اذهبي الى المحتوى
أم يُمنى

كيك وشاى وشوية لب

المشاركات التي تم ترشيحها

ماشاء الله بيعلموا أطفالنا فــ الحضانة

 

 

 

 

 

 

 

أغانى وأناشيد للقاتل ونظامه ..

 

 

 

 

 

الله أكبر ..العيال ذى العثل

 

 

تفتكروا لما يكبروا هيطلعوا إيه ؟؟؟؟

 

يالا ... كيك وشاى وشوية لب ونتفرج ..!!!!!

شارك هذه المشاركه


رابط المشاركه
شارك

فى أكتر من كده فرجه يا رفيده ...

 

 

نتفرج على صناعة العبيد الجدد يا حبيبة قلبى

شارك هذه المشاركه


رابط المشاركه
شارك

سيدة بمصر المحروسة تلد فى الشارع أمام مستشفى

تم تعديل بواسطة أم سهيلة
يُمنع وضع صور النساء

شارك هذه المشاركه


رابط المشاركه
شارك

الحبيبة رفيدة

 

فى أغانى ضد الانقلاب محرمة

 

وهل أنا أقريت بها ...أنا ماليش فى الغنا خالص

 

بس شفت أطفال برأااااأ بيغنوا ....... بابتنا ....... مامتنا

 

أفرح انا كده ....أنا شخصيا لو جانى حفيدى يغنى لى كده

 

هاروح الحضانة ....أسحب ورقه ولو كلنا عملنا كدة ....ياترى هنبقى عملنا فتنه

شارك هذه المشاركه


رابط المشاركه
شارك

شوفتوا الصورة الكريمة جدا للمواطنة المصرية وهى بتولد

 

فى براح الشارع ....منتهى الكرامة

 

ولا القطط والكلاب الضالة .....ليس لنا إلا

 

حسبنا الله ونعم الوكيل فى من قتل وسرق وفوض وأفتى وسكت

 

متنسوش وانتوا بتتفرجوا ..كيك وشاى وشوية لب ....عشان مانعملش فتنة

شارك هذه المشاركه


رابط المشاركه
شارك

الله يكون بعونها المسكينة . الله اكبر عالظلم. الله اكبر.

شارك هذه المشاركه


رابط المشاركه
شارك

الله بعوننا جميعا أخيتى فكلنا فى دولة الظلم والطغيان سواء

 

شكر الله لكِ مروركِ الكريم

شارك هذه المشاركه


رابط المشاركه
شارك

الحمد لله

شارك هذه المشاركه


رابط المشاركه
شارك

شفتها امبارح فالاخبار .

الله المستعان. إهمال طبي على اعلى مستوى.

حسبنا الله ونعم الوكيل.

تم تعديل بواسطة " فاتن "

شارك هذه المشاركه


رابط المشاركه
شارك

هو ده ناتج السكوت اللى أمرنا به العلماء الربانيوووووون ...علماء السسسسسسكووووووت

 

ليه يامولانا ....عشان البلد تستقررررر ...أكاد أ ُجن ..لولا فضل ربى ويقينى أن أمرى كله خير

 

الحمد لله يومى كله ما بين صبر وشكر ..ومابين دعاء وبكاء

أخواتى ..حبيباتى

عمر (هندسة اسكندرية ) مات النهارده

 

تفتكرى لو عمر إبنك ..أو أخوكى ..هتاخدى بفتوى السسسسسسكووووووووت

 

أحسن نزعرهم على باقى الشعب

شارك هذه المشاركه


رابط المشاركه
شارك

الحبيبة هاجر .....نعم المولى ونعم النصير

 

اللهم ارزقنا الثبات ....بـُنيتى ..والعمل على نـُصرة الحق أينما وُجد

شارك هذه المشاركه


رابط المشاركه
شارك

ها يابنات مجهزين الكيك والشاى ..يالا وانا جبت اللب

 

الطلبة بالتناوب بين الجامعات كده بيبعتروا كرامة فالكون ..الله أكبر

 

سكان سينا بيلموا عزالهم من امبارح ( عشان أمن الكيان الصهيونى )

 

والسلطة بتفجر بيوتهم ...(فلوسنا وأراضينا علينا بلاش )

 

حسبنا الله ونعم الوكيل

 

أم علاء وسناء ( د. ليلى سويف ) تدخل فى إضراب عن الطعام

 

اعتراضا على سجن ابنها وبنتها .... المهم هنا انها صرحت منذفترة صغيرة

 

أننا ندفع تمن السكوووووووت على مجزرة رابعة والنهضة وما قبلها وما بعدها

 

أن تأتى متأخرا خير ٌ من ألا تأتِ

 

التليفزيون المصرى عامل حملة ياطولها يا عرضها على قناة ( صوغنونة )

 

