبايه

وتبدو وكآنها ملكه حقاً

 

هاجر قد أرتدت العباءه لترضي حبيبه

وتجعلها تهدئ

وكانت تقول في نفسها" انا هاخدها علي قد عقلها

كلها يومين وهتمشي

 

تخرج هاجر من بيتها

وتراها الأم

متسعجبه

 

الأم" هاجر أنتي رآيحه .. وإيه إللي انتي لابسه ده؟؟

 

هاجر" عادي ياماما بجرب شكلي في العبايات

مش يمكن ربنا يهديني

 

الأم" يارب ياهاجر يهديكي

 

هاجر" معلش ياماما انا هنزل لأني متآخره أوي

سلام

 

تسرع هاجر في النزول

لتلحق أي وسيله للمواصلات

 

فتذهب لموقف المكروبصات

وتركب

 

وتجلس بجانبها فتاه شبه متبرجه

تنظر إلي هاجر نظرات غريبه

وبعدها تخبط علي كتف هاجر قائله

 

" لو سمحتي ممكن أعرف العبايه دي جآيبها منين بالظبط

هاجر ترد بهدوء" لأ هي مش من هنا .. دي من السعوديه

 

البنت" أصل انا بصراحه بقالي كذا يوم بفكـر في موضوع

العبايات البناتي إللي نازله موضه

وبالمره يعني ابعد عن البناطيل وكده

 

هاجر" اه اكيد هتلاقي هنا كتيـر

 

تفـرح هاجر بكلمات تللك البنت

خصوصا ان هاجر تحب ان يمدحها الناس

ويعجبون بها

 

يصل المكروباص إلي الجامعه

وعلي باب الجامعه

تعلق صورة احمد ورآمي

 

ومازال تجمع من الطلاب يطالبون

بالأفراج عن أحمد ورآمي

 

تقرر هاجر الأشتراك فـ الوقفه ولكن

بعد حضور المحضره

 

تسرع هاجر إلي المدرج

فتستوقفها فتاه من الجامعه

منتقبه

 

الفتاه" من فضلك من فضلك

 

هاجر" أيوة ؟؟

 

الفتاه" هو العبايه ده حضرتك جايبها منين؟؟

 

هاجر"من االسعوديه

 

الفتاه" ماشاء الله تبارك الله عليكي.. بجد جميله جداً

شكلك بيها ملكه أو برنسس

ربنا يجزيكي خير

عقبال النقاب

 

هاجر" شكرا شكرا

 

تكمل هاجر طريقها إلي المدرج

وهي مالزالت مبسوطه بالمدح الذي يقابلها

 

تقابل أميره ودينا امام المدرج

فتطمئن إلي أن المحضره لم تبدء بعد

 

هاجر في نفسها" يادي الأرف دينا بقا هتقولي ياست الحجه

وأميره هتقولي الله تبارك الله

العبايه جميله

مش عاوز انا بقا كلام من حد يارتني مكنت سمعت كلام حبيبه

منك لله ياشيخه

هآخد كلام من كل واحده قد كده

 

دينا تنادي لهاجر" تعالي اهاجر احنا هنا

 

هاجر" منا قدامك يعني وشيفاكي

الحمدلله غن الدكتور لسه مجاش

 

دينا" ياجامده ياجوجو عبايات بقا وكده انتي رايحه تحجي ولا إيه

 

هاجر" بقولك إيه انا مش طايقه نفسي أصلاُ

كل الحكايه ان هدومي مكنتش مكويه وانا كنت متأخره

 

دينا" طيب براحه علينا .. بس عارفه شكلها تحفه اوي عليكي

 

هاجر" وانتي يااخت أميره مش ناويه تقولي حاجه انتي كمان

مش ناويه تقوليلي أني قموره وماشاء الله عليا

 

أميره" وأنا أقولك كده ليه أصلاُ دي حاجه ترجعلك تلبسي عبايه او بنطلون

أو حاجه .. ربنا يوفقك ياهاجر

 

هاجر" مالك ياأميره انتي شكلك مدايقه

 

دينا تنظر إلي اميره وبعد ها لهاجر" لأ يابنتي انتي عارفه اميره دايماً

كده بتحب ترخم علينا

 

هاجر" هو الدكتور أتأخر يعني ؟؟

 

اميره" انا مش هحضر محاضره أنا هروح امشي في المسيره

لازم نجيب حق اخوتنا الطلاب

 

هاجر" فـ إيه يااميره انتي غريبه النهارده أوي

فـ إيه ياأميره

 

أميره" قلتلك مفيش ياهاجر .. سلام انا همشي

 

لاتدع اميره فرصه لأحد حتي يتكلم معاها

وإما هاجر فمازالت مندهشه من تللك الأفعال

 

ولكن يمر الوقت والمحاضره لم تبدء

وبعدها يخبرهم احد الطلاب بآن الدكتور قد اعتذر عن محاضره اليوم

 

دينا تذهب وتسكتمل يومها مع كريم وحسام

 

إما هاجر فتتصل بحبيبه لتخبرها بما يدور من اجواء داخل

الجامعه للأفراج عن احمد

 

فـ الهاتف حبيبه" سلام عليكم ياهاجر

 

هاجر" وعليكم السلام.. انتي كنتي نايمه وأنا صحتك من النوم ولا إيه ؟؟

 

حبيبه" لأأ أنا وطنط مامتك بنروق الشقه علشان مش جايلي نوم

 

هاجر" بجد أصل كنت عاوز احكيلك عن المسيره إللي معموله لأخوكي

بجد فعلا الناس عندنا هنا بتحبه اوي

 

حبيبه" الحمدلله فرحتيني ياجوجو

هاجر"

طيب أنا همشي في المسيره شويه وهاجي

 

حبيبه" ماشي ياحببتي

هاجر" عاوزه حاجه.. سلام

 

حبيبه" هاجر... ادعيلي

 

هاجر" حاضر ياحببتي هدعيلك

 

تسرع هاجر للتلحق بالمسيره

لمده ساعات تقف وتهتف

ومعاها أميره التي كانت معجبه بهاجر وماتفعله

 

وقت آذان الظهر تصلي

وتذهب للبيت

لتجلس مع حبيبه وتخفف ما بها من حمل

 

فـ البيت حبيبه ووالدة هاجر

يجلسون ويتحدثون

 

هاجر" الله الله أنتو بيقتو صحاب بقا

 

حبيبه" أهلا ياهاجر ياحببتي انتي جيتي ..أستني أقوم احضرل الأكل

 

هاجر" لألأ مش دلوقتي .. المهم مفيش اخبار عن احمد

 

