دجاج بالمشروم و الجبن -شوربه

[Omtaym_ALLAH 11]

يا حلوات : البردانين و العيانين و المزكومين و اللى ماهومش مزاج للاكل و الكسلانين يتفضلوا علشان النهارده يوم الشوربه

 

 

cream of mushroom ,chicken and parmasian

شوربه المشروم ( فطر - شمبينيون ) بالدجاج و الجبن

 

من الاخر : مش للريجيم ! :dry:

 

 

بسم الله نبدأ :cry:

 

لعمل طبق واحد

 

كوب دجاج مسلوق و مسحب من العظم

كوب شوربه

بصله صغيره

4 وحدات مشروم مقطعه

ربع ملعقه ثوم مفروم

ملعقه جبن برمازيان

بهار و ملح و جوزطيب و هيل ( للتذوق)

بقدونس مفرى

قطعه زبد صغيره

ربع كوب حليب + ملعقه كبيره دقيق

 

الطريقه

ضعى قطعه الزبد على النار و معها البصل ( يمكن استخدام ملعقه بصل مجفف ) و الثوم و المشروم الى ان تتدرج الى اللون الذهبى

ضعى الدجاج المسحب و اتركيه يأخذ اللون مع تبهير المكونات بالبهار و الملح

ضعى الشوربه

قلبى ملعقه الدقيق مع الحليب

اضيفى المقدار ( الحليب و الدقيق) تدريجيا مع التقليب المستمر حتى يسمك قوام الشوربه

ضعى البقدونس المفرى

و قدميه فى طبق و ضعى ملعقه الجبن البرمازيان المبشور

يقدم مع بسكويت مالح او بسكويت جبن cheese crackers او يمكن تقديمه مع خبز الثوم garlic bread

 

خبز الثوم garlic bread

 

خبز الثوم : يدهن سطح الخبز الفرنس او التوست بقليل من الزبد المملح و الثوم المفرى و الجبن

و يمكن تجهيز قطعه زبد ممتزجه بملعقه ثوم بعد تطريتها تلف فى قطعه ورق زبد لحين الاستخدام كاسطوانه ، و يمكن وضع الاعشاب بها او الجبن المبشور و يدهن سطح الخبز بها و تقدم بعد تجميصها فى التوستر او الفرن :cry: يممممممممى !

ما قلت مش للرجييييييييييييم :dry:

تم تعديل 12 ديسمبر, 2006 بواسطة Omtaym_ALLAH

[Omtaym_ALLAH 11]

* يمكن استخدام الكريم فريش بعد الانتهاء من التحضير * نسيت ! اصلى بأكل منها مش فاضيه دلوقت

جميييييله !

تم تعديل 12 ديسمبر, 2006 بواسطة Omtaym_ALLAH

[نــوار 1]

وعليكم السلام ورحمة الله وبركاته،،

 

بارك الله فيكِ أختي ام تيم على هذه الطبق ..

وجزاكِ الله خير

[محبة عائشه وخديجه 0]

لاتعليق

:biggrin:

[زهرة الربيــع 0]

ماشاء الله عليكي

عصافير بطني بتزغزغ

حراااام عليكي

تسلمي يا ام تيم :)))

[لواء العزة 5]

السلام عليكم ورحمة الله وبركاته،،

حلوة دى كمان يلا ابعتى لى طبق

واتصرفى وماتقوليش اروح اجيبة

مصاصة من عند عم محمد البقال

تسلم الايادى حقيقى حبيبتى

ام تيم

متربعة على ترابيزة السفرة

هههههههههههههههههههه

لاء حقيقى مشكوووورة كتير

[Omtaym_ALLAH 11]

الله !!!!!!!!!! لا المصاصه برضو مضمونه يا مرمر ههههههههه و مالو عم محمد دا راجل شقيان يعنى نتضامن مع وقفته اسكتى ! دا انا حموووووت على جبن رومى و الله لو شفت عم محمد البقال ابوس ايدو على ربع رومى هههههههههههه قال برمازيان و موزاريللا ! اللى ما داقش الرومى يتمرغ فى تراب بقاله عم محمد هههههه

تسلمى مرمور علطول مشجعانى !