أسمها الشرق فيها ناس قرروا ينصروا الحق برة بلدهم ...الله أكبر

 

كفاية عليكوا كدة النهارده ...سيبولى حبة شاى من غير سكر

 

سبحنك اللهم وبحمدك ......أستغفرك وأتوب إليك

شارك هذه المشاركه


رابط المشاركه
شارك

سؤال برىء : حد معانا عنده قرايب فى سينا ؟

 

سؤال تانى : ماذا لو جاءوا على بيت حضرتك وانتِ بتجهزى الفطار للولاد

ـــــــــــــــ (متخافيش مش هيموتوكم ) بس قالوا بكل ذوق وحنية

من فضلك اخرجوا حالا بعزالكم عشان هنهد الحى ده ؟؟؟

حضرتك فار الدم فــ دماغك بس مسكتِ أعصابك وقلتى (بس البيوت جديدة )

بنفس الذوق والحنية ( أصل فى إرهابين هنا أنتوا مش شايفنهم هنحاربهم وخايفين عليكوا )

......... يلا ياست انت وهى ....بدل ما تجيلكوا طلقة كده والا كده

 

 

 

............ت ت ت ت ت بووووووووم طرااااااااخ

 

 

الحالة لاتحتمل كيك وشاى ولا لب ...الحالة محتاجة خيم وبطاطين عشان دخلة الشتا

............................. والله المستعان ..............................

شارك هذه المشاركه


رابط المشاركه
شارك

بعد أحكام القضاء الشا.... أم شهيد ( نحسبه كذلك بإذن الله ) بتقول

 

طب أنا قلبى والع نار دلوقتى ..أخد حق ابنى من مين ؟؟؟؟؟؟

 

بسيطة إسألى الشيخ اللى بكانا يوما ما على حالنا فالتزمنا

 

من كام يوم شيخ أزهرى أول حرف من أسمه ( خطيب الثورة ) كان بيطالب الأزهر

 

باستصدار فتوى تبيح ( للضباط الأحرار اللى نازلين يحاربوا المسلمين الكفار اللى رافعين المصحف )دهس المصحف

 

مطلوب منك يامسلم مش تسكت ...... تخرص خالص

 

ياسر هوارى ( اللى مفيش حد طايقه أصلا ) بيقول فى مداخلة : إزاى أقنع نفسى ان جنبى إخوانى وقع مصاب برصاصة ومات

 

والقضاة بيقولوا الإخوان هم الطرف التالت اللى قتل كل الناس دى ..... رد عليه انت ياحسين

 

آه بمناسبة .. رد انت يا حسين ... فى أخبار ان جمال مبارك هينافس على الرئاسة 2018 ..يعنى الموكوس اللى موجود دلوقت

 

هيسيبوه يتهنى بالرئاسة الكام سنة دول ............. كده خلصتوا اللب

شارك هذه المشاركه


رابط المشاركه
شارك

مصر هتدخل موسوعة جينيس بكم التسريبات اللى عندها

 

أجمل مافى تسريبات اليوم إنها بتأكد إن العالم لابس فــ حيط من ناحية مصر

 

عايزين يحطوها على قضبان الاستعباد مرة أخرى ومش عارفين

 

شهادة حق ( رئيس البلد الفعلى اللى فــ السسجن ) هو البطل اللى ملبس العالم فـ الحيط

 

ومعه الحراك الذى يغلى فى الشارع قرابة 17 شهر .. ولن يستقر إلا بحريته

 

الحق والحرية لاتـُهدى هذه حقوق تـُنتزع

 

وإن اختلفت وإن تصنعت أنك لاتعلم أن هذا من الدين

شارك هذه المشاركه


رابط المشاركه
شارك

أنا قلت آجى أحكى الخيبة بتاعة النهارده هنا

 

يمكن واحدة من حبيباتى تكون معدية فتدخل تبص علىّ تلاقى حتة كيك أو حبة شاى

 

تنفيذ حكم الإعدام على محمود حسن رمضان أمس السبت 7 مارس :( :( :( :(

##############

 

 

حد فاكره أصلا .....

 

هو طبعا مش أغلى من كل اللى راحوا ..بس الحالة دى بتدى رسالة معينة

 

بعد تولى السفاح الجديد ودم جديد يـُراق بس إيه بالقانون وحكم القضاء الشــــاااااااا ...................