الأم" أبوكي نزل الصبح مع حازم وسعيد ولسه مرجعوش

 

حبيبه" بابا أتصل وسألني عن احمد وللأسف معرفتش أوقوله غيه وكدبت عليه

أصل لو بابا عرف ممكن يحصله حاجه

 

هاجر تضم حبيبه وتقبلها

متزعليش ياحبيبه ربنا مش هيسيبك

 

يمر الوقت وتقف حبيبه وهاجر في المظبخ لتخضير الغداء

ويصل بعدها الوالد

 

بلهفة شديد هاجر لولدها" طمنا يابابا اخبار أحمد إيه

 

حازم" اه عرفنا المكان إللي هو فيه الحمدلله

بس ممنوع الزياره النهارده

بكره ان شاء الله

 

الوالد" متقلقيش ياحبيبه.. اكيد خالك سعيد هيطمنك

 

سعيد" الحمدلله عمو عزت طمنا علي أحمد الحمدلله

وقال أنهم لحد دلوقتي مفيش دليل ضده

 

هاجر " طيب الحمدلله افرحي بقا ياحبيبه وبلاش تزعلي

 

حبيبه" الحمدلله

 

الأم" يلا هجهز الغدا أهو ..

تساعد البنتين الوالده في تجهيز الغداء

 

ويمر الوقت ويأتي الليل

وتذهب هاجر لغرفتها لتنام

إما حبيبه فتقوم لتصلي القيام

 

الحلقه ال15 وقبل الأخيره

 

هاجر تستيقظ علي صوت بكاء شديد من حبيبه

وهي تصلي

وتقراء قوله تعالي

 

وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ ۚ أَوَلَمْ نُعَمِّرْكُمْ مَا يَتَذَكَّرُ فِيهِ مَنْ تَذَكَّرَ وَجَاءَكُمُ النَّذِيرُ ۖ فَذُوقُوا فَمَا لِلظَّالِمِينَ مِنْ نَصِيرٍ

 

تسرع هاجر لحبيبه

فتجها واقفه تبكـي وتعيد تللك الأيات

وتبكـي وتبكـي

ولا توقف البكاء

 

هاجر" حبيبه فـ إيه ؟؟؟ يابنتي فـ إيه

 

حبيبه تركع وتسلم

وتنظر لهاجر

" إيه ياهجر فـ إيه؟؟

 

هاجر" أنتي إللي في إيه مالك بتبكي جامد أوي؟؟

 

حبيبه" يآآآآه ياهاجر مش قادره اوصفلك احساسي قد إيه

لما بقراء الأية دي ببكي

 

يآآه بتخيل قدآمي شكل اصحاب النار

وهما فـ النار وبيصترخون

يارب أخرجنا يارب اخرجنا

وهنعمل كل إللي انت امرتنا بيه

يارب هنصلي يارب هنزكـي

يارب هنعمل صالحات

ولك،ن لا فائده لكل هذا

فقد ذهب وقت الأسف

يااااااااه ياهاجر احساس مرير أوي

بخاف بخاااااف أوي إني أشوف حد من احبابي بيدخلها

وبحمد ربنا إنه من عليا وجلعني من المهتدين

 

أصل فـ آيات معينه كده مينفعش ماعملش عندها وقفه

 

تنظر حبيبه لهاجر فإذا هاجر قد فاض الدمع من عنيها

 

هاجر" هو أنا ممكن اكون من الناس دي؟؟

 

حبيبه" ليه ياحببتي تقولي كده؟؟ طول ماأنتي ملتزمه خلاص

 

هاجر" طيب خلاص بطلي تكمليني كتير عن النار لأني بخاف وبحلم بيها كمان

 

حبيبه" اللهم أرزقنا الجنه صُحبه يارب

 

تستكمل هاجر وحبيبه الحديث

ويصلو معاً الفجر

وبعد الصلاه

 

هاجر" فكرتيني ..النهارده ناس كتير عجبها العبايه بتاعتك

 

حبيبه" بجد الحمدلله

انتي كده اخدتي حسنات ياهاجر

 

هاجر" حسنات إيه

؟؟

 

حبيبه" أنتي ممكن لو بنت متبرجه شافتك وأعجبت بيكي

تغير لبسها للأحسن

شوفي بقا انتي اخدتي كام حسنه

علي عكس أي بنت تانيه

بتبلس علي الموضه إللي لو بنت قلدتها

بتاخد عليهم سيئات

انتي بلبسك ومظهرك بتدي فكرة حلوة عن المتلزمين

خلي بالك من نفسك

وربنا يجعل اعمالك حسنات يارب

 

هاجر" بس ده ميمنعش أن ده اخر اسبوع ليه

احنا اتفقنا ان كل واحد فينا هيجرب اأسبوع

 

حبيبه" ماشي ياستي متفقين

 

يذهبا للفراش بعدها

وتنام هااجر نوماً عميقاُ

وتتاخر عن المحاضره

فستيقظ

يالهوووووووي يانهار أسود

أتأخرت أأتأخرت

 

حبيبه تفزع من نومها" أستغفر الله فـ إيه ياهاجر؟؟

 

هاجر" أتأخرت علي معاد محاضرتي

 

حبيبه" طيب قولي أستغفر الله بلاش يانهار أسود دي

قومي قومي متخفيش هتلحقي ..بس حطي ثقه كبيره في ربنا

إنك هتلحقي المحاضره

 

هاجر" هلحق إيه الساعه تسعه والمحضره بدئه بقالها ساعه

 

حبيبه" أسمعي الكلام وحطي ثقه فـ ربنا

ويلا انا هسعدك شوفي اتي عاوزه أطلعلك انهي عبايه

 

هاجر" أي حاجه أي حاجه

 

تساعد حبيبه هاجر وترتدي عباءه انيقه كالعاده

وغير ملفتة مثل باقي العبايات

 

وتذهب للجامعه

وهـي عندها ثقه إنها ستحضر المحضره

 

تذهب للمدرج فإذا باب المدرج قد أغلق

ومعني هذا إنه لا يسمح للدكتور احد بالدخول

تطرق هاجر باب المدرج

وتفتحه

 

ينظر الدكتور لهاجر " أنت جايه متاخر ليه ؟؟

انتي مش عارفه إني مش بدخل حد بعدي

 

هاجر" متأسفه اوي

 

الدكتور" انتي باين عليكي بنت محترمه ومش بتاعت مشاكل

ولا زي بنات اليومين دول إللي بلبسوو بناطيل ويمشو مع شباب

طول اليوم ويجو فـ الأخر عاوزين يحضرو محاضره

أنا هسمحلك بالدخول

أتفضلي ودي اخر مره

 

لم تستطع هاجر ان تصدق ماقاله الدكتور

فتذهب وتجلس بجانب

أميره وهي مبسوطه

 

أميره" أي خدمه الدكتور دخلك اهو

 

هاجر" طيب ياختي أسكتي بقآ

 

أميره" عندي ليكي خبر حلو

 

هاجر" خبر إيه؟؟

 

اميره" بيقولو أنهم ماقلوش حاجه علي اللاب بتاع أحمد

وكمان عملو تحيرات عنه وطلع مش بيعمل آي حاجه

ولا حتي منضم لأي جماعه أو تنظيم

وفـ قرار بالأفراج عنه خصوصاُ

بعد مالعميد ادخل

 

هاجر" بجد فرحتيني .. لازم بعد المحضره أروح اطمن حبيبه بنفــسي

 

تستمع هاجر للمحاضره في أنبساط

وبعدها تسرع للبيبت لتخبر حبيبه وتفرحها

ولكن تجد حبيبه قد علمت بالخبر أصلاً

 

حبيبه" وشك حلو عليا ياهاجر ياحببتي

 

هاجر" بقولك إيه فات يومين من الأسبوع

أنا بفكرك أهو

 

حبيبه" طيب وحآسه بتغير

 

هاجر" لأ عادي كل الحكايه غني غيرت لبسي

وبقيت بواظب علي الصلاه

بـس أسكتي مش الدكتور لما لاقاني

لبسه عبايه دخلني المحضره

 

حبيبه" بجد ؟؟ طيب الحمدلله

يارب زي ماجعلت هاجر تفلت من الدكتور بعفافها

فاللهم نجها من النار

 

هاجر"حلوةه الدعوه دي شكرا يابيبه

 

تمر الأيام وكل يوم ينتظر فيها

خروج احمد

وتنتظر هاجر انتهاء الأسبوع

 

وقبل أنتهاء الأسبوع بيوم

تذكر هاجر حبيبه بان الأسبوع عـ وشك الأنتهاء

وان هاجر ستبدي بتغير لبسها

ويومياً في الليل تستمع هاجر لصوت حبيبه الجميل

الملئ بالخشوع

هاجر تحس براحه غريبه

وكل ليله تتحدث حبيبه مع هاجر

عن الألتزام وعن الجنه والنار وعن رحمة الله

وتحدثها عن قصص التوبه وحسن الخاتمه

وتتأثر هاجر بحبيبه بعض الشئ

ويأتي عليها إيام تبكي من كلام حبيبه

 

حبيبه كانت دائما تقول لهاجر"

لو أنتي كنتي فـ بحر وركبه سفينه

والسفينه دي غرقة بيكــــي

وقالك قارب نجاة وقالك

مش هخرجك غير لما تلبسي لبس شرعي

وتستقيمي علي طريق الحق

هتعملي إيه؟؟

 

وكانت هاجر تهرب من الرد

وتخرج من الكلام قائله

 

هـاجر" ياه ياحبيبه بكره اخر يوم فـ الأسبوع

حضري نفسك لأنك هتقلعي اللبس إللي انتي لابساه ده

 

حبيبه بابتسامتها المعتاده" خلاص ياهاجر لازم تفكريني الله بقا

 

فـ أخر يوم من الأسبوع المحدد

وفـ الجامعه

أميره تقابل هاجر

اميره" بصراحه ياهاجر انا عاوزكي تسامحيني

 

هاجر" علي إيه ياأميره؟؟

 

أميره" أنا مخبيه عليكي حاجه

بس انا شايفه إني لازم أقولك وأحذرك

 

هاجر" يابنتي ماتقولي

 

أميره" دينا هي السبب في إللي كريم عامله معاكي

فـ الصور

وكمان هي وكريم السبب فـ دخول احمد المعتقل

بعد مأاشتركو هما الأتنين مع ولد من الأتحاد

لتشويه صورة أحمد

 

هاجر تتفاجئ بكلام اميره

وتقف صامته لتستوعب الصدمه

 

أنتي بتقولي إيه؟؟؟

دينا هي السبب

 

اميره " ايوةه ياهاجر

ودينا قالتلي إني مقولش ليكي بس انا شايفاكي

بتتعلقي كل مره بدينا اكتر وانا لازم احذرك

 

هاجر" علي قد ماأنا مصدومه علي قد ما انا كنت متوقعه منها اكتر من كده

دي بنت عاوزه تشوه سمعة أي حد وخلاص

حسبي الله فيها حسبي الله

 

اميره" انتي رآيحه فين؟؟

 

هاجر" انا هروح البيت لأني مش قادره أقعد في الجامعه دقيقه

 

أميره" بالله عليكي ماتكوني زعلانه مني

 

هاجر" لأ بالعكس إني نورتيني

شكرا ياأميره ليكـي

 

ترجع هاجر بيتها مره اخري

وتدخل غرفتها

ولا تتحدث مع احد

وتجلس لساعات كثيره

وحبيبه تطرق الباب

ولكن هاجر لاترد

ووبعد يوم طويل تخرج هاجر من غرفتها

 

حبيبه عاوزكي ثواني

 

حبيبه تذهب لهاجر

" خير ياحببتي مالك؟؟

 

هاجر" أنا عاوزه ارد ليكي جميل عاملتيه فيه ومش عارفه اعمل إيه

 

حبيبه" جميل إيه هو؟؟

 

هاجر" انا قررت إنــــــــــــــي

 

حبيبه" إنك إيه؟؟

 

هاجر" قررت إني

إني إني

اأفضل لابسه العبايات علي طول

وأحافظ عـ الصلاه وأقرب من ربنا واختار الصحبه الصالحه

زيك وأبقي ملتزمه علي طول

 

حبيبه" اه أتريقي بقا ياهاجر اتريقي

 

هاجر" انا بتكلم جد وعمري ما أتاخرت فـ قرار قبل كده زي القرار ده

أرجوكي ياحبيبه ساعديني وأوعـي تسبيني

 

حبيبه" والله هساعدك والله بس بجد انا فرررحانه أأأأأأأأأوي بيكــــي

 

بس قوللي إيه غيرك فجاءه كده

 