 

زهرتى سلامه عصافيرك و كناريكى يا حبى ههههههه ما انت بقى عملاها جنينه و ربيع لازم العصافير تزغزع عارفه لو قلبتيها غيوم الامطار مثلا ! ما كانتش عصافيرك تزغزغ ههههه

 

طب ايه اللى جت و كلفت نفسها و شايله بيبيهاتها فى بطنها و تقول لا تعليق دى ؟ ماشششششى يا بتاعه اللاتعليق شوفى مين بقى يرجع من عرض البحر بالاتوبيس هههههههههههههههه ضحكتينى قال لا تعليق قال يعنى انا اهز طولى و اعمل الشوربه علشان تتدفوا و تقوليلى لا تعليق ! ماشى يا بتاعت الكشرى و اللقم طب دا انا عامله على شرفك لقم محبه حتى هههههههههههه ههههه

 

تسلمى اختى نوار و فيك بارك الله :)

[~~أم أسيل~~ 26]

السلام عليكم ورحمة الله وبركاته،،

 

 

طيب انا هاجربها

 

بس شويه اسأله من غير ضحك

 

هي الفراخ بنحطها نايه و لا بتكون مسلوقه و لا ايه نظامها

 

و كمان الشوربة يعني نعمل شوربه و نحطها

 

برمازيان و ايه ده موجود في مصر يعني

 

اصل مليش في المطبخ

 

فياريت تقوليلي و اجربها : )

[Omtaym_ALLAH 11]

انت تجرى حالا على صفحه تعليم الحلوات انت مش سايبالك هناك واجب تعمليه ؟

حطى جبنه رومى مش لازم برمازيان ( و بينى و بينك بتوحم عليها حموت )

الدجاج مسلوق اللى بعمله فى الوصفه

يا امى دى صور و خطوات اعمل ايه اكثر من كده بقى ؟ بالصور اهو و الكرتون و اقرى الطريقه مالك ؟

نهايتو من تانى اديكى سكشن لوحدك

 

حته زبده زغنونه نونا نونا و تقطعى فيها البصله و الثومه و العش غراب ( المشوروم) و بعدين تكونى مجهزه الشوربه اللى سالقه فيها الفراخ ( ميه +بصله +بهار+ملح+ فرخه = شوربه ) لو مفيش مالكيش كيف حطى مكعب مرق دجاج فى كوب ماء و اغليه = شوربه و قطعى فيه قطعه دجاج مسلوقه و حطى كلو مع بعض الشوربه و الدجاج على البصله و الثومه و الزبده اللى عملتيهم و بعدين ذوبلى معلقه الدقيق فى ميه و قلبيهم لما يدوبو حطيهم على اللى قلته قبل كده و عليها جبنه رومى مبشوره او كريمه لو حبيبتى و لو تؤمرينى اجى اعملهالك اسهللى هههههه

[~~أم أسيل~~ 26]

السلام عليكم ورحمة الله وبركاته،،

 

 

هههههههههههههه

 

خلاص هاعملها عجباني دي اوي

 

بقول لماما عليها كانت هتزغرت اني هاتدخل المطبخ

 

هابقي اقولك ام تيم عملت ايه

 

لو في خساير تعالي احسن مش كده ههههههههههههههه

 

تسلمي : )

[Omtaym_ALLAH 11]

( الورد لخالتو مش ليكى ) ناديهالى ناديهالى

يا خالتو ( اكياس شيبسى بقى و كده ها و بسكوت و شاى و جبنه و بقسماط من عند عم محمد احسن النهارده مفيش غدا ) احمممممممم الله بجد و الله الله ! الله جميييييييله الشوربه تسلم ايدك ! شوربه ممتاااااازه

[محبة عائشه وخديجه 0]

هههههههههههههه

ههههههههههههههه

 

ام تيم الله والله ضحكتيني بردك علينا ههههههههههههههههههههه

 

ياستي يا ام تيم صبي الشوربه على عصافيرزهرة الربيع خليهم يغرقوا هههههههههههههههه اكلوها في بطنها ههههههههههههه

 

 

طيب انا ماعلقتش على الشوربه لأني ناويه اقول كفايه تعذيب ثاني بس قلت عندي طلب كشري لو قلت هذا التعليق ماحصليش الكشري وانا ماصدقت انك رجعتي من البحر الحمد لله على سلامتك

 

 

بس الحين راح اقول تعليقي

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

الشوربه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

لذيذه جدا جدا

 

 

 

ومقاديرها سهله وواضحه وطبعا لازم اسويها بس لما اروح اجيب الفطر بس انا كيف اطلع من البيت والبرد هلكني :blink:

 

 

تسلميلي

[زهرة الربيــع 0]

زهرتى سلامه عصافيرك و كناريكى يا حبى ههههههه ما انت بقى عملاها جنينه و ربيع لازم العصافير تزغزع عارفه لو قلبتيها غيوم الامطار مثلا ! ما كانتش عصافيرك تزغزغ ههههه

 

 

:huh: اللــــــــــــــــه ايه ده !! ايه ده يا ام تيم ..