تم تعديل بواسطة أم سهيلة
( رابط مخالف )

شارك هذه المشاركه


رابط المشاركه
شارك

مش قلت لكم رسالة واااادى أول حرف منها

 

أمس الاثنين راحوا قتلوا سيد شعراوى فى بيته فى ناهيا

 

واللى جى بقى جهزوا نفسكم لاستقبال الإعدامات ببساطة

 

وعمليات قتل نوعى مش مبررات ولا نستنى لما نعميهم بالغاز والا نلطشهم بالخرطوش

 

وكل من سمى الظالمين القتلة ( صناع القرار ) يجهز جوابا لربه

 

والله لن نسامح أحدا .. خلاص عجلة العد التنازلى بدأت والنصر قادم

 

والله المستعان

 

ما أرى الآن إلا الدعاء على الظالمين ومن عاونهم

 

كل أسرة فيكِ يامســـــــــــــر عندهم محزنة ما ( قتل , خطف , اعتقال , اغتصاب , تعذيب , سحل )

 

اللهم إنا نبرأ من مساندة أو حتى السكووووووت على الظلم الفاجر فى بلادى

 

وإلى الله المشتكى

شارك هذه المشاركه


رابط المشاركه
شارك

سؤال برىء : حد معانا عنده قرايب فى سينا ؟

 

سؤال تانى : ماذا لو جاءوا على بيت حضرتك وانتِ بتجهزى الفطار للولاد

ـــــــــــــــ (متخافيش مش هيموتوكم ) بس قالوا بكل ذوق وحنية

من فضلك اخرجوا حالا بعزالكم عشان هنهد الحى ده ؟؟؟

حضرتك فار الدم فــ دماغك بس مسكتِ أعصابك وقلتى (بس البيوت جديدة )

بنفس الذوق والحنية ( أصل فى إرهابين هنا أنتوا مش شايفنهم هنحاربهم وخايفين عليكوا )

......... يلا ياست انت وهى ....بدل ما تجيلكوا طلقة كده والا كده

 

المشهد ده تخيلته فى سنة ( 2014 ) كنت متخيلة ان دى أقصى حاجة ممكن تحصل

 

بسرعة ــــ حريق العتبة ــ الرويعى ــ الغورية ــ الحمزاوى ــ النساجون ـــ مبنى المحافظة ــ و..... و.... و...

 

مصر بتولع

 

بلا أى شفقة ( خراب يا مسر )

 

من سكت على حرق البشر لا ينتظر تعاطف مع حرق شوية مبانى حتى وإن كانت مبانى أثرية كما يُروج

 

من كرم ربى علىّ نزع نعرة المصرنة والسعودة والكويتة والـلبننة والـ.. ... والـ....

 

أستغفرك ربى وأتوب إليك

تم تعديل بواسطة أم يُمنى

شارك هذه المشاركه


رابط المشاركه
شارك

13220895_10153707757321376_3722028963578373600_n.jpg?oh=f7b46b4b814121f120d07ad2fccd1c9c&oe=57CA7FB8

 

 

مش ها قول ان تيران وصنافير مصرية ابحث انت يامصرى واعرف

 

أكمل بالمرة بقى ..

 

حلايب وشلاتين فى الجنوب , طبعا سينا بالكامل لحد القناة بالترعة الجديدة , برانى والسلوم لجيران الغرب

 

والمفاجأة ............................

 

 

 

 

 

 

 

الإسكندرية يونانية من أيام الاسكندر واليونان من غير ما تطالب بها هنعطيها لها

 

ليـــــــــــــــــه ؟؟؟؟؟؟؟؟؟؟؟

 

لإن الموكوس اللى سارق البلد أمه قالت له ماتاخدش حاجة حد

 

 

 

وإلى الله المشتكى

شارك هذه المشاركه


رابط المشاركه
شارك

الحق والحرية لاتـُهدى هذه حقوق تـُنتزع

 

وإن اختلفت وإن تصنعت أنك لاتعلم أن هذا من الدين

 

 

موضة ماشية الايام دى ... انتوا لسة فاكرين ..

 

عرفنا الحقيقة وعرفنا اننا واخدين على دماغنا بس هنعمل ايه .. إحنا غلابة

 

لو لم تسعى لأخذ حقك بكل السبل فلا كرامة لك وتستاهل اللى يحصل لك

 

أهو احنا منتظرين الفرج

 

وانت بتنتظر الفرج عليك استفراغ الوِسع يعنى تعمل ما عليك وإن قل

 

إنكار بالقلب ودعاء ووعى باللسان وتذكير حتى لايموت الحق

 

ما ضاع حق وراءه مُطالب

 

والله المستعان

شارك هذه المشاركه


رابط المشاركه
شارك

الأحداث من 10 أيام محتاجة ركنة طويلة هنا ومعانا كيك وشاى من غير سكر

 

وبلاش اللب عشان نركز

 

خبير اقتصادي يصرخ : تكرار السيسي لكارثة عاطف عبيد بتعويم الجنيه سيرفع سعر الدولار ل 30 جنيه !!

 

 

حذر الخبير الاقتصادي “محمود ياسين”، من تكرار تجربة تعويم الجنيه المصري هذه الأيام وقال أن التجربة الأولى التي حدثت خلال عام 2003 في عهد حكومة الدكتور “عاطف عبيد”، كانت نتائجها كارثية، وكان قرار التعويم في تلك الفترة من أسوء القرارات التي أضرت بالاقتصاد المصري.

 

وتساءل “ياسين”، هل يكرر السيسي وحكومته وطارق عامر الكارثة؟، مشيرا إلى أن قرار التعويم خلال فترة رئاسة الدكتور “عاطف عبيد” لمجلس الوزراء في أيام المخلوع مبارك أدى إلى ارتفاع سعر صرف صرف الدولار الأمريكي بنسبة قاربت الـ 100%، حيث كان السعر قبل التعويم 3.40 جنيه، وارتفع بعده ليستقر عند 6.20 جنيه للدولار الواحد.

 

وإذا كان سعر الدولار سيكون 15 جنيه بعد أيام ومع تعويم الجنيه وتوقع ارتفاع سعره 100% معن ذلك أنه سيصل ل 30 جنيه وذلك هو الانتحار بعينه ..!

وجدير بالذكر أن الشارع المصري، ينتظر قرارا من البنك المركزي بشأن تحريك سعر الجنيه المصري أمام الدولار الأمريكي، سواء بتخفيض قيمة الجنيه أو تعويمه، بناءا على تصريحات وتلميحات سابقة لمسؤولين بالدولة، وعلى حسب تصريحات بعض المصادر المطلعة، والمقربة من دوائر اتخاذ القرار، والتي أفادت بأن قرار تخفيض أو تعويم الجنيه المصري خلال أيام قليلة.

 

وكان البعض قد فسر ما قاله السيسي في حطاب غيط العنب بالاستكندرية من أن الجيش سيوفر الاحتياجات الغذائية للمواطنين بسعر في متناول اليد ومنخفض عن الأسواق وتكراره لعبارة أن ذلك سيحدث مهما كان سعر الدولار التي كررها ثلاثا ان معنى ذلك أنه كان يتحدث عن التعويم للجنيه وارتفاع سعر الدولار ارتفاعا غير مسبوق .

 

وكانت حرية بوست الموقع الوحيد الذي حلل كلمات السيسي يوم زيارته لغيط العنب أن معناها ارتفاع سعر الدولار في تقرير بعنوان ( السيسي تحد عن ثورة الغلابة وارتفاع سعر الدولار في خطاب غيط العنب ) .

.................................................................................

 

معلش طولت عليكم بمقال كامل ..بص بعين الفحص والوعى للجـُمل البارزة والمضوّءة

 

هذا الحدث لو فى دول العالم ــ مش التالت ـــ السابع والا العاشر لازم تكون وقعت خلاص

 

طب الناس اللى مرعوبة على وقوع البلد , ومصر محفوظة , ومذكورة فى القرآن , والبلد

 

معمول لها عمل ومؤامرة والكلام الخيبان ده

 

ناوى تفوق وتنكر وتدعى عــ الظالم وتواجهه أمتى ؟

 

مستنى لما أحفادنا يقولوا منكم لله يا أهالينا ياجـُبنا والا ناوى يبقوا جُبنا زينا

 

ماليش نِفس للكيك ولا الشاى

شارك هذه المشاركه


رابط المشاركه
شارك

أحد المجموعات الشبابية اللى نازلين .. شعارهم ضد العسكر والإخوان

 

تجميعة ظالمة ...نفس غلطة 30/ 6

 

حينما تقصى فريق من بلدك تأكد ان فريق آخر ومهم سيتركك

 

( لعن الله قوما ضاع الحق بينهم )..

 

هذا الإصرار على عمل عداوة وهمية مع ناس جُل اختلافنا معهم أنهم إصلاحيون والبلاد تحتاج الثوريون

 

لا يمكن استعمال الإصلاح مع مجرمين .. مع هذا الرأى جدا

 

لكن علينا التعامل مع كل أطياف الوطن وكسب كل أطياف الوطن

 

وحاول تعلى بسقف طموحك فى بلدك ... انتشلها من شبه الدول إلى مصاف الدول المحترمة

 

الدول ليست كيس رز والا سكر والا عيش .... كرامتك يامواطن

 

والحفاظ على مقدرات وحدود بلدك والناس قبل كل ده

 

( ولقد كرمنا بنى آدم ) مش المسلمين بس

 

مطلوب مننا نجيب حقوق الكل مش ناس وناس وأولهم وأعلاهم حقوق الدم

 

لإنها ستظل لعنة على مدار السنين

 

والله المستعان

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخطر لصوص رمضان ، واللص أكثر ما ينشط في الليل ! ١.شاشة ٢.سرير ٣.مائدة طعام ٤.هاتف محمول فاحذرهم أن يسرقوك ومن عظيم الحسنات يجرّدوك. اللهم بلغنا رمضان ..

×