هاجر" دينا طلعت بتخدعني

أقرب حد ليه

وحاسيت أن مفيش حد قريب مني الفتره دي قدك

عرفتك بجد وشوفت قد أنتي طيبه

أنتي عارفه ياحبيبه انتي مثال للبنت المتلزمه بجد

كنت بسمعك علي طول وانتي بتدعيلي بالجنه

كنت بسأل نفسي هو حبيبه عاوزني ادخل الجنه وخايفه عليه أوي كده؟؟

هو ليه حبيبه بتعمل معايا كده

لا هي تعرفني ولا اتعملت معايا

ناس عاوزه مصلحتي وبس

كنت فـالأول بأخدك علي قد عقلك وبقول

خلاص هلبس العبايه أفرحها يومين وخلاص

لكن بجد انا محستش براحه قد الأسبوع ده

عرفت المعني الحقيقي للألتزام والحب فـ الله

إللي كنت بسمع عنه دايماً وعمري ماجربته

اخيراً عرفت معناه

 

حبيبه" انا مش مصدقاه نفسي

اللهم لك الحمد

انا والله ياهاجر كنت بدعي ليكي اكتر من احمد

 

هاجر" بس أستني هنا عاوزه أسألك سؤال مهم

 

حبيبه" أتفضلي

 

هاجر" أنتي إزاي كنتي موافقه علي موضوع إنك تلبسي

لبسي

أفرض مثلا إني مكنتش أقتعنت بلبسك ده وانتي كده ساعتها هتكوني أدبستي

 

حبيبه" فاكره لما قلتلك خلي عندك ثقه فـ ربنا كبيره

أوي إنك لما هتروحي المحضره متأخر هتحضري

 

هاجر" اه وفعلا حضرت

 

حبيبه" وانا كانت ثقتي فـ ربنا كبيره اووووووووي

إن ربنا مش هيخذلني وإنك مش هيجي عليكي الأسبوع غير وانتي ملتزمه

أه الوقت قليل

بـس ثقتي فـ ربنا كانت اكبـر

 

هاجر" فكره لما قليتي إللي بيحب ربنا بيحب يعمل كل حاجه ترضيه

أنا بقآ دلوقتي عاوزه اعمل كل حاجه ترضيه

 

هل ستظل هاجر همذا إم ستتغير

هل حقاً جعلها الله من الذين أختارهم للجنه

؟؟

هل أهتدت هاجر للطرق المستقيم

 

حقاً "إنك لاتهتدي من أحببت ولكن الله يهدي من يشاء"

 

هكذا إذا أراد الله إن يهدي شخص

سخر له من يسعون لهدآيته

ليس دائما شخص

ولكن موقف لمدة لحظه

حادثه موت أحد كلمة

كلمة من شخص تسمعها قدراً فيهديك الله بها

 

ويمـر الوقت ويخرج احمد

بعد التحقيقات

ويشاء المولي ان ياخذ الظابط اللاب الخاص بهاجر وليس بأأحمد

الذي حمل له احد أصدقائه بعض الأشياء علي اللاب الخاص بأاحمد

وبلغ عنه ليشوه صورتة

 

وليلة خروج احمد كانت عيد وفرحه

لحازم وحبيبه وسعيد

وهاجر والكل الكل قد احتفل بخروج احمد

وبعدها قرر احمد ان يستقيل من الأتحاد

ويقضي السنه الدراسيه في المذاكره ويبعد عن الفتن

 

وحبيبه لازالت مقيمه فـ مصر وقررت ان تلغي سافرها لسعوديه

وأصبحت حبيبه وهاجر أصدقاء

وذات ليله

تستيظ هاجر من نومها وهي تصرخ وبشده

 

لأآآآآآآآآ لآآآآآآآ

 

حازم يمر بغرفة هاجر فيسمعها فيسرع

هاجر هاجر فـ أيه؟؟؟؟

 

يتببع

[أم لبابة بنت أحمد محمد 172]

الحلقه الأخـــيره من #فـ_بيتنا _ملتحي

 

يدخل حازم غرفة هاجر بعد سماع صوتها تصرخ

 

حازم" هاجر مالك ياحببتي ؟؟

 

هاجر تضع يدها علي رأسها وتنظر إلي حازم وتضحك ضحك هستيري

 

حازم" هاجر انتي بتصوتي ولا بتضحكي؟؟

 

هاجر" بـــــس خآآآآآلص مش عاوزه أشوفك قدامي

 

حازم" هو انا عاملتك حاجه ياهاجر؟؟

 

هاجر" أنا شوفت رؤيه أو حلم مش عارفه

بـــــــس مش عارفه بقآآآآآآآآآ حسبي الله فيك ياحازم

 

حازم" يابنتي فـ إيه فهميني؟؟؟

 

هاجر" من ساعت ما احمد جه يسكن عندنا

الأسبوع إللي فات

وانت عاملي تكلمني عنه

وعن تدينه واخلاقه وعن حبه لربنا

وعن اعتقاله والمواجهاهات اإللي قابلها فـ حياته

وكلام حبيبه عن اخوها دآيماً

وانا قبل ما انام كنت بسألك عنه

خلتني اتعلق بيه لدرجه إني حلمت خير يارب يعني

قال إيه إني مش ملتزمه ومش بحب النقاب

و

تحكــــــــــي هاجر لحازم كل ما رأته

ويصبـــح كل مارأته مجرد حلم او رؤيه.

 

حازم ولم يمتلك نفسه من الضحك

" بقآآ كل ده حصل ..أنتي بتهزري

 

هاجر" وإللي يغظيك إني في الحلم طالعه بكره النقاب

والملتزمين

 

اومال النقاب إللي انا لابساه ده إيه

إزاي مش قادره أستوعب

ولا انت ومدي حبك لاحمد

 

حازم"بتحصل ياهاجر كتير للناس

لما يبقو تعابنين نفسياً

ده مش حلم ياهاجر ياحببتي

دي قصه

بـس علي فكره فعلاً احمد دخل المعتقل

بسبب صاحبه إللي فالأتحاد

وأحمد شاب كويس أوي كده

وصوته كمان حلو في القرءآن

 

هاجر" طب منا عارفه

ما انت حكتللي ياحبيبي

وانا العقل الباطن بيخزن ماشاء الله

خلتني أتعلقت بيه لدرجة إني حلمت بيه

 

بـ س انت عارف الحاجه الوحيد إللي كانت فـ الحلم بشخصيتها

الحقيقه هي احمد وحبيبه وأنت

لكن ماما كانت طالعه غريبه

وأنا بقا بلبس بناطيل وبسمع اأغاني

 

حازم" متنميش فـي الأوضه دي تاني الهوا هنا كتير

 

هاجر" وكمان بتتريق عليه

يلا يلا روح ذاكر انت ثانوية عامه

 

حازم" انتي علشان حلمتي حلم هتقرفيني

لحظي إني في 3 هندسه ياحببتي.