انتي بتتكلمي على النك نيم بتاعي !! :dry:

بأولك انا زهرة الربيــع وعصافير بطني تزغزغ بسبب الشوربه بتاعتك دي تؤليلي اقلبها وماني عارفه ايه غيوم وامطار .. على فكرة مش وحشه غيوم وامطار رمانسيه جداااا ..

:wacko: مش كفايه دانتي مسمنه كل اللي بييجو ويدخلوا على اكلاتك دي اللي بتخلي الوحدة تربرب وتبأه مربربه جوزها مايئدرش يشلها دا رجالتهم لما يشيلوهم بيندفنوا :biggrin:

انا حخليها غيوم الامطار علشان اغرئك معاااااايا :laugh:

 

ام تيم الله والله ضحكتيني بردك علينا ههههههههههههههههههههه

 

ياستي يا ام تيم صبي الشوربه على عصافيرزهرة الربيع خليهم يغرقوا هههههههههههههههه اكلوها في بطنها ههههههههههههه

 

:dry: وانت يا مدام يا محبه عاوزة تغرئي عصافيري الله اكبر الله اكبر طيب ..

دا اللي نائصني دا احنا اللي عاوزين نشربها في بطنك يا محبــــــــــــــــــــــــــــــــــــــــــه ..

و عصافيري مابتشربشي شوربه يا حلوة اصل الشوربه تئيله على معدتها دي عاوزة تشرب من ميت الندى اللي عالزهووووور :laugh: مش احلى واخف على معدتها ..

 

تسلموا على دمكو الخفيف اللي زي الشربااات ياعسل انتوا ..

 

تسلم صوابعك يا (ام تيم) .

تم تعديل 24 ديسمبر, 2006 بواسطة زهرة الربيــع

[Omtaym_ALLAH 11]

ام تيم غلبت معاكو ههههههههه عايزه تأكلكو و تربربكو ما يعجبش اعملكو ريجيم و اعملكو اكل خفيف خفيف تقولوى كشرى و لقمه القاضى طيييييييييييب اعمل ايه ! ارتاحو بقى منى شويه الكلميرا اصيبت بوعكه صحيه هههههههه شكلى مش حنزل اكلات لحد ما اشوف حكايتها ايه و اقضوها شوربه و سلامه زغازيغ بطونك ههه :)

[ام الاشبال 3]

السلام عليكم ورحمة الله وبركاته،،

يا ام تيم يا عسل انت مين اللى زعلك بس

دول اخواتك الصغيرينو بيدلعوا عليكى

احنا لينا مين غيرك :roll:

دحنا داخلين على يومين عيد كل سنه وانتى طيبه يعنى عايزين كام طريقه كده للمحمر والمشمر والمشوى عايزه اروش ابو العيال بالطواجن

بس ياريت يبقى فى صنف دايت عشان اختك بس

احبك فى الله (ام يوسف)

[Omtaym_ALLAH 11]

احبك الذى احببنى فيه يا ام يوسف ! شوفتى يا ستى عاملين فينى ايه ؟ و الله غلبونى !

و ابو العيال على راسنا نجيبلو الطواجن هههه و الله كنت لسه بحضر كام طبق و ان شاء الله حنزلهملك و عامله حسابك فى الدايت ! ( بس بينى و بينك اول يوم لا دايت و لا يحزنون ما تضحكيش على نفسك و علىّ ) هههههه الله يتقبل منا صالح العمل بس و كل سنه و انت و اسرتك بخير حبيبتى :)

[ملتقى الأحبة 1]

مشكوووووووووووووووورة

[زهرة الربيــع 0]

:blink: غلبناك يا ام تيم !

:angry: معلش استحملي زي مانا استحملت ههههههههههه

الله يخليكي لينا يا ام تيم :angry: