انجي حمدي 17 أرسلي تقرير عن المشاركة قامت بالمشاركة 11 فبراير, 2016 (معدل) *لم الغسيل * لم الغسيل يا بنات الطبيعي فى كل بيت بتعملوا ايه ؟ بتشيلي غسيلكمن على الحبل فى اى سبت او تحدفى على السرير ولما تبقى تفضي تبقى تطبقيه وممكن يفضل كدا يتاجل يتاجل لتانى يوم مش كدا؟ قولوا الحقيقة ما تكدبوش اوعى ابدا ابدا تدخلى غسيل جوة بيتك يعني ايه ؟ حطيتها قاعدة وماشية عليها من زمان وخلاص انتهت قصة الغسيل دي خااااالص وانا اصلا بالم الغسيل من على الحبال باطبقه فى ساعتها يعني الملاية مثلا اشيلها زى ماهيا من على الحبل متطبقة نصين وانا فاتحة دراعاتى الاتنين على وسعهم واروح مطبقة ايديا على بعض يبقى كدا بقت اربع ارباع واطبقها تطبيقة اخيرة وخلصت الملاية البنطلون اول ما اشيله اتنيه اتنين في نفس اللحظة واطبقه وخلص وهكذا مش عارفة شرحي سه ولا مش عارفة اوصل المعلومة اما التى شيرتات ففي ساعتها برده والقمصان كذلك الكمين على بعض يبقى كدا اتطبق نصين وبعدين اتنى الكمين على التى شيرت نفسه واطبقه كل ما امسك حاجة من على الحبل اطبقها بسرعة لدرجة اللهم بارك بقيت اطبق من قبل ماحد ياخد باله اللى فى ايدي دا ايه اصلا بقيت سريعة واخد الملابس بقى متطبقة جاهزة على الدولاب علطول # تنظيف دولاب المطبخ لو عندك دلفة جنب البوتوجاز او تحت الحوض وبتتبهدل بسرعة البرق وباقى المطبخ نظيف بس دي اللى مطلعة عينك وبيقع عليها حاجات كتير لفى عليها بلاستيك فيلم الشفاف بتاع الاكل هيريحك جدا وفى الاخر هترميه وهتلاقى الدلفة نظيفة وماتعبتيش مش قادرين ندعك تانى فى الصيام عايزين نحافظ علشان التنظيف فى العيد يبقى بسيط اتمنى اكون افدتكوا بس ياريت تشاركونى بافكاركوا وكمان عاوزة اتفق معاكوا كل اللى تقدر ماديا تجيب الاتى لانه هيختصر وقت كبير جدا عليكوا فى رمضان #حلة ضغط #غلاية #ترمس بجد بجد الطبخة اللى تستوى فى ساعتين تخلصيها فى ساعة وتروحى تشوفي يومك ماشي ازاى ووقت العزومات وحتى وانتى بتزودى الاكل مية كلله بالغلاية وبدل ماتقعدى جنب حلة المية ربع ساعة ولو كبيرة بقى اكتر علشان تغلى وتحطي فيها الطيور ولا اللحوم للعزومة تصبي من الغلاية فى ثوانى وبعد الاكل كلله يقول فين الشاى وتكونى انتى لسة اصلا ما شيلتيش الاكل مكانهم الترمس بقى استخدامه مختلف بالنسبالى لان الغلاية حلت مشكلة الشاي والمية الترمس تقدري تعملى الصلصةمثلا بدري وتحطيها فى الترمس ووقت الغرف صبيها زى صلصة الفتة فى العيد الكبير , زى صلصة الوش بتاعة الفرن , زى الشوربة لو الترمس كبير تبقى سخنة بدل ما تجهزيها ولا تقولى مفيش عين فاضية للشوربة هما لازم شوربة مع الاكل ايوة لازم وفعلا بننساها ونفتكر على اخر لحظة اننا ماسخناش الشوربة خلليكوا معايا وتابعوا الموضوع كل شوية هنضيف افكار وهنعلم وهنتعلم من بعض وبكدا هنفضى كمان للعبادات عايزة اقللكوا اوعوا رمضان يضيع منكوا السنادى لان اللى بتعمل اللى عليها فى رمضان مش بيعدي رمضان اللى بعده الا وربنا محققلها اللى نفسها فيه والسلام عليكم ورحمة الله زى المواعين حطي قانون فى حياتك على كذا حاجة كدا ممنوع منعا باتا رميها فى الحوض او وضعها على قائمة الانتظار لحين غسيلها زى ايه؟ #معلقة الشاي تقلبي بيها وفى ساعتها تحت المية ومع المعالق #المبشرة مش ممكن تسيبيها فى الحوض اللى عليها هينشف اشطفيها فى ساعتها وحطيها مكانها # طبق قطعتى فيه خضار او مصفاة غسلتى فيها رز اشطفيها وعنيها #الخلاط ضربتي الاوطة او العصير اشطفيه وهو لسه مافيهوش حاجة لازقة ولا ناشفة هيغلبك بعد كدا يلا خللصي نفسك وماتركنيهومش دا الجزء اللى اتكلمت فيه قبل كدا اما الجزء الجديد : بعد ما عملتى الاكل وغرفتى خلاص وهتخرجى من المطبخ علشان تاكلى بصي حواليكي بايديكى الاتنين تاك تاك ورا بعض لمى كووووووووووول المواعين المنتورة فى المطبخ على الرخامة والبوتوجاز وووووووووووو وارمى فى الحوض او على صفاية الحوض حسب نظامك والحلل او الصوانى افتحى المية تتنقع ليه؟ على ما تاكلى وترجعى يكون اللى اتنقع باش خلاص ويتغشل ويتعان انما لو رجعتى لسة ولميتي وفكرتى هتنقعى ايه دى عطلة وهتتضطري بعد ساعة ترجعى المطبخ تكملى غسيل مواعين 2_ حاولى دايما تستخدمى طبخ الحلة الواحدة علشان المواعين والكراكيب فى المطبخ تبقى قليلة يعني فيه ناس تروح حاطة الفراخ مع الخضار فى صينية الفرن وتغطي بفويل والسلام عليكم ورحمة الله او تقلى بصل وتحط اللحمة عليه تستوي وبعد كدا تضيف صنف الطبيخ فى الاخر بجد بتفرق فى الاخر مش هتلاقى حاجة فى المطبخ تغسليها طول اليوم 3_ فاكرين لما كنا بننظف ونعمل السندويتشات لاولادنا قبل ما نبتدى علشان ما يعطلوناش؟ طيب خللينا كدا علطول مش في رمضان بس خللى علبة مقفولة فيها سندويتش جبنة وجنبه تفاحة او خيارة وجنبها كيس بسكوت او معجنات من بيتك او بتى فور عاملاه واقفليها وكل ما طفلك يجوع اديله من السندويتشات والحاجات الجاهزة وتكملى شغلك من غير عطلة ولا تطفى البوتوجاز ولا تغسلي ايدك وتروحى تعملى اكل وبعدين ترجعى تكملى ولا حاجة هو ياخد بنفسه الاكل النهردة هنكمل الحاجات اللى تخللينا نختصر الوقت فى البيت ونفوق لنفسنا وللعبادة ان شاء الله وانتى بتغرفى الاكل حطيه كله على صينية كبيرة وطلعيه لحد السفرة وبكدا مش هتفضلي تروحى وتيجي او طبق يبرد على ما تجيبي الباقى كمان وانتى راجعة هتلمى كل اللى على السفرة على الصينية وبرده تروحى مرة واحدة فى مطبخك تخيلي لو كل يوم الصبح بتفردى ورقة جلاد او كيس كبير نضيف مش اسود تفتحيه بالمقص او ورق زبدة لو بتجيبيه رخيص تفرديه على الرخامة طول اليوم فى مطبخك تقطعى وتجهزى وكل حاجة واخر اليوم كل الى عليكي انك تلمة المفرش او الورق الكبير دا وترميه وشكرا ررجعت الرخامة فاضية وناشفة ونظيفة ونفس الحكاية لو تحطي الملاعق اللى بتقلبي بيها الاكل والطبيخ فى علبة النستو الفاضية واخر اليوم برده باى باى , وممكن بدالها اطباق كرتون من بتاعة الحلويات بالجملة بس النستو مش بتكلف حاجة وبتترمى فى اى وقت كمان جوة الباسكيت نفسها تحت الاكياس بلاش تحطي جرنال لان احيانا بيكون فيه اسماء الله فمينفعش نستعمله كدا كل ما تجيبي كرتونة بيض اقطعيها على حجم الباسكيت من جوة وحطيها وبعدين الاكياس فوقها ما تتصوروش الحركة دى بتريحنى اد ايه . حتى لو الاكياس نزلت مية مع انى باحط كذا كيس جوة بعض بس لو نزل مية او حاجة بتنزل فى العيون مكان البيض وعمرها ما بتبوظلى الباسكيت ابدا وبتفضل نظيفة وقت طويل جدا منقول لتعم الفائدة تم تعديل 16 فبراير, 2016 بواسطة سُندس واستبرق حذف الروابط الخارجية 1 شارك هذه المشاركه رابط المشاركه شارك
درة أنا بحجابى 344 أرسلي تقرير عن المشاركة قامت بالمشاركة 11 فبراير, 2016 السلام عليكم ورحمة الله وبركاته جزاكِ الله خيرا ياغالية . شارك هذه المشاركه رابط المشاركه شارك
انجي حمدي 17 أرسلي تقرير عن المشاركة قامت بالمشاركة 11 فبراير, 2016 السلام عليكم ورحمة الله وبركاته جزاكِ الله خيرا ياغالية . شكرا حبيبتي الله يكرمك شارك هذه المشاركه رابط المشاركه شارك
ام جومانا وجنى 515 أرسلي تقرير عن المشاركة قامت بالمشاركة 15 فبراير, 2016 السلام عليكم ورحمة الله وبركاته جزاك الله خيرا شارك هذه المشاركه رابط المشاركه شارك
انجي حمدي 17 أرسلي تقرير عن المشاركة قامت بالمشاركة 16 فبراير, 2016 @ام جومانا وجنى شكرا حبببتي جزاكي الله خيرا شارك هذه المشاركه رابط المشاركه شارك
راماس 860 أرسلي تقرير عن المشاركة قامت بالمشاركة 16 فبراير, 2016 وعليكم السلام ورحمة الله وبركاته جزاكِ الله خير يا حبيبة موضوع مليئ بالفوائد شارك هذه المشاركه رابط المشاركه شارك
انجي حمدي 17 أرسلي تقرير عن المشاركة قامت بالمشاركة 16 فبراير, 2016 @راماس نورتي الموضوع يا قمر شارك هذه المشاركه رابط المشاركه شارك