فوقي كده أنا متخرج من الثانوي بقالي 3 سنين

 

هاجر" بـــــس بقآآآآ ياحازام يارتني ماكنت قمت من الحلم

ده .. ياااااه

لو كل حاجه بتحصل ف الحلم تتقلب حقيقه

 

حازم" في ايه ياهاجر انتي عاوزه تبقي متبرجه؟؟

 

هاجر" لأ ياخويا ما اهو انا فـ اخر الحلم أتجوزت احمد

ولما قمت بصوت ده علشان الفرح الكهربا قطعت فيه

بس مش مهم المهم إني أتجوزت أحمد

يالله ياحازم

الولد ده فعلا من الغرباء الذين يقبضون علي الجمر

ياب يرزقه بزوجه صالحه وذريه صالحه

 

حازم" ومين عالم مش يمكن تكوني انتي.

 

هاجر" ده حلم ياحازم

احمد ده مجرد حلم في حياتي معتقدش ان حد زي أحمد يفكر فيه

إللي زي دول مش بيبفكرو في الحب وكده

 

حازم" لأ طبعا انتي بتهزري

انتي ياهاجر طيبه وملتزمه كمان وتستهلي كل خير

وعـ فكرة احمد لو اتجوز بنت غيرك أنا هقتلها واخليه يجي يتجوزك انتي

 

هاجر " حبيبي ياحزومي.. يلا علشان تحضر محاضرتك انت كده أتاخرت

 

حازم" انتي كمان يلا الساعه تسعه أهيه

 

هاجر" ماشي أستني بقا وصلني معاك في طريقك

 

هاجر ومالزالت لا تسوعب ان كل مارئته كان مجرد حلم

كانت تريد ان تظل فـ ذالك الحلم

فاأحياناً ياأتي بنا الحال ونقول " ياريت بعض مانراه فـ احلامنا هو الذي يتحقق

كان حلم وما اجمله من حلم

حلم يتعلق بالواقع

حلم له هدف حلم ولكن يعلمنا الكثير

 

ترتدي هاجر ملحفتها ونقابها الأسود التي اعتدات

عليه فلا تحمد ربنا علي نعمة النقاب التي انعم الله بها عليه منذخمس سنوات

 

حازم" استني هاكل وانزل اوصلك معايا

 

الأم" يلا ياهاجر كلي ياحببتي اتني كمان

 

هاجر" ماليش نفس

 

الأم" انتي مال عينك باينه كده

حاولي تظبطي النقاب ربنا يبارلك

 

حازم" ليه كده ياماما ما انتي من خمس دقايق كنتي بتكرهي اللحيه

 

الأم متعجبه" بكره اللحيه انت بتقول إيه؟؟

 

هاجر" بيحب يهزر متخديش علي كلامه ياماما

يلا يابشمهندس خلصت

 

حازم" يلا ياحببتي.. سلام ياأمي

 

يقبل الأخوة يد الوالده

وينصرفا إلي الجامعه

 

فـ الجامعه

تقابل هاجر دينا واميره

 

وقبل حضور المحاضره

تقص هاجر كل ماا رأته في الحلم

لدينا واميره

 

دينا" انا إللي بلغت عن أحمد ربنا ياخدني قبل ماأعمل كده

لأ وكمان انا صحبتك الفاشله

حرام والله

 

أميره مبتسمه" قولي خير يارب

ومتقوليش الحلم ده لحد تاني

 

هاجر" والله انا بحكـي لأنها كانت حاجه غريبه

أوي

يعني انا أبقي مش متدينه ودينا طالعه باردو

كده

 

اميره" والله ياهاجر بتحصلي

أحلم مثلا إني بقتل ناس

أو إني باكل مكرونه بشمل

وطلعت علي التلفزيون أقول للناس علي الطريقه

وكآني شيف

وبصحي من الحلم بضحك وأقول إيه الحكايه الغريبه دي

 

دينا" طيب ياختي انتي وهي يلا علشان نحضر المحاضره

اأحنا ليسانس السنه دي عاوزين نجيب تقدير

بقا ونخلص اخر سنه الحمدلله

 

هاجر" هو لو فعلا أحمد معانا فـ الجامعه

وانا كنت اولي كان ممكن يفكر فيا

 

دينا" لأ بس كان ممكن انتي إللي تروحي تدرسي ف القاهره

ويعجب بيكي ياست الرومانسيه

يلا ياهانم هنتأخر علي المحاضره

 

هاجر" ياعيال أنتو ليه بتحبطوني كدهـ

أنا انسانه وعندي أحساسيس ومشااااعر

 

أميره" طيب يامشاعر .. ربنا يرزقنا كلنا ولد زي احمد كده

 

هاجر" وليه زي لما ممكن ربنا يرزقني باأحمد نفسه

 

اميره" يابنتي ده واحد جاي ياخد شهاده تخرجه وهيسافر فرنسا

زي ما انتي كنتي بتقولي

إيه يخليه يشوفك ولا يعرفك

 

هاجر" عادي معجزة إلهيه..

 

الحقووو أحمد أهو ماشي هناك مع سعيد خاله

.. بس يابنت انتي وهي غضو بصركم

 

دينا" انتي بتقولي هناك يعني شوفتيهم

يعني انتي إللي تغضي بصرك مش احنا ياأستاذه

 

اميره" بس بقا يلا نحضر المحاضره

 

يذهب الأصدقاء للمحاضره

وتجلس هاجر بعيداً عن باقي أصدقائها

ومالزالت متأثره بتللك الحلم الذي رأته

وتبسم وتقول لما لا يكون احمد من نصيبي

وأنا عندي ثقه ف الله كبيره

أن يرزقني بالصالح

وحتي لو لم يجعل الله نصيب لا احزن

لأن الله يعلم ما هو الخير لي

 

تظل فتره وهاجر متأثره بالحلم

حتي انها اتصلت بحبيبه

واخبرتها بالحلم

وكان رد حبيبه

" أضحك الله سنك ياهاجر

أنا اه بنت ملتزمه بس بجد أنا اتعلمت من حلمك كتير

وبعدين من المبشرات الحلم

يعني ممكن ربنا يبعتلك رؤيه تكون منها رساله معينه

وتقريبا إللي انتي شوفتيه ده حقيقه

احمد دخل المعتقل وكان بيتعترض لضغوط كبيره اوي

 

هاجر" اه ما هو حازم كان بيقولي .. وفعلا أنا الفتره الأخيره كنت بعدت شويه عن ربنا

ومكنتش بصلي القيام إلا قليل

الحمدلله ربـي

 

فـ المنزل

حازم يجلس مع هاجر

ويخبرها لما وصل إليه احمد

من انجازات فكلما جلس حازم معه يأتي ويحكي لهاجر

كل شئ عنه

 

