ساجدة للرحمن 2049 أرسلي تقرير عن المشاركة قامت بالمشاركة 1 اكتوبر, 2014 عن فرحتك مع ظهور الخط التاني ف اختبار الحمل ...وضحكتك مع أول سونار عملتيه... معدتك اللي عذبتك في قبول الأكل ف ال 3 شهور الأولى... ابتسامتك لما بطنك بدأت تكبر.. إحساسك ورهبتك مع أول حركة ليه ف بطنك... ارهاقك وتعبك مع نهاية شهور الحمل والحمام اللي كنتي بتدخليه 70 مرة ف اليوم... شقلبتك عالسرير وانتي زي الكورة مش عارفة تنامي على اي جنب عشان تعرفي تتنفسي وتاخدي راحتك... الحموضة اللي كانت مبوظة عليكي كل الأكل.... وأخيرا الولاااااادة وعينك اللي طلعت ف الطلق وصوت صريخك اللي كان مسمع آخر الدنيا واللي بينتهي بابتسامة عجيبة مع اول مرة عينك تقع فيها على الضيف اللي طااااال انتظاره وصوت عياطه اللي بينسيكي كللللل اللي فات.... خضتك مع اول مرة رضعتيه فيها... لغبطتك مع اول مرة غيرتيله البامبرز فيها... حوستك مع أول مرة حمتيه فيها... سعاادتك مع أول ضحكة شوفتيها منه... عياطك على زمن النوم اللي راح بلا رجعة عشان الأستاذ أو الهانم مفنجل طول الليل...دمعتك لما سخن أو جاله دور برد... أول تطعيم والبهدلة اللي اتبهدلتيها معاه... ضراضيره اللي كانت بتعضعضك وانتي بترضعيه .. أول سِنة طلعتله... أول حركة بدأ يتقلبها...أول مرة زحف فيها...أول مرة أكل فيها...أول مرة وقف على رجله... أول مرة بدأ يمشي... أول كلمة نطقها... أمة لا إله إلا الله اللي كانت بتسمع صريخه أيام فطامه والألم اللي كان بيقطع جسمك وقتها... جريك وبهدلتك وراه لما تخرجوا أي مكان...أول يوم ليه ف الحضانة... مذاكرتك وسهرك معاه في واجباته... فرحتك بثناء المدرسين عليه... الوقت اللي قضيتيه ف المطبخ تفتكسي ف أكلات يمكن نفسه تتفتح ويرضى ياكل كويس... فرحتك والزهرة النونو بتكبر يوم ورا يوم قدام عنيكي.... ~~~~~~~~~~~~~~~ بس الصدمة والشئ العجيب ان الكلام دا رغم انك هتكوني فاكراه بكل تفاصيله حتى لو بقى عندك مليون سنة... إلا ان ابنك او بنتك الكلام دا مش متخزن ف الذاكرة بتاعته أصلا!!!!!!!!! دي أكبر صدمة فعلا... كل الكلام دا أمي عملته معايا... بس انا مش فاكرة أي حاجة من الكلام دا نهااائي... مع ان عمري 27 سنة الا اني بمنتهى الأمانة مش فاكرة أييييييييي حاجة من ذكريات طفولتي غير بعض المشاهد اللي موجودة بشكل عشوائي ف الذاكرة ... ممكن أكون فاكرة ذكرياتي مع أمي في مرحلة ما بعد الجامعة... لكن مرحلة (ولادة-رضاعة-حضانة-ابتدائي-اعدادي-ثانوي) مش فاكرة منها غير مشاهد بسيطة جداااااا .... عارفين ...عشان كل اللي فات دا ربنا لما أمرنا بالدعاء لوالدينا قال "وقل رب ارحمها كما ربياني صغيرا" اشمعنى صغيرا؟؟؟ ماهم ربونا ف الصغر والكبر... لااااا عشان المجهود اللي بذلوه معاك ف الصغر انت ماتعرفش عنه حاجة ولا هتفتكره أصلاااا.... حاجة مؤلمة جدا بجد.... قيسيها على نفسك كللللللللللل المجهود والسهر والتعب اللي بتعمليه مع اولادك مش هيفتكروا منه حاجة أصلااا... صحيح ثمار الغرس اللي بتغرسيه بتربيتك ليهم أكيد هتكون موجودة لكن بتكلم على تقديرهم هما لمجهودك دا.... الكلام دا موجه لكل واحدة بتعامل مامتها ب ندية وتزعل وتشيل منها على أي موقف أو كلمة تقولها.... على فكرة مش معنى انها طيبة ومش بتزعل منك انك تفتكري ان الروس اتساوت وانها مش اكتر من ميكروباص ركبتيه عشان توصلي الدنيا ولما نزلتي يبقى بالسلامة ودورها مالوش لازمة.... ~~~~~~~~~~~~~~~ أحسبكم جميعا على خير... بس الرسالة دي لكل واحدة بتستهون بدور مامتها أو بتزهق من رغيها أو كلامها ع الماضي.... أنا كمان كنت بزهق لما ماما تقعد تحكيلي عن ذكرياتها ف غسيل الكوافيل بتاعتنا وازاي كانت بتحطهت ف ماية مغلية وبعدين بوطاس وبعدين كلور وبعدين تغسلها تاني بإريال وبعدين تحطها ف زهرة الخ الخ الخ الكلام دا حكيتهولي مليون مرة من كتر ما سمعته زهقت وكنت بقول ما كل الناس كانت بتعمل كدا وكمان انا حفظت الاسطوانة دي... ما فهمتش قصدها انها مش بتتباهى بشطارتها اد ما كان قصدها تحكي ع المجهود اللي بذلته... وبعدين صحيح كل الناس كانت بتعمل كدا لكن هي الوحييييدة من ضمن الناس اللي كانت بتعمل لي أنا كدا.... لما كانت تحكي على ذكريات الولادة كنت كأني بسمع فيلم خيالي وأزهق وأحس انها بتأفور ...مافهمتش ولا حسيت باللي كانت عايزة تقولهولي غير لما جربت بنفسي...لما كانت تتصل عليا ف وانا راجعة من الجامعة وما اخدش بالي غير بعد ما الاقيها متصلة 10 مرات وأرد بمنتهى البرود لما ألاقيها متعصبة اني ما ردتش عليها ان ايه المشكلة يعني اني ما ردتش مانا ماسمعتش التليفون ليه التسلط والسيطرة اللي بدون معنى دي....مافهمتش ان قلبها كان هيتخلع من كتر قلقها عليا ... لكن للأسف كان فات الأوان وما كانتش موجودة عشان أبوس رجليها وأقولها شكرا على كل لحظة تعبتي فيها عشاني.... مش قادرة أتخيل ازاي واحدة اتجوزت وخلفت بيجيلها عين ترفع عينها ف عين مامتها وتسخن ف النقاش معاها على أي حاجة هما مختلفين فيها... أو تزعل منها عشان قالت كلمة كدا ولا كدا ليها او لحد من عيالها... يا كل واحدة عندها كنز مش مقدرة قيمته..فوووقي... بوسي ايد ورجل أمك كل لحظة.... شوفي انتي بتتعبي ازاي مع أولادك واعرفي انها تعبت أضعااااف أضعافه.... ألا رفقاً بالأمهات ألا رفقاً بالأمهات.... م / ن 5 شارك هذه المشاركه رابط المشاركه شارك
**راضية** 1996 أرسلي تقرير عن المشاركة قامت بالمشاركة 1 اكتوبر, 2014 مؤلم....... شارك هذه المشاركه رابط المشاركه شارك
رضــــاك ربي 258 أرسلي تقرير عن المشاركة قامت بالمشاركة 2 اكتوبر, 2014 الله المستعان جزاك الله خيرا على التذكرة شارك هذه المشاركه رابط المشاركه شارك
جمانة راجح 1481 أرسلي تقرير عن المشاركة قامت بالمشاركة 2 اكتوبر, 2014 السلام عليكم ورحمة الله وبركاته كلمات مؤثرة جدًا الله رفع قدرها لأنه هو الأعلم بما فعلت جزاكِ الله خيرًا ياغالية وجعلها في ميزان حسناتكِ لا حرمنا الله تواجدكِ شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 8 اكتوبر, 2014 السلام عليكم ورحمة الله وبركاته @ @@رضــــاك ربي @ بورك فيكن وفي تواجدكن الطيب يا غالية .. شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 8 اكتوبر, 2014 جزاك الله خيرا شارك هذه المشاركه رابط المشاركه شارك
تالية القران 98 أرسلي تقرير عن المشاركة قامت بالمشاركة 8 اكتوبر, 2014 بوركتي مشرفتنا الغالية** ساجدة للرحمن **تسلمي خواطر جميلة باحرف عذبة تمس حنايا القلب عن تلك الجوهرة(( الام ))ربي يجمعنا بهن في العالي الجنان. شارك هذه المشاركه رابط المشاركه شارك
أم سهيلة 878 أرسلي تقرير عن المشاركة قامت بالمشاركة 8 نوفمبر, 2014 و عليكم السلام و رحمة الله و بركاته مؤثر و الله المستعان أسأل الله عز و جل أن يوفقنا لبر أمهاتنا و أن يرزقنا بر بناتنا جزاكِ الله خيرًا يا غالية شارك هذه المشاركه رابط المشاركه شارك
أمّ عبد الله 2363 أرسلي تقرير عن المشاركة قامت بالمشاركة 9 نوفمبر, 2014 الله المستعان فعلا لا يمكننا تقدير كل ذلك الجهد المبذول من طرف أمهاتنا إلا بعد التجربة جزاك الله خيرا على هذه الكلمات شارك هذه المشاركه رابط المشاركه شارك
رجائي في الله كبير 9 أرسلي تقرير عن المشاركة قامت بالمشاركة 20 نوفمبر, 2014 السلام عليكم و رحمة الله و بركاته جزاك الله خيرا أختي ساجدة رب ارحمهما كما ربياني صغيرا اللهم اغفر لنا تقصيرنا و ارزقنا بر والدينا و ارضهم عنا برحمتك يا رحمان شارك هذه المشاركه رابط المشاركه شارك
عهد الوفاء 43 أرسلي تقرير عن المشاركة قامت بالمشاركة 20 نوفمبر, 2014 (معدل) لم اشعر يوما بتعب امي معي و اخوتي الا بعد ان صرت اما نعم لم انساها في الدعاء مند ان ادن الله بالحمل وشعرت اكثر بتعبها بعد الولادة كم سهرت وصبرت وتالمت واعتنت واجهدت نفسها نعم امي ثم امي ثم امي اللهم اني قصرت اتجاه امي فاللهم اجزها عني خيرا اللهم اجعل جزاؤها الجنة بدون حساب ولا سابقة عذاب احبك امي تم تعديل 20 نوفمبر, 2014 بواسطة عهد الوفاء شارك هذه المشاركه رابط المشاركه شارك
يحبهم ويحبونه 88 أرسلي تقرير عن المشاركة قامت بالمشاركة 20 نوفمبر, 2014 جزاك الله خيرا حبيبتى شارك هذه المشاركه رابط المشاركه شارك
الملتزمة المتفائلة 292 أرسلي تقرير عن المشاركة قامت بالمشاركة 10 ديسمبر, 2014 السلام عليكم ----- تذكرة طيبة. بارك الله فيك اختي ساجدة الحبيبة. اسأل الله تعالى أن يتجاوز عن تقصيرنا. امين. سؤال: هل الأم يسعدها ان تسأليها عن ولادتك والحاجات دي؟ وجزاك الله خيرا شارك هذه المشاركه رابط المشاركه شارك
