ساجدة للرحمن 2050 أرسلي تقرير عن المشاركة قامت بالمشاركة 12 اكتوبر, 2015 السلام عليكم ورحمة الله وبركاته سارة بنت محمد حسن سؤال ازاي أطلع طفل بيراقب ربنا وعلاقته حلوة معايا وبيعمل الحاجة من نفسه ؟؟ . جواب: شوفي عشان منبقاش برضه ناس مثالية من بتوع المثالية الخيبانة فيه ردع بالسلطان ما لا يردع بالقرآن لكن احنا بنربي مش ينردع وبس ...فنربي ونردع الاثنين بس نركز على التربية قبل وأثناء وبعد الأخذ بالأسباب : استعيني بالله وتجردي من حولك وقوتك وتضرعي إلى الله وأنت على يقين أنك على طاعة ببذلك هذا وأن النتائج بيد الرحمن وليس عليك إلا السعي حبا في الله رغبة فيما عنده وخشية له سبحانه . 1- أنك تكوني أنت أولا قدوة ...أنت نفسك لما بتشوفي حد بيعمل حاجة حلوة من غير ما يقولك اعمليها اعمليها اعمليها بتقلديه من نفسك لو حد قالك نصيحة عابرة ممكن تفضل لها أثر في نفسك . 2- التكراروالغرس بدون كلل وملل القاعدة بتقول ما تكرر تقرر بــ قصص الأنبياء / الحوار/التوجيه/ الانتباه/ التغافل التام أحيانا / التنبيه انك تغافلتي بمزاجك أحيانا/ تكرار أن الله يراك / مش أنا اللي هحاسبك ربنا اللي هيحاسبك/ - مش عاوزاك تصلي عشاني ولا تذاكر عشاني انا عاوزاك تذاكر وتصلي لنفسك عشان تدخل أنت الجنة عشان تنجح أنت في الدنيا وتخدم أنت دينك - أنا مش هنفعك ولا انت هتنفعني النبي قال يا فاطمة بنت محمد اعملي فإني لا أغني عنك من الله شيئا - سيدنا نوح قال لابنه يابني اركب معنا ومقدرش يعمل أكثر من كدة - سيدنا إبراهيم دعا أباه وأبوه طرده مقدرش يعمي حاجة أكثر من كدة - كل واحد لازم ينفع نفسه - يوم القيامة كل واحد هيقول نفسي نفسي - نفسي كلنا ندخل الجنة سوا يارب ازقنا - كرري العبارات دي كثير وغيرها وأشباهها . 3- مش لازم النتائج على المدى القريب عشان ده بيخليك تلجأي بسرعة وكثير للردع بالسلطان (العقوبات) ...لازم فيه عقوبات وكل شيء بس قبلها وبعدها وأثناءها ووو نركز على التربية والتوجيه ويفهم أن العقوبة مش عشان أحنا بنكرهه أو بنغلس لكن عشان بنحبه ...ولما تقولي الكلام ده هيحاول يستغلك ويعمل نفسه مش فاهم ..طنشي كرريها في وقت تاني ووقت الصفا بدون ما تسمحي لكلامه بالتأثير عليك ولما يبدا يلح اضحكي وقولي له لما تكبر هتعرف أن ده عشان بحبك فتقفلي عليه باب الاستغلال العاطفي . 4- فيه حاجات مهمة جدا هي دي الي نضغط فيها برفق..يعني برضه الضغط ميكونش بطريقة منفرة مجنونة ..ركزي على كام سلوك مينفعش أطلب 10 سلوك كلهم مظبطين وقت واحد ماهو هينسى وهتنسي وهنتعصب ..سلوك أو 2 او 3 مركزين عليهم عاوزين نشوف نتايجهم قريب ... . بس خليك عاقلة برضه يعني عيل مش عاوز يذاكر مش هتلاقيه بعذ شهر من المحاولة جايب الفول مارك إلا لو مسكتيه بصرامة تكرهه وتكرك في المذاكرة واللي اخترعوا المذاكرة .. لكن خليك واقعية وشوفي أيه هي السلوكيات الي لازم تتعدل وممكن تتعدل في الحال : زي مترميش الورق على الأرض لأني أنا اللي هوطي أشيله : وريني البر في دي وعامل فيها ربنا ..افتكري ان العالم الرباني هو الذي يربي الناس على صغار الامور قبل كبارها ...ابدأي بالحاجات البسيطة عشان لما تدخلي على الكبير يكون فيه اسس محطوطة . 5- خدي بالك من العقاب اللي فيه ضغط على الطفل واللي بيخرج منك في حالة الضغط انت كمان .. يعني يغلط ولو هفوة اديله / الرقابة الصارمة اللي تخلي الإنسان عاوز ينفد بجلده / الزعيق عمال على بطال / التهديد بالضرب في غير محله / الضرب الشديد في غير محله ... . كل ده بيفقدك نقاط قوة في علاقتكم حتى لو لقيتي نتايج .... ولازم لما تقعي في ده تعالجيه بسرعة بحوار لطيف بعد ما تهدي وتحاولي تزيلي اثره ومفيش مانع لو اعتذرت... لكن خدي بالك متشيليش أثره بتطرف بسبب إحساسك بالذنب ده غلط أكبر لأن الطفل هيستغلك وممكن يستفزك عشان تخرجي عن شعورك عشان عارف أنه بعد كدة هيقدر ياخد الي هو عاوزه بسبب شعورك بالذنب... . 6- حسني علاقتك بعيالك ...الحوار والقبلة والحضن / والانبهار بحاجات بسيطة/ والمفاجآت البسيطة جد /ا والمشاركة في اللعب / لما تعملي أكلة معينة قوليلهم عشان عارفة انكم بتحبوها / انا عملت دي عشانك / أنا عملت كدة عشان بحبك ...الخ من الآخر شوفي انت بتحبي الناس تعبر لك ازاي عن حبهم واعمليه مع عيالك . 7- ما لا يدرك كله لا يترك كله طموحك كبير ماشي بس أنت النهاردة حققتي من طموحك صفر إذا ممكن أحقق من طمووحي واحد يبقى أنا أنجزت!! عاوزة أحفظ العيال القرآن ده طموحي...لو حفظتهم 10 صفحات مش هينفع هنتعصب ونفقد بعض ويغيظوني وأغيظهم وأبقى حاسة اني لو مت مش هيحفظ لو أنجزتي صفحة بدون السلبيات دي أحسن من 10 بسلبيات من دي لو انجزتي 10 صفحات بدون حفظ متين ومع الوقت هيبقى متين مع تجنبك للسلبيات دي أحسن من 10 صفحات متقنين مع السلبيات الي زي دي . وهكذا وازني وحطي اولوليات وتنازلي عن الثانويات في بعض الأحيان والمهم تحققي شيء مع الاحتفاظ بعلاقة طيبة ومع توصيل معلومة ليهم انهم بيعملوا ده من نفسهم عشان نفسهم بينهم وبين ربهم 1 شارك هذه المشاركه رابط المشاركه شارك
سُندس واستبرق 4685 أرسلي تقرير عن المشاركة قامت بالمشاركة 13 اكتوبر, 2015 وعليكم السلام ورحمة الله وبركاته بارك الله فيك وجزاك خيرًا لنقله مقال مفيد ونافع . شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 20 اكتوبر, 2015 وبارك الله فيك يا غالية : ) شارك هذه المشاركه رابط المشاركه شارك
~ كفى يا نفس ~ 102 أرسلي تقرير عن المشاركة قامت بالمشاركة 24 اكتوبر, 2015 وعليكم السلام ورحمة الله وبركاته جزاك الله خيرا شارك هذه المشاركه رابط المشاركه شارك
الكستناء 19 أرسلي تقرير عن المشاركة قامت بالمشاركة 11 يناير, 2016 كلام جميل ربنا يعينا جميعا علي تربيتهم ويرزقنا الصبر،، شارك هذه المشاركه رابط المشاركه شارك
أمّ عبد الله 2365 أرسلي تقرير عن المشاركة قامت بالمشاركة 11 يناير, 2016 وعليكم السلام ورحمة الله وبركاته جزاك الله خيرا أنت وسارة شارك هذه المشاركه رابط المشاركه شارك
"إشفاق" 3 أرسلي تقرير عن المشاركة قامت بالمشاركة 11 يناير, 2016 جزاكم الله خيرا في موازين حسناتكم بإذن الله شارك هذه المشاركه رابط المشاركه شارك
همسة أمل ~ 875 أرسلي تقرير عن المشاركة قامت بالمشاركة 12 يناير, 2016 وعليكم السلام ورحمة الله وبركاته جزاك الله خيرا شارك هذه المشاركه رابط المشاركه شارك
ساجدة للرحمن 2050 أرسلي تقرير عن المشاركة قامت بالمشاركة 20 مارس, 2016 @@~ كفى يا نفس ~ وإياك يا حبيبة @الكستناء آمين يا رب @@أم عبد الله وإياك يا غالية @@همسة أمل ~ وإياك : ) شارك هذه المشاركه رابط المشاركه شارك