فترد هاجر قائله" بـــــس متحكليش عنه ولا حاجه

أنا هنام دلوقتي ومعنديش أستعداد احلم بيه تاني

حازم بالله عليك مش عاوزه اتعلق بيه اكتر من كده

انت عارف أن أحمد في جل المواصفات إلي بحلم بيها

 

حازم" خلاص ياهاجر ده انا حتي كنت جايبلك خبر حلو بس خلاص

 

هاجر" خبر إيه ها ها ها

ياحزومي ياحبيبي

 

حازم" دلوقتي حبيبك صح

عموما هو أحمد كان بيقولي انه بيدور علي عروسه

منتقبه وتبقي اخر سنه ليها علشان تسافر معاه فرنسا

 

هاجر" علي فكرة مش شرط يكون انا

 

حازم" مين قالك ان انتي بس الموصفات فيكي

متوفره فيكـي

وهو عاوز يتزوج من مصريه

قبل ما والده يجبله عروسه من السعوديه

ويتضر يبقي ليه كذا جنسيه

 

هاجر" مش هعلق نفسي بحاجه ..كلها قسمه ومكتوبه عند ربنا

لو ربنا كاتب احمد يبقي من نصيبي وانا استهله اكيد هتجوزه

وهبقي ليه ام وزوجه

 

حازم" انتي طيبه واكيد ربنا مش هيخذلك..

بس انتي ركزي في مذاكرتك

علشان الأمتحانات خلاص كلها أسبوع

ولو عاوزه في اي ماده قوليل أقول لحمد يشرحلك

 

هاجر مبتسمه" أخرج براه ياحازم علشان انا هقوم اقتلك

.أنسي بقا موضوع الحلم ده

أرجووووووووك

يارب لا تعلق قلبي باأحداً غيرك

واكتب لي فيما احب نصيبا

يارب قدر لي الخير حيث كان ثم أردني به

 

حازم" طيب أسيبك انتي تنامي

وانا هقوم علشان أصلي القيام

وبعدها هجي أصحيكي للفجـر

هاجر" تصلي القيام من غيري ياأستاذ

أستني هقوم أتوضاه واجي تصلي بيا أمام

يا أميري أنت ^^

 

تقضي هاجر إيامها في التركيز في المحاضرات

والأمتحانات ولا تنسي الطاعات والعبادات

فقد كانت قدوة لأصدقائها دائماً

كانت تريد ان تكون داعيه لغيرها بكل شئ

اخلاقها وكلامها ومعاملتها مع الخير

فكل انسان يمكن ان يكون دآعيه فـ حياتة إما للخير أو الشر، كلاً منا فـ مكانته

يستطيع ان يفعل الخير ونشر الصورة الصحيحه للدين

 

يمر شهر واكثر من الحلم الذي رأءته هاجر

وكانت فـ كل يوم تدعو الله أن يرزقها بالصالح

وإن صلح بالها

كان الحلم لا يغيب لحظه عن بالها

تتذكر دائماً صوت أحمد الذي كانت تسمعه فـ الحلم فتبكي

تتذكر موقف دينا صديقتها فتضحك عن ما كانت تفعله

تتذكر كرها لأحمد وحبيبه وكرها للملتزمين

فتقول اللهم لك الحمد عـ إن جعلتني مسلمه مطيعه

ومننت علي بالعفاف

تتخيل لوأن هذه هي شخصيتها الحقيقه التي كانت فـ الحلم

فتكره نفسها .

 

فممكن أن تراي رؤيه وتظل تللك الرؤيه تؤثر عليك عام أو عامين

 

فقصة سيدنا يوسف كانت بدايتها حلم وأثرت فيه

وأصبحت بعد ذالك حقيقه

 

فتلك عاجل بشري المؤمن

ﻋﺎﺟﻞ ﺑﺸﺮﻯ ﺍﻟﻤﺆﻣﻦ ﺃﻥ ﻳﻌﻤﻞ ﺍﻟﻤﺆﻣﻦ ﺍﻟﻌﻤﻞ ﺍﻟﺼﺎﻟﺢ ﻣﺨﻠﺼًﺎ ﻟﻠﻪ ﻓﻴﻪ، لا ﻳﺮﺟﻮ ﺑﻪ ﻏﻴﺮ ﻭﺟﻪ ﺍﻟﻠﻪ، ﻓﻴﻄﻠﻊ ﺍﻟﻨﺎﺱ ﻋﻠﻴﻪ، ﻓﻴﺜﻨﻮﺍ ﻋﻠﻴﻪ ﺑﻪ، ﻓﻴﺴﺮﻩ ﺫﻟﻚ ﻭﻳﺴﺘﺒﺸﺮ ﺑﻪ ﺧﻴﺮًﺍ، ﻓﺘﻠﻚ ﻋﺎﺟﻞ ﺑﺸﺮﻯ ﺍﻟﻤﺆﻣﻦ.

 

ﻭﻣﻦ ﺫﻟﻚ ﺍﻟﺮﺅﻳﺎ ﺍﻟﺼﺎﻟﺤﺔ ﻳﺮﺍﻫﺎ ﻓﻲ ﻧﻮﻣﻪ ﺃﻭ ﺗﺮﻯ ﻟﻪ.

 

وبمرور الوقت تخرجت هاجر من كلية الأداب

هـي وأصدقائها

وقد حمدت الله علي أن جعلها من الذين انعم عليهم بالنجاح والفلاح

 

وفي ذات ليله لم تنساه أبداً هاجر

ليله كانت فيها الهواء كالنسيم الطلق

كانت هاجر في تللك الليله نائمه

علي الضحك مع شقيقها حازم الذي كانت تعشق خفة ظله وتدينه فـ نفس الوقت

ودعت الله أن يرزقها بزوج صالح مثل حازم في التزامه وطيب أخلاقه

 

تستيقظ ليلتها عـ صوت من حازم يهمس فـ أذنها

 

هاجر هاجر أصحـي

 

تفتح هاجر عينيها فإذا هو حازم يبقف بجانبها

ويعتذر عن دخوله عليها وهي نائمه وأزعاجها من نومها

 

هاجر" خير ياحازم فـ إيه؟؟

 

حازم" حبتلك عريس جبتلك عريس

 

هاجر تغلق عينها مره اخري" بس يااحازم بلا عريس بلا وجع دماغ

انت عارف النوم عندي شئ مهم جداً

 

حازم" طب ولو قلتلك إن

الحج ماهر كان بيتكلم مع بابا فـ التليفون من شوية

وبيقوله عاوزين نخطب هاجر لأحمد وده يبقي شرف لينا لو أنت وافقت

 

تقوم هاجر من فراشها وتقف أمام حازم وتفتح عنيها بشده

وتنظر لحازم ولا تتكلم

 

حازم" هاجر مالك؟؟!!

 

هاجر" أنا أكيد بحلم زي اول مره

صح.. يلا ياحازم بالله عليك حاولي تفهمني إنه مش حلم

حاولي تخليني أستوعب

 

حازم يفتح زجاجه ماء كانت بجانب سرير هاجر

ورشها علي هاجر قائلاً" فوقي ياهاجر انتي مش بتحلمي

والله دي حقيقه

وحلمك هيتحقق

 

هاجر تصرخ باأعلـي صوتها

مش مصدقاه نفسي

مش مصدقاه دعوتي أستجابت

الحمدلله ربي الحمدلله ربي

من وثق في الله تحققت كل احلمه

 

بالأمس كان مجرد حلم

والليله أصبح حقيقه

 

هاجر" وبابا قاله إيه؟؟

 

حازم" بابا موافق طبعا بس هو قاله

هاخد رأي هاجر ونحدد يوم يجي يعمل فيه رؤيه شرعيه

 

هاجر تبكـي فرحاً ولا تستطيع أن تسكت نفسها

أو ان تجعل دموعها تجف

 

هل أصبحت حقيقه؟؟

هل كل ماكنت أراه فـ احلامي سيتحقق

ولكن هذه المره أكون فيها زوجه صالحه حقاً

 

هاجر" بقولك إيه قول لبابا إنك قولتلي وإني هعمل أستخاره

وأرد عليك ياعالم مش يمكن بعد الأستخاره تظهر حاجات كانت متسخبيه

 

حازم" عندك حق .، نعم الفتاه انتي ياهاجر .

 

بعد خروج حازم من غرفة هاجر تذهب لتتوضاء

وتصلي الأستخاره

وكان في الأسبوع الذي قبله

قد سافر احمد وسعيد إلي السعوديه للوالد وحبيبه

فربما أحمد قد فاتح والده فـ الموضوع

فبدون أن يره هاجر تقدم إليها

تقدم إليها وهو لا يعرف ما شكلها

ماصفاتها

كل ماكان يعرفه هي أنها اخت لحازم وأبنه لمحمود

وكان يسمع بعض الحديث عنها من حازم

الذي كان يتحدث عن اخته دائما من حبه لها

دون أن يقصد أن يجعل أحد منهم يتعلق بالأخر

 

بعد ادئها الأستخاره

الوالد يفاتح هاجر في موضوع احمد

فترد هاجر قائله

 

أنا مش موافقه ياباباااا

 

يستعجب كل من في البيت

وأولهم حازم

فهي كانت تحب احمد وكانت تدعو الله به

 

الوالد" هي دي حياتك وانتي حره ، بس إيه سبب رفضك

 

هاجر" انا مش موافقه يابابااا إن احمد يبقي أفضل مني فـ الطاعه ويتزوجني

علشان كده اخدت قرار

 

باالأتي

 

تنظر الأسره لبعضها

وينتظرون قرار هاجر

 

هاجر" القرار هو إني أبقي ملتزمه اكتر من احمد

وأتنافس انا وهو علي الجنه

مش موافقه أنه يبقي أفضل مني

لكن موافقه بيه كازوج

 

حازم" حرام عليكي ياهاجر أنا أيدي كانت علي قلبي

وقلت إنك مش موافقه مش معقول

 

الأب" علي فكرة الله ياهاجر هنحدد معاد مع الحج ماهر

وعلي مايجو من السعوديه

وكده تكوني جهزتي نفسك

هينزلو الأؤل علي بيتهم في القاهره

وهو ناوي أن شاء الله

علي كتب كتاب علي طول

وبعدها يرتب اجراءت السفر لفرنسا

ويحجز طياره وتسافري معاه لأنه هيشتغل في مركز لنشر الأسلام هناك

 

الأم" هاجر ...؟؟!! هاجر هتسافر وتبعد عني لأ أنا مش موافقه

 

الوالد" هو حد يطول إنه بنته تتزوج وتبقي داعيه في فرنسا

 

الأم" طب علي الأقل تسافر شهر وتيجي شهر اللي بعده

 

هاجر" ياأمي ياحببتي انتي عارفه إني مش هستغني عنك

وأنتي في قلبي

بس ادعيلي ربنا يصلح ليا حالي

 

ينتهي الحديث مع العائله

بالدعاء لهاجر ان تسعد فـ حياتها الدنيا والأخره

وان يرزقها بالخير دائماً

 

وبعد تحديد المعاد المناسب لحضور احمد وعائلته

يأتـــــــــــي اللقاااء المنتظر

القاء الذي سيراه احمد هاجر فيه

للمره الأولي وستتكلم فيه هاجر مع أحمد للمره الأولي

 

أحساس إن شخص دائماً يحكي لك عنه

وفي حياتك مع تحدثت إليه قط

 

حبيبه واحمد فـ الصاله

ومحمود وحازم

كلهم ينتظرون هاجر إلي ان تآتي

 

هاجر محرجه جداً فهي أول مره منذ سنوات

أن تخرج كاشفه وجهها علي من ليس من محارمها

 

تخرج ورأسها بالأرض ولا تتحدث بكلمة

وتجلس بجورا حازم

 

حازم" فـ إيه ياأحمد انت وهاجر

أنتم جاين تغضو البصر دلوقتي

مش وقتكو خالص

يلا شوفو بعض بقا

 

احمد" أضحك الله سنك "ارجوك يا حازم بلاش احراج اكتر من كده

 

الوالد" لو عاوز تسأل هاجر عن أي سؤال قول وبلاش حخل

ده زواج يعني يا أحمد ، وانتي ياهاجر نفس الكلام باردو

 

احمد" والله ياعمو انا مكنتش عاوز اعمل رؤيه شرعيه أصلاً

كفايه انها فتاه بالعفاف تجملت

والحياء تزينت

 

حازم" أوبا بقا يااحمد بتعاكس هاجر قدامي طب أستني طيب لما أمشي

 

الكل يضحك وهاجر تبتسم أبتسامه الخجل والكسوف

 

ويستمرون فـ الحديث

وبعدها يحدودن وقت ليأتي فيه الحج ماهر

والأتفاق علي المهر

 

فتقاطعهم هاجر قائله" أنا مش عاوزه مهر فلوس

انا عاوزه مهري سورة مريم

 

احمد" علي كده هدفعلك مهرك دلوقتي

لأني حافظ القرءان الحمدلله

 

الكل يتفاجئ بقرار هاجر

الذي كان متوقع بعض الشئ

 

هاجر" خلاص حازم يبقي يقعد معاك وتسمعله السورة

 

حازم" يابنتي بصي لأحمد وأنتي بتتكلمي أرفعي راسك من الأرض

 

احمد" ليك يوم ياحازم

والله هصر إني اجي معاك وانت بتخطب

علشان احرجك كل شويه

 

حازم" لأ خلاص انا أسف..، عموماً يعني

أنا عاوزه أسمعلك دلوقتي بقا هااااا

 

ماليش دعوة عاوز مهر اختي دلوقتي

 

احمد" دلوقتي المغرب يأذن وننزل نصلي وأقولك فـ المسجد

ولم يكمل احمد كلمتة إلا وأذان المغرب " الله اكبر الله اكبر

 

حازم" انا متوضي يلا ننزل

 

الوالد" حازم أستني ، علي الأقل أحمد يشرب العصير

ويرتاح شويه

 

اأحمد" لأ ياعمو متشكر أنا هنزل دلوقتي أصلي

 

الوالد" طيب انا جاي معاكم

 

تدخل هاجر غرفتها وتنادي علي حازم

 

حازم" ايوة ياعروسه ؟؟ أؤمرويني

 

هاجر" عاوزك تسجل لأحمد علشان أسمع صوته

وكمان علشاأن أتاكد من حفظه للسوره

 

حازم" عنيا ليكـــي

يلا انا هنزل وانتي أقعدي مع حبيبه برا

وهما كده كده شويه

وهيمشو علشان يلحقو القطر

 

وينزل أحمد وحازم والوالد للمسجد

ويجلس هاجر مع حبيبه

 

تتحدث هاجر عن نفسها وعن ماتكره وماتحبه

 

وبعدا مرور الوقت يرجع حازم ووالوالد

واحمد يتصل بحبيه

ان تنزل إليه

 

حازم" أحمدمش عاوز يرجع تاني

وقال خلي حبيبه تنزل

علشان متاخر علي القطر

بٍ علي فكره بقا انا انا عمري ماشوفت مهر

بيبقي قبل الخطوبه

 

هاجر" مش انت إللي قلت عاوز أختبرك

أنا مالي

 

حبيبه " طيب معلش هنزل لأحمد لأنه بيتصل بيه

سلام عليكم

 

هاجر" هااااا سمعني صوته

 

حازم" نسيت أسجل

 

هاجر" انت بتهزر أنا عاوزه أسمع صوته

 

حازم" اه بهزر .. أستني نشغله ونسمعه كلنا

ماشاء الله بجد صوته اكثر من رائع مش غلط خالص

 

يبتدي حازم في تشغيل الصوت

فتتفاجئ هاجر باأن تللك الصوت الذي كانت تسمعه في الحلم

 

حازم حازم ده هو ده نفس الصوت إللي كنت بسمعه في الحلم انا مش مصدقاااااااه

دي بقت حقيقه الحمدلله الحمدلله

 

باأختصاراً للأحداث

تتزوج هاجر احمد وتسافر لفرنسا

بعد الزواج مباشراً

 

وياخذ احمد هاجر للبيت الذي أشتراه مخصوص لعيش فيه مع زوجته

 

ويوعدها باأداء مناسك الحج ذالك العام لبيارك الله لهم فـ زواجهم

 

أحمد في بيته الجديد

مه زوجته التي كان يدعِ الله دائما بها

 

احمد" اللهم إني أسألك خيرها اللهم اجعلها صالحه

 

يأخد احمد هاجر من أيديها برفق

ويغمض عنيها

 

احمد" متفتحتيش عينك غير لما أقولك

 

وبعد دقائق

أحمد " فتحي خلاص

 

تفتح هاجر عنيها علي حديقه جميله

 

احمد" انا كنت دايماً بتابع أعمال بناء المنزل مع خالتي بالتليفون

 

هاجر" أحمد هي إللي هناك دي مرجيحه

 

احمد" للأسف اه .

 

هاجر" للأسف ؟؟!!

 

احمد" أيوة ياستي عرفت إنك بتحبي المرجيحه أوي

صممت إني أعملك واحده هنا

بس يارب متنشغليش بيها عن الدعوة ومتنسيش هدفنا

 

هاجر" طب يلاااا بقا انا عاوزه اجربها

 

احمد" بس كده يلا نرووووح

 

بـس هقولك علي حاجه مهمه

 

عارفه ياهاجر إني طول عمري بحلم باليوم إللي زوجتي هتشاركني فيه

حلم حياتي وهو الدعوة لله

وكنت دايماً بدعي ربنا باليوم ده

 

هاجر" انت عارف بقا أني انا قصتي بداءت معاك بحلم وانتهت بحقيقه

 

وهنا أبتدا مشوار هاجر واحمد فـ الدعوه لإلي الله عز وجل

 

تمت بحمد الله

 

بقلم روان صادق

تم تعديل 23 اكتوبر, 2014 بواسطة الدآعية أم لبابة

[رياحينو 205]

@

السلام عليكم ورحمة الله وبركاته

قصة رائعة يا غالية

بارك الله فيك وفي كتبتها

تنتهي نهاية غير تقليدية

اللهم اعز الأسلام والمسلمين

اللهم ارحمنا واغفر لنا واجعلنا دعاة لدينك بأقوالنا وأفعالنا

اللهم أمييييييين

[أم عبدالرحمن وجنة 14]

قصه جميييييييييييييييييييله

بارك الله فيك وفى كاتبتها وجعل ماتكتب فى ميزان حسناتها

[أم لبابة بنت أحمد محمد 172]

اللهم اميييييييييين واياكم يارب

[ملك نور الدين 0]

بارك الله فيكى قصة جميلة وممتعة

 

بس مع الاسف قليل جدا لما تلاقى شخصية مثل احمد او حازم ولكن هاجر (لغير ملتزمة ) ورفاقها بالجامعة موجدين بكثرة

 

كم اتمنى ان نكثر من الملتزمين بحق

[روان السلفية 2]

راااااااااااااااااااااائعة اقسم بالله لا استطيع ان اصف لكِ ما أثر هذه القصه على إلتزامي سبحااااان الله العظيم

اشكرك جزاكِ الله خيرا في الدنيا والاخرة وجعلها الله في ميزان حسناتك :)

احبك ف الله

جميلة جدا جدا جدااااا اسأل الله العظيم الكريم ان يرزقني ونساء المسلمين العفاف والهدى والزوج صالح

آآآآآآآمـــــــــــــــــــــــين